بسم اللّٰہ الرحمٰن الرحیم
مکتوبات 2011
01-03-2011
مکتوب خادم
السلام علیکم ورحمۃ اللہ وبرکاتہ!
اللہ پاک مجھ پر اور آپ سب پر اپنی رحمت فرمائے۔ چند دن پہلے خواب میں کسی انجان بزرگ سے ملاقات ہوئی۔ انہوں نے حفاظت کا عمل بتایا کہ 50 بار یہ کلمات پڑھیں۔ تمام ساتھی روزانہ 50 بار ان کلمات کا اہتمام کریں۔ کلمات یہ ہیں۔ اَشْہَدُ اَن لَّا اِلٰہَ اِلَّا اللّٰہُوَحْدَہُ لَاشَرِیْکَ لَہٗ وَاَشْہَدُ اَنَّ مُحَمَّدًا عَبْدُہٗ وَرَسُوْلُہٗ
والسلام
خادم
(حفاظت کاعمل)
10-03-2011
مکتوب خادم
السلام علیکم ورحمۃ اللہ وبرکاتہ!
جامع مسجد سبحان اللہ کی مبارک مہم میں محنت کرنے والوں کو سلام محبت۔ اللہ پاک سب کو اپنی خاص رحمت اور فضل عطا فرمائے اور آپ سب کو ہمیشہ ایمان کامل نصیب فرمائے، ایسا ایمان جو سدا ساتھ دے۔ 2 دن رہ گئے اپنے آج کو قیمتی بنائیں۔ اور ایسی محنت کریں کہ زمین و آسمان بھی آپ کی ایمانی ادائوں پر دعائیں کریں۔
والسلام
خادم
(جامعہ مسجد سبحان اللہ مہم)
31-03-2011
مکتوب خادم
السلام علیکم ورحمۃ اللہ وبرکاتہ!
اس زمانے میں جہاد کا کام بہت بڑی اور بھاری سعادت ہے۔ شیطان کو اس کام سے بہت تکلیف ہے۔ قرآن پاک کے مطابق شیطان دو قسم کے ہیں۔ ایک جناتی، دوسرے انسانی۔ یہ دونوں قسم کے شیطان وساوس کے حملے کرتے ہیں۔ کبھی بے چینی، کبھی بددلی، کبھی مایوسی، کبھی گناہوں کی بہت رغبت، کبھی دنیا کی محبت کا زہر دل میں ڈالتے ہیں، تاکہ فرض کام بند ہوجائے۔ کام تو بند ہو نہیں سکتا۔ البتہ محروم لوگ وساوس کا شکار ہوکر کام سے محروم ہوجاتے ہیں۔ اسکے علاج کیلئے سورۃ الفلق اور سورۃ الناس سو بار پڑھ کر اپنے اوپر دم کریں۔ یہ عجیب علاج ہے۔ اگر کسی پر جادو، نظر یا بیماری ہوگی تو وہ بھی انشاء اللہ دور ہوجائے گی۔ جو ساتھی زیادہ بے چینی، بے اطمینانی، گھٹن یا گناہوں کے حملوں کا شکار ہیں وہ خود پر رحم کھا کر چند دن مسلسل یہ عمل کریں اور خود کو تباہی اور نقصان سے بچانے کیلئے کوشش کریں۔ جو ساتھی آج رات یہ عمل کرے گا بندہ اس کیلئے رحمت کی خاص دعا کرے گا، دعا کی گزارش کے ساتھ۔
والسلام
خادم
(شیطانی وساوس سے حفاظت کا عمل)
15-04-2011
مکتوب خادم
السلام علیکم ورحمۃ اللہ وبرکاتہ!
اللہ پاک آپ سب پر رحمت فرمائے۔ جن ساتھیوں کو سورۂ یٰسین، سورۂ ملک اور سورۂ کہف کی پہلی اور آخری دس آیات یاد نہیں ہیں وہ آج کے مبارک دن انہیں یاد کرنے کی نیت اور دعا کریں۔ کسی مسلمان کو بھی ان سے محروم نہیں ہونا چاہئے۔ اپنے گھروں میں یاد کروائیں۔ آج نیت اور دعا کریں اور کل سے یاد کرنا شروع کردیں۔ روزانہ ایک گھنٹہ آرام، گپ شپ اور کھانے سے بچا کر قرآن پاک سے یاری کریں۔ اورتمام ساتھیوں سے منت کے ساتھ درخواست ہے کہ نماز باجماعت کا تکبیر اولیٰ سے اہتمام کریں اور تکبیر اولیٰ کا چلہ پورا کریں۔ آج جو ان دو کاموں کی نیت کرے اللہ پاک اسکی خاص نصرت فرمائے۔ آمین والسلام
خادم
(سورۃ یٰسن وغیرہ یادکرنے کی ترغیب)
22-04-2011
مکتوب خادم
السلام علیکم ورحمۃ اللہ وبرکاتہ!
آپ سب کو جمعہ مبارک۔ حضور پاک ا کا ارشاد مبارک ہے ’’مسلمان وہ ہے جس کے ہاتھ اور زبان سے دوسرے مسلمان محفوظ ہوں‘‘۔
آج اپنا محاسبہ کریں کہ ہم اس حدیث پاک پر کتنا عمل کرتے ہیں؟ عمل نظر آئے تو شکر ادا کریں۔ کمزوری نظر آئے تو استغفار اور عمل کی نیت کریں۔ میرے بھائیو! غیبت، تنازع، بہتان، جھوٹ سب ناپاک چیزیں ہیں۔ آپ مسلمانوں کیلئے اسلام اور سلامتی کو اور دشمنان اسلام کیلئے شدت اور موت کو سستا کریں۔ اَشِدَّائُ عَلَی الْکُفَّارِرُحَمَائُ بَیْنَہُمْ
والسلام
خادم
(رحماء بینھم بننے کی ترغیب)
29-04-2011
مکتوب خادم
السلام علیکم ورحمۃ اللہ وبرکاتہ!
اللہ پاک کا فرمان ہے ’’اے ایمان والو پورے پورے اسلام میں داخل ہوجائو‘‘۔ روایات کا مفہوم ہے کہ اللہ پاک کو اپنے بندوں میں 2 عادتیں پسند ہیں۔ (1) ایک بہادری، حتیٰ کہ سانپ، بچھو مارنے میں بھی۔ (2) مالی معاملات اور حلال وحرام میں بہت باریکی کے ساتھ احتیاط۔ اللہ پاک مجھے اور آپ سب کو ایمان کامل کے ساتھ یہ 2 عادتیں بھی نصیب فرمائے۔ آج کا جمعہ مالی معاملات میں درستگی اور احتیاط کا سبق ہے۔ حرام، مشکوک اور مشتبہ مال سے پرہیز، خیانت اور چوری سے خنزیر کے گوشت کی طرح نفرت، قرض کی فوری ادائیگی، کسی کا مال اپنے پاس ہو تو اسکو فوراً ادا… اجتماعی اموال میں شریعت کے احکام کی پاسداری۔ جو آج ان سب پر عمل کرے یا عمل کرنے کی پختہ نیت کرے، دعا ہے کہ اللہ پاک سب کو غنی بنادے اور زندگی بھر اسکو مال، رزق میں کسی کا محتاج نہ فرمائے۔
والسلام
خادم
(مالی معاملات میں احتیاط کی ترغیب)
03-05-2011
مکتوب خادم
السلام علیکم ورحمۃ اللہ وبرکاتہ!
حضرت شیخ اسامہ بن لادنؒ کی شہادت امت مسلمہ کیلئے عظیم سانحہ اور خود شیخ کیلئے بڑی سربلندی ہے۔ ہمارے پاس ایسے الفاظ نہیں جن سے ان کو خراج تحسین پیش کرسکیں۔ انکی زندگی اور شہادت عزم و سعادت سے بھرپور ہے اور ہمیں قربانی کا سبق دیتی ہے۔ الوداع اے راہِ حق کے عظیم مسافر! آپ پر اللہ تعالیٰ کی لاکھوں رحمتیں ہوں۔ جہاد کا قافلہ چل پڑا ہے اسے انشاء اللہ کوئی نہیں روک سکتا۔ اپنے غریب الوطن عربی شہزادے اور اسلامی بھائی اور امت مسلمہ کے عظیم مجاہد کی یاد اور انکے ایصال ثواب کیلئے جمعرات کے دن مجالس منعقد کریں۔ جن میں تازہ رنگ و نور کی تعلیم اور شیخ کے ایصال ثواب کیلئے مخلصانہ تلاوت اور والہانہ دعائوں کا اہتمام ہو۔
والسلام
خادم
(شیخ اسامہ ؒ کو خراج تحسین وایصال ثواب کی دعوت)
مکتوب خادم
السلام علیکم ورحمۃ اللہ وبرکاتہ!
آج مغرب سے نئے اسلامی مہینے کا آغاز ہورہا ہے۔ استقبال و معمولات کا اہتمام اور دعا کہ اللہ پاک اس مہینہ کو ہم سب مسلمانوں کیلئے فتوحات و رحمت کا مہینہ بنائے، اور عالم کفر و نفاق کو ایسے صدمات اور ہزیمتوں سے دوچار فرمائے کہ انکی خوشیاں خاک میں مل جائیں۔
والسلام
خادم
(استقبال ماہ جدید)
27-05-2011
مکتوب خادم
السلام علیکم ورحمۃ اللہ وبرکاتہ!
ہمارے مفتی محمد اصغر صاحب کے چھوٹے بھائی محمد مسعود کا 2 روز پہلے انتقال ہوگیا ہے۔ اِنَّا لِلّٰہِ وَاِنَّا اِلَیْہِ رَاجِعُوْنَ۔
اللہ پاک ان کی مغفرت فرمائے اور مفتی صاحب اور انکے تمام خاندان کو اس سانحہ پر صبر جمیل و اجر جزیل عطا فرمائے۔ آج جمعہ کا مبارک دن ہے۔ تمام ساتھی مرحوم کیلئے مغفرت و رفع درجات کی دعا کریں اور حسب استطاعت ایصال ثواب کریں۔
والسلام
خادم
(تعزیت وایصال ثواب)
14-06-2011
مکتوب خادم
السلام علیکم ورحمۃ اللہ وبرکاتہ!
جہاد کے راستے میں آزمائشیں بھی آتی ہیں اور رکاوٹیں بھی۔ مگر اہل استقامت ایسے مواقع پر اللہ تعالیٰ سے مدد مانگ کر ثابت قدم رہتے ہیں۔ کوہاٹ میں فتنہ اٹھانے والوں کو دل کے اخلاص کے ساتھ دعوت دی کہ سورۃ الحجرات کے اسلامی حقوق پر معاہدہ کرتے ہیں۔ نہ آپ ہمیں نقصان پہنچائیں، نہ ہم آپ کو۔ مگر انکے سر پر فتنہ سوار تھا اور کچھ بہت غلط لوگ انکو شہ دے رہے تھے۔ سب ساتھی اپنے اسلاف کی تاریخ کو
دیکھیں۔ ہم سے بہت افضل لوگ اس طرح کی آزمائشوں میں ڈالے گئے۔ مگر انکی زبان پر 2 دعائیں تھیں۔ حَسْبُنَا اللہُ وَنِعْمَ الْوَکِیْلُ نِعْمَ الْمَوْلٰی وَنِعْمَ النَّصِیْرُاور رَبَّنَااغْفِرْلَنَا ذُنُوْبَنَا وَاِسْرَافَنَافِیْ اَمْرِنَا وَثَبِّتْ اَقْداَمَنَاوَانْصُرْنَا عَلَی الْقَوْمِ الْکٰفِرِیْنَ۔ سب ساتھی انکا اہتمام کریں۔ اپنے دل کوصاف رکھیں اور وساوس کا شکار نہ ہوں۔ کل تمام ساتھی کوئی وقت مقرر کرکے شہید ہونے والے 2 ساتھیوں کے ایصال ثواب اور زخمی ساتھیوں کی صحت اور شفاء کیلئے تلاوت اور کلمہ طیبہ کا ورد کریں۔ اے شہداء کی جماعت! آپ پر سلام ہو۔
والسلام
خادم
(فتنہ کوہاٹ اور ایصال ثواب برائے شہداء)
15-06-2011
مکتوب خادم
السلام علیکم ورحمۃ اللہ وبرکاتہ!
آپ حضرات کو معلوم ہے کہ مسجد شہداء کوہاٹ جماعت کے لئے وقف تھی۔ اہل فتنہ نے اسلحہ کے زور پر قبضہ کی کوشش کی، جو الحمدللہ ناکام بنادی گئی۔ پھر انہوں نے دوبارہ اس وقت قبضہ کیا۔ جب وہاں کوئی نہیں تھا۔ جب جماعت نے خالی کرانے کی کوشش کی تو انہوں نے انتظامیہ سے مل کر مسجد سیل کروادی۔ جماعت کی املاک، مساجد کی حفاظت جماعت کی ذمہ داری ہے۔ ہم مسلمان کہلوانے والوں سے قتال نہیں کرتے۔ ہمارا یہ پکا اسلامی اصول ہے۔ اسی کے تحت یہاں بھی قتال کی نیت نہیں تھی۔ صرف انکے فتنہ کو دبانا اور مسجد آزاد کرانے کیلئے دبائو ڈالنا مقصود تھا۔ قتل اور قتال کا ارادہ ہوتا تو انکے لئے 4 سے 8 افراد عسکری ترتیب سے یا 1، 2 افراد چلے جاتے اور وہ کافی ہوتے۔ مگر آخری وقت تک قتل و قتال کی نیت نہیں تھی۔ ساتھیوں کو جو مرکز کی طرف سے آخری امر بھیجا گیا وہ یہ تھا کہ کسی کو بھی نہ مارا جائے۔ مگر اس امر کے جواب میں یہ پیغام آیا کہ ہمارے ساتھیوں کو گولیاں لگی ہیں۔ تب ہمیں احساس ہوا کہ وہ لوگ دشمنی اور شیطا نیت کے آخری درجے تک جاپہنچے ہیں۔ تکوینی طور پر اللہ پاک نے ہمارے ہاتھوں سے انکا کوئی نہیں مروایا۔ تاکہ جماعت کا اصول قائم رہے۔ انہوں نے چھپ کر فائرنگ کی اور بھاگ گئے۔ غم اور صدمے کے ان لمحات میں جب میں ذبح شدہ کی طرح تڑپ رہا تھا۔ میرے 2 ساتھی شہید اور 5 ساتھی زخمی تھے، ساتھیوں نے قاتلوں کے رشتہ داروں کو مارنے کی اجازت مانگی۔ مگر مرکز نے اس کی اجازت نہیں دی۔ اس واقعہ میں ہمارا نقصان ضرور ہوا مگر ہمیں شکست نہیں ہوئی۔ اللہ پاک کا فضل ہے کہ ہمیں شکست دینے کا کئی بڑے ملکوں کا خواب ابھی پورا نہیں ہوا۔ یہ تو معمولی غنڈے ہیں۔ میں بھائی حمید گل شہیدؒ اور بھائی احسان شہیدؒ کو سلام پیش کرتا ہوں۔ انشاء اللہ ان کا رتبہ و مقام کشمیر اور افغانستان کے شہداء سے کم نہیں ہے۔ حضرات خلفاء راشدینؓ میں سے 2 حضرات اسلام کا دعویٰ کرنے والوں کے ہاتھوں شہید ہوئے۔ ہم تو صحابہ کرام رضی اللہ عنہم سے روشنی لیتے ہیں۔ اگر جماعت کی چار دیواری کی حفاظت کرنے والے ایسے دیوانے نہ ہوں تو جماعت کوئی کام بھی نہ کرسکے اور نہ اسکے کارکن اتنی عظیم سعادتیں حاصل کرسکیں۔ ان شہداء اور زخمیوں کا پوری جماعت پر عظیم احسان ہے۔ شہداء کے خون کا فیصلہ شریعت کی روشنی میں کیا جائے گا۔ اور زخمیوں کیلئے سب شفاء کی دعا کریں۔ ان تمام ساتھیوں کی قربانی سے یہ فتنہ اب انشاء اللہ خاتمے کے قریب ہے۔ اللہ کیلئے کوئی بھی نفس یا شیطان کے بہکاوے میں آکر قاتلوں سے رابطہ یا ہمدردی نہ رکھے۔ انہوں نے پیارے حمید گلؒ اور احسانؒ کو ہم سے ناحق چھینا ہے۔ کوہاٹ کی انتظامیہ نے ہم پر ظلم کی حد کردی۔ ساتھی ان کیلئے دعا کریں کہ انکو انکے ظلم کا بدلہ ملے۔
الحمدللہ کام جاری ہے۔ جذبے بلند ہیں، فرض اور سنتیں زندہ ہورہی ہیں۔ آزمائشیں ایمان والوں پر ہی آتی ہیں۔ یا اللہ قبول فرما۔ ہم سب کو استقامت عطا فرما۔ آمین
لا الہ الا اللہ محمد رسول اللہ
اللھم صل علی سیدنا محمد
والسلام
خادم
(فتنہ کوہاٹ)
20-06-2011
مکتوب خادم
تمام ساتھیوں کی خدمت میں السلام علیکم ورحمۃ اللہ !
اللہ پاک کا کتنا بڑا اور عظیم احسان ہے کہ انہوں نے ہمیں اپنا سب سے اونچا کلمہ نصیب فرمایا۔ لَااِلٰہَ اِلَّا اللہُ مُحَمَّدٌ رَّسُوْلُ اللہِ
سب ساتھی دل کے اخلاص کے ساتھ چند بار کلمہ طیبہ پڑھیں۔ سبحان اللہ! کتنی عظیم نعمت کہ اللہ پاک نے ہمیں نماز کی معراج نصیب فرمائی۔ سُبْحَانَ اللہِ، اَلْحَمْدُلِلّٰہِ، اَللہُ اَکْبَرُ۔ کتنا عظیم احسان اور فضل ہے کہ اللہ پاک نے ہمیں اسلام کی بلند ترین چوٹی جہاد فی سبیل اللہ کی سمجھ اور توفیق عطا فرمائی۔ سب ساتھی ان عظیم نعمتوں کی قدر سمجھ کر چند بار شکر ادا کریں۔ آنکھوں میں آنسو لاکر اَلْحَمْدُلِلّٰہِ پڑھیں۔ اَلْحَمْدُ
لِلّٰہِ اَلْحَمْدُلِلّٰہِ۔ کہاں ہم اور کہاں اتنا عظیم کلمہ، کہاں ہم اور کہاں جہاد جیسا اونچا عمل۔ میرے بھائیو! یہ اصل اور حقیقی نعمتیں ہیں۔ مال اور عہدے انکے مقابلہ میں کچھ بھی نہیں۔ پھر دیکھیں اللہ پاک نے ہماری جماعت پر فضل فرمایا اور ہمیں کلمہ اور نماز اور جہاد کی دعوت پر کھڑا فرمایا۔ جب سے ہم نے ان تین کی دعوت کو ملا کر پیش کرنا شروع کیا ہے تو اسکی عجیب برکت ظاہر ہوئی۔ الحمدللہ کلمہ طیبہ ہزاروں مسلمانوں کے دل میں اتر چکا ہے، نماز کا عشق عام ہورہا ہے اور جہاد پر فدائیوں کی قطاریں لگ گئی ہیں۔ اس صورت حال نے شیطان کو تڑپا دیا ہے، اس نے اپنے گورے کالے انسانوں اور جنات کے لشکر ہمیں توڑنے کیلئے کھڑے کردیئے ہیں تاکہ یہ دعوت رک جائے، تاکہ یہ جہاد کا عظیم الشان کام بند ہوجائے اور جہاد و کلمے کی دعوت دینے والے بازاروں کے جھوٹے تاجر بن جائیں۔ اس وقت جماعت پر شیطانی لشکروں کا حملہ ہے۔ جھوٹ اور نفاق کے پجاریوں کا حملہ ہے۔ اس وقت اس حملہ کا مقابلہ صرف وہی کرسکے گا جو کلمہ طیبہ کو اپنی روح، اپنے دل اور اپنی زبان سے کثرت کے ساتھ پڑھے گا۔ سب دل کی گہرائی سے کلمہ پڑھیں چند بار۔ اب لا الہ الا اللہ کو دن رات کا ورد بنالیں۔ اٹھتے بیٹھتے، چلتے پھرتے… یقین کریں جس نے میری اس گذارش پر عمل کیا وہ انشاء اللہ جماعت سے نہیں ٹوٹے گا۔ اسے خود بخود جھوٹے میسجوں سے نفرت ہوجائے گی اور وہ جماعت کی نعمت سے محروم نہیں ہوگا۔ میرے بھائیو! آپ نے مجھ سے اللہ پاک کی خاطر بیعت کی ہے میں آپ کو دھوکہ نہیں دے سکتا اور نہ آپ سے جھوٹ بول سکتا ہوں۔ یہ سب باتیں غلط ہیں کہ ساتھیوں کے خط مجھ تک نہیں پہنچتے۔ میں ڈاک لکھتے لکھتے تھک جاتا ہوں۔ ہر ناظم میری ڈاک مجھ تک پہنچاتا ہے اور میں خود جواب لکھواتا ہوں۔ یہ جھوٹ ہے کہ کوہاٹ والے اہل فتنہ کسی ناظم کی وجہ سے جماعت سے گئے۔ میں نے ان سے طویل مذاکرات کئے۔ اپنے فدائیوں کو روتا چھوڑ کر گھنٹوں تک ان ظالموں سے ملاقاتیں کیں۔ یہ لوگ صرف گمراہی اور نفس پرستی کی وجہ سے جماعت سے گئے۔ وہ میسجوں میں جھوٹی باتیں پھیلا رہے ہیں۔ اگر میں ان کے ہاتھ کے لکھے خطوط شائع کردوں تو شاید کوئی کتا بھی انکی بات سننا گوارہ نہ کرے۔ مگر میری زندگی کا مقصد لوگوں کی عیب جوئی نہیں۔ میں صرف آپ سب سے ایک بات پوچھتا ہوں کہ آپ نے مجھ سے بیعت کی ہے یا جماعت کے کسی اور فرد سے؟اگر بیعت مجھ سے ہے تو جماعت سے جب کوئی فرد جاتا ہے تو آپ بے چین کیوں ہوجاتے ہیں؟ انسانوں پر مختلف حالات آتے رہتے ہیں۔ حدیث پاک میں ہے کہ ایسا زمانہ آئے گا کہ ایک شخص رات کو مسلمان ہوگا اور صبح کو کافر اورصبح کو مسلمان ہوگا اور رات کو کافر۔ تو کیا آپ ان ذمہ داروں کے ساتھ ایمان بدلتے رہیں گے۔ آج آپ صاف صاف بتادیں کہ آپ کی بیعت مجھ سے براہ راست ہے یا کسی واسطہ سے کہ جب وہ جائے گا تو آپ بھی چلے جائیں گے؟اللہ کے بندو! فتنوں کا مقابلہ کرو اور خود اپنے اخلاص اور محنت سے جماعت میں آگے آئو۔ میں نے اللہ پاک سے جماعت کی مضبوطی مانگی۔ مضبوطی کیلئے توڑ پھوڑ ضروری ہوتی ہے۔ وہ توڑ پھوڑ شروع ہے۔ فدائیوں کی روحیں ان لوگوں کو کھینچ کھینچ کر جماعت سے باہر پھینک رہی ہیں جو دنیا کے پجاری بن چکے ہیں اور سدھرنا ہی نہیں چاہتے۔ اے اللہ کے شیرو! ساری دنیا کو تمہارے کام کی ضرورت ہے۔ محاذ تمہارے منتظر ہیں اور پاکیزہ حوریں بن سنور کر شہداء کی منتظر ہیں۔ لوگوں کی باتوں میں نہ آئو، بلکہ ان سے پوچھو تمہارے پاس کیا کام اور کیا دعوت ہے ؟جن لوگوں کو جماعت کی وجہ سے عزت اور نام ملا اور اب وہ خود کو کچھ سمجھنے لگے ہیں، انکو اکیلا چھوڑ دو۔ چند دن بعد انہیں عزت کی بھیک مانگتے دیکھ لینا۔ کسی کے جانے کی پرواہ نہ کرو۔
کیا آپ وعدہ کرتے ہیں کہ ساری زندگی کلمہ، جہاد، نماز سے جڑے رہیں گے؟ وعدہ…
کیا آپ وعدہ کرتے ہیں کہ اپنی بیعت کو براہ راست امیر کے ساتھ رکھیں گے اور اسکو نبھائیں گے؟ وعدہ…
کیا آپ وعدہ کرتے ہیں دنیا بھر میں جہاں بھی جہاد کیلئے جماعت نے بلایا تو انشاء اللہ جائیں گے؟…
جزاک اللہ۔ میں آپ سے دھوکہ نہیں کروں گا اور نہ ہی میں آپ سے دنیا کا کوئی بدلہ چاہتا ہوں۔ مجھے دنیا اور آخرت میں کلمہ طیبہ کی اور اسی کلمہ پر مرنے جینے کی خواہش ہے۔ آپ میں سے جو ساتھ دے گا میں اس کیلئے دعا کرتا رہوں گا۔ اور جو چھوڑ جائے گا میں کسی کو بد دعا نہیں دیتا۔ مجھے کام سے غرض ہے، زیادہ افراد سے نہیں۔ آج کفر کے ساتھ جنگ شروع ہے اور ہماری تشکیل آقا مدنی ا کے خیمہ کی پہرہ داری کی ہے۔ آئیں !عین جنگ کے وقت میدان سے بھاگ جانا مسلمان کا کام نہیں۔ دنیا کمانے اور دنیا بنانے کی باتیں سچے مجاہدین کو زیب نہیں دیتیں۔ میدان میں ڈٹے رہو اور آگے بڑھ بڑھ کر حملے کرو۔ فتنہ زور سے اٹھا مگر شہداء کے خون کی برکت سے اُکھڑ گیا ہے۔ اب پورا زور جھوٹے میسجوں پر ہے۔ آپ نہ انکو پڑھیں اور نہ انکا جواب دیں۔ اتنے وقت میں کلمہ طیبہ چند بار پڑھ لیا کریں۔ وساوس زیادہ تنگ کریں تو سورۃ الفلق اور سورۃ الناس سو سو بار پڑھ لیا کریں۔ سلام ہو شہداء پر اور سلامتی ہو آپ سب پر۔ آئیں !آخر میں پھر جھوم جھوم کر وہ کلمہ پڑھیں جس سے بش اور اوباما محروم ہیں جبکہ مالک نے اپنے فضل سے ہمیںنصیب فرمادیا۔
لا الہ الا اللہ، لا الہ الا اللہ، لا الہ الا اللہ محمد رسول اللہ
والسلام
خادم
(فتنہ کوہاٹ)
21-06-2011
مکتوب خادم
السلام علیکم ورحمۃ اللہ وبرکاتہ!
مایوس وہ ہو جس کا رب نہ ہو۔ انسان نما گیدڑوں کی دھمکیوں سے وہ ڈرے جو زندگی اور موت کا مالک اللہ تعالیٰ کے سوا کسی اور کو سمجھتا ہو۔ جھوٹے پروپیگنڈے سے وہ گھبرائے جو عزت اور ذلت کا مالک اللہ پاک کے سوا کسی اور کو سمجھتا ہو۔ برے حالات سے وہ پریشان ہو۔ جو اللہ پاک کی رحمت سے ناامید ہو۔ اللہ ایک ہے۔ اللہ ہمارا رب ہے۔ وہ زندگی، موت، عزت و ذلت کا مالک ہے اور اسکی رحمت سے وہی نا امید ہوتا ہے جو کافر ہے۔
لا الہ الا اللہ، لا الہ الا اللہ محمد رسول اللہ
اللھم صل علیٰ محمد
والسلام
خادم
(فتنہ کوہاٹ کے متعلق)
01-07-2011
مکتوب خادم
السلام علیکم ورحمۃ اللہ وبرکاتہ!
کل سے انشاء اللہ 7 مقامات پر دورۂ تفسیر آیات الجہاد شروع ہورہا ہے۔ جب کہ باقی دورات اسکے ایک ہفتہ بعد ہوں گے۔ یہ عظیم الشان نعمت بڑی سعادت اور انمول اعزاز ہے۔ جو عالم اسلام میں اللہ تعالیٰ نے جماعت کو عطا فرمایا ہے۔ مَاشَائَ اللہُ لَاحَوْلَ وَلَا قُوَّۃَ اِلَّا بِاللّٰہِ، بَارَکَ اللّٰہُ۔ تمام ساتھی شکر ادا کریں۔ اس نعمت کی قدر اور عظمت کو پہچانیں۔ ان دورات کی کامیابی کی محنت کریں اور آج ان تمام دورات کی قبولیت و مقبولیت، حفاظت اور کامیابی کی دعا کا خاص اہتمام کریں۔
والسلام
خادم
(دورات تفسیر)
03-07-2011
مکتوب خادم
السلام علیکم ورحمۃ اللہ وبرکاتہ!
آج مغرب سے شعبان کا مبارک مہینہ شروع ہوجائے گا۔ چاند دیکھنے کی مسنون دعا اور معمولات کا اہتمام کریں۔ شعبان کا مہینہ رمضان شریف کا استقبال ہے۔ جس کا شعبان ٹھیک گذرے گا اس کا رمضان ٹھیک گذرتا ہے اور رمضان ٹھیک رہے تو پورا سال ٹھیک گذرتا ہے، انشاء اللہ۔ کلمہ طیبہ کی برکت سے اپنے دلوں کی اصلاح کریں۔ موت قریب ہے، قبر اور حشر کی فکر کریں۔ غیبت سے بچیں، یہ بدکاری سے بھی برا گناہ ہے۔ اپنے والدین کی خدمت اور اکرام کریں۔ بخل اور مال کے لالچ اور نفاق سے صبح شام اللہ پاک کی پناہ مانگیں۔ جماعت میں جوڑ کیلئے محنت کریں یہ بڑا عظیم عمل ہے۔ جماعت میں جو علماء ہیں ان کا اکرام کریں اور ان سے دور رہیں جو حق بات کہنے کا دعویٰ کرکے جماعت کے ذمہ داروں کی غیبت کرتے ہیں۔ اور آپ ایسے نہ بنیں کہ ہر فتنے کے وقت جماعت سے اکھڑ جائیں۔ یہ ایمان اور استقامت کے خلاف ہے۔ ہر مسلمان کی دل سے قدر کریں اور نمازیں ٹھیک قائم کریں۔ دل میں شہادت اور اللہ تعالیٰ سے ملاقات کا شوق بڑھائیں اور اسکی دعا کریں۔ اللہ پاک مجھے اور آپ سب کو ہمیشہ کیلئے لاالہ الا اللہ محمد رسول اللہ نصیب فرمائے اور ہم سب کو خالص اپنی رضا کیلئے قبول فرمائے۔ آمین۔
لاالہ الا اللہ، لاالہ الا اللہ، لاالہ الا اللہ محمد رسول اللہ
والسلام
خادم
(استقبال شعبان وچند اہم ہدایات)
08-07-2011
مکتوب خادم
السلام علیکم ورحمۃ اللہ وبرکاتہ!
آپ سب کو جمعہ مبارک۔ کراچی میں بدامنی اور قتل و غارت کی آگ لگی ہوئی ہے۔ کل بھی بڑی تعداد میں لوگ اس اندھی قتل و غارت کا لقمہ بنے۔ آج تمام ساتھی ہر نماز کے بعد کراچی میں امن اور وہاں کے مسلمانوں کی حفاظت کی دعا مانگیں۔ خصوصاً وہاں اپنی جماعت کے تمام ساتھیوں اور انکے خاندانوں کی جان، مال، آبرو کی حفاظت کی دعا مانگیں۔ اہل دعا ساتھی صلوٰۃ الحاجت کا اہتمام کریں اور خود کراچی کے ساتھی دل بڑا رکھیں۔ کسی کی موت اس کے مقرر وقت سے پہلے نہیں آتی۔ بلکہ جب شیطان موت سے ڈرائے تو گریبان کا ایک بٹن کھول دیں اور کلمہ طیبہ پڑھ کر کہیں کہ اے میرے پیارے رب !میں آپ کی میٹھی ملاقات کیلئے حاضر ہوں۔ میرے گناہ معاف فرمادیجئے، میں حاضر ہوں۔ انشاء اللہ خوف نکل جائے گا۔ حفاظت کیلئے 2 وظائف کریں۔
1۔ مغرب کے بعد یا کسی نماز کے بعد سورۃ القریش 41 بار روزانہ۔
2۔ اِنَّ رَبِّیْ عَلٰی کُلِّ شَیْئٍ حَفِیْظٌ روزانہ 100 بار۔ ان دونوں کا اپنے اوپر دم کرلیا کریں اور اپنے حق کام سے جڑے رہیں۔ کل سے دورات تفسیر کا آخری مرحلہ شروع ہوگا۔ انشاء اللہ۔ ان کے لئے بھی سب بھائی دعا کریں۔
والسلام
خادم
(کراچی قتل وغارت واہل کراچی کے لئے دعا)
09-07-2011
مکتوب خادم
السلام علیکم ورحمۃ اللہ وبرکاتہ!
لاالہ الا اللہ محمد رسول اللہ کی نسبت سے پورے دین کی محنت کرنے والے بھائیو! آپ سب کو مبارک ہو۔ الحمدللہ آپ سب کی محنت رنگ لارہی ہے۔ آج دورۂ تفسیر کے آخری مرحلے کا آغاز اللہ پاک کے فضل اور نصرت سے شاندار رہا ہے۔ ماشاء اللہ، بارک اللہ۔ آج دو ہزار کے لگ بھگ مرد اور خواتین قرآن پاک کی تفسیر پڑھ رہے ہیں۔ ہمارے لئے شکر اور خوشی کا مقام ہے۔ ہم سب کو چاہئے اپنی محنت کو تیز کردیں اور ہم یہ محنت اپنی نجات، اپنی کامیابی کیلئے اپنی ضرورت سمجھ کر کریں اور اسے جماعت یا کسی پر احسان نہ سمجھیں۔ بلکہ یہ ہم پر اللہ تعالیٰ کا احسان ہے کہ اس نے ہمیں ایسی پیاری جماعت اور اتنی عظیم نعمت عطا فرمائی ہے۔ دل میں مزید اخلاص بھریں۔ تکبر کو اپنے قریب نہ آنے دیں۔ کسی پر شخصی تنقید نہ کریں۔ بس جوش اور جذبے سے اپنے کام میں جڑے رہیں۔ ہزاروں افراد کا قرآن پاک کی تفسیر پڑھنا، اللہ اکبر۔ بڑی عظیم نعمت ہے۔
لاالہ الا اللہ محمد رسول اللہ
اللھم صل علی محمد
والسلام
خادم
(دورات تفسیر)
اگلے مکتوب میں آج کے دورات تفسیر کی کچھ تفصیل پیش کی جارہی ہے۔
دورات تفسیر 1432ھ… … شعبان
1۔ کراچی450
2 ۔مرکز شریف325
۔3 ٹنڈو آدم 130 مرد، 170 خواتین
4 ۔فیصل آباد 135 مرد، 80 خواتین
5 ۔سرگودھا 130
6 ۔کوٹلی61
7 ۔گوجرانوالہ97
8 ۔ سکھر60 مرد، 75 خواتین
9 ۔ لکی مروت 50
10۔ ڈی آئی خان70 مرد، 35 خواتین
11۔ حویلی لکھا30
کل تعداد:1538 مرد، 360 خواتین
15-07-2011
مکتوب خادم
السلام علیکم ورحمۃ اللہ وبرکاتہ!
لا الہ الا اللہ محمد رسول اللہکی نسبت سے میرے بھائیو! جمعہ مبارک ہو۔ آج جو رات آئے گی وہ قیمتی ہے انشاء اللہ۔ کم از کم عشاء اور فجر میں تکبیر اولیٰ کا اہتمام اور جو عبادت ہوسکے۔ خصوصاً گناہوں سے پرہیز۔ اگر ممکن ہو تو اگلے 3 دن روزے رکھیں، سنت اور مستحب عمل ہے۔ شعبان کے آخری 15 دن اپنے عمل میں کچھ اضافہ کرنا چاہئے تاکہ رمضان المبارک کی تیاری رہے۔ آپس میں تعلقات ٹھیک کریں۔ اپنی بیویوں پر ظلم نہ کریں۔ داڑھی ایک مشت واجب ہے۔ جب عمر بڑھتی ہے تو شیطان داڑھی جیسی عظیم اور پیاری سنت کے ساتھ چھیڑ چھاڑ میں لگادیتا ہے تاکہ عمر کم نظر آئے۔ اے پیارے محمد عربی ا کے پیارے امتیو! چھوٹا نظر آکر کیا کرو گے۔ ہمیں تو آقا ا کا غلام نظر آنا چاہئے۔ داڑھی ٹھیک رکھیں، خالص کالا خضاب بھی نہ لگائیں۔ طہارت ایمان کا حصہ۔ خود ہر وقت پاک صاف رہیں، اپنے گھروں اور بستروں کو پاک صاف رکھیں۔ اپنی مساجد، مراکز، مکاتب کو شیشے کی طرح صاف رکھیں۔ بیت الخلاء خود صاف کرنا ہمارے اکابر کا طریقہ ہے۔ دعا کی گذارش ہے۔
لا الہ الا اللہ محمد رسول اللہ
اللھم صل علی سیدنا محمد
والسلام
خادم
(شعبان کے متعلق اہم ہدایات)
31-07-2011
مکتوب خادم
السلام علیکم ورحمۃ اللہ وبرکاتہ!
وہ آنے والے ہیں جن کا انتظار تھا۔ گناہوں کو جلانے والے، نیکیوںکا وزن بڑھانے والے، خوشبو سے معطر، نور سے منور، روشنی سے لبریز، لذیذ بھوک، میٹھی پیاس، خوشیوں والی افطاری، قرآن پاک کی بہاریں، جہاد کے ولولے، تراویح کی پرکیف رکعتیں… اور لیلۃ القدر کیا ہے؟ عظیم، کریم، رحیم رب کا اپنے حبیب ا کی امت کیلئے دلکش تحفہ۔ جی ہاں! وہ آنے والے ہیں۔ انکی بھینی بھینی خوشبو آنا شروع ہوگئی ہے۔ اختلاف کی بدنصیبی کہ اس بار بھی چاند پر جھگڑا ہوگا۔ بعض علاقوں میں آج مغرب میں وہ آجائے گا اور بعض جگہ کل رات۔ ارے کلمہ والے بھائی! شاندار استقبال کرنا۔ وضو، پاک کپڑے، پاکیزہ دل، تر آنکھیں، مسجد اور اپنے رب سے امیدیں، اسکا خوف، خشیت، دیکھو رمضان ضائع نہ جائے، تحفے کی ناقدری نہ ہو۔ تھکاوٹ کے بہانے ختم۔ اخلاص، عبادت، دین کا کام، تلاوت، کلمہ طیبہ، درود، استغفار اور محنت، ہاں محنت، ہاں محنت۔ اسیران اسلام کیلئے والہانہ دعائیں جہاں بھی ہوں۔ اپنے عظیم کام سے وفاداری جتنی بھی زیادہ ہو اور ایک بندہ فقیر، مسافر، مہاجر آپ کی دعائوں کا متمنی۔
لا الہ الا اللہ، لا الہ الا اللہ محمد رسول اللہ
اللھم صل علیٰ محمد
والسلام
خادم
(استقبال رمضان )
01-08-2011
مکتوب خادم
السلام علیکم ورحمۃ اللہ وبرکاتہ!
اہل دل فرماتے ہیں جو رمضان المبارک کی پہلی رات سورۃ الفتح نوافل میں پڑھ لے وہ انشاء اللہ سارا سال فتوحات پائے گا۔ جس کو یاد نہ ہو وہ یاد کرلے اور جو نہ کرسکے دیکھ کر پڑھ لے۔
والسلام
خادم
(رمضان کی پہلی رات سورۃ الفتح کی تلاوت)
19-08-2011
مکتوب خادم
السلام علیکم ورحمۃ اللہ وبرکاتہ!
مبارک ہو مہم میں شرکت کرنے اور محنت کرنے والوں کو۔ یہ معمولی کام نہیں، بہت عظیم اور اونچا عمل ہے۔ شکر ادا کرو بھائیو !کہ اتنی عظیم نعمت ملی۔ اللہ اکبر!میرے آقا مدنی ا نے فرمایا ’’میری امت کی ایک جماعت حق پر ڈٹی رہے گی، اس جماعت کی بڑی علامت جہاد فی سبیل اللہ۔ دنیا بھر کی مخالفت اس کا کچھ نہیں بگاڑ سکے گی۔ ‘‘ اے بھائیو! یہ نہ دیکھو کہ نوٹ کتنے جمع ہوئے۔ یہ دیکھو کہ کتنے مسلمانوں تک دین کی پوری اور سچی بات پہنچی۔ کسی کے بیان میں زیادہ اموال جمع ہوں تو فخر اور گنتی میں نہ پڑے۔ یہ ریا کاروں کا طریقہ ہے اور کسی کے بیان میں کم اموال جمع ہوں تو وہ مایوس اور شرمندہ نہ ہو۔ ایسی مایوسی اخلاص کو ذبح کردیتی ہے۔ ابھی بہت کام باقی ہے۔ آقا اکادین دنیا کے ہر کچے پکے گھر تک پہنچانا ہے اور عظیم کلمہ کو خشکی اور سمندر پر غالب کرنے کی محنت کرنی ہے۔ وہ دیکھو !میدان بدر سے خوشبو آرہی ہے۔ مبارک ہو۔ مبارک ہو۔
لا الہ الا اللہ، لا الہ الا اللہ، لا الہ الا اللہ محمد رسول اللہ
اللھم صل علیٰ سیدنا محمد
والسلام
خادم
(رمضان مہم)
23-08-2011
مکتوب خادم
السلام علیکم ورحمۃ اللہ وبرکاتہ!
22 رمضان المبارک کی نصرت مبارک۔ 790معتکفین کی میزبانی اور خدمت مبارک۔ 72 دلہنوں کے دولہوں کی شادی مبارک ہو۔ آخری عشرے کی محنت اور سعاد ت مبارک ہو۔ کلمہ، نماز، جہاد کی عظیم محنت مبارک ہو۔ مرکز شریف کی ذکر اور اعتکاف سے آبادی مبارک ہو۔ غزوہ ہند کی شمولیت اور معاونت مبارک۔ اللہ پاک مجھے اور آپ سب کو ایمان کامل، اخلاص، یقین، جنت الفردوس اور اپنی میٹھی ملاقات کا شوق نصیب فرمائے۔ بندہ آپ کے ساتھ رمضان مہم میں دعا کے ذریعے شریک ہے۔ ہمت اور اخلاص سے لگے رہیں۔
لا الہ الا اللہ محمد رسول اللہ
اللھم صل علیٰ محمد
والسلام
خادم
(رمضان مہم)
25-08-2011
مکتوب خادم
السلام علیکم ورحمۃ اللہ وبرکاتہ!
اللہ تعالیٰ سے ملاقات برحق ہے۔ جو اسکا جتنا زیادہ یقین اور شوق رکھتا ہے وہ اسی قدر ایمان کا اونچا درجہ پاتا ہے۔ ہمارے مرکز شریف کے 1 طالب علم تھے۔ بھائی محمد قاسم، ذہین، بہادر اور جہادی نظریہ سے منور اور تعلیم میں لائق۔ وہ اپنے علاقے شیخوپورہ میں سرگرمی کے ساتھ رمضان مہم میں مشغول تھے۔ اکیلے نہیں بلکہ انکے 2 بھائی بھی ساتھ۔ کل رات 12 بجے وہ مہم کے مبارک سفر پر تھے کہ بدنصیب ڈاکوؤں سے سامنا ہوا اور ہمارے مولوی قاسم سیدھے بڑے سفر پر چلے گئے۔ لقاء اللہ کا سفر، شہادت کا سفر۔ انکی مقبولیت کہ جو بھی انکو جانتاتھا پھوٹ پھوٹ کر رو رہا ہے۔ اللہ پاک انکی شہادت قبول فرمائے۔ ہمارا سلام اور خراج تحسین ان تک پہنچے۔ اللہ پاک انکے والدین اور خاندان کو صبر جمیل نصیب فرمائے۔ لقاء اللہ برحق ہے اور شہادت بڑی سعادت ہے۔
والسلام
خادم
(بھائی قاسم شہید ؒ)
29-08-2011
مکتوب خادم
السلام علیکم ورحمۃ اللہ وبرکاتہ!
عزیز بھائیو! دیکھو وہ جارہے ہیں۔ آج یا کل وہ چلے جائیں گے۔ بس چند گھنٹے اور لمحات رہ گئے۔ اللہ پاک کرے میں اور آپ ان لمحات کو قیمتی بنا پائیں۔ 6 ساتھی تو رمضان کے ساتھ ہی رحمتوں کے سمندر میں گم ہوگئے۔ ا۔ محمد ریاض حسین2 ۔محمد عبداللہ3 ۔ عبدالشکور 4۔ محمد عامر 5۔ محمد قاسم اور کل ہی کراچی میں6۔ یار محمد۔ واہ قسمت!شہید تو شہید ہے۔ عام مومن بھی رمضان میں انتقال کرے تو عذاب قبر سے بچ جاتا ہے اور جن کو بدر کے شہداء کی نسبت ملی تو ان کی قسمت پر رشک آتا ہے۔ ریاض حسین ہر خط کے آخر میں لکھتا تھا۔ آپ کا بیٹا ریاض حسین۔ کیسے اونچے لوگ تھے۔ اللہ پاک ان کے درجات بلند فرمائے۔ سلام ہو رمضان مہم میں محنت کرنے والوں کو، اور سلام ہو رمضان میں اسیری گذارنے والوں کو۔ دعا کریں کہ وہ سب آجائیں۔ سلام ہو معتکفین کو۔ شکر ہے اے عظیم رب!ایسی عظیم جماعت پر۔ یا اللہ اخلاص اور استقامت نصیب فرما۔
لا الہ الا اللہ محمد رسول اللہ
اللھم صل علیٰ محمد
والسلام
خادم
(رمضان کریم)
29-08-2011
مکتوب خادم
السلام علیکم ورحمۃ اللہ وبرکاتہ!
صدقہ فطر واجب ہے۔ یہ مسلمانوں کیلئے اللہ پاک کا انعام ہے کہ اللہ پاک ان سے کچھ مال قبول فرمائے۔ یہ رمضان کی عبادت میں کمی، کوتاہی کی تلافی اور ازالے کا ذریعہ ہے۔ دل کی خوشی سے ادا کریں۔ جلدی ادا کریں۔ اپنی استطاعت کے مطابق ادا کریں۔ کھجور، کشمش، جو اور گندم کے حساب سے، جسکی استطاعت ہو۔ کھجور کے حساب سے کم از کم 600 روپے اور گندم کے حساب سے 65 روپے بنتا ہے۔ اپنے علاقے کی قیمتوں کے حساب سے ترتیب معلوم کرلیں۔ ہمارا عظیم مالک اور رب ہم سے کچھ مال قبول فرمائے۔ یہ کتنی بڑی خوش نصیبی ہے۔ اللہ پاک کیلئے تو جان اور جسم کا ہر ذرہ قربان۔
لا الہ الا اللہ محمد رسول اللہ
اللھم صل علی محمد
والسلام
خادم
(صدقہ فطر)
11-09-2011
مکتوب خادم
السلام علیکم ورحمۃ اللہ وبرکاتہ!
اللہ پاک ہی مشکل کشا ہے۔ آہ سندھ ڈوب رہا ہے۔ 40 لاکھ افراد بے گھر ہو چلے۔ پانی مصبتیں ڈھارہا ہے۔ باعزت مسلمان اپنے بیوی بچوں سمیت بے گھر، بے در۔ ہم میں سے ہر کوئی اپنے اوپر ایسے حالات کا تصور کرے۔ یا اللہ! رحم۔ مسلمان ہونے کے ناطے ہم پر 2 کام لازم بنتے ہیں۔ 1 دعا کرنا۔2 تعاون۔ دعا میں 2 کام کرنے ہیں۔ بے حد خشوع و خضوع سے اپنے لئے اور تمام مسلمان مردوں، عورتوں کیلئے استغفار۔ استغفار2 امانوں میں سے 1 امان ہے۔ کم از کم 100 بار اپنے لئے اور 27 بار تمام مسلمانوں کیلئے استغفار۔ اور دوسرا کام بسم اللہ شریف کا ختم کرکے سندھ کے مصیبت زدہ لوگوں کیلئے دعا۔ تمام صوبائی و ڈویژن ذمہ دار اور مرکز و مساجد کے ذمہ دار اپنی جگہوں پر آج یا کل نہایت اہتمام سے اسکی ترتیب بنائیں۔ ہم مسلمانوں کی تکلیف سے غافل نہیں رہ سکتے۔ دعا کے بعد تعاون کی ترتیب ہے۔ جماعت اللہ پاک کے بھروسے پر اس کا آغاز کررہی ہے۔ آپ میں سے جو تعاون کرنا چاہے، ہاتھ بٹانا چاہے، یا ریلیف کے کام کیلئے کوئی مفید مشورہ دینا چاہے تو اس نمبر پر رابطہ کرکے اپنا مشورہ لکھوادے۔ یہ فون نمبر آج شام 6 بجے سے 24 گھنٹے کیلئے مسلسل کھلا رہے گا۔ سوائے نمازوں کے اوقات کے۔ آپ کے تمام مشورے مجلس قائمہ تک پہنچائے جائیں گے۔ 0321-3132786
یہ ترتیب کل شام 6 بجے تک کیلئے ہے۔ اس کے بعد آپ کے مشوروں کی روشنی میںتو کلاََ علی اللہ تعاون اورخدمت کے کام کا آغاز کردیا جائے گا۔ اللہ پاک مجھے اور آپ سب کو اور تمام مسلمانوں کو اپنے عذاب اور عتاب سے محفوظ فرمائے اور سب کو معاف فرمائے۔
لا الہ الا اللہ محمد رسول
والسلام
خادم
(ریلیف برائے متاثرین سیلاب سندھ)
28-09-2011
مکتوب خادم
السلام علیکم ورحمۃ اللہ وبرکاتہ!
شعبہ ہدایت کی شوریٰ کو سلام، عزیز بھائیو!
اللہ پاک ہماری اور آپ سب کی محنت کو اپنے فضل سے قبول فرمائے۔ رمضان مہم میں آپ کی محنت سے خوشی ہوئی۔ آپ سب کیلئے ایمان کامل اور فلاح دارین کی دعا ہے۔ ہم جس کام میں لگے ہیں اس میں آرام کی گنجائش نہیں ہے۔ کیونکہ ہم اللہ پاک کی رضا اور آخرت کا آرام چاہتے ہیں۔ بندہ کی تمنا ہے کہ ہماری جماعت اس زمانہ میں وہ طائفہ منصورہ ہو جس کی بشارت حضرت آقا مدنی ا نے دی ہے کہ ہر زمانے میں ایک جماعت حق پر قائم رہے گی اور حق کی خاطر قتال کرے گی۔ خود کو اس کامیاب جماعت کا مصداق بنانے کیلئے ہم سب کو اس بات کی محنت اور دعا کرنی ہوگی کہ ہمارا جذبہ قتال کمزور نہ ہو اور نہ دنیا کے بکھیڑوں میں پڑ کر ہمارا شوق شہادت ٹھنڈا ہو۔ اس لئے ایمان کو دل میں بٹھانے کی محنت کریں۔ اپنی زندگی کو سادہ رکھیں۔ مالی معاملات میں زیادہ نہ الجھیں۔ اس دنیا میں روشن مستقبل کی تاریک فکر کو اپنے اوپر مسلط نہ کریں اور اپنے ہر سانس کو آخری سانس سمجھ کر اسے قیمتی بنائیں۔ اس سال شعبان تک ہمارا اصل ہدف جماعت کی مبارک دعوت کو زیادہ سے زیادہ افراد تک پہنچانا ہے۔ اس دوران مہمات بھی آئیں گی۔ مگر اپنے اوقات، افراد اور قوت کو اس طرح تقسیم کریں کہ مہمات بھی جاری رہیں اور اپنا اصل کام اور ہدف بھی ہر روز حاصل ہوتا رہے، اور یہ حاصل ہوگا شرح صدر سے۔ یعنی اگر آپکو خود اس مبارک کام پر پورا اطمینان اور شرح صدر ہوگا اور آپ کی جماعت کے ساتھ وابستگی غیر مشروط اور اپنی اصل کامیابی کیلئے ہوگی۔
شرح صدر سے انسان بہت طاقتور ہوجاتا ہے اور بے اطمینانی انسان کو ضائع اور بے کار اور بے ہمت کردیتی ہے۔ بے اطمینانی کیوں پیدا ہوتی ہے؟ اس کی بڑی وجوہات 2 ہیں۔
1 کبیرہ گناہ کا ارتکاب اور ان پر سچی توبہ نہ کرنا۔2 حب دنیا اور خیانت۔
حب دنیا کے 3 اجزاء ہیں۔1 مال کی محبت… 2 عزت اور جاہ کا شوق… 3 شہوت پورا کرنے کا شوق… خود سوچیں کہ جو ان 3 گناہوں میں اٹک گیا وہ اللہ پاک تک کیسے پہنچے گا۔
شرح صدر حاصل کرنے کیلئے کلمہ طیبہ اور آنسو والی دعا کی کثرت کریں۔ یاد رکھیں!… مسلمانوں کو ایسی جماعت کی اشد ضرورت ہے اور خود ہم نے بھی اللہ پاک سے ملنا ہے۔ محنت کریں اور ہر گز نہ تھکیں۔ ہمارا اصل کام تو جہاد ہے اور ہماری دعوت کے 3 ستون ہیں۔ 1 کلمہ طیبہ یعنی ایمان۔2 اقامت صلوٰۃ۔3 جہاد فی سبیل اللہ
حالات کے تقاضوں کے تحت ہمیں خدمت خلق کا کام بھی کرنا ہے۔ تعلیم و تربیت بھی جاری رکھنی ہے۔ علاج معالجہ بھی کرنا ہے۔ مگر ہمارے یہ تمام کام ہماری دعوت کی مضبوطی کا ذریعہ بنیں۔ اس لئے ان کاموں میں مشغول ساتھیوں کو ایمان، نماز اور جہاد میں سست نہ ہونے دیا جائے۔ میرے بھائیو!… کام بہت عظیم اور بڑا ہے اور ہم بہت چھوٹے ہیں۔ اس فرق کی تلافی کا واحد ذریعہ ’’اللہ اور اس کے رسول سے شدید محبت ہے‘‘۔ یہ محبت اگر ہمیں نصیب ہوگئی تو ہر منزل آسان اور ہر راستہ مختصر ہوجائے گا۔ اللہ پاک مجھے اور آپ کو اپنی محبت اور شرح صدر نصیب فرمائے۔ ہم میں سے جو یہ سوچ کر جماعت میں ہیںکہ کچھ عرصہ رہیں گے، پھر دیکھیں گے، ایسے لوگ اپنا وقت ضائع کررہے ہیں اور اگر وہ کسی ذمہ داری پر ہیں تو ظلم کررہے ہیں۔ یہاں کامیابی اور ترقی ان کو ملتی ہے جو کشتیاں جلا کر آتے ہیں۔ ریاض حسین اور سب فدائی ساتھیوں کا یہ پیغام میرے اور آپ کے نام ہے۔ آپ ایک نظر شہداء کے مسکراتے چہروں پر اور دوسری نظر ان لوگوں کے تھکے، ہارے، شرمندہ چہروں پر ڈالیں، جنہوں نے شہرت، مال، سیاست، مستقبل یا جھوٹی غیرت کیلئے دین کا یہ عظیم کام چھوڑا۔ آپ کو شرح صدر اور بے اطمینانی کا انجام نظر آجائے گا۔ یہ جماعت اللہ پاک کیلئے ہے۔ اس میں کسی کا ذاتی مفاد نہیں ہے۔ رمضان میں جتنا فنڈ ہوا اس میں 1 پیسہ بھی ہمیں نہیں ملا۔ یہ سب دین کے کاموں پر لگا اور انشاء اللہ لگے گا۔ آپ سوچیں کہ آپ کے جمع کردہ مال سے اسلام کے فدائی جب آخری ناشتہ تناول فرماتے ہیں تو آپ پر کتنی رحمت برستی ہوگی۔ وہ آپ کو دعائیں دے کر جاتے ہیں کہ آپ کی محنت کی بدولت ان کو نہ کرائے کی فکر، نہ سامان کی۔ سبحان اللہ، سبحان اللہ۔ اسی مال سے مساجد بنتی اور آباد ہوتی ہیں اور اسی مال سے شہداء اور اسیران کے گھروں کا چولہا جلتا ہے اور پھر جن مسلمانوں تک آپ کلمہ، نماز اور جہاد کی دعوت پہنچاتے ہیں ان کے تکمیل ایمان میں اور اعمال میں آپ کا کتنا حصہ ہوتا ہے۔ بھائیو! شرح صدر حاصل کرو، ہر گز نہ تھکو اور اللہ پاک سے اپنے تعلق کو مضبوط بنائو۔ آج کے دن سے ایک نئے ولولے کے ساتھ اپنی محنت کا ایک نیا پرجوش آغاز کریں اور شعبان تک ہزاروں لاکھوں مسلمانوں کو اس مبارک کام اور جماعت میں جوڑیں۔ لا الہ الا اللہ محمد رسول اللہ
اللھم صل علی سیدنا محمد
والسلام
خادم
(جماعت کے بارے میں شرح صدر عظیم نعمت)
14-10-2011
مکتوب خادم
السلام علیکم ورحمۃ اللہ وبرکاتہ!
اَسْتَغْفِرُ اللہَ لِیْ وَلَکُمْ وَلِلْمُوْمِنِیْنَ وْالْمُوْمِنَاتِ۔ اللہ کے پاک پیارے بندو !2 اعلان ہیں۔
1 مساجد کے پلاٹ زیادہ ہوچکے۔ آج سے مزید کوئی پلاٹ قبول نہیں کیا جائے گا۔ سوائے اس پلاٹ کے جو کسی شہر کے اندرہو اور بڑا ہو اور اس شہر کے اندر جماعت کو مسجد کی ضرورت ہو۔ فی الحال پلاٹ دینے والوں سے معذرت کریں۔ البتہ کوئی اس لئے پلاٹ دے کہ اسے فروخت کرکے اسکی قیمت مساجد کی تعمیر میں خرچ کرنے کی اجازت ہو تو ایسا پلاٹ قبول کیا جاسکتا ہے۔ اللہ پاک اپنے فضل سے 313 مساجد کی تعمیر و آبادی و خدمت کا ہدف پورا کرنے کی توفیق عطا فرمائے۔
2 اللہ پاک کی توفیق سے کل 13 ذوالقعدہ 1432ہجری جماعت میں باقاعدہ شعبہ حجامہ قائم کردیا گیا ہے۔ سنت علاج کا فروغ، مریض مسلمانوں کی خدمت، صحت مند امت مسلمہ اور زیادہ سے زیادہ افراد تک اپنے مبارک کام کی سہ نکاتی دعوت کا ابلاغ۔ یہ ہیں چند نیک مقاصد جو اللہ پاک کی رضا کیلئے مطلوب ہیں۔ اس شعبہ کے تحت انشاء اللہ اگلے 6 ماہ میں پورے ملک میں حجامہ کی ڈویژنل سطح پر ترتیب بنائی جائے گی۔ اور جہاں ماہر ساتھی دستیاب ہیں، ان ڈویژن میں فوری ترتیب قائم کی جارہی ہے۔ بھائی محمد حذیفہ کراچی کو اس شعبہ کا ناظم مقرر کیا گیا ہے۔ یہ انکی سابقہ تشکیل کے ساتھ اضافی ذمہ داری ہوگی۔ تمام ساتھی کامیابی کی دعا کریں۔ تعاون کریں، فائدہ اٹھائیں۔
لا الہ الا اللہ محمد رسول اللہ
اللھم صل علیٰ سیدنا محمد
والسلام
خادم
(شعبہ حجامہ کا قیام اور مساجد کے پلاٹ سے متعلق اعلان)
15-10-2011
مکتوب خادم
السلام علیکم ورحمۃ اللہ وبرکاتہ!
الحمدللہ قربانی مہم شروع ہوئی۔ اللہ پاک کی دعوت کا گوشت، اللہ پاک کے جانباز، غریب اور محتاج لوگوں تک پہنچانے کی مہم۔ سبحان اللہ! شیطان گناہ کرانے سے نہیں تھکتا۔ کتنا لمبا عرصہ ہوگیا۔ ظالم 1 دن نہ اکتایا۔ اللہ پاک کا دشمن۔ تو پھر اللہ پاک کے اولیاء بھی نہیں تھکتے، نہیں اکتاتے… … نہ خوف، نہ رنج۔ چند دن کی محنت، ہمیشہ کا آرام اور مزے۔ اللہ اکبر طریقہ آسان ہے۔ 2 رکعت صلوٰۃ الحاجت۔ جی! بالکل وفاداری سے لبریز سجدے۔ پھر دعا کہ یا اللہ مہم کامیاب فرما، قبول فرما، مجھے زیادہ سے زیادہ کی توفیق عطا فرما۔ دل کی گہرائی سے، عاجزی سے دعا، الفاظ کوئی بھی ہوں بس ادب رہے اور دل میں اخلاص۔ اور ذمہ دار ساتھی 4 رکعت۔ 2 حاجت کی، 2 استخارہ کی … کہ یا اللہ کام سمجھا، راستہ دکھا… جو عمل کرے گا ان شاء اللہ اس دن کے لئے بہت کمالے گا جس دن پوچھا جائے گا کہ آج کے دن کے لئے کیا لائے ہو؟… شہداء کے گھرانے، حضرات مجاہدین، حضرات مہاجرین اور بہت سے مقبول لوگ… اس سال بھی انتظار کریں گے۔ اللہ پاک ہم سب کو ان کی بھر پور خدمت کرنے کی توفیق عطا فرمائے۔ چرم قربانی مہم میں بھی سو فیصد محنت ہو… بلکہ قربانی سے بھی زیادہ… طریقہ وہی دو رکعت… کرنے والا اللہ تعالیٰ ہے اور کوئی نہیں… دونوں مہمات کے بارے میں آپ کے ذہن میں کوئی مفید مشورہ ہو تو کل یعنی ہفتہ صبح سے پرسوں اتوار رات 9 بجے تک ان دو نمبروں پر لکھوا دیں۔ 0321.3132786 ۔ 0333.8558206 آپ کامشورہ مرکز تک پہنچ جائے گا، انشاء اللہ۔
والسلام
خادم
لا الہ الا اللہ محمدرسول اللہ
اللھم صل علی سیدنا محمد
(قربانی مہم)
28-10-2011
مکتوب خادم
السلام علیکم ورحمۃ اللہ وبرکاتہ!
جمعہ مبارک، آج رات چاند نکلنے کا قوی امکان ہے، انشاء اللہ۔ آخری اسلامی مہینے ذی الحجہ کا استقبال مسجد میں کریں۔ یعنی غروب آفتاب سے کچھ پہلے جاپہنچیں اور ڈوب جائیں اپنے محبوب مالک سے مناجات میں، ذکر اور تلاوت میں۔ جن پر قربانی واجب ہے وہ آج ہی ناخن اور مکروہات کا صفایا کردیں۔ بھائیو! بڑے قیمتی دن اور راتیں آرہی ہیں، ہوسکے تو روزوں کا اہتمام کریں۔ گناہوں کو طلاق دیں، قربانی اور چرم مہم تیز کریں۔ یہ بڑے اجر والا کام ہے۔ جس نے اس کیلئے صلوٰۃ الحاجت نہیں پڑھی وہ ادا کرلیں۔ جن پر قربانی واجب نہیں وہ غم نہ کریں۔ فقیروں کا فقر انکی قربانی ہے اور مسکین سے اللہ تعالیٰ اور اس کے رسول اکرم ا محبت فرماتے ہیں۔ مبارک ہو خوش دلی سے صبر کرنے والے فقراء کرام کو۔ فقراء کی زکوٰۃ، صدقہ اور قربانی محبت کے یہ کلمات ہیں۔
سُبْحَانَ اللہِ وَالْحَمْدُلِلّٰہِ وَلَا اِلٰہَ اِلَّا اللہُ وَاللہُ اَکْبَرُوَلَاحَوْلَ وَلَاقُوَّۃَ اِلَّابِاللّٰہِ الْعَلِیِّ الْعَظِیْمِ
ایسا محسوس ہوتا ہے کہ آپ حضرات نے مجاہدین اور اسیران کیلئے دعائیں کم کردی ہیں یا ان میں جوش اور آہ و زاری نہیں رہی۔ اے خوش نصیبو! ایسا نہ کرو، ایسا نہ کرو، آپ سب کیلئے دعا گو اور آپ سب کی دعائوں کا منتظر۔
والسلام
خادم
لاالہ الا اللہ محمدرسول اللہ
اللھم صل علٰی محمد
(استقبال ذوالحجہ وقربانی مہم)
05-11-2011
مکتوب خادم
السلام علیکم ورحمۃ اللہ وبرکاتہ!
کل فجر سے تکبیرات تشریق شروع… اللہ اکبر… بہت ذوق و شوق سے اہتمام کریں۔ گھروں میں خواتین سے اکثر رہ جاتی ہیں اور ان سے بھی جو اکیلے نماز پڑھتے ہیں۔ ترتیب بنالیں کہ سب کو یاد رہے اور سب اللہ پاک کی بڑائی اور کبریائی پکاریں۔
والسلام
خادم
لا الہ الا اللہ محمد رسول اللہ
اللھم صل علیٰ محمد
(تکبیرات تشریق)
07-11-2011
مکتوب خادم
السلام علیکم ورحمۃ اللہ وبرکاتہ!
اللہ پاک آپ سب کی عید قبول فرمائے۔ نماز، قربانی، تکبیرات، محنت، اجتماعی قربانی اور چرم قربانی کی محنت کو اللہ پاک آپ کیلئے محفوظ فرمائے اور اسے آپ کے نامۂ اعمال اور میزان کے نیکیوں سے بھاری ہونے کا ذریعہ بنائے۔ بے شک قیامت کے دن جس کا میزان بھاری ہوگا وہ من چاہی عیش اور اعلیٰ زندگی کا ہمیشہ ہمیشہ کیلئے مستحق بن جائے گا۔ آپ کی یہ محنت کسی کی ذات کیلئے نہیں، نہ کسی خاص گروہ کیلئے۔ یہ محنت رب العالمین کیلئے ہے اور وہی بہترین بدلہ دینے والا ہے۔
والسلام
خادم
لا الہ الا اللہ محمد رسول اللہ
اللھم صل علیٰ محمد
(عید وقربانی مہم)
عشرہ استغفار
نومبر 2011ء
مکتوب خادم
السلام علیکم ورحمۃ اللہ وبرکاتہ!
اللہ پاک کا شکر ہے کہ قربانی کی دونوں مہمات اللہ پاک کے فضل سے کامیاب رہیں… آپ حضرات نے عید کی خوشی قربان کرکے محنت کی… اللہ پاک آپ کو اس کا بہترین بدلہ عطا فرمائیں… مبارک ان کو جو عید کے دن کھالیں اٹھاتے رہے… گھروں اور موج میلوں سے دور رہے… قربانی جمع کرتے رہے… مستحقین تک پہنچاتے رہے، خون آلود ہوتے رہے… اپنی فکر چھوڑ کر امت کی فکر کرتے رہے… مبارک ہو، جس نے جتنی محنت کی اُتنا ہی اپنی ذات کا بھلا کیا… عقلمند ایسا ہی کرتے ہیں… کام مکمل ہوا… اب کیا کرنا ہے؟… قرآن پاک فرماتا ہے اب اپنے کام کو محفوظ کرنا ہے، اپنے عمل کو بچانا ہے۔ وہ کیسے؟ فَسَبِّحْ بِحَمْدِ رَبِّکَ وَاسْتَغْفِرْہٗ… تسبیح اور استغفار… دو کام کرو اور اپنے عمل کو آخرت کیلئے محفوظ کرلو… تسبیح اور استغفار… تھکاوٹ کی حالت میں شیطان زور دار حملہ کرتا ہے… تاکہ اعمال چھین لے جائے… غفلت، گناہ، آرام، آزادی کا تقاضہ… کیا کوئی غلام بھی آزاد ہوتا ہے؟ ہم تو اپنے محبوب رب کے بندے اور غلام ہیں اور ہماری اجرت اور آرام یہاں نہیں، وہاں ہے… جی ہاں! وہاں جہاں پیاری پیاری پاکیزہ وفادار حوریں انتظار کرتی ہیں کہ اپنے خاوندوں کو بتائیں کہ تمہارا مالک تم سے راضی ہوا… تسبیح اور استغفار… کم از کم دس دن روزانہ ایک ہزار بار… بھائیو! اتنے فائدے ہیں کہ شمار سے باہر… اللہ پاک کی رحمت… نامۂ اعمال کی پاکی… دل کی روشنی… جسم میں قوت اور صحت… وقت میں برکت… عذاب سے حفاظت… رزق میں وسعت… بے اولادوں کی اولاد… غموں کا علاج… زخموں کا مرہم… قرآن پاک میں استغفار کے فوائد پڑھ کر دیکھیں… بڑی خوشخبری ہے اس کیلئے جس کے نامہ اعمال میں استغفار زیادہ ہو… تسبیح اور استغفار… لَااِلٰہَ اِلَّااَنْتَ سُبْحَانَکَ اِنِّیْ کُنْتُ مِنَ الظَّالِمِیْنَ… تسبیح اور استغفار… سُبْحَانَکَ اللّٰھُمَّ رَبَّناَ وَبِحَمْدِکَ اَسْتَغْفِرُکَ وَاَتُوْبُ اِلَیْکَ… پہلی دعا قرآن کی اور دوسری حدیث کی… جس کی قسمت جو اختیار کرے… بھائیو! بوجھ نہ سمجھو، نعمت ہے نعمت… نفس کو سست مت کرو، بہت اوپر جانا ہے بہت اوپر…
والسلام
خادم
لا الہ الا اللہ محمد رسول اللہ
اللھم صل علیٰ محمد
(تسبیح واستغفار)
نومبر 2011ء
مکتوب خادم
السلام علیکم ورحمۃ اللہ وبرکاتہ!
حضور اقدس ا کا ارشاد ہے… مَنْ لَزِمَ الْاِسْتِغْفَارَ جَعَلَ اللہُ لَہٗ مِن ْکُلِّ ھَمٍّ فَرْجًا وَّمِنْ کُلِّ ضِیْقٍ مَخْرَجًاوَّرَزَقَہٗ مِنْ حَیْثُ لَایَحْتَسِبُ… یعنی جو استغفار کی ہمیشہ کثرت کرے اللہ اُسے ہر پریشانی سے نجات، ہر مصیبت سے خلاصی اور بے گمان رزق عطا فرماتے ہیں… حضرت علیؓ فرماتے ہیں: تعجب ہے اس پر جو ہلاک ہو باوجود اس کے کہ اس کے پاس نجات ہو۔ عرض کیا گیا نجات کیا ہے؟ فرمایا: استغفار… میرے بھائیو!کثرت استغفار کا عشرہ شروع ہے… استغفار نجات بھی ہے اور امان بھی… کوئی حاجت، مصیبت دنیا وآخرت کی ایسی نہیں جس کا علاج استغفار نہ ہو… آج ملک کا دینی طبقہ کمزور ہے… پرویز گیا تو زرداری آیا، وہ جائے تو نواز تیار۔ دونوں جائیں تو عمران خان تیار اور سب جائیں تو فوجی جرنیل حاضر… کیا ہماری قسمت میں ایک بھی ایسا حکمران نہیں جو پورے دین اسلام کو مانتا ہو اور مسلمانوں کا خیر خواہ ہو… آقا مدنی ا کاجانثار غلام ہو… دراصل دینی طبقے کو گناہ کی کثرت، استغفار سے غفلت اور فخر بازی اور کم ہمتی نے کمزور کردیا… قرآن پاک سمجھاتا ہے کہ قوت کا راز تو استغفار اور توبہ ہے… اگر آپ اس عشرہ میں روزانہ ہزار تا 10 ہزار استغفار نہیں کرسکتے تو چلیں اتنی بار کرلیں جتنے گناہ کئے ہیں… یا اتنا وقت کرلیں جتنا وقت گناہوں میں صرف کیا ہے… یا اتنی بار کرلیں جتنی بار رب کریم نے ہمارے گناہوں کے باوجود اپنی نعمتوں کی بوچھاڑ فرمائی ہے… استغفار، استغفار، توبہ، آنسو، استغفار…
والسلام
خادم
لا الہ الا اللہ محمد رسول اللہ
اللھم صل علیٰ محمد
(عشرہ استغفار)
12-11-2011
مکتوب خادم
السلام علیکم ورحمۃ اللہ وبرکاتہ!
ابن جوزیؒ فرماتے ہیں: شیطان کہتا ہے میں نے اولاد آدم کو گناہوں سے ہلاک کردیا… اور انہوں نے مجھے استغفار اور لاالہ الا اللہ محمد رسول اللہ سے ہلاک کیا… میرے عزیز بھائیو! کثرت استغفار میں شیطان ملعون کی ہلاکت ہے… حسن بصریؒ فرماتے ہیں… استغفار کی کثرت کرو اپنے گھروں میں، اپنے دسترخوانوں پر اور اپنے راستوں میں اور اپنی مجلسوں میں… کیا معلوم کہ کس وقت مغفرت نازل ہوجائے… استغفار کے بے شمار فوائد ہیں مثلاً۔
۱۔ اللہ پاک کا تاکیدی حکم ہے۔ ۲۔ یہ رسول پاک ا کا پیارا عمل ہے۔
۳۔ یہ گناہوں کی مغفرت کا ذریعہ ہے۔ ۴۔ اس سے جنت ملتی ہے۔
۵۔ یہ دل کی سیاہی کو دور کرتا ہے۔ ۶۔ اس سے قلبی سکون اور اطمینان نصیب ہوتا ہے۔
۷۔ اس سے اللہ پاک کی رحمت نازل ہوتی ہے۔ ۸۔ یہ قبر کا بہترین پڑوسی ہے۔
۹۔ اس سے ہر طرح کی روحانی اور جسمانی قوت ملتی ہے۔ ۱۰۔ یہ رزق حلال میں بے پناہ وسعت کا ذریعہ ہے۔
۱۱۔ یہ نفس کو غم، پریشانی، مایوسی، شہوت، وساوس اور میل کچیل سے پاک کرتا ہے۔
۱۲۔ یہ صالح اولاد کا ذریعہ ہے۔ ۱۳۔ یہ ہر بیماری کا علاج ہے۔
۱۴۔ یہ انسان کو دنیا کی بہترین زندگی نصیب ہونے کا ذریعہ ہے۔
۱۵۔ یہ مقبول اعمال کی حفاظت ہے۔ ۱۶۔ اس سے بلائیں، مصیبتیں دور ہوتی ہیں۔
۱۷۔ اس کی برکت سے انسان کو اپنا اصل مقام اور فضیلت نصیب ہوتی ہے۔
۱۸۔ اس سے مفید بارشیں برستی ہیں۔ ۱۹۔ اس سے شرح صدر ہوتا ہے۔
۲۰۔ سب سے اہم فضیلت کہ یہ بندے کا تعلق اللہ پاک کے ساتھ ٹھیک کرتا ہے۔
اَسْتَغْفِرُ اللہَ الَّذِیْ لَا اِلٰہَ اِلَّاھُوَ الْحَیُّ الْقَیُّوْمُ وَاَتُوْبُ اِلَیْہِ
میرے بھائیو! آج کسی وقت کسی مسجد یا خالی جگہ کی طرف نکل جائو… راستے میں روتے جائو اور کہتے جائو اے میرے محبوب رب! میں معافی مانگنے آرہا ہوں… توبہ کرنے آرہا ہوں… پھر وہاں پہنچ کر اپنے ہر گناہ کی معافی مانگو… ایمان کی کمزوری… فرائض کی سستی… نفاق، غیبت، حسد، بغض… بے حیائی، سستی، غفلت، حب دنیا، ذلت، رسوائی… ہائے ہائے !بے شمار گناہ… روتے جائو، معافی مانگتے جائو… یہاں تک کہ رحمت کا نزول محسوس ہو… پھر دل پرجو بیتے کسی کو نہ بتائو، کبھی نہ بتائو… ارے !مالک کے سامنے حاضر ہونا ہے… پوری دنیا میں اسلام کے غلبے کی محنت کرنی ہے… گناہوں سے ہلکے ہوں گے تو کچھ کام بنے گا… کل انشاء اللہ صبح سویرے آپ کو مکتوب ملے گا… فجر کے وقت… اس میں استغفار کا ایک عمل ہوگا… تھوڑا بڑا عمل… مگر مشکل نہیں۔ انشاء اللہ جو بھی اخلاص کے ساتھ وہ عمل کرے گا وہ عجیب حالت دیکھے گا… آج سے تیار رہیں… کل کا دن فارغ رکھیں اللہ پاک کی خاطر… اپنی ہمیشہ کی آخرت کیلئے… اپنے دل کیلئے…
اَسْتَغْفِرُاللہَ لِیْ وَلَکُمْ وَلِلْمُوْمِنِیْنَ وَالْمُوْمِنَاتِ
والسلام
خادم
لا الہ الا اللہ محمد رسول اللہ
اللھم صل علیٰ محمد
(عشرہ استغفار)
13-11-2011
مکتوب خادم
السلام علیکم ورحمۃ اللہ وبرکاتہ!
ہمارے آقا حضرت رسول اکرم ا نے ہمیں بہت تاکید سے استغفار کا حکم فرمایا ہے… اس سے اندازہ لگائیں کہ کتنا مفید اور ضروری عمل ہے… بندہ آپ کو ایک عظیم خزانہ اور ایک مجرب ترین عمل عرض کررہا ہے… ایسا عمل کہ جس کا فائدہ آپ عمل کے بعد خود دیکھیں گے انشاء اللہ… صرف ایک دن گپ شپ کی قربانی… زیادہ سونے اور موبائل استعمال کرنے کی قربانی… اور اتنا مفید عمل… آج فجر سے لے کر مغرب تک 30 ہزار بار ان الفاظ سے استغفار اور توبہ کریں…
اَسْتَغْفِرُ اللہَ رَبِّیْ وَاَتُوْبُ اِلَیْہِ
یہ زیادہ سے زیادہ 4 تا 5 گھنٹے کا عمل ہے۔ سبحان اللہ !نامۂ اعمال میں30 ہزار توبہ استغفار… ایک مجلس میں کریں تو سرخ موتی ہے ورنہ جیسے ممکن… باوضو کریں۔ درمیان میں بات چیت نہ ہو تو اچھا ہے… اللہ پاک مجھے اور آپ سب کو آج یہ نعمت نصیب فرمائے اور شیطان کے حملے اور نفس کی سستی سے بچائے۔ آمین
والسلام
خادم
(عشرہ استغفار واستغفارکا مجرب عمل)
14-11-2011
مکتوب خادم
السلام علیکم ورحمۃ اللہ وبرکاتہ!
جو اللہ پاک کے جتنا قریب ہے وہ اسی قدر زیادہ استغفار کرتا ہے… حضرت آدم علیہ السلام کے آنسو… حضرت نوح علیہ السلام اور حضرت دائود علیہ السلام کے آنسو… تمام اہل زمین کے آنسوؤں سے زیادہ تھے… ہمارے آقا ا ایک ایک مجلس میں سو سو بار استغفارفرماتے… ایک عورت حضرت عمرؓ کے گھر آئی، چٹائی کو گیلا دیکھ کر بولی کسی بچے نے پیشاب کیا ہے؟ حضرت ام کلثومؓ نے فرمایا! یہ شیخ یعنی حضرت عمرؓ کے آنسو ہیں… نماز کتنی بڑی عبادت مگر اس کے بعد تین بار استغفار… تہجد کتنا عاشقانہ عمل… تہجد تو نیک لوگ ہی پڑھتے ہیں… ایسے لوگوں کے استغفار کا قرآن پاک میں تعریف کے ساتھ تذکرہ ہے… معلوم ہوا جو اللہ پاک کو جتنا پہچانتا ہے اُسی قدر اللہ کی عظمت کو سمجھتا ہے، تب اسے اپنی ذات اور اپنے عمل ناقص لگتے ہیں تو وہ استغفار میں ڈوب جاتا ہے… گناہوں کے عادی استغفار کی ضرورت محسوس نہیں کرتے… جس طرح چرسی، بھنگی لوگ جتنے میلے کچیلے ہوجائیں نہیں نہاتے… جبکہ پاکی پسند لوگ تھوڑی سی گندگی سے بے چین ہوجاتے ہیں… شیشے اور سفید کپڑے پر تھوڑا سا داغ بھی برداشت نہیں کیا جاتا… مومن کا دل بھی آئینے کی طرح ہوتا ہے، چنانچہ وہ استغفار اور توبہ کے ذریعہ اس کو پاک صاف کرتا رہتا ہے۔۔۔اس لئے میرے بھائیو! یہ نہ سمجھو کہ ہمیں کس گناہ کی سزا مل رہی ہے… بھائیو! جہاز کو ہر فلائٹ کے بعد سروس کیا جاتا ہے… دانت روزانہ کئی بار صاف کئے جائیں تو ان میں کیڑا نہیں لگتا… گاڑی ہر سفر کے بعد ٹیوننگ، سروس مانگتی ہے… وہ چشمے اور کنوئیں جو سوکھ گئے ہوں نئی کھدائی اور صفائی سے دوبارہ جاری ہوجاتے ہیں… استغفار دل کی صفائی ہے، روح کی صفائی ہے، ایمان کی صفائی ہے… یہ کلمہ طیبہ پر یقین کو مضبوط بناتا ہے اور یہ اللہ پاک کا ایسا محبوب عمل ہے کہ اگر زمین پر سب لوگ نیک ہوجائیں اور استغفار چھوڑ دیں تو اللہ پاک ان کو ہٹا کر ایسے لوگ لے آئے جو غلطی کرتے ہوں اور پھر استغفار کرتے ہوں… بھائیو! استغفار کی طرف متوجہ ہونا ایمان کی علامت ہے… بغیر تشبیہ کے سوچیں کہ جب کوئی بیٹا اپنی ماں سے معافی مانگ رہا ہو یا وفادار بیوی خاوند کے پائوں پکڑے آنسو بہا بہا کر معاف کردیں، معاف کردیں کہہ رہی ہو… سچی اور حقیقی محبت بندے کو توبہ، استغفار کا راستہ دکھاتی ہے… آج کے دن اکثر ساتھیوں کو یہ نعمت نصیب ہوئی کہ انہوں نے اپنے کریم رب کو منانے کیلئے ہزاروں بار درخواست پیش کی… بڑی نعمت ہے اور بڑی سعادت… لوگ گھنٹوں فلمیں دیکھتے ہیں اور نیٹ کے ساتھ چپکے رہتے ہیں… استغفار تو شہد سے میٹھا عمل ہے… تھوڑی تھکاوٹ ہوگی، تھوڑا بخار ہوگا… مگر یہ عشق کے جھٹکے ہوتے ہیں… میرا تجربہ تھا کہ اس عمل میں پانچ گھنٹے لگتے ہیں آج بھی اتنے ہی لگے۔ مگر ملک بھر سے ساتھیوں کا پتا چلا کہ اکثر پورا نہ کر پائے… اپنی جلد بازی پر شرم آئی اور آپ کی اسپیڈ پر حیرت ہوئی… آپ لگے رہیں، آج رات یا کل مغرب تک یہ نعمت حاصل کرکے چھوڑیں۔ انشاء اللہ بہت کام آئے گی بہت کام…
والسلام
خادم
لا الہ الا اللہ محمد رسول اللہ
اللھم صل علیٰ محمد
(عشرہ استغفار واہمیت استغفار)
20-11-2011
مکتوب خادم
السلام علیکم ورحمۃ اللہ وبرکاتہ!
اللہ پاک میری اور آپ سب کی مغفرت فرمائے۔ کل عشرہ استغفار کا آخری دن ہے۔ اب کثرت استغفار کو اپنے معمولات کا مستقل حصہ بنالیں۔ تلاوت، کلمہ طیبہ اور درود شریف کی طرح… کل آخری دن کیاکرنا ہے؟ کل تمام گناہوں کی ماں سے حفاظت کی بہت زیادہ دعا مانگنی ہے… کثرت استغفار سے دعا قبول ہوتی ہے… کس کس گناہ سے بچنے کی فکر کرتے پھریں؟ اصل بیماری سے نجات کی دعا مانگتے ہیں جو ہر وقت گناہ ہی گناہ کراتی ہے… ہر دن گناہوں کے انڈے بچے دیتی ہے… اس بیماری کا نام ہے۔۔۔’’ حب دنیا‘‘ یعنی دنیا کی محبت۔ ہمارے محبوب آقا ا نے ہمیں فرمایا: دنیا سے محبت نہ کرو ورنہ خسارے میں جا پڑو گے… جس چیز کو آقا انے خسارہ فرمایا خود سوچیں کہ وہ کتنی نقصان دہ ہوگی۔ بھائیو! نہ غربت بری، نہ مالداری بری۔ غربت اور مالداری اپنے بس کی چیز بھی نہیں، روزی مقدر ہوچکی… صحابہؓ میں بعض مالدار تھے، بعض بہت غریب۔ مگر وہ سب دنیا کی محبت سے پاک صاف تھے تو کامیاب رہے۔ دل کا سکون اور دنیا کی محبت یہ2 کبھی جمع نہیں ہوسکتے۔ اسی طرح دنیا کی محبت میں جو مبتلا ہو اسے اخلاص اور قربانی کا مقام بھی نصیب نہیں ہوتا اور اس کے دل میں اللہ پاک کی عظمت اور محبت بھی نہیں آتی… وجہ کیا ہے؟ دنیا سے محبت رکھنے والے اپنے اصل راستے سے بھٹک جاتے ہیں… جو راستہ ہی غلط پکڑے اسے منزل کہاں ملتی ہے؟ کبھی قبرستان جاکر پوچھو کہ دنیا کی محبت اور فکر کرنے والے اپنے ساتھ کیا لے کر گئے ہیں… موضوع طویل ہے بس اتنا سمجھ لیں کہ یہ کینسر ہے کینسر۔ کل کلمہ طیبہ، استغفار اور درود شریف کا عمل کرکے ہم سب اللہ پاک سے التجا کریں یا اللہ! حب دنیا سے حفاظت فرما۔ ’’ اَللّٰھُمَّ اِنِّیْ اَعُوْذُبِکَ مِنْ حُبِّ الدُّنْیَا‘‘۔ ’’ سورۃ الھٰکم التکاثر‘‘ صبح شام 3 بار پڑھ کر حب دنیا سے حفاظت کی دعا کا پکا معمول بنالیں۔ کل بھی یہ سورۃ پڑھتے جائیں اور دنیا کی محبت سے پناہ مانگتے جائیں۔ نفل سجدوں اور فرضوں کے بعد اور سارا دن جب کوئی نیکی کریں تو آخر میں یہ دعا… ارے بھائیو !یہ دعا قبول ہوگئی تو ایمان، اخلاص، جہاد، جنت کے دروازے کھل جائیں گے اور آپ بادشاہ بن جائیں گے۔ بادشاہ دنیا میں بھی اور آخرت میں بھی، انشاء اللہ۔ پھر نہ غربت ناشکری میں ڈالے گی نہ مالداری تکبر میں۔ 1 جوڑا کپڑے ہوں گے تو سکون اور اگر کروڑوں کے مالک بنو گے تو بھی پائوں جہاد میں جانے سے نہیں کانپیں گے… یہ دنیا مٹی ہے… دھوکہ ہے… تماشہ ہے… فنا کا بلبلہ ہے… مومن کی شان نہیں کہ اسکو اہمیت دے اور اسکی خاطر جیے مرے یا اسکو اپنا مقصود بنائے… یا اس پر روئے یا اس پر فخر کرے… یااللہ! ہم سب کی حب دنیا سے حفاظت فرما اور ہمیں اپنی مقبول محبت نصیب فرما۔ آمین
والسلام
خادم
لا الہ الا اللہ محمد رسول اللہ
اللھم صل علیٰ محمد
(عشرہ استغفار، اصل بیماری کی تشخیص)
26-11-2011
مکتوب خادم
السلام علیکم ورحمۃ اللہ وبرکاتہ!
آج مغرب سے انشاء اللہ امید ہے کہ نیا اسلامی ہجری قمری سال 1433ہجری شروع ہوجائے گا۔ اللہ پاک اس سال کو امت مسلمہ کیلئے خیر و برکت، رحمت، نصرت اور فتوحات والا سال بنائے۔ نئے سال اور مہینے کا اچھا استقبال کریں۔ مسنون اعمال کا اہتمام کریں۔ اپنے عہد اور عزم کی تجدید کریں، دعا کریں، استغفار کریں۔ جان مال سب اللہ کیلئے پیش کرنے والے کامیاب رہتے ہیں۔
والسلام
خادم
لا الہ الا اللہ محمد رسول اللہ
اللھم صل علیٰ محمد
(استقبال سال جدید)
04-12-2011
مکتوب خادم
السلام علیکم ورحمۃ اللہ وبرکاتہ!
اللہ پاک توفیق عطا فرمائیں تو کل اور پرسوں کا روزہ رکھ لیں۔ عاشورہ کا روزہ آقا مدنی ا رکھتے تھے۔ بڑی فضیلت اور سنت ہے۔ ویسے بھی نفس کو نفل روزوں پر نہ لگایا تو یہ ظالم تنگ کرتا ہے… نفس کی اصلاح اور روح کی قوت کا اہم ذریعہ روزہ ہے۔
والسلام
خادم
لا الہ الا اللہ محمد رسول اللہ
اللھم صل علیٰ محمد
(صیام عاشوراء)
10-12-2011
مکتوب خادم
السلام علیکم ورحمۃ اللہ وبرکاتہ!
تمام بھائیوں کو علم ہوگا کہ اس وقت چاند گرہن جاری ہے۔ 15 تاریخ کا پرنور چاند بے نور ہے۔ اللہ… اللہ… اللہ… 1 دن اسی طرح ہمارے جسم بھی بے جان ہوجائیں گے… یہ خوف، عبرت اور استغفار کا وقت ہے۔ ہم بنی آدم کے گناہوں کی سیاہی اور تاریکی دوسری مخلوقات پر اثر کرتی ہے۔ اس وقت صلوٰۃ خسوف یعنی چاند گرہن کی نماز مسنون ہے۔ کم از کم 2 رکعت ادا کریں… اپنے گناہوں پر اور پوری امت کے گناہوں پر استغفار کریں۔ یہ فیصلے کے نازک لمحات ہوتے ہیں۔
والسلام
خادم
لا الہ الا اللہ محمد رسول اللہ
اللھم صل علیٰ محمد
(چاندگرھن)
تربیتی اجتماع
11-12-2011
مکتوب خادم
السلام علیکم ورحمۃ اللہ وبرکاتہ!
مسلمانوں کو اگر صرف 1 لمحہ کیلئے اس بات کا دل کی گہرائی سے یقین ہوجائے کہ… ایمان سب سے عظیم اور بڑی نعمت ہے تو بس سمجھیں کہ کام بن گیا اور انشاء اللہ ایمان دل میں اتر گیا… ایک مسلمان کو صرف 1 لمحہ یہ حقیقت سمجھ آجائے کہ نماز ہی اصل ترقی اور معراج اور تمام مسائل کا حل ہے اور اس میں اپنے محبوب مالک سے مناجات ہے تو بس نماز اس کو ہمیشہ کیلئے نصیب ہوجائے گی۔ تب وہ کبھی خود کو بے آسرا نہیں پائے گا۔ ایک مسلمان کو صرف ایک لمحے کیلئے یہ بات سمجھ آجائے کہ محبت نام ہے قربانی کا… محبوب کیلئے قربان ہونا… اللہ اکبر… تو اسے اصل کامیابی کا راز… جہاد فی سبیل اللہ نصیب ہوجائے گا… ہمیشہ کی کامیابی، ہمیشہ ہمیشہ والی زندگی اور دین کا سب سے اونچا مقام… کیا آپ یہ نعمتیں پانا چاہتے ہیں؟؟؟ تو تشریف لائیں… تربیتی اجتماع میں۔ سرحد اور شمالی پنجاب و آزاد کشمیر کیلئے جمعرات جمعہ 15, 16 دسمبر… جنوبی پنجاب، اندرون سندھ، کراچی، بلوچستان کیلئے 17, 18 دسمبر ہفتہ، اتوار… شہداء اسلام کا مرکز جامع مسجد عثمان و علی رضی اللہ عنہما۔ بہاولپور۔
والسلام
خادم
لا الہ الا اللہ محمد رسول اللہ
اللھم صل علیٰ محمد
(تر بیتی اجتماع)
11-12-2011
مکتوب خادم
السلام علیکم ورحمۃ اللہ وبرکاتہ!
لاالہ الا اللّٰہ میں12 حروف ہیںاور سال میں 12 مہینے ہو تے ہیں۔ ہر حرف 1 مہینہ کے گناہ کا کفارہ بن جاتا ہے… 12 مہینوں میں 4 حرمت والے مہینے ہیں… اسی طرح کلمہ توحید میں4 حرمت والے حرف ہیں اور وہ ہیں ’’اللہ‘‘… لَااِلٰہَ اِلَّااللہُ مُحَمَّدٌ رَّسُوْلُ اللہِمیں 24حروف ہیں… اور دن رات میں 24 گھنٹے۔ ہر حرف 1 گھنٹے کا کفارہ۔ اس مبارک کلمے میں7 کلمات ہیں… اور جہنم کے دروازے بھی 7 ہیں… ہر کلمہ ایک دروازے کو بند کرتا ہے… لَااِلٰہَ اِلَّا اللہُ مُحَمَّدٌ رَّسُوْلُ اللہِ… دل کی گہرائی سے پڑھیں تو پڑھنے والے پر جہنم کے 7 دروازے بند۔ ہم روز دعا مانگتے ہیں ’’اِیَّاکَ نَعْبُدُوَاِیَّاکَ نَسْتَعِیْنُ‘‘… یا اللہ ہم آپ ہی کی عبادت کرتے ہیں اور آپ ہی سے مدد مانگتے ہیں۔ اِیَّاکَ نَسْتَعِیْنُ۔ اللہ پاک فرماتے ہیں… اِسْتَعِیْنُوْابِالصَّبْرِوَالصَّلَاۃِ… اے میرے بندو !میری مدد چاہیے تو صبر اور نماز کو لازم پکڑو۔ ان دونوں کے ذریعے میری مدد حاصل کرو۔ جہاد صبر کا اعلیٰ درجہ ہے۔ بس معلوم ہوا کہ دنیا و آخرت میں اللہ پاک کی مدد نماز اور جہاد کے ذریعے ملتی ہے۔ یہ سب کچھ سمجھنے کیلئے تشریف لائیں… تربیتی اجتماع میں… سرحد، شمالی پنجاب اور آزاد کشمیر کیلئے 15, 16 دسمبر جمعرات، جمعہ… اندرون سندھ، کراچی، بلوچستان کیلئے 17, 18 دسمبر ہفتہ، اتوار۔ مرکز عثمان و علی رضی اللہ عنہما بہاولپور۔
والسلام
خادم
لا الہ الا اللہ محمد رسول اللہ
اللھم صل علیٰ محمد
(تربیتی اجتماع)
12-12-2011
مکتوب خادم
السلام علیکم ورحمۃ اللہ وبرکاتہ!
پیارے بھائیو! شکر ادا کرو کہ اللہ پاک نے محض اپنے فضل و کرم سے ہمیں عظیم کلمہ لَااِلٰہَ اِلَّا اللہُ مُحَمَّدٌ رَّسُوْلُ اللہِ نصیب فرمایا… ہمیں اقامت صلوٰۃ جیسی عظیم نعمت عطا فرمائی۔ ہمیں جہاد فی سبیل اللہ کا عظیم راستہ دکھایا… کلمہ طیبہ کتنا عظیم ہے؟ کبھی آپ نے سوچا۔ یہ وہ کلمہ ہے جس سے زمین و آسمان قائم ہیں… یہی کلمہ زندگی کا حاصل ہے اور یہی انسان کی عمر کا اصل سرمایہ ہے۔ اسی سے علاَّم الغیوب کے دروازے کھلتے ہیں اور اسی کے ذکر سے دل نرم ہوتے ہیں۔ اسی کلمہ کیلئے جنت مہکتی ہے… اسی کیلئے جہاد کا جھنڈا بلند ہوتا ہے… اسی کی خاطر کھوپڑیاں اُڑتی ہیں اور اسی کیلئے شہداء کی ارواح پروازیں بھرتی ہیں۔ یہی کلمہ دنیا کی حیات ہے اور اسی سے آخرت کی بقا ہے۔ یہی ہیبت اور جلال کا راز ہے اور یہی کامیابی کا مدار ہے۔ یہی وہ سب سے افضل دعوت ہے جو تمام انبیاء علیہم السلام نے دی۔۔۔یہی میزان میں سب سے بھاری ہے۔۔۔یہ اچھے اعمال کا پھل دیتا ہے۔ یہ سب سے افضل اور اشرف ذکر ہے۔ یہ دین اسلام کا رکن اعظم ہے۔ یہ اللہ پاک کا قلعہ ہے… یہ جنت کی چابی ہے… یہ اللہ پاک کے عذاب سے امن کا ذریعہ ہے۔ یہی کلمہ گناہوں کو مٹوانے اور بخشوانے کا سب سے بڑا ذریعہ ہے… یہ رسول اقدس ا کی شفاعت کا سبب ہے … یہ ایسا ذکر ہے کہ جس کے اور اللہ پاک کے درمیان کوئی پردہ یعنی حجاب نہیں… میرے بھائیو !یہی کلمہ اصل فطرت ہے جس پر اللہ پاک نے انسان کو پیدا فرمایا… خوش نصیب ہیں وہ جو یہ کلمہ پڑھتے اور مانتے ہیں اور فطرت کے دشمن ہیں وہ جو اس کلمہ کے منکر ہیں۔ یہ کلمہ دل کے یقین کے ساتھ پڑھتے ہی انسان… مسلمان بن جاتا ہے اور اسے اللہ پاک کا دین نصیب ہوجاتا ہے… اس مبارک دین کا سب سے پہلا اور اہم حکم نماز ہے… اقامت صلوٰۃ … پس جس کی نماز قائم اس کا دین قائم اور جس کی نماز برباد اس کا دین برباد … منافق بھی زبان سے کلمہ پڑھتے تھے، مگر نماز میں سستی کرتے تھے۔ دل سے کلمہ پڑھنے والا نماز میں سستی نہیں کرسکتا بلکہ نماز اس کا عشق اور سرور بن جاتی ہے… اور ایک بات سوچیں… کیا یہ عظیم اور بلند کلمہ دنیا میں مغلوب ہونے کیلئے آیا ہے؟ ہائے ہائے! ہرگز نہیں، ہرگز نہیں… اسی لئے جو لوگ اس کلمے کی بلندی کیلئے جہاد کا فریضہ ادا کرتے ہیں وہ بہت اونچے، بہت خوش قسمت اور افضل مسلمان ہوتے ہیں۔ وہ اللہ پاک کے محبوب بن جاتے ہیں اور اللہ پاک ان کا خریدار ہوجاتا ہے اور وہ انکی موت کو ایسی لذیذ اور طاقتور زندگی بنادیتا ہے جس زندگی کو ہم اس دنیا میں سمجھ ہی نہیں سکتے… ہاں! خوش قسمت ہیں وہ جن کو جہاد فی سبیل اللہ کا راستہ مل جائے… یہ سب باتیں سمجھنے کیلئے اور امت مسلمہ مظلومہ تک کامیابی کی یہ دعوت پہنچانے کیلئے تشریف لائیں تربیتی اجتماع میں… جہاں امت مسلمہ کے فدائی جانباز آپ کو خوش آمدید کہتے ہیں۔
والسلام
خادم
لا الہ الا اللہ محمد رسول اللہ
اللھم صل علیٰ محمد
(تربیتی اجتماع، اہمیت کلمہ، نمازوجہاد)
13-12-2011
مکتوب خادم
السلام علیکم ورحمۃ اللہ وبرکاتہ!
میرے محترم بھائیو!… اللہ پاک نے ہماری کامیابی پورے دین میں رکھی ہے… کیا دین جہاد کے بغیر پورا ہے؟ دین نام ہے حکم اللہ… طریقہ رسول اللہ ا… اللہ پاک کے احکام میں جہاد اہم حکم اور جناب رسول اللہ ا کے طریقوں میں جہاد اونچا طریقہ ہے۔ اگر قرآن پاک سے جہاد کی آیات نکال دی جائیں تو کوئی ایسا قرآن پورا قرآن کہلائے گا؟… آیات جہاد کی تعداد 800 سو سے زائد ہے… میرے بھائیو! جہاد کا انکار کفر ہے… اور کفر کا یہ زہر گھول گھول کر امت کو پلایا جارہا ہے… کوئی ہے جوآگے بڑھ کر امت کے ایمان کی فکر کرے… جو لوگ تحریف کرکے قرآن کی آیاتِ جہاد کا معنی بدلتے ہیں وہ غزوہ بدر کو تو نہیں بدل سکتے… سب مانتے ہیں کہ ایک جنگ تھی جو آقا مدنی ا نے لڑی اور جبرائیل امین علیہ السلام نے بھی لڑی… جب نبی قتال فرمارہے ہیں، بدر میں، احد میں تو جو لوگ قتال سے بغض اور نفرت رکھتے ہیں تو وہ خود کو کیسے مسلمان کہلواتے ہیں؟ آج مسلمانوں کی پستی اور زوال کا یہی سبب ہے کہ وہ عقیدہ جہاد سے محروم ہیں… یقینا میرے بھائیو! وہ مسلمان اس دور میں امت مسلمہ کے محسن ہیں جو جہاد کو بغیر تحریف، تاویل اور تبدیل کے کھلم کھلا بیان کرتے ہیں… اور خود بھی اپنے جان و مال سے جہاد کرتے ہیں… ایسے باسعادت لوگوں میں شامل ہونے اور ان سے روشنی لینے کیلئے تشریف لائیں… تربیتی اجتماع میں… سرحد اور شمالی پنجاب و آزاد کشمیر کیلئے جمعرات، جمعہ 15, 16 دسمبر۔ جنوبی پنجاب، اندرون سندھ، کراچی، بلوچستان کیلئے 17, 18 دسمبر ہفتہ، اتوار۔ شہدائے اسلام کے مرکز جامع مسجد عثمان و علی رضی اللہ عنہما بہاولپور…
والسلام
خادم
لا الہ الا اللہ محمد رسول اللہ
اللھم صل علیٰ محمد
(تربیتی اجتماع)
14-12-2011
مکتوب خادم
السلام علیکم ورحمۃ اللہ وبرکاتہ!
تربیتی اجتماع میں ذوق و شوق اور اخلاص سے تشریف لائیں۔ انشاء اللہ بہت کچھ نصیب ہوگا… تجدیدِ ایمان… جس کے ہم ہمیشہ محتاج رہتے ہیں۔ تجدیدِ عہد… گناہوں پر استغفار… اور 7 روح پرور ایمان افزا… بیانات… خطباء کی زبانی نہیں بلکہ مجاہدین کی زبان سے… جو خود جہاد کی آزمائشوں سے گزرے… خوف، شدت، زخم، قید و بند اور محاصرے… اجتماع میں تشریف لائیں۔ شاید آپ کی آنکھوں کو ان اونچے اولیاء کی زیارت نصیب ہو جو دنیا کو چھوڑ چکے… جی ہاں! وہی دنیا جس میں لوگ الجھے ہوئے ہیں اور مزید الجھنا چاہتے ہیں… ولی وہی ہوتا ہے جو اللہ پاک سے سچا عشق رکھتا ہو… اور وہ جو اللہ پاک کی ملاقات کیلئے سب کچھ چھوڑ کر ایک ایک لمحہ انتظار کررہے ہیں… ان کا کیا مقام ہوگا؟… اگر میں لکھوں تو ڈر لگتا ہے کہ ان کے دلوں میں بڑائی نہ آجائے… اور دنیا پرست لوگ اعتراضات نہ اٹھائیں… آپ قرآن پاک کی سورتوں میں انکے مقام کو ڈھونڈیں، بالکل صاف صاف مل جائے گا۔ تب آپ حیران ہوں گے کہ اس زمانے میں ایسے لوگ؟؟ تو پھر دیر نہ کیجئے !اس سفر میں جو خرچ ہو وہ بھی سعادت، خود بھی آئیں اور انکو بھی لائیں جو اسلام کی عظمت کا خواب دیکھتے ہیں مگر ان کو راستہ نہیں ملتا… وہ بھی جو کفر کے غلبے کو دیکھ کر تڑپتے ہیں مگر اسکا کوئی حل انہیں نظر نہیں آتا۔ ان کو بھی جو پہلے جڑے ہوئے تھے مگر پھر پھنس اور دھنس گئے… دعا کریں اجتماع مقبول ہو، کامیاب ہو، جگہ کی تنگی کی وجہ سے عمومی دعوت جاری نہیں کی گئی صرف ارکان، معاونین اور خاص محبین کیلئے ہے۔ دعا کریں عمومی اور عوامی اجتماع کی راہ بھی اللہ پاک اپنے فضل و رحمت سے کھول دے۔
والسلام
خادم
لا الہ الا اللہ محمد رسول اللہ
اللھم صل علیٰ محمد
(تربیتی اجتماع)
14-12-2011
مکتوب خادم
السلام علیکم ورحمۃ اللہ وبرکاتہ!
آجائو میرے بھائیو! مل کر 4 گرم آنسو بہائیں، ان اسیران اسلام کی یاد میں جو دنیا بھر کے عقوبت خانوں میں سسک رہے ہیں… کیا معلوم ان آنسوؤں کے گرنے سے عمل کا کوئی درخت تازہ ہوجائے… آئو میرے بھائیو! دل کو دل سے ملائیں تاکہ کمزور بیٹریاں طاقتور بیٹریوں سے قوت پکڑیں… آئو! مل کر اللہ تعالیٰ پر ایمان کا اعلان اور طاغوت سے بیزاری اور برأت کا اظہار کریں… آئو! مل کر دنیا کے ہر باطل نظام اور ہر باطل طاقت کا انکار کریں۔ آئو !مل کر اللہ پاک کی غیر مشروط بندگی کا عہد کریں… آئو !مل کر آقا مدنی ا اور اسلام سے ہمیشہ کی وفاداری کا عزم کریں… اور مل کر ان پر تھوکیں جو ہمارے آقا مدنی ا کی شان میں گستاخی بکتے ہیں… آئو! مل کر ان کیلئے اپنے جذبوں میں غیرت کی آگ بھڑکائیں جنہوں نے قرآن عظیم الشان کو نذر آتش کیا… آئو بھائیو آئو! مل کر اسلام کی سیسہ پلائی دیوار بن جائیں۔ آئو !مل کر بابر مسجد کی تعمیر کا عزم کریں… اور مل کر کشمیر کی آزادی کا عہد کریں۔ آئو! مل کر مسجد اقصیٰ کو یاد کریں… اور مسجد اقصیٰ کے گرد ٹکڑے ہونے والی فدائی بہنوں کو سلام پیش کریں… آئو بھائیو آئو! مل کر ہمیشہ ہمیشہ کی زندگی کا راز ڈھونڈیں۔ آئو! مل کر مظلوم امت مسلمہ کیلئے خلافت کی پرسکون آغوش تلاش کریں۔ آؤ بھائیو! مل کر امارت اسلامیہ افغانستان کو یاد کریں اور اس قافلے کے غبار میں اپنے کاشف اور ریاض کو ڈھونڈیں۔ آئو بھائیو! اپنے شہداء ساتھیوں کی گمنام قبروں کو ڈھونڈیں اور سمجھنے کی کوشش کریں۔ آئو بھائیو! مدینہ پاک سے وفا کا سبق سیکھیں… آجائو بھائیو آجائو! مل کر امت مسلمہ کا درد بانٹیں اور عمل کی راہوں پر ایک دوسرے کا سہارا بنیں… دیکھو !شہداء کے قافلے دھوم مچاتے گذر رہے ہیں۔ اللہ کرے ہم میں سے کوئی اللہ پاک کی عظیم رحمت سے محروم نہ ہو۔ آمین۔
والسلام
خادم
لا الہ الا اللہ محمد رسول اللہ
اللھم صل علیٰ محمد
(تربیتی اجتماع)
16-12-2011
مکتوب خادم
السلام علیکم ورحمۃ اللہ وبرکاتہ!
چند گزارشات ان سے جو اجتماع پر جارہے ہیں اور چند ان سے جو کسی واقعی عذر کی وجہ سے نہیں جاسکتے… جانے والے خالص اللہ پاک کی رضا کی نیت کریں… اور اس دعا کا اہتمام کہ انہیں اس اجتماع سے دینی، روحانی، نظریاتی اور اخروی فائدہ نصیب ہو۔ بندہ کا تجربہ ہے کہ جب بھی اس طرح کی دعا اور فکر کی تو بڑے بڑے فوائد نصیب ہوئے… ڈاکٹر یا حکیم کے پاس جب کوئی جاتا ہے تو اپنا علاج مطلوب ہوتا ہے نہ کہ ڈاکٹر اور اس کے کلینک کی اصلاح… بس آپ بھی تنقید اور اعتراض کی عینک گھر چھوڑ جائیں… یہ بری عادت انسان کو ہر خیر سے محروم کرتی ہے… اور ہر جگہ ہر کسی کو مشورہ دینے کی عادت انسان کو بے کار باتونی بنادیتی ہے… اعتراض کرنا اور تنقید کرنا دنیا کا آسان ترین کام ہے… اور تو اور شیطان کو جنت کی ایک مجلس اور اللہ پاک کے حکم پر اعتراض پیدا ہوگیا… مگر اس کا نتیجہ کیا نکلا؟ محرومی، خوفناک محرومی… وہ جنت تھی… جب کہ یہ دنیا کی مجلسیں ہیں ان میں غلطی، خامی ڈھونڈنا بہت آسان ہے… مگر اس میں ملتا کچھ بھی نہیں۔ میرے بھائیو! سیکھنے اور حاصل کرنے کے ارادے سے جائیں تاکہ دامن بھر کر فیض پائیں۔ اس کا آسان طریقہ یہ ہے کہ دل اور زبان کو ذکر میں لگائے رکھیں… سفر میں ساتھیوں کی خدمت کریں… کوئی تکلیف آئے تو خندہ پیشانی سے اجر سمجھ کر برداشت کریں۔ کھانے، پینے، سونے میں دوسروں کو اپنے اوپر ترجیح دیں۔ بعض اوقات کی بھوک اور بیداری بڑا عظیم اجر بن جاتا ہے… اور جو کسی واقعی عذر کی وجہ سے نہیں جاسکتے وہ ہر نماز کے بعد اور صلوٰۃ الحاجت پڑھ کر اجتماع کی قبولیت اور عنداللہ کامیابی اور حفاظت کی دعا کریں۔ یہی عمل ہماری ہم فکر مسلمان بہنیں بھی کریں… اللہ پاک آپ سب کو شرکت کا اجر اور فائدہ نصیب فرمائے۔ وظائف پر مشتمل بڑی گرانقدر کتاب ’’مناجات صابری‘‘ الحمدللہ شائع ہوچکی ہے۔ اجتماع میں انشاء اللہ اس کا افتتاح ہوگا۔ اجتماع کے سلسلے میں یہ آخری مکتوب ہے۔ بندہ آپ سب سے دعا کی گذارش کرتا ہے۔
والسلام
خادم
لا الہ الا اللہ محمد رسول اللہ
اللھم صل علیٰ محمد
(تربیتی اجتماع)
18-12-2011
مکتوب خادم
السلام علیکم ورحمۃ اللہ وبرکاتہ!
اللہ پاک کا ارشاد ہے… ترجمہ… جب اللہ پاک کی نصرت اور فتح آجائے اور آپ لوگوں کو دیکھیں کہ وہ فوج در فوج اللہ کے دین میں داخل ہورہے ہیں… تو آپ اپنے رب کی حمد کے ساتھ تسبیح کیجئے اور اس سے استغفار کیجئے۔ یعنی معافی مانگیں۔ بے شک وہ توبہ کو بہت قبول فرمانے والا ہے… (القرآن) معلوم ہوا کہ جب بھی دین مقدس میں کوئی کامیابی اللہ پاک نصیب فرمائے تو ایمان والوں کا کام یہ ہے کہ دل کی گہرائی سے تسبیح و تحمید میں لگ جائیں… تاکہ عمل اور نیکی محفوظ ہوجائیں… کامیابی کے بعد تکبر، عجب اور تفرقہ کا حملہ نہ ہو اور جو کامیابی ملی ہے وہ جاری ہوجائے… جب یہ سورت نازل ہوئی تو رسول پاک ا کثرت سے پڑھتے تھے…
سُبْحَانَکَ اللّٰھُمَّ رَبَّنَاوَبِحَمْدِکَِ اَللّٰھُمَّ اِغْفِرْلِیْ
خوش نصیبو! رسول اللہ ا کی اتباع کرو۔
والسلام
خادم
لا الہ الا اللہ محمد رسول اللہ
اللھم صل علیٰ محمد
(کامیابی کے بعد تسبیح واستغفار)
مکتوب خادم
السلام علیکم ورحمۃ اللہ وبرکاتہ!
جماعت کے معزز رکن اور حدی خواں قاری غلام عباس صاحب کی اہلیہ محترمہ کا انتقال ہوگیا ہے، انا اللہ وانا الیہ راجعون۔ صبح 9 بجے اوکاڑہ میں نماز جنازہ ہے۔ آس پاس کے ساتھی شرکت کریں اور باقی تمام ساتھی مرحومہ کیلئے مغفرت، رحمت کی دعا اور ایصال ثواب کریں۔ پوری جماعت قاری صاحب اور انکی اولاد و اقارب سے تعزیت کرتی ہے۔ اللہ پاک آپ سب کو صبر جمیل عطا فرمائے… درجات عالیہ عطا فرمائے۔ آمین
والسلام
خادم
لا الہ الا اللہ محمد رسول اللہ
اللھم صل علٰی محمد
(تعزیت)
٭… ٭… ٭
Subscribe to:
Posts (Atom)
