بسم اللہ الرحمن الرحیم
مکتوبات 2016
01-01-2016
مکتوب خادم
السلام علیکم و رحمۃ اللہ و برکاتہ
اللہ تعالیٰ سے ایمان کامل، حسن خاتمہ، مقبول شہادت اورعافیت کی دعاء ہے… جمعہ مبارک کاہدیہ ایک عجیب عمل… اللہ تعالیٰ کی رضاء کے لئے وضوکرنے بیٹھیں… بسم اللہ اورہاتھ دھونے کے بعدکلی کرکے مسواک شروع کریں، گھڑی پر وقت دیکھ لیں، پورے پانچ منٹ مسواک کریں، پھر باقی وضو… مسواک کرتے وقت سوچیں کہ میرے اللہ تعالیٰ خوش ہورہے ہیں… دو تین نمازوں کے لئے اس طرح وضو کریں، خود دیکھ لیں گے کہ آپ نے کیا پایا… ہمارے صاحب کیفیت شہید بھائی عثمانؒ ملنگ، ڈیرہ اسماعیل خان… کااجتماع شاندار اور پرنور رہا… جماعت کے مخلص بزرگ حضرت مولانا عبدالکریم شاہ صاحب (لکی مروت) اجتماع میں تشریف لائے اوراسی میں وفات پائی… عجیب کرامت ہے، ان کے لئے ایصال ثواب کی درخواست ہے۔
والسلام
خادم 
لاالہ الااللہ محمدرسول اللہ
(مسواک کا ایک عجیب عمل
07-01-2016
مکتوب خادم
السلام علیکم و رحمۃ اللہ و برکاتہ!
اللہ تعالیٰ ’’اَلْحَافِظُ‘‘ہے…’’اَلْحَفِیْظُ‘‘ہے… حفاظت فرمانے والا… فَاللّٰہُ خَیْرٌحَافِظًا وَّہُوَ اَرْحَمُ الرَّاحِمِیْن…اللہ تعالیٰ’’اَلنَّاصِرُ‘‘ہے’’اَلنَّصِیْرُ‘‘ہے… نصرت ومدد فرمانے والا… نِعْمَ الْمَوْلیٰ وَنِعْمَ النَّصِیْرُ… موت کاوقت لکھاجا چکا… رزق کے لقمے مقرر ہیں… سانسوں کی تعداد میں نہ کمی ممکن، نہ زیادتی… پھر اللہ کے سواکس کاڈر اورکیسا ڈر؟… حَسْبُنَا اللہُ وَنِعْمَ الْوَکِیْلُ… گھرآباد رکھنا ضروری نہیں…ایک دن چھوڑنا ہی پڑتا ہے…اورکبھی رہتے ہوئے بھی ویران ہو جا تا ہے… ہمیں حکم ہے مساجدکوآباد رکھیں… محاذوںکوآباد رکھیں… شہادت گاہوں کو آبادرکھیں… تب سب کچھ آباد ہے… بتوں کے پجاری،گائے کے پیشاب کے پجاری مطالبہ کر رہے ہیں کہ ڈر جاؤ، دب جاؤ… ایک اللہ کو ماننے والے کیوں ڈریں؟… یہ دنیا بھی’’اللہ‘‘ کی اورآخرت بھی اللہ کی… یہاں بھی’’اللہ‘‘… وہاں بھی’’ اللہ‘‘… جیتے رہیں تب بھی’’ اللہ‘‘ کے محتاج اورمر جائیں تب بھی’’ اللہ‘‘کے پاس… پھرکسی اورسے کیوں ڈریں؟… دین کے دیوانے اپنی فرض محنت جاری رکھیں… بلکہ اور بڑھا دیں… کسی کے خوف میں اپنا وقت ضائع نہ کریں… ان حکمرانوں نے بھی مرجانا ہے… بالکل خالی ہاتھ، بے بس اور بے کار… نہ یہاں کچھ کر سکے نہ آگے کے لئے کچھ بنا سکے… یہاںکا مال ودولت اوراختیارات سب یہاں رہ جائیں گے… اور ان کی داستان حیات عزت، غیرت، بہادری، ایثار… اور اچھے اخلاق کے تذکرے کو ترستی رہے گی… اور آگے کا یہ کبھی سوچتے نہیں… مغرب سے جمعہ شریف مرحبا!… مقابلہ حسن مرحبا!۔
والسلام
خادم
لاالہ الااللہ محمدرسول اللہ
(اللہ کو ماننے والے کسی اور سے کیوں ڈریں؟؟/ مقابلۂ حسن )
10-01-2016
مکتوب خادم
السلام علیکم و رحمۃ اللہ و برکاتہ!
اللہ’’ایک‘‘ہے… اَللہُ اَحَدْ… اللہ بے نیاز ہے… اَللہُ الصَّمَدْ… بھائیو! سورۃ اخلاص پڑھ کرکیسا مزہ آتا ہے… یوں لگتا ہے کہ دنیا میں اللہ کے سواکسی کے پاس ایک تنکے برابر طاقت نہیں… لَمْ یَلِدْ وَلَمْ یُوْلَدْ وَلَمْ یَکُنْ لَّہٗ کُفُواً اَحَدْ… پاکستان جو سر سے پاؤں تک کرپشن اور بدعنوانی میں غوطے کھا رہا ہے… اس کے حکمرانوں کا یہ خیال ہے کہ انڈیا سے یاری ہوتے ہی… ملک ترقی کر جائے گا… کرپشن کہاں جائے گی؟ صوبائی نفرت کہاں جائے گی؟ جاگیردارانہ دیمک کہاں جائے گی؟… باہر ملکوں میں سرمایہ جمع کرنے کی ذہنیت کہاں جائے گی؟… ان چیزوں کے ہوتے ہوئے کوئی ملک ترقی کرسکتاہے؟… ایسا ملک جس کا صدر اور وزیر اعظم بھی ملک کے اربوں ڈالر لوٹ کر باہر بھیجتا رہا ہو… کیا وہ ملک صرف انڈیاکی یاری سے ایشیاء کا ٹائیگر بن جائے گا؟… بس ایک ہی بد بودارشور ہے کہ… مجاہدین ہمیں ترقی نہیں کرنے دے رہے… آپ شوق سے ترقی کرو، آپ شوق سے مذاکرات کرو… کشمیری مجاہدین روزانڈیا کے ہاتھوں مرتے ہیں… اب انہوں نے اپنے قاتل پر وارکردیا تو تم کیوں انڈیا کے ایجنٹ بنتے ہو؟… پاکستان کو ایساذلیل اوربد نام نہ بناؤکہ کل کوئی اس ملک کا وفادار ہی نہ رہے… بنگلہ دیش میں جنہوں نے پاکستان کا ساتھ دیا وہ پھانسیوں پر لٹک رہے ہیں… اور آج تم کشمیریوں کے خلاف انڈیا کو بھر پور تعاون کا یقین دلارہے ہو…  یہی’’مودی‘‘کل تک بنگلہ دیش میں تمہاری فوج کے خلاف لڑ رہا تھا… آج تم اس کی فوج کے مرنے پر ماتم کررہے ہو… اللہ سے ڈرو… عزت کی راہ اختیارکرو۔
والسلام
خادم
لاالہ الااللہ محمدرسول اللہ
(پاکستانی حکمرانوں کا شرمناک طرز عمل)
14-01-2016
مکتوب خادم
السلام علیکم و رحمۃ اللہ و برکاتہ!
اللہ تعالیٰ’’ایک‘‘ہے… وہی ایمان والوں کا یار، وہی مددگار…اللہُ اللہُ، رَبِّیْ لَااُشْرِکُ بِہٖ  شَیْئاً… حَسْبُنَا اللہُ وَنِعْمَ الْوَکِیْلْ… ساری دنیا کے کافراور منافق ہماری گرفتاری پر خوشیاں منا رہے ہیں… وہ گرفتاری جو ہوئی ہی نہیں… اوراگر ہو بھی جائے توکیا فرق پڑے گا؟…کچھ بھی نہیں،کچھ بھی نہیں… ہاں! ایمان والوں میں ان شاء اللہ جوش بڑھے گا، جذبہ ابھرے گا اورجہاد کاکام مزید تیز ہوگا، مزید قوت پکڑے گا… مجاہدین کو لاوارث اور کمزور سمجھنے والے بڑی بھول میں ہیں… تم نے ایک افضل گوروشہیدؒ کے بچوں کورلایا… اس کے بعد تم ہر دن رو رہے ہو، چیخ رہے ہو، چلا رہے ہو… مزید بھی اس طرح کے مظالم کرکے دیکھ لو… اسلام کے بیٹے تمہیں پورا جواب دیں گے… پورا حساب چکائیں گے… یہ انڈین ریل کی پٹڑی پر پیدا ہونے والے ’’مشرک‘‘ نہیں… یہ محمد عربی صلی اللہ علیہ وسلم کے غلام اور مدینہ منورہ کے بیٹے ہیں… توحید سے سرشار اور شوق شہادت سے سرمست… مودی، ایڈوانی اور واجپائی کے یار حکمرانوں کو چاہیئے کہ… نشان حیدر پانے والے ان فوجیوں کے گھروں پر بھی چھاپے ڈالیں جنہوں نے تمہارے یارانڈیا سے جنگ کی تھی… اوراسے نقصان پہنچایا تھا… بھائیو! ہمت … بھائیو! شوق شہادت… مغرب سے جمعہ شریف مرحبا… مقابلۂ حسن مرحبا۔
 والسلام
خادم
لاالہ الااللہ محمد رسول اللہ
(اسلام کے بیٹے دشمن کو پورا پوار جواب دیتے ہیں/ مقابلۂ حسن )
16-01-2016
                                                                        مکتوب خادم
السلام علیکم و رحمۃ اللہ و برکاتہ!
اللہ تعالیٰ’’ایک‘‘ہے…وَحْدَہٗ لَاشَرِیْکَ لَہٗ… ہم اللہ تعالیٰ کے سوا کسی کی طاقت نہیں مانتے… نہیں مانتے… نہیں مانتے…لَااِلٰہَ اِلَّااللہُ، لَااِلٰہَ اِلَّااللہُ، لَااِلٰہَ اِلَّا اللہُ… جو لگتا ہے کوئی کنکر بدن پر دین کی خاطر… تو دل کو وادیٔ طائف کے پتھر یاد آتے ہیں… وہ طائف کی سر زمین… ہمارے آقا صلی اللہ علیہ وسلم زخمی، لہولہان… ہم ان پر ہزار بارقربان… محمد رسول اللہ، محمد رسول اللہ… صلی اللہ علیہ وسلم… بھائیو! اگر آقا مدنی صلی اللہ علیہ وسلم کے سچے امتی ہو تو تین کام نہ کرنا… (۱) ڈرنا نہیں… (2) بھاگنا نہیں… (3) جھکنا نہیں… او مدینہ کے شیرو! ہمت نہ ہارنا… اور تین کام فوراً کرلو… آسمان بھی تمہیں رشک سے دیکھے گا…(۱) سچا استغفار، سچی توبہ… (2)  آپس میں مثالی اتحاد، اتفاق اور محبت… (3) اللہ تعالیٰ سے ملاقات کی تیاری… استغفار آپ جانتے ہیں… شروع کردیں… پھر ہر جگہ کے ساتھی جمع ہوں، اپنے دل ایک دوسرے سے صاف کریں، معافی مانگیں، معافی دیں، غیبت اور بغض سے اللہ تعالیٰ کی نصرت اور حفاظت اٹھ جاتی ہے… اور محبوب رب سے ملاقات کی تیاری… ہر کوئی نیت باندھ لے… جہاں بلایاگیا جائیں گے… جہاں بھیجاگیا جائیں گے… اور پھر زمین سے عرش تک نعرہ گونجے گا… اللہ اکبر، اللہ اکبر، اللہ اکبر…حَسْبُنَا اللَّہُ وَنِعْمَ الْوَکِیْلُ… وَاُفَوِّضُ اَمْرِیْ اِلَی اللّٰہِ اِنَّ اللّٰہَ بَصِیْرٌ بِّالْعِبَادْ
والسلام
خادم
لاالہ الااللہ محمدرسول اللہ
(آزمائش کے وقت کرنے اور نہ کرنے کے تین کام)
21-01-2016
                                                                       مکتوب خادم
السلام علیکم و رحمۃ اللہ و برکاتہ!
اللہ تعالیٰ امت مسلمہ پر رحم فرمائے…’’چارسدہ یونیورسٹی‘‘کے سانحہ پر دکھ ہوا… مرحومین کے اہل خانہ سے قلبی تعزیت ہے… ’’ابامہ‘‘ نے اعلان کیا ہے کہ پاکستان’’عدم استحکام‘‘کا شکار رہے گا… یہ پیشین گوئی نہیں، پلان ہے… حکومت پردباؤ ڈالا جاتا رہے گا کہ… مساجد، مدارس اور شرعی جہاد پر پابندیاں اور سختیاں برسائی جائیں… اس کے نتیجے میں لوگ فساد اور تخریب کاری کی نرسیوں میں بھرتی ہوں گے… یوں’’عدم استحکام‘‘جاری رہے گا… ایک طرف بھارت جیسا دشمن ہے… دوسری طرف ضمیر فروش لالچی میڈیا ہے اور تیسری طرف حکمت وتدبر سے عاری حکمران… ہمارا ملک ایک ساتھ ان تمام آفتوں میں گھر چکا ہے… جب تک بھارت کو اس کی اوقات پر نہیں لایا جائے گا… جب تک میڈیا کی ملک دشمنی اور اسلام دشمنی کو لگام نہیں دی جائے گی… جب تک ملک کے دیندار طبقے کو اس کا باعزت مقام نہیں دیا جائے گا… یہ ملک موذی پرویز مشرف کی جلائی ہوئی حرام آگ میں اسی طرح تڑپتا رہے گا.… بھائیو! اللہ تعالیٰ کی طرف رجوع کا وقت ہے… جمعہ کی رات جو آج مغرب سے شروع ہوگی اس میں دعائیں، آہیں اور آنسو قبول ہوتے ہیں… سچا استغفار، ندامت کے گرم آنسو اور والہانہ درود وسلام کی کثرت… مقابلہ حسن شاندار رہے۔
والسلام
خادم
لاالہ الااللہ محمدرسول اللہ
(چارسدہ یونیورسٹی کے سانحہ پراظہار افسوس/ امریکی پالیسی/ پاکستان پر مسلط تین آفتیں/ مقابلۂ حسن )
28-01-2016
                                                                        مکتوب خادم
السلام علیکم و رحمۃ اللہ و برکاتہ!
اَللّٰھُمَّ صَلِّ عَلیٰ سَیِّدِنَا مُحَمَّدٍ وَّآلِہٖ وَسَلِّمْ تَسْلِیْماً… ایک باردرودو سلام پڑھنے پرکم ازکم پچاس انعامات ملتے ہیں… شاہی انعامات… بلکہ شہنشاہی انعامات… دس خصوصی رحمتیں، دس سلام، دس نیکیاں، دس درجے اوردس گناہوں کی معافی… درود وسلام ایک’’دعاء ‘‘ہے… جو اللہ تعالیٰ سے مانگی جاتی ہے…  حضرت آقا مدنی صلی اللہ علیہ وسلم کے لئے… یہ خالص عبادت ہے… جو خالص اللہ تعالیٰ کی رضا کے لئے کی جاتی ہے… دینے والا صرف اللہ… فرشتوںکو بھی وہی دیتا ہے اور پیغمبروں کو بھی وہی… مانگنا صرف اللہ تعالیٰ سے جائز… اور کسی سے نہیں… اِیَّاکَ نَعْبُدُ وَاِیَّاکَ نَسْتَعِیْنُ… درود وسلام اللہ کی وہ عبادت ہے جس میں حق شناسی بھی ہے اور احسان شناسی بھی… سب سے بڑھ کر یہ کہ اس میں عشق بھی ہے اور وفا بھی… کہ ہم اللہ تعالیٰ کے بندے اور اس کے آخری نبی حضرت محمد صلی اللہ علیہ وسلم کے حق کو مانتے ہیں، احسان کو مانتے ہیں… ان سے عشق و وفا رکھتے ہیں… ان کے لئے اللہ تعالیٰ سے رحمت اور سلام مانگتے ہیں… حضرت آقا مدنی صلی اللہ علیہ وسلم کے احسانات بے شمار ہیں… صلی اللہ علیہ وسلم، صلی اللہ علیہ وسلم، صلی اللہ علیہ وسلم… ہم حضرت آقا صلی اللہ علیہ وسلم سے جس قدر قریب ہوں گے… ہمیں اسی قدر اللہ تعالیٰ کا زیادہ قرب ملے گا… اور والہانہ درود وسلام اس کا بہترین ذریعہ ہے… چھاپے، ناکے لگتے رہتے ہیں… جہادکریں اور درود شریف پڑھیں اور دنیا وآخرت میں ایمان کے مزے لوٹیں… مغرب سے جمعہ شریف اور مقابلہ حسن مرحبا!… 
والسلام
خادم
لاالہ الااللہ محمدرسول اللہ
(دورد سلام/ مقابلۂ حسن)
03-02-2016
                                                                       مکتوب خادم
السلام علیکم و رحمۃ اللہ و برکاتہ!
اللہ تعالیٰ ہمارا حشر صدیقین، شہداء اور صالحین کے ساتھ فرمائے… دنیا میں جو جس کا یار قیامت کے دن وہ اسی کے ساتھ… آپ کبھی مقبوضہ کشمیر جائیں… وہاں مقبرے ہی مقبرے ہیں… بڑے بڑے قبرستان… حضرات شہداء کرامؒ کے قبرستان… مظلوم مسلمانوں کے قبرستان… ان قبرستانوں میں خوشبو بستی ہے، روشنی چمکتی ہے… شہدائے کشمیر کی پرنور قبریں تہاڑ جیل دہلی تک پھیلی پڑی ہیں… شہداء کرامؒ کے خون پر کھڑی اس تحریک کو کوئی ختم نہیں کرسکتا… کوئی ناکام نہیں کرسکتا… جمعۃ المبارک کے دن پانچ فروری کی تاریخ آرہی ہے… کشمیری مسلمانوں کے ساتھ اظہار یکجہتی کی تاریخ… ان شاء اللہ پورے ملک میں شاندار، جاندار ریلیاں نکالی جائیں گی… تمام اہل دل ان اجتماعات کی کامیابی اور مقبولیت کی دعاء کریں… سب سے اہم اجتماع کراچی میں ہوگا، ان شاء اللہ… واٹر بورڈ کالونی گراؤنڈ نزد سخی حسن… شام ساڑھے چھ بجے… تمام اہل کراچی کو ایمان کے رشتے کی بنیاد پر… بندہ کی طرف سے اس اجتماع میں شرکت کی دعوت ہے… امید ہے ایمانی رشتے کی بھر پور لاج رکھیں گے… اور ہاں! بھائی محمد افضل گورو شہیدؒ… کمانڈر سجاد خان شہیدؒ اور غازی بابا شہیدؒ کی طرف سے بھی… آپ کو شرکت کی بھرپور دعوت ہے۔
والسلام
خادم
لاالہ الااللہ محمدرسول اللہ
(یوم یکجہتیٔ کشمیرکے اجتماعات وریلیاں)
04-02-2016
                                                                        مکتوب خادم
السلام علیکم و رحمۃ اللہ و برکاتہ!
اللہ تعالیٰ کا شکر… بے شمار… اَلْحَمْدُ لِلّٰہِ کَثِیْراً… سب سے پہلے جمعہ شریف اور مقابلہ حسن کی یاددہانی ہے… آپ کسی عظیم اورمحبوب ہستی کی خدمت میں روز سلام کے لئے جاتے ہوں… وہ بھی آپ سے محبت رکھتے ہوں… پھر کسی دن نہ جائیں اور وہ انتظارکرتے ہوں… یہ اچھا لگے گا؟…درود وسلام میں کمی نہ آنے دیں… ترقی کریں ترقی… (۱) ملک بھر سے پانچ فروری جہاد کشمیر ریلیوں کی اطلاعات آرہی ہیں… ہر جگہ بھر پور تیاری ہے… سب دعاء کے لئے کہہ رہے ہیں… ضرور… دل کی گہرائی سے دعاء ہے… ایسی زبردست ریلیاں اٹھائیں کہ ہر طرف ایمان کے ریلے چل پڑیں… (2 ) پانچ فروری کی ریلیوں میں اجتماعات کا نصاب جاری رہے گا… ذکر اللہ، دعوت الیٰ اللہ… مگر نقد تشکیلات نہیں ہوں گی… انکی جگہ ہر ریلی میں شہدائے کرامؒ کے لئے ایصال ثواب کا لازمی اہتمام کیاجائے… یاد رکھیں! ریلیوں کا نصاب… ذکر اللہ، دعوت الیٰ اللہ اور ایصال ثواب… (۳ )دورہ تربیہ ماشاء اللہ خوب جارہا ہے… مرکز، پشاوراور کراچی ہر جگہ
اَلْحَمْدُ لِلّٰہِ ترقی پر ہے… مرکز میں اس وقت جاری ہے… پشاور میں کل شروع ہوگا، اس میں کمی نہ آنے دیں…(4) اَلْحَمْدُ لِلّٰہِ سخت سردی کے باوجود’’ الحجامہ‘‘کی سنت خوب رہی… دو ماہ میں تقریباً سولہ ہزار افراد اس سے مستفیض ہوئے…کئی نام کارگزاری میں نہیں آتے… اَلْحَمْدُ لِلّٰہِ اخبار میں بھی ترقی ہوئی… بیانات میں بھی اضافہ… اللہ تعالیٰ کا شکر بے شمار۔
والسلام
خادم
لاالہ الااللہ محمدرسول اللہ
(متفرقات)

07-02-2016
مکتوب خادم
السلام علیکم و رحمۃ اللہ و برکاتہ!
 اَللّٰہُ اَحَدْ…… اَللّٰہُ الصَّمَدْماشاء اللہ کراچی کا اجتماع… لَاقُوَّۃَ اِلَّا بِاللّٰہ… اہل کراچی کا شکریہ…اللہ اَکْبَرْ، پشاورکی ریلی…  اَلْحَمْدُلِلّٰہِ کَثِیْراً… اہل پشاور کا شکریہ… سُبْحَاَن اللّٰہ! کوئٹہ، کوہاٹ، لکی مروت کی ریلیاں… دین کے دیوانوں کا شکریہ… اورگوادر تاخیبر… پرنور اجتماعات… جمعہ شریف… ساتھ یوم کشمیر… برکت اور جذبہ… محبوب مالک کی نصرت ہی نصرت… سُبْحَانَ اللّٰہِ وَبِحَمْدِہٖ سُبْحَانَ اللّٰہِ الْعَظِیْمْ، نَسْتَغْفِرُاللّٰہَ وَنَتُوْبُ اِلَیْہ۔
والسلام
خادم
لاالہ الااللہ محمدرسول اللہ
(یوم یکجہتیٔ کشمیر کے کامیاب اجتماعات وریلیوں پر شکر)
08-02-2016
                                                                       مکتوب خادم
السلام علیکم و رحمۃ اللہ و برکاتہ!
اللہُ الْبَاقِیْ… مجاہد صف شکن، ولی کامل حضرت شیخ ولی احمد’’المعروف سنڈا کئے بابا جی‘‘ کے خلیفہ مجاز… حضرت مولانا سید محمود صندلی المعروف’’صندل باباجی‘‘ گزشتہ کل وفات پا گئے ہیں… اِنَّا لِلّٰہِ وَاِنَّا اِلَیْہِ رَاجِعُوْنَ… ان کے ورثاء کرام اور جملہ اہل اسلام سے قلبی تعزیت ہے… جماعت کے سب ساتھی آج ان کے لئے ایصال ثواب کا اہتمام کریں… اَلْحَمْدُ لِلّٰہ جامع مسجد سنان بن سلمہ رضی اللہ عنہ… ذاکرین، تائبین سے بھرگئی ہے… اس بار چار سوکے لگ بھگ افراد ’’ تربیہ‘‘ کے لئے تشریف لائے ہیں… جگہ کی کمی کے باعث قناتیں لگائی گئی ہیں… اگرصوبہ کے رفقاء نے اسی طرح محنت جاری رکھی… اور اہل تربیہ کی تعداد میں اضافہ ہوتاگیا تو ان شاء اللہ یہ مسجد وسیع ہوجائے گی… زمین ’’اللہ تعالیٰ‘‘ کی ہے… جب دین کا کام بڑھتا ہے تو زمین خود قدموں تلے بچھ جاتی ہے… بہاولپورکی کچی مسجد جب آپ کی محنت سے بھر گئی تو اللہ تعالیٰ نے آس پاس کی مہنگی زمینیں اس میں شامل فرما دیں… اور پڑوس میں مسجد سُبْحَانَ اللّٰہ کی بنیاد پڑگئی… سنان مسجدکا جب افتتاح ہوا تو یہ ویران جنگل تھا…کئی رفقاء کو وہ افتتاحی مجلس یاد ہوگی جب بندہ نے جھولی پھیلائی تھی… پھر کتنا عرصہ یہ مسجد ہماری محنت اور اپنی آبادی کے انتظار میں اشک بہاتی رہی…اب اَلْحَمْدُلِلّٰہ وہاں ایمان کی بہار آئی ہے… اللہ تعالیٰ کا’’ جماعت‘‘ پر بڑا فضل ہے… بہت زمینیں ملیں…ہم نے ان پر نہ اپنے گھر بنائے نہ فارم… ہر جگہ اللہ تعالیٰ کا گھر بنانے کی اللہ تعالیٰ نے اپنے فضل سے توفیق عطاء فرمائی… آج اَلْحَمْدُلِلّٰہ پچھتر مساجد ہوچکی ہیں… یااللہ! آپ ہی کا فضل ہے… اور آپ ہی کا شکر… دورہ تربیہ کی اس ترقی پر اہل خیبرکا شکریہ… کوشش کریں کہ خود پشاور شہر… اور مردان وکوہاٹ جیسے شہروں سے بھی… ہر ماہ اسی تعداد میں ذاکرین آیا کریں… مسلمانوں کے ان خوبصورت علاقوں میں… بدصورت، بدکردار این جی اوز اور ادارے ایمان پر ڈاکے ڈال رہے ہیں۔
والسلام
خادم
لاالہ الااللہ محمدرسول اللہ
حضرت صندل باباجیؒ کی تعزیت/ پشاوردورہ تربیہ)
10-02-2016
مکتوب خادم
السلام علیکم و رحمۃ اللہ و برکاتہ!
اللہ ہی مَالِکُ الْمُلْکْ ہے… بادشاہی اور حکومت کا مالک… اَلْحَمْدُلِلّٰہ جمادی الاولیٰ کا چاند ہوچکا… آج یکم جمادی الاولیٰ 1437ہجری کا دن ہے… حضرت سیدنا عمر فاروق رضی اللہ عنہ کے فرمان کے مطابق… جس کا رات کا وظیفہ رہ جائے وہ اسے فجر کے بعد ظہر کے وقت تک پورا کر لے
والسلام
خادم
لاالہ الااللہ محمدرسول اللہ
(استقبال ماہِ جدید)
11-02-2016
مکتوب خادم
السلام علیکم و رحمۃ اللہ و برکاتہ!
اللہ تعالیٰ نعمتوں کے زوال، اپنی ناراضی اور پکڑ سے ہم سب کی حفاظت فرمائے… ’’اَللّٰھُمَّ  اِنِّیْ اَعُوْذُ بِکَ مِنْ زَوَالِ نِعْمَتِکَ وَ تَحَوُّلِ عَافیَِتِکَ وَفُجَائَ ۃِ نِقْمَتِکَ وَ مِنْ جَمِیْعِ سَخَطِکَ‘‘… ’’یااللہ! میں آپ کی پناہ پکڑتا ہوں آپ کی عطاء فرمودہ نعمتوں کے زوال سے، عافیت کی محرومی سے… آپ کی اچانک پکڑ سے اور آپ کے غصے اور ہر ناراضی سے‘‘… یہ ایک مسنون دعاء اور اس کا ترجمہ ہے… ہم اپنے گناہوں کی وجہ سے کیسی کیسی عظیم نعمتوں سے بیٹھے بٹھائے محروم ہوجاتے ہیں… جمعہ کی رات اور جمعہ کے دن کا درود شریف بھی ایک گرا نقدر نعمت ہے… اس نعمت کی قدر اور حفاظت کریں… جہاد کا کام اور جہاد کی خدمت ایک بڑی عظیم الشان اور انمول نعمت ہے… یہ نعمت چھن جائے تو زندگی بے رنگ اور بے کیف ہوجاتی ہے… مسلمانوں پر غصہ نہ کیا کریں… خصوصاً اپنی ذات کے لئے غصہ کرنے اور اتارنے والے بہت جلد اللہ تعالیٰ کے غصے کا شکار ہوجاتے ہیں… نرمی اور رحمدلی کی عادت اپنائیں، تواضع اختیار کریں اور آنسؤوں والا استغفار کیا کریں… جمعہ کے دن فجر سے پہلے استغفار، جمعہ کا غسل اور مسواک…  جمعہ کے لئے جلد مسجد جانا… خواتین کا اول وقت جمعہ یعنی ظہر کی نماز ادا کرنا… جمعہ نماز کے بعد صدقہ خیرات… اور عصر کے بعد دل کی توجہ سے دعائیں… آج مغرب سے جمعہ شریف مبارک، مقابلۂ حسن مبارک۔
والسلام
خادم
لاالہ الااللہ محمدرسول اللہ
(نعمتیں چھن جانے سے حفاظت کی دعاء/ مقابلۂ حسن)
18-02-2016
مکتوب خادم
السلام علیکم و رحمۃ اللہ و برکاتہ!
اللہ تعالیٰ کے سوا کوئی معبود نہیں… کوئی ’’الٰہ‘‘ نہیں…لاَاِلٰہَ اِلَّااللّٰہہم پر اللہ تعالیٰ کی نعمتیں بے شمار ہیں… اَلْحَمْدُلِلّٰہ … ہمارے گناہ بہت زیادہ ہیں… اَسْتَغْفِرُاللّٰہ… یہ تین نکاتی ذکر بڑا مؤثر ہے… لاَاِلٰہَ اِلَّااللّٰہ، اَلْحَمْدُلِلّٰہ،اَسْتَغْفِرُاللّٰہ… لاَاِلٰہَ اِلَّااللّٰہ سب سے افضل ذکر ہے… ’’اَلْحَمْدُلِلّٰہ‘‘ سب سے افضل دعاء ہے… ان کے لئے جن کو نیکیوں کی توفیق زیادہ ہے…اور ’’اَسْتَغْفِرُاللّٰہ‘‘ بھی سب سے افضل دعاء ہے… ان کے لئے جن کے گناہ زیادہ ہیں… یا اس طرح کہہ لیں جن پر مایوسی، ناشکری کاحملہ زیادہ ہوتا ہے ان کی افضل دعاء ’’الحمدللہ‘‘ ہے… اور جن پر تکبر، عجب اور خود پسندی کا حملہ زیادہ ہوتا ہے ان کے لئے ’’اَسْتَغْفِرُاللّٰہ‘‘ افضل دعاء ہے… یہ سب کچھ تب قبول ہوگا جب ہم حضرت محمد صلی اللہ علیہ وسلم کو اللہ تعالیٰ کا آخری رسول مانیں گے… اور ان کی شریعت کو اختیار کریں گے… مُحَمَّدٌ رَّسُوْلُ اللّٰہ… حضرت محمد صلی اللہ علیہ وسلم پر ایمان لائے بغیر نہ کلمہ مکمل، نہ دین مقبول، نہ نماز درست، نہ جہاد قبول… حضرت محمد صلی اللہ علیہ وسلم کی بعثت کے بعد… سارے دین منسوخ… اب کامیابی کا صرف ایک ہی راستہ ہے اور وہ ہے… لاَاِلٰہَ اِلَّااللّٰہُ مُحَمَّدٌ رَّسُوْلُ اللّٰہ… جس طرح حضور صلی اللہ علیہ وسلم کے زمانے کے لوگوں پر لازم تھا کہ وہ آپ صلی اللہ علیہ وسلم کو مانیں… اسی طرح بعد والوں پر بھی لازم ہے… کیونکہ آخری نبی کا زمانہ دنیا کے آخری دن تک ہے… پس اے ایمان والو! اپنے آقا صلی اللہ علیہ وسلم کے ساتھ مضبوط جڑجاؤ… مغرب سے جمعہ شریف… کثرت درود و سلام، مقابلۂ حسن۔
والسلام
خادم
لاالہ الااللہ محمدرسول اللہ
(تین نکاتی ذکر/ افضل دعاء/ مقابلۂ حسن)
20-02-2016
مکتوب خادم
 السلام علیکم و رحمۃ اللہ و برکاتہ!
اللہ تعالیٰ’’بے ایمان‘‘ ہونے سے ہم سب کی حفاظت فرمائے… ہماری سب سے بڑی فکر یہ ہونی چاہیے کہ ہم ’’ایمان‘‘ پر رہیں اور ’’ایمان‘‘ پر مریں… نماز کا انکار ’’بے ایمانی‘‘ ہے… جہاد فی سبیل اللہ کا انکار ’’بے ایمانی‘‘ ہے… جبکہ نماز اور جہاد سے غفلت ’’بے ایمانی‘‘ کی طرف لے جانے والا عمل ہے… کل میں حضرت اقدس مفتی رشید احمد صاحب نور اللہ مرقدہ کا ایک بیان سن رہا تھا… حضرت نے یہ الفاظ ارشاد فرمائے ’’تیسرا نمبر یہ کہ جس کی طرف اچھے اچھے لوگوں کو بھی توجہ نہیں جاتی وہ یہ کہ سب سے بڑا جرم، سب سے بڑا گناہ، سب سے بڑا گناہ جہاد سے غفلت ہے… اس جیسا بڑا گناہ تو دنیا میں کوئی ہے ہی نہیں‘‘… حضرت والا کے ان الفاظ پر غور کریں… وہ علم کی گہرائیوں اور بلندیوں سے بولنے والے’’فقیہ‘‘ تھے… ہم سب نے اللہ تعالیٰ کے سامنے پیش ہونا ہے… اس لئے دین کو سمجھیں اور دوسروں تک پہنچائیں… جماعت کے تمام ذمہ دار اور تمام کارکن’’القلم‘‘ اخبار توجہ اور اہتمام سے پڑھا کریں… بہت دکھ اور قلبی رنج ہوتا ہے جب جماعت کے ذمہ دار ساتھی اپنا اخبار نہیں پڑھتے… اپنے گھر کی نعمت کی قدر کریں… گزشتہ دو شماروں میں برادر عزیز مولانا طلحہ السیف کا کالم’’جہاد کا بیانیہ‘‘بہت اہم ہے، اسے پڑھیں، یاد کریں اور دوسروں تک پہنچائیں… رنگ و نور اٹھارہ لاکھ سے زائد افراد پڑھتے ہیں… مگر اصل تو یہ ہے کہ سب سے بڑھ کر اپنے منتظمین پڑھیں اور عمل میں لائیں۔
والسلام
خادم
لاالہ الااللہ محمدرسول اللہ
(جہاد کا انکار ’’ بے ایمانی‘‘ اورجہاد سے غفلت ’’بڑا گناہ‘‘)
24-02-2016
مکتوب خادم
السلام علیکم و رحمۃ اللہ و برکاتہ!
اللہ تعالیٰ ہمیں’’سچا‘‘ بنائے… ایمان میں سچا، اللہ تعالیٰ کی محبت میں سچا، عشق رسول صلی اللہ علیہ وسلم میں سچا… دین میں سچا، جہاد میں سچا… قول میں سچا، عمل میں سچا…  بھائیو! محبوب وہ نہیں ہوتا جس سے محبت کا دعویٰ کیا جائے، محبوب وہ ہوتا ہے جس کو دل دیا جائے، محبوب وہ ہوتا ہے جس کی ہر ادا اچھی لگتی ہے… اور دل کبھی اس سے بدگمان نہیں ہوتا… افضل گورو شہیدؒ نے اللہ تعالیٰ سے محبت کی، جہاد سے محبت کی… جیل جاکر بھی اسکی یہ محبت کمزور نہ پڑی… پھانسی گھاٹ میں اس نے نہ معافی نامہ لکھا، نہ ندامت نامہ… اگر لکھا تو ایمان اور جہاد کا آئینہ لکھا… محبوب کی مرضی ہمیں آزاد رکھے یا قید رکھے… ہمیں زندگی دے یا موت دے… ہمیں خوشی دے یا خوف دے… ہمیں تو بس اس سے غرض ہونی چاہیے کہ… محبوب راضی رہے… اور جب اس سے ملاقات ہو تو وہ ہم سے راضی ہو اور ہم اس سے راضی ہوں… ہر سچی محبت کو آزمایا جاتا ہے… آج جیش والوں کی محبت آزمائی جارہی ہے… چھاپے،گرفتاریاں، سزائیں، جیلیں، پرچے… یہ آزمائشیں ’’قبولیت‘‘ کی علامت ہوتی ہیں… ہمیں ان حالات پر شکر کرنا چاہیے کہ ہم اس قابل سمجھے گئے کہ ہمیں آزمایا جائے… اللہ تعالیٰ اگر رسی ڈھیلی چھوڑ دے تو پھر نیچے جہنم ہی جہنم ہے… آج موقع ہے کہ ہم آزمائش کی اس گھڑی میں اپنے سارے گناہ معاف کرا لیں… جو آزمائش میں ڈالے جاتے ہیں ان کے گناہ جلد معاف فرمائے جاتے ہیں… ہمارے لئے بہترین موقع ہے کہ… ہم آج اپنی’’محبت‘‘ کو سچا ثابت کریں… اللہ تعالیٰ سے وفا کی تجدید کریں… اللہ تعالیٰ سے استقامت اور ثابت قدمی مانگیں… یہ ظالم حکومت ان شاء اللہ بہت جلد اپنے بُرے انجام سے دوچار ہونے والی ہے… مشرکوں اور دشمنوں کے مقدمے اپنی سر زمین پر درج کرانے والے… زیادہ دیر زمین کے حکمران نہیں رہ سکتے… زمین ایسے لوگوں سے نفرت کرتی ہے… وہ دیوانے جو جیلوں میں ڈالے گئے ہیں… اپنی قضاء نمازیں ادا کریں، بھولا قرآن یاد کریں … اور اپنے عمل اور قلم سے ہر طرف ایمان اور عزیمت کے شفاف آئینے پھیلا دیں۔
والسلام
خادم
لاالہ الااللہ محمدرسول اللہ
(سچی محبت آزمائی جاتی ہے)
25-02-2016
مکتوب خادم
السلام علیکم و رحمۃ اللہ و برکاتہ!
اللہ تعالیٰ کی بے شمار ’’رحمتیں‘‘ اور’’سلام‘‘ حضرت محمد صلی اللہ علیہ وسلم پر… وہ جن کو دین کی خاطر بہت ستایا گیا… صلی اللہ علیہ وسلم… وہ جنہوں نے یتیمی میں پرورش پائی… صلی اللہ علیہ وسلم… وہ جن کو پتھروں سے لہولہان کیاگیا… صلی اللہ علیہ وسلم… وہ جن کی لخت جگر فاطمہؓ کو ابوجہل مشرک نے تھپڑ مارا… صلی اللہ علیہ وسلم… وہ جن کو طرح طرح کی گالیاں دی گئیں… صلی اللہ علیہ وسلم… وہ جو تین سال تک ایک گھاٹی میں محصور رہے… صلی اللہ علیہ وسلم… وہ جن کو پکڑنے، جلاوطن کرنے اور شہید کرنے کی سازشیں ہوئیں… صلی اللہ علیہ وسلم… وہ جن کو چھ میل تک پتھر مارتے ہوئے دوڑایا گیا… اور ان کا خون ان کے جوتوں تک میں جم گیا… صلی اللہ علیہ وسلم… وہ جن کو اپنے گھر اور محبوب شہر سے ہجرت پر مجبور کیا گیا… صلی اللہ علیہ وسلم… وہ جنہوں نے اللہ تعالیٰ کے راستے میں جہاد کیا اور ستائیس جنگوں میں نکلے… صلی اللہ علیہ وسلم… وہ جو جہاد میں زخمی ہوئے اور لوہے کی کڑیاں سر مبارک میں اترگئیں… صلی اللہ علیہ وسلم… وہ جن کا دانت مبارک جہاد میں شہید ہوا… صلی اللہ علیہ وسلم… وہ جنہوں نے اپنی امت کو قیامت تک جہاد میں لگے رہنے کا حکم فرمایا… صلی اللہ علیہ وسلم… وہ جنہوں نے جہاد میں اپنے شہید محبوب چچا کے ٹکڑے دیکھے… صلی اللہ علیہ وسلم… وہ جن کو مشرکوں کے دوست منافقین نے بار بار ستایا… صلی اللہ علیہ وسلم… وہ جنہوں نے جہاد میں بھوک کی وجہ سے پیٹ پر پتھر باندھے… صلی اللہ علیہ وسلم… وہ جنہوں نے’’غزوہ ہند‘‘ کی بشارت دی… صلی اللہ علیہ وسلم… وہ جو امت کو’’جمعہ شریف‘‘ جیسی نعمت دلوا گئے…صلی اللہ علیہ وسلم… وہ جنہوں نے جمعہ کی رات اور جمعہ کے دن درود شریف کی کثرت کا حکم فرمایا… تاکہ ان کی امت ’’رحمت‘‘پائے… صلی اللہ علیہ وسلم… جَزیٰ اللّٰہُ عَنَّا مُحَمَّداً صَلَّی اللّٰہُ عَلَیْہِ وَسَلَّمَ مَاھُوَاَھْلُہ… یااللہ! ان کو پوری امت کی طرف سے جزائے خیر عطاء فرما… ان تک ہمارا سلام پہنچا… صلی اللہ علیہ وسلم… جمعہ مبارک، مقابلۂ حسن مبارک۔
 والسلام
خادم
لاالہ الااللہ محمدرسول اللہ
(حضورﷺ کی مدح سرائی/ مقابلہ حسن)
 29-02-2016
مکتوب خادم
السلام علیکم و رحمۃ اللہ و برکاتہ!
اللہ تعالیٰ کی اس ’’زمین‘‘ پر جو بھی پیدا ہوا اس نے ضرور ’’مرنا‘‘ ہے… موت سے کوئی نہیں بچ سکتا، کوئی نہیں بھاگ سکتا…  اس لئے موت سے ڈرنا فضول… موت کی تیاری ضروری… اور شہادت کی تمنا مبارک… جناب ممتاز قادری کو بھی’’شہید‘‘ کردیا گیا…آج سہہ پہر راولپنڈی میں ان کی نماز جنازہ ہوگی … بے شمار مسلمانوں کی خواہش ہے کہ ان کے جنازہ میں شریک ہوں… شہادت سے خوف کا نہیں جوش کا ماحول بنتا ہے… سلمان تاثیر عالمی طاقتوں کے لاڈلے، ایم آئی سکس کے با قاعدہ ملازم اور دشمنانِ اسلام کے محبوب تھے… اس لئے ان کے قاتل کو معاف نہیں کیا جا سکتا تھا… اگرچہ پورا ملک اس کے حق میں کھڑا ہو… ظالمو! زمین رنگ بدلنے والی ہے۔
والسلام
خادم
لاالہ الااللہ محمدرسول اللہ
(غازی ممتاز قادریؒکی شہادت)
03-03-2016
مکتوب خادم
السلام علیکم و رحمۃ اللہ و برکاتہ
اللہ اکبر… اَللّٰھُمَّ صَلِّ وَسَلِّمْ وَ بَارِکْ عَلیٰ سَیِّدِنَا مُحَمَّد… بے شمار درود و سلام حضرت محمد صلی اللہ علیہ وسلم پر… وہ جن کے پسینے میں مشک سے زیادہ خوشبو تھی… صلی اللہ علیہ وسلم… وہ جن کے ہاتھ میں درخت کی ٹہنی جہاد کی تلوار بن گئی… صلی اللہ علیہ وسلم… وہ جن کو رات کے اندھیرے میں یوں نظر آتا تھا جیسے دن کی روشنی میں… صلی اللہ علیہ وسلم… وہ جو بہتے زخموں کے ساتھ غزوہ اُحد سے غزوہ حمراء الاسد کی طرف روانہ ہوئے… صلی اللہ علیہ وسلم… وہ جن کا لعاب مبارک کھارے پانی کو میٹھا کردیتا تھا… صلی اللہ علیہ وسلم… وہ جنہوں نے حدیبیہ میں ایک درخت کے نیچے اپنے صحابہ کرامؓ سے موت اور جہاد کی بیعت لی… صلی اللہ علیہ وسلم… وہ جن سے بچپن میں چاند ان کے جھولے میں باتیں کرتا تھا… صلی اللہ علیہ وسلم… وہ جو گھمسان کے جہاد میں سب سے آگے لڑتے تھے… صلی اللہ علیہ وسلم… وہ جو عالم ارواح میں سب سے پہلے پیدا ہوئے… صلی اللہ علیہ وسلم… وہ جنہوں نے باسٹھ سال کی عمر میں تبوک کے جہاد کا طویل اور پر مشقت سفر فرمایا… صلی اللہ علیہ وسلم… وہ جن کی انگلی کے اشارے سے چاند دو ٹکڑے ہوا… صلی اللہ علیہ وسلم… وہ جنہوں نے جہاد میں بار بار شہید ہونے کی تمنا فرمائی… صلی اللہ علیہ وسلم… وہ جن کی صاحبزادی سیدہ فاطمہؓ جب پل صراط سے گزریں گی تو تمام اہل محشر کو حکم دیا جائے گا کہ وہ اپنی آنکھیں بند کر لیں… صلی اللہ علیہ وسلم… وہ جنہوں نے جہاد کے ذریعہ مکہ فتح فرمایااور کعبہ کو بتوں سے پاک کیا… صلی اللہ علیہ وسلم… وہ جن کو حشرکے میدان میں ’’براق‘‘پر لایا جائے گا… صلی اللہ علیہ وسلم… وہ جنہوں نے فرمایا: جہاد قیامت تک جاری رہے گا، کسی ظالم کا ظلم یا کسی عادل کا عدل اس کو نہیں روک سکے گا… صلی اللہ علیہ وسلم… یااللہ! آپ کا شکر آپ نے ہمیں ان کا امتی، ان کا غلام اور ان کا عاشق بنایا… صلی اللہ علیہ وسلم… جمعہ مبارک ہمیں جن کی برکت سے ملا… صلی اللہ علیہ وسلم… مقابلہ حسن جن پر درود و سلام کے لئے ہمیں نصیب ہوا… صلی اللہ علیہ وسلم… جمعرات اور جمعہ کے شاندار مقابلہ حسن کا ایصال ثواب… ان سات شہداء کرام کے لئے جن کی خوشبو میں پا رہا ہوں… آپ اپنی نیت میری نیت کے ساتھ جوڑ کر خوب ایصال ثواب کریں… بے شک وہ وفادار امتی تھے حضرت آقا مدنی کے… صلی اللہ علیہ وسلم۔
والسلام
خادم
لاالہ الااللہ محمدرسول اللہ
(حضورﷺکی مدح سرائی/ مقابلہ حسن)
10-03-2016
مکتوب خادم
السلام علیکم و رحمۃ اللہ و برکاتہ!
اللہ تعالیٰ ہمیں اپنے’’کلمات‘‘کی’’برکات‘‘عطاء فرمائے… آج مغرب سے نیا اسلامی، ہجری مہینہ بھی شروع ہورہا ہے… اور جمعہ شریف بھی… یعنی نئے مہینے کا پہلا دن… اور نئے ہفتے کا بھی پہلا دن… اور دن بھی دنوں کا سردار… اللہ تعالیٰ امت مسلمہ کو خیر دکھائے، خیر سنائے… کثرت درود و سلام… رات سورۃ الدخان… فجر سے پہلے استغفار… نماز فجر باجماعت… جمعہ کی فجر باجماعت کی خاص فضیلت ہے… مسواک، غسل، جلدی جمعہ کے لئے پہنچنا… سورۃ الکہف… صدقہ… عصر کے بعد کا صلٰوۃ و سلام… دعائیں… چاند رات کے اعمال… اللہ تعالیٰ سے ملاقات کا شوق… بندہ کے لئے دعاء کی درخواست۔
والسلام
خادم
لاالہ الااللہ محمدرسول اللہ
(استقبال ماہِ جدید/ جمعہ شریف/ مقابلۂ حسن )
 17-03-2016
مکتوب خادم
السلام علیکم و رحمۃ اللہ و برکاتہ!
اللہ تعالیٰ نے خود… حضرت آقا مدنی صلی اللہ علیہ وسلم پر درود و سلام پڑھنے کا حکم فرمایا… بس یہی’’مقابلہ حسن‘‘کی بنیاد ہے… اللہ تعالیٰ کاہرحکم حسین ہے… اللہ تعالیٰ ہی حسن کا خالق ہے… وہ ’’اَلْجَمِیْلُ‘‘ ہے، وہ’’اَلْمُصَوِّرُ‘‘ہے، وہ’’جمال‘‘سے محبت فرماتا ہے… اللہ تعالیٰ ہی’’حسن‘‘عطاء فرماتا ہے… کفر اور انکار میں کوئی’’حسن‘‘ نہیں،کوئی جمال نہیں… کفار میں نہ جمال ہے نہ حسن… جہاں حسن و جمال کے خالق پر ایمان نہیں تو وہاں حسن اورجمال کہاں سے آجا ئے گا؟… جس دل میں اللہ نہ ہو اس دل کو کیاپتا کہ حسن کیا ہے، جمال کیا ہے… درود و سلام میں اتنا حسن اور اتنا جمال ہے کہ… اس کی ایک جھلک گناہوں کو دھو دیتی ہے… بدصورتی کو بھگادیتی ہے… میل کچیل اور گندگی کودور کردیتی ہے… اور انسان کو حسن و جمال میں رنگ دیتی ہے… درود و سلام میں عقیدہ بھی ہے… توحید والا حسین عقیدہ… اور عمل بھی ہے… عشق و وفا والا حسین عمل… درود و سلام میں یاری بھی ہے… حسین یاری… اور تعلق بھی… حسین تعلق… درود و سلام میں رحمت بھی ہے… حسین رحمت… اور مغفرت بھی ہے… حسین مغفرت… درود و سلام میں سیر بھی ہے… حسین سیر… اور پرواز بھی ہے… حسین پرواز… درود و سلام میں نور بھی ہے… ہدایت بھی… روشنی بھی ہے خوشبو بھی… پیار بھی ہے، محبت بھی… ترقی بھی ہے، حفاظت بھی… عزت بھی ہے، لذت بھی… حسن ہی حسن، جمال ہی جمال… آج مغرب سے جمعہ شریف مرحبا!… مقابلہ حسن مرحبا!۔
والسلام
خادم
لاالہ الااللہ محمدرسول اللہ
(دوردوسلام/ مقابلۂ حسن)
23-03-2016
مکتوب خادم
السلام علیکم و رحمۃ اللہ و برکاتہ!
اللہ تعالیٰ’’مردان‘‘کے’’اہل ایمان‘‘کو بہت جزائے خیر عطاء فرمائے… انہوں نے امت مسلمہ کو بڑے شاندار… جانباز مجاہدین… دیئے ہیں… وہ دیکھو! سر فروش ضیاء الحق شہیدؒ کو… ابھی اس کا تازہ پاکیزہ لہو مہک رہا ہے… پرسوں پچیس مارچ بروز جمعہ… ضیاء الحق شہیدؒ کا فیض مردان میں چمکے گا… ان شاء اللہ… جی ہاں! اجتماع ہوگا… بہت ایمان افروز، شاندار اجتماع… بندہ کی طرف سے سب اہل مردان کو خصوصاً… اور آس پاس کے اہل ایمان کو عموماً… اس اجتماع میں شرکت کی پر زور دعوت ہے… اجتماع میں آنے والے بہت کچھ پائیں گے، ان شاء اللہ۔
والسلام
خادم
لاالہ الااللہ محمدرسول اللہ
(مردان اجتماع)
24-03-2016
مکتوب خادم
السلام علیکم و رحمۃ اللہ و برکاتہ!
اللہ تعالیٰ نے’’ زمین‘‘ کو ہمیشہ کے لئے نہیں بنایا… یہ ایک مقرر وقت پر تباہ ہوجائے گی… آج ’’زمین‘‘ میں ہر طرف’’ جنگ‘‘ پھیل چکی ہے… زمین اپنا رنگ بدلتی رہتی ہے… پہلے اس میں آبادی کم تھی… اور انسان طاقتور… آج آبادی زیادہ ہے… مگر انسان کمزور اور مشین طاقتور ہے… کچھ عرصہ بعد پھر آبادی کم ہوجائے گی… انسانوں کو آج اپنی جس سائنس اور ترقی پر ناز ہے… یہی ان کو لے ڈوبے گی… برسلز جیسے شہر پر حملہ ہوگیا… یہ شہر یورپ کا دماغ ہے… دنیا سے جہاد اور اسلام کو مٹانے کی تدبیریں اس شہر میں پکتی ہیں… ’’شدت پسندی‘‘ کو ختم کرنے کے ’’شدید شدت پسند فیصلے‘‘ اس شہر میں ہوتے ہیں… آخر دنیا کو کب عقل آئے گی؟… شاید اس وقت جب آدھی سے زائد دنیا تباہ ہو چکی ہوگی… چلیں چھوڑیں… ہم نے تو زمین پر رہنا ہی نہیں بلکہ آگے جانا ہے… زمین سے کافی اوپر، زمین سے بڑی ایک خوبصورت، پرسکون جگہ ہے، زمین کے کچھ لوگ مرنے کے بعد وہاں جا بستے ہیں… اور زمین سے نیچے زمین سے بڑا ایک گرم قید خانہ ہے، زمین کے بہت سے لوگ مرنے کے بعد وہاں جا پھنستے ہیں… چند دن پہلے ایک دعاء خود زبان پر آگئی… اللہ کرے قبول ہو… اَللّٰھُمَّ یَا قَوِیُّ یَا مَتِیْنُ… یَااَرْحَمَ الرَّاحِمِیْنَ اَعُوْذُ بِکَ مِنَ السِّجْنِ وَالسِّجِّیْنِ… اللہ ’’سجن‘‘ سے بھی بچا اور’’سجین‘‘سے بھی… سجن دنیاکی جیل… اور سجین برزخ کی جیل… آج مغرب سے جمعہ شریف آرہے ہیں… مقابلۂ حسن سجانے… مرہم جمانے… مرحبا! یا سید الایام مرحبا!۔
والسلام
خادم
لاالہ الااللہ محمدرسول اللہ
(برسلز حملہ/ ایک دعاء/ مقابلۂ حسن)
26-03-2016
مکتوب خادم
السلام علیکم و رحمۃ اللہ و برکاتہ!
اللہ تعالیٰ کے بعض بندے’’صالح‘‘ہوتے ہیں اور بعض’’مصلح‘‘… صالح کا مطلب’’نیک‘‘اور مصلح کا مطلب’’ نیکی پھیلانے والا‘‘… مصلح کا مقام صالح سے بہت بلند ہے… اسی طرح زندہ تو سب’’شہداء ‘‘ ہوتے ہیں… مگر بعض ان میں سے زندگی کا شعور بھی پھیلاتے ہیں… ان کا مقام زیادہ بلند ہوتا ہے… شہید ضیاء الحقؒ کا مردان اجتماع مجاہدین اور اہل ایمان کے لئے زندگی کا پیغام اور ہنگام بن گیا… نہ تقریریں، نہ نعرے… ہر طرف پولیس اور ناکے… گرفتاریاں… گرمجوشیاں… امتحان اور نالے… اہل اقتدار کو پھٹکار… اور اہل ایمان کو رفتار… ہر طرف شہید کا چرچا اور جہاد کی ہیبت… اجتماع نہ ہوسکا… چند دیوانے چھوٹا جلسہ کرسکے… دو سو سے زائد کارکن گرفتار ہوئے… اور ہزاروں روک دیئے گئے… یہ سب جہاد کی دعوت بن گئی اور مشق… کوئی غلط فہمی میں نہ رہے… ان شاء اللہ یہ اجتماع دوبارہ ہوگا… اور ایسی شان سے کہ دشمن اسلام کو خوف کا پسینہ چھوٹ جائے گا… ہاں! ان شاء اللہ… ہاں! ان شاء اللہ۔
والسلام
خادم
لاالہ الااللہ محمدرسول اللہ
(مردان اجتماع)
30-03-2016
مکتوب خادم
السلام علیکم و رحمۃ اللہ و برکاتہ!
اللہ تعالیٰ نے جو بیماری بھی اتاری ہے اس کا علاج بھی ضرور اتارا ہے… الحجامہ سب سے بہترین، مؤثر اور مفید علاج ہے… یہ سنت ہے، فطرت ہے اور کھلی آنکھوں سے نظر آنے والا کرشمہ ہے… آج کل جو موسم چل رہا ہے وہ حجامہ کے لئے بہترین ہے… کل چاند کی اکیس تاریخ ہے… جمعرات کا دن ہے… بہار کا موسم ہے… مہنگے علاج چھوڑیں… روز، روزکی دوائیاں چھوڑیں… اپنے آقا صلی اللہ علیہ وسلم کی سنت سے سرشار ہوں… صرف خیر خواہی کے جذبہ سے سب کے لئے یہی مشورہ عرض ہے کہ حجامہ کروا لیں۔
والسلام
خادم
لاالہ الااللہ محمدرسول اللہ
(حجامہ)
31-03-2016
مکتوب خادم
السلام علیکم و رحمۃ اللہ و برکاتہ!
اللہ تعالیٰ کے جو خوش نصیب بندے… جمعہ مبارک… کی حفاظت کرتے ہیں… وہ پورا ہفتہ نیکیوں، رحمتوں اور برکتوں سے سرشار رہتے ہیں… جمعہ چھٹی کا دن نہیں… عبادت کا دن ہے… سرکاری چھٹی کا مطالبہ اس لئے ہے تاکہ… جمعہ کے انوارات کو سمیٹا جاسکے… مگر جب حکومت بنیوں، پنڈتوں، ساہوکاروں کی ہو تو وہ مسلمانوں کو جمعہ کی چھٹی کب دیں گے؟… جمعہ کی حفاظت کرنے والے فتنوں سے بچ جاتے ہیں… جمعہ میں خود کو تھکانے والے طاقت پاتے ہیں… جمعہ میں’’ذکر اللہ‘‘ بھی ہے… اور’’فضل اللہ‘‘ بھی… جمعہ کے لئے تکوینی قوانین عام دنوں سے مختلف ہیں… جمعہ کا جہاد بھی بدری اور جمعہ کی موت بھی کامیابی… جمعہ کی دعاء بھی وزنی اور جمعہ کا صدقہ بھی بھاری… جمعہ میں دعوت اِلیٰ اللہ ہے… گونجتا خطبہ… جمعہ میں اسلامی معاشرے کی طاقت ہے… مثالی اجتماع… جمعہ میں پوشیدہ شیطانی طاقت کا توڑ ہے… سورۃ الکہف… جمعہ میں بدن کی قوت ہے…غسل، طہارت، مسواک… جمعہ میں روح کی پاکی ہے… استغفار… اور جمعہ میں اونچی پرواز اور رحمتوں کا خزینہ ہے… کثرتِ درود و سلام… مرحبا! یا سید الایام… مرحبا! مقابلۂ حسن۔
والسلام
خادم
لاالہ الااللہ محمدرسول اللہ
(جمعہ مبارک/ مقابلۂ حسن )
07-04-2016
مکتوب خادم
السلام علیکم و رحمۃ اللہ و برکاتہ!
اللہ تعالیٰ ظالموں…جابروں کو ذلیل کرتا ہے…  پورے ملک میں عموماً… اور پنجاب میں خصوصاً… اہل ایمان پر ظلم کی آگ بھڑکائی جارہی ہے… اور تو اور، اب ’’شہدائے کرامؒ‘‘کے والدین تک کو ستایا جارہا ہے… پچھلے جمعہ عصر کے بعد فریادیں اٹھیں… اوراب حکومت والے اپنے’’لیکس‘‘ سیتے پھرتے ہیں… یہ’’پانامہ لیکس‘‘ ہے یا’’پاجامہ لیکس‘‘ ہر طرف بدبو ہی بدبو ہے… قانون، قانون کا شور… اور 19 غیر قانونی کمپنیاں… اورہر کمپنی میں اربوں روپے… اے اہل ایمان!… ایک جمعہ اور… چند آہیں اور… چار آنسو اور… کل خصوصاً عصر کے فوراً بعد… آج مغرب سے جمعہ شریف مرحبا!… مقابلۂ حسن مرحبا!… 
والسلام
خادم
لاالہ الااللہ محمدرسول اللہ
(پانامہ لیکس/ مقابلۂ حسن)
08-04-2016
مکتوب خادم
السلام علیکم و رحمۃ اللہ و برکاتہ!
اللہ تعالیٰ کی بڑی رحمت… رات دن کا آنا جانا… مشکل دن چلا جاتا ہے… کٹھن رات گزر جاتی ہے… دنیا میں نہ خوشیوں کے دن رکتے ہیں نہ غم کے… دن رات کا آنا جانا ظالموں کو بوسیدہ اور کمزور کرتا رہتا ہے… بش، ٹونی، مشرف کل کیا تھے اور آج کیا ہیں؟ دن رات کا آنا جانا اہل ایمان کو مضبوط اور طاقتور کرتا جاتا ہے… امام ابوحنیفہؒ اور امام بخاریؒ کے زندگی میں چند ہزار شاگرد تھے… آج یہ تعداد کروڑوں، اربوں تک جا پہنچی ہے… دن رات کا آنا جانا… جہاد کو اٹھاتا ہے… اور مجاہد کے اجر کو پھیلاتا ہے… سید احمدؒ کا قافلہ آج کہاں تک جا پہنچا ہے؟… دن رات کا آنا جانا غموں کو دھوتا ہے… غفلتوں کو مٹاتا ہے… ظالموں کو غیر معتبر اور مظلوموں کو معتبر بناتا ہے… نواز اور شہباز کے ظلم والے یہ دن بھی گزر جائیں گے… جیلوں کے قیدی بدل جائیں گے… کرسیاں اپنے نئے سوار ڈھونڈ لیں گی… دن رات کا آنا جانا تخت والوں کو تختے تک… اور تختے والوں کو تخت پر لے جاتا ہے… دن اور رات میں جو چیز نہیں بدلتی… وہ ایمان کی دولت ہے… لاکھوں سال سے اس کا ریٹ نہیں گھٹا… اس کا رنگ نہیں ڈھلا… بس جس کو ایمان مل گیا… دن بھی اس کے اپنے، راتیں بھی اس کی دوست… ہر آنے والا جانے والے سے بہتر… ہر منظر میں نیا مزہ، نیا نشہ… ’’لَااِلٰہَ اِلَّا اللہ‘‘ سکھ والے دنوں کا الگ نشہ… اَلْحَمْدُ لِلّٰہ… دکھ والے دنوں کا الگ نشہ… … بھائیو! آج عصر کے بعد خاص دعاء… خصوصاً اسیروں کے لئے… اور ہاں! آج چاند کی انتیس ہے، مغرب سے رجب شریف بھی آسکتے ہیں… نظر رہے، دھیان رہے
والسلام
خادم
لاالہ الااللہ محمدرسول اللہ
(دن رات کا آنا جانا اللہ کی رحمت)
08-04-2016
مکتوب خادم
السلام علیکم و رحمۃ اللہ و برکاتہ!
اَللّٰھُمَّ بَارِکْ لَنَا فِیْ رَجَبَ وَ شَعْبَانَ وَ بَلِّغْنَا رَمَضَانَ… رجب کا چاند ہوگیا…اَلْحَمْدُ لِلّٰہ …
والسلام
خادم
لاالہ الااللہ محمدرسول اللہ
(استقبال ماہِ جدید)
14-04-2016
مکتوب خادم
السلام علیکم و رحمۃ اللہ و برکاتہ
اَللّٰھُمَّ بَارِکْ لَنَا فِیْ رَجَبَ وَ شَعْبَانَ وَ بَلِّغْنَا رَمَضَانَ… حَسْبُنَا اللّٰہُ وَنِعْمَ الْوَکِیْلُ… عَلَی اللّٰہِ تَوَکَّلْنَا وَھُوَ نِعْمَ الْوَکِیْلُ… رَبَّنَا عَلَیْکَ تَوَکَّلْنَا وَاِلَیْکَ اَنَبْنَا وَاِلَیْکَ الْمَصِیْرُ… اَنْتَ مَوْلَانَا وَاَنْتَ نِعْمَ الْوَکِیْلُ… الْوَکِیْلُ… الْوَکِیْلُ… الْوَکِیْلُ… مغرب سے جمعہ مرحبا!… مقابلۂ حسن مبارک۔
والسلام
خادم
لاالہ الااللہ محمدرسول اللہ
(چند دعائیں/ مقابلۂ حسن)
16-04-2016
مکتوب خادم
السلام علیکم و رحمۃ اللہ و برکاتہ!
اَللّٰھُمَّ بَارِکْ لَنَا فِیْ رَجَبَ وَ شَعْبَانَ وَ بَلِّغْنَا رَمَضَانَ… آج تین باتیں عرض کرنی ہیں اور ایک بات پوچھنی ہے… (۱) کل بروز اتوار کراچی میں’’مشکوٰۃ شریف‘‘ کی اختتامی مجلس ہے… ایسی مجالس دلوں کا زنگ دور کرتی ہیں اور خوش نصیبی کو جگاتی ہیں… بندہ کی طرف سے تمام اہل کراچی کو دعوت ہے… مسکین کی دعوت قبول کرکے دعائیں لیں… جامعہ نورگڈاب ٹاؤن، کراچی… کل دوپہر ایک بجے تا پانچ بجے… (2) جمعرات کو ہمارے ’’جامعۃ الصابر‘‘ میں ’’ختم بخاری شریف‘‘ کی تقریب پرنور تھی… طلبہ اورانتظامیہ کو دل کی گہرائی سے مبارک… بخاری شریف کی آخری حدیث کی تلاوت اور درس کا ماحول عجیب تھا… آپ سب سے گزارش ہے کہ یہ قیمتی درس ضرور سنیں… اپنی تمام ویب سائٹوں اور جماعت کے مکتبوں پر اسے جاری کردیا گیا ہے… یہ درس شیخ الحدیث مولانا قاری محمد صادق صاحب کا ہے… (3) ماشاء اللہ ’’مقابلۂ حسن‘‘ خوب ترقی کررہا ہے… صرف پانچ جگہوں کی کارگزاری ایک کروڑ درود و سلام تک پہنچ جاتی ہے… اس پر دل اللہ تعالیٰ کا بے حد شکر گزار ہے… اور جو بات پوچھنی ہے وہ یہ ہے کیا آپ کو پاکستان پہلے سے زیادہ’’پاک‘‘ محسوس ہورہا ہے؟… وہ کون سی دو بیماریاں ہیں جو’’بیماری‘‘کابہانہ بناکر پاکستان سے بھاگ گئی ہیں؟ ایک بیماری پندرہ دن پہلے اور ایک اس بدھ کو… وہ کونسا بدنصیب شہر ہے جہاں اس وقت پاکستان کی کئی بڑی بیماریاں جمع ہیں؟
والسلام
خادم
لاالہ الااللہ محمدرسول اللہ
(متفرقات)
18-04-2016
مکتوب خادم
السلام علیکم و رحمۃ اللہ و برکاتہ!
اَللہُ الْبَاقِی… جماعت کے مخلص، باکردار، صالح ساتھی… بھائی راشد اقبال صاحب… دروان اسارت ساہیوال جیل میں انتقال فرما گئے ہیں…اِنَّا لِلّٰہِ وَاِنَّااِلَیْہِ رَاجِعُوْنَ… وہ حضرو اٹک کے ذمہ دار تھے… حکومت پنجاب نے قرآن کی دعوت دینے کے جرم میں پانچ سال قید سناکر جیل ڈالا تھا… اللہ تعالیٰ ان کی مظلومانہ شہادت قبول فرمائے… ان کے چار یتیم بچوں کی کفالت فرمائے… معلوم نہیں ہم نے اس ملک کا کیا بگاڑا ہے… کہ اب ہمارے جنازے بھی یہاں جیلوں سے اٹھتے ہیں… اور ملک لوٹنے والے ’’را‘‘ کے ایجنٹ مزے سے حکومت کرتے ہیں… یااللہ! آپ کے دربار میں مقدمہ حاضر ہے… اٹک سے پنڈی اور پشاور تک کے ساتھی مظلوم شہید کے جنازہ میں شرکت کی تیاری کریں
والسلام
خادم
لاالہ الااللہ محمدرسول اللہ
(بھائی راشد اقبال صاحب کا انتقال)
19-04-2016
مکتوب خادم
السلام علیکم و رحمۃ اللہ و برکاتہ!
اللہ تعالیٰ کے وہ بندے خوش نصیب ہوتے ہیں… جو اللہ تعالیٰ کے راستے میں وفات پاتے ہیں… پھر ان میں جو آزمائش کی حالت میں جان دے… اس کا مقام اور بلند ہے… اور اس کا اجر پکا ہے… ایسے افراد کے جنازوں میں شرکت سعادت ہے اور مغفرت کا ذریعہ ہے… بھائی راشد نے فی سبیل اللہ وفات پائی… جو لاریب شہادت ہے… ان کی یہ مظلومانہ شہادت ہمیں ’’استقامت‘‘کا سبق دیتی ہے… جو بھی ان کی نماز جنازہ میں شریک ہوسکتا ہو… وہ محروم نہ رہے… (نماز جنازہ آج رات دس بجے، عیدگاہ شکردرہ اٹک میں ادا کی جائیگی)
والسلام
خادم
لاالہ الااللہ محمدرسول اللہ
(بھائی راشد اقبال صاحب کے جنازہ میں شرکت کی دعوت)
21-04-2016
مکتوب خادم
السلام علیکم و رحمۃ اللہ و برکاتہ!
اَللّٰھُمَّ بَارِکْ لَنَا فِیْ رَجَبَ وَ شَعْبَانَ وَ بَلِّغْنَا رَمَضَانَ… یہ دعاء آج کل ہر مکتوب میں اس لئے ہوتی ہے تاکہ یاد دہانی رہے اور قسمت والے اسے اپنا کر رجب اور شعبان کی وہ خاص برکتیں پائیں… جو ان دو مہینوں میں نازل ہوتی ہیں… اب آج کی بات سنیں… ایمان والوں پر جب آزمائش کا موسم آتا ہے تو… یہ روحانی پھولوں کی بہار کا موسم ہوتا ہے… اس موسم میں جنت لہلہاتی ہے… توبہ مسکراتی ہے… اونچے درجات تقسیم ہوتے ہیں… اور دلوں کو ترقی اور پرواز ملتی ہے… ایک مؤمن کے لئے یہ سب قیمتی تحفے ہیں… گہری دعائیں، گرم آہیں، مچلتے آنسو، زخمی دل اور’’ایک‘‘پر نظر… بیشک اللہ ایک ہے… ان شاء اللہ حالات اچھے ہوجائیں گے، ظالموں کی گردنیں جھک جائیں گی، ٹوٹ جائیں گی… بس ایمان والے حوصلہ نہ ہاریں اور پیچھے اور نیچے نہ دیکھیں… بھائی راشد شہید کا جنازہ بڑے ٹھاٹھ کا تھا… ہزاروں مجاہدین کے فلک شگاف نعروں میں وہ دلہا بنے اپنی میٹھی قبر کی طرف جارہے تھے… دل سے دعاء نکلی کہ اس جنازہ میں شریک ہر فرد کو مغفرت کا انعام ملے… آج مغرب سے جمعہ شریف مرحبا!… چودھویں کا چاند مرحبا!… مقابلۂ حسن مرحبا!… 
والسلام
خادم
لاالہ الااللہ محمدرسول اللہ
(آزمائش کا موسم، بہار کا موسم/ مقابلۂ حسن)
28-04-2016
مکتوب خادم
السلام علیکم و رحمۃ اللہ و برکاتہ!
اَللّٰھُمَّ بَارِکْ لَنَا فِیْ رَجَبَ وَ شَعْبَانَ وَ بَلِّغْنَا رَمَضَانَ…’’ رجب‘‘ کا برکت اور احترام والا مہینہ دو تہائی گزر گیا… رمضان المبارک کی خوشبو آنا شروع ہوگئی… معراج کے خوشبودار جھونکے اور نماز کا قیمتی تحفہ… آج عزم کریں… مرد ہر نماز تکبیر اولیٰ کے ساتھ اور خواتین ہر نماز اول وقت… یاد رکھیں! فجر کی نماز ایک مؤمن کے لئے ہر دن کا پہلا انعام اور پہلا امتحان ہے… جن کی فجر کی نماز اور جماعت ابھی تک مضبوط نہیں وہ اس مرض کا اس فکر سے علاج کریں جس طرح کینسر کا علاج کراتے ہیں… بہت محنت، بہت فکر، بہت خرچہ… جب فجر کی جماعت یا نمازرہ جائے تو اتنا بھاری صدقہ دیں کہ دماغ درست ہوجائے اور کچھ عرصہ عشاء کے بعد کھانے پینے پر پابندی… صرف پانی اور کچھ نہیں… بھائیو اور بہنو!یقین کرو کہ یہ بہت سنگین مسئلہ ہے… جب تک یہ حل نہ ہو کسی دھوکے میں نہ پڑو، بلکہ خود کو ادھورا، ناقص، بیمار اور بے کار سمجھو اور مشن بنا کر اس معاملہ کو حل کرو… حکومتیں جہاد کو مٹانے کی جتنی محنت کررہی ہیں اَلْحَمْدُ لِلّٰہ جہاد اسی قدر ترقی کررہاہے… ہر طرف ماشاء اللہ بہار ہی بہار ہے… معراج میں حجامہ کی فضیلت بھی ابھری… کل جمعہ اکیس تاریخ ہے، فائدہ اٹھا لیں… مغرب سے جمعہ شریف اور مقابلہ حسن مرحبا!… 
والسلام
خادم
لاالہ الااللہ محمدرسول اللہ
(نماز فجر کی محنت اور ترغیب/ مقابلۂ حسن )
03/05/2016
مکتوب خادم
السلام علیکم ورحمۃ اللہ وبرکاتہ!
اللہ تعالی ٰہمیں عذاب قبر سے بچائے… ہم اس ’’مٹی‘‘ سے پیدا کئے گئے… پھر ہم نے اسی ’’مٹی‘‘ میں جانا ہے… اور ہم نے اسی ’’مٹی‘‘ سے دوبارہ اٹھ کر اللہ تعالیٰ کے حضور پیش ہونا ہے… بعض لوگ جب مرکر ’’زمین‘‘ میں دفن ہوتے ہیں تو’’زمین‘‘انہیں خوش آمدید کہتی ہے… اور انہیں اپنا حسن اور راحت دکھاتی ہے … جبکہ بعض لوگ جب دفن ہوتے ہیں تو’’زمین‘‘ان پر اپنا غصہ اور غضب نکالتی ہے… ہر انسان کو چاہئے کہ زمین پر رہتے ہوئے زمین کا حق ادا کرے… زمین کا حق یہ ہے کہ اس پر نیکیاں کی جائیں… اس کی پیداوار کا عشر ادا کیا جائے، زمین پر ناجائز قبضہ نہ کیا جائے… اور زمین کو کفر وشرک کی سلطنت سے پاک کیا جائے۔ آپ ایک چپہ زمین… چڑیا کے گھونسلے برابر… مسجد کے لئے دیں تو اللہ راضی، زمین خوش… جنت میں بدلہ… لیکن اگر ایک چپہ زمین ناجائز لی تو اللہ تعالی ٰناراض… زمین غضب ناک اور قیامت کے دن کا طوق… بھائیو!عشر کی محنت بہت مبارک ہے… یہ آپ کا مسلمانوں پر اور اہل زمین پر احسان ہے… آج آپ کی اس محنت پر آپ سب کے لئے اور آپ کے اہل و اولاد کے لئے دل سے دعائیں نکلیں… اللہ تعالی ٰقبول فرمائے… 
والسلام
خادم
لا الٰہ الا اللہ محمد رسول اللہ
(عشر مہم/ زمین کا حق)

05/05/2016
مکتوب خادم
السلام علیکم ورحمۃ اللہ وبرکاتہ!
اَللّٰہُمَّ بَارِکْ لَنَا فِی رَجَبَ وَ شَعْبَانَ وَ بَلِّغْنَا رَمَضَان… آج ایک خبر… ایک اعلان… ایک منظر… (خبر)انڈیا اچھل رہا ہے کہ اس نے دہلی میں ہمارے بارہ مجاہدین پکڑ لئے ہیں… جھوٹ، جھوٹ، جھوٹ… اے ابو جہل کی اولاد! ابھی اور تلاش کرو… (اعلان) ہفتہ کے دن سے ان شاء اللہ ’’دورات تفسیر‘‘ کا پہلا مرحلہ شروع ہورہا ہے… اگر منتظمین کے دل میں خود اس مبارک عمل کی اہمیت ہوگی… اور وہ اس کے لئے بہت دعاء کا اہتمام کریں گے تو ان شاء اللہ مثالی کامیابی ہوگی… بس یہی دو نکاتی نسخہ ہے… (منظر) تمام شیطانی طاقتیں چلا رہی ہیں… جہاد نہیں… تمام کفریہ طاقتیں چنگھاڑ رہی ہیں… جہاد نہیں… تمام منافقین دھمکا رہے ہیں… جہاد نہیں… ہزاروں ایٹم بم اور ہزاروں جنگی طیارے ڈرا کر کہہ رہے ہیں… جہاد نہیں… دنیا کے پرکشش گناہ اپنی طرف بلاتے ہوئے کہہ رہے ہیں…  جہاد نہیں… کالے طوفان، سرخ آندھیاں اور تنگ عقوبت خانے آنکھیں نکال رہے ہیں کہ… جہاد نہیں… مگر چند دیوانے ایک چٹائی پر بیٹھے قرآن عظیم الشان سامنے رکھ کر… کہہ رہے ہیں… جہاد ہاں، جہاد ہاں، جہاد ہاں… یااللہ لبیک!… جہاد ہاں… آقا صلی اللہ علیہ وسلم کا حکم سر آنکھوں پر…جہاد ہاں! جہاد ہاں… مغرب سے جمعہ مبارک، مقابلۂ حسن مبارک
والسلام
خادم
لا الٰہ الا اللہ محمد رسول اللہ
(دورات تفسیر… مقابلۂ حسن)

07/05/2016
مکتوب خادم
السلام علیکم ورحمۃ اللہ وبرکاتہ!
اللہ تعالیٰ ’’رجب‘‘ کا اچھا اختتام اور شعبان کا بہترین آغاز عطاء فرمائے… صبح بروز اتوار 30 ’’رجب‘‘ ہے۔ کل شام مغرب سے ’’شعبان المعظم‘‘ تشریف لائیں گے… آج الحمدللہ انیس (19) مقامات پر’’دورات تفسیر‘‘ شروع ہوگئے ہیں… اس نعمت پر اللہ تعالیٰ کا جتنا شکر ادا کریں کم ہے… پڑھنے والے مرد و خواتین کی تعداد آج الحمدللہ تقریبا سولہ سو رہی… منتظمین حضرات مزید محنت کریں… کراچی کے مرد حضرات بھی ذوق و شوق سے تشریف لائیں… یقین کریں بہت مبارک مجلس ہوتی ہے… قرآن عظیم الشان کی مجلس… اللہ تعالیٰ کا کلام… اللہ تعالیٰ کا پیغام… اللہ تعالیٰ کی باتیں… بعض لوگ اس لئے رہ جاتے ہیں کہ ہم روز نہیں آسکتے… ٹھیک ہے جو جتنے دن آسکتا ہو اتنے دن آجائے… ایک دن بھی آسکتے ہوں تو محروم نہ رہیں… پڑھانے والوں سے گزارش ہے کہ… دل کھول کر پڑھائیں… سامنے دو سو افراد ہوں یا دو فرد… آپ کے اخلاص، جنون، جوش اور جذبے میں فرق نہ آئے… پڑھنے والوں کی اپنی قسمت کہ کون آتا ہے کون نہیں… آپ اپنی قسمت کا شکر ادا کریں کہ… اللہ تعالیٰ نے آپ کو پڑھانے بٹھا دیا… قرآن مجید کا وہ حصہ پڑھانے… جس حصے کو مٹانے پر کفر و نفاق کا اتحاد ہے… مبارک ہو آپ کو
والسلام
خادم
لا الٰہ الا اللہ محمد رسول اللہ
(دورات تفسیر)

08/05/2016
مکتوب خادم
السلام علیکم و رحمۃ اللہ و برکاتہ!
اللہ تعالیٰ امت مسلمہ کو فتوحات عطاء فرمائے… یاد رہے مغرب سے ’’شعبان المعظم‘‘ کی آمد ہے… شعبان کے فضائل کسی اور مکتوب میں، ان شاء اللہ… دل کو عجیب خوشی ملی کہ ’’بوسنیا‘‘میں ایک بڑی ’’مسجد‘‘دوبارہ کھل گئی… صلیبی غنڈوں نے یہ مسجد 1993میں شہید کردی تھی… پھر پندرہ سال پہلے مسلمانوں نے دوبارہ تعمیر کی کوشش کی تو صلیبیوں نے حملہ کرکے کئی مسلمان شہید کردیئے… مگر اس ’’جمعہ شریف‘‘ کو ہزاروں مسلمانوں نے ایمانی جوش و جذبے کے ساتھ مسجد کا کام شروع کردیا ہے… الحمدللہ عشر مہم بہت اچھی جارہی ہے… گرمی، دھوپ، آندھی اور دھول کے درمیان جو دیوانے محنت کررہے ہیں وہ قابل رشک ہیں… جسم کے ہر بال کی جڑ سے جو پسینہ اس محنت میں اٹھتا ہے… وہ آپ کو اٹھا کر اللہ تعالیٰ کے قریب کرتا ہے… دورات تفسیر کا آج دوسرا دن ہے… ملک کے انیس شہروں میں یہ بابرکت بارش برس رہی ہے… پڑھنے والوں کو مبارک! پڑھانے والوں کو سلام… اور ان دورات کے لئے دعاء کرنے والوں کا شکریہ… پڑھانے والے یہ خیال کیا کریں کہ… ان کا عمل ’’مجمع‘‘ میں نہیں… بلکہ اللہ تعالیٰ کے پاس جمع ہورہا ہے… اللہ تعالیٰ سن رہا ہے، دیکھ رہا ہے اور ’’کِرَاماً  کَاتِبِین‘‘    لکھ رہے ہیں… سبحان اللہ! اور کیا چاہئے؟ اور کیا چاہئے!
والسلام
خادم
لا الٰہ الا اللہ محمد رسول اللہ
(بوسنیا کی مسجد/ عشر مہم/ دورات تفسیر)
09/05/2016
مکتوب خادم
السلام علیکم و رحمۃ اللہ و برکاتہ!
اللہ تعالیٰ شہادت قبول فرمائے… آہ! بھائی احتشام… اِنَّالِلّٰہِ وَاِنَّا اِلَیْہِ رَاجِعُوْن… واہ! بھائی احتشام شہید… بَلْ اَحْیَاءٌ عِنْدَ رَبِّھِمْ یُرْزَقُوْن… آٹھ ساتھی پانچ دن میں شہید… یا اللہ! ان سب کو خصوصی قبولیت عطاء فرما… اب تو ان کے نام بھی برکت والے ہوگئے… ہارون الرشید… سمیع اللہ… خالد زمان خان… عمر… سراج… عبدالصمد… نذیر خان… اور بھائی احتشام… بہادری، اخلاص، وفا اور محنت کا استعارہ… اپنے ان جانبازوں کے لئے ہم بھرپور… ایصال ثواب کا اہتمام کریں
والسلام
خادم
لاالٰہ الااللہ محمدرسول اللہ
(بھائی احتشام شہید ؒ و دیگر شہداء کرام کے لئے ایصالِ ثواب)

12/05/2016
مکتوب خادم
السلام علیکم و رحمۃ اللہ و برکاتہ!
اللہ تعالیٰ ’’بددین‘‘ حکمرانوں کے شر سے ’’اہل ایمان‘‘ کی حفاظت فرمائے… اَللّٰھُمَّ اکْفِنَا ھُمْ بِمَا شِئْتَ… اَللّٰھُمَّ اِنَّا نَجْعَلُکَ فِیْ نُحُوْرِھِمْ وَنَعُوْذُ بِکَ مِنْ شُرُوْرِھِم… سَیُھْزَمُ الْجَمْعُ وَیُوَلُّوْنَ الدُّبُر… آہ! بنگلہ دیش کی انڈین کالی ماتا ایک اور مسلمان کو نگل گئی… بہتر سال عمر کے بزرگ مطیع الرحمان نظامی… پھانسی پر لٹکا دیئے گئے… اس عمر کے افراد پر سخت دل دشمن بھی ترس کھا جاتا ہے… مگر نام کے مسلمان سیکولر حکمران بہت ظالم ہیں، بہت سنگدل… یہ اسلام اور مسلمانوں کے نظریاتی دشمن ہیں… خصوصاً ان میں سے وہ جو انڈیا کے یار ہیں… نظامی صاحب کو ’’شہادت‘‘ مبارک… ان کی جان ان کے کام آ گئی… اب بنگلہ دیش میں وہ آگ بھڑکے گی جو بنگلہ دیش کے ساتھ ساتھ انڈیا کوکلکتہ اورمدراس تک لرزا دے گی… ہاں! دیکھ لینا ان شاء اللہ ایسا ہی ہوگا… ’’مودی مردود‘‘ اپنے ملک میں ہر جگہ اور ہر شعبہ میں ذلیل و ناکام ہورہا ہے… مگر وہ اپنی اسلام دشمنی اشرف غنی، حسینہ واجد اور پاکستان کے شریف خاندان کے ذریعہ نکال رہا ہے… اشرف غنی نے چھ طالبان رہنماؤں کو پھانسی پر شہید کیا… حسینہ نے نظامی صاحب کو قتل کیا… اور شریف خاندان پٹھانکوٹ کے نام پر ظلم کی آگ مسلمانوں پر برسا رہا ہے… سنو! قرآن فرماتا ہے… وَ کَفٰی بِاللّٰہِ وَلِیاًّ وَّکَفٰی بِاللّٰہِ نَصِیْراً… مغرب سے جمعہ شریف اور مقابلۂ حسن مرحبا
والسلام
خادم
لا الٰہ الا اللہ محمد رسول اللہ
(مطیع الرحمٰن نظامیؒ صاحب کی شہادت)
17/05/2016
مکتوب خادم
السلام علیکم و رحمۃ اللہ و برکاتہ!
 اللہ تعالیٰ ہی کے لئے حمد… اللہ تعالیٰ ہی کے لئے شکر… الحمدللہ پچیس مقامات پر ’’دورہ تفسیر آیات الجہاد‘‘ شروع ہوگیا ہے… دو ہزار سے زائد خواتین و حضرات آج مستفید ہوئے… کل ان شاء اللہ تعداد میں مزیداضافہ کی امید ہے… پڑھانے والوں کو بہت مبارک… آپ مضبوط زنجیر کی سنہری کڑی بن گئے… اور پڑھنے والوں کو بھی مبارک کہ… آپ کو اللہ تعالیٰ کی طرف سے روشن دلیل مل گئی… کل جمعہ شریف میں بڑی خوشخبریاں تھیں… مثلاً اس سال ایران سے کوئی حج پر نہیں آئے گا… اندازہ لگائیں کہ یہ ’’حج‘‘ ماشاء اللہ کتنا مبارک ہوگا… ایران سے آنے والے وہاں بہت خرابی مچاتے تھے… شام میں مسلمانوں کا ایک بڑا قاتل مصطفیٰ بدر الدین مارا گیا… گویا کہ حسن نصراللہ کا دایاں بازو بری طرح ٹوٹ گیا… اور بھی کئی خوشخبریاں جمعہ کے دن پہنچیں… اَلْحَمْدُلِلّٰہِ رَبِّ الْعَالَمِیْن… بندہ کے پاس الحمدللہ کافی ڈاک آتی ہے۔ ڈاک کا یہ سلسلہ پندرہ شعبان تک جاری رہتا ہے… جو خط پندرہ شعبان تک آجائیں گے ان کا جواب بھیجا جائے گا…  اس کے بعد پندرہ شوال تک ڈاک بند رہے گی… جو پیغام بھیجنا ہو ’’مکتب‘‘ کے ذریعہ بھیج سکتے ہیں… مگر پیغام مختصر ہوا کرے… لمبے اور طویل پیغامات پر بہت وقت لگتا ہے… بندہ غریب پر کچھ ترس کھا لیا کریں… زندگی کا کتنا سرمایہ پیغامات پڑھنے اور جواب لکھنے پر لگ جاتا ہے
والسلام
خادم
لا الٰہ الا اللہ محمد رسول اللہ
(دورات تفسیر/ خوشخبریاں)
19/05/2016
مکتوب خادم
السلام علیکم و رحمۃ اللہ و برکاتہ!
اللہ تعالیٰ ہی کارساز ہیں… اور وہی مددگار… وَ کَفٰی بِاللّٰہِ وَلِیًٓا وَٓکَفٰی بِاللّٰہِ نَصِیْراً… کیسے اندھیرے حالات میں اللہ تعالیٰ کی نصرت چمکی اور دورات تفسیر آج اپنے اختتام کو پہنچ رہے ہیں… مَاشَاءَ اللّٰہُ لَاقُوَّۃَ اِلَّابِاللّٰہِ… رمضان المبارک مہم… ضلعی اجتماعات سے شروع ہونی ہے… کئی اضلاع کے اجتماعات آج ہیں… اور کئی اضلاع کے ان شاء اللہ اتوار کے دن ہوں گے… ان ضلعی اجتماعات کو بھرپور محنت سے کامیاب بنائیں… لازمی تاکید ہے کہ… ہر اجتماع میں’’اجتماعات‘‘ کے تین نکاتی نصاب پر مکمل عمل ہو… اور اپنے ذاتی مال سے چندہ دے کر مبارک مہم کا آغاز کردیا جائے۔ اچھا ایک بات پر غور کریں… اگر زمانے کے مشرک، مجرم، ابوجہل، قیصر، کسریٰ… آپ کے دشمن نہ ہوں تو زندگی کا کیا مزہ؟ زندگی کا کیا فائدہ؟… قرآن پاک نے بار بار بتایا کہ… حضرات انبیاء علیہم السلام کو کافروں، مشرکوں اور مجرموں کی دشمنی کا سامنا رہا… حضرات صحابہ کرامؓ کو کفار و منافقین کی دشمنی کا سامنا رہا… بس آج اس پر غور کریں… مغرب سے مقابلۂ حسن مبارک، جمعہ شریف مبارک
 والسلام
خادم
لا الٰہ الا اللہ محمد رسول اللہ
(اجتماعات رمضان مہم… مقابلۂ حسن)
23/05/2016
مکتوب خادم
السلام علیکم و رحمۃ اللہ و برکاتہ!
اللہ تعالیٰ قبول فرمائے… (ایک اعلان) آج الحمدللہ پندرہ شعبان بروز پیر سے رمضان المبارک مہم کا باقاعدہ آغاز ہورہا ہے… اگرچہ کئی علاقوں میں جزوی آغاز پہلے ہوچکا ہے… یہ مبارک مہم یکم شوال تک جاری رہے، گی ان شاء اللہ… (ایک نیت) مسجد شریف جاکر نیت کی ہے کہ اس مہم میں ان شاء اللہ تین طرح سے شرکت کرنی ہے (الف) روزانہ دو رکعت ادا کرکے مہم کی کامیابی کی دعاء، مہم میں محنت کرنے والوں کے لئے دعاء اور استغفار اور مہم میں چندہ دینے والوں کے لئے دعاء اور استغفار (ب) مہم میں روزانہ خود چندہ دینا (ج) روزانہ ایک مکتوب جاری کرنا…  آج پہلے دن اللہ تعالیٰ کی توفیق سے تینوں کام آسانی سے ہوگئے (ایک معاہدہ) آپ میرے لئے دعاء فرمائیں کہ اللہ تعالیٰ یہ تینوں کام میرے لئے آسان فرمائے اور اپنی رضاء کے لئے قبول فرمائے… اور میں روز آپ میں سے ان کے لئے جو اس مہم کے لئے اسی طرح کی کچھ نیت کریں یہی دعاء کروں… معاہدہ منظور؟ (ایک ارادہ) مبارک مہم میں عملی شرکت کے لئے… آخرت کا سرمایہ بنانے کے لئے ارادہ ہے کہ دو تین نئے بیانات ریکارڈ کرا کے جاری کردیے جائیں… مشکل کام ہے، مگر اللہ تعالیٰ چاہے تو سب آسان ہوجاتا ہے… جب حسن و عشق مل کر رویا کریں گے مجھ کو… وہ بھی جگر زمانہ نزدیک آرہا ہے
والسلام
خادم
لاالہ الااللہ محمدرسول اللہ
(رمضان المبارک مہم)
24/05/2016
مکتوب خادم
السلام علیکم و رحمۃ اللہ و برکاتہ!
اَللّٰہُ اَحَد…  اللہ تعالیٰ ایک ہے (نکتہ) جہاد کے کام میں جب بدن ٹوٹتا ہے تو یہ وہ ’’تھکاوٹ‘‘ہے جس کی تعریف قرآن فرماتا ہے… جہاد کی آزمائش میں جب دل ٹوٹتا ہے اور زخمی ہوتا ہے تو یہ وہ دل ہے جس میں ’’اللہ تعالیٰ‘‘ بستا ہے… جہاد میں جب چوٹ لگتی ہے تو یہ وہ زخم ہے… جو قیامت کے دن کا ’’گواہ‘‘ہے… (فطرت) جتنا قیمتی’’بیج‘‘زمین میں ڈالا جائے اسی قدر قیمتی فصل اگتی ہے… پس یہی حال’’خون‘‘کا ہے، جتنا قیمتی خون دین کی خاطر بہتا ہے… دین اور جہاد کو اسی قدر زیادہ قوت ملتی ہے… (تجربہ) دشمن جب زیادہ طاقتور ہو… اور لڑائی گھمسان کی ہو اور مسلمانوں کے امیر ’’شہید‘‘ ہو رہے ہوں تو مسلمانوں کو فتح ’’چوتھے‘‘ امیر پر ملتی ہے… یعنی جنگ کے دوران کفار مسلمانوں کے امیر کو شہید کرکے اپنی شکست کو مزید قریب کرتے ہیں… (وقت دعاء) افغانستان سے اور عراق کے شہر ’’فلوجہ‘‘ سے جو خبریں آرہی ہیں… ان کا تقاضا یہ ہے کہ اہل ایمان اللہ تعالیٰ سے گڑگڑا کر مغفرت اور نصرت کی دعاء مانگیں… (تاثیر)  صدقہ میں یہ تاثیر ہے کہ وہ اللہ تعالیٰ کے غضب کو ٹھنڈا کرتا ہے
والسلام
خادم
لا الٰہ الا اللہ محمد رسول اللہ
(متفرقات)
25/05/2016
مکتوب خادم
السلام علیکم و رحمۃ اللہ و برکاتہ!
اَللّٰہُ الصَّمَد …اللہ تعالیٰ بے نیاز ہے… (مستقبل) دشمنان اسلام نے خوشی منائی کہ وہ کامیاب ہوئے… کوئی کامیابی نہیں۔ اب وہ اللہ تعالیٰ کی ’’ہیبت‘‘دیکھیں گے… ھَیبۃُ  اللہ… اللہ تعالیٰ کی ہیبت… اللہ تعالیٰ کا جلال… دین کا جلال… دین کا سراج… الحمدللہ امت مسلمہ کی گود بانجھ نہیں ہے… (سرمایہ) ہم رمضان المبارک کی کامیابی کے لئے جو دو رکعت ادا کرتے ہیں… اور دعاء مانگتے ہیں… اس میں کس کا فائدہ ہے؟… اپنا اور صرف اپنا… نامۂ اعمال میں چار قیمتی سجدوں کا اضافہ اور تھوڑا سا وقت قیمتی ہوکر آخرت کا سرمایہ… (زرمبادلہ) جس ملک کے پاس ’’زرمبادلہ‘‘کے ذخائر زیادہ ہوتے ہیں… اس کی معیشت اسی قدر مضبوط ہوتی ہے… ہم جو مال جہاد میں لگاتے ہیں… رمضان مہم میں دیتے ہیں… یہی ہمارا زرمبادلہ بن جاتا ہے… اپنے زرمبادلہ کے ذخائر خوب بڑھائیں… (قلبی شوق) ایک بزرگ نے فرمایا… میں جب اسلاف کے واقعات پڑھتا کہ وہ اتنی تلاوت، اتنے نوافل، اتنی دینی محنت اور اتنا مطالعہ کرتے تھے تو کبھی دل میں شک گزرتا کہ شاید لکھنے والوں نے مبالغہ کردیا… مگر جب سے ’’ٹچ موبائل‘‘آیا اور میں نے لوگوں کو اس میں اس قدر منہمک اور مشغول دیکھا کہ… گھنٹوں کے گھنٹے برباد تو مجھے… اسلاف کے واقعات کا یقین آگیا… دل کا شوق سب کچھ کروا دیتا ہے… اللہ تعالیٰ اچھے شوق عطاء فرمائے
والسلام
خادم
لا الٰہ الا اللہ محمد رسول اللہ
(سرمایہ/ زر مبادلہ/ قلبی شوق)
26/05/2016
مکتوب خادم
السلام علیکم و رحمۃ اللہ و برکاتہ!
اَللّٰہُ اَللّٰہُ رَبِّیْ لَا اُشْرِکُ بِہٖ شَیْئًا(سانحہ) حضرت امیر المؤمنین ملا اختر محمد منصورؒ شہید ہوگئے، اِنَّالِلّٰہِ وَاِنَّااِلَیْہِ رَاجِعُوْن… حضرت کے خاندان، امارت اسلامی افغانستان… اور جملہ اہل ایمان سے قلبی تعزیت ہے (خراج تحسین) وہ مؤمن، باعمل، بہادر، ذہین، زیرک اور صاحب حکمت مجاہد تھے… تین سال سے زائد عرصہ اتنی بڑی تحریک کی کمان کی… قندوز سے سنگین تک فتوحات کی لہر اٹھائی… بکھرے دانوں کو تسبیح میں پرویا اور پھر حق پر جان لٹا دی (تحسین) امارت اسلامی نے اچھا کیا کہ خبر جلد تسلیم کرلی… ایسا کرنا ہی اچھا ہوتا ہے…  اور پھر فوراً حضرت مولوی ہیبت اللہ زید قدرہ کو’’امیر‘‘مقرر کردیا… ایسا کرنا ہی ضروری ہوتا ہے، نئے امیر المؤمنین کو سلام محبت! (عزیمت کے چراغ) انڈیا خوشی منا رہا ہے کہ… سرینگر میں ’’جیش‘‘کے دو مجاہد شہید کردیئے…  ان میں سے ایک جیش کے کمانڈر تھے… خبر درست ہے، مگر خوشی جلد خاک میں مل جائے گی، ان شاء اللہ… وہ جو ہزاروں رکاوٹیں اور لاکھوں فوجی عبور کرکے سرینگر میں جا پہنچے… ان عزیمت کے چراغوں کو سلام… ان چراغوں کی روشنی میں چلنے والے الحمدللہ بہت ہیں… (حق واجب) حضرت امیر المؤمنینؒ کا بڑا حق ہے… اوراپنے ان چراغوں کا بھی جو سرینگر میں فروزاں ہوئے… آج جمعرات اور کل جمعہ کا مقابلۂ حسن، مہم کی محنت، صدقات، تمام نفل عبادات کا ایصال ثواب حضرت امیر شہیدؒ اور اپنے دو شہداء کے لئے
والسلام
خادم
لا الٰہ الا اللہ محمد رسول اللہ
(امیر المؤمنین ملا اختر محمد منصورؒ اور دیگر ساتھیوں کی شہادت اور ان کے لئے ایصال ثواب)
27/05/2016
مکتوب خادم
السلام علیکم و رحمۃ اللہ و برکاتہ!
اللہ تعالیٰ ہی خالق… اللہ تعالیٰ ہی رازق (مشورہ) جن کو’’عید الفطر‘‘ کے لئے خریداری کرنی ہو… وہ ابھی کرلیں، تاکہ رمضان المبارک کے آخری ایام ضائع نہ ہوں… اور جن کو عید کی خریداری کرنی ہی نہیں وہ ہیں زیادہ سمجھدار… (نام کا اثر)  انسان کی شخصیت پر اس کے نام کا کچھ اثر پڑتا ہے… اسی لئے اچھے نام رکھنے کا حکم ہے… امارت اسلامی کے نئے امیر المؤمنین کا نام ’’ہیبت اللہ‘‘ ہے… اندازہ لگائیں کہ جیسے ہی ان کے تقرر کا اعلان ہوا… کفار و منافقین پر ’’ہیبت‘‘ چھا گئی… کسی نے کہا حضرت ملا عمرؒ واپس آگئے… کسی نے کہا اب بڑی خوفناک جنگ ہوگی… کسی نے کہا طالبان واپس پتھر کے دور میں اتر گئے… اللہ تعالیٰ امت مسلمہ کے لئے اس تقرر میں برکت عطاء فرمائے… (قیمتی) جمعہ کے دن عصر کی نماز کے بعد والا وقت ’’قیمتی‘‘ہوتا ہے… دل کے ارمان اور ضروری حاجات کی دعاء کا بہترین وقت… (خبر) القلم کا اگلا شمارہ حضرت امیر المؤمنین ملا اختر محمد منصور شہیدؒ پر ’’خصوصی نمبر‘‘ ہوگا… ادارہ القلم والے بھاری محنت کریں، مضامین لکھنے والے دل کی روشنی کو قلم کی روشنائی بنا کر لکھیں…  اور خریدنے والے دل کھول کر خریدیں اور تقسیم کریں… شعبان میں اعمال اللہ تعالیٰ کے حضور پیش ہوتے ہیں… کما لیں، بنا لیں
والسلام
خادم
لا الٰہ الا اللہ محمد رسول اللہ
(نام کا اثر شخصیت پر… قیمتی وقت… ’’القلم‘‘ خصوصی اشاعت کا اعلان)
28/05/2016
مکتوب خادم
السلام علیکم و رحمۃ اللہ و برکاتہ!
اللہ تعالیٰ قبولیت اور مغفرت کا اعلیٰ مقام عطاء فرمائے… ہمارے عزیز بھائی ’’سیف اللہ‘‘بھی ’’سجاد افغانیؒ‘‘… ’’غازی باباؒ‘‘… ’’افضل گوروؒ‘‘ کے ساتھ جا بیٹھے… تین سال تک وہ دنیا کے مشکل ترین محاذ جنگ پر جہاد کی روشنی بکھیرتے رہے… کپواڑہ سے سرینگر تک ان کے’’جنون‘‘کی داستان رقم ہے۔ وہ علاقہ جہاں کوئی ہاتھ میں چاقو لیکر بھی تین دن نہیں گزار سکتا… وہاں وہ تین سال تک لڑتے رہے اور دو سال میں ان کی زیر کمان یادگار معرکے برپا ہوئے… مجھے شہید محترم کی والدہ نے مبارکباد کا پیغام بھیجا ہے… وہ فرماتی ہیں… ’’سیف اللہ کو اس مقام تک پہنچانے کے لئے ہم جماعت کے احسان مند اورممنون ہیں… اللہ تعالیٰ جماعت کو جلد’’سیف اللہ‘‘کا نعم البدل عطاء فرمائے… ہم اللہ تعالیٰ کی اس نعمت پر شکر گزار ہیں… اللہ تعالیٰ امت کو ایسے جانباز کثرت سے نصیب فرمائے‘‘… یہ ہیں شہید کے والدین کے بعض تاثرات… اپنے فرزند کی شہادت پر ایسی والہانہ شکر گزاری… بے شک ایسے ہی وفا دار مسلمانوں سے یہ زمین آباد ہے… اللہ تعالیٰ کے وفادار… دین اسلام کے وفادار… شہید سیف اللہ کو سلام… وقاص شہید کو سلام… تمام شہداء کرام کو سلام… تمام شہداء کرام کے والدین کو سلام
والسلام
خادم
لا الٰہ الا اللہ محمد رسول اللہ
(بھائی سیف اللہ شہیدؒ)
29/05/2016
مکتوب خادم
السلام علیکم و رحمۃ اللہ و برکاتہ!
اللہ تعالیٰ امت مسلہ کو’’خلافت‘‘ اور’’آزادی‘‘ عطاء فرمائے… (ترقی) جب کوئی دنیا دار مسلمان یا غافل اور گناہ گار مسلمان دین کی طرف آجائے، توبہ اور مسجد کی طرف آجائے… غیرت اور جہاد کی طرف آجائے تو یہ’’ترقی‘‘ہے… پہلے وہ سب کچھ ضائع کررہا تھا اور نیچے کی طرف جارہا تھا… اب وہ ہمیشہ کی نعمتیں خرید رہا ہے اور اوپر کی طرف جا رہا ہے… (تنزل) جب کوئی دین دار مسلمان یا مجاہد مسلمان’’دنیا‘‘میں پھنس جائے… دنیا کی مالداری، دنیا کی عیاشی اور دنیا کی ظاہری عزت کو اپنا مقصد بنا لے… یا اپنے قیمتی دین اور انمول ماضی کو عارضی دنیا کی خاطر بیچ دے… یہ’’تنزل‘‘ہے… اوپر سے نیچے گرنا… ہمیشہ کو چھوڑ کر فانی کے پیچھے پڑنا (مقابلہ) ہم میں سے ہر ایک کے اندر ترقی اور تنزل کا ’’مقابلہ‘‘جاری رہتا ہے… جو چاہتا ہے کہ مرتے دم تک ترقی کرتا رہے وہ… کلمہ طیبہ سے مکمل یاری لگائے… کیونکہ یہ کلمہ ’’عرش‘‘کے ساتھ بندھا ہوا ہے… ہم اسے پکڑ کر چڑھتے رہے، چڑھتے رہے تو… ترقی پاتے چلے جائیں گے… اور جہاں ہم نے کلمہ چھوڑا ہم گر جائیں گے… کلمہ سمجھیں، کلمہ سیکھیں، کلمہ سکھائیں،کلمہ پھیلائیں،کلمہ کی خاطر اپنا مال دیں، اپنی جان دیں… کلمہ سے پیار کریں اور کلمہ بہت پڑھیں
والسلام
خادم
لا الٰہ الا اللہ محمد رسول اللہ
(ترقی و تنزل کا مقابلہ/ کلمہ طیبہ)
30/05/2016
مکتوب خادم
السلام علیکم و رحمۃ اللہ و برکاتہ!
اللہ تعالیٰ ’’اَلبَاقِیْ‘‘ہے… باقی سب کچھ’’فانی‘‘ہے… (اصل قانون) ہر نفس نے موت کا ذائقہ چکھنا ہے… زمین کی ہر بادشاہت، ہر طاقت کو زوال آنا ہے… زمین پر ہر چیز کے لئے اللہ تعالیٰ کی طرف سے ایک ’’اَجَل مُسَمّٰی‘‘یعنی مقرر وقت ہے… (تاریخ) جب اٹل قانون ہی یہی ہے تو تاریخ بھی اسی کے مطابق بنتی ہے… ہر شخص کی ایک تاریخ پیدائش ہوتی ہے اور ایک تاریخ وفات… ہر حکومت کا ایک یوم آغاز ہوتا ہے اور ایک یوم اختتام… ایسا ماضی میں ہوتا رہا ہے اور قیامت تک اسی طرح ہوتا رہے گا… (غلط سبق) تاریخ سے یہ سبق لینا کہ کوئی مذہبی اور دینی ریاست قائم نہیں رہ سکتی… اس لئے اسلام کے نفاذ کی بات نہیں کرنی چاہئے… یہ کم عقلی والا سبق ہے… قائم تو ماضی کی سیکولر اور لبرل ریاستیں بھی نہیں رہیں… حتیٰ کہ آج کے روشن خیالوں اور دانشوروں کے خوابوں کی ریاست … قوم لوط علیہ السلام بھی ختم ہوگئی… ہماری آنکھوں کے سامنے سویت یونین ختم ہوا… اور موجودہ ریاستیں بھی ٹوٹ پھوٹ کا شکار ہیں… (دشمنی) لبرل، سیکولر اور غامدی دانشوروں کی اصل دشمنی… دین سے ہے… اسی لئے نعوذباللہ وہ حضرت سلیمان علیہ السلام کی ریاست سے لیکر… حضرات خلفاء راشدینؓ کی ریاست تک کو ناکام قرار دیتے ہیں… حالانکہ ان مبارک ریاستوں نے… اپنا وقت اور کام احسن طریقے سے مکمل فرمایا… اور تاریخ کا اصل سبق یہی ہے کہ… آپ کو جتنا وقت اور جتنا اختیار ملے وہ اللہ تعالیٰ کے دین سے وفاداری میں گزرے
والسلام
خادم
لا الٰہ الا اللہ محمد رسول اللہ
(سیکولرز اور غامدیت کی ایک کج فہمی کا توڑ)
31/05/2016
مکتوب خادم
السلام علیکم و رحمۃ اللہ و برکاتہ!
اللہ تعالیٰ قبولیت و مقبولیت عطاء فرمائے… آج الحمدللہ ’’القلم‘‘ کا خصوصی شمارہ تیار ہورہا ہے… حضرت امیر المؤمنین ملا اختر محمد منصور شہیدؒ نمبر… اہم مضامین، سوانحی خاکہ… احکامات و فرامین اور بہت کچھ… بندہ نے بھی ’’بہترین جانشین‘‘ کے عنوان سے کالم لکھا ہے… جماعت کا شعبہ ہدایت… زیادہ سے زیادہ یہ اخبار چلانے اور پھیلانے کی ترتیب بنا لے… جن کو دشمن میزائل ماریں… ان کو ’’اپنوں‘‘ کی محبت اور عقیدت بھرپور ملنی چاہئے
والسلام
خادم
لا الٰہ الا اللہ محمد رسول اللہ
(’’القلم‘‘ خصوصی اشاعت/ امیر المؤمنین حضرت ملا اختر محمد منصور شہیدؒ نمبر)
01/06/2016
مکتوب خادم
السلام علیکم و رحمۃ اللہ و برکاتہ!
اللہ تعالیٰ ریاکاری، تکبر، عجب اور نظربد سے بچائے… ماشاء اللہ’’جیش‘‘عجیب جماعت ہے… (تیس میل) بہت پہلے ایک صاحب علم، اللہ والے بزرگ ملے… وہ رو رہے تھے، فرمایا: جیش عجیب جماعت ہے۔ آپ کا ایک’’کارکن‘‘روزانہ تیس میل سائیکل چلا کر گاؤں گاؤں دعوت دیتا ہے، اخبار تقسیم کرتا ہے… (مزدوری) ایک جگہ جانا ہوا۔ وہاں جیش کے ایک شہید کا تذکرہ چل رہا تھا۔ کئی سال وہ کچھ عرصہ مزدوری کرتا… پھر اسی مال سے جہادی دعوت کا کام کرتا، مال ختم ہوجاتا تو پھر مزدوری پر چلا جاتا… پھر محاذ پر گیا… مالک نے فوراً قبول فرما لیا… (بازو گردن میں) ابھی چند دن پہلے ایک بزرگ سے ملاقات ہوئی، فرمایا: آپ کا ایک کارکن ہے… ایک رات اس کا ایکسیڈنٹ ہوا، بازو ٹوٹ گیا… اگلے دن دیکھا کہ ٹوٹا بازو گردن میں لٹکائے بازار میں اخبار تقسیم کررہا ہے… میں نے کہا اس حالت میں؟ کہنے لگا صرف بازو ٹوٹا ہے ،فرض تو ادا کرنا ہے… (کل کی خوشی) دیوانوں کی کئی مہمات میں مصروفیت اور حکومتی مظالم کی ان پر گرمی کی وجہ سے میں نے اس خصوصی شمارہ کے لئے زیادہ دباؤ نہیں ڈالا…  بس ایک چھوٹا سا مکتوب بھیجا… مگر ماشاء اللہ عجیب دیوانے ہیں۔ اتنے سے مکتوب پر اٹھ کھڑے ہوئے اور اخبار کی تعداد میں خوش آفرین اضافہ کردیا… پیارے بھائیو! اللہ تعالیٰ ہی تمہیں ان محنتوں کا بدلہ دے… تمہیں جہنم کے دھویں تک سے بچائے اور تمہارے ہر قدم کو قبول فرمائے… تم نے غریب کا دل خوش کردیا
والسلام
خادم
لا الٰہ الا اللہ محمد رسول اللہ
(جیش کے دیوانے)
02/06/2016
مکتوب خادم
السلام علیکم و رحمۃ اللہ و برکاتہ!
اللہ تعالیٰ نے حکم فرمایا… ان پر درود بھی بھیجو اور بہت سلام بھی… کن پر؟ حضرت محمد صلی اللہ علیہ وسلم پر… اَللّٰہُمَّ صَلِّ وَسَلِّمْ عَلٰی سَیِّدِنَا مُحَمّدٍ… بھائیو! جس کے پاس ’’محمد‘‘ نہیں اس کے پاس کچھ بھی نہیں صَلَّی اللّٰہُ عَلَیْہِ وَسَلَّم…جو حضرت محمد صلی اللہ علیہ وسلم سے ’’محروم‘‘ہے… وہ ’’شقی‘‘ ہے بدبخت، بدنصیب، خالی ہاتھ، خالی دامن… خواہ وہ دنیا بھر کا بادشاہ ہو یا بڑا سائنسدان… وہ ارب پتی تاجر ہو یاکھرب پتی صنعتکار… وہ جانوروں سے زیادہ محروم… وہ عقل سے محروم، وہ ہر کامیابی سے محروم… دنیا میں چیزیں ایجاد کرنا کوئی کمال نہیں… یہ ایک ضرورت ہے… انسان تو انسان، جانور بھی ایجادات کرتے ہیں… مکڑی کا جالا دیکھیں، چڑیا کا گھونسلا دیکھیں… جنگل کے غار دیکھیں… شہد کا چھتہ دیکھیں… بہت زیادہ مال جمع کرنا کمال نہیں… ایک لال بیگ بھی بہت سی گندگی پر قابض ہوجاتا ہے… اور شیش ناگ بھی کھربوں کے خزانے پر کنڈلی مار بیٹھتا ہے… کمال یہ ہے کہ کوئی انسان حضرت محمد صلی اللہ علیہ وسلم کو پا لے… حضرت محمد صلی اللہ علیہ وسلم کو پہچان لے… حضرت محمد صلی اللہ علیہ وسلم کا کلمہ پڑھ لے اور حضرت محمد صلی اللہ علیہ وسلم سے نسبت جوڑ لے… اب یہ ترقی، کامیابی، عقل اور روشنی کے راستے پر آگیا… اب آگے جس کی مرضی… جتنا بلند ہونا چاہے… حضرت محمد صلی اللہ علیہ وسلم کے قریب ہوتا جائے، قریب ہوتا جائے… یہاں تک کہ جان، مال، اولاد سے بھی زیادہ ان کو اپنا محبوب بنالے… صَلَّی اللّٰہُ عَلَیْہِ وَسَلَّم… مغرب سے جمعہ شریف اور مقابلۂ حسن مبارک
والسلام

خادم
لا الٰہ الا اللہ محمد رسول اللہ
(درود و سلام/ مقابلۂ حسن)
03/06/2016
مکتوب خادم
السلام علیکم و رحمۃ اللہ و برکاتہ!
اللہ تعالیٰ ہمارے دلوں میں’’نور‘‘عطاء فرمائے… انسان کا ’’دل‘‘بڑی عجیب چیز ہے… یہ کبھی کھلتا ہے اور کبھی بند ہوتا ہے… کھل جائے تو شیر سے لڑنا بھی آسان اور اگر بند ہو جائے تو چوھے، چھپکلی کا سامنا بھی مشکل… دل کھل جائے تو دین کی خاطر سارامال قربان کرنا آسان اور اگر دل بند ہوجائے تو دس روپے دینا بھی مشکل… دل کھل جائے تو اکیلے آدمی کو ہزاروں پر غالب کردے… اور دل بند ہوجائے تو دو قدم آگے بڑھنا مشکل… دل کھل جائے تو پورے قرآن کو اپنے اندر سمولے اور اگر بند ہوجائے تو ہر وقت گندگی، غلاظت سوچتا رہ جائے… حضرت سیدنا موسیٰ علیہ السلام کو حکم ملا کہ اکیلے فرعون کے پاس جائیں اور اس کو اللہ تعالیٰ سے ڈرائیں… بظاہر ناممکن کام تھا… مگر نبی نے عرض کیا… یااللہ! دل کھول دیجئے! پھر فرعون اور اس کی طاقت کیا چیز ہے؟…  دل کھل جائے تو ہر کام آسان… کیونکہ دل کی طاقت اور وسعت بہت زیادہ ہے… کسی شاعر نے کہا
 وسعت دل ہے بہت، وسعت صحراء کم ہے 
اسی لئے تو جہاں میں جینے کی تمنا کم ہے 
جب دل بند ہونے لگے فورا پڑھا کریں بار بار… رَبِّ اشْرَحْ لِیْ صَدْرِیْ وَیَسِّرْلِیْ اَمْرِیْ… اور مانگا کریں…  اَللّٰھُمَّ اجْعَلْ فِی قَلْبِیْ نُوْراً… اور دل کی دعاء مستقل معمول بنائیں… اَللّٰھُمَّ یَامُقَلِّبَ الْقُلُوْب ثَبِّتْ قَلْبِیْ عَلٰی دِیْنِکَ… اور ہمارے حضرتؒ کی مجرب دعاء… اَللّٰھُمَّ یَا قَوِّیُّ القَادِرُ الْمُقْتَدِرُ قَوِّنِیْ وَ قَلْبِی… دل والوں کو دل کی گہرائی سے جمعہ مبارک
والسلام
خادم
لا الٰہ الا اللہ محمد رسول اللہ
(دل کی طاقت)
04/06/2016
مکتوب خادم
السلام علیکم و رحمۃ اللہ و برکاتہ!
اللہ تعالیٰ ہمارے دلوں کو ’’ایمان والا‘‘ بنائے… کل سے’’دل‘‘کی بات چل رہی ہے… قرآن مجید نے دل کو سیدھا رکھنے کی دعاء یاد کرائی ہے… رَبَّنَا لَاتُزِغْ قُلُوبَنَا بَعْدَ اِذْ ہَدَیْتَنَا وَ ہَبْ لَنا مِنْ لَّدُنْکَ رَحْمَۃً اِنَّکَ اَنْتَ الْوَہَّاب… یااللہ! ہمارے دلوں کو ٹیڑھا نہ فرمائیے… معلوم ہوا کچھ دل سیدھے ہوتے ہیں اور کچھ ٹیڑھے… اور اللہ تعالیٰ کے اسم مبارک ’’اَلْوَھَّابُ‘‘ کا دل کی اصلاح سے گہرا تعلق ہے… دل چاہتا ہے کہ اس رمضان المبارک میں… ہم اپنے’’دلوں‘‘پر خاص محنت کریں… اور اپنی ’’رمضان مہم‘‘ کو بھی ’’دل‘‘ کی اصلاح کا ذریعہ بنائیں… دل سے نکلیں، دل سے محنت کریں، دل سے دعائیں مانگیں… اور دل کو دل کے مالک سے جوڑے رکھیں… آپ یقین کریں کہ آپ کی یہ محنتیں اور مہمات بے کار اور رسمی نہیں… ان کے اثرات زمین و آسمان میں دور دور تک پھیل رہے ہیں… صرف پچھلے ایک سال میں گیارہ نئی مساجد وجود میں آئیں… اور کام کی دھمک ایسی پڑی کہ… میڈیا سے جماعت کا نام اتر ہی نہیں رہا… حالانکہ یہ دنیا کی ان چند گنی چنی جماعتوں میں سے ہے… جو مروجہ میڈیا پر ایک روپیہ بھی خرچ نہیں کرتیں… یہ دل سے اٹھنے والی محنت پر اللہ تعالیٰ کا فضل ہے کہ… غریبوں اور فقیروں کی جماعت سے عالمی کفر دہشت زدہ ہے… اور وہ جو بجلی کے بل مشکل سے ادا کرتے ہیں… عالمی طاقتیں ان کے اکاؤنٹ منجمد کررہی ہیں… کون سے اکاؤنٹ؟ کیسے اکاؤنٹ؟… یہ دل کا خزانہ ہے دل کا
والسلام
خادم
لا الٰہ الا اللہ محمد رسول اللہ
(دل کی اصلاح اور طاقت)
05/06/2016
مکتوب خادم
السلام علیکم و رحمۃ اللہ و برکاتہ!
اللہ تعالیٰ ہمارے دلوں کو زندگی، سمجھ، بصیرت، خشوع اور سلامتی عطاء فرمائے… مسنون دعاء سکھائی گئی کہ ’’قَلْباً خَاشِعاً‘‘ مانگو… اللہ تعالیٰ سے ڈرنے، دبنے اور لرزنے والا دل…  یہی دل کی زندگی ہے… اور سکھایا گیا کہ ’’قَلْباً سَلِیْماً‘‘مانگو… صحیح، سالم، محفوظ دل… کفر، شرک، بغض، کینے، حسد اور لالچ کے دھبوں سے پاک دل… اور سکھایا گیا کہ ایمان کا دل سے جوڑ مانگو… اِیْمَاناً یُّبَاشِرُ قَلْبِی… ایسا ایمان جو دل میں اترا ہوا ہو… بھائیو! اس رمضان المبارک میں دل پر محنت کرنی ہے… دل سے محنت کرنی ہے… دل کی محنت کرنی ہے… جس کا دل مردہ ہو وہ اسے زندہ کرائے ’’حَیٌّ قَیُّومٌ‘‘ سے… جس کا دل اندھا ہو وہ اس کی آنکھیں ٹھیک کرائے ’’سَمِیْعٌ بَصِیْرٌ‘‘ سے… جس کا دل بیمار ہو وہ اسے تندرست کرائے ’’اَلْعَلِیْمُ الْحَکِیْمُ‘‘  سے… بھائیو! لمبا سانس لو اور دل سے کہو اَلْحَمْدُلِلّٰہ… پھر لمبا سانس لو اور دل سے کہو اَسْتَغْفِرُاللّٰہ… اور پھر سانس روک لو اور دل سے پڑھتے جاؤ اللہ، اللہ… باقی رہے دل کے جسمانی امراض… اکثر لوگوں کو ’’گیس‘‘ اوپر چڑھنے کی تکلیف ہوتی ہے…  وہ بھاگ کر ’’ای سی جی ‘‘کراتے ہیں… اکثر مشینیں خراب ہوتی ہیں… وہ دل کی بیماری بتا دیتی ہیں… اور پھر ’’میاں ہارٹ پیشنٹ‘‘ سبنھالے نہیں سنبھلتے… کبھی ایک ٹیسٹ کبھی دوسرا… اور بالآخر دل برباد… اس بارے باقی باتیں کل، ان شاء اللہ
والسلام
خادم
لا الٰہ الا اللہ محمد رسول اللہ
(اصلاح دل کی محنت)
06/06/2016
مکتوب خادم
السلام علیکم و رحمۃ اللہ و برکاتہ!
اللہ تعالیٰ ہمارے ’’دلوں‘‘ کو ایمان کامل، صحت اور سکینہ عطاء فرمائے… سورہ یٰس قرآن مجید کا دل ہے… اس کی زیادہ تلاوت دل کا علاج ہے… خاص طور پر آیت مبارکہ… سَلَامٌ قَوْلاً مِٓن رَّبِّ رَّحِیم… مزید چند علاج یہ ہیں… 1: عجوہ کھجور گٹھلی سمیت پیس کر کھانا… 2: عجوہ کھجور کی گٹھلی پیس کر روزانہ صبح آدھی چمچ پانی کے ساتھ کھانا… 3: آملہ کا مربہ ایک دانہ منہ نہار کھانا خصوصاً گرمیوں میں… 4: پیٹ کو نہ بڑھنے دینا… 5: ہر نماز کے بعد دل پر ہاتھ رکھ یہ دعاء سات بار پڑھنا… اَللّٰھُمَّ یَاقَوِیُّ الْقَادِرُ الْمُقْتَدِرُ قَوِّنِیْ وَ قَلْبِی… (ترجمہ) ’’اَللّٰھُمَّ‘‘ یااللہ… ’’یَاقَوِیُّ‘‘ اے قوت والے… ’’اَلقَادِرُ‘‘ قدرت والے… ’’اَلمُقْتَدِرُ‘‘ اقتدار والے… ’’قَوِّنِی‘‘ قوت دیجئے مجھے… ’’وَ قَلْبِی‘‘ اور میرے دل کو… حضرتؒ فرماتے تھے… اس دعاء میں پانچ ’’قاف‘‘ ہیں… ہر’’قاف‘‘ دل کے ایک وال کو قوت دے کر کھولتا ہے… 6: حجامہ کرانا… 7: ڈاکٹری ٹیسٹوں سے حتی الوسع بچنا… (ضروری بات) دل کی باتیں ابھی باقی تھیں کہ دل والوں کا مہینہ… اور مہینوں کا دل’’رمضان المبارک‘‘ تشریف لے آیا… مرحبا، مرحبا… آج حجاز میں روزہ ہے… اور ہمارے ہاں بھی کل روزے کا قوی امکان ہے… یعنی آج مغرب سے’’رمضان المبارک‘‘ تشریف لائیں گے… پاک دل، پاک مقام اور خشوع خضوع کے ساتھ تلاوت کرتے ہوئے استقبال کریں… دل میں خوشی محسوس کریں… اور چاند رات کے معمولات کے ساتھ سورۃ الفتح دو رکعت میں پڑھ لیں… پورا سال رزق و فتوحات میں برکت رہے گی، ان شاء اللہ
والسلام
خادم
لا الٰہ الا اللہ محمد رسول اللہ
(دل کی بیماریوں کے علاج/ استقبال رمضان اور وظائف)
07/06/2016
مکتوب خادم
السلام علیکم و رحمۃ اللہ و برکاتہ!
اللہ اکبر… تمام اہل ایمان، اہل اسلام کو رمضان مبارک… بہت خوشی کا موقع ہے… ہمیں یہ خوشی اپنے دل میں محسوس کرنی چاہئے… فضول باتوں میں اپنی خوشی پھیکی اور اپنی عبادت مشکوک نہ بنائیں… چاند چھوٹا تھا یا بڑا… چاند کا ٹھیک اعلان ہوا یا غلط… ہم پر نہ اسکی ذمہ داری ہے اور نہ اس کا بوجھ… ہمیں تو بس ’’رمضان المبارک‘‘ مل گئے… اب ہم ان کی خدمت میں مشغول ہوجائیں… اور ان سے پانے میں ڈوب جائیں… رمضان المبارک میں ہر عمل کی قیمت اور ویلیو بڑھ گئی… ایک بار ’’سُبْحَانَ اللّٰہِ‘‘ کہنا ہزاروں بار ’’سُبْحَانَ اللّٰہِ‘‘ کہنے کے برابر ہوگیا… ایک روپیہ جہاد میں خرچ کرنا ہزاروں روپے خرچ کرنے کے برابر ہوگیا… کیونکہ رمضان میں نفل… فرض کے برابر ہو جاتے ہیں… اور نفل اور فرض کے درمیان ہزاروں کا فرق ہے… اپنی آخرت کے لئے… زیادہ سے زیادہ نیکیوں کا ذخیرہ کرلیں… خصوصاً وہ نیکیاں جو ہمارے پاس کم ہیں… جہاد اور رمضان کا بڑا تعلق ہے… قرآن اور رمضان میں بڑی دوستی ہے… صلہ رحمی اور صدقہ کا رمضان سے گہرا رشتہ ہے… نوافل اور رمضان کی پیاری جوڑی ہے… اے امت محمد صلی اللہ علیہ وسلم! بہت مبارک، اس مہینے کی تو موت بھی بڑی مزیدار ہے
والسلام
خادم
لا الٰہ الا اللہ محمد رسول اللہ
(فضیلت رمضان)
08/06/2016
مکتوب خادم
السلام علیکم و رحمۃ اللہ و برکاتہ!
اللہ تعالیٰ کے نزدیک سب سے محبوب مقام ’’مسجد‘‘ ہے… جس مسلمان کا دل مسجد کی محبت سے سرشار رہتا ہو… اور مسجد کی طرف بار بار لپکتا ہو… وہ عرش عظیم کے سایے کا مستحق ہے… یعنی سب سے عظیم دربار کا مقرب درباری… الحمدللہ جماعت کے اہم مقاصد میں سے ایک… مساجد کی تعمیر، آبادی اور خدمت ہے… اللہ تعالیٰ کا شکر ہے… پچھلے سال جماعت کے دیگر کاموں کی طرح ’’مساجد‘‘ کے کام میں بھی ترقی اور برکت رہی… مساجد کی تعمیر، مساجد کی مرمت، مساجد کے لئے پانی کی فراہمی اور مساجد کے کاغذات کی تکمیل پر تین کروڑ، سینتالیس لاکھ، اسی ہزار روپے خرچ ہوئے… ہم الحمدللہ مساجد پر وہی پیسہ لگاتے ہیں جو مساجد کے لئے آتا ہے… جہاد فنڈ یا زکوٰۃ وغیرہ ہرگز نہیں… خوشی یہ ہے کہ پچھلے سال دس نئی مساجد کا کام شروع ہوا، اکثر مکمل ہوگئیں اور بعض پرکام جاری ہے… اللہ تعالیٰ سے امید ہے کہ ترقی اسی طرح جاری رہی تو عنقریب ہر ماہ ایک نئی مسجد شروع ہو جایا کرے گی، ان شاء اللہ… ابھی چند دن پہلے کراچی کے ایک مخلص دوست نے دوبارہ ایک اور پوری مسجد کا ارادہ ظاہر کیا ہے… اللہ تعالیٰ اپنی شان کے مطابق جزاء خیر عطاء فرمائے… بھائیو! کتنا اچھا لگتا ہے کہ… کسی خالی پلاٹ پر اچانک مسجد بن جائے… اور اس مسجد کے میناروں سے گونجے… اللہ اکبر، اللہ اکبر… لاالہ الااللہ
والسلام
خادم
لا الٰہ الا اللہ محمد رسول اللہ
(تعمیر مساجد)
09/06/2016
مکتوب خادم
السلام علیکم و رحمۃ اللہ و برکاتہ!
اللہ تعالیٰ مالک ہے آسمانوں اور زمین کے خزانوں کا (آرزو) جو جگہ ’’مسجد‘‘ بن جاتی ہے وہ کتنے گناہوں سے بچ جاتی ہے اور کتنی نیکیاں وہاں ہوتی ہیں… گنتی مشکل بلکہ ناممکن ہے… الحمدللہ جماعت کی ترتیب میں پچھتر (75) مساجد آباد ہوچکیں… دل بار بار مچلتا ہے کہ ایک سو کب ہوں گی اور تین سو تیرہ کب؟ (خوشخبری) ٹنڈو محمد خان سندھ میں جماعت کے رفقاء کی محنت رنگ لائی اور کل دو رمضان المبارک وہاں ڈیڑھ سو غیر مسلم افراد نے الحمدللہ جماعت کے زیر اہتمام اسلام قبول فرمایا… ان سب کو دل کی گہرائی سے مبارک، اللہ تعالیٰ استقامت اور ترقی عطاء فرمائے (شاندار پیشکش) جیب سے سو روپے نکالیں… انہیں اپنا آخرت کا سرمایہ بنانے کی نیت کریں… جماعت کے قریبی مکتبہ جاکر ’’جہاد کا بیانیہ‘‘ کے چار نسخے خرید لیں… ایک خود رکھ لیں اور تین تقسیم کردیں… دعوت جہاد کی خاطر اس کتابچے کی قیمت صرف ’’پچیس‘‘ روپے رکھی گئی ہے… آپ کے سو روپے خود آپ کے لئے بہت قیمتی ہوجائیں گے اور آپ کے لئے آخرت کا راحت والا سامان بن جائیں گے، ان شاء اللہ… ابھی اس کتابچے کے صرف دس ہزار نسخے چھاپے ہیں… آج دعوت جہاد کا ایسا جنون دکھائیں کہ یہ نسخے شام تک تقسیم ہوجائیں… اور کل نیا ایڈیشن شائع کرنا پڑے… (مقابلۂ حسن) آج مغرب سے رمضان المبارک کا پہلا جمعہ اور پہلا مقابلۂ حسن ہے… اللہ کرے شاندار رہے
والسلام
خادم
لا الٰہ الا اللہ محمد رسول اللہ
(تعمیر مساجد/ ڈیڑھ سو غیر مسلموں کا قبول اسلام/ جہاد کا بیانیہ/ مقابلۂ حسن)
10/06/2016
مکتوب خادم
السلام علیکم و رحمۃ اللہ و برکاتہ!
اللہ تعالیٰ ہمیں اپنا ’’شکر گزار‘‘ بندہ بنائے… (حکایت) عرصہ پہلے کی بات ہے، ایک بزرگ مکہ مکرمہ میں مریضوں کی عیادت کو جاتے تھے… جب وہ مریضوں کا حال پوچھتے تو اکثر مریض آہ بھر کر کہتے… اور تو سب ٹھیک ہے بس حرم کی نمازوں کا افسوس ہے… بیماری میں حرم شریف نہیں جا سکتے… ایک دن وہ بزرگ ایک مریض کی عیادت کو گئے… مریض سخت بیمار تھے مگر خوش… حال پوچھا تو شکر کرکے کہنے لگے: اللہ تعالیٰ نے حرم بلایا اس کا شکر… اب بیمار کرکے بستر پر نماز کی تشکیل فرما دی… میں اس پر بھی خوش اور راضی… مالک کی مرضی جہاں نماز پڑھائے… بزرگ نے سن کر فرمایا… آپ کو تو حرم شریف کی پہلی صف میں نماز ادا کرنے والوں سے بھی زیادہ اجر مل رہا ہے… بے شک شکرگزاری ہر عبادت سے بڑی عبادت ہے… (واہ گرمی!) آج کل لوگ کہتے ہیں آہ گرمی! بجلی کی وجہ سے حکومت بھی سخت بددعائیں کھا رہی ہے… گرمی واقعی سخت ہے مگر اس کے روزے بہت میٹھے ہیں… خوب پیاس لگتی ہے… نفس سرکش پامال ہوتا ہے… انسان کی اکڑ ٹوٹتی ہے… آپ نے دیکھا ہوگا کہ جس زمین میں بیج اگانا ہو اسے اچھی طرح توڑا پھوڑا جاتا ہے… ہل چلا کر اسے پامال کیا جاتا ہے… تب وہاں بڑی فصلیں اگتی ہیں… ماربل والے فرش پر نہ پھل اگتے ہیں اور نہ پھول… ہم بھی گرمی کے روزے سے جب ٹوٹ پھوٹ جاتے ہیں تو دل میں ایمان، اخلاص اور وفا کے بیج پھلتے پھولتے ہیں… اور ہماری یہ مشقت ہمارے لئے آخرت کی راحت بن جاتی ہے… اس لئے دل سے کہہ دیں واہ گرمی!…
والسلام
خادم
لا الٰہ الا اللہ محمد رسول اللہ
(شکر گذاری/ گرمی کے روزے)
11/06/2016
مکتوب خادم
السلام علیکم و رحمۃ اللہ و برکاتہ!
اللہ تعالیٰ ہمیں آخرت کا بہترین گھر عطاء فرمائے (دس دن) اگر ہمیں بتایا جائے کہ آپ نے اگلے ماہ دس دن فلاں جنگل یا صحراء میں گزارنے ہیں… وہاں کے لئے رہنے اور کھانے پینے کا سامان آپ کو خود یہاں سے بھیجنا ہوگا… جو بھیجنا ہو بھیج دیں… غور کریں… ہم ان دس دنوں کے لئے کیا کیا بھیجیں گے؟… اللہ تعالیٰ بار بار سمجھاتے ہیں… تمہیں اگلے گھر، اگلے جہان جانا ہے ’’وَقَدِّمُوْا لِاَنْفُسِکُمْ‘‘ اپنے لئے آگے سامان بھیجو… مگر ہم اسی دنیا کو بنانے میں لگے رہتے ہیں جسے چند دن بعد چھوڑ جانا ہے… (بے ساختہ) آجکل یہ دعاء بے ساختہ دل سے نکلتی ہے… یااللہ! آپ نے ’’وَقَدِّمُوْا لِاَنْفُسِکُمْ‘‘ کا حکم فرما یا کہ اپنے لئے آگے سامان بھیجو… یااللہ! اس حکم پر عمل آسان فرما… اس پر عمل کی توفیق عطاء فرما… (ماسک) ایک رپورٹ چھپی ہے… ’’کیا امریکہ اب بھی دنیا کی قیادت کرتا ہے؟‘‘… جواب تھا کہ حالات بہت بدل گئے ہیں۔ امریکہ اب وہ نہیں جو افغانستان اور عراق کی جنگ سے پہلے تھا… اب دنیا نے اس کی کئی کمزوریوں کو دیکھ لیا ہے… یعنی وہ جو چہرے پر سپر پاور کا ماسک چڑھا کر سب کو ڈرائے ہوئے تھا… شہداء اور مجاہدین نے اس کا وہ ماسک اتار دیا تو اندر سے ابامہ نکلا… (اہم ترین) جو وعدہ خلافی کرتا ہو اس کا ایمان کمزور ہوجاتا ہے… وہ زمین اور آسمان میں بے اعتبارا ہوجاتا ہے… اسکی عزت اور شخصیت کا وزن کم ہوجاتا ہے… جب بھی وعدہ کریں اسے پورا کریں… ایک منٹ، ایک دن اور ایک لمحے کی وعدہ خلافی نہ کریں
والسلام
خادم
لاالہ الااللہ محمدرسول اللہ
(اگلا جہان/ ایک دعاء/ امریکہ کی رسوائی/ وعدہ خلافی سے بچیں)
12/06/2016
مکتوب خادم
السلام علیکم و رحمۃ اللہ و برکاتہ!
اللہ تعالیٰ کے دین میں ’’کمی‘‘ برداشت نہیں… ایک فتنہ اٹھا تھا کہ ہم اسلامی خلافت کو زکوٰۃ نہیں دیں گے… باقی سارے دین پر عمل کریں گے… حضرت صدیق اکبر رضی اللہ عنہ نے فرمایا: میں ان سے قتال کروں گا… دین میں کمی، کٹوتی برداشت نہیں… لشکر روانہ ہوا اور فتنہ بھاگ گیا… فقہاء کرامؒ نے لکھا ہے… اگر کسی علاقے کے لوگ ’’اذان‘‘ چھوڑ دیں کہ ہم نماز تو پڑھیں گے مگر اذان نہیں دیا کریں گے… تو ان سے قتال کیا جائے گا ۔کیونکہ دین میں کمی، کٹوتی برداشت نہیں… وجہ یہ ہے کہ اگر کسی ایک مسئلہ میں یہ کمی، کٹوتی برداشت کرلی جائے تو پھر… دروازہ کھل جائے گا اور ہر کوئی کسی حکم کا انکار کرنا شروع کر دے گا… مگر ہائے افسوس!… آج اللہ تعالیٰ کے ’’حکم جہاد‘‘ یعنی قتال فی سبیل اللہ کا کھلم کھلا انکار کیا جارہا ہے… اس فریضے کو دین سے نکالا جارہا ہے… بلکہ نعوذباللہ اسے جرم بنا کر پیش کیا جارہا ہے… قتال فی سبیل اللہ پر قرآن مجید میں تقریباً ایک ہزار آیات ہیں… ہزاروں احادیث اور حضرت آقا مدنی صلی اللہ علیہ وسلم کا مبارک خون اور شہید دانت… یہ صورتحال دیکھ کر دل پھٹتا ہے… اور تو اور… اب تو کئی دینی اجتماعات اور کئی دینی اداروں میں جہاد کا نام تک نہیں لیا جاتا… اور اگر لیا بھی جاتا ہے تو انکار اور تحریف کے انداز میں… اس لئے دین کی حفاظت کے لئے اس وقت ’’جہادی محنت‘‘ کی اشد ضرورت ہے… دیوانو! کچھ جنون دکھاؤ، مہم بھی پھیکی جا رہی ہے اور محنت بھی
والسلام
خادم
لا الٰہ الا اللہ محمد رسول اللہ
(دین میں کٹوتی برداشت نہیں/ جہاد اللہ تعالیٰ کا حکم اور دین کا حصہ)
13/06/2016
مکتوب خادم
السلام علیکم و رحمۃ اللہ و برکاتہ!
اللہ تعالیٰ ’’عَزِیْزٌ ذُو انْتِقَام‘‘ ہے… غالب، بدلہ لینے والا… دیکھا آپ نے؟… ’’مئی‘‘ میں جو ہنس رہے تھے وہ آج زاروقطار رو رہے ہیں۔ انہیں اپنے ڈرون حملے کی خوشی تھی… مگر آج ان کو پچاس لاشیں اٹھانا پڑیں… بے شک ظلم ضرور واپس لوٹتا ہے (بیس ہزار) الحمدللہ دعوت جہاد کی قبولیت دیکھیں!… ’’جہاد کا بیانیہ‘‘ دس ہزار ہاتھوں ہاتھ نکل گیا اور مزید دس ہزار سے زائد کی طلب بھی آگئی… مخالفین جہاد اپنا سر پیٹیں (دو رکعت) کبھی دل کی توجہ سے دو رکعت نماز شکر ادا کرکے… اللہ تعالیٰ کا شکر ادا کیا کریں کہ اس نے ہمیں ایسی مبارک جماعت دی ہے… پورا دین، سچا عقیدہ، افضل ترین عمل، اہل دل اور اہل قربانی کی صحبت… اللہ تعالیٰ کا کتنا عظیم الشان احسان ہے کہ… ہمیں جہاد کے انکار سے بچایا… اگر ہم بھی جہاد کے منکر ہوتے تو کیا ایمان سلامت رہتا؟ عقیدہ جہاد کی برکت سے گمراہ لوگ آپ کے قریب نہیں آتے… نہ بالی ووڈ والے، نہ لالی ووڈ والے… یااللہ! آپ ہی کا فضل ہے اور آپ ہی کا شکر (پیشہ نہیں) جہاد ہمارا پیشہ نہیں ہے… ہم تو اپنا اور امت کا ایمان بچانے کے لئے جہاد کی دعوت دیتے ہیں، جہاد کی آواز لگاتے ہیں… بھائیو! اس محنت کی آج پوری امت کو ضرورت ہے… اپنی ذات، ضروریات اور خواہشات کے خول سے باہر نکل کر ایسی جنونی محنت اٹھاؤ کہ ہر طرف موسم بدل جائے… آپس میں صلح کرو، مشورہ اورصلٰوۃ الحاجۃ سے روشنی اور قوت لو
والسلام
خادم
لا الٰہ الا اللہ محمد رسول اللہ
(ظلم آخر پلٹتا ہے/ دعوتِ جہاد کی مقبولیت/ جماعت کی نعمت ملنے پر شکر)
14/06/2016
مکتوب خادم
السلام علیکم و رحمۃ اللہ و برکاتہ!
اللہ تعالیٰ’’قادر‘‘ ہے… نِعْمَ الْقَادِرُاللہ… اللہ تعالی’’وکیل‘‘ ہے… کام بنانے والا… حَسْبُنَا اللّٰہُ وَنِعْمَ الْوَکِیْلُ… (پیاس) صبح جیسے ہی روزہ شروع ہو، سورۃ فاتحہ پڑھ کر دونوں ہاتھوں پردم کریں، ساتھ تھوڑا لعاب بھی جائے۔ یہ ہاتھ اپنے چہرے اورپیٹ پرپھیر لیں… ان شاء اللہ سارا دن پیاس تنگ نہ کرے گی (دل بجھ جائے) اچانک کام سے، عبادت سے یا نیکی سے دل بجھ جائے تو کثرت سے ورد شروع کردیں ’’رَبِّ اشْرَحْ لِیْ صَدْرِیْ وَیَسِّرْ لِیْ اَمْرِیْ‘‘ ان شاء اللہ دل کھل جائے گا۔ پہلے سے بھی زیادہ کام اور نیکی کرے گا (مشکل ختم) کوئی کام اچانک مشکل ہوجائے تو یہ مسنون دعاء بار بار پڑھیں۔ ان شاء اللہ آسان ہوجائے گا… اَللّٰھُمَّ لَاسَھْلَ اِلَّامَاجَعَلْتَہٗ سَھْلاً وَاَنْتَ تَجْعَلُ الحُزْنَ سَھْلاً اِذَا شِئْتَ
والسلام
خادم
لا الٰہ الا اللہ محمد رسول اللہ
(روزے کی حالت میں پیاس کا علاج/ دل بجھ جانے کا علاج/ مشکلات کی آسانی کے لئے ایک مسنون دعاء)
15/06/2016
مکتوب خادم
السلام علیکم و رحمۃ اللہ و برکاتہ!
اللہ تعالیٰ ہمیں ’’ہلاکت‘‘ سے بچائے (سخت کڑک) ہلاک ہوجائے وہ شخص جس نے رمضان پایا اور اسکی مغفرت نہ ہوئی… ہلاک یعنی ناکام، بدنصیب، محروم (ہائے دل) وہ ہونٹ جن سے رحمت برستی تھی اس بددعاء پر’’آمین‘‘ فرماتے ہیں… یعنی ایسے بدنصیب کی ناکامی اور ہلاکت پر مہر لگ گئی… (کیفیت) یااللہ! آپ نے ہمیں کتنے رمضان دیئے… شکر الحمدللہ… ان رمضانوں میں جو نیکی کی توفیق دی اس پرشکر، الحمدللہ، شکر، شکر، شکر (ندامت) یااللہ! ان رمضانوں میں ہم نے جو غفلت کی، کوتاہی کی، گناہ کئے، ناقدری کی… وہ سب معاف فرما دیجئے… معافی، معافی، معافی (بھکاری) اب پھر رمضان نصیب ہوا… مگر ہماری محرومی بھی ساتھ سر اٹھا رہی ہے… کچی نیکیاں اور پکے گناہ… ہنسی زیادہ آنسو کم… شور زیادہ محنت کم… دکھاوا زیادہ عبادت کم… مگر دل آپ کی طرف متوجہ ہے… وہ ایک بھکاری بن کر آپ سے بھیک مانگتا ہے… اس رمضان میں مغفرت کی بھیک دے دیجئے… اے سخی بادشاہ! اے بادشاہوں کے بادشاہ!… بھیک دے دیجئے… معافی، معافی، معافی… (لرزتا چراغ) یااللہ! ہم اگرچہ معافی کے اہل نہیں… مگر آپ تو ’’اَہْلُ الْمَغْفِرَۃ‘‘ ہیں… آپکی رحمت بھی بہت وسیع اور آپ کی جنت بھی بہت کشادہ… رمضان میں آپ کی رحمت سیدھی برستی ہے… اے مالک! اس رحمت کا ایک قطرہ ہم پر بھی… یااللہ! سائل دل ایمان مانگ رہا ہے… آپ کی محبت مانگ رہا ہے… یااللہ! رمضان جارہاہے… معافی، معافی، معافی، مغفرت… استغفراللہ، استغفر اللہ
والسلام
خادم
لا الٰہ الا اللہ محمد رسول اللہ
(رمضان المبارک)
16/06/2016
مکتوب خادم
السلام علیکم و رحمۃ اللہ و برکاتہ!
اللہ تعالیٰ ’’القریب‘‘ ہے، بہت قریب… (جانتا ہوں) ایک فقیر سے کسی نے پوچھا آپ کسی ’’مستجاب الدعوات‘‘ بزرگ کو جانتے ہوں تو ہمیں بھی بتائیں… انہوں نے جواب دیا ’’مستجاب الدعوات‘‘ کو تو نہیں جانتا البتہ ’’مجیب الدعوات‘‘ کو جانتا ہوں اور اسی سے مانگتا ہوں (مستجاب الدعوات) وہ جن کی دعائیں قبول ہوتی ہیں (مجیب الدعوات) وہ جو دعائیں قبول فرماتا ہے یعنی اللہ تعالی… (سبق) اس تلاش میں پھرتے ہو کہ کوئی تمہاری حاجتیں اللہ تعالیٰ سے پوری کروائے… خود دعاء قبول کرنے والے کی طرف رجوع نہیں کرتے… حالانکہ وہ ’’قریب‘‘ ہے ’’سمیع‘‘ ہے اور اس کا دروازہ ہر وقت کھلا ہے… (فقیر) یہ ایمان کا ایک مقام ہے… فقیر وہ ہے جو بے غرض ہو، اللہ تعالیٰ کے سوا کسی سے کوئی غرض نہ رکھتا ہو… اور اللہ تعالیٰ سے بھی اللہ تعالیٰ کا طلب گار ہو… اگر یہ کیفیت حاصل نہ ہو تو خود کو بطور روحانی فیشن ’’فقیر‘‘ نہیں کہنا چاہئے (نقصان دہ) رمضان المبارک میں سب سے زیادہ نقصان دہ چیز… بے تکلف دوست ہیں… یہ وقت ضائع کرتے ہیں، قہقہے بجاتے ہیں، غافل کرتے ہیں، غیبت سلگاتے ہیں… ہم نے روزے میں حلال کھانا پینا چھوڑ دیا… اسی طرح اگر بے تکلف دوستوں کو بھی ایک ماہ رخصت دیں تو کام بن جائے یا ان دوستوں سے ’’ایمانی معاہدہ‘‘ ہوجائے کہ… اب ایک ماہ ہماری مجالس میں صرف ایمان ہوگا، نور ہوگا اور تقویٰ… تب یہ دوستی بھی کام والی بن جائے گی (اچھا اور برا) رمضان میں مسلمانوں سے جھگڑا کرنا بہت برا… اور دشمنان اسلام سے قتال کرنا بہت اچھا ہے
والسلام
خادم
لا الٰہ الا اللہ محمد رسول اللہ
(اللہ تعالیٰ ’’مجیب الدعوات‘‘ ہیں/ فقیر کی تعریف/ رمضان المبارک کے لئے نقصان دہ چیزیں)
17/06/2016
مکتوب خادم
السلام علیکم و رحمۃ اللہ و برکاتہ!
اللہ تعالیٰ ہم سب کو اپنی’’مغفرت‘‘ عطاء فرمائے… کل’’مقابلۂ حسن‘‘ کا تذکرہ رہ گیا… کبھی کبھار رہ بھی جانا چاہئے… لازم صرف اللہ تعالیٰ کے فرائض ہیں… یاد دہانی رہ گئی، مگر الحمدللہ مجھے بھی یاد رہا اور آپ سب کو بھی… حضرت آقا مدنی صلی اللہ علیہ وسلم پر درود و سلام اور وہ بھی جمعہ کی رات اور دن کا… اسے کون مسلمان بھول سکتا ہے؟… الحمدللہ ہر طرف ’’مقابلۂ حسن‘‘ خوب جما… اللہ کرے ہمیشہ جمتا رہے اور خوب قبول ہو… مغفرت کا عشرہ شروع ہوچکا ہے… معافی کا بازار سج گیا ہے… معافی مانگیں، معافی دیں، معافی کو پسند کریں اور معافی والا مزاج بنائیں… اَللّٰھُمَّ اِنَّکَ عَفُوٌّ تُحِبُّ الْعَفْوَ فَاعْفُ عَنَّا
والسلام
خادم
لا الٰہ الا اللہ محمد رسول اللہ
(مقابلۂ حسن/ عشرۂ مغفرت)
18/06/2016
مکتوب خادم
السلام علیکم و رحمۃ اللہ و برکاتہ!
اللہ تعالیٰ کے بعض بندوں کو چوبیس گھنٹے… یعنی ہر وقت عبادت، ذکر اور جہاد کا اجر ملتا رہتا ہے… یہ وہ بندے ہوتے ہیں جن پر اللہ تعالیٰ اپنا خاص فضل فرماتے ہیں… اوران کو ایسی مضبوط اورپکی نیکیوں کی توفیق دیتے ہیں… جو نیکیاں چوبیس گھنٹے چلتی رہتی ہیں… مثلا اللہ تعالیٰ اپنے کسی بندے کو ایسا مجاہد بنا دے جس کی دہشت اور ہیبت کافروں پر چھا جائے جیسا کہ حضرات صحابہ کرامؓ کے بارے میں فرمایا ’’لِیَغِیْظَ بِھِمُ الْکُفَّار‘‘… اب ’’کافر‘‘ اس مجاہد کو ختم کرنے، مارنے، پکڑنے کے لئے دن رات کوشش کریں گے، سازش کریں گے، مال خرچ کریں گے… خطرات میں پڑیں گے… اور خوفزدہ رہیں گے… یوں اس مجاہد کا جہاد ہر وقت چلتا رہے گا… ایسا مجاہد کس طرح سے بنا جاسکتا ہے… قرآن مجید نے اس کا نصاب بیان فرمایا ہے… یہی حال دیگر عبادات کا ہے… کچھ افراد کی عبادت اور ذکر ہر وقت خود ان سے یا ان کے ذریعہ سے چلتا رہتا ہے… ہمارے مدرسہ سید احمد شہیدؒ میں جب مسجد بن رہی تھی تو میں… رشک سے ان افراد کو دیکھ رہا تھا جو یہ مسجد بنوا کر اپنے لئے نیکیوں کی اتنی بڑی مارکیٹ کھڑی کررہے تھے… مسجد اور وہ بھی مجاہدین کے لئے… سبحان اللہ! وہاں کس کس نے سجدے کئے… اب الحمدللہ جامع مسجد ’’سبحان اللہ‘‘ تکمیل کے قریب ہے… تین بار تکمیل کی تاریخ اور حسابات حتمی ہوئے، مگر مزید کام نکل آئے، ماشاء اللہ قدم رکھتے ہی محسوس ہوتا ہے کہ… سبحان اللہ، سبحان اللہ، سبحان اللہ… کس قدر قابل رشک ہیں اس عظیم مسجد پر اپنا مال لگانے والے… نیکیوں کی سپر مارکیٹ سبحان اللہ!
والسلام
خادم
لا الٰہ الا اللہ محمد رسول اللہ
(چوبیس گھنٹے عبادت کا اجر پانے والے خوش نصیب لوگ)
19/06/2016
مکتوب خادم
السلام علیکم و رحمۃ اللہ و برکاتہ!
اللہ تعالیٰ کی ہر دن نئی شان ہے… کُلَّ یَوْمٍ ھُوَ فِی شَأَنٍ (گرمی کا علاج) گرمی کا بہترین اور مجرب ترین علاج یہ ہے کہ ’’اف گرمی‘‘ ’’ہائے گرمی‘‘ اور ’’بہت گرمی‘‘ کہنا چھوڑ دیں… جو ’’شکوہ‘‘ چھوڑتا ہے اسے ’’شکر‘‘ ملتا ہے… مخلوق میں سے جس چیز کا خوف دل میں جس قدر زیادہ بٹھایا جائے وہ اسی قدر زیادہ نقصان پہنچاتی ہے… اللہ تعالیٰ کے خاص بندے کبھی موسم کاشکوہ نہیں کرتے کہ آج گرمی بہت ہے، آج سردی بہت… وہ کہتے ہیں گرمی بھی اللہ تعالیٰ نے بھیجی اور سردی بھی اللہ تعالیٰ نے بھیجی… پھر وہ اللہ تعالیٰ کی طرف متوجہ ہوکر کہتے ہیں: یااللہ! گرمی کے شر سے بچا… یااللہ! سردی کے شر سے بچا… پھر نہ گرمی انکو ستاتی ہے نہ سردی… (مہم کامیاب بنانے کا طریقہ) ہر جگہ کے ساتھی جمع ہوں… دو رکعت اللہ تعالیٰ کے لئے ادا کریں… پھر سر جھکا کر نعمتوں پر شکر اور گناہوں پر استغفار میں سچے دل سے ڈوب جائیں… الحمدللہ اور استغفر اللہ کے درمیان آنسو جھڑتے رہیں… پھر مشورہ ہو… سب ایک دوسرے کو معاف کریں ایک دوسرے کو دعاء دیں… پھر سر ننگا کرکے سب عاجزی سے دعاء میں ڈوب جائیں… اس مجلس کا ایصال ثواب حضرت امیرالمؤمنینؒ اور اپنے تمام شہداء کو کریں… اب جو قدم اٹھے گا وہ ان شاء اللہ نتیجہ خیز ہوگا
والسلام
خادم
لا الٰہ الا اللہ محمد رسول اللہ
(گرمی کا مجرب علاج/ مہم کامیاب بنانے کا طریقہ)
20/06/2016
مکتوب خادم
السلام علیکم و رحمۃ اللہ و برکاتہ!
اللہ اکبر کبیرا (آئینہ دیکھیں) آج کسی وقت ’’آئینہ‘‘ دیکھیں… کبھی کبھار آئینہ دیکھنا سنت ہے… اگر اپنے چہرے پر پوری داڑھی نظر آئے تو شکر میں ڈوب جائیں… الحمدللہ، الحمدللہ، الحمدللہ… یااللہ! آپ کا شکر اپنے محبوب صلی اللہ علیہ وسلم کی یہ سنت، یہ مشابہت عطاء فرمائی… اب رحم فرما، اس داڑھی والے چہرے کو آگ میں جلنے سے بچا… بس اسی طرح شکر اور دعاء میں لگے رہیں اور اپنی خوبصورت داڑھی کو آنسؤوں سے سیراب کرتے جائیں… (اف، اف، اف) اگر آئینہ کے سامنے آنے پر داڑھی نظر نہ آئے یا چھوٹی نظر آئے تو دل سے کہیں… اف، اف، اف… حضرت آقا مدنی صلی اللہ علیہ وسلم کی سنت سے محرومی… ایک لاکھ چوبیس ہزار انبیاء علیہم السلام کی سنت سے محرومی… تمام صحابہ کرام رضوان اللہ علیہم کی سنت سے محرومی… تمام تابعین، تبع تابعین کے طریقے سے محرومی… تمام فاتحین، آئمہ، محدثین اور خلفاء کے طریقے سے محرومی… ہائے! فطرت سے محرومی… ہائے! اولیاء کرام کی مشابہت سے محرومی… اف، اف، اف… صبح اٹھ کر ابامہ کا پہلا کام بھی داڑھی مونڈنا اور میرا بھی پہلا کام یہی… وہ گندا کام جس کا آغاز حضرت لوط علیہ السلام کی غلیظ قوم نے کیا تھا… یااللہ رحم، یااللہ توبہ… آئینہ پھینک کر توڑ دیں… دل کو مدینہ منورہ کی طرف پرواز دیں، روضۂ اطہر کے قدموں میں بیٹھ کر عہد کریں، اب مر جاؤں گا داڑھی نہ مونڈوں گا… مشت سے کم نہ کاٹوں گا… اور آئینہ تب دیکھوں گا جب چہرہ ’’مدنی‘‘ بن جائے گا
والسلام
خادم
لا الٰہ الا اللہ محمد رسول اللہ
(داڑھی مبارک کی ترغیب)
21/06/2016
مکتوب خادم
السلام علیکم و رحمۃ اللہ و برکاتہ!
اللہ تعالیٰ ہم سب کو ایمان کامل پر ’’حسن خاتمہ‘‘ عطاء فرمائے (دعوت) اس سال بھی ان شاء اللہ جامع مسجد عثمانؓ و علیؓ بہاولپور میں ’’اعتکاف‘‘ ہوگا… فرائض کے بعد جن عبادتوں کی شان بہت بلند ہے ان میں ’’اعتکاف‘‘ سب سے نمایاں ہے… یہ اللہ تعالیٰ کے ’’خاص الخاص‘‘ بندوں کی عبادت ہے… اعتکاف کی برکت سے قرآن مجید دل میں اترتا ہے… کیونکہ قرآن مجید کا نزول ’’اعتکاف‘‘ کی حالت میں ہوا… جب حضور اقدس صلی اللہ علیہ وسلم ’’غارحراء‘‘ میں طویل اعتکاف فرماتے تھے۔ اسی ’’اعتکاف‘‘ اور ’’خلوت‘‘ کے دوران ایک رات… جو کہ رمضان المبارک کے آخری عشرے کی کوئی رات تھی اور لیلۃ القدر تھی… قرآن مجید کی پہلی وحی نازل ہوئی… آپ سب کو بندہ غریب کی طرف سے اعتکاف کی دعوت ہے… جن کو استطاعت ہے وہ ابھی سے تیاری باندھ لیں… جن کو استطاعت نہیں وہ دعاء مانگنا شروع کردیں… (خوشخبری) یہ اچھی خبر سننے کو آرہی ہے کہ… عنقریب جماعت کے ذمہ دار ساتھی رہا ہونے والے ہیں… یااللہ! اس خبر کو سچی خوشخبری بنا دیجئے… (سارا سال) گرمی کے روزوں کا ایسا اجر، ایسا ثواب اور ایسا مقام ہے کہ… دل چاہتا ہے کہ ہمیشہ گرمی ہو اور اس گرمی میں روزہ ہو… بس افطار تک کا صبر اور پھر آخرت کے مزے ہی مزے
والسلام
خادم
لا الٰہ الا اللہ محمد رسول اللہ
(اعتکاف کے فضائل/ گرمی کا روزہ)
22/06/2016
مکتوب خادم
السلام علیکم و رحمۃ اللہ و برکاتہ!
اللہ تعالیٰ کی بے شماررحمتیں مجاہدین اورشہداء بدرپر (نکتہ) عام طورپرکسی ’’معرکے‘‘ کے شہداء کیلئے پہلے دعاء کی جاتی ہے اورغازیوں کیلئے بعد میں… مگر’’غزوۂ بدر‘‘ کے غازی بڑے اونچے مقام والے ہیں… سیدالانبیاء… سیدالملائکہ… سیدالخلفاء…  اسی لئے غزوۂ  بدر’’یَوْمُ الْفُرْقَان‘‘ ہے… اورمشرکین کیلئے ’’یَوْمٌ عَقِیْم‘‘ ہے… اہل ایمان کیلئے برکات سے بھرپور… اورکفارکے لئے نحوست سے بھرپور … اے مسلمانو! اگریہ دن بھی ہمارے لئے مثال اورنمونہ نہیں توپھرکون سا دن ہمارے لئے نمونہ ہوگا؟… (معافی کے قابل) صرف ’’معافی‘‘ کااعلان کرنے سے اسلام نہیں پھیلتا… اگرپھیلتاہے توآپ آج دنیاکے ہرکافرملک میں جاکرچوک پرکھڑے ہوکران کے لئے معافی کااعلان کرکے دیکھیں… یقینا بے شمارجوتے ملیں گے… یہ غزوۂ بدراورپھرمسلسل جہادکی برکات تھیں کہ مسلمان فاتح بن کرمکہ مکرمہ میں داخل ہوئے، پھرمعافی کااعلان فرمایا تواس کے بہترین نتائج نکلے… (مبارک ہو) بدرکے دن کو ’’یَوْمُ الْفُرْقَان‘‘ فرمایا… فیصلے کا دن، حق اورباطل کوممتازکرنے والادن… پس اس میں یہ نکتہ بھی ہے کہ جو ’’بدر‘‘ والی ترتیب پرکھڑے ہیں وہ اہل حق ہیں… اورجو ’’بدر‘‘ کی ترتیب سے ہٹ رہے ہیں وہ خطرے میں ہیں… اوربدرکی ترتیب ہے… جہادیعنی قتال فی سبیل اللہ (سخت مقابلہ) کل سترہ رمضان ’’یوم بدر‘‘ رمضان مہم کامقابلۂہوگا… نام ہے ’’بدری مقابلہ‘‘ اس مقابلہ کامکمل ایصال ثواب مجاہدین بدرکے لئے… بدرمسکرارہاہے… کون حقیقی سخت محنت کرتاہے؟
والسلام
خادم
لا الٰہ الا اللہ محمد رسول اللہ
(’’بدر‘‘ نمونہ ہے/ بدر والی ترتیب حق ہے/ بدری مقابلہ)
23/06/2016
مکتوب خادم
السلام علیکم و رحمۃ اللہ و برکاتہ!
اللہ اکبر کبیرا… غزوۂ بدر، سبحان اللہ! کتنا میٹھا نام ’’غزوۂ  بدر!‘‘… حوصلے بڑھانے والا ’’غزوۂ  بدر‘‘… ایمان کو ثریا سے بلند لے جانے والا ’’غزوۂ  بدر‘‘… اندھیرے سمندر میں منزل کا راستہ دکھانے والا روشن مینار ’’غزوۂ  بدر‘‘… مایوسیوں کے ریگستان میں امید کا میٹھا چشمہ ’’غزوۂ  بدر‘‘… کمزوروں کے بدن میں طاقت کی بجلی دوڑانے والا ’’غزوۂ  بدر‘‘… ذلت اور غلامی سے نکلنے کی راہ بتانے والا ’’غزوۂ  بدر‘‘… تیرہ سال کی مکی دعوت کا اسلوب سمجھانے والا ’’غزوۂ  بدر‘‘… کفار کی معاشی اور عسکری طاقت کا جواب بتانے والا ’’غزوۂ  بدر‘‘… دنیا سے جہالت کے خاتمے کا نصاب ’’غزوۂ  بدر‘‘… دنیا کو ابو جہلوں سے پاک کرنے کا طریقہ ’’غزوۂ  بدر‘‘… آسمان اور زمین کو جوڑنے کا راستہ ’’غزوۂ  بدر‘‘… ملأ اعلیٰ کو زمین پر اتار لانے کا ڈھنگ ’’غزوۂ  بدر‘‘… اہل ایمان کی معاشی آسودگی کا راز ’’غزوۂ بدر‘‘… مظلوموں کے لئے ظلم سے نجات کا پیغام ’’غزوۂ  بدر‘‘… قیامت تک کے مسلمانوں کے لئے عزت و روشنی کی مثال ’’غزوۂ  بدر‘‘… ہر دور کے مسلمانوں کے لئے بہترین نمونہ ’’غزوۂ  بدر‘‘… سلام اےغزوۂ بدر!… سلام اے غازیان بدر!… سلام اے شہدائے بدر!… سلام اے سر زمین بدر!… وہ جو جہاد نہ کرنے کی قسم کھا چکے… وہ مسلمانوں سے غزوۂ  بدر نہ چھینیں… اللہ کے لئے، اللہ کے لئے… مغرب سے جمعہ شریف اور مقابلۂ حسن مرحبا!…
والسلام
خادم
لا الٰہ الا اللہ محمد رسول اللہ
(غزوۂ بدر/ مقابلۂ حسن)
24/06/2016
مکتوب خادم
السلام علیکم و رحمۃ اللہ و برکاتہ!
اللہ تعالیٰ کا شکرہے ’’ایمان‘‘ پر… اللہ تعالیٰ کا شکر ہے ’’اسلام‘‘ پر… اللہ تعالیٰ کا شکر ہے ’’حضرت محمد صلی اللہ علیہ وسلم‘‘ پر… اللہ تعالیٰ کا شکر ہے ’’قرآن‘‘ پر… سبحان اللہ اور کیا چاہئے؟… رَضِیْتُ بِاللّٰہِ رَبآً وَّبِالْاِسْلَامِ دِیْناً وَّ بِمُحَمَّدٍ صَلَّی اللّٰہُ عَلَیْہِ وَسَلَّمَ نَبِیّاً وَّبِالْقُرْآنِ حَکَماً وَّ اِمَاماً… اللہ تعالیٰ، حضرت محمدﷺ، اسلام اور قرآن… الحمدللہ، الحمدللہ، الحمدللہ، الحمدللہ… بس یہی چار اصل نعمتیں ہیں… یہ جن کو مل گئیں وہی کامیاب… اور جو ان میں سے ایک سے بھی محروم… وہ ناکام، نامراد… یااللہ! ایسی عظیم الشان نعمتوں کا کیسے شکر ادا کریں… اَنْتَ کَمَا اَثْنَیْتَ عَلیٰ نَفْسِکَ… کل کا بدری مقابلہ… صوبہ سیدنا علی رضی اللہ عنہ نے جیت لیا… بہت مبارک، ڈھیروں دعائیں… ترقی پذیر دنیا میں یہ مقابلہ صوبہ سیدنا زبیر رضی اللہ عنہ نے جیت لیا… بہت مبارک اور دعائیں… علی اور زبیر رضی اللہ عنہما کی جوڑی یاد آگئی… عسکری مہمات کے پہاڑ سر کرنے والی جوڑی… ان دونوں حضرات نے بچپن کی عمر سے جہاد میں قدم مبارک رکھا… اللہ تعالیٰ ہمارے بچوں کو بھی مخلص مجاہد بنائے… حضرت علی رضی اللہ عنہ مکہ مکرمہ میں خونی محاصرے کے درمیان حضرت آقا مدنی صلی اللہ علیہ وسلم کے حارث بنے… اور حضرت زبیر رضی اللہ عنہ وہ ہیں جنہوں نے اسلام کے لئے سب سے پہلے تلوار اٹھائی… بدری مقابلے میں صوبہ سیدنا ابوبکرؓاور صوبہ سیدنا ابوعبیدہؓ بھی اچھا رہا مگر… پنجاب والے ’’پنڈتوں‘‘ کی نحوست سے کب نکلیں گے؟
والسلام
خادم
لا الٰہ الا اللہ محمد رسول اللہ
(اصل نعمتیں اور ان پر شکر/ بدری مقابلہ)
25/06/2016
مکتوب خادم
السلام علیکم و رحمۃ اللہ و برکاتہ!
اللہ تعالیٰ ’’لیلۃ القدر‘‘ کی مقبول عبادت ہم سب کو نصیب فرمائے… ’’لیلۃ القدر‘‘… سبحان اللہ کیا چیز ہے ’’لیلۃ القدر‘‘… یاقوت بھی ایک پتھر ہے مگر لاکھوں پتھروں سے مہنگا… ’’مشک‘‘ بھی خون کا قطرہ ہے… مگر خون ہوکر بھی سونے سے زیادہ قیمتی… ’’لیلۃ القدر‘‘ بھی ایک رات ہے… مگر دوسری راتوں کے مقابلے میں یاقوت اور مشک جیسی… ایک رات جو تیس ہزار راتوں سے زیادہ بھاری، زیادہ قیمتی اور زیادہ وزنی ہے… یہ رات چپکے سے ہر سال آتی ہے…اور اہل اخلاص کے اخروی خزانوں میں بڑا بھاری اضافہ کرجاتی ہے… لیلۃ القدر ایک چھپی ہوئی، مخفی اور خفیہ نعمت ہے… دلائل یا مکاشفات کے زور پر اس کے لئے کوئی رات خاص کرلینا اور اس کا اعلان کرنا درست نہیں… راز جب تک راز رہے وہ قیمتی رہتا ہے، حسین و دلکش رہتا ہے… کئی لوگوں نے ستائیس رمضان کی رات پکی باندھ لی ہے… دلائل بھی کافی تگڑے جوڑ لئے ہیں… مگر حق اور سچ یہ ہے کہ ایسا بالکل نہیں۔ ستائیس کو بھی ’’لیلۃ القدر‘‘ ہوسکتی ہے اور کسی اور تاریخ میں بھی… عشق والوں کا کام ہے کہ ڈھونڈتے رہیں… طلب والوں کا کام ہے کہ پیچھے پڑے رہیں… لوگ کتنی فضول چیزوں کی تلاش اور جستجو میں سالہاسال لگے رہتے ہیں… لیلۃ القدر تو کائنات کی حسین ترین رات ہے… خیر سے بھرپور، سلامتی سے لبریز، محبت سے معمور، برکت سے مخمور… اور حسن کے پردوں میں مستور… ڈھونڈو، ڈھونڈو، ڈھونڈو، پالو، سینے سے لگا لو
والسلام
خادم
لا الٰہ الا اللہ محمد رسول اللہ
(لیلۃ القدر)
26/06/2016
مکتوب خادم
السلام علیکم و رحمۃ اللہ و برکاتہ!
اللہ تعالیٰ ’’قرآن مجید‘‘ میں حضرت سیدنا… یوسف علیہ السلام کی جیل سے ’’رہائی‘‘ کا منظر دکھاتے ہیں… سبحان اللہ! کیسی باعزت، کیسی شاندار اور کیسی عمدہ ’’رہائی‘‘ تھی… سورۃ یوسف کی کئی آیات تک یہ دلکش منظر چلتا ہے… یااللہ! ہم اپنی بہن ’’عافیہ صدیقی‘‘ کی رہائی کب دیکھیں گے؟… تیرہ سال کا طویل عرصہ اس ’’اللہ والی بندی‘‘ نے قید میں کاٹ لیا… آہ! تیرہ سال… تین ملکوں کی قید… زہریلے عقوبت خانے، سنگدل جلاد اور رِستے زخم… اللہ، اللہ، اللہ… کس طرح ایمان، صبر اور حیاء کے ساتھ امت مسلمہ کی بیٹی یہ سب کچھ جھیلتی رہی… یااللہ! وہ تو آپ کی رحمت میں ہے… آپ ہم پر رحم فرما کر اسے باعزت رہائی عطاء فرما دیں… بھائیوں کے لئے بہن کی قید دیکھنا موت سے زیادہ کڑوا ہے… آج مغرب سے رمضان المبارک کا آخری عشرہ تشریف لارہا ہے… اہل اعتکاف ’’سامان شوق‘‘ باندھ رہے ہیں… ’’مساجد اللہ‘‘ مسکرا کر بانہیں پھیلا رہی ہیں… اہل عبادت ’’صلوٰۃ التسبیح‘‘ اور دیگر عبادات کے لئے کمر کس رہے ہیں… اہل معرفت کے نزدیک اس بارعشرے کی پہلی رات بہت خاص ہے… بھائیو! اور بہنو! آج رات اپنی بہن ’’عافیہ‘‘ کی رہائی اللہ تعالیٰ سے مانگ لو، منوالو
والسلام
خادم
لا الٰہ الا اللہ محمد رسول اللہ
(بہن عافیہ)
27/06/2016
مکتوب خادم
السلام علیکم و رحمۃ اللہ و برکاتہ!
اللہ تعالیٰ کا عظیم احسان… الحمدللہ اعتکاف میں ایک ہزار سے کافی زائد افراد تشریف لے آئے ہیں… جامع مسجد عثمانؓ و علیؓ خوشی سے جھوم رہی ہے… اعتکاف میں تشریف لانے والوں کو خوش آمدید، مرحبا… اللہ تعالیٰ ہمیں اور آپ سب کو اپنی پیاری مغفرت کا انعام عطاء فرمائے… آج سے آپ کے لئے دعاء بھی میرے معمولات کا حصہ بن گئی… امید اور گزارش ہے کہ آپ بھی میرے لئے دعاء فرمائیں گے… اہل اعتکاف کی سحری و افطاری کے لئے ایک خطیر رقم بعض مخلص احباب نے بھیجی ہے… ماشاء اللہ کئی سال سے یہ قابل رشک نیکی ان کے نامہ اعمال میں جاتی ہے… ان کا تہہ دل سے شکریہ اور ان کے لئے دل سے دعائیں
والسلام
خادم
لاالہ الااللہ محمدرسول اللہ
(مرکز عثمانؓ و علیؓ کا اعتکاف)
28/06/2016
مکتوب خادم
السلام علیکم و رحمۃ اللہ و برکاتہ!
اللہ تعالیٰ کا شکر ہے، جس نے’’قید‘‘سے رہائی عطاء فرمائی… آج22رمضان ہے… وہ بھی 22 رمضان تھا، مگر جمعہ کا دن… رمضان اور جمعہ کا عجیب جوڑ ہے … غزوۂ بدر سے فتح مکہ تک… اور پھر قیامت تک… رمضان میں جمعہ کے دن فتح ملے یا شہادت… دونوں ایک دوسرے سے بڑھ کر ہیں… اس دن قندھار ائرپورٹ پر… انڈیا کی وہ ذلت لکھی گئی جسے وہ کبھی نہیں بھولے گا… ذلت، رسوائی اور شکست کی کالک منہ پر ملے جو بھارتی قندھار سے دہلی جارہے تھے… ان کی قیادت جسونت سنگھ اور اجیت دوول کررہے تھے… ’’اجیت دوول‘‘ آج کل ’’مودی‘‘ کا سلامتی مشیر ہے… سترہ سال ہوچکے… انڈیا اپنی اس شکست کو دھونے کیلئے اربوں ڈالر خرچ کرچکا… اب اسے کامیابی کی کچھ امید بندھی ہے تو… ایران، افغانستان اور پاکستان میں… اس نے اپنے ایجنٹوں کے لئے اپنے خزانے کا منہ کھول دیا ہے… کئی سیاستدان، کئی صحافی مرد، عورتیں… اور کئی دانشور تیزی سے سرگرم ہوچکے ہیں… مگر اللہ ایک ہے… وہ غالب ہے، وہ قادر ہے… وہ دیکھو! پھر بائیس رمضان المبارک مسکرایا ہے… بڑی آن سے، بڑی شان سے… کوئی نہ بھولے… ہم رہیں یا نہ رہیں… غزوۂ  ہند رہے گا… اور آگے بڑھے گا… اور بڑھتا ہی چلا جائے گا، ان شاء اللہ… سلام بابری مسجد!، سلام افضل گورو!…
والسلام
خادم
لا الٰہ الا اللہ محمد رسول اللہ
(۲۲ رمضان المبارک اور انڈیا کی ذلت ناک شکست)
29/06/2016
مکتوب خادم
السلام علیکم و رحمۃ اللہ و برکاتہ!
اللہ تعالیٰ ہمیں جہنم سے بچائے… حضرت ام المؤمنین سیدہ عائشہ رضی اللہ عنہا کا ہم پر ایک بڑا احسان کہ… ان کی برکت سے یہ انمول اور قیمتی دعاء ہم تک پہنچی… اَللّٰہُمَّ اِنَّکَ عَفُوٌّ تُحِبُّ الْعَفْوَ فَاعْفُ عَنَّا… یااللہ! آپ بہت معاف فرمانے والے، معافی کو پسند فرمانے والے تو پھر ہمیں معاف فرما دیجئے ناں!… سبحان اللہ! عجیب دعاء ہے… تین بڑے روحانی امراض کا علاج ہے اور بہترین استغفار ہے… آج کل کی راتیں اگر اس دعاء سے معطر ہوں تو مزہ آجائے… سجدے میں بھی یہی دعاء، رکوع میں بھی یہی دعاء… اٹھتے، بیٹھتے بھی یہی دعاء… رمضان المبارک مہم میں صرف ’’پنجاب‘‘ کمزور جارہا ہے… وہاں حکومتی جبر بہت زیادہ ہے… حالانکہ پنجاب کا وزیر اعلیٰ ایک کشمیری ہے… اچھا اس بات کو چھوڑیں… ایک اور بات سنیں!… کشمیر کے ہندو… کشمیری پنڈت کہلاتے ہیں… یہ دنیا کی بدترین، جھوٹی ترین اور مکار ترین قوم ہے… اسکی تین خصوصیات ہیں… زیادہ کھانا، بہت جھوٹ بولنا اور خود کو مسلمانوں کا دوست یا مسلمان ظاہر کرکے مسلمانوں کو نقصان پہنچانا… آج کل محبوبہ مفتی کی حکومت ان کشمیری پنڈتوں کو واپس کشمیر لا رہی ہے… اچھا یہ بھی چھوڑیں… رمضان المبارک مہم کا اہم ترین مقابلۂ27 رمضان بروز اتوار ہے… ’’بابری مسجد مقابلہ‘‘… محنت شروع… اللہ اکبر
والسلام
خادم
لا الٰہ الا اللہ محمد رسول اللہ
(ایک مبارک دعاء/رمضان مہم)
30/06/2016
مکتوب خادم
السلام علیکم و رحمۃ اللہ و برکاتہ!
اللہ تعالیٰ کا شکر ہے… ’’لاالہ الااللہ محمدرسول اللہ‘‘ پر… (انمول نکتہ) حضرت محمد صلی اللہ علیہ وسلم کی تشریف آوری کے بعد آسمانوں کا نظام تبدیل فرما دیا گیا… شیاطین کیلئے چوکیاں قائم ہوئیں… اور آسمانوں کے دروازوں پر نیا کوڈ لگ گیا… اب آسمانوں پر وہی عمل جاسکتا ہے جس کے ساتھ ’’لاالہ الااللہ ‘‘ بھی ہو اور ’’محمد رسول اللہ‘‘ بھی ہو… اور آسمانوں پر وہی انسانی روح جاسکتی ہے جو لاالہ الااللہ کے ساتھ ’’محمدرسول اللہ‘‘ پر بھی ایمان رکھتی ہو… (سخت محرومی)  پس جو ’’محمد رسول اللہ‘‘ پر ایمان نہیں رکھتے نہ ان کا کوئی عمل اوپر قبولیت کے لئے جاسکتا ہے اور نہ ان کی روح اوپر جاسکتی ہے… وہ اور ان کے اعمال نیچے قید خانے’’سجین‘‘ میںجاتے ہیں… خواہ وہ بلین ڈالرز خیرات کردیں ( آگے پیچھے انجن) اسی لئے ہر دعاء کے شروع اور آخر میں درود شریف پڑھا جاتا ہے… یہ درود شریف آسمانوں کے دروازے کھلواتا ہے(ایک دلیل) معراج کی رات جب جبرئیل امینؑ نے آسمانوں کے دروازوں پر داخلے کی اجازت مانگی تو پوچھا گیا… ساتھ کون ہیں؟ فرمایا: محمد صلی اللہ علیہ وسلم، تو دروازے کھلتے گئے… جبرئیل امینؑ کو تو ہر وقت اجازت ہے مگر انسانوں کے لئے… اب یہ اجازت ’’محمدصلی اللہ علیہ وسلم‘‘ کے ساتھ مشروط ہے(مقابلۂ حسن) درودوسلام میں قبولیت کاراز ہے۔ اسے سعادت سمجھیں،کبھی نہ چھوڑیں۔ آج مغرب سے جمعہ شریف اور مقابلۂ حسن مرحبا… (شاندار) اتوار کو مہم کا’’بابری مسجد مقابلہ‘‘ہے… دل اور جان سے محنت کریں
والسلام
خادم
لا الٰہ الا اللہ محمد رسول اللہ
(کلمہ طیبہ اور درود شریف کی اہمیت)
01/07/2016
مکتوب خادم
السلام علیکم و رحمۃ اللہ و برکاتہ!
اللہ اکبر کبیرا… (خوشی) دو دن پہلے دیکھا… بعض لوگ افطار کے وقت شربت لئے اپنے گھروں کے باہر کھڑے تھے تاکہ… راہ گزرتے روزہ داروں کو افطار کرا سکیں… یہ منظر دل کو خوشی دے گیا… بڑی باصفات امت ہے حضرت آقا مدنی صلی اللہ علیہ وسلم کی… یااللہ! اس امت کو اس کی عزت، شوکت اور اس کے اخلاق واپس عطاء فرما (صلٰوۃ التسبیح) یہ نماز امت کوحضرت چچا جی محترم سیدناعباس رضی اللہ عنہ کی برکت سے ملی… میں جب بھی حضرت سیدناعباس رضی اللہ عنہ کا نام لیتا ہوں یاان کو یاد کرتا ہوں تو دل میں ایک عجیب سی مٹھاس آجاتی ہے… ’’صلٰوۃ التسبیح‘‘ جن روایات میں آئی ہے ان کی سند کمزور ہے… مگر حضرت عبداللہ بن مبارک رحمہ اللہ کی توثیق بڑی اہم ہے… آخری عشرے کے لئے یہ نماز بڑی نعمت ہے… پنجاب کے رفقاء اگر اس کے ذریعہ دعاء مانگیں تو ان شاء اللہ مہم میں سب سے آگے نکل جائیں گے… (بابری مسجد شہید مقابلہ)  بابری مسجد کا معاملہ کوئی معمولی مسئلہ نہیں… لوگ کم عقلی یا جذبات میں کہہ جاتے ہیں کہ تمہیں بابری مسجد تو یاد ہے فلاں مسجد کے لئے تم نے کیا کیا؟… ہر مسجد سر آنکھوں پر… اور ہم نے الحمدللہ ہر مسجد کے مسئلہ پر آواز اٹھائی، قربانی پیش کی۔ مگر بابری مسجد برصغیر کے ساٹھ کروڑ مسلمانوں کے مستقبل کا امتحان ہے… بابری مسجد کو نہیں بھلایا جاسکتا… بابری مسجد ضرور بنے گی، ان شاء اللہ… ستائیس رمضان ’’بابری مسجد شہید مقابلہ‘‘ یاد رہے، یادگار رہے
والسلام
خادم
لا الٰہ الا اللہ محمد رسول اللہ
(ایک خوشنما منظر/ صلٰوۃ التسبیح/ بابری مسجد شہید مقابلہ)

02/07/2016
 مکتوب خادم
السلام علیکم و رحمۃ اللہ و برکاتہ!
اللہ تعالیٰ شہدائےبابری مسجد کے درجات بلند فرمائے (یادوں کا طوفان) آج اچانک یادوں کا طوفان آیا… لکھنؤ سے فیض آباد کا سفر… فیض آباد سے ایودھیا… پھر بابری مسجد شہید کے قدموں میں حاضری… پولیس کا گھیراؤ… اللہ تعالیٰ کی نصرت… میں خود گاڑی چلا کر نکل گیا… دل کا زخم مزید گہرا ہوا… سب مناظر ابھی تک آنکھوں میں ہیں… (شہید ماں کے شہید بیٹے) پھر ’’جیش‘‘ بن گئی تو شہید بابری مسجد نے ماں کی طرح بیٹوں کو پکارا… حذیفہ سائیں تڑپ اٹھے… ساتھ استاذ ابو طلحہ اور پہلوان پاملا… شہید ماں اکیلی لیٹی تھی… اب اس کے شہید بیٹے اس کی گود میں جمع ہونا شروع ہوئے اور انڈین سامراج لرز کر رہ گیا (زہریلا خطرہ) برصغیر کے مسلمانوں کے لئے’’آر ایس ایس‘‘ سب سے بڑا خطرہ ہے… ہندو نظریاتی تنظیم جو انگریزوں کے تعاون سے قائم ہوئی… باقی جو نام آپ سنتے ہیں ’’شیوسینا‘‘ ہو یا ’’بجرنگ دل‘‘ یہ اس ’’آر ایس ایس‘‘ کی اولاد ہیں… آر ایس ایس کے نقشے میں اسلام اور مسلمانوں کے لئے کوئی جگہ نہیں… مودی اسی تنظیم کا رکن ہے… بابری مسجد کی شہادت ایک بڑے منصوبے کا آغاز تھی… مگر شہداء کی برکت سے وہ منصوبہ ابھی تک رکا ہوا ہے… برصغیر میں’’جیش محمد‘‘ ہی ’’آر ایس ایس‘‘ کا توڑ ہے… دشمن یہ سمجھ چکے، کاش! دوست بھی سمجھ جائیں… کل کے مقابلے میں… بابری مسجد کے پتھروں کو امنگوں سے بھر دیں… بابری مسجد شہید مقابلہ شروع
والسلام
خادم
لا الٰہ الا اللہ محمد رسول اللہ
(بابری مسجد شہید/ آر ایس ایس کا توڑ، جیش محمدﷺ)
03/07/2016
مکتوب خادم
السلام علیکم و رحمۃ اللہ و برکاتہ!
اَللّٰہُمَّ صَلِّ وَسَلِّمْ وَ بَارِکْ عَلٰی سَیِّدِنَا مُحَمَّدٍ (جھگڑے ختم) خاندانی جھگڑے بڑی خطرناک چیز ہے… یعنی اپنے عزیز و اقارب اور رشتہ داروں کے ساتھ جھگڑے… یہ جھگڑے انسان کی عزت پامال کرتے ہیں… اس کے رزق کو تنگ کرواتے ہیں… ان جھگڑوں میں فتح پانا حقیقت میں شکست ہے… جی ہاں! ظاہر میں جو جیت جاتا ہے حقیقت میں وہ ہارتا ہے… خاندانی جھگڑوں میں کامیاب وہ ہے جو معاف کرے، ہار جائے اور صبر سے کام لے… قرآن مجید کی ’’سورۃ الکوثر‘‘ میں بڑی تاثیر ہے… یہ سورۃ جھگڑوں کو مٹاتی ہے اور ان میں کامیابی دلاتی ہے… والدین، میاں بیوی، بھائی، بہن اور دیگر رشتہ داروں کے ساتھ جھگڑا ہو تو… یہ سورۃ روز چالیس بار یا سات بار پڑھ کر دعاء کریں… ان شاء اللہ دل جڑ جائیں گے، جھگڑے جھاگ بن کر اڑ جائیں گے… اسی طرح عدالتی مقدمات میں کامیابی کے لئے بھی… بشرطیکہ آپ حق پر ہوں… یہ سورۃ مجرب ہے… (کئی گنا برکت) جب بھی کسی سے اپنے پیسے لیں تو لیتے وقت پڑھیں ’’بسم اللہ الرحمن الرحیم‘‘… یا ’’بسم اللہ‘‘… تو ان پیسوں میں کئی گنا برکت آجاتی ہے… یعنی اگر ہزار روپے لیتے ہوئے ’’بسم اللہ‘‘ پڑھ لی تو ان ہزار روپوں سے اتنے کام ہوجائیں گے جو پانچ، دس ہزار میں ہوتے ہیں، ان شاء اللہ… آج آپ سب ’’بابری مسجد مقابلے‘‘ میں پسینہ بہا رہے ہیں تو اس خوشی میں یہ دو قیمتی تحفے… بطور ہدیہ پیش کردیئے… اللہ تعالیٰ نافع بنائے
والسلام
خادم
لا الٰہ الا اللہ محمد رسول اللہ
(جھگڑے ختم کرنے اور مال میں برکت کے مجرب وظائف)
04/07/2016
مکتوب خادم
السلام علیکم و رحمۃ اللہ و برکاتہ!
اللہ تعالیٰ سے’’مغفرت‘‘ کا سوال ہے (تبریک) مبارکباد اور دعائیں صوبہ سیدنا علی رضی اللہ عنہ اور صوبہ سیدنا زبیر رضی اللہ عنہ کے لئے… یہ جوڑی بابری مسجد مقابلہ بھی جیت گئی… مبارکباد اور دعائیں مہم میں شریک تمام افراد کے لئے… آپ سب بڑا مقابلہ جیت گئے… (قیمتی نکتہ) اللہ تعالیٰ کے اولیاء … یعنی اللہ والوں کی زندگی کا آخری حصہ بڑا خاص ہوتا ہے… اس حصے میں جو ان سے فیض اٹھا لے یا ان کی خدمت کرلے تو وہ تھوڑے وقت میں بہت کچھ پا لیتا ہے… آپ بتائیں ’’رمضان المبارک‘‘ سے بڑھ کر ’’اللہ والا‘‘ کون ہوگا… اب ’’رمضان المبارک‘‘ جارہا ہے۔ یہ آخری دن ہیں… اے عقلمندو! ان دنوں میں بھرپور محنت کرکے پچھلی کسر بھی پوری کر دو… اخلاص بھری محنت، اخلاص بھری عبادت… (پکا عزم) جو چاہتا ہے کہ اس کے لئے توبہ آسان ہو… موت آسان ہو، قبر آسان ہو وہ ’’رزق حلال‘‘ کا سخت اہتمام کرے… حرام مال جب پیٹ میں جاتا ہے تو وہ دل کے نظریات اور دماغ کی سوچیں تک بدل دیتا ہے… حرام مال، جسم میں حرام خون اور ناپاک گوشت بناتا ہے… حرام مال انسان کو توبہ کے راستے سے ہٹا دیتا ہے اور آہستہ آہستہ اس میں سے ندامت اور توبہ کا جذبہ ختم کردیتا ہے… حرام میں سب سے خطرناک ’’سود‘‘  ہے… سود لینا، دینا، لکھنا… اور پھر اجتماعی مال میں خیانت… جہادی اموال میں خیانت کرنے والا مسلمانوں کے خلاف کافروں کا مددگار ہوتا ہے… رمضان کے آخر میں ’’حلال‘‘ کا پکا عزم کریں
والسلام
خادم
لا الٰہ الا اللہ محمد رسول اللہ
(ایک قیمتی نکتہ/ حلال کا التزام اور حرام سے اجتناب)
05/07/2016
مکتوب خادم
السلام علیکم و رحمۃ اللہ و برکاتہ!
اللہ تعالیٰ ’’حرمین شریفین‘‘ کی حفاظت فرمائے (المناک) مدینہ منورہ، حرم نبوی، حضرت محبوب آقا مدنی صلی اللہ علیہ وسلم کی محبوب سرزمین… امن، حرمت اور عظمت کا گھر… وہاں خودکش دھماکہ… ناقابل قبول، قابل نفرت، المناک، دردناک… یااللہ رحم… امت مسلمہ کی کروڑوں جانیں حرمین شریفین کی حفاظت کے لئے حاضر ہیں… (مثالی ہمت) بڑے صوبوں میں سے صرف صوبہ سیدنا ابوبکر صدیق رضی اللہ عنہ نے اپنا ’’ہدف‘‘ عبور کیا ہے… باقی چار پیچھے ہیں… ایسے موقعوں پر ہی مثالی ہمت دکھائی جاتی ہے، دیکھیں کون دکھاتا ہے؟ (روشنی کی بارش) الحمدللہ اس رمضان المبارک میں تین مساجد کی تعمیر کا انتظام ہوگیا… کوٹری حیدر آباد… کوٹلی آزاد کشمیر اور چشتیاں… ان پلاٹوں اور ان کے لئے مساجد کے انتظام کی کہانی ’’ایمان افروز‘‘ ہے۔ دن بھی کم ہیں اور مکتوب میں جگہ بھی نہیں… بس دعاء کردیں جنہوں نے اجر کا یہ خزانہ پایا… اور جو ذریعہ بنے… سب کو اللہ تعالیٰ اپنی رحمت اور مغفرت سے مالامال فرما دے… انسان حالات کا رونا رو کر محروم بیٹھا رہے تو نہ زندگی بڑھتی ہے، نہ حالات ٹھیک ہوتے ہیں… مگر جو ہمت کرکے قدم بڑھائے تو جنت کے محلات بنا ڈالے… (علامت) رمضان میں مغفرت ہوئی ہے یا نہیں… اس کا اندازہ عید کے دن ہوتا ہے… اگر عید کے دن… دل ایمان اور شکر سے لبریز ہو تو یہ مغفرت کی علامت ہے… اور اگر دل ایمان سے آزادی لے کر گناہوں کی طرف دوڑ رہا ہو تو… شیطان بھی آزاد، دل بھی آزاد
والسلام
خادم
لا الٰہ الا اللہ محمد رسول اللہ
(مدینہ منورہ دھماکے کی مذمت/ حالات کا رونا رونے سے کچھ نہیں ہوتا، ہمت سے سب کچھ ہوتا ہے)
05/07/2016… (2)
 مکتوب خادم
السلام علیکم و رحمۃ اللہ و برکاتہ!
اَللّٰہُ اَکْبَرُ، اَللّٰہُ اَکْبَرُ لَااِلٰہَ اِلَّااللّٰہُ وَاللّٰہُ اَکْبَرُ اَللّٰہُ اَکْبَرُ وَلِلّٰہِ الْحَمْد… (مبارکباد) الحمدللہ شوال کا چاند نظر آگیا ہے۔ کل بروز بدھ’’عید الفطر‘‘ہے… چاند رات کے معمولات کی یاد دہانی ہے… اور آپ سب کو دل کی گہرائی سے ’’عید مبارک‘‘ تَقَبَّلَ اللّٰہُ مِنَّا وَمِنْکُمْ… دل کی خوشی سے ’’صدقۃ الفطر‘‘ ادا کریں… رمضان المبارک پر اللہ تعالیٰ کا شکر ادا کریں… اور عید کا دن بھرپور خوشیوں سے گزاریں… بھرپور خوشیاں یعنی ہر نماز باجماعت… عید کی تکبیرات اور نماز… قرآن مجید کی تلاوت… صلہ رحمی اور اللہ تعالیٰ کا بہت شکر… نہ غفلت، نہ گناہ، نہ ناشکری اور نہ غم… اہل اعتکاف کو مبارکباد… آپ سب کو اگلے سال کی پیشگی دعوت ہے… اگلے سال اعتکاف ان شاء اللہ ’’جامع مسجد سبحان اللہ‘‘ میں ہوگا… ہر معتکف نیت کرے کہ وہ اگلے سال ان شاء اللہ اپنے ساتھ مزید پانچ افراد لائے گا… رمضان مہم ’’عید الفطر‘‘ کے دن مغرب کی اذان کے وقت مکمل ہوجائے گی… اہل محنت کو مبارکباد… یہ اس مہم کا آخری مکتوب ہے… بہت سی اہم باتیں دل میں تھیں جو نہ آسکیں… جو ہوگیا اس پر اللہ تعالیٰ کا شکر… ضروری گزارش ہے کہ… بندہ کو عید مبارک یا دعاؤں کے پیغامات عید کے موقع پر نہ بھیجیں… صرف دعاء فرما دیں آپ کی مبارکباد پہنچ جائے گی… ان شاء اللہ
والسلام
خادم
لا الٰہ الا اللہ محمد رسول اللہ
(عید مبارک)
07/07/2016
مکتوب خادم
السلام علیکم و رحمۃ اللہ و برکاتہ!
اللہ تعالیٰ ’’غفلت‘‘ سے بچائے مغرب سے جمعہ شریف مرحبا… مقابلۂ حسن  شاندار
والسلام
خادم
لا الٰہ الا اللہ محمد رسول اللہ
(مقابلۂ حسن)

13/07/2016
مکتوب خادم
السلام علیکم و رحمۃ اللہ و برکاتہ!
 اللہ تعالیٰ  ’’کشمیر‘‘ اور ہندوستان کے مسلمانوں کو ’’برہمن واد‘‘ سے آزادی عطاء فرمائے… بدکردار، بدگفتار، بدشکل اور بدفطرت ’’مودی‘‘ مسلسل مسلمانوں کا ’’لہو‘‘ نچوڑ رہا ہے… عید کے دن سے جاری تشدد میں چالیس کشمیری مسلمان شہید ہوچکے ہیں… مودی! گنتی یاد رکھنا، ہم نے گنتی گن لی ہے… (اہل کراچی سے درد مندانہ گزارش) دورہ تربیہ بڑی نعمت ہے… آپ کے ہاں چھٹیاں چل رہی ہیں… اپنے یہ دن اپنی آخرت کا سرمایہ بنا لیں… یہ دن اپنے مالک، رازق اور خالق کو دے دیں… سات دن روشنی کے جزیرے پر… پرسوں 10شوال بمطابق 15جولائی بروز جمعہ… کراچی میں سات روزہ دورہ تربیہ شروع ہورہا ہے، ان شاء اللہ… جماعت کے مرکزی ذمہ داران کے بیانات بھی ہوں گے… بڑی تعداد میں شرکت فرمائیں… دیوانے آج ہی دعوت کے لئے نکل پڑیں اور اس بار مثالی تعداد اکٹھی کریں… (دین کے دیوانے) اللہ تعالیٰ  کے دین کے مخلص دیوانے… اپنے اپنے کاموں پر لوٹ آئیں… ماشاء اللہ کئی نے تو چھٹی کی ہی نہیں… جو چھٹی پر گئے ہیں وہ جلد کام پر آجائیں… المرابطون والے جامعۃ الصابر کی آبادی کے لئے محنت شروع کردیں… اور جماعت کے تمام ناظمین… ہفتے کے دن اپنے شعبوں کے اجلاسات بلا لیں
والسلام
خادم
لا الٰہ الا اللہ محمد رسول اللہ
(مودی کو دھمکی/ دورہ تربیہ کراچی)
14/07/2016
مکتوب خادم
السلام علیکم و رحمۃ اللہ و برکاتہ!
اللہ تعالیٰ  ہم سب کو حقیقی ’’فکر آخرت‘‘ عطاء فرمائے (فتح پائیں)  شیطان نے کتنی بار ہمیں شکست دی… ظالم نے کیسے کیسے سنہری مواقع ہم سے چھین لئے… اذان بلاتی رہی ہم نماز کو نہ پہنچے… رمضان بانہیں پھیلاتا رہا ہم مغفرت کی گود میں نہ اترے… جہاد آوازیں دیتا رہا ہم جنت کے میدانوں سے دور بھاگتے رہے… والدین جیسی نعمت میسر رہی ہم ان کی خدمت سے محروم رہے… شیطان نے ہم میں سے کتنوں کی داڑھی نوچ ڈالی، ہم کافروں جیسی شکل بنا کر خوش ہوتے رہے… قرآن مجید ہمارے پاس رہا اور ہم موبائل کے گٹر میں غوطے لگاتے رہے… جو وقت ہم موبائل پر ذبح کرچکے اگر اس میں قرآن کی آیات یادکرتے تو یہ آیات اربوں کھربوں سال… ہمیشہ ہمارے ساتھ رہتیں… بہرحال شیطان نے ہمیں بار بار شکست دی، مگر شکر ہے کہ… ہم ابھی تک زندہ ہیں… ابھی سانس بھی ہے، چانس بھی ہے کہ… ہم شیطان کو عبرتناک شکست سے دو چار کریں… توبہ کا دروازہ کھلا ہے… اور توبہ کی آسانی توبہ کرنے والوں کی مجالس ہیں… اللہ تعالیٰ  نے ہماری جماعت پر احسان فرمایا ہے… ہمیں بہترین عقیدہ، مساجد کا ماحول، قربانی کا راستہ اور توبہ کے باغات عطاء فرمائے ہیں… کل سے کراچی کا دورہ تربیہ شروع ہے… درد دل کے ساتھ اہل کراچی کو دعوت ہے… مغرب سے جمعہ شریف آتے ہیں… مقابلۂ حسن شاندار رہے
والسلام
خادم
لا الٰہ الا اللہ محمد رسول اللہ
(کراچی کا دورہ تربیہ/ مقابلۂ حسن)
16/07/2016
مکتوب خادم
السلام علیکم ورحمۃ اللہ وبرکاتہ!
اللہ تعالیٰ سے مغفرت، رحمت اور نصرت کا سؤال ہے (اہل عزیمت)کشمیری مسلمانوں نے ایک بار پھر ثابت کردیا ہے کہ وہ ماشاء اللہ اہل عزیمت ہیں… اللہ کرے کشمیر کی حالیہ ’’قربانیاں‘‘ کشمیر کی آزادی پر منتج ہوں… اہل پاکستان کا فرض ہے کہ وہ اس وقت ’’تحریک کشمیر‘‘ کو بھرپور تعاون دیں… پاکستانی حکومت اور وزراء نے بہت کوشش کی کہ… اپنی آنکھیں موجودہ حالات سے بند رکھیں… تاکہ ان کا لاڈلا ’’مودی‘‘ ان سے ناراض نہ ہو… مگر عوامی دباؤ کی وجہ سے اب حکومت نے 19جولائی کو یوم یکجہتی اور 20جولائی کو یوم سیاہ کا اعلان کردیا ہے… منگل اور بدھ… جلسے، جلوس، ریلیاں اور مظاہرے… آپ کو معلوم ہے کہ ہم ان کاموں میں پیچھے ہیں… ہمارا کام الحمدللہ کچھ اور ہے اور وہی مسئلے کا حل ہے… پھر بھی آج مشورہ کرتے ہیں کہ… کوئی ریلی یا ریلا ہو یا نہ… (بم الٹا چل گیا) فرانس کے واقعہ پر بس یہی کہہ سکتے ہیں کہ فرانسیسی طیارے جو بم مسلمانوں پر گرانے لے جارہے تھے… ان میں سے صرف ایک بم الٹا چل گیا اور فرانس کے ایک شہر پر گرگیا… یہ الٹا نہ چلتا تو مسلمانوں کی کسی آبادی پر یہی ستم ڈھاتا… (شور نہ مچاؤ) ایک لبرل عورت ملتان میں ماری گئی… اب شور ہے کہ ’’غیرت‘‘ کے نام پر قتل ہوئی۔ حالانکہ اس گھر میں ’’غیرت‘‘ نام کی کوئی چیز نہیں پائی جاتی… معاملہ کچھ اور ہے، جلد سامنے آجائے گا، اسلام اور غیرت کے خلاف شور نہ مچاؤ
والسلام
خادم
لا الٰہ الا اللہ محمد رسول اللہ
(اہل کشمیر کی عزیمت/ واقعۂ فرانس)
17/07/2016
مکتوب خادم
السلام علیکم ورحمۃ اللہ وبرکاتہ!
اللہ تعالیٰ شہداء کشمیر کو ’’حیات‘‘ اور ’’مغفرت‘‘ کے اعلیٰ مقامات عطاء فرمائے… کشمیریوں نے بہت عظیم قربانی پیش کی ہے اور اب تک وہ نہیں تھکے… کشمیری مائیں اور بہنیں اپنے مردوں سے بھی ایمان اور جرأت میں دو ہاتھ آگے ہیں… اللہ تعالیٰ اب انہیں ’’آزادی‘‘ اور اسلامی نظام کی نعمت عطاء فرمائے… ریلیاں مسلمان سیاسی جماعتیں نکالیں گی… ہم ان شاء اللہ اس نازک موقع پر تین کام کریں گے… 1: دعاء2: جہاد3: دعوت جہاد… جماعت کا شعبہ ہدایت اور شعبہ تبلیغ سارے کام چھوڑ کر ان تین کاموں پر بھرپور محنت صرف کرے… پرسوں یعنی منگل کے دن جماعت کے تمام مراکز، مدارس، یونٹوں میں تلاوت اور بسم اللہ کے ختمات کرکے… شہدائے کرام کے لئے ایصال ثواب کیا جائے اور اللہ تعالیٰ سے نصرت کی دعاء مانگی جائے۔ القلم کا خصوصی شمارہ ’’جہاد کشمیر نمبر‘‘ آرہا ہے… وہ خود بھی پڑھیں اور زیادہ سے زیادہ تعداد میں خرید کر تقسیم کریں… جماعت کے مبلغین اور اہل بیان… ملک بھر کی مساجد میں جاکر جہاد کشمیر پر بیانات کریں اورغزوۂ ہند کی دعوت دیں اور اس موقع پر چندہ نہ کریں… اور اصل کام جماعت کے مجاہدین کریں… آگے بڑھیں اورغزوۂ بدر کی خوشبو مہکا دیں
والسلام
خادم
لا الٰہ الا اللہ محمد رسول اللہ
(اہل کشمیر سے یکجہتی کے لئے تین کام)
18/07/2016
مکتوب خادم
السلام علیکم ورحمۃ اللہ وبرکاتہ!
اللہ تعالیٰ  کا شکر ہے کہ… محض اسی کی توفیق سے ہم’’اہل جہاد‘‘ اور’’اہل شہادت‘‘ کے ساتھ کھڑے ہیں… القلم کا ایمان افروز، درد بھرا، شاندار ’’جہاد کشمیر نمبر‘‘ آرہا ہے… بندہ نے ابھی ’’ایک ہزار‘‘ اخبار اپنی طرف سے لکھوا دیئے ہیں… کسی پر احسان نہیں، اپنا فرض ہے… دل روتا ہے کہ ہمارے ایک ہزار کے لگ بھگ ’’رفقاء‘‘ کشمیر میں شہید ہوچکے… اب ہم سستی یا غفلت کریں یا میدان سے پیٹھ پھیریں تو ہمارا حال قابل افسوس ہوگا… اللہ تعالیٰ ہمیں ہمت اور استقامت عطاء فرمائے… امید ہے کہ آپ حضرات کم از کم تین لاکھ اخبار خریدیں گے اور تقسیم کریں گے
والسلام
خادم
لا الٰہ الا اللہ محمد رسول اللہ
(’’القلم‘‘ خصوصی اشاعت/جہاد کشمیر نمبر)
19/07/2016
مکتوب خادم
السلام علیکم ورحمۃ اللہ وبرکاتہ!
اللہ تعالیٰ  کی نعمتیں ’’بے شمار‘‘ ہیں… دل سے کہیں ’’اَلْحَمْدُلِلّٰہ‘‘… ہمارے گناہ بہت زیادہ ہیں… کلیجے سے کہیں ’’اَسْتَغْفِرُ اللہ‘‘ اگر ہمارے پاس کلمہ طیبہ ہے تو نہ کوئی غم، نہ فکر، نہ محرومی… دل و جان سے کہیں… ’’لَااِلٰہَ اِلَّااللہُ مُحَمَّدٌ رَّسُولُ اللہِ‘‘… ترکی کے عزت مآب صدر ’’رجب طیب اوردغان‘‘ کو مبارک… اللہ تعالیٰ  نے ان کی نصرت فرمائی… اللہ کرے وہ بھی اللہ تعالیٰ کے ساتھ اپنی وفاداری مزید بڑھا دیں کیونکہ… ابھی عشق کے امتحاں اور بھی ہیں… القلم کا خصوصی شمارہ شائع ہوچکا ہے۔ الحمدللہ تعداد تین لاکھ سے زیادہ ہے۔ ابھی صوبہ سیدنا علی رضی اللہ عنہ کی طرف سے نئی ڈیمانڈ آجائے تو دل مزید خوش ہوگا… کراچی والے اگر دورہ تربیہ اور اخبار پر اپنی محنت دگنی کردیں تو مجھے یقین ہے کراچی’’نحوست‘‘ سے نکل آئے گا… لسانیت پرستی کی زہریلی نحوست جو تیس سال سے کراچی پر مسلط ہے… آج تمام صوبائی، ضلعی اور ذیلی منتظمین اگلے تین دن کی طوفانی محنت کی ترتیب حتمی کرلیں… ایصال ثواب کے ختمات، اخبار کی تقسیم اور مسجد مسجد، گلی گلی جہاد کشمیر اورغزوۂ ہند کی دیوانہ وار دعوت… تازہ اخبار سے آپ کو بیانات کے لئے بہترین مواد مل جائے گا… ان شاء اللہ
والسلام
خادم
لا الٰہ الا اللہ محمد رسول اللہ
(رجب طیب اردغان صاحب کو مبارکباد/ القلم خصوصی اشاعت)
21/07/2016
مکتوب خادم
السلام علیکم ورحمۃ اللہ وبرکاتہ!
اللہ تعالیٰ  ’’حق‘‘ ہے… اللہ تعالیٰ  ہَادِی ہے… حق اور ہدایت پر رہنا ہے تو اللہ تعالیٰ  سے دل کو جوڑو… یَااللّٰہُ، یَاحَقُّ، یَاہَادِی لَیْسَ الْہَادِی اِلَّا ھُوَ… کبھی تو اللہ تعالیٰ  کو ایسا یاد کریں کہ… سوائے اللہ کے کچھ مطلوب نہ ہو… کچھ مقصود نہ ہو،کچھ یاد نہ ہو… کوئی خواہش نہ ہو، یااللہ، یااللہ، یااللہ… دل اللہ تعالیٰ  سے خوش ہو، اللہ تعالیٰ  سے راضی ہو، اللہ تعالیٰ  کے لئے خالی ہو… شکر سے بھیگا ہوا ہو… آنسوؤں سے تر ہو اور محبت سے چھلکتا ہو… یااللہ، یااللہ، یااللہ… جب دل میں کوئی خواہش، کوئی تمنا، کوئی غرض اور کوئی حاجت نہ ہو… بس محبوب مالک کی یاد اور محبوب رب کو پانے کی خواہش… ہر تمنا دل سے رخصت ہوگئی، اب تو آجا اب تو خلوت ہوگئی… ایسا ذکر پوری زندگی میں ایک بار بھی نصیب ہوجائے تو… زندگی کامیاب ہوجائے۔ خوش نصیب ہیں وہ جن کو یہ ذکر بار بار نصیب ہوتا ہے… اللہ تعالیٰ ہم سب کو عطاء فرمائے… یااللہ، یااللہ، یااللہ… مدینہ منورہ کی شاہراہ مکہ مکرمہ تک پہنچاتی ہے… روضۂ اطہر کے جلوے عرش تک پہنچاتے ہیں… مغرب سے جمعہ شریف مبارک، مقابلۂ حسن مبارک! اور یاد رہے کہ کل سے حجامہ کی مسنون تاریخیں بھی شروع ہورہی ہیں، خوب فائدہ اٹھائیں
والسلام
خادم
لا الٰہ الا اللہ محمد رسول اللہ
(اللہ تعالیٰ کی یاداور ذکر/ مقابلۂ حسن)
23/07/2016
مکتوب خادم
السلام علیکم ورحمۃ اللہ وبرکاتہ!
اللہ تعالیٰ ہی کے ہیں آسمانوں اور زمین کے خزانے… یقین کے ساتھ پڑھیں… وَلِلّٰہِ خَزَائِنُ السَّمٰوَاتِ وَالْاَرْضِ… آگے فرمایا! منافق یہ بات نہیں سمجھتے(دو محبتیں) انسان کو کوئی حاجت پیش آتی ہے وہ عزم کرتا ہے کہ… صرف اللہ تعالیٰ سے مانگوں گا اور کسی سے نہیں… اللہ تعالیٰ سے بار بار مانگوں گا… اور اللہ کے سوا کسی سے نہ صراحۃً نہ اشارۃً… ایسے شخص کو فوری انعام دو ملتے ہیں۔ پہلا اللہ تعالیٰ کی محبت دوسرا مخلوق کی محبت… اللہ تعالیٰ بھی اس سے محبت فرماتے ہیں اور اللہ تعالیٰ کی صالح اور اچھی مخلوق بھی… ساتھ دعاء کا اجر الگ… نیکی کا خزانہ الگ… حاجت پوری ہوئی تب بھی خیر… پوری نہ ہوئی تب تو خیر ہی خیر، نفع ہی نفع (دو نفرتیں) کوئی حاجت پیش آئی اور فوراً مخلوق کی طرف ذہن چلا گیا… فلاں سے مانگ لوں، فلاں کو اشارہ کردوں… فلاں جگہ درخواست دے دوں… ایسے شخص کو فوری سزا دو نفرتیں ملتی ہیں… اللہ تعالیٰ ناراض کہ بندہ میرا ہے اور مانگ دوسروں سے رہا ہے اور مخلوق میں سے جن سے لالچ رکھی ان کے دل میں بھی نفرت آئی… سؤال کا گناہ الگ، لالچ کا گناہ الگ… حاجت پوری ہوئی تب بھی خسارہ اور پوری نہ ہوئی تب تو خسارہ ہی خسارہ (خیرخواہی) بھائیو! اور بہنو! یہ رزق کا راز ہے، یہ برکت کا راز ہے، یہ وسعت کا راز ہے… نہ کسی کا دل دکھانا مطلوب اور نہ کسی کی طرف اشارہ… اللہ تعالیٰ  مجھے اور آپ سب کو یہ ’’راز‘‘ اور اس کی برکات نصیب فرمائے
والسلام
خادم
لا الٰہ الا اللہ محمد رسول اللہ
(دو محبتیں، دو نفرتیں/ رزق کی برکت اور وسعت کا راز)
24/07/2016
مکتوب خادم
السلام علیکم ورحمۃ اللہ وبرکاتہ!
اللہ تعالیٰ کافروں کو رسوا فرماتا ہے… یہ بات قرآن مجید میں صراحت سے آئی ہے… (بڑھکیں) کچھ دن پہلے انڈیا نے دعویٰ کیا کہ اس نے ایک ساتھ بیس سیٹلائٹ سیارچے فضا میں چھوڑے ہیں اور ساتھ یہ فلمی ڈائیلاگ بھی اچھالا گیا کہ اب ’’مودی‘‘ اپنے دفتر میں بیٹھ کر ’’ابامہ‘‘ کے گھر کے باہرکھڑی گاڑیاں دیکھ سکتا ہے،گن سکتا ہے(طیارہ غائب) ابھی تین دن سے انڈین فضائیہ کا ایک طیارہ غائب ہے… نہ مودی کو نظر آرہا ہے نہ اسکے سیارچوں کو (خوشنما مناظر) مودی جب اپنے دفتر میں بیٹھ کر ان سیارچوں سے اپنا طیارہ ڈھونڈنے بیٹھتا ہے تو اسے تیس کروڑ بھارتی سڑکوں، راستوں اور پٹریوں پر قضائے حاجت کرتے نظر آتے ہوں گے… مودی یہ خوشنما منظر دیکھ کر کتنا خوش ہوتا ہوگا کہ…وہ کتنے مہان دیش کا پردھان منتری ہے… یہ منظر دیکھ کر اسکی بھوک بھی مٹ جاتی ہوگی… البتہ پیاس ضرور لگتی ہوگی تب وہ کیا پیتا ہوگا؟ یقینی بات ہے کہ گائے کا موت… گاؤ ماتا کا پیشاب… جو مودی اور آر ایس ایس کا من پسند مشروب ہے ( قابل نفرت) بھارت میں تیس کروڑ سے زائد افراد کو باپردہ بیت الخلاء میسر نہیں… بھارت میں روزانہ اوسطاً بیس عورتیں جہیز نہ ملنے یا کم ملنے پر جلا کر ماری جاتی ہیں… بھارت میں بیس کروڑ دلتوں کو اچھوت ، نجس اور ناپاک سمجھا جاتا ہے اور ان کے ساتھ جانوروں سے بدترین سلوک کیا جاتا ہے
والسلام
خادم
لا الٰہ الا اللہ محمد رسول اللہ
(انڈیا کی بڑھکیں اور رسوائی)
25/07/2016
مکتوب خادم
السلام علیکم ورحمۃ اللہ وبرکاتہ!
اللہ تعالیٰ’’اَلرَّحْمٰن‘‘ ہیں ’’وسیع رحمت‘‘ والے… ’’اَلرَٓحِیْم‘‘ ہیں ’’بڑی رحمت‘‘ والے… ’’اَرْحَمُ الرَّاحِمِیْن‘‘ہیں سب مہربانوں سے زیادہ مہربان… اللہ تعالیٰ کو رحم، رحمت، رحمدلی اورصلہ رحمی سے محبت ہے… اللہ تعالیٰ ’’بے رحمی‘‘ اور سنگدلی کو پسند نہیں فرماتے… اے غصیلے مزاج والو! رحمدلی اور نرمی اختیار کرو… غصہ میں بے قابو نہ ہوا کرو۔ اگر تمہارے غصہ پر اللہ تعالیٰ کو غصہ آگیا تو تمہارے ٹکڑے اڑا دے گا… اپنے غصہ کا علاج کرو اور اس کا رخ اللہ تعالیٰ کے دشمنوں کی طرف موڑ دو… اے دل میں بغض اور کینہ بسانے والو! رحمدلی اور نرمی اختیار کرو… بغض اور کینہ تمہارے دل اور تمہاری قسمت میں سوراخ کردے گا… اے سخت زبان بولنے والو ! طعنہ اور گالیاں دینے والو! رحمدلی اور نرمی اختیار کرو… روزانہ اپنی زبان کے شر سے اللہ تعالیٰ کی پناہ مانگا کرو… اے اللہ کے بندو! رحم اور رحمت چاہتے ہو تو ’’رحمدلی‘‘ اختیار کرو ۔سب سے پہلے خود پر رحم کرو… گناہ چھوڑ کر اور استغفار پکڑ کر… اور پھر اللہ تعالیٰ  کی مخلوق پر رحم کرو… اپنے والدین کے لئے رحمت کی دعاء… اور رحمت کے غلام بن جاؤ، اپنے رشتہ داروں کے لئے رحمت کا نشان بن جاؤ اور مسلمانوں کے لئے ’’رُحَمَاءُ بَیْنَہُمْ‘‘ کا عکس بن جاؤ… یہ باتیں اپنے لئے بھی لکھی ہیں اور آپ کے لئے بھی۔ ہم سب آج ہی اپنا جائزہ لیں اور اصلاح کی فکر کریں… آخری بات یہ کہ… آپ سب مجھ ’’بندہ غریب‘‘ پر رحم کریں… خط مختصر لکھا کریں اور پیغام مختصر بھیجا کریں
والسلام
خادم
لاالہ الااللہ محمدرسول اللہ
(رحم دلی اور نرمی اختیار کرنے کی ترغیب)
28/07/2016
مکتوب خادم
السلام علیکم ورحمۃ اللہ وبرکاتہ!
اللہ تعالیٰ کا ہر وعدہ سچا ہے… اللہ تعالیٰ کے پاس ہر چیز کے خزانے ہیں…  ان دو جملوں کو بار بار پڑھیں اوران پر غور کریں… ان شاء اللہ شکر کا دروازہ کھلے گا… وعدہ ہے کہ زیادہ استغفار کرو گے تو بیٹے دوں گا… حضرت آقامدنی صلی اللہ علیہ وسلم سے بڑھ کر کس کا استغفار؟ مگر ملیں بیٹیاں… ہمارے قریب زمانہ کے مجددحضرت اقدس تھانویؒ… صاحبِ استغفار شخصیت… مگر نہ بیٹا ملا نہ بیٹی… وعدہ اللہ تعالیٰ کاسچا ہے مگر اللہ تعالیٰ  کے ہاں وسعت کے خزانے ہیں… اور سب سے بڑھ کر اس کا فضل ہے… فضل کا معنی ہے مانگے ہوئے سے بہتر ملنا… حق سے زیادہ ملنا… حضرت تھانویؒ کے گھر بیٹا پیدا نہ ہوا مگر ان کو لاکھوں بیٹے مل گئے… جو پلتے اورکھاتے دوسروں کے ہاں تھے جب کہ کام حضرت تھانویؒ کا کرتے تھے… بیٹا تو اسی لئے ہوتا ہے ناں کہ آپ کے دینی کام کو آگے چلائے، آپ کا صدقہ جاریہ بنے… آپ کے مرنے کے بعد بھی آپ کی نیکیاں چلتی رہیں… اسی طرح کسی کو استغفار پر بیٹا نہ دیا مگر ایسی بیٹی دے دی جو بیٹے سے زیادہ افضل، زیادہ صدقہ جاریہ اور زیادہ بیٹوں والی… وعدہ ہے کہ زیادہ استغفار پر مال ملے گا… مگر کسی پر ایسا فضل ہوا کہ اسے مال کی جگہ غناء عطا فرما دیا… دل غنی ہو جائے تو انسان بادشاہوں سے بڑا بادشاہ بن جاتا ہے… بے شک اللہ تعالیٰ کے پاس وسعت کے خزانے ہیں اور ان کا دینے کا انداز بہت پیارا ہے، بہت میٹھا… پیارے رب، بہت شکریہ، بہت شکر، بہت شکر، الحمدللہ… مغرب سے جمعہ شریف اور مقابلۂ حسن مرحبا!
والسلام
خادم
لا الٰہ الا اللہ محمد رسول اللہ
(وسعت کے خزانے اللہ کے پاس… پر دینے کے انداز الگ الگ)
04/08/2016
مکتوب خادم
السلام علیکم ورحمۃ اللہ وبرکاتہ!
اللہ تعالیٰ سے اللہ تعالیٰ  کے فضل کا سؤال ہے (حکم) اللہ تعالیٰ نے ہمیں حکم فرمایا ہے کہ… ایک دوسرے سے ’’حسد‘‘ نہ کرو۔ کسی کا مال، عزت اور مقام دیکھ کر اپنے اوپر ’’حسرت‘‘ نہ کرو بلکہ اللہ تعالیٰ سے اس کا فضل مانگو… یعنی اپنے دل میں کسی اور جیسا بننے کی تمنا نہ کرو… تمہیں کیا معلوم کون اندر سے کس حال میں ہے؟ تمہیں کیا معلوم کہ تمہارے لئے کیا بہتر ہے؟ (لبیک)اَللّٰہُمَّ اِنِّیْ اَسْئَلُکَ مِنْ فَضْلِکَ وَ رَحْمَتِکَ… یااللہ! آپ کا حکم سر آنکھوں پر ہمیں اپنا فضل عطاء فرما دیجئے (سراغ) فرمایا کہ جب جمعہ کی نماز ادا کر لو تو زمین میں پھیل جاؤ اور اللہ تعالیٰ کا ’’فضل‘‘ تلاش کرو… معلوم ہوا جمعہ کے دن جمعہ نماز کے بعداللہ تعالیٰ  کے فضل کے خزانے عرش سے زمین پر اترتے ہیں اور ڈھونڈنے والوں کو ملتے ہیں… (ذوالقعدہ) حج کا دوسرا مہینہ اور حرمت والا دوسرا مہینہ (بعد از تصحیح) ’’ذوالقعدہ‘‘ آج مغرب سے تشریف لارہا ہے… نئے مہینے، نئے چاند اور چاند رات کے معمولات یاد رہیں (حج تربیہ) حج بیت اللہ، عظیم الشان فریضہ ہے۔ حج زندگی میں ایک بار فرض ہے… اس لئے حج پر جانے والے افراد ’’حج شریف‘‘ کو اچھی طرح سیکھ کر جائیں… بہاولپور مرکز کا ’’حج تربیہ‘‘ ماشاء اللہ مفید اور شاندار رہا… اب اسی اتوار کے دن کراچی اور پشاور میں یہ ’’حج تربیہ‘‘  ہوگا… زیادہ سے زیادہ افراد کو لائیں اور اسلام کا ایک محکم فریضہ اچھی طرح سیکھیں… مغرب سے جمعہ شریف، نیا مہینہ اور مقابلۂ حسن مرحبا!
والسلام
خادم
لا الٰہ الا اللہ محمد رسول اللہ
(اللہ سے اس کا فضل مانگو/ استقبال ماہ جدید/ حج تربیہ)
05/08/2016
مکتوب خادم
السلام علیکم ورحمۃ اللہ وبرکاتہ!
اللہ تعالیٰ نے قرآن مجید میں سمجھایا … حج کے مہینے معروف ہیں… یعنی شوال، ذوالقعدہ، ذوالحجہ کے دس دن… پس جو ان مہینوں میں احرام باندھ کر اپنے اوپر حج کو فرض کر لے تو احرام کے بعد وہ…  نہ کوئی شہوت والا کام کرے، نہ گناہ والا کوئی کام اور نہ لڑائی جھگڑا… (الحمدللہ) حج کا دوسرا مہینہ اور حرمت والا دوسرا مہینہ ’’ذوالقعدہ‘‘ شروع ہوچکا ہے… کل کے مکتوب میں تصحیح کرلیں… الحمدللہ حجاج کرام کی روانگی شروع ہوچکی ہے… اللہ تعالیٰ سب عازمین حج کو مقبول اور مبرور حج نصیب فرمائے (تکبر اور ریا خطرناک) ہر عبادت کا ایک مقصد ہے… نماز کا مقصد ’’ذکر‘‘ ہے، اللہ تعالیٰ کی یاد، پس غفلت نماز کے لئے خطرناک ہے… روزہ کا مقصد تقویٰ ہے، حلال چھوڑ کر حرام چھوڑنے کی مشق… پس تقویٰ سے انحراف روزہ کے لئے خطرناک ہے… زکوٰۃ کا مقصد اللہ تعالیٰ کے لئے سخاوت اور حرص سے پاکی ہے، پس بخل اور تنگ دلی زکوٰۃ کے لئے خطرناک ہے… حج کا مقصد اللہ تعالیٰ کے سامنے تذلل اور عاجزی ہے، پس تکبر، بڑائی اور ریاکاری حج کے لئے خطرناک ہے… جہاد کا مقصد ہے اللہ تعالیٰ کے دین کی سربلندی اور دین کے لئے قربانی، پس ذاتی بالادستی اور دنیا پرستی جہاد کے لئے خطرناک ہے… یہ تفصیلی موضوع ہے صرف خلاصہ اور اشارہ عرض کیا ہے… عازمین حج خاص خیال رکھیں
والسلام
خادم
لا الٰہ الا اللہ محمد رسول اللہ
(تکبر اور ریا کاری خطر ناک بیماریاں/ مقاصد عبادات)
11/08/2016
مکتوب خادم
السلام علیکم ورحمۃ اللہ وبرکاتہ!
اللہ تعالیٰ  بڑے فضل والے ہیں… وَاللّٰہُ ذُوالْفَضْلِ الْعَظِیْم… اللہ تعالیٰ کا فضل کیا چیز ہے؟ قرآن مجید میں جہاں جہاں اللہ تعالیٰ کے فضل کا تذکرہ ہے… ان آیات کو غور سے پڑھیں… تب ’’فضل‘‘ کے معنیٰ سمجھ آئیں گے… ’’رزق‘‘ بھی اللہ تعالیٰ کا فضل ہے اگر حلال ہو… حرام مال اللہ تعالیٰ کا فضل نہیں، اس کا عذاب ہے… علم بھی اللہ تعالیٰ کا فضل ہے اگر ’’نافع‘‘ ہو… نیکی کی توفیق ملنا یہ بھی اللہ تعالیٰ کا فضل ہے… گناہ سے بچ جانا یہ بھی اللہ تعالیٰ کا فضل ہے… چھوٹی مصیبت میں مبتلا ہو کر بڑی آفت سے محفوظ رہنا یہ بھی اللہ تعالیٰ کا فضل ہے… کسی مسلمان کی خدمت کی توفیق ملنا یہ بھی اللہ تعالیٰ کا فضل ہے… اللہ تعالیٰ کے فضل کے اتنے رنگ ہیں کہ… انسان حیران رہ جاتاہے اور خوشی سے جھوم اٹھتا ہے… اے اللہ کے بندو! اللہ تعالیٰ سے اس کا فضل مانگا کرو… اور جمعہ کے دن جمعہ نماز کے بعد اللہ تعالیٰ کے فضل کو ڈھونڈا کرو… نماز پڑھنے کے بعد نکل جایا کرو… کیا معلوم کسی بیمار کی عیادت کا اجر پالو… کسی محتاج کی مدد کا ثواب پا لو… کسی غمگین کے غم کو دور کرنے کا سبب بن جاؤ… کسی گمراہ کی ہدایت کا ذریعہ بن جاؤ… کسی ٹوٹے ہوئے کو جوڑنے کا بہانہ بن جاؤ… کسی بے نمازی کو نماز پر لانے والے بن جاؤ… کسی بھوکے کو کھانا کھلانے والے بن جاؤ… کسی منکر جہاد کو جہاد سمجھانے والے بن جاؤ… مغرب سے جمعہ شریف اور مقابلۂ حسن مرحبا
والسلام
خادم
لا الٰہ الا اللہ محمد رسول اللہ
(اللہ کا فضل اور اس کی مختلف صورتیں)
13/08/2016
مکتوب خادم
السلام علیکم ورحمۃ اللہ وبرکاتہ!
اللہ تعالیٰ نے ہمیںایک آزاد ملک دیا… الحمدللہ، الحمدللہ… مگرہمارے گناہوں کی شامت کہ غلام طبقہ… ملک کاحکمران بن گیا… استغفراللہ، استغفراللہ… آزادی کا شکرانہ یہ ہے کہ… ہم سچے مسلمان بنیں… دین پرعمل کریں، دین کونافذ کریں… گناہ چھوڑیں… استغفار کریں… استغفراللہ، استغفراللہ… آزادی کا حق یہ ہے کہ… ہم کشمیر کو آزاد کرائیں… غیرت مندبنیں، باوقار، بااختیار… کسی کے سامنے نہ جھکنے والے… بس ایک اللہ سے ڈرنے والے… استغفراللہ، استغفراللہ… جشن آزادی ہم شکر، نمازاور صدقات کے ذریعہ منائیں… آج جشن کے نام پرجن گناہوں کی تیاری ہے وہ عذاب کو پکار رہے ہیں… استغفراللہ، استغفراللہ… افغان مسلمانوں نے ہم پراحسان فرمایا… انہوں نے اپنے سینے پرسرخ کافر انقلاب کوروکا… انہوں نے ہماری آزادی اور ہمارے اقدار کا تحفظ کیا… آج ہر گلی، ہر بازار میں ان کو ستایا جارہا ہے… حضرت محمد عربی صلی اللہ علیہ وسلم کے امتی اور قوم پرستی کی لعنت… استغفراللہ، استغفراللہ… جو افغانی کیمونسٹ ہیں، ملحد اور بددین ہیں وہ تو کراچی سے کوئٹہ اور پشاور تک محلات میں مقیم اور ہمارے سیاستدانوں کے لئے جرائم کے سہولت کارہیں… ان سے نہ کوئی کارڈ پوچھتا ہے اور نہ ان تک کوئی پولیس والاجاسکتا ہے… مگر وہ جنہوں نے یہاں کی مساجد آباد کیں، جنہوں نے جہاد میں قربانیاں دیں… جو غربت اور غریب الوطنی میں اپنے دین اور اپنی غیرت کی حفاظت کرتے رہے… ان کو ستانا، رسوا کرنا اپنی آزادی کو خطرے میں ڈالنے والا عمل ہے… استغفراللہ، استغفراللہ
والسلام
خادم
لا الٰہ الا اللہ محمد رسول اللہ
(شکر آزادی/ افغان مہاجرین کی اشک شوئی )
18.08.2016
مکتوب خادم
السلام علیکم ورحمۃ اللہ وبرکاتہ!
اللہ تعالیٰ ایک ہے… اَللہُ اَحَد، اَللہُ الصَٓمَد… آج کی ڈاک میں ایک خط تھا… لکھا ہے’’اَللہُ اَحَد‘‘کے مضمون اور ورد سے بہت فائدہ ہوا…  جب اعمال میں سستی اور غفلت ہونے لگتی ہے تو یہ ورد کام آتا ہے…  اَللہُ اَحَد، اَللہُ اَحَد، اَللہُ اَحَد… ہاں بھائی! بڑا اونچا ورد ہے… خالص قرآنی… اور ساتھ ’’بلالی‘‘ بھی… حضرت سیدنا بلال رضی اللہ عنہ اپنے مشرک آقا امیہ کا تشدد جھیلتے ہوئے فرمایا کرتے تھے اَحَد، اَحَد… بے شک اَللہُ اَحَد… بلال کے اس نعرے نے امیہ کو کمزور اور بلال کو طاقتور بنا دیا… اور ایک دن وہ آیا جب حضرات صحابہ کرامؓ… حضرت سیدنا بلال رضی اللہ عنہ کو امیہ کے قتل پر مبارکبادیں دے رہے تھے… روایت بخاری شریف میں موجود ہے… اور یہ کوٹ بھلوال جیل میں ہمارا بخاری کا آخری سبق تھا… آج کشمیر میں پھر وہی بلال اور امیہ والی کہانی ہے… تشدد ہے اور اَحَد، اَحَد کے نعرے… اختتام ان شاء اللہ مبارک ہوگا… مودی جو خود سر سے پاؤں تک دہشت اور غلاظت کا پتلا ہے وہ دھمکیاں دے رہا ہے… اس کی دھمکیوں میں اس کا خوف واضح نظر آرہا ہے… آج مغرب سے جمعہ شریف آرہے ہیں… درود و سلام کا عمل موت کے وقت بڑا فائدہ دیتا ہے… بڑا فائدہ… ایسے ایسے واقعات ہوئے کہ ان کو پڑھ کر دل جھومتا ہے… اور سخت مجبوری اور تھکاوٹ میں بھی درود و سلام کا عمل چھوڑنے پر آمادہ نہیں ہوتا… بھائیو اور بہنو! درود و سلام بڑی نعمت ہے، بڑی نعمت!… 
والسلام
خادم
لا الٰہ الا اللہ محمد رسول اللہ
(اللہ احد کا ورد، درود و سلام بڑی نعمت، مقابلۂ حسن)
25.08.2016
مکتوب خادم
السلام علیکم ورحمۃ اللہ وبرکاتہ!
 اللہ تعالیٰ تمام ’’اسیران اسلام‘‘ کو باعزت رہائی عطاء فرمائے… جو لوگ ’’مجاہدین اسلام‘‘ کو قید رکھتے ہیں… وہ اپنا ہی بڑا نقصان کرتے ہیں… ان کو اس نقصان کا اگر اندازہ ہوجائےتو کبھی ایسی غلطی نہ کریں… مگر بہت سے ’’دل‘‘ آنکھیں نہیں رکھتے… اسیران اسلام کے اہل خانہ ہمت اور صبر سے کام لیں… اور مصیبت کی ان گھڑیوں سے ’’قرب الٰہی‘‘ کی قیمت وصول کریں… یَا اللہُ، یَا وَاحِدُ، یَا أَحَدُ، يَا صَمَدُ… ایک ذمہ دار ساتھی نے قید سے پیغام بھیجا ہے کہ… انہوں نے بشارت آفرین خواب دیکھا ہے… بے شک اونچی منزلیں… مصیبت، محنت اور مشقت کے راستے سے ہی ملتی ہیں… مبارک ہو مبارک… الحمدللہ ’’نفل قربانی‘‘ کی مہم شروع ہوچکی ہے… تقاضے ہر طرف سے آچکے… اب اللہ تعالیٰ ان تقاضوں کو پوراکرنے کی نصرت فرمائے… اور اپنے فضل سے اس پرنور مہم کو کامیاب فرمائے… کامیابی کا نصاب وہی ہے… اخلاص، دعاء، مشورہ اور مسلسل محنت… گزشتہ سال اس مہم کے تحت… ایسی بابرکت جگہوں تک قربانی کا گوشت پہنچا کہ دل خوشی اور شکر سے جھوم اٹھا… لیجئے! ’’جمعہ شریف‘‘ ہنستے، مسکراتے، مہکتے، چمکتے، دمکتے… وقار و عزت کے ساتھ چلتے آ پہنچے، با ملاحظہ، با ادب، ہوشیار… مغرب سے مقابلۂ حسن شاندار… 
والسلام
خادم
لا الٰہ الا اللہ محمد رسول اللہ
(نفل قربانی مہم، مقابلۂ حسن)


01.09.2016
مکتوب خادم
السلام علیکم ورحمۃ اللہ وبرکاتہ!
اللہ تعالیٰ ہم سب کو اپنے اوپر ظلم کرنے سے بچائے (اپنے لئے)جو عمل ایمان کے ساتھ… اللہ تعالیٰ کی رضا کے لئے ہو، وہی عمل انسان کے اپنے کام آتا ہے دنیا میں بھی اور آخرت میں بھی۔(اپنے لئے)وہ مسلمان بھائی اور بہنیں جنہوں نے رمضان المبارک کے بعد قرآن مجید کا ایک ختم بھی پورا نہیں کیا وہ اپنے اوپر رحم کریں… خود کو اس قدر محروم نہ رکھیں آج ہی سے بھرپور تلاوت شروع کردیں۔(اپنے لئے)وہ جو رمضان المبارک کے بعد مسلسل غفلت کا شکار ہیں خود پر مزید ظلم نہ کریں… نماز اور معمولات کا پورا اہتمام شروع کردیں۔ (اپنے لئے)وہ جن کو قربانی کی استطاعت ہے مال کی گنتی میں نہ پڑیں اور اپنی جان پر رحم کرتے ہوئے اچھی سے اچھی قربانی کریں، کیا معلوم آخری عید ہو اور پیسہ یہاں رہ جائے۔(اپنے لئے) جن کو اللہ تعالیٰ نے وسعت دی ہے جماعت میں نفل قربانی جمع کرا دیں، ٹچ موبائل وبال اور قربانی قرب الٰہی کا ذریعہ بن جاتے ہیں(اپنے لئے)وہ جن کو قربانی کی استطاعت نہیں وہ غم اور ناشکری کرکے خود پر ظلم نہ کریں انسان کے پاس مال کا کم ہونا اسے ہزاروں گناہوں، مصیبتوں اور محرومیوں سے بچاتا ہے۔(اپنے لئے)ذوالحجہ کے پہلے دس دن قیمتی ہیں، اس عشرہ کو اپنے لئے بہت بڑا سرمایہ بنانے کا عزم کرلیں۔(اپنے لئے)مغرب سے جمعہ شریف تشریف لا رہے ہیں اپنی جھولی انوارات، برکات اور رحمتوں سے بھرنے کی ہم سب اپنے لئے محنت کریں… مقابلۂ حسن مرحبا!… 
والسلام
خادم
لا الٰہ الا اللہ محمد رسول اللہ
(’’اپنے لئے‘‘ … ترغیب اعمال)

02.09.2016
مکتوب خادم
السلام علیکم ورحمۃ اللہ وبرکاتہ!
 اَللہُ اَکْبَرُ اَللہُ اَکْبَرُ لَااِلٰہَ اِالَٓااللہُ وَاللہُ اَکْبَرُ اَللہُ اَکْبَرُ وَلِٰٓلہِ الْحَمْد ۔(مبارک ہو) آج مغرب یا کل مغرب سے اسلامی ہجری سال کا آخری شاندار مہینہ ’’ذوالحجہ‘‘ تشریف لارہا ہے… یہ وہ مہینہ ہے جس کے دنوں اور راتوں کا تذکرہ قرآن عظیم الشان میں مہکتا ہے… ہمیشہ سے، ہمیشہ کے لئے… برکت ہی برکت، سعادت ہی سعادت… اے اللہ والو!کما لو… بنا لو، قسمت جگا لو۔ (تیاری) مغرب سے پہلے تیاری کرلیں۔ جن کی قربانی ہے وہ ناخن، زائد بال کاٹ لیں… دو رکعت نماز ادا کرکے مبارک عشرے کی برکات مانگ لیں… سحری اور افطار کی تیاری باندھ لیں آہیں، اور آنسو جمع کرلیں ۔(نو روزے) کوشش کریں کہ پورے نو روزے رکھیں… اگر نفس اور پیٹ نہ مانے تو ان ظالموں کو سمجھائیں کہ قبر میں گلنا ہے، قبر میں سب سے پہلے پیٹ پھٹتا ہے… اگر پھر بھی ہمت نہ بنے تو پہلا اور آخری دو روزے رکھ لیں… یااللہ! توفیق… (بڑی نعمت) بھائیو! اور بہنو! یہ جو تیسرا کلمہ ہے یہ خزانہ ہے خزانہ، بڑی نعمت، بڑی قوت، بڑی ترقی، بڑا کفارہ،  بڑی پرواز اور بڑی برکت… ان ایام میں کم از کم تین سو بار اور ہمت ہو تو ہزار بار… اور اگر چاہت ہو تو تین سو بار دن کو اور تین سو بار رات کو… اور اوپر مکتوب کے آغاز میں جو تکبیر لکھی ہے وہ تو بس ورد زبان بنالیں… بازاروں میں، راستوں میں، گھروں میں اور مجالس میں… آج بس اتنا ہی… باقی باتیں پھر کبھی، ان شاء اللہ… 
والسلام
خادم
لا الٰہ الا اللہ محمد رسول اللہ
(عشرۂ ذی الحجہ کی تیاری اور معمولات)
03.09.2016
مکتوب خادم
السلام علیکم ورحمۃ اللہ وبرکاتہ!
 اللہ تعالیٰ کا شکر ہے… وہ ایام آگئے جن میں ہر عمل کا وزن بے حد بڑھ جاتا ہے… حج کے ایام، تکبیر، تہلیل، تسبیح اور قربانی کے ایام… روزے، عبادت اور ذکر کے ایام… وہ راتیں آگئیں جن کی قسم اللہ تعالیٰ کھاتے ہیں… مبارک ہو! آج مغرب سے ہمارے ہاں ’’ذوالحجہ‘‘ کا مبارک مہینہ شروع ہورہا ہے… شروع ہو جائیے…اَللہُ اَکْبَرُ اَللہُ اَکْبَرُ لَا اِلٰہَ اِلااللہُ وَاللہُ اَکْبَرُ اَللہُ اَکْبَرُ وَلِلّٰہِ الْحَمْد… 
والسلام
خادم
لا الٰہ الا اللہ محمد رسول اللہ
(استقبالِ ماہِ جدید… عشرۂ ذوالحجہ)
06.09.2016
مکتوب خادم
السلام علیکم ورحمۃ اللہ وبرکاتہ!
اللہ تعالیٰ مجھے اورآپ سب کو’’ان مبارک ایام‘‘ کی قدر نصیب فرمائے۔(حیرت کی بات)ذوالحجہ کے عشرے کی فضیلت قرآن مجید میں بھی ہے اور بہت سی صحیح احادیث میں بھی… اوریہ دن افضل ترین دن ہیں…  حتیٰ کہ اہل علم کے نزدیک رمضان المبارک کے دنوں سے بھی زیادہ افضل… ان دنوں کی ہر نیکی بڑے بڑے فرائض سے زیادہ بھاری ہے… اتنے عظیم اور بے شمار فضائل کے باوجود… آج کل ہمارے ہاں ان دنوں میں کوئی فرق نہیں آتا… نہ ہی مساجد بھرتی ہیں اورنہ ہی نیکی کے بازار سجتے ہیں… سوچیں کہ آخراس محرومی کی کیا وجہ ہے؟(ایک وعدہ کریں)جومسلمان یہ مکتوب پڑھیں وہ وعدہ کریں کہ ان شاء اللہ آج ہی ایک سو بار تکبیر پڑھیں گے اَللہُ اَکْبَرُ اَللہُ اَکْبَرُ لَااِلٰہَ اِلااللہُ وَاللہُ اَکْبَرُ اَللہُ اَکْبَرُ وَلِلّٰہِ الْحَمْد… اور کوشش کریں کہ ان ایام میں روزانہ تین سو بار تیسرا کلمہ پڑھیں گے… اور وعدہ کریں کہ غیبت کے گناہ سے بچیں گے… (ایک عزم کریں)جماعت کی نفل قربانی مہم بہت مبارک ہے… یہ مہم ایسے افراد تک آپ کی دعوت پہنچاتی ہے جو افراد قابل رشک اور اہل خدمت ہیں … آج ہی کوشش کریں کہ ایک نفل قربانی اس مہم میں جمع کرا دیں، اگر خود استطاعت نہیں ہے تو کسی صاحب استطاعت فرد کو اس کام پر راضی کرلیں… آپ کا حصہ بھی شامل ہوجائےگا، ان شاء اللہ… 
والسلام
خادم
لا الٰہ الا اللہ محمد رسول اللہ
(عشرۂ ذی الحجہ کی فضیلت، نفل قربانی مہم)

07.09.2016
مکتوب خادم
السلام علیکم ورحمۃ اللہ وبرکاتہ!
 اللہ تعالیٰ ہمارے دلوں کو ہمیشہ کی ’’روشنی‘‘ عطاء فرمائے… جو کبھی نہ بجھے ، جو کبھی مدہم نہ ہو، آمین… (عجیب قول) کسی کا قول ہے… چراغ کو آندھی اور تیز ہوا سے بچایا جاسکتا ہے… لیکن جب چراغ کے اندر کا تیل ہی ختم ہوجائےتو پھر اسے بجھانے کے لئے کسی آندھی یا ہوا کی کیا ضرورت؟… بھائیو!اور بہنو! اپنے دل کے اندر جو تیل ہے اسے ختم نہ ہونے دو… ایمان ، نور ، روشنی ، جذبہ ، ایثار اور ہمت… اَللٰٓهُمَٓ اجْعَلْ فِی قَلْبِی نُوْراً… رَبِٓ اشْرَحْ لِی صَدْرِی۔(وہاں کا خوف کیسا ہوگا؟) دنیا میں غیبت کرنے والا ڈرتا رہتا ہے کہ… جس کی غیبت کی ہے اس کو پتا نہ چلے… اندازہ لگائیں جس ’’بدعمل‘‘ کا یہاں اتنا خوف ہے… آخرت میں اس کا خوف اور وبال کتنا سخت ہوگا… یااللہ! غیبت میں مبتلا ہونے سے آپ کی پناہ۔(شیطان کا چکر)جن چیزوں میں اللہ تعالیٰ نے ’’عزت‘‘ رکھی ہے شیطان انہی چیزوں میں ’’ذلت‘‘ کا احساس دلاتا ہے… تاکہ انسان ان کو چھوڑ کر ہمیشہ کی عزت سے محروم ہوجائے… اطاعت ، خدمت ، تواضع ، عاجزی اور محنت وغیرہ… شیطان کے دھوکے میں پڑ کر عزت کے ان میناروں سے محروم نہ ہوں… (بہترین عمل)عشرہ ذی الحجہ میں اللہ تعالیٰ نے ہمیں جماعت کی برکت سے ’’نفل قربانی مہم‘‘ کا شاندار عمل عطاء فرمایا ہے… اس عمل میں سستی یا بخل نہ کریں… مال پھر آجائے گا مگر یہ ایام ، یہ خدمت اور یہ عمل معلوم نہیں دوبارہ نصیب ہوں یا نہ ہوں… 
والسلام
خادم
لا الٰہ الا اللہ محمد رسول اللہ
(دل کی روشنی، غیبت کی شناعت، شیطان کا چکر)
08.09.2016
مکتوب خادم
السلام علیکم ورحمۃ اللہ وبرکاتہ!
 اللہ تعالیٰ کا بے حد شکر کہ… ہمیں’’ختم نبوت ‘‘ کے لازمی اور پاکیزہ عقیدے پر ایمان عطاء فرمایا۔(ہمیشہ سے) مخلوق میں سے کسی کی بھی اتنی تعریف نہیں ہوئی… جتنی تعریف ہمارے محبوب آقا حضرت محمد صلی اللہ علیہ وسلم کی ہوئی ہے… آپ کا تو اسم گرامی ہی ’’محمد‘‘اور ’’احمد‘‘ ہے…اللہ تعالیٰ بھی آپ صلی اللہ علیہ وسلم کی تعریف فرماتے ہیں ، اللہ تعالیٰ کے ملائکہ بھی… اور اللہ تعالیٰ کی کتاب بھی… صلوٰۃ، تعریف، سلام اور حمد کا سلسلہ… حضور اقدس صلی اللہ علیہ وسلم پر ہمیشہ جاری رہتا ہے… صلی اللہ علیہ وسلم، صلی اللہ علیہ وسلم… پس جو چاہتا ہے کہ اسے بھی ’’حسن‘‘ کے اس سمندر سے کچھ حصہ ملے وہ حضرت آقا محمدصلی اللہ علیہ وسلم کی تعریف کرے، آپ پرایمان لائے، آپ کی محبت دل میں بسائے ، آپ کی اطاعت کرے، آپ کے ساتھ اپنی سند جوڑے، آپ کے ساتھ اپنی نسبت مضبوط کرے… آپ پر کثرت سے درود و سلام بھیجے… آپ کی شان میں نعت کہے، نظمیں پڑھے ، اور آپ کے بتائے ہوئے راستے یعنی ’’سبیل اللہ‘‘ میں جان و مال پیش کرے… اپنا خون نچھاور کرے… صلی اللہ علیہ وسلم… (بدنصیب)کائنات کا بدنصیب ترین، بدبودار ترین، بدبخت ترین شخص مرزا غلام قادیانی… اور اس کوماننے والے… یہ سب محروم جمع محروم، ذلیل ترین… ہائے! کیسا در چھوڑ کر کتنے ناپاک گٹر میں جاگرے… (عشق کا ایک انداز)حضرت سیدنا علی رضی اللہ عنہ ہر سال قربانی کے موقع پر ایک شاندار مینڈھا حضرت آقا صلی اللہ علیہ وسلم کی طرف سے اللہ تعالیٰ کے لئے قربان کرتے تھے… کیا خیال ہے بھائیو!منحوس ٹچ موبائل بیچ کر اس سال عشق کا یہ جام بھی پی لیا جائے؟… جماعت کی نفل قربانی مہم آپ کے لئے یہ خدمت احسن انداز سے پیش کرسکتی ہے… 
والسلام
خادم
لا الٰہ الا اللہ محمد رسول اللہ
(عقیدۂ ختم نبوت، درود و سلام، عشق کا ایک انداز)
09.09.2016
مکتوب خادم
السلام علیکم ورحمۃ اللہ وبرکاتہ!
 اللہ اکبر کبیرا…(مقابلۂ حسن) رات سے ’’مقابلۂ حسن‘‘ جاری ہے اور آج بروز جمعہ مغرب تک جاری رہے گا… سبحان اللہ نعمتیں ہی نعمتیں… یااللہ شکر جمعہ شریف، عشرہ ذی الحجہ، روزہ، مقابلۂ حسن اور قربانی کی پرنور گہماگہمی… دیکھیں !اللہ تعالیٰ کو اس امت سے کتنا پیار ہے۔ اور آج رات سے تو حجاج کرام تلبیہ پکارتے ہوئے ’’منیٰ‘‘ کی جانب دوڑیں گے… کیا منظر ہوگا اور کیا شان؟ دل اچھل کر سینے سے باہر آتا ہے… لَبَٓیکَ اللٰٓہُمَٓ لَبَٓیکَ، لَبَٓیکَ اللٰٓہُمَٓ لَبَٓیکَ (بھولنے کی وجہ)کل کے مکتوب میں تمہید’’مقابلۂ حسن‘‘ کی باندھی مگر ذہن پر نفل قربانی کی مہم سوار تھی تو آخر میں ’’مقابلۂ حسن‘‘ کا تذکرہ بھول گیا… نفل قربانی مہم اچھی جارہی ہے… مگر تقاضے زیادہ اور آمد کم ہے… الحمدللہ شہداء کرام کے گھرانوں کی مکمل ہوئی… کئی مراکزو مدارس میں بھی دے دی گئی… مگر محاذوں پرزیادہ ضرورت ہے… اور دوردور جیلوں تک بھی اللہ تعالیٰ کی یہ دعوت پہنچنی ہے… کم از کم پندرہ سو قربانیاں اورآئیں تو کام بنے… کراچی والو!عزیمت اٹھاؤ، کرامت دکھاؤ… پندرہ سومیں سے سات سو تو اپنے ذمے لے لو… اور ہاں!شمالی پنجاب والوں کادل سے شکریہ، وہ اپنے سابقہ ہدف سے آگے نکل گئے۔(ایک عمل)آج جمعہ مبارک سے ان شاء اللہ ارادہ ہے کہ چاردن… روزانہ ان تمام مسلمانوں کے لئے تین سوبار استغفار کروں گا جنہوں نے جماعت میں نفل قربانی دی ہے اورجو دیں گے اور جنہوں نے یہ قربانی جمع کرنے کی محنت کی ہے… یااللہ! اس استغفار کی توفیق عطاء فرما اور اسے قبول فرما
والسلام
خادم
لا الٰہ الا اللہ محمد رسول اللہ
(مقابلۂ حسن، نفل قربانی مہم)

10.09.2016
(1)مکتوب خادم
السلام علیکم ورحمۃ اللہ وبرکاتہ!
 اللہ تعالیٰ ان تمام مسلمانوں کو’’حج مبرور‘‘ نصیب فرمائے جو اس سال حج بیت اللہ ادا کررہے ہیں۔(عجیب تبدیلی)حج کے پانچ دن اچھے گزر جائیں اور حج قبول ہوجائے تو زندگی ہی بدل جاتی ہے۔ ایک نئی، پاکیزہ اور معصوم زندگی کا آغاز ہوتا ہے… پچھلا سب معاف، آگے احتیاط(عجیب جنگ)شیطان کو یہ راز معلوم ہے اس لئے وہ کوشش کرتا ہے کہ یہی پانچ دن بگاڑ دے… سب سے زیادہ وہ غصہ بھڑکاتا ہے اور پھر شہوات اور غفلت کے تیر پھینکتا ہے… اللہ تعالیٰ نے ان دنوں اپنے بندوں کو ’’احرام‘‘ کی ڈھال پہنا دی کہ اس کو’’کفن‘‘ سمجھو، اپنے نفس کو مار دو۔ تب اس جنگ میں تم شیطان پر غالب رہو گے… غصہ حرام، شہوت حرام، لڑائی جھگڑا حرام اور سستی حرام… بس یہ ہے’’احرام‘‘… (عزم کی قوت) کعبہ تک پہنچنا مشکل، آٹھ تاریخ میں منیٰ تک جانا مشکل… اربوں انسان یہ تمنا دل میں لے کر مرگئے مگر نہ جاسکے… اے حجاج کرام! اللہ تعالیٰ نے آپ کو بلایا، آپ کو اپنا مہمان بنایا… اب یہ پانچ دن کا امتحان ہے، عزم باندھ لو تو ایسے کامیاب ہو جاؤ گے کہ پھر ناکامی نہ آئے گی… اس دھوکے میں نہ پڑو کہ اگلے سال تلافی کر لو گے… ابھی جو موقع ملا ہے اسی کو غنیمت جانو… مسلمان کے عزم کے سامنے شیطان کچھ بھی نہیں، کچھ بھی نہیں… (درخواست)بہت سے افراد جو سفر حج پر ہیں یہ مکتوب پڑھتے ہیں، انہی کے لئے آج یہ الفاظ لکھے ہیں ان سب سے بندہ غریب کے لئے دعاء کی درخواست ہے… 
والسلام
خادم
لا الٰہ الا اللہ محمد رسول اللہ
(’’حج‘‘… اور شیطان کی جنگ)


10.09.2016
(2)مکتوب خادم
السلام علیکم ورحمۃ اللہ وبرکاتہ!
 اللہ تعالیٰ امت مسلمہ کو فتوحات عطاء فرمائے۔ (دل بے قرار)کشمیر میں ہونے والے مسلسل مظالم سے روح زخمی اور دل بے قرار ہے۔ یااللہ! ہمت، توفیق اور راستہ عطاء فرما تاکہ حساب چکایا جائے، قرضہ اتارا جائےاور مغرور گردنوں کی فصل کاٹی جاسکے… تمہارے مذمتی بیانات، تمہارے وفود اور تمہارے دورے کشمیریوں کے قتل عام کو نہیں روک سکتے… کچھ تو غیرت کرو۔ (مقام شکر) قربانی مہم الحمدللہ گزشتہ سال کے ہدف کو عبور کرچکی، مگر الحمدللہ کام بڑھا ہے توتقاضے بھی زیادہ ہیں… آخری دن تک محنت جاری رکھیں۔ (بڑا کفارہ) نو ذی الحجہ کا روزہ بڑی نعمت اور بڑا کفارہ ہے۔ پچھلے سال کے گناہ بھی معاف اور اگلے سال کے بھی… کل حرمین شریفین میں نو ذی الحجہ ہے… جبکہ ہمارے ہاں پرسوں… اچھا ہے کل اورپرسوں کا روزہ ہوجائے… (استاذ کا احسان)ایک استاذ محترم نےبچپن میں دعاء یاد کرادی… اَللٰٓهُمَٓ اجْعَلْنِی صَغِيْراً فِی عَيْنِی وَكَبِيْراً فِی أَعْيُنِ النَٓاس… بعد میں دیکھا کہ احادیث مبارکہ میں یہی مفہوم کئی الفاظ کے ساتھ آیا ہے… یہ دعاء سب سے خطرناک روحانی بیماری ’’تکبر‘‘ کا علاج ہے… انسان جب خود کو کچھ سمجھنے لگتا ہے تواس کی بربادی شروع ہوجاتی ہے… تکبر، خودپسندی، اپنی نیکی، تقویٰ اورعقلمندی پرناز… خود کو خاص انسان سمجھنا… یہ سب نفس اور شیطان کے دھوکے ہیں… … اللہ تعالیٰ کے پردے انسان کے عیب چھپاتے ہیں تووہ اکڑنے لگتا ہے اور اپنے نفس کی بڑائی میںجا گرتا ہے… جو اس مرض میں مبتلا ہو وہ یہ دعاء کم ازکم سو بار روز پڑھے… فائدہ خود دیکھ لےگا، ان شاء اللہ
والسلام
خادم
لا الہ الا اللہ محمد رسول اللہ
(کشمیر میں ہونے والے مظالم کی مذمت، نو ذی الحجہ کا روزہ، ایک دعا)
12.09.2016
مکتوب خادم
السلام علیکم ورحمۃ اللہ وبرکاتہ!
 اَللہُ اَکْبَر کَبِیْرا… کل عرفات کے میدان میں نو ذی الحجہ تھی… رحمت اور مغفرت موسلا دھار برس رہی تھی… اور لاکھوں کروڑوں آنسو میدان عرفات کی ’’مٹی‘‘ میں جذب ہو رہے تھے… اور یوں اس سال کا ’’نائن الیون‘‘ امت مسلمہ کے لئے رحمت بنارہا… کیا خیال ہے اگر فقہ حنفی کے مطابق پوری امت مسلمہ کا ’’چاند‘‘ایک ہوجائےتوکتنا لطف آئے… خیر چھوڑیں!آج ہمارے ہاں یوم عرفہ ہے، روزہ داروں کو مبارک… کل عید الاضحی کا دن ہے آپ سب کو پیشگی عید مبارک… کئی افراد کے بارے میں علم ہوا کہ انہوں نے ٹچ موبائل بیچ کر قربانی کی۔ قربانی دی ان کے لئے بے ساختہ دعائیں دل سے نکلیں… جماعت میں نفل قربانیاں اور کھالیں دینے والوں کا تہہ دل سے شکریہ… اَللٰٓهُمَٓ اغْفِرْ لَهُمْ وَ ارْحَمْهُم… آج اپنی جماعت کے سات خوش نصیب شہداء کرام کے لئے ایصال ثواب کرنا ہے… ان کے اسماء گرامی یہ ہیں…( 1) منظوراحمد…( 2) غلام مصطفی(3) حديد خان… (4)کفایت اللہ…( 5) سفيان… ( 6)محمد…( 7)آ صف… ساتھی ہر جگہ ترتیب بنا لیں اور دل لگا کر یہ عمل کریں… شہداء کرام کا ہم پر بڑا حق ہے… اَللٰٓهُمَٓ اغْفِرْ لَهُمْ وَ ارْحَمْهُم وَ تَقَبَٓلَہُمْ شُہَدَاءً فِی سَبِیْلِک… عشرہ ذی الحجہ کی مناسبت سے شروع ہونے والے مکتوبات کاسلسلہ بھی آج مکمل ہوا… تمام حجاج کرام کو حج مبارک… عید کے موقع پر بندہ کو مبارکباد کے پیغام نہ بھیجیں… بس دعاء فرما دیں یہی مبارکبادہے… جَزَاکُمُ اللہُ خَیْراً
والسلام
خادم
لا الٰہ الا اللہ محمد رسول اللہ
(یوم عرفہ، ایصال ثواب برائے شہدائے کرام)


15.09.2016
مکتوب خادم
السلام علیکم ورحمۃ اللہ وبرکاتہ!
اللہ تعالیٰ قبول فرمائے… ’’چرم قربانی‘‘ مہم ماشاءاللہ بہت کامیاب رہی… اللہ تعالیٰ دینے والوں اور محنت سے جمع کرنے والوں کی مغفرت فرمائے… اَللٰٓهُمَٓ اغْفِرْ لَهُمْ وَ ارْحَمْهُم… کچھ ساتھی گرفتار بھی ہوئے… اللہ تعالیٰ انہیں باعزت و باعافیت رہائی عطاء فرمائے… الحمدللہ ’’جمعہ شریف‘‘ تشریف لے آئے ہیں… ایک عید ختم تو دوسری شروع… تکبیر مکمل تو درود شریف شروع… جمعہ کے دن عصر کے بعد جماعت کے اسیر رفقاء کی رہائی… اور ملک کے لئے اچھی حکومت کی خاص دعائیں مانگیں… مغرب سے مقابلۂ حسن مرحبا
والسلام
خادم
لا الٰہ الا اللہ محمد رسول اللہ
(مقابلۂ حسن)

17.09.2016
مکتوب خادم
السلام علیکم ورحمۃ اللہ وبرکاتہ!
 اللہ تعالیٰ نے زخموں، بیماریوں اور تکلیفوں سے چور اپنے اس بندے کو… جمعۃ المبارک کے دن اپنی ملاقات کا شرف بخشا… ابھی دن کے نو بجے ہمارے مجاہد ساتھی بھائی مقصود کی نماز جنازہ ’’شورکوٹ‘‘ میں ادا کی جائےگی… کم عمری میں انہوں نے جہاد کو پایا، جہاد کے زخم پائے، اس راستے کی معذوری جھیلی… اور اب کافی عرصہ سے کینسر کے مرض کا امتحان اٹھا رہے تھے… ان کے رشتے کے لئے شرط تھی کہ نکاح ’’بندہ‘‘ پڑھائے… میں سفر کر کے ’’شورکوٹ‘‘ گیا اور ان کا نکاح پڑھایا… اسوقت وہ ٹانگوں سے معذور تھے مگر باقی صحت مند تھے… ابھی چند سالوں سے انہوں نے اس دنیا کی ہر تکلیف کو بھگتا ڈالا… ہاں! دنیا کی تکلیفیں ایمان والوں کے لئے آخرت کے تمغے ہیں… انکی وفات میں شہادت کا پورا رنگ نظر آرہا ہے… ان کے جانے کا دکھ ہے مگر ان کے راحت پانے، جمعہ کے دن ملاقات پانے اور پیٹ کی شہادت والی موت پانے پر اللہ تعالیٰ کا شکر ہے…  ان کے جملہ اہل خانہ سے قلبی تعزیت ہے… اہل جماعت سے بھی تعزیت ہے، کیونکہ یہ مظلوم، معذور، زخمی، بیمار اور کمزور افراد جماعت کی طاقت اور جماعت کی برکت ہوتے ہیں… جو نماز جنازہ پا سکے وہ محروم نہ رہے اور جو دور ہو وہ ایصال ثواب میں کمی نہ کرے… إِنَٓالِلٰٓهِ وَإِنَٓاإِلَیْہِ رَاجِعُون… اَللٰٓہُمَٓ اغْفِرْلَه وَ ارْحَمْهُ
والسلام
خادم
لا الٰہ الا اللہ محمد رسول اللہ
(بھائی مقصودؒ کے انتقال پر تعزیت)

22.09.2016
مکتوب خادم
السلام علیکم ورحمۃ اللہ وبرکاتہ!
اَللہُ اَحَد… اَللهُ الصَٓمَد… الله تعالیٰ ایک ہے… اللہ تعالیٰ ’’صمد‘‘ ہے… ’’صمد‘‘ کا ترجمہ کرنے کے لئے’’اردو‘‘ کی گود میں کوئی جامع لفظ نہیں… ’’صمد‘‘ وہ ذات جس کی ہر کسی کو ضرورت… اور اسے کسی کی کوئی ضرورت نہیں… وہ بے نیاز جس کا ہر کوئی اپنی ہر ضرورت میں محتاج… اَلٰٓلهُ الصَٓمَد، اَلٰٓلهُ الصَٓمَد، تازہ رنگ و نور، الحمدللہ انڈیا پہنچ گیا ہے… مسلمان خوشیاں منا رہے ہیں… الحمدللہ ان کا حوصلہ بڑھا، مگر وہاں کے حکمران اور ٹی وی چینل سخت پریشان، بے چین اور شرمندہ ہیں…تھوڑا تھوڑا کاٹ کاٹ کر سنا رہے ہیں اور غم سے ابھرنے کی کوشش کررہے ہیں… ہمارے آقا صلی اللہ علیہ وسلم نے حکم فرمایا کہ… مشرکین کے خلاف جان، مال اور زبان سے ’’جہاد‘‘ کرو… زبان سے جہاد کا مطلب محدثین نے یہ لکھا ہے کہ… مشرکین کو وہ سناؤ جسے سن کر ان کو سخت تکلیف ہو، ذلت کا احساس ہو… وغیرہ… الحمدللہ گزشتہ جمعۃ المبارک آپ کی دعائیں رنگ لائیں… اس ہفتے ہمارے کئی رفقاء بری ہو گئے… کل بھی جمعہ شریف ہے… عصر کے بعد باقی اسیر رفقاء کے لئے بھی جھولی پھیلا دیں… ہمارے کراچی اور میری دہلی کالونی کے کئی رفقاء… بے قصور گرفتار ہیں… ان کی عزیمت اور قربانی کو سلام… بھائیو! زندگی کے یہ دن ہمیشہ آپ کے لئے نور بن کر آپ کے ساتھ چلیں گے… مغرب سے جمعہ شریف اور مقابلۂ حسن خوش آمدید
والسلام
خادم
لا الٰہ الا اللہ محمد رسول اللہ
(اللہ الصمد، اسیران کے لئے دعا، مقابلۂ حسن)

29.09.2016
مکتوب خادم
السلام علیکم ورحمۃ اللہ وبرکاتہ!
 اللہ تعالیٰ مجھے اور آپ سب کو دنیا و آخرت کی خوشخبریاں عطاء فرمائے… (بڑی خوشخبری)لاہور میں قید ہمارے پیارے، مخلص اور جانباز رفقاء ’’الحمدللہ‘‘ رہا ہوگئے ہیں… وہ آج ’’مرکز شریف‘‘ جارہے ہیں، ماشاءاللہ کیسا خوشی کا منظر ہوگا۔ (عظیم خوشخبری)مسلمانوں کے قاتل ’’مودی‘‘ کی ایک تقریر سنی… اسکی بے بسی، پریشانی ، ذلت اور رسوائی اس تقریر میں ٹپک رہی ہے۔ یہ تقریرسن کر جہاد کے ساتھ محبت میں اضافہ ہوا… قرآن مجید کے الفاظ’’وَہُمْ صَاغِرُوْن‘‘ کا ’’وجد‘‘دل پر رقص کرنے لگا۔ اے شہداء اسلام آپ کاشکریہ… (انمول خوشخبری) گزشتہ سال ’’ڈائری‘‘ نہ آسکی، اہل محبت کو تکلیف ہوئی… معذرت… الحمدللہ اس سال کی ’’ڈائری‘‘ تیار ہے۔ نام ہے ’’الیٰ مغفرۃ ڈائری‘‘… امید ہے کہ چند دنوں تک آپ کے ہاتھ میں ہوگی، ان شاء اللہ۔ (میٹھی خوشخبری)کسی مسلمان کے گھر میں’’بیٹی‘‘ کی ولادت بڑی میٹھی خوشخبری ہوتی ہے… ایک بیٹی کی برکت سے اللہ تعالیٰ اس کے والدین کو وہ نعمتیں عطاء فرماتے ہیں جو ایک سو بیٹوں کے ذریعے سے بھی حاصل نہیں کی جاسکتیں…  آج ہی ایک دوست نے اطلاع دی کہ… ان کے گھر بیٹی کی ولادت ہوئی ہے… ان کو بھی مبارک اور سب بیٹیوں کے والدین کو مبارک… اپنی بیٹیوں کی قدر کریں، ان کو خوش رکھیں، ان کو ہر گز نہ ماریں، ان کی تربیت کریں، ان کی خدمت کریں… آخر میں یہ خوشخبری کہ شام سے جمعہ شریف، مقابلۂ حسن کے ساتھ تشریف لارہے ہیں
والسلام
خادم
لا الٰہ الا اللہ محمد رسول اللہ
(خوشخبریاں، بیٹی کی قدر کریں،مقابلۂ حسن)
02.10.2016
مکتوب خادم
السلام علیکم ورحمۃ اللہ وبرکاتہ!
اَللٰٓهُ اَکْبَر، اَللٰٓهُ اَکْبَر… اَللٰٓهُمَٓ اَهِلَٓهٗ عَلَيْنَا بِالْيُمْنِ وَالْإِيْمَانِ وَ السَٓلَامَةِ وَالْاِسْلَاْمِ وَ التَٓوْفِيْقِ لِمَا تُحِبُٓ وَ تَرْضٰی… اَللٰٓهُمَٓ اِنَٓا نَسْئَلُکَ خَيْرَ هٰذَا الشَٓهْرِ وَفَتْحَهٗ وَ نَصْرَهٗ وَ نُوْرَهٗ وَ بَرْكَتَهٗ وَ هُدَاْهُ وَ نَعُوْذُ بِكَ مِنْ شَرِٓ مَافِيْهِ وَ شَرِٓ مَابَعْدَهٗ… (مرحبا)محرم الحرام کا چاند نظر آگیا ہے… نیا مہینہ، نیا سال… یکم محرم 1438ھ… مسنون دعائیں اور چاند رات کے مجرب اعمال یاد رہیں… 
والسلام
خادم
لا الٰہ الا اللہ محمد رسول اللہ
(استقبال ماہِ جدید و سال جدید)


06.10.2016
مکتوب خادم
السلام علیکم ورحمۃ اللہ وبرکاتہ!
اللہ تعالیٰ ’’شرک‘‘ سے اور تمام کبیرہ، صغیرہ گناہوں سے ہماری حفاظت فرمائے۔ (خطرناک ترین)سب سے خطرناک چیز ’’شرک‘‘ ہے اور شرک کی ابتداء ہوتی ہے ’’ریاکاری‘‘ سے اور شرک انسان کے اندر آتا ہے خودغرضی اور مفاد پرستی سے… میری ہر حاجت پوری ہو، ہر خواہش پوری ہو، ہر کوئی میرے قبضے میں ہو… استغفر اللہ، استغفر اللہ… (اہم دعاء)ریاکاری اور شرک سے حفاظت کی دعاء صبح شام تین بار کبھی نہ بھولیں… اَللٰٓهُمَٓ اِنِٓی اَعُوْذُبِكَ مِنْ اَنْ  اُشْرِکَ بِکَ شَیئاً وَٓ اَنَا اَعْلَمُ بِه وَ اَسْتَغْفِرُکَ لِمَا لَا اَعْلَمُ بِهٖ… یہ دعاء ترجمہ سمجھ کر مانگا کریں۔ (ایک محرومی)قرآن مجید بڑی نعمت ہے، ایسی نعمت کہ جس کا کوئی نعم البدل نہیں… مگر قرآن مجید یاد کرکے بھول جانا محرومی ہے اور گناہ ہے… کوئی پوری دنیا کا بادشاہ ہو… پھر اس سے سب کچھ چھن جائے اور وہ بھیک مانگنے پر مجبور ہو تو… کتنی بڑی محرومی ہوگی؟… قرآن مجید بھول جانا اس سے بھی زیادہ بڑی اور سخت محرومی ہے۔ (دعوت)تین ماہ میں اپنے حفظ کو واپس حاصل کرنے کی ترتیب لیکر مدرسہ سیدنا اویس قرنیؒ قائم ہوا… سینکڑوں افراد مستفید ہوئے… اب یہ مدرسہ ’’جامع مسجد عثمانؓ و علیؓ میں آگیا ہے… تمام بھولے ہوئے حفاظ کو قلبی دعوت ہے کہ جلد تشریف لائیں… آج مغرب سے جمعہ شریف اور مقابلۂ حسن مرحبا!…
والسلام
خادم
لا الٰہ الا اللہ محمد رسول اللہ
(شرک اور ریا کاری سے حفاظت کی دعا)



07.10.2016
مکتوب خادم
السلام علیکم ورحمۃ اللہ وبرکاتہ!
 اَللٰٓهُ الْبَاقِی… جماعت کے مخلص بزرگ محترم حافظ طاہر صاحب کی اہلیہ… انتقال فرما گئی ہیں… وہ جماعت کے کئی ذمہ دار احباب کی مادر نسبتی اور صالحہ خاتون اور جماعت کے لشکر دعاء کی رکن تھیں… کل بروز ہفتہ دس بجے ان کی نماز جنازہ ہے… قریب والے شرکت کریں اور دور والے خوب ایصال ثواب کریں
والسلام
خادم
لا الٰہ الا اللہ محمد رسول اللہ
(حافظ طاہر صاحب کی اہلیہ کا انتقال)


08.10.2016
مکتوب خادم
السلام علیکم ورحمۃ اللہ وبرکاتہ!
 اللہ تعالیٰ نے ’’والدین‘‘ کو ایمان والوں کے لئے عظیم نعمت بنایا ہے… والدین کے بعض حقوق ان کی زندگی میں ہیں اور بعض ان کی وفات کے بعد… جس کی قسمت اچھی ہو وہ دونوں طرح کے حقوق ادا کرکے بڑی سعادت کماتا ہے… خوش نصیب ہیں وہ والدین جو اپنی اولاد کو دین اور جہاد پر لگاتے ہیں اور اپنی آخرت جگمگاتے ہیں… ایسے ہی ایک خوش نصیب والد آج انتقال فرما گئے… ہمارے عزیز ساتھی اور صوبائی منتظم بھائی زبیر فاروقی کے والد محترم… قریب والے نماز جنازہ کی سعادت پائیں ، دور والے ایصال ثواب کا حق ادا کریں… جنازہ نماز عشاء کے بعد مکی مسجد، مظہر فرید کالونی، صادق آباد میں ہوگا… 
والسلام
خادم
لا الٰہ الا اللہ محمد رسول اللہ
(استاد زبیر فاروقی صاحب کے والد محترم کا انتقال)
10.10.2016
مکتوب خادم
السلام علیکم ورحمۃ اللہ وبرکاتہ!
 اللہ تعالیٰ ہم سب کو ’’محرم الحرام‘‘ اور ’’آيۃ الکرسی‘‘ کی برکات نصیب فرمائیں… عاشوراء یعنی دس محرم کا روزہ نفل روزوں میں بڑی شان رکھتا ہے… آج کا مکتوب صرف یاددہانی کے لئے ہے کہ کل ’’نو محرم‘‘ ہے۔ کیا خیال ہے کل اور پرسوں کا روزہ حاصل کرلیا جائےاور اپنی زندگی کو قیمتی بنایا جائے!؟
والسلام
خادم
لا الٰہ الا اللہ محمد رسول اللہ
(عاشوراء کا روزہ)

13.10.2016
مکتوب خادم
السلام علیکم ورحمۃ اللہ وبرکاتہ!
اللہ تعالیٰ کبھی تو پاکستان میں کوئی اچھی حکومت لائیں گے… باضمیر، باکردار اور غیرتمند اسلامی حکومت… ابھی تک تو ہمارے اعمال کی شامت اپنا کام دکھا رہی ہے… ایک لبرل حیوان جاتا ہے تو دوسرا اس سے باون گز بڑا درندہ آجاتا ہے… جہاد کا دشمن، مساجد و مدارس کا دشمن،اپنی عوام کا قاتل… اپنے ملکی اداروں کا دشمن اور غیروں کا غلام… قرآن مجید کی دعوت کے خلاف آپریشن، آپریشن، آپریشن… سچی بات ہے دل تنگ آگیا ہے… بھائیو! اور بہنو! محرم کا مہینہ ہے… اس مہینے میں فرعون غرق ہوا… یہ مہینہ تمام مہینوں کا سردار… آج مغرب سے جمعہ شریف آرہے ہیں وہ تمام دنوں کے سردار… جمعہ کے دن عصر کے بعد کا وقت… او رتمام قرآنی آیات کی سردار آیۃ الکرسی… ایسا کریں کہ کل جمعہ کے دن عصر کے بعد اپنی جگہ جم کر بیٹھیں اور اپنے قادر و مقتدر رب سے اس ملک کے لئے… خیر کا فیصلہ منوا لیں… اسی بار درود شریف کے بعد آیۃ الکرسی پڑھنا شروع کریں… پڑھتے جائیں، پڑھتے جائیں جب غروب میں دس پندرہ منٹ رہ جائیں تو سر ننگے کرکے، عاجزی دل میں بھر کر… اپنے گناہ یاد کرکے آنسو چھوڑ دیں… معافی مانگ کر دعاء میں ایسے گم ہوں کہ کچھ اور خبر نہ رہے… اللہ تعالیٰ کے اولیاء کو فورتھ شیڈول اور جیلوں میں بند کرنے والے… اور ظالموں، راشیوں کو کھلی چھوٹ دینے والے حکمرانوں کے خلاف مقدمہ دائر کریں اور اَحْكَمُ الْحَاكِمِيْن سے فیصلہ کروا لیں… مقابلۂ حسن بھی یاد رہے
والسلام
خادم
لا الٰہ الا اللہ محمد رسول اللہ
(’’آیۃ الکرسی‘‘ کا عمل، مقابلۂ حسن)

16.10.2016
مکتوب خادم
السلام علیکم ورحمۃ اللہ وبرکاتہ!
اللہ تعالیٰ کے سوا کوئی اس لائق اور قابل ہی نہیں کہ… اس کی عبادت کی جائے… اس کے آگے جھکا جائے… عبادت کے لائق صرف اللہ، صرف اللہ، صرف اللہ… اَللہُ لَا اِلٰہَ اِلَٓا ہُوَ الْحَیُٓ الْقَیُٓوْم… اللہ تعالیٰ ’’حَيٌٓ‘‘ ہے زندہ، ہمیشہ زندہ، موت سے پاک… زندگی دینے والا، زندگی لینے والا… جسے چاہے زندہ کرے، جسے چاہے مار دے… قرآن مجید نے عجیب منظر کھینچا ہے… اے محبوب! وہ سازش کررہے تھے کہ آپ کو پکڑ لیں یا مار ڈالیں یا نکال دیں… وہ سازش کررہے تھے اور اللہ تعالیٰ آپ کو بچانے، اٹھانے، بڑھانے، غالب فرمانے کی تدبیر کررہا تھا… اور اللہ تعالیٰ کی تدبیر غالب رہی… وہ جنہوں نے آپ کو قتل کرنے کا فیصلہ کیا… وہ خود کچھ عرصہ بعد مقتول ہوگئے… وہ جو آپ کو مغلوب کرنا چاہتے تھےخود مغلوب ہوگئے… وَاللهُ خَيْرُ الْمَاكِرِيْن… سبحان الله!… کیسے آپ کو ایک سو مسلح افراد کے درمیان میں سے نکالا… آپ کے صدیق کو آپ تک پہنچایا… دونوں کو ایک غار میں جا بٹھایا… غار تک پہنچنے والے دشمنوں کو اندھا فرمایا… آپ کو مدینہ جا بسایا پھر مکہ کے کفر کو مدینہ کے پاس پہنچا کر بدر میں دھلوایا… پھر مدینہ کو مکہ پہنچایا اور مکہ کو پاک فرمایا… وہی ’’اللہ ‘‘ ہے، وہی ’’حَيٌٓ‘‘ ہے، وہی ’’قَیُٓوْم‘‘ ہے… وہی ’’اَلْعَلِیُٓ‘‘ ہے، وہی ’’اَلْعَظِیْم‘‘ ہے… اللہ، اللہ، اللہ… بھائیو! آيۃ الکرسی کو سمجھو
والسلام
خادم
لا الٰہ الا اللہ محمد رسول اللہ
(اللہ تعالیٰ ’’حَيٌٓ قَیُٓوْم‘‘ اور ’’خَيْرُ الْمَاكِرِيْن‘‘ ہیں)

20.10.2016
مکتوب خادم
السلام علیکم ورحمۃ اللہ وبرکاتہ!
 اللہ تعالیٰ وہ ہے جس کے سوا کوئی عبادت کے لائق نہیں… وہ ہمیشہ زندہ ہے، ہر چیز کو تھامنے والا… وہ نیند سے پاک ہے اور اونگھ سے بھی… آسمانوں اور زمین کی ہر چیز کا اصل مالک وہی ہے… کسی میں یہ مجال نہیں کہ اس کی اجازت کے بغیر اس کے سامنے کسی کی سفارش کرسکے… وہ تمام مخلوق کے گزشتہ حالات بھی جانتا ہے اور آئندہ آنے والے حالات بھی… کسی کو بھی اس کے علم اور معلومات تک رسائی نہیں مگر جتنی وہ خود کسی کو عطاء فرما دے… اسکی کرسی تمام آسمانوں اور زمین پر حاوی ہے…  آسمان و زمین کو سنبھالنا اور چلانا اس کے لئے کچھ دشوار نہیں… وہ سب سے بلند اور عظیم تر ہے… سبحان اللہ!آيۃالکرسی توحید کا جام… صفات الٰہیہ کی حسین کہکشاں… ہر گمراہی کا توڑ …  شیطان اور شیطانیت کی شکست… علم کا چشمہ ، حفاظت کا حصار… اور محبت کی مستی… ایک آیت میں اللہ تعالیٰ کے پانچ نام، سات بنیادی صفات، سترہ بار ذکر اللہ… سات مضامین… پچاس کلمے، ایک سو ستر حروف… دنیا کے ہر گمراہ فرقے کا توڑ… شیطان کے ہر جادو اور وسوسے کا جواب… سبحان اللہ!کیسی خوش نصیب ہے وہ امت ، وہ قوم جس کو’’آيۃ الکرسی‘‘ حاصل ہے… سونے چاندی کی کرسیاں، چار آٹھ سال کی عارضی کرسیاں… آیۃ الکرسی کے سامنے کیا چیز ہیں؟… مسلمانو! مبارک ہو، مبارک، اپنی قسمت پر اللہ تعالیٰ کا شکر ادا کرو… آج مغرب سے جمعہ شریف اور مقابلۂ حسن مبارک… 
والسلام
خادم
لا الٰہ الا اللہ محمد رسول اللہ
(’’آیۃ الکرسی‘‘ کا ترجمہ اور فضائل، مقابلۂ حسن)

21.10.2016
مکتوب خادم
السلام علیکم ورحمۃ اللہ وبرکاتہ!
 اَللہُ الْبَاقِی… آج جمعہ کے دن ’’سرحدی عقاب‘‘ جنت کی طرف اڑ گیا… چار سال تک مقبوضہ کشمیر میں مشرکین سے مردانہ وار لڑنے والا… اور اب کئی سال سے کینسر کی آزمائش جھیلنے والا جانباز مجاہد ’’سرحدی عقاب‘‘ آج انتقال فرما گیا… قریب والے نماز جنازہ کی سعادت پائیں اور دور والے دعاء مغفرت و ایصال ثواب کی… مرحوم کے اہل خانہ سے قلبی تعزیت ہے
والسلام
خادم
لا الٰہ الا اللہ محمد رسول اللہ
(’’سرحدی عقاب‘‘ کے انتقال پر تعزیت)

27.10.2016
مکتوب خادم
السلام علیکم ورحمۃ اللہ وبرکاتہ!
 اللہ تعالیٰ ہمارے قلوب کو قرآن مجید کے نور سے منور فرمائیں… مغرب سے اس محرم کے آخری جمعہ شریف تشریف لاتے ہیں۔ ’’مقابلۂ حسن‘‘ اور جمعہ عصر کے بعد ’’آیۃ الکرسی‘‘ کا عمل یاد رہے، ظالم حکومت لڑکھڑائی تو ہے… کل مکتوب میں آیۃ الکرسی کا ایک خاص ترجمہ پیش کیا جائےگا، جس سے آپ کے لئے اس عظیم آیت کو سمجھنا اور آسان ہوجائےگا، ان شاء اللہ
والسلام
خادم
لا الٰہ الا اللہ محمد رسول اللہ
(مقابلۂ حسن اور عمل آیۃ الکرسی)

28.10.2016
مکتوب خادم
السلام علیکم ورحمۃ اللہ وبرکاتہ!
اللہ تعالیٰ ہم سب کو قرآن مجید کی سمجھ عطاء فرمائے… قرآن مجید کا ایک اردو ترجمہ سب سے ’’منفرد‘‘ ہے، اس ترجمے کا کمال یہ ہےکہ یہ ’’تحت اللفظ‘‘ ہے۔ یعنی جس ترتیب سے قرآن مجید کے عربی الفاظ آئے ہیں یہ ترجمہ اسی ترتیب کے مطابق چلتا ہے… مثلا قرآن پاک کا پہلا جملہ ہے ’’الحمدللہ‘‘ اس میں چار ’’الفاظ‘‘ ہیں…( 1)ال…(۲)حمد…( 3)ل…( 4)اللہ… اب ’’تحت اللفظ‘‘ ترجمہ بھی اسی ترتیب سے چلے گا… پہلے’’ال‘‘ کا پھر’’حمد‘‘کا… سب تعریف واسطے اللہ کے… یہ ترجمہ حضرت شاہ رفیع الدین دہلویؒ کا ہے… آج ہم اسی سے آیت الکرسی کا ترجمہ پیش کررہے ہیں… آپ اوپر آیت الکرسی کے عربی الفاظ لکھ لیں پھر نیچے ترتیب سے یہ ترجمہ لکھتے جائیں تو آپ کو ہر لفظ کا ترجمہ معلوم ہوجائےگا
 ’’اللہ، نہیں کوئی معبود مگر وہ، زندہ ہے ہمیشہ قائم رہنے والا، نہیں پکڑتی اس کواونگھ اور نہ نیند، واسطے اسی کے ہے جو کچھ بیچ آسمانوں اور جو کچھ بیچ زمین کے ہے… کون ہے وہ جو سفارش کرے نزدیک اس کے، مگر ساتھ حکم اس کے کے… جانتا ہے جو کچھ آگے ان کے ہے اور جو کچھ پیچھے ان کے ہے، اور نہیں گھیرتے ساتھ کسی چیز کے علم اس سے، مگر ساتھ اس چیز کے کہ چاہے، سما لیا ہے کرسی اس کی نے آسمانوں کو اور زمین کو اور نہیں تھکاتی اس کو نگہبانی ان دونوں کی اور وہ ہے بلند مرتبہ ، بڑا…‘‘
والسلام
خادم
لا الٰہ الا اللہ محمد رسول اللہ
(’’آیۃ الکرسی‘‘ کا ایک خاص ترجمہ)

01.11.2016
(1)مکتوب خادم
السلام علیکم ورحمۃ اللہ وبرکاتہ!
 اَللہُ لَا اِلٰہَ اِلَٓا ہُوَ الْحَیُٓ الْقَیُٓوْم… سبحان الله! آيۃ الکرسی… دین دشمن حکومت میں شگاف پڑا ہے… ایک ستون گر گیا… وزیر اطلاعات و نشریات ذلیل ہوکر نکالے گئے… یہ صاحب ملحدانہ نظریات، موذیانہ زبان اور مودیانہ افکار کے حامل تھے… وزیر اعظم کے ہم پیالہ، ہم نوالہ، ہمراز، ہمزاد اور خاص الخاص درباری… مودی کو خوش کرنے کے لئے مجاہدین کے خلاف گڑھا کھود رہے تھے کہ خود اس میں جا گرے… اب اگر دو نومبر کا دھرنا کامیاب ہوگیا تو بہت ممکن ہے کہ… حالات میں بہتری آئے… یہ دھرنا کسی ایک پارٹی کا نہیں ملک کے اسی فیصد عوام کا حمایت یافتہ ہے… کیونکہ ہر مسلمان اس حکومت سے تنگ اور نالاں ہے… عوام کے اسی غیظ و غضب کو دیکھتے ہوئے حکومت کپکپا رہی ہے… اور دھرنا روکنے کے لئے پوری طاقت جھونک رہی ہے… انڈیا ہماری سرحدوں پر اور مقبوضہ کشمیر میں مسلسل دہشت گردی کررہا ہے… ہر دن مسلمانوں کے سرخ جنازے اٹھ رہے ہیں… مگر ہماری سیاسی حکومت انڈیا کے خلاف کوئی قدم نہیں اٹھا رہی… الٹا وہ انڈیا کے اس دباؤ کو استعمال کرکے پاکستان کو مزید کمزور کررہی ہے… شاید بہت گہری ملی بھگت ہے… حَسْبُنَا اللہُ وَ نِعْمَ الْوَکِیْل…حَسْبُنَا اللہُ وَ نِعْمَ الْوَکِیْل… 
والسلام
خادم
لا الٰہ الا اللہ محمد رسول اللہ
(انڈیا کے مظالم اور حکومت کی مجرمانہ غفلت)
01.11.2016
(2)مکتوب خادم
السلام علیکم ورحمۃ اللہ وبرکاتہ!
 اللہ تعالیٰ دن رات کو پھیرنے والے ہیں۔ ابھی مغرب سے نیا اسلامی ہجری مہینہ شروع ہوچکا… نام مبارک ہے… صفر الخیر… مسنون اعمال اور معمولات کی یاددہانی ہے
والسلام
خادم
لا الٰہ الا اللہ محمد رسول اللہ
(استقبال ماہ جدید)


02.11.2016
مکتوب خادم
السلام علیکم ورحمۃ اللہ وبرکاتہ!
 اللہ تعالیٰ ہی سے امید… اللہ تعالیٰ ہی کا خوف… وہی ہمارا ’’مولیٰ‘‘ وہی ’’ناصر‘‘ وہی ’’کارساز‘‘… وہی ’’تخت‘‘ کو ’’تختہ‘‘ اور تختے کو ’’تخت‘‘ بنانے والا… وہی رات کو دن اور دن کو رات سے بدلنے والا… کل کے مکتوب سے بعض افراد نے تاثر لیا کہ… کسی ’’سیاسی پارٹی‘‘ کی حمایت کی جارہی ہے… حَاشَا وَ کَلَٓا… ہر گز نہیں، ہر گز نہیں… کہاں جہاد کا پاکیزہ چشمہ اور کہاں جمہوری سیاست کی دلدل؟… ہاں! عوام کے موجودہ حکومت کے خلاف غیظ و جذبے… اور نفرت کا تذکرہ تھا… اسی لئے دھرنے والی پارٹی کے نظریاتی مخالف بھی… دھرنے کی تائید کررہے تھے… جس طرح قادیانیوں کے خلاف قانون سازی پر سب نے پیپلزپارٹی کی تائید کی تھی… یہ تائید ایک فیصلے کی تھی پارٹی کی نہیں… ہم نہ دھرنے میں شریک تھے اور نہ ہم نے اس کی دعوت چلائی… اگر ہم دعوت چلاتے تو رنگ ہی کچھ اور ہوتا… اب ’’دھرنا‘‘ نہیں ہورہا… ناچ گانوں سے اپنے جلسوں کو سجانے والے عزم و ہمت سے محروم ہوتے ہیں… ہمیں کوئی افسوس نہیں… امید صرف اللہ تعالیٰ سے… نہ کسی پارٹی سے، نہ کسی ادارے سے… اور نہ کسی دھرنے سے…  خوف صرف اللہ تعالیٰ کا… نہ کسی حکومت کا… نہ کسی طاقت کا… اور نہ کسی شکست و ہزیمت کا… اسلام اور جہاد میں… صرف کامیابی ہے… دو رنگوں والی… اس میں شکست کا نام و نشان تک نہیں… حَسْبُنَا اللہُ
والسلام
خادم
لا الٰہ الا اللہ محمد رسول اللہ
(ایک غلط فہمی کا ازالہ… اسلام اور جہاد میں صرف اور صرف کامیابی)
03.11.2016
مکتوب خادم
السلام علیکم ورحمۃ اللہ وبرکاتہ!
 اللہ تعالیٰ ہماری ’’زندگیوں‘‘ کو ’’بامقصد‘‘ اور قیمتی بنائے… ہم میں سے بہت کم افراد اپنی ’’موت‘‘ کا سوچتے ہیں… اکثر دوسروں کے مرنے کے انتظار میں رہتے ہیں… فلاں مر جائےتو مجھے یہ سہولت ہوجائےگی… فلاں مر جائےتو میری ترقی ہوجائےگی اور فلاں مر جائے تو مجھے آزادی مل جائے گی… حالانکہ کئی لوگ ہماری زندگی میں ہمارے لئے نعمت ہوتے ہیں… اور ان کی برکت سے ہمیں بہت کچھ مل رہا ہوتا ہے… اکثر ایسے ہی لوگوں کے بارے میں شیطان ہمیں اکساتا ہے کہ اگر یہ مر جائیں تو بہت آسانی اور ترقی ملے گی… اور پھر جب وہ مر جاتے ہیں تو ہماری زندگی تاریک ہوجاتی ہے… موت کی تمنا صرف دشمنان اسلام اور دشمنان امت کے لئے کرنی چاہئے… کسی مسلمان کے لئے نہیں… اور دوسروں کی جگہ اپنی موت کا زیادہ سوچنا چاہئےکہ ہم نے جلد مر جانا ہے اور اللہ تعالیٰ کے حضور پیش ہونا ہے… ہمارے تمام اعمال کی میموری، سی ڈی اور دستاویز تیار ہورہی ہیں… ابھی جب تک سانس ہے سچے استغفار اور سچی توبہ کے ذریعہ… اعمال نامے کو درست کیا جاسکتا ہے… بھائیو!آخرت کی اصل زندگی کے لئے’’درود شریف‘‘ بڑی نعمت ہے ، بڑی نعمت… مغرب سے جمعہ شریف اور مقابلۂ حسن… اور جمعہ عصر تا مغرب ’’آيۃ الکرسی‘‘ کا عمل یاد رہے ، ساتھ رہے
والسلام
خادم
لا الٰہ الا اللہ محمد رسول اللہ
(’’اپنی موت‘‘ کو یاد کیجئے!… مقابلۂ حسن و عمل آیۃ الکرسی)

06.11.2016
مکتوب خادم
السلام علیکم ورحمۃ اللہ وبرکاتہ!
 اللہ تعالیٰ ہی کی طرف ہم سب نے لوٹنا ہے… بھائیو! اور بہنو! موت سر پر آپہنچی… اخبارات اٹھا کر دیکھو ہر طرف موت، موت اور موت… ہم کب تک بچتے رہیں گے؟ جلدی آگے کی تیاری باندھ لو… کلمہ طیبہ پکا کر لو، دل میں اتارو، اس کا ذخیرہ جمع کرلو… نماز زندگی کا سب سے اہم اور ضروری کام… پوری نماز، پکی نماز، مکمل نماز… ہر کام آگے پیچھے مگر نماز وقت پر… قضاء نمازیں ادا… اور جہاد فی سبیل اللہ میں بھرپور محنت… یہ محنت اصل زندگی میں کام آئے گی… ہم اپنا وقت ضائع نہ کریں… شادیوں میں، وفاتوں پر،  سوشل میڈیا پر… اور گھریلو رسومات میں… جب اس دنیا میں رہنا ہی نہیں تو پھر کیسی رسومات اور کیسے منصوبے؟… آہ مسلمانو! بازار بھرتے جارہے ہیں اور مساجد خالی خالی… اور دین کا کام کرنے والے گھریلو مسائل میں دھنستے جارہے ہیں… کہاں گئی ہجرت والی زندگی؟ کہاں گئی مکہ اور مدینہ والی زندگی؟… مسلمان عمر بڑھنے کے ساتھ ایمان اور نیکی میں مضبوط ہوتا تھا۔ مگر اب… بال سفید ہوتے ہی ایمان کمزور، عزم کمزور، عبادت کمزور، معمولات کمزور… بس صرف دنیا کی فکر… علاج اور دوائی کی فکر اور زیادہ جینے کی فکر… اے جماعت کے دیوانو! غیبت حرام ہے حرام، زنا کی طرح حرام بلکہ اس سے بھی بدتر… زبان پر غیبت چلتی ہے تو یہ زبان مؤثر دعوت نہیں دے سکتی… غیبت سے توبہ، حب دنیا سے توبہ، وقت ضائع کرنے سے توبہ… بس کلمہ، نماز اور جہاد… دین کی خدمت اور آخرت کی تیاری
والسلام
خادم
لا الٰہ الا اللہ محمد رسول اللہ
(آخرت کی تیاری)

10.11.2016
مکتوب خادم
السلام علیکم ورحمۃ اللہ وبرکاتہ!
 اَللٰٓهُمَٓ ارْحَمْ اُمَٓةَ مُحَمَٓدٍ صَلَٓی اللہُ عَلَیہِ وَسَلَٓمَ… اَللٰٓهُمَٓ اَصْلِحْ اُمَٓةَ مُحَمَٓدٍ صَلَٓی اللُہ عَلَیہِ وَسَلَٓمَ… اَللٰٓهُمَٓ فَرِٓجْ عَنْ اُمَٓةِ مُحَمَٓدٍ صَلَٓی اللہُ عَلَیہِ وَسَلَٓمَ… دیکھیں! ابامہ آٹھ سال ’’بااختیار‘‘ رہا، اب بیس جنوری کو ماضی کا حصہ بن جائے گا… بے اختیار، بے اقتدار، بدنام، دشنام، یہ ہے دنیا کی ظاہری عزت… ’’عشرت العباد‘‘ چودہ سال تک سندھ کا ’’دادا‘‘ رہا، آج بے بس، خوفزدہ… یہ ہے دنیا کے عہدے کی بے وفائی… اچھا ہوگیا کہ ’’ہیلری‘‘ نہیں آئی… وہ ڈبل فتنہ تھی… ٹرمپ آگیا… جیسی قوم ویسا بادشاہ… یہ بھی چلا جائے گا شاید دوسروں سے زیادہ جلدی… زمین اپنے صفحے پلٹتی رہے گی… اور لوگ ان صفحوں کے نیچے دبتے رہیں گے… مگر وہ جن سے زمین ’’پیار‘‘ کرتی ہے…  وہ زمین کے اندر جاکر بھی زمین کے اوپر رہتے ہیں… آسمانوں سے بھی اوپر رہتے ہیں… کلمہ طیبہ کے وفادار، نماز کے عاشق، جہاد کے دیوانے… دین کے لئے مر مٹنے والے… ویسے عاجز و مسکین مگر دل کے بادشاہ… زمین پر نیکی کے پھول کھلانے والے… کتاب اللہ کو سینے میں بسانے والے… اللہ تعالیٰ کے مخلص، آقا صلی اللہ علیہ وسلم کے غلام، زبان کے سچے، کردار کے پکے… یااللہ! ہمیں بھی ان میں شامل فرما… مغرب سے جمعہ شریف آرہے ہیں… مقابلۂ حسن اور جمعہ عصر کے بعد… آيۃ الکرسی یاد رہے، ساتھ رہے
والسلام
خادم
لا الٰہ الا اللہ محمد رسول اللہ
(دنیا کی بے ثباتی… مقابلۂ حسن و عمل آیۃ الکرسی)
17.11.2016
مکتوب خادم
السلام علیکم ورحمۃ اللہ وبرکاتہ!
 اللہ تعالیٰ کی ہر دن نئی شان ہے… ہم ’’سری نگر‘‘کے فوجی عقوبت خانے میں تھے… خبروں تک رسائی کا کوئی ذریعہ نہیں تھا… ہمارے ایک زخمی ساتھی کبھی ہسپتال جاتے… واپسی پر اپنی پہاڑی زبان میں اردو ملا کر ہمیں خبریں سناتے… اور ہم اگلے دس دن ان عجیب اور بے ربط خبروں کو سمجھنے کی کوشش کرتے رہتے… وہ آتے ہی اپنی موٹی آنکھیں نکال کر کہتے… سب نوں مبارک ہووے انڈیا دے خلاف بڑا کام ہوگیا ہے… مجاہدین بڑے پریشان ہیں… تحریک تیز ہوگئی ہے، فوجی بہت مررہے ہیں اور حرکت بدنام ہوگئی ہے… آج کے مکتوب میں آپ بھی اسی طرز کی سچی خبریں ملاحظہ فرمائیں… امریکہ میں مظاہرے اور ہنگامے پھوٹ پڑے ہیں… (کیونکہ) بھارتی وزیر خارجہ سشما سوراج کے گردے فیل ہوچکے ہیں… انڈیا میں کرنسی کا بحران آیا ہوا ہے… ڈونلڈ ٹرمپ سخت پریشان ہے(کیونکہ) مودی کو انڈیا میں بڑی گالیاں پڑ رہی ہیں… ایران کی ’’حلب ‘‘میں ماں مر گئی ہے، اسرائیل رو رہا ہے… ترکی کے صدر خوش ہیں (کیونکہ) شریف خاندان عدالت میں پیشیاں بھگت رہا ہے… یہ ہیں چند خبریں، ان کو سمجھنے کی کوشش کریں، مگر ایک بات پکی ہے… یہ سال دشمنان اسلام پر بہت بھاری جارہا ہے… مغرب سے جمعہ شریف، مقابلہ حسن اور آيۃ الکرسی کا عمل یاد رہے
والسلام
خادم
لا الٰہ الا اللہ محمد رسول اللہ
(دلچسپ خبریں، مقابلۂ حسن و عمل آیۃ الکرسی)

18.11.2016
مکتوب خادم
السلام علیکم ورحمۃ اللہ وبرکاتہ!
 اللہ تعالیٰ ہمیں زیادہ سے زیادہ مقبول ’’سجدوں‘‘ کی توفیق عطاء فرمائے… آہ افسوس! آج کتنے مسلمان ’’سجدے‘‘ سے محروم ہیں… کئی تو پانچ وقت مسجد بھی آتے ہیں… مگر چوبیس گھنٹے گزر جاتے ہیں ان کی پیشانی ایک سجدہ بھی نہیں کرتی… ڈاکٹروں نے ان سے کہہ دیا ہے کہ تم بیٹھ کر اشارے سے نماز پڑھا کرو… عجیب شیطانی جال ہے… یہ لوگ خود چلتے ہوئے، ہنستے کھیلتے مسجد آتے ہیں مگر نماز میں بیٹھ جاتے ہیں… نہ قیام ، نہ رکوع، نہ سجدہ پھر کونسی نماز؟… کمر کا درد آج ہر تیسرے شخص کو ہے، کمر کے مہرے آج ہر چوتھے شخص کے خراب ہیں… بیٹھ کر نماز ضائع کرنے سے کونسا درد اور کونسے مہرے ٹھیک ہوجاتے ہیں؟… زندگی کا سب سے اہم کام اور دین کا سب سےاہم فریضہ ’’نماز‘‘ ہے… صحابہ کرام کے زمانے ’’طبیب‘‘ بھی اہل تقویٰ تھے… صرف سخت ترین مجبوری میں زمین پر سجدہ سے روکتے تھے اور وہ بھی محض چند دن… مگر حضرت ابن عباس رضی اللہ عنہما نے ان کے مشورے کو قبول نہ فرمایا اور سخت ترین تکلیف میں زمین پر سجدہ کرتے کرتے ’’نابینا‘‘ ہوگئے… کیونکہ ان حضرات کے ہاں قبر میں آنکھیں لے جانے سے زیادہ اہم قبر میں نماز لیکر جانا تھا… یااللہ! امت پر رحم فرما… بھائیو!اس بارے میں محنت کرو، اے علماء کرام! اس مسئلہ پر توجہ فرمائیں… سجدے کا منکر شیطان قہقہے لگا رہا ہے
والسلام
خادم
لا الٰہ الا اللہ محمد رسول اللہ
(بیٹھ کر نماز پڑھنے کی وباء)

19.11.2016
مکتوب خادم
السلام علیکم ورحمۃ اللہ وبرکاتہ!
 اللہ تعالیٰ تمام بیمار مسلمانوں کو شفاء عطاء فرمائے… ایک مسلمان کی زندگی کا اہم ترین مقصد اللہ تعالیٰ کے فرائض کو ادا کرنا ہے… ایمان کے بعد فرائض میں سب سے اہم فریضہ ’’اقامت صلوٰۃ‘‘ یعنی نماز قائم کرنا اور سب سے افضل فریضہ ’’جہاد فی سبیل اللہ‘‘ ہے… نماز میں ’’قیام‘‘ فرض ہے… اب بیٹھ کر نماز پڑھنے کا معاملہ ایک خطرناک فتنہ بنتا جارہا ہے… مساجد کے اندر کا ماحول نعوذ باللہ ’’چرچوں‘‘ جیسا بن رہا ہے، جہاں میز، کرسیوں پر ’’سروس‘‘ ہوتی ہے… کل اگر ڈاکٹر کہہ دیں کہ روزہ میں جس کو بھوک پیاس لگے وہ روزہ نہ رکھے، حج میں جس کے پاؤں پھٹیں اور ٹانگیں تھکیں وہ حج نہ کرے… زکوٰۃ سے جس بخیل کا بلڈ پریشر خراب ہو کہ ایک لاکھ میں سے ڈھائی ہزار نکل گئے… وہ زکوٰۃ نہ دے… کیونکہ صحت ’’اہم ‘‘اور نعوذباللہ فرائض ’’غیر اہم‘‘ ہیں… بیٹھ کر نماز ادا کرنے میں ایک اور مصیبت یہ ہے کہ جس کو اس کی عادت هہو جائے وہ پوری زندگی ’’قیام ‘‘کو یوں بوجھ سمجھتا ہے جیسے کندھے پر اونٹ بٹھا دیا ہو… اور بڑی مصیبت یہ ہے کہ دوسروں کی دیکھا دیکھی اب بیٹھ کر نماز پڑھنے کا سلسلہ بڑھتا جارہا ہے… اور ایک بڑی دینی جماعت میں تو یہ ’’وباء‘‘ کی طرح پھیل رہا ہے… لگژری مسلمان، لگژری نمازیں اور لگژری خطباء… یااللہ! امت مسلمہ پر رحم فرما… علماء کرام، مجاہدین عظام اور مساجد کے ائمہ حضرات اس فتنے کے خلاف محنت فرمائیں… 
والسلام
خادم
لا الٰہ الا اللہ محمد رسول اللہ
(بیٹھ کر نماز پڑھنے کی وباء)

20.11.2016
مکتوب خادم
السلام علیکم ورحمۃ اللہ وبرکاتہ!
اللہ تعالیٰ ہر فتنے سے ہماری حفاظت فرمائے… ہر نماز کے آخر میں یا فوراً بعد فتنوں سے حفاظت کی دعاء ضرور مانگا کریں… اَللٰٓهُمَٓ اِنِٓی اَعُوْذُبِكَ مِنَ الْفِتَنِ مَا ظَهَرَ مِنْهَا وَ مَا بَطَن… یاد رکھیں! نماز میں ’’قیام‘‘ فرض ہے… جو شخص ’’قیام‘‘ کی استطاعت رکھتا ہو پھر بیٹھ کر نماز ادا کرے تو اس کی نماز نہیں ہوتی… حتیٰ کہ جو شخص کچھ دیر کا قیام کرسکتا ہو خواہ دیوار یا لاٹھی پر ٹیک لگا کر… تو اس کے لئے لازم ہے کہ اتنی دیر قیام کرے پھر جب طاقت نہ رہے تو بیٹھ جائے… اگر اس نے اتنی دیر بھی قیام نہ کیا تو اس کی نماز باطل ہوگی… ملاحظہ فرمائیے ’’در مختار مع الشامی‘‘… فرمایا:
 ’’وان قدر علی بعض القیام ولو متکئا علی عصا او حائط قام لزوما بقدر ما یقدرُ‘‘
 (کتاب الصلوٰۃ، باب صلوٰۃ المریض، ج ۲، ص ۶۸۳، ط، رشیدیہ کوئٹہ
لیکن جو شخص قیام کی طاقت نہیں رکھتا… حتیٰ کہ چند سیکنڈ بھی… یا سجدے کی طاقت نہیں رکھتا تو وہ زمین پر بیٹھ کر نماز ادا کرے… کرسی پر نماز ادا کرنے میں بہت خرابیاں ہیں اور کئی طرح کی شرعی باریکیاں ہیں جن کو پورا کئے بغیر نماز ادا نہیں ہوتی… آج کی میڈیکل سائنس تضادات سے بھرپور ہے… ایک ڈاکٹر کچھ کہتا ہے اور دوسرا کچھ… ایک دن کسی چیز کے بارے میں کہا جاتا ہے کہ وہ مفید ہے… مگر اگلے دن نئی تحقیق میں اس کو نقصان دہ بتایا جاتا ہے… اللہ کے لئے اپنی اور مسلمانوں کی نماز بچائیں… اور امت محمدیہ کی مساجد کو بنی اسرائیل کے چرچ اور صومعے نہ بنائیں
والسلام
خادم
لا الٰہ الا اللہ محمد رسول اللہ
(نماز میں قیام فرض ہے، کرسی پر نماز)
24.11.2016
مکتوب خادم
السلام علیکم ورحمۃ اللہ وبرکاتہ!
 اللہ تعالیٰ ہم سب کو ’’جماعت‘‘ کی ’’برکات‘‘ عطاء فرمائے… ہماری ’’جماعت‘‘ کا نصاب ہے…( 1)کلمہ طیبہ یعنی ایمان…( 2)اقامت صلوٰۃ…( 3)جہاد فی سبیل اللہ… کلمہ طیبہ سب سے ضروری، لازمی، بڑی اور بنیادی نعمت… نماز سب سے اہم فریضہ… جہاد فی سبیل اللہ سب سے افضل عمل… یہ تین نعمتیں نصیب ہوجائیں تو پورے دین پر عمل ممکن اور آسان ہوجاتا ہے… ایمان سے دل بنتا ہے، نماز سے دین بنتا ہے اور جہاد سے پورا دین ملتا ہے… مکمل قرآن وہ ہے جس میں جہاد کی آیات ہیں… اسی طرح مکمل دین اور پورا دین وہ ہوگا جس میں جہاد ہوگا… جماعت کے تمام ’’رفقا‘‘ اس نصاب کو یاد کریں، پکا کریں، اپنائیں، پھیلائیں… اور جاری کریں… اوراپنے دل کی نگرانی کریں کہ اس میں ان تین چیزوں میں سے ایک بھی کمزور نہ ہونے پائے… ہمارے اجتماعات کا نصاب ہے…( 1)ذکر اللہ…( 2)دعوت الی اللہ…( 3)توبہ الی اللہ… اجتماع چھوٹا ہو یا بڑا یہ تین کام ترتیب کے ساتھ ضرور ہوں… ان میں بڑی خير اور برکت ہے… تمام ’’رفقا‘‘ اجتماعات کا نظام مضبوط کریں… اور ان میں یہ نصاب جاری کریں… اور اپنی محنت تیز کردیں… آپ کی یہ محنت خود آپ کی بھی ضرورت ہے اور امت مسلمہ کی بھی… سستی اور کمزوری سے آج رات توبہ کریں کیونکہ جمعہ کی رات دعائیں قبول ہوتی ہیں… خوشخبری یہ کہ جماعت کا سالانہ اجتماع قریب آرہا ہے، ان شاء اللہ… مغرب سے جمعہ شریف، مقابلۂ حسن اور آیۃالکرسی کا عمل یاد رہے، آباد رہے
والسلام
خادم
لا الٰہ الا اللہ محمد رسول اللہ
(جماعت کا نصاب، اجتماعات کا نصاب، مقابلۂ حسن)

25.11.2016
مکتوب خادم
السلام علیکم ورحمۃ اللہ وبرکاتہ!
اللہ تعالیٰ سے ملاقات… وہ بھی ’’جمعۃ المبارک‘‘ کے دن… یہ ایمان والوں کے لئے ایک ’’سعادت‘‘ ہے… اس عہد کے محقق عالم دین اور بلند پایہ مصنف و مدرس حضرت مولانا مفتی محمد عیسیٰ خان صاحب… وفات پاگئے ہیں… ان کی نماز جنازہ آج دن گیارہ بجے ان کے علمی ادارے جامعہ فتاح العلوم نوشہرہ سانسی گجرانوالہ میں ادا ہوگی… ادھر ہمارے مخلص رفیق اور جماعت کے مرکزی ناظم بھائی ابو ہریرہ کے والد محترم بھی انتقال فرما گئے ہیں… ان کی نماز جنازہ آج عصر کے فوراً بعد بنی سٹاپ چکری روڈ راولپنڈی میں ادا ہوگی … اہل ایمان سے شرکت کی درخواست ہے… دور والے احباب دونوں حضرات کے لئے ایصال ثواب کا اہتمام کریں… 
والسلام
خادم
لا الٰہ الااللہ محمد رسول اللہ
(انتقال حضرت مولانا مفتی عیسیٰ خان صاحبؒ وایصال ثواب)

30.11.2016
مکتوب خادم
السلام علیکم ورحمۃ اللہ وبرکاتہ!
 اللہ تعالیٰ دن اور رات کی خير اور برکات ہم سب کو عطاء فرمائے… آج ہمارے ہاں 29صفر ہے جبکہ حجاز مقدس میں یکم ربیع الاول… لگتاہے کہ ہمارا چاند بھی آج مغرب کے بعد نکل آئے گا، ان شاء اللہ… چاند رات کی مسنون دعائیں اور معمولات یاد رہیں… دعاء کریں کہ پوری امت مسلمہ کا چاند اور امیر (حاکم) ایک ہوجائے… اچھا اب ایک خبر سنیں… مقبوضہ کشمیرکے جنوب میں’’جموں‘‘ ہے… جموں میں ایک علاقہ ’’نگروٹہ‘‘ ہے۔ وہاں انڈین فوج کی شمالی کمان کا سب سے سرگرم کور ہیڈ کواٹر ہے… اسی ہیڈ کواٹر میں مجاہدین کے خلاف آپریشنز کی تمام پلاننگ اور ایل او سی پر دہشتگردی کی تمام ترتیب طے ہوتی ہے… کل فجر کی اذانوں کے ساتھ ہی اس اڈے کے حفاظتی یونٹ پر کشمیری مجاہدین کرام نے یلغار کردی… اللہ اکبر، اللہ اکبر… سلام ہو ان مجاہدین پر اور ان ماؤں پر جنہوں نے ایسے جانباز، اللہ کے شیر اپنی گود میں پالے!… ماشاءاللہ حملہ ایسا زور دار تھا کہ کئی گھنٹے تک انڈیا کے حواس معطل رہے… میڈیا کو دور، دور رکھا گیا… مگر کچھ لاشیں شمار میں آگئیں… تب مجھے بھائی محمد افضل گورو شہیدؒ کا مظلوم چہرہ یاد آگیا… ان کی آخری رات… گہری مسکراہٹ، ظاہری بے بسی اور شہادت ۔بے شک اسلام زندہ باد، اسلامی اخوت زندہ باد، جہاد فی سبیل اللہ زندہ باد
والسلام
خادم
لا الٰہ الا اللہ محمد رسول اللہ
(استقبال ماہ جدید، نگروٹہ حملہ)
01.12.2016
مکتوب خادم
السلام علیکم ورحمۃ اللہ وبرکاتہ!
اللہ تعالیٰ ہم سب کو ایمان کامل اور حسن خاتمہ عطاء فرمائے… (کامیابی)بیٹھ کر کرسی پر نماز کے بارے میں چلنے والے مکتوبات اور دعوت کو الحمدللہ کامیابی ملی ہے… بہت سے مسلمانوں نے کھڑے ہوکر رکوع سجدے والی نماز شروع کردی ہے… رفقاء کرام اپنی محنت جاری رکھیں… (دعوت)آج رات کراچی میں طلبہ اجتماع ہے… اللہ تعالیٰ تمام شرکاء کو مغفرت کا انعام عطاء فرمائیں، اجتماع اور اہل اجتماع کو قبولیت و حفاظت عطاء فرمائیں… اہل ایمان بھرپور شرکت کریں… مغرب سے جمعہ شریف، مقابلۂ حسن، عمل آيۃالکرسی خوش آمدید، مرحبا
والسلام
خادم
لا الٰہ الا اللہ محمد رسول اللہ
(طلبہ اجتماع کراچی، مقابلۂ حسن و عمل آیۃ الکرسی)

05.12.2016
مکتوب خادم
السلام علیکم ورحمۃ اللہ وبرکاتہ!
 اللہ تعالیٰ کے وہ ایمان والے بندے جو آزمائش میں ڈالے جاتے ہیں… وہ بڑے خاص لوگ ہوتے ہیں… قیامت کے دن جب لوگ ’’حساب‘‘ دے رہے ہوں گے تو… یہ اہل آزمائش بغیر حساب و کتاب ’’جنت‘‘ میں جارہے ہوں گے… ہماری جماعت کے ایک مخلص بزرگ رکن حاجی میر افسر صاحب کل ’’بنوں‘‘سے ’’لکی مروت‘‘ ایک شہید کی اطلاع دینے جارہے تھے کہ راستے میں خود شہید کے والد بن گئے اور خود شدید زخمی ہوگئے۔ ان کے بیٹے طاہر اعجاز خان کی نماز جنازہ آج دوپہر دو بجے ’’حسن خیل خیراکی مع خیل ہوید روڈ بنوں‘‘میں ادا ہوگی… اہل ایمان جوق در جوق شرکت کریں اور محترم حاجی صاحب کے لئے شفاء، صبر اور بہترین بدلے کی دعاء کریں… اہل سانحہ بندہ کی قلبی تعزیت و محبت قبول فرمائیں
والسلام
خادم
لا الٰہ الا اللہ محمد رسول اللہ
(حاجی میر افسر صاحب کے بیٹے کی تعزیت)

07.12.2016
مکتوب خادم
السلام علیکم ورحمۃ اللہ وبرکاتہ!
 اللہ تعالیٰ ہی ہم سب کے مالک ہیں… اور ہم سب نے اللہ تعالیٰ کی طرف لوٹ کر جانا ہے، اِنَٓالِلٰٓهِ وَإِنَٓاإِلَیْہِ رَاجِعُوْن… پرسوں کے مکتوب میں محترم حاجی میر افسر صاحب کا تذکرہ تھا وہ آج وفات اور سکون پاگئے۔ کل دوپہر دو بجے گاؤں حسن خیل ضلع بنوں میں ان کی نماز جنازہ ادا ہوگی… ادھر ہمارے جانباز ساتھی… بھائی نیاز علی بھی جام شہادت نوش فرما گئے… ان کی نماز جنازہ کل صبح نو بجے عبدالرحمان خان گراؤنڈ کلاچی ڈیرہ اسماعیل خان میں ادا کی جائےگی… اہل سعادت حسب استطاعت ان مبارک جنازوں میں شریک ہوں اور دور والے ایصال ثواب کا اہتمام کریں اور سب رفقاء جہاد کی محنت تیز کرکے آخرت کا سرمایہ بنائیں، آج کل جانے کا موسم بنا ہوا ہے
والسلام
 خادم
لا الٰہ الا اللہ محمد رسول اللہ
(دو ساتھیوں کی تعزیت اور اعلان جنازہ)
08.12.2016
مکتوب خادم
السلام علیکم ورحمۃ اللہ وبرکاتہ!
 اللہ تعالیٰ مجھے اور آپ سب کو ’’ایمان کامل‘‘ نصیب فرمائے… ’’طیارے‘‘کے حادثہ پر افسوس ہوا… جنید جمشید صاحب اور دیگر جاں بحق مسلمانوں کے لئے’’مغفرت ‘‘کی دعاء اور لواحقین سے قلبی ’’تعزیت‘‘ ہے… بھائیو! اور بہنو! موت کی تیاری، موت کی تیاری… موت کی تیاری کا بہترین طریقہ کیا ہے؟… اخلاص ،اخلاص، صرف اخلاص … ہر عمل خالص اللہ تعالیٰ کے لئے… نہ ریاکاری، نہ دکھلاوا… نہ مال کے لئے، نہ نام کے لئے… آپ دنیا میں دیکھ لیں جو عمل جتنے بڑے شخص کے لئے کیا جائے وہ دنیا میں اسی قدر قیمتی بن جاتا ہے… یہ جو آج کل کے بڑے بڑے جاگیردار ہیں… یہ انگریز حکمرانوں کے نوکر تھے… ’’حاکم‘‘ کی معمولی نوکری نے ان کو کروڑوں پتی بنادیا… اندازہ لگائیں کہ جو عمل خالص اللہ تعالیٰ کے لئے ہوگا، اس کی کیا قیمت ہوگی؟اللہ تعالیٰ سے بڑا کوئی نہیں… اَللہُ اَکْبَر کَبِیْرا… اخلاص والا کلمہ، اخلاص والی نماز، اخلاص والا جہاد، اخلاص والا ذکر، اخلاص والی خدمت، اخلاص والی محنت… اخلاص والا مرنا، اخلاص والا جینا… ہاں! سب کچھ اللہ تعالیٰ نے دیا اور سب نے اللہ تعالیٰ کی طرف لوٹنا ہے تو پھر’’عمل‘‘ بھی خالص اللہ تعالیٰ کے لئے ہو تو اسی میں کامیابی ہے… اسی میں مزہ ہے… یااللہ! اخلاص کا سؤال ہے… موت کا وقت قریب ہے، دل سے دنیا کے منصوبے نکال کر… اخلاص کی فکر ہم سب کریں، تاکہ تھوڑے وقت میں آخرت کا زیادہ سرمایہ بنا لیں… مغرب سے جمعہ شریف، مقابلۂ حسن، عمل آيۃ الکرسی مرحبا!
والسلام
خادم
لا الٰہ الا اللہ محمد رسول اللہ
(جنید جمشید صاحبؒ اور دیگر مرحومینِ حادثہ کی تعزیت… اخلاص کی دعوت… مقابلۂ حسن و عمل آیۃ الکرسی)
15.12.2016
مکتوب خادم
السلام علیکم ورحمۃ اللہ وبرکاتہ!
 اللہ تعالیٰ مجھے اور آپ سب کو ’’سلام‘‘ رحمت اور برکت عطاء فرمائے… اَلسَٓلَامُ عَلَيْنَا وَ عَلَيْكُمْ وَ عَلیٰ عِبَادِ الٰٓلهِ الصَٓالِحِيْن (غمناک المیہ)شام کے شہر ’’حلب‘‘ سے دلخراش خبریں آرہی ہیں… مسلمان بے دردی سے مارے جارہے ہیں، عصمتیں پامال کی جارہی ہیں… ایرانی اور نصیری دہشت گرد انتہائی بے دردی سے یہ مظالم ڈھا رہے ہیں… اے اہل دل! شامی مسلمانوں کے لئے دل سے دعاء کریں، ضرور کریں، زیادہ کریں… (خیرخواہی) جس مسلمان کے ذمہ کسی کا قرضہ ہو وہ فوراً ادا کردے… جس کے ذمہ کسی کا مال ہو وہ اسے بلاتاخیر لوٹا دے… اس میں جو جتنی تاخیر کرتا ہے وہ اسی قدر اپنا نقصان کرتا ہے… اپنی جان پر ظلم کرتا ہے… اپنے رزق اور مال کو بے برکت کرتا ہے… اور اپنی موت اور روح کو خطرے میں ڈالتا ہے… اور جس کے پاس واقعی واپس کرنے کی استطاعت نہ ہو وہ قرضے کی پوری مقدار اور تفصیل لکھ کر کسی کے پاس چھوڑ دے تاکہ اس کے مرنے کے بعد’’مسئلہ‘‘ پیدا نہ ہو… اسی طرح جس کے گھر اور جیب میں کوئی اجتماعی مال، امانت وغیرہ ہو تو وہ بھی پرچی لکھ کر ساتھ رکھا کرے یا مال کے ساتھ رکھ دیا کرے… یاد رکھیں! یہ بہت ضروری ہے اس میں کوتاہی اپنی جان پر ظلم ہے… (مرحبا) آج مغرب سے جمعہ شریف، مقابلۂ حسن اور عمل آيۃ الکرسی یاد رہے ، شاندار رہے
والسلام
خادم
لا الٰہ الا اللہ محمد رسول اللہ
(اہل حلب کے لئے دعا کی دعوت… قرضہ اور اجتماعی مال کے بارے ہدایات،…مقابلۂ حسن و عمل آیۃ الکرسی)
نورانی مہم
21.12.2016
مکتوب خادم
السلام علیکم ورحمۃ اللہ وبرکاتہ!
 اللہ تعالیٰ مجھے اور آپ سب کو اپنے علم، قدرت اور فضل عظیم کے خزانے سے تمام امور میں ’’خير‘‘ عطاء فرمائے… آج سے ’’جماعت ‘‘ میں ایک ’’دس روزہ‘‘ مہم شروع ہورہی ہے… اس کا نام ہے ’’نورانی مہم‘‘… اس مہم کا موضوع ہے ’’سنت استخارہ‘‘… اور مقصد اس مہم کا یہ ہے کہ… ہمیں استخارہ کی مبارک نورانی سنت مکمل اہتمام سے نصیب ہوجائےتاکہ… ہمیں اللہ تعالیٰ کا ’’قرب‘‘ ملے، اپنے فیصلوں میں ’’روشنی‘‘ ملے… اپنے کاموں میں ’’نور‘‘اور ’’برکت ‘‘ملے اور ہمارے جہادی، دینی کام کو’’قوت‘‘ ملے ان شاء اللہ… طریقہ اس مہم کا یہ ہے کہ ہم سب سے پہلے خود ’’استخارہ‘‘ کا طریقہ اور دعاء درست یاد کریں… پھر اپنے گھر والوں کو یاد کرائیں… اور پھر اس دعوت کو آگے بڑھائیں… استخارہ کا مطلب غیب کا علم حاصل کرنا نہیں… غیب کا علم اللہ تعالیٰ کے سوا کوئی نہیں رکھتا… استخارہ کا مطلب ہے اللہ تعالیٰ سے خير مانگنا… اللہ تعالیٰ سے بہتری مانگنا… استخارہ کرنے والا کبھی ناکام نہیں ہوتا… اور استخارہ ایک مسلمان کو خوش نصیب بناتا ہے اور اسے بدبختی، شقاوت اور بدنصیبی سے بچانے کا ذریعہ بنتا ہے
والسلام
خادم
لا الٰہ الا اللہ محمد رسول للہ
(نورانی مہم)
22.12.2016
مکتوب خادم
السلام علیکم ورحمۃ اللہ وبرکاتہ!
 اللہ تعالیٰ ہم سب کو ’’استخارہ‘‘ کی نعمت عطاء فرمائے… ’’استخارہ‘‘ کے معنی لغت میں… خير مانگنا، خير چاہنا… دوسرا معنی بہتری مانگنا، انتخاب چاہنا… یعنی دو چیزوں میں سے جو بہتر ہو وہ مل جائے… پہلے معنی کے اعتبار سے ’’استخارہ‘‘ ہر کام میں کیا جاسکتا ہے… اور دوسرے معنی کے اعتبار سے جہاں دو کاموں میں تذبذب ہو وہاں استخارہ کیا جاتا ہے… حدیث پاک میں آیا ہے کہ … جب تم میں سے کوئی کسی کام کا قصد یا ارادہ کرے تو دو رکعت ادا کرے پھر استخارہ کی مسنون دعاء پڑھے اور اپنی حاجت کا نام لے… معلوم ہوا کہ تذبذب یا تردد نہ ہو تب بھی استخارہ کریں تو قوت، روشنی، مدد اور برکت ملتی ہے… استخارہ کا اصل مطلب ہے بندے کا اللہ تعالیٰ کے سامنے بھکاری بننا… یااللہ خير دے یااللہ خیرات دے… سب سے غنی انسان وہی ہے جو اللہ تعالیٰ کا بھکاری ہو… استخارہ خود کریں، کسی اور سے کرائیں گے تو استخارہ نہیں ہوگا … وہ لوگ جو شادی وغیرہ کا دوسروں کے لئے استخارہ کرتے ہیں… ان کو پرچی پر کسی مرے ہوئے مرد اور زندہ عورت… یا مری ہوئی عورت اور زندہ مرد کا نام لکھ دیں… وہ اگلے دن بتائیں گے کہ رشتہ بہترین ہے… یا بتائیں گے کہ کچھ چپقلش کا خطرہ ہے… وجہ یہ ہے کہ استخارہ سے غیب کا علم نہیں ملتا بلکہ کاموں اور فیصلوں میں روشنی ، خير اور اللہ تعالیٰ کی مدد ملتی ہے… وہ لوگ جو استخارہ کے ذریعے غیب کی باتیں یا اللہ تعالیٰ کے فیصلے بتاتے ہیں وہ غلطی کرتے ہیں ، دھوکہ دیتے ہیں… اور استخارہ کی مبارک ’’سنت‘‘ کو مٹاتے ہیں… آپ نے کہیں رشتہ کرنا ہے، کوئی سواری خریدنی ہے، سفر پر جانا ہے تو دو رکعت استخارہ کی نماز ادا کریں پھر دعاء استخارہ پڑھیں… اچھا ہے کہ تین بار پڑھیں… پھر دعاء کریں… اس کے بعد جو ہوگا یا جو آپ اس بارے میں کریں گے وہ خير ہوگی ان شاء اللہ… استخارہ کی مسنون دعاء کئی احادیث میں الفاظ کے تھوڑے سے فرق کے ساتھ وارد ہوئی ہے… ہم مکتوب میں اس دعاء کے دو صیغے آپ کو بھیجیں گے آپ یاد کرلیں… باقی اہم تفصیلات اگلے مکتوب میں ان شاء اللہ
والسلام
خادم
لا الٰہ الا اللہ محمد رسول اللہ
(نورانی مہم)
23.12.2016
مکتوب خادم
السلام علیکم ورحمۃ اللہ وبرکاتہ!
اللہ اکبر… (استخارہ کا طریقہ)جب کسی کام کا ارادہ یا قصد ہو یا دو چیزوں میں سے ایک کو اختیار کرنا ہو تو دو رکعت نماز ادا کریں… پھر درود شریف پڑھ کر استخارہ کی دعاء ایک یا تین بار پڑھیں… اپنے مقصد کے لئے دعاء کریں… پھر درود شریف… بس یہ استخارہ ہوگیا… علامہ کمال الدین الزملکانی لکھتے ہیں… جب کوئی انسان استخارہ کی دو رکعت نماز ادا کر لے تو اس کے بعد جو سمجھ آئے کر لے خواہ شرح صدر ہو یا نہ ہو بس اسی میں خير ہوگی کیونکہ حدیث میں شرح صدر کا کوئی ذکر نہیں ہے(طبقات السبکی)یعنی استخارہ کے بعد خير والی صورت خود بخود آسان ہوجاتی ہے، مقدر ہوجاتی ہے… آج استخارہ کی مسنون دعاء کے دو صیغے بھیجے جارہے ہیں ترجمہ کے ساتھ یاد کرلیں
(دعاء استخارہ)
(1)
اَللٰٓهُمَٓ اِنِٓی اَسْتَخِیرُکَ بِعِلْمِکَ وَ اَسْتَقْدِرُکَ بِقُدْرَتِکَ وَ اَسْئَلُکَ مِنْ فَضْلِکَ العَظِیم. فَاِنَٓکَ تَقْدِرُ وَ لَا اَقْدِرُ وَ تَعْلَمُ وَ لَا اَعْلَمُ وَ اَنْتَ عَلَٓامُ الْغُیُوب. اَللٰٓهُمَٓ اِنْ کُنْتَ تَعْلَمُ اَنَٓ هٰذَا الْاَمرَ خَیْرٌ لِٓیْ فِی دِیْنِی وَ مَعَاشِی وَ عَاقِبَةِ اَمْرِی وَ عَاجِلِ اَمْرِی وَ آجِلِه فَاقْدُرْهُ لِی وَ یَسِٓرهُ لِی ثُمَٓ بَارِکْ لِی فِیه ِوَ اِن کُنْتَ تَعْلَمُ اَنَٓ هٰذَا الْاَمْر شَرٌٓ لِٓی فِی دِیْنِی وَ مَعَاشِیْ وَ عَاقِبَةِ اَمْرِی وَ عَاجِلِ اَمْرِی وَ آجِلِه فَاصْرِفْهُ عَنِٓی وَ اصْرِفْنِی عَنْهُ وَ اقْدُرْ لِیَ الْخَیْرَ حَیْثُ کَانَ ثُمَٓ اَرْضِنِی بِہ
(2)
اَللٰٓهُمَٓ اِنِٓی اَسْتَخِیرُکَ بِعِلْمِکَ وَ اَسْتَقْدِرُکَ بِقُدْرَتِکَ وَ اَسْئَلُکَ مِنْ فَضْلِکَ العَظِیم. فَاِنَٓکَ تَقْدِرُ وَ لَا اَقْدِرُ وَ تَعْلَمُ وَ لَا اَعْلَمُ وَ اَنْتَ عَلَٓامُ الْغُیُوب. اَللٰٓهُمَٓ اِنْ کُنْتَ تَعْلَمُ اَنَٓ هٰذَا الْاَمرَ خَیْرٌ لِٓیْ فِی دِیْنِی وَ مَعَاشِی وَ عَاقِبَةِ اَمْرِی فَاقْدُرْهُ لِی وَ یَسِٓرهُ لِی ثُمَٓ بَارِکْ لِی فِیه وَ اِن کُنْتَ تَعْلَمُ اَنَٓ هٰذَا الْاَمْرَ شَرٌٓ لِٓی فِی دِیْنِی وَ مَعَاشِیْ وَ عَاقِبَةِ اَمْرِی فَاصْرِفْهُ عَنِٓی وَ اصْرِفْنِی عَنْهُ وَ اقْدُرْ لِیَ الْخَیْرَ حَیْثُ کَانَ ثُمَٓ اَرْضِنِی بِہٖ
(نورانی مہم)
24.12.2016
مکتوب خادم
السلام علیکم ورحمۃ اللہ وبرکاتہ!
اللہ تعالیٰ ’’نورانی مہم‘‘ کو قبول اور کامیاب فرمائے… مقصد اس مہم کا یہ ہے کہ مسلمانوں میں استخارہ کی مبارک سنت عام ہو… اور وہ اس سنت کو وہی اہمیت دیں جو اہمیت حضرات صحابہ کرام کے ہاں اس ’’سنت‘‘ کی تھی… اور وہ ان ’’بدعات‘‘ سے بچیں جو استخارہ کے نام پر شیطان نے مسلمانوں میں پھیلا دی ہیں… مثلا اپنے معاملات میں دوسروں سے استخارہ کرانا… استخارہ کے نام پر غیب کا حال جاننے کی کوشش کرنا… اور استخارہ کی پاکیزہ سنت کو… ایک شعبدہ بنا لینا… بھائیو اور بہنو! ایمان بہت قیمتی ہے، نجومیوں، کاہنوں، جادوگروں اور نئی استخارہ انڈسٹری کے ٹھیکیداروں سے بچیں… اور اپنے تمام معاملات میں خود استخارہ کرکے اللہ تعالیٰ سے روشنی، مدد اور قوت حاصل کریں… استخارہ میں ناکامی کا تصور بھی نہیں… حضرت ابن عمر رضی اللہ عنہ فرماتے ہیں کہ اگر کوئی شخص استخارہ کے بعد کوئی کام کرے… اور پھر اس میں اسے ’’خير‘‘ نہ ملے تو وہ اللہ تعالیٰ سے بدگمان نہ ہو بلکہ انتظار کرے… وہ آگے چل کر دیکھ لے گا کہ اس کام کے انجام میں خير ہی ہوگی… جماعت کے ذمہ داروں سے گزارش ہے کہ… استخارہ کو اپنا معمول بنائیں تاکہ… دین کا کام ترقی کرے… اور لوگوں کو سمجھائیں کہ دوسروں سے استخارہ کروانے کی بدعت سے بچیں… کیونکہ ’’بدعت‘‘ گمراہی ہے اور گمراہی جہنم میں لے جانے والی چیز ہے
والسلام
خادم
لا الٰہ الا اللہ محمد رسول اللہ
(نورانی مہم)
25.12.2016
مکتوب خادم
السلام علیکم ورحمۃ اللہ وبرکاتہ!
 اللہ تعالیٰ نے’’استخارہ‘‘ میں ’’خير‘‘ رکھی ہے… خوشی، اطمینان اور راحت… جبکہ قسمت معلوم کرنے کے طریقے ’’شیطانی‘‘ہیں… ان میں غم، پریشانی اور طرح طرح کے ’’وہم‘‘ ہیں… اے مسلمانو! استخارہ اختیار کرو… اور شیطانی طریقوں سے دور رہو… آج کا دن کیسا ہوگا؟ یہ ہفتہ کیسا ہوگا؟ کس کا کونسا ستارہ ہے؟ کس کا کونسا عدد ہے؟ یہ سب فضول چیزیں ہیں اور یہ انسان کو بدعت، شرک ، وہم اور تباہی کی طرف لے جاتی ہیں… اور برے لوگوں کے ہاتھوں پھنساتی ہیں… مگر افسوس کہ آج مسلمان بھی ان چیزوں میں پڑ گئے ہیں… کاش مسلمان اپنے مقام کو سمجھیں اور اپنے کام کو پہچانیں تو… ہوا، پانی، لوہا، آگ، ستارے، پتھر، نگینے یہ سب مسلمانوں کے غلام اور نوکر بن جائیں… بھائیو!اور بہنو!اطمینان والی ’’توحید‘‘کی زندگی اختیار کرو… ماضی کے وہ بڑے بڑے بت جن کے گرد شیطان ناچتے تھے اور ان بتوں سے آوازیں آتی تھیں… حضرات صحابہ کرام اور ہمارے بزرگوں نے توڑ کر پھینک دیئے… مگر آج بزرگ اسی کو سمجھا جاتا ہے جو استخارے نکالے، جادو توڑنے کے نام پر بال اور کیلیں برآمد کرے اور مستقبل کے دعوے کرے… حالانکہ خود ان کی اپنی زندگیوں کو دیکھیں تو وہ ہر پریشانی، محتاجی ، حرص اور گھریلو نااتفاقی کا شکار ہوتے ہیں… بھائیو!بزرگ اور اللہ والا وہ ہوتا ہے جو اللہ تعالیٰ سے جوڑے… نہ کہ وہ جو اللہ سے توڑے
والسلام
خادم
لا الٰہ الا اللہ محمد رسول اللہ
(نورانی مہم)
26.12.2016
مکتوب خادم
السلام علیکم ورحمۃ اللہ وبرکاتہ!
 اللہ تعالیٰ ’’استخارہ‘‘ کی نعمت ہم سب کو نصیب فرمائے… آپ کا ارادہ بنا کہ ڈاکٹر کے پاس جائیں تو پہلے استخارہ کرلیں، کوئی چیز خریدنی ہے تو استخارہ کرلیں… استخارہ کی برکت سے آپ کو خير والی صورت مل جائے گی اور جو کچھ شر ہوگا وہ آپ سے ان شاء اللہ دور ہوجائے گا… عجیب عجیب واقعات ہیں کہ… ایمان والوں نے استخارہ سے کیسے کیسے فوائد حاصل کیئے… اس لئے کثرت سے استخارہ کی عادت اپنائیں… لوگوں نے استخارہ کو بہت بھاری، اجنبی اور مشکل کام سمجھ رکھا ہے… حالانکہ استخارہ کے لئے نہ نئے کپڑوں کی ضرورت نہ نئے غسل کی… نہ خوشبو مہکانے کی اور نہ خلوت میں جانے کی… بس اچھی طرح سنت کے مطابق وضو، پھر دو رکعت ، پھر اللہ تعالیٰٰ کی حمد اور درود شریف اور پھر استخارہ کی دعاء یعنی وضو کے بعد پانچ دس منٹ کا کام ہے… آج ہی استخارہ کی دعاء یاد کیجئے اور استخارہ سے اپنی اجنبیت دور کیجئے آپ کی زندگی ان شاء اللہ’’خير‘‘سے بھر جائے گی… ارشاد فرمایا! ناکام نہیں ہوتا وہ جو استخارہ کرے، پچھتاتا نہیں وہ جو مشورہ کرے اور محتاج نہیں ہوتا وہ جو خرچے میں میانہ روی کرے(الطبرانی)اللہ تعالیٰ کے نبی صلی اللہ علیہ وسلم اپنے صحابہ کرام کو استخارہ کی تعلیم قرآن مجید کی طرح دیتے تھے… کاش ہم بھی اسی اہمیت اور قدر و قیمت کے ساتھ ’’استخارہ‘‘ اپنا لیں… 
والسلام
خادم
لا الٰہ الا اللہ محمد رسول اللہ
(نورانی مہم)
27.12.2016
مکتوب خادم
السلام علیکم ورحمۃ اللہ وبرکاتہ!
 اللہ تعالیٰ ’’سستی‘‘ اور ’’کم ہمتی‘‘ سے ہم سب کو نجات عطاء فرمائے… (وضو اور دو رکعت) اگر کسی مسلمان کے اندر وضو اور دو رکعت کی سستی ختم ہوجائے تو وہ بے حد کامیاب زندگی، کامیاب موت اور کامیاب آخرت پا لیتا ہے… اس نکتے پر غور کریں بہت سے راز سمجھ میں آجائیں گے(استخارہ کتنی بار) ہر کام کے لئے صرف ایک بار استخارہ کافی ہوتا ہے… اگر کوئی بڑا یا مشکل کام ہو اور معاملہ سلجھ نہ رہا ہو تو بار بار استخارہ کرنا چاہئے… جس روایت میں سات بار استخارہ کا تذکرہ ہے وہ روایت بہت ضعیف ہے(پھر ایک ماہ کیسے؟) اگر استخارہ ایک بار کافی ہے تو حضرت عمر رضی اللہ عنہ نے ایک معاملہ پر پورا ایک مہینہ استخارہ کیوں فرمایا؟جواب یہ ہے کہ مسنون استخارہ ایک ہی بار ہے مگر بعض معاملات بڑے اہم بڑے مشکل اور بڑے ہمہ گیر ہوتے ہیں… ان معاملات کا تعلق لاکھوں کروڑوں انسانوں کے مفاد یا نقصان سے ہوتا ہے… تو ایسے معاملات میں بار بار استخارہ کرنا اور ان کے بارے میں اللہ تعالیٰٰ سے بار بار خير اور رہنمائی مانگنا ایک فطری عمل ہے… (فرشتوں سے مشابہت کیسے)حضرت شاہ ولی اللہ رحمہ اللہ نے لکھا ہے کہ… جو مسلمان فرشتہ صفت بننا چاہتا ہو تو اس کے لئے سب سے کامیاب نسخہ ’’کثرت استخارہ‘‘ ہے… اس بات کا مطلب سمجھنے کے لئے تازہ رنگ و نورکامطالعہ فرمائیں… (فضول پیوند)حضرت مفتی رشید احمد صاحبؒ نے لکھا ہے کہ… استخارہ کے بعدسونا اور خواب میں استخارہ کاجواب ڈھونڈنا یہ سب فضول پیوند ہیں… سنت سے ثابت نہیں
والسلام
 خادم
لا الٰہ الا اللہ محمد رسول اللہ
(نورانی مہم)
28.12.2016
مکتوب خادم
السلام علیکم ورحمۃ اللہ وبرکاتہ!
 اللہ تعالیٰ اپنے پیارے بندوں کو’’استخارہ‘‘ کی توفیق عطاء فرماتے ہیں… اور پھر استخارہ کی برکت سے ان کی جھولی  خير ہی خير سے بھر دیتے ہیں… ہمارے بزرگوں میں سے جن کو استخارہ کا زیادہ ذوق تھا ان کا دینی کام بہت محفوظ رہا اور خوب پھلا پھولا… ہر کسی کو استخارہ کا ذوق نصیب نہیں ہوتا… اس لئے کئی دینی علم رکھنے والے افراد بھی استخارہ کے بارے میں پوری معلومات نہیں رکھتے… بس وہی مشہور باتیں جو لوگوں میں پھیل چکی ہیں وہ ان کے ذہن میں ہوتی ہیں… ہمارے قریب زمانہ کے اکابر میں سے حضرت اقدس بنوری قدس سرہ کو استخارہ کا بہت ذوق تھا… وہ استخارہ کی حقیقت کو سمجھ گئے تھے وہ فرمایا کرتے تھے کہ جس کام کے لئے بھی استخارہ کیا جائے اس میں ضرور بضرور خير ملتی ہے… کوئی خواب نظر آئے یا نہ…  دل مطمئن ہو یا نہ… فوری خير دکھائی دے یا نہ… انجام اس کام کا ضرور خير والا ہوگا… حضرت بنوری رحمہ اللہ نے استخارہ کی قوت سے دس طلبہ کے ایک مدرسہ کو… ایک عظیم الشان تحریک بنایا… اور آج اس جامعہ کے فضلاء پوری دنیا میں موجود ہیں… اور دین کے ہر شعبے میں نمایاں خدمات سرانجام دے رہے ہیں… اور جامعہ کا اپنا کام بھی…  دور دور تک مستقل بنیادوں پر پھیل چکا ہے… بھائیو اور بہنو ! استخارہ کی نعمت حاصل کر لو… اور پھر اس نعمت کے ذریعہ ہر خير سے جھولی بھر لو… نورانی مہم میں صرف دو روز باقی رہ گئے ہیں
والسلام
خادم
لا الٰہ الا اللہ محمد رسول اللہ
(نورانی مہم)
29.12.2016
مکتوب خادم
السلام علیکم ورحمۃ اللہ وبرکاتہ!
 اللہ تعالیٰ نے ’’استخارہ‘‘ میں عجیب تأثیر رکھی ہے… کبھی آپ نے ’’استخارہ‘‘ کی مسنون دعاء میں غورفرمایا؟… دعاء کیا ہے حضرت آقامدنی صلی اللہ علیہ وسلم کاواضح معجزہ ہے… دعاء شروع کرتے ہی دل عرش سے جڑجاتا ہےاور رحمت چھم چھم برسنے لگتی ہے… کئی حالات اور اوقات ایسے ہوتے ہیں جن میں انسان نماز ادا نہیں کرسکتا، خواتین پر ایسے اوقات زیادہ آتے ہیں تب صرف اس دعاء کو چند بار مانگ لینا… خير کو زمین پر لے آتا ہے… مگر اصل تأثیر استخارہ کی دو رکعت نماز اور چار سجدوں کے بعد اس دعاء سے حاصل ہوتی ہے… ایک صحیح روایت میں ارشاد فرمایا… نکاح کے پیغام کو دل میں چھپاؤ پھر اچھی طرح وضو کرکے دو رکعت نماز ادا کرو پھراللہ تعالیٰ کی حمدوثنا کرو… پھر استخارہ کی دعاء اس میں اپنی حاجت… اب رشتہ درست ہوگا تو خيرسامنے آجائے گی، اچھا نہیں ہوگا تو جان بچ جائے گی کئی افراد نے بتایا کہ بعض جائز کاموں کی خواہش تھی مگر وہ بہت مشکل تھے… استخارہ کیا تو اتنے آسان ہوگئے کہ اسباب بنتے چلے گئے، کوئی چیز خریدنی تھی مگر بھاری لگ رہی تھی استخارہ کیا تو آسانی سے مل گئی… اور بعض اوقات کوئی ضرورت یا جائز خواہش بڑی سختی سے سر اٹھاتی ہے… استخارہ کیا تو وہ دل سے ہی نکل گئی، یعنی خير نہیں تھی مگر شیطان خواہ مخواہ اسے ضرورت بنا کر پریشان کررہاتھا… استخارے کی کرامات بے شمارہیں… استخارہ کی کثرت ہو تو دل روشن ہوتاچلاجاتا ہے اور انسان کے دل پر اللہ تعالیٰ کے الہام کا دروازہ کھل جاتا ہے
والسلام
خادم
لا الٰہ الا اللہ محمد رسول اللہ
(نورانی مہم)
30.12.2016
مکتوب خادم
السلام علیکم ورحمۃ اللہ وبرکاتہ !
 اللہ تعالیٰ اس مہینے کی خير و برکت عطاء فرمائے… اور اس کے شرور سے حفاظت فرمائے… نیا ہجری قمری مہینہ ’’ربیع الثانی‘‘ شروع ہو چکا… آج مغرب سے چاند رات شروع ہے… مسنون دعاؤں اور معمولات کی یاددہانی ہے… آج ’’نورانی مہم‘‘ بھی الحمدللہ مکمل ہوئی… مہم میں محنت کرنے والوں اور مہم سے استفادہ کرنے والوں کو اللہ تعالیٰ اپنی شایان شان جزا ء خير عطاء فرمائے… گزشتہ رات جماعت کے مخلص مبلغ مولانا قمر الزمان کے والد محترم انتقال فرما گئے… دعاء مغفرت اور ایصال ثواب کی گزارش ہے
والسلام
خادم
لا الٰہ الا اللہ محمد رسول اللہ
(استقبال ماہ جدید… نورانی مہم… ایصال ثواب)

٭…٭…٭