<مکتوب خادم>

المؤمنات ایمان

والی خواتین اپنا مقام اور کام سنبھالیں

السلام علیکم ورحمة اللہ وبرکاته...

اللہ تعالی نے اعلان فرما دیا ہے کہ..

الْمُؤْمِنُوْنَ وَ الْمُؤْمِنٰتُ بَعْضُهُمْ اَوْلِیَآءُ بَعْضٍ (التوبہ۷۲)

ترجمہ: ”مؤمن مرد اور مؤمنہ عورتیں ایک دوسرے کے مددگار ہیں“...

یعنی ایک جماعت ہیں..اور اس جماعت کے پانچ کام ہیں..ان آیات سے پہلے اللہ تعالی نے اس جماعت کی ضرورت سمجھائی اور ارشاد فرمایا کہ..

اَلْمُنٰفِقُوْنَ وَ الْمُنٰفِقٰتُ بَعْضُهُمْ مِّنْۢ بَعْضٍ (التوبہ۶۸)

کہ منافق مرد اور منافقہ عورتیں ایک دوسرے کے ہم مقصد، ہم مشن اور ساتھی ہیں..اور یہ دونوں مل کر پانچ کام کرتے ہیں (۱) یہ خود کو مسلمان کہتے اور کہلواتے ہیں مگر ان کے دل اسلام سے مطمئن نہیں ہوتے..ان کی زبان کچھ ہوتی ہے..اور عمل کچھ ہوتا ہے...(۲) یہ گناہوں اور برائیوں کو پھیلاتے ہیں اور انکی دعوت دیتے ہیں..(۳) یہ نیکیوں سے روکتے ہیں خصوصاً جہاد فی سبیل اللہ سے..(۴) یہ مال کے لالچی اور حریص ہوتے ہیں، جہاد پر اور دین پر نہ خرچ کرتے ہیں اور نہ کسی کو خرچ کرنے دیتے ہیں..(۵) جہاد کی سخت مخالفت اور دشمنی کرتے ہیں..اسلامی معاشرے کے اندر گھسے ہوئے اس طبقے کے شر سے مسلمان کیسے بچ سکتے ہیں تو....اگلی آیات میں سمجھا دیا گیا کہ...ایمان والے مرد اور ایمان والی عورتیں دین کی بنیاد پر ”ایک جماعت“ بن جائیں....اس طرح وہ اللہ تعالی کی رحمت، جنت اور رضا کے مستحق ہو جائیں گے اور کفار و منافقین کے شر سے محفوظ رہیں گے..

اب ہر مسلمان ان دونوں طرح کی آیات میں غور کر کے اپنا مقام اور اپنا کام تلاش کر سکتا ہے..حضرت امام ابن حبان رحمہ اللہ تعالی نے دونوں طرح کی آیات کا بہترین خلاصہ نکالا ہے..

(۱) منافق مرد اور عورتیں نیکی سے روکتے ہیں، برائی کی طرف بلاتے ہیں جبکہ مؤمن مرد اور عورتیں نیکی کا حکم کرتے ہیں اور برائیوں سے روکتے ہیں..

(۲) منافق مرد اور عورتیں نماز میں سستی کرتے ہیں جب کہ مؤمن مرد اور عورتیں نماز قائم کرتے ہیں..(۳) منافق مرد اور عورتیں زکوٰۃ میں بخل کرتے ہیں جبکہ مؤمن مرد اور عورتیں کھلے دل سے زکوٰۃ ادا کرتے ہیں..(۴) منافق مرد اور عورتیں جہاد سے دور رہتے ہیں، پیچھے رہتے ہیں جب کہ مؤمن مرد اور عورتیں جہاد میں نکلتے ہیں جہاد کی خدمت کرتے ہیں..(۵) جب اللہ تعالی کی طرف سے جہاد کا حکم آتا ہے تو منافق خود بھی نہیں نکلتے دوسروں کو بھی روکتے ہیں جب کہ مؤمن بڑھ چڑھ کر اس میں حصہ لیتے ہیں..

(گزارش) منافق مرد اور عورتیں اپنے کام پر زور شور سے لگے ہوئے ہیں تو مؤمن مرد اور عورتیں دین، ایمان، جہاد اور حفاظت اسلام پر.. ایک دوسرے کا تعاون کیوں نہیں کرتے؟ ایک جماعت کیوں نہیں بنتے؟ مؤمنین کی طرح...مؤمنات کو بھی اپنی ذمہ داریاں سنبھالنا ہوں گی.....تب فتوحات کے دروازے کھلیں گے ان شاءاللہ..

والسلام

خادم.....لااله الاالله محمد رسول الله

02.10.2025

بسم اللہ الرحمن الرحیم

<مکتوب خادم>

قافلے کا شکریہ

السلام علیکم ورحمة اللہ وبرکاته...

اللہ تعالی....اہل غزہ..اور ان کے تمام ”معاونین“ کی ”خصوصی نصرت“ فرمائیں..رات جو مناظر اور خبریں سامنے آتی رہیں...وہ بڑی دردناک، عبرتناک اور قابل نفرت تھیں..”گلوبل صمود فلوٹیلا“ پر صہیونی طاعونی چوہے حملہ آور ہو گئے..اللہ تعالی اس قافلے کے ہر ہر فرد کی حفاظت فرمائیں...

رات ساری دنیا نے دیکھ لیا کہ ”صہیونی“ پوری انسانیت کے ”دشمن“ ہیں..دودھ کے ڈبے ہاتھ میں اٹھا کر..خوفناک سمندری سفر طئے کرنے والوں کے ساتھ..کیا کوئی ”انسان“ ایسا سلوک کر سکتا ہے؟..نیتن یاہو اور اس کی فوج ”انسان“ نہیں..ایک ”سرطان“ ہیں..ناسور ہیں..ساری دنیا کو ”غزہ“ کے مجاہدین اور شہداء کا شکر گزار ہونا چاہیے کہ انہوں نے.....اس ”ناسور“ کی حقیقت دنیا پر کھول دی ہے..اور کروڑوں، اربوں انسانوں کے دلوں میں..صہیونیوں کے لیے وہ نفرت بھر دی ہے جس کے وہ حقدار تھے...

اللہ تعالی محترم مشتاق احمد (سابق سینیٹر) کو عظیم جزائے خیر عطاء فرمائے..انہوں نے ”حقیقی مسلمان“ ہونے کا ثبوت دیا..جہاد فی سبیل اللہ سے وابستہ افراد کو تو نہ ویزے ملتے ہیں..اور نہ انہیں کوئی سفر کرنے دیتا ہے..انہیں یہ سہولت حاصل ہوتی تو پھر ”فلوٹیلا“ کی شکل ہی کچھ اور ہوتی..بہرحال جو لوگ نکل سکے انہوں نے واقعی بڑا اور قابل تحسین کام کیا ہے..اس قافلے کو روکنا خود اسرائیل کی شکست ہے..وہ اب سائے سے بھی ڈرتا ہے..

یہ قافلہ رک گیا تو کیا ہوا؟ابھی اور قافلے نکلیں گے ان شاءاللہ...بہت بڑے بڑے قافلے..اور سارے قافلے ہمیشہ غیر مسلح نہیں ہوں گے کہ کوئی گن دکھا کر ان کے ہاتھ اونچے کرا سکے..

مسلم حکمران....قرآن مجید میں ”یہودیوں“ کو پڑھ لیں..ان کی عہد شکنی کی داستانیں دیکھ لیں..انبیاء علیہم الصلوۃ والسلام کے یہ قاتل.....اس قابل نہیں کہ انہیں اپنے ملکوں میں گھسنے دیا جائے..یا ان کے وجود کو تسلیم کیا جائے..صمود فلوٹیلا والوں کا شکریہ! انہوں نے اپنی قربانی سے......یہودیوں کے لیے زمین مزید تنگ کر دی ہے....

والسلام

خادم.....لااله الاالله محمد رسول الله

<مکتوب خادم>

مسجد کا پہلا اعلان

السلام علیکم ورحمة اللہ وبرکاته..

اللہ اکبر، اللہ اکبر......ہر ”مسجد“ سے روزانہ پانچ وقت ایک ”اعلان“ ہوتا ہے..اس ”اعلان“ کو ”اذان“ کہتے ہیں..اور ہر ”اذان“ میں چھ بار ”اللہ اکبر“ کا ”برحق جملہ“ دھرایا جاتا ہے....چار بار شروع میں اللہ اکبر، اللہ اکبر، اللہ اکبر، اللہ اکبر..اور دو بار آخر میں اللہ اکبر، اللہ اکبر لا الہ الا اللہ......گزشتہ مکتوب میں عرض کیا تھا کہ..جہاں سے جس چیز کا اعلان ہوتا ہے..وہاں پر وہی چیز ملتی ہے..” مسجد“ میں ”اللہ اکبر“ ملتا ہے..اللہ سب سے بڑا ہے....اللہ سب سے بڑا ہے....ایک مسلمان کو مسجد میں جا کر یہ عقیدہ نصیب ہوتا ہے کہ..اللہ اکبر...یہ حقیقت دل میں اترتی ہے کہ ”اللہ اکبر“....جب مسلمان کو یہ عقیدہ نصیب ہو جاتا ہے تو پھر وہ حقیقی مؤمن بن جاتا ہے...ورنہ زمین کی دھوکے والی زندگی میں تو ہر کوئی اپنی ”بڑائی“ کا دعویٰ کرتا ہے..کوئی کہتا ہے امریکہ عظیم ہے، گریٹ ہے، بڑا ہے..سارے اس کے سامنے جھک جاؤ..کوئی کہتا ہے کہ رشیا، چائنا گریٹ ہیں، عظیم ہیں..اور خود انسان کا نفس یہ کہتا ہے کہ میں بہت بڑا ہوں....ہم اگر دنیا کی کسی طاقت کو بڑا مانیں گے تو ذلت، غلامی اور گناہ میں مبتلا ہو جائیں گے..ہم پر ”وھن“ یعنی بزدلی اور کمزوری کا کینسر حملہ آور ہو جائے گا..اور ہم جھاگ کی طرح..بے وزن اور بے وقعت ہو جائیں گے..اور اگر ہم خود کو بڑا سمجھنے لگے تو تکبر کی موذی بیماری ہمیں گرا دے گی..اور ہم اپنے نفس کے اندھیروں میں گم ہو جائیں گے....اس لیے ہم ”اللہ اکبر“ کے بے حد محتاج ہیں..” اللہ اکبر“ کا عقیدہ ہمارا علاج بھی ہے..اور ہماری قوت اور حفاظت بھی..اللہ تعالی کی بڑائی اور کبریائی کے سامنے ہمارا نفس..ایک مچھر سے بھی زیادہ حقیر اور چھوٹا ہے..تو پھر ”تکبر“ کی کیا گنجائش؟ ہم تو اللہ تعالی کی بنائی ہوئی زمین اور آسمان کے مقابلے میں بھی ایک ذرہ برابر نہیں...دوسری طرف ہمیں ”اللہ اکبر“ نے سب سے بڑے تک پہنچا دیا تو پھر یہ چھوٹے چھوٹے مکھی مکوڑے ہمارا کیا بگاڑ سکتے ہیں؟ یوں دل سے ہر ”غیر اللہ“ کا خوف نکل گیا..مسجد میں ہم نے دیکھا کہ سب انسان ایک ہی رب کے سامنے زمین پر پیشانی رکھے پڑے ہیں..بس یہی حقیقت ہے کہ اللہ تعالی سب سے بڑا ہے..اور باقی سب اس کے حکم کے سامنے سجدہ ریز ہیں..وہ اللہ تعالی کے حکم کے بغیر نہ کسی کو مار سکتے ہیں..نہ زندہ کر سکتے ہیں..نہ کھلا سکتے ہیں، نہ پلا سکتے ہیں..نہ دے سکتے ہیں نہ چھین سکتے ہیں..

پھر کیوں کسی کی غلامی؟ پھر کیوں کسی کا خوف؟..دنیا میں کئی طاقتور آئے اور پھر ختم ہو گئے..مگر مسجد ہر حال میں، ہر زمانے میں ایک ہی سچا اعلان سناتی رہی کہ...اللہ اکبر، اللہ اکبر.....یہی آواز گونج رہی ہے اور یہی آواز گونجتی رہے گی..باقی سارے ”گریٹ“ مٹی اور خاک میں مل جائیں گے..

مقابلہ عشق مساجد...زندہ باد...اللہ اکبر کبیرا...

والسلام

خادم.....لااله الاالله محمد رسول الله