قربانی مہم
10-08-2017
مکتوب خادم
السلام علیکم و رحمۃ اللہ و برکاتہ!
اللہ تعالیٰ ہم سب کو اپنا رحمت والا ’’قرب‘‘ عطاء فرمائے… ’’قربانی‘‘ کو ’’قربانی‘‘ اس لئے کہتے ہیں کہ اس سے بندے کو اللہ تعالیٰ کا ’’قرب‘‘ ملتا ہے… ’’ تقرب الی اللہ‘‘ اور ’’قرب الہی‘‘ بڑی عظیم الشان نعمت ہے… لوگ دنیا کے بادشاہوں کا قرب ڈھونڈتے ہیں… کیونکہ اس سے دنیامیں مزے ہو جاتے ہیں… اندازہ لگائیں کہ اللہ تعالیٰ… مالک الملک کا’’قرب‘‘ کا کیا مقام ہوگا… اَلْحَمْدُلِلّٰہْ جماعت کی نفل قربانی مہم شروع ہوچکی ہے… بندہ نے اللہ تعالیٰ کے فضل اور توفیق سے اپناحصہ ڈال دیا ہے… ایک اعلیٰ بکرا حضور اقدس صلی اللہ علیہ وسلم کی قربانی… ایک اعلیٰ بکرا حضرت ابا جیؒ کی قربانی… اور ایک حصہ گائے میں اپنی ایک بچی کی طرف سے ماشاء اللہ‘‘لَاحَوْلَ وَلَا قُوَّۃَ اِلَّا بِاللّٰہِ’’ اللہ تعالیٰ اپنے فضل سے قبول فرمائے اور مجھے مزید حصہ ڈالنے کی توفیق عطاء فرمائے… قربانی کھلم کھلا اور اعلانیہ کرنی چاہیے بس نیت اللہ تعالیٰ کے قرب اور اس کی رضا کی ہو… آپ اپنی اور اپنے اہل خانہ کی واجب قربانی گھر پر کریں… عید کے دن قربانی سے بڑا عمل کوئی نہیں… اللہ کرے ہر گھر میں اخلاص والی قربانی ہو… ابھی سے انتظام اور دعاء شروع کردیں… اور آپ اپنی، اپنے مرحوم والدین اور اہل خانہ کی نفل قربانی جماعت میں دیں… جماعت آپ کی یہ دعوت سری نگر سے کابل تک،گوادر سے خیبر تک… محاذوں سے جیلوں تک… اللہ تعالیٰ کے اولیاء کو پہنچائے گی ان شاء اللہ… دعاء، ہمت، ارادہ اور جلدی عمل یہ ہے توفیق اور آسانی کا نسخہ…‘‘لَاحَوْلَ وَلَا قُوَّۃَ اِلَّا بِاللّٰہِ’’.....
والسلام
خادم
لاالہ الااللہ محمد رسول اللہ
(قربانی مہم)
12-08-2017
مکتوب خادم
السلام علیکم و رحمۃ اللہ و برکاتہ!
اللہ تعالیٰ مجھے اور آپ سب کو دل کی تنگی سے بھی بچائے… اور ہاتھ کی تنگی سے بھی… ‘‘لَاحَوْلَ وَلَا قُوَّۃَ اِلَّا بِاللّٰہِ’’ ہر’’ تنگی‘‘ خطرناک ہے مگر دل کی تنگی زیادہ خطرناک ہے… مال موجود ہے مگر نہ نیکی کے کاموں میں خرچ کرنے کی ہمت… اور نہ خود اس سے فائدہ اٹھانے کی طاقت… بس پڑا رہے، بڑھتا رہے، نہ کام کا بنے، نہ کام آئے… یہ ہے دل کی تنگی… یہ تنگی ایسی مصیبت ہے کہ اگر چپک جائے تو جان نہیں چھوڑتی اور انسان کی دنیا کے ساتھ ساتھ اس کی قبر اور آخرت کو بھی ’’تنگ‘‘ بنا دیتی ہے… یااللہ! حفاظت، یااللہ! نجات…‘‘لَاحَوْلَ وَلَا قُوَّۃَ اِلَّا بِاللّٰہِ’’ اس تنگی کا علاج دو رکعت اخلاص والی… پھر دعاء آنسوں والی… پھر ’’یَا وَاسِعُ یَا عَلِیْمُ‘‘ کا ورد دل کی توجہ سے… پھر استغفار… اور پھر ہمت کر کے اللہ تعالیٰ کے راستے میں زیادہ سے زیادہ خرچ… جیسے جیسے ہم خرچ کرتے جائیں گے دل کھلتا جائے گا… گنتی کم ہو گی… رزق کے دروازے وسیع ہوں گے… اور ہماری قسمت کھل جائے گی… شروع میں خرچ کرنے سے درد ہوگا… پھر درد ختم ہو جائے گا، اور پھر مزہ آنا شروع ہو جائے گا… نفل قربانی کی مہم سے ہم سب اپنا علاج شروع کریں… کل نہیں آج سے ہی قربانی جمع کرائیں… اپنے مال کو اپنا بنائیں… ‘‘لَاحَوْلَ وَلَا قُوَّۃَ اِلَّا بِاللّٰہِ’’
والسلام
خادم
لاالہ الااللہ محمد رسول اللہ
(قربانی مہم)
16-08-2017
(جہنم سے بچنے کی فکر/ قربانی مہم)
مکتوب خادم
السلام علیکم و رحمۃ اللہ و برکاتہ!
اللہ تعالیٰ ہمیں ’’جہنم‘‘ سے بچائے… جہنم کا مطلب عذاب، آگ اور ناکامی…’’اَللّٰھُمَّ اَجِرْنَا مِنَ النَّارِ‘‘… جہنم برحق ہے… وہ اللہ تعالیٰ کی مخلوق ہے جو کہ پیدا ہوچکی ہے… وہ بھڑک رہی ہے، سانس لے رہی ہے… اس کے اندر طرح طرح کے ہیبت ناک عذاب ہیں… اور دلوں کو بھون ڈالنے والی آگ… ’’اَللّٰھُمَّ اَجِرْنَا مِنَ النَّارِ‘… انبیاء علیھم السلام کی ذمہ داریوں میں یہ شامل ہے کہ وہ… انسانوں کو جہنم سے ڈرائیں اور جہنم سے بچنے کی فکر ان میں جگا ئیں اور جہنم سے بچنے کے طریقے تلقین فرمائیں… آخری نبی حضرت محمد صلی اللہ علیہ وسلم نے اس امت کو جہنم سے بچانے کی دن رات فکر فرما ئی اور جہنم کے بارے میں بہت تفصیلات ارشاد فرمائیں… ان تفصیلات کو پڑھ کر غفلت دورہو تی ہے اور وہ فکر ابھرتی ہے… جو فکر ’’جہنم‘‘ سے بچنے کے لئے ضروری ہے…’’اَللّٰھُمَّ اَجِرْنَا مِنَ النَّارِ‘‘… حضرت آقا مدنی صلی اللہ علیہ وسلم نے فرمایا: جہنم سے بچو اگرچہ ایک کھجور کا ٹکڑا دے کر بچ سکو… اخلاص اور قربانی کے ساتھ کیا جانے والا صدقہ اور نیکی کا خرچہ… جہنم سے بچانے کا اہم ذریعہ ہے… نفل قربانی مہم شروع ہے… جہنم کی آگ سے نجات کیلئے اخلاص کے ساتھ اس میں حصہ ڈالیں… جو مال آگ سے نہ بچا سکے اس مال کا کیا فائدہ ؟…
والسلام
خادم
لاالہ الااللہ محمد رسول اللہ
17-08-2017
(فکر آخرت)
مکتوب خادم
السلام علیکم و رحمۃ اللہ و برکاتہ!
اللہ تعالیٰ فرماتے ہیں… پس جو آگ سے بچا لیا گیا اور جنت میں داخل کر دیا گیا وہ یقیناً کامیاب ہے… کامیابی مال، عہدے، مکان، گاڑی… اور شہرت میں نہیں… جہنم سے بچنے اور جنت پانے میں ہے… بس یہی فکر اور سوچ ہمارے اندر پختہ ہو جائے تو ہم… طرح طرح کے فتنوں اور بڑے خسارے سے بچ جائیں… کتنے لوگ مال، عہدے، اور منصب کے لئے سازشیں، شرارتیں، ناجائز معاہدے، قتل وغارت اور فتنے اٹھاتے ہیں… مگر تقدیر ان پر ہنس رہی ہوتی ہے… اور موت ان کے سر پر کھڑی ہوتی ہے… وہ سالہا سال کی منصوبہ بندی میں لگے ہوتے ہیں… بہت سا گناہ اپنے سر اٹھاتے ہیں تب اچانک موت آجاتی ہے… بھائیو! اور بہنو! غورکرو کہ آج کل ہم کس فکر میں ہیں… کس مشغولیت میں ہیں، کن جھگڑوں میں ہیں… کن شرارتوں میں ہیں… اورکن سوچوں میں ہیں؟ اگر معلوم ہوکہ کسی غلط فکر، سوچ یا مشغولیت میں زندگی ضائع کررہے ہیں تو فوراً توبہ کریں… اور آخرت کی اصل فکر کو اپنائیں… وقت ختم ہو رہا ہے اور حساب قریب آرہا ہے… جماعت میں آج کل نفل قربانی مہم چل رہی ہے… اس مہم میں حصہ لیں، صرف اللہ تعالیٰ کے لیئے اور… اپنی آخرت کے لئے… مغرب سے جمعہ شریف، مقابلۂ حسن، عمل آیۃ الکرسی مبارک۔
والسلام
خادم
لاالہ الااللہ محمد رسول اللہ
19-08-2017
(اللہ تعالیٰ سے مضبوط تعلق بناؤ)
مکتوب خادم
السلام علیکم و رحمۃ اللہ و برکاتہ!
اَللّٰہُ اَکْبَرُکَبِیْراً… وَالْحَمْدُ لِلّٰہِ کَثِیْراً… وَسُبْحَانَ اللّٰہِ بُکْرَۃً وَّاَصِیْلاً…یہ مبارک کلمات جو پڑھتا ہے، اس کے لئے آسمان کے دروازے کھل جاتے ہیں… اللہ تعالیٰ ہمارے دلوں کے تالے بھی کھول دے… ہم مسلمانوں میں کام کے لوگ بہت کم پیدا ہو رہے ہیں… اکثریت دین سے دور ہے… جو دین پر ہیں ان میں سے اکثریت دین کے لئے قربانی دینے کو تیار نہیں… اور جو قربانی والے ہیں… وہ جلدی بگڑ جاتے ہیں…کوئی دنیا دار بن جاتا ہے توکوئی عیاش…کوئی فیشن میں جاگرتا ہے توکوئی تن آسانی میں… نہ پہلے جیسا جذبہ رہتا ہے نہ جوش… نہ پہلے جیسی سادگی رہتی ہے نہ غیرت …نہ پہلے جیسی مضبوطی رہتی ہے نہ ہمت…وجہ صرف ایک ہے کہ… اللہ تعالیٰ سے مضبوط تعلق کی کمی ہے… نہ اللہ تعالیٰ کو جانا نہ اللہ تعالیٰ کو پہچانا… نہ اللہ تعالیٰ سے یاری بنائی اور نہ اللہ تعالیٰ کی یاری پائی … اللہ تعالیٰ سے تعلق اور یاری ہو تو مؤمن کا ایمان ہر دن بڑھتا ہے… مؤمن کا جذبہ ہر آئے دن طاقتور ہوتا ہے… ا ور اس کی دینی محنت میں عمر کے ساتھ اضافہ ہوتا چلا جاتا ہے… بھائیو اور بہنو… اللہ تعالیٰ سے تعلق مضبوط بنانے کے لئے قرآن مجید کو تھام لو… پڑھو اور سمجھو… نمازیں درست کرو، ذکراللہ کثرت سے کرو… دنیاداروں کی صحبت سے بچو… اللہ تعالیٰ سے مانگنے والے بنو… اور ہمیشہ اپنا جائزہ لیتے رہو… یہ ہم سب کے لئے ضروری ہے… بہت ضروری۔
والسلام
خادم
لاالہ الااللہ محمد رسول اللہ
20-08-2017
عشرہ ذوالحجہ
(’’عشرۃ ذی الحجہ‘‘ کی تیاری/ نفل قربانی مہم)
مکتوب خادم
السلام علیکم و رحمۃ اللہ و برکاتہ!
اللہ تعالیٰ ہمیں’’کارآمد‘‘ بنائے…’’موفق‘‘ بنائے… ہمیں زیادہ سے زیادہ مقبول کام کی تو ,فیق عطاء فرمائے… آج بروز اتوار پاکستان میں 27 ذی القعدہ جبکہ… حرمین میں28 تاریخ ہے…
یعنی بس منگل بدھ سے… دنیا کے افضل ترین ایام شروع ہونے والے ہیں… مرحبا!، مرحبا!… ابھی سے اپنے لئے نیکیوں کا پیکج بنا لیں… کیا کرنا ہے،کتنا کرنا ہے…کیا نہیں کرنا…کہاں کہاں کتنا خرچ کرنا ہے… دل کی نیکیاں، زبان کی نیکیاں، جسم وجان کی نیکیاں… وغیرہ… آج اتوار، کل پیر اور پرسوں منگل یہ تین دن ’’نفل قربانی‘‘ کی مہم بہت زور دار مقابلے سے چلائیں… عام روایات سے ہٹ کر… اخلاص کے جنون کے ساتھ… اگر آپ نے ایسا کیا تو ان شاء اللہ ’’عشرہ ذی الحجہ‘‘ شاندار ملے گا… اس وقت قربانی کے تقاضے ساڑھے تین ہزار آچکے… شہداء کے اہل خانہ سے… لیکر دور دور جیلوں تک… جبکہ وصولی صرف آٹھ سوکی ہوئی ہے… تین دن میں ہدف عبور کرکے اپنی ہمت کا ثبوت دیں اور دو رکعت نماز کہ عشرہ ذی الحجہ خوب قبولیت والا ملے… آپ جب یہ نماز اور دعاء ادا کریں گے تو آپ کے دل میں خود بخود اونچی اونچی نیکیوںکے اشارات آجائیں گے کیونکہ وَیَھْدِیْ اِلَیْہِ مَنْ یُّنِیْبْ… عاجزی سے مانگنے والوں کو رہنمائی ملتی ہے…
والسلام
خادم
لاالہ الااللہ محمد رسول اللہ
21-08-2017
(’’عشرہ ذی الحجہ‘‘ کی آمد کے موقع پر جامع دعاء)
مکتوب خادم
السلام علیکم و رحمۃ اللہ و برکاتہ!
اللہ تعالیٰ ہمیں’’عشرہ ذی الحجہ‘‘کی برکات عطاء فرمائے… یااللہ! ایمان اور اخلاص کے ساتھ حج کرنے والوں کا حج قبول فرمائیں… اس سال ہمیں زیادہ سے زیادہ مقبول قربانیوں کی توفیق عطاء فرمائی… واجب، نفل، اونٹ، گائے، دنبے، بکرے… یااللہ! نو دن کے روزے آسان فرمائیے، قبول فرمائیے… افطارکرانے کی توفیق بھی عطاء فرمائیے… یااللہ! ان ایام میں صدقہ، زکوٰۃ کی توفیق بھی عطاء فرمائیے… اور جہاد میں مال لگانے کی بھی… یااللہ! ان ایام میں اپنے بڑوں کی ہر طرح سے خدمت اور چھوٹوں پر شفقت کی توفیق عطاء فرمائیے… یااللہ! ان ایام میں اپنے عیال پر وسعت کرنے کی توفیق عطاء فرمائیے… یااللہ! صلہ رحمی اورحسن اخلاق آسان فرمائیے… ان ایام کی تمام نمازیں با جماعت تکبیراولیٰ سے نصیب فرمائیے… تہجد، اشراق، صلوۃ التسبیح اور نوافل کی بڑی مقدار ہمیں نصیب فرمائیے… یااللہ! ان ایام میں ہمارے دل اہل ایمان کی محبت سے بھر دیجئے… ان میں مسلمانوں کے لئے خیر خواہی ڈال دیجئے… ہمارے دلوں سے مسلمانوں کے لئے کینہ، بغض اور عداوت نکال دیجئے… یااللہ! ان ایام میں کم از کم ایک قرآن پاک کی تلاوت، زیادہ تکبیر، کلمہ طیبہ، تیسرا کلمہ، درود شریف اور استغفار ہمیں نصیب فرما دیجئے… یااللہ! ان ایام میں ہمیں خوب دعاء مانگنے والا، شکر سے مسکرانے والا، ندامت سے رونے والا اور امید سے قوت پکڑنے والا بنا دیجئے… یااللہ! ان ایام میں ہم سے اپنے دین کا زیادہ سے زیادہ مقبول کام لے لیجئے اور ہمیں ہر گناہ اور فتنے سے بچا دیجئے…
والسلام
خادم
لاالہ الااللہ محمد رسول اللہ
22-08-2017
(’’عشرہ ذی الحجہ‘‘ میں کرنے والے کام)
مکتوب خادم
السلام علیکم و رحمۃ اللہ و برکاتہ!
اللہ تعالیٰ کا شکر ہے وہ قریب آرہے ہیں… افضل ایام، روشن راتیں… آج حجاز میں تیس ذوالقعدہ ہے… یعنی مغرب سے’’ذوالحجہ‘‘شروع… پاکستان میں آج چاند کمیٹی بیٹھے گی… جس کو جو چاند لگے اس کے مطابق مہینے کا استقبال، چاند رات کی دعائیں… اور مبارک عشرہ کے معمولات شروع کردے… تین اہم نکتے یاد رکھیں…
(۱)’’عشرہ ذی الحجہ‘‘کیسے گزارنا ہے؟ اس کے لئے ’’رمضان المبارک‘‘کو مرشد بنالیں… تب اعمال کی ترتیب آسان ہوجائے گی… یعنی رمضان کے آخری عشرہ کی طرح گزارنے کی کوشش…
(۲) خود اعمال کریں مگر دوسروں کی ٹوہ میں نہ لگے رہیں کہ کس کو روزہ ہے کس کو نہیں… بس اپنی جھولی بھریں دوسرے کس حال میں ہیں… ہمیں نہ کسی کا مقام معلوم نہ حال… سب سے حسن ظن ہو… بلکہ ’’دادا مرحوم‘‘کی طرح خود روزہ رکھ کر دوسروں کو کھلاتے پلاتے رہیں…
(۳) یہ عزم باندھ لیں کہ ان دس ایام میں ساری زندگی کی کمی کوتاہی کا ازالہ کرنا ہے، اس لئے ہر وقت نیکی کی فکر میں رہیں…
(۴) اپنے دل میں مسلمانوں کے لئے محبت، خیرخواہی بھرلیں یہ وہ عمل ہے جو چوبیس گھنٹے آپ کے ساتھ رہے گا اور آپ کے اجر کو بڑھاتا رہے گا… مسجد جائیں تو سب اہل مسجد کی محبت دل میں ،کسی مجلس میں بیٹھیں تو سب سے دل صاف… یہ عجیب سرشار کرنے والی اور ترقی دینے والی نیکی ہے…
(۵)آج زائد بال ناخن وغیرہ تراش لیں… اور مغرب سے اَللّٰہُ اَکَبَرُ کَبِیْراً۔
والسلام
خادم
لاالہ الااللہ محمد رسول اللہ
23-08-2017
(ڈینگی کا علاج)
مکتوب خادم
السلام علیکم و رحمۃ اللہ و برکاتہ!
اللہ تعالیٰ ہر’’بلا‘‘ ہر’’وبا‘‘ سے حفاظت فرمائیں… پشاور وغیرہ میں’’ڈینگی‘‘ کی وبا پھوٹ پڑی ہے… علاج ’’استغفار‘‘ ہے انفرادی بھی اجتماعی بھی… گناہ چھوڑنا، گناہوں پر معافی مانگنا… مزید صبح شام تین تین بار ’’معوذتین‘‘ بہت حفاظت والا عمل ہے… اور تین تین بار تعوذات… اَعُوْذُ بِکَلِمَاتِ اللّٰہِ التَّامَّاتِ مِنْ شَرِّمَا خَلَقَ… اَعُوْذُ بِکَلِمَاتِ اللّٰہِ التَّامَّاتِ مِنْ کُلِّ شَیْطَانِ وَھَامَۃِ مِنْ کُلِّ عَیْنِ لَامٰۃِ… اور حفاظت کا نسخہ صبح شام تین تین بار… بِسْمِ اللّٰہِ الَّذِیْ لَایَضُرُّ مَعَ اِسْمِہٖ شَیْئٗ فِی الْاَرْضِ وَلَا فِی السَّمَائِ وَھُوَ السَّمِیْعُ الْعَلِیْمُ… اور یہ دعاء… اَللّٰھُمَّ اِنِّیْ اَعُوْذُ بِکَ مِنَ الْجُذَامِ وَالْبَرَصِ وَالْجُنُوْنِ وَسَِّیِٔ الْاَ سْقَامِ… جن پر مرض کا حملہ ہو چکا ان کا علاج… خالص سرکہ لے کر اس پر تین بار منزل دم کریں اور مریض کو ایک چمچ روز پانی میں ملا کر پلائیں، مرض فوراً ٹوٹ جائے گا ان شاء اللہ…گھر میں مختلف جگہوں پر پیاز چھیل کر اوپر سے تھوڑا سا کاٹ کر رکھ دیں… اس سے وباء رک جاتی ہے… مگر چار پانچ دن بعد پیاز بدل لیں… روزانہ پانچ بار سورہ یٰس
پڑھ کر پانی پر دم کرکے پلانا اور اکتالیس بار سورہ فاتحہ ہر بیماری کا علاج ہے ان شاء اللہ۔
والسلام
خادم
لاالہ الااللہ محمد رسول اللہ
23-08-2017
(’’عشرہ ذی الحجہ‘‘کیسے گذاریں؟)
مکتوب خادم
السلام علیکم و رحمۃ اللہ و برکاتہ!
اَللہ اَکْبَرُ، اَللہ اَکْبَرُ لَااِلَہَ اِلَّااللہ وَاَللہ اکْبَرُ، اَللہ اَکْبَرُ ُوَلِلّٰہِ الْحَمْدُ… کئی مقامات پر افضل ایام شروع ہو گئے… مکہ، مدینہ سے افغانستان تک… اور کئی مقامات پر آج شروع ہوں گے مغرب سے… مسلمانوں کے لئے ’’رمضان المبارک‘‘ ایک مرشد کی طرح ہے… اس مبارک مہینے میں شیطان قید ہوتے ہیں اور توفیق کے دروازے کھل جاتے ہیں… چنانچہ عبادت کی بہترین ترتیب بن جاتی ہے… اب جب بھی کسی مسلمان نے چند دن عبادت، ریاضت، خلوت کی ترتیب بنانی ہو وہ رمضان المبارک کے آخری عشرے میں بنالے تو… وہ ان شاء اللہ ہر خیر پالے گا… وہی روزہ، وہی رات کا قیام، وہی سحری، وہی افطاری… وہی دعائیں، وہی آہیں… وہی صدقات، وہی خیرات… وی جوش، وہی ہوش… اور وہی… اَللّٰھُمَّ اِنَّکَ عَفُوّٗ تُحِبُّ الْعَفْوَ فَاعْفُ عَنَّا…کی التجائیں… ذوالحجہ کے پہلے دس دن کئی اہل علم کے نزدیک… رمضان المبارک کے دنوں سے بھی افضل ہیں… چنانچہ ان میں ’’عمل صالح‘‘ کی زیادہ محنت اور فکر کی جائے… آج کل عالم کفر مجاہدین کی یلغار سے بوکھلایا ہوا ہے… ٹرمپ اور مودی باولے ہو رہے ہیں… جہاد اور مجاہدین کے لئے اس عشرے میں دعاء کا اہتمام کریں… دین پور کے حضرت میاں زبیر احمد صاحب وفات پا گئے… اور ہمارے پشاور والے بھائی زبیرکی اہلیہ کا بھی انتقال ہوا ہے… دونوں کے لئے ایصال ثواب کی التماس ہے۔
والسلام
خادم
لاالہ الااللہ محمد رسول اللہ
24-08-2017
(’’وباء‘‘ ایک عذاب/ نفل قربانی مہم)
مکتوب خادم
السلام علیکم و رحمۃ اللہ و برکاتہ!
اللہ تعالیٰ تمام بیمار مسلمانوں کو شفاء کاملہ عطاء فرمائیں… ’’وباء‘‘ ویسے تو عذاب کی ایک شکل ہے مگر اس کے ذریعہ ایمان والوں کو ’’شہادت‘‘ بھی ملتی ہے… کئی حضرات صحابہ کرام خصوصاً امین الامۃ حصرت سیدنا ابوعبیدہ بن جراح رضی اللہ عنہ وباء سے شہید ہوئے… وہ عشرہ مبشرہ میں سے تھے اور حضرت فاروق اعظم رضی اللہ عنہ اپنے بعد ان کو مسلمانوں کا خلیفہ بنانا چاہتے تھے… جو مسلمان ’’وباء‘‘ سے بیمار ہیں ان سے قلبی عیادت اور ان کے لئے ڈھیروں دعائیں… شہادت والی بات سے وہ نہ ڈریں… اللہ پاک ان کو شفاء عطاء فرمائے… کئی لوگ کہتے ہیں ہم وظیفہ کرتے ہیں مگر اثر نہیں ہوتا… بات یہ ہے کہ قلبی توجہ نہیں ہوتی… منہ کدھر، دماغ کدھر، زبان کدھر… ایک بار توجہ سے معوذتین پڑھ کر دیکھیں، آیۃ الکرسی پڑھ کر دیکھیں، فاتحہ پڑھ کر دیکھیں… اسی وقت اثر ہوتا ہے… بس دل اور دماغ کو لگانا پڑتا ہے… طوطے کی طرح صرف الفاظ سے کام نہیں بنتا… وظیفے بے شک تھوڑے کریں مگر مسنون کریں اور قلبی توجہ سے کریں… ویسے آج کل تو خوب اعمال کرنے چاہئیں… مولانا تونسوی صاحب نے القلم میں بڑا اچھا جملہ لکھا ہے کہ… یہ دن مٹی کو سونا بنانے کی تاثر رکھتے ہیں… نفل قربانی مہم بھی مبارک عشرے میں داخل ہوچکی… جنہوں نے پہلے دی ان کا اجر بھی اسی عشرے کا ہوگا ان شاء اللہ… اورگے ان کا تو یہ’’عمل صالحہ‘‘ پکا اس عشرے میں آئے گا… مغرب سے جمعہ شریف، مقابلۂ حسن، عمل ایۃ الکرسی مرحبا!۔
والسلام
خادم
لاالہ الااللہ محمد رسول اللہ
26-08-2017
(’’ تکبیر‘‘ پڑھنے کے دن)
مکتوب خادم
السلام علیکم و رحمۃ اللہ و برکاتہ!
اللہ تعالیٰ کی’’بڑائی‘‘ بیان کرو… وَرَبَّکَ فَکَبِّرْ… اَللہ اَکْبَرُ، اَللہ اَکْبَرُ لَااِلَہَ اِلَّااللہ وَاَللہ اکْبَرُ، اَللہ اَکْبَرُ ُوَلِلّٰہِ الْحَمْدُ … سُبْحَانَ اللّٰہِ! کیسی زبردست ’’تکبیر‘‘ ہے… چھ بار اسم اعظم ’’اللہ‘‘… ایک بار افضل الذکر’’ لَااِلَہَ اِلَّااللّٰہُ‘‘ چار بار ’’تکبیر‘‘ اور ایک بار’’حمد‘‘… آج کل یہ تکبیر پڑھنے کے دن ہیں… جتنی پڑھی جائے دل نہیں بھرتا… گھر میں سب مل کر پڑھیں… مجالس میں پڑھیں… راستوں پر پڑھیں… قربانی کے جانور خریدتے اور چراتے وقت پڑھیں… اتنا پڑھیں کہ دل سے آواز آئے… اَللہ اَکْبَرُ، اَللہ اَکْبَرُ … اللہ تعالیٰ کی عظمت دل میں بیٹھے گی تو ہمارے نفس کا تکبر ٹوٹے گا… اَللہ اَکْبَرُ، اَللہ اَکْبَرُ … اللہ تعالیٰ کی عظمت دل میں گھر کرے گی تو دل سے غیر اللہ کا خوف نکلے گا… اَللہ اَکْبَرُ، اَللہ اَکْبَرُ … اللہ تعالیٰ کی بڑائی دل میں اترے گی تو دنیا کی حقارت ہمیں نظر آئے گی… اَللہ اَکْبَرُ، اَللہ اَکْبَرُ … اللہ تعالیٰ کی عظمت دل میں بسے گی تو اللہ تعالیٰ کا قرب ملے گا… اَللہ اَکْبَرُ، اَللہ اَکْبَرُ … آواز نہ بہت اونچی، نہ بہت ہلکی… دل کو ساتھ ملا کر یقین کے ساتھ… محبت کے ساتھ… جوش کے ساتھ… اَللہ اَکْبَرُ، اَللہ اَکْبَرُ … گھر والوں کو ساتھ بٹھالیں، بچوں کو بھی شامل کرلیں اور پھر… اَللہ اَکْبَرُ، اَللہ اَکْبَرُ لَااِلَہَ اِلَّااللہ وَاَللہ اکْبَرُ، اَللہ اَکْبَرُ ُوَلِلّٰہِ الْحَمْدُ
والسلام
خادم
لاالہ الااللہ محمد رسول اللہ
26-08-2017
(’’عشرہ ذی الحجہ‘‘ کا عمل صالح)
مکتوب خادم
السلام علیکم و رحمۃ اللہ و برکاتہ!
اللہ تعالیٰ کو’’عشرہ ذی الحجہ‘‘ میں ’’عمل صالح‘‘ بہت محبوب ہے…’’ عمل صالح‘‘ یعنی نیک اعمال… ان دنوں کا ہر نیک عمل… جہاد سے بھی بڑھ کر محبوب اور اونچا… مگر اس جہاد کے برابر نہیں جس میں مؤمن کا مال بھی قربان ہو اور جان بھی قربان ہو… پس ان دنوں ہمیں’’عمل صالح‘‘ کی حرص ہونی چاہیے… ہر وقت یہ فکر کہ اس وقت کونسا عمل صالح کرسکتا ہوں… بس نیکی، نیکی اور نیکی… آخرت کا شاندار ذخیرہ… ہمارے پاس طاقت نہیں مگر اللہ تعالیٰ طاقت والا ہے… ہمارے پاس علم نہیں مگر اللہ تعالیٰ علم والا ہے… اسی سے مانگیں کہ یااللہ! ان ایام میں’’عمل صالح‘‘کی توفیق کھول دیجئے… عمل صالح سمجھا دیجئے… عمل صالح نصیب فرما دیجئے… واجب قربانی بھی دل کھول کر… اور نفل قربانی بھی ہاتھ کھول کر… نفل قربانی ہدیہ بھی ہے اور صدقہ بھی… صدقہ سے ہر بلا ٹلتی ہے، اللہ تعالیٰ کا غصہ اور غضب ٹھنڈا ہوتا ہے… اور ہدیہ کا مقام صدقہ سے بہت اونچا… نفل قربانی کی رسید کٹوائیں اور پھر اس عمل کے وسیلے سے اللہ تعالیٰ سے دعاء مانگیں… یقین کریں کہ جو بیماری آٹھ لاکھ کے علاج سے ٹھیک نہیں ہوتی وہ آٹھ ہزار کی رسید پر ان شاء اللہ جان چھوڑ دے گی… ہمت کریں… پیسہ پھر آجائے گا مگر یہ دن اور ان کا عمل صالح پھر نصیب ہو یا نہ ہو… اس لئے جلدی کریں، بہت جلدی۔
والسلام
خادم
لاالہ الااللہ محمد رسول اللہ
27-08-2017
(’’عشرہ ذی الحجہ‘‘ کے مقبول اعمال کی شاندار گذاری/ نفل قربانی مہم)
مکتوب خادم
السلام علیکم و رحمۃ اللہ و برکاتہ!
اللہ تعالیٰ اپنے فضل سے قبول فرمائے… عشرہ ذی الحجہ کے محبوب اعمال کی ہر طرف سے شاندار کارگزاری آرہی ہے… کہیں سینکڑوں افراد اکھٹے روزہ رکھ رہے ہیں تو کہیں اپنی پوری راتوں کو ’’عمل صالح‘‘ سے زندہ کیا جارہا ہے… جن کو ابھی تک روزے کی ہمت نہیں ہورہی وہ بھی… اللہ تعالیٰ سے توفیق مانگ لیں… ایک روزہ ایک سال کے روزوں کے برابر ہے… پھر سحری کی برکت الگ… افطار کی لذت الگ… اور پندرہ گھنٹے مسلسل ’’عمل صالح‘‘… کمال تو ماشاء اللہ انہوں نے کیا جو اس عشرے میں جان بھی قربان کرگئے… ان کے برابر کون ہوسکتا ہے؟… کل سارا دن مقبوضہ کشمیر پلوامہ میں انڈین سی آر پی ایف کا کیمپ ’’فدائیوں‘‘کی یلغار سے جلتا اور کراہتا رہا… تین فدائی ایسے بھاری پڑے کہ فضائیہ کی مدد لی گئی… ہمیں چاہیے کہ اپنی ایک دن کی تمام نفل عبادت، روزے اور صلوۃ التسبیح کا ان تین ’’اولیاء کرام‘‘ کو ایصال ثواب کردیں… سبحان اللہ عشرہ ذی الحجہ میں جہاد اور شہادت… برما کے جانباز مجاہدین کو بھی سلام جمعہ کے دن انہوں نے ظالم برمی حکومت کو لرزا کر رکھ دیا… پاکستان والے ٹرمپ کی دھمکیوں سے خوفزدہ نہ ہوں ہمت کا مظاہرہ کریں… نفل قربانی مہم اچھی جارہی ہے، کراچی کے دیوانے اب دیوانہ وار محنت کرکے… اپنا ’’عمل صالح‘‘بڑھائیں… قربانی اور چرم کی مہم بہت سے مقبول اعمال صالحہ کا مجموعہ ہے… غنیمت جانیں…
والسلام
خادم
لاالہ الااللہ محمد رسول اللہ
28-08-2017
(بعض اعمال کی قیمت بعض اوقات میں بہت بڑھ جاتی ہے)
مکتوب خادم
السلام علیکم و رحمۃ اللہ و برکاتہ!
اَللہ اکْبَرُ… جماعت کو اللہ تعالیٰ کی نصرت نصیب ہوئی… ہر طرف خوشی اور شکر کی لہر دوڑ گئی… شکرانے کے نوافل اور طواف ادا ہوئے… اللہ تعالیٰ باقی اسیران اسلام کو بھی رہائی عطاء فرمائے… ایک نکتہ سمجھیں… بعض اعمال کی قیمت، بعض اوقات میں بہت بڑھ جاتی ہے… جس طرح ماہر تاجر مارکیٹ پر گہری نظر رکھتے ہیں کہ… کس چیز کا ریٹ بڑھا اورکس کا گرا… اسی طرح بندہ مؤمن کو نظر رکھنی چاہیے کہ کن اوقات میں کن اعمال کی قیمت اللہ تعالیٰ کے ہاں بڑھ جاتی ہے… فرمایا ’’یوم النحر‘‘ یعنی دس ذی الحجہ کے دن… کوئی عمل بھی قربانی کے برابر محبوب نہیں… سُبْحَانَ اللہْ! عید کے دن ’’قربانی‘‘ کی قیمت اتنی بڑھ گئی کہ وہ اللہ تعالیٰ کے نزدیک محبوب ترین عمل بن گئی… یعنی اب اس دن اور کوئی عمل اس کے برابر نہیں… اب جو شخص اللہ تعالیٰ کو مانتا ہو… اللہ تعالیٰ سے محبت رکھتا ہو اور اللہ تعالیٰ کی محبت کی قیمت جانتا ہو… وہ عید کے دن کس قدر ذوق، شوق اور جوش سے قربانی کرے گا؟ اسے تو اگر اپنے گلے پر چھری پھیرنے کی اجازت ہو تو اس سے بھی دریغ نہ کرے… اللہ تعالیٰ کی محبت کی قیمت بہت اونچی ہے… اور عید کے دن یہ محبت ’’قربانی‘‘ سے ملتی ہے… اس لئے بھائیو اور بہنو! اخلاص سے قربانی کرو، کچھ قربان کرکے قربانی کرو… واجب قربانی بھی کرو، نفل بھی… قربانی سے قرب ملتا ہے… محبت ملتی ہے… یااللہ! توفیق عطاء فرما…
والسلام
خادم
لاالہ الااللہ محمد رسول اللہ
29-08-2017
(انڈیا کی رسوائی پر اظہارخوشی)
مکتوب خادم
السلام علیکم و رحمۃ اللہ و برکاتہ!
اَللّٰہُ اَکْبَرُ کَبِیْراً… انڈیا ذلیل و رسوا ہوا… مودی کو عبرتناک ہزیمت اٹھانا پڑی… اس نے اپنی فوج ’’ڈوکلام‘‘ سے واپس بلالی…’’ چین‘‘ کے ہاتھوں ’’انڈیا‘‘ کی اس’’رسوائی‘‘ پر خوشی ہوئی… اس خوشی کا جواز ’’سورہ روم‘‘ میں موجود ہے… ان شاء اللہ کشمیر سے بھی انڈیا… ذلیل ہوکر نکلے گا… پسپائی کا جب آغاز ہوجائے تو پھر یہ سلسلہ رکتا نہیں ہے… آج تمام اہل دل برمی مسلمانوں کی حفاظت اور غلبے کے لئے دعاء مانگیں… اَللّٰھُمَّ اِحْفَظْھُمْ مِنْ بَیْنِ اَیْدَیْھِمْ وَمِنْ خَلْفِھِمْ وَعَنْ اَیْمَانِھِمْ وَعَنْ شَمَائِلِھِمْ وَ مِنْ فَوْقِھِمْ وَمِنْ تَحْتِھِمْ… اَلْحَمْدُلِلّٰہْ نفل قربانی مہم کامیاب اور شاندار جارہی ہے… مزید کم از کم آٹھ سو قربانیوں کی ضرورت ہے… اَلْحَمْدُلِلّٰہْ اکثر تقاضے پورے ہوچکے ہیں… کل رات تک 2864 قربانیاں وصول ہوچکی تھیں… دن بہت کم رہ گئے ہیں… کوشش کریں کہ کل بروز بدھ رات تک ہدف پورا ہوجائے… وہ مسلمان جو عشرہ ذی الحجہ کے روزے نہیں رکھ سکے… اب آخری دو تین دن کے روزے رکھ لیں… خصوصاً عرفہ کا روزہ بہت مبارک ہے… ’’ٹرمپ‘‘ دن رات شمالی کوریا کو دھمکیاں دیتا ہے وہ جواب میں نیا میزائل پھینک دیتے ہیں… جبکہ پاکستان کو اس نے ایک دھمکی دی تو یہاں حکومت خوفزدہ نظر آرہی ہے… یااللہ! مسلمان حکمرانوں کو ایمان اور دینی غیرت عطاء فرما…
والسلام
خادم
لاالہ الااللہ محمد رسول اللہ
30-08-2017
(حقیقت قربانی)
مکتوب خادم
السلام علیکم و رحمۃ اللہ و برکاتہ!
اَللّٰہُ اَکْبَرُ، اَللّٰہُ اَکْبَرُ… حجاج کرام’’منٰی‘‘پہنچ گئے… اللہ تعالیٰ حج مبرور نصیب فرمائے…’’ منٰی‘‘کے نام کے ساتھ’’قربانی‘‘جڑ گئی ہے… باپ نے بیٹے کو قربان کردیا… صرف ایک اللہ تعالیٰ کے لئے… اللہ تعالیٰ نے بیٹا واپس فرما دیا اور قربانی کی سنت کو جاری فرما دیا… بھائیو! قربانی کیا ہوتی ہے؟ بس! ایک لمحے کا فیصلہ… ایک لمحے کی ہمت… اور پھر کامیابی ہی کامیابی… اللہ تعالیٰ ہمیں بھی ’’قلب سلیم‘‘ عطاء فرمائے… ایسا پیارا لاڈلا بیٹا ’’اسماعیل‘‘جس کی پیشانی میں صدیوں کا نور نظر آرہا تھا… مگر جب حکم آیا کہ اس کو ذبح کردیں تو… ایک لمحے کا فیصلہ… ایک لمحے کی ہمت کہ… بس اللہ تعالیٰ کا حکم پورا کرنا ہے… سُبْحَانَ اللّٰہْ!… تب نصرت بھی آجاتی ہے اور قبولیت بھی… اگراس لمحے’’نہیں‘‘کردیتے تو کیا ملتا؟… آج ہر قربانی میں ان کا اجر شامل ہے… کوئی شمار کرسکتا ہے؟… اس سال عزم کریں کہ قربانی… محبت،اخلاص اور تقویٰ سے پیش کرنی ہے… نہ گوشت کی فکر نہ کوئی دکھلاوا… فریجیں اور ریفریجریٹر صاف کرنے سے پہلے اپنے دل گوشت کی فکر سے صاف کرلیں جو گوشت ہمارا رزق ہے وہ ہمیں ہر حال میں ملے گا… عید ہو یا نہ ہو… عید پر تو قربانی دینی ہے، قربان کرنا ہے، ایثار کرنا ہے… پکا عزم کریں کہ… قربانی کا تیسرا حصہ ان شاء اللہ ضرور فقراء و مساکین میں تقسیم کریں گے… اور خود کھانے کی بجائے غریبوں کو کھلانے کی فکر کریں گے… تب اللہ تعالیٰ ہمیں خوب کھلائیں گے… اپنا قرب عطاء فرمائیں گے ان شاء اللہ…
والسلام
خادم
لاالہ الااللہ محمد رسول اللہ
31-08-2017
(یوم عرفہ)
مکتوب خادم
السلام علیکم و رحمۃ اللہ و برکاتہ!
اللہ تعالیٰ ہمارے لئے ’’توفیق‘‘ کے دروازے کھولے… دس بڑے دنوں میں جو دن سب سے بڑے ہیں… وہ آگئے…اللہ اکْبَرُ، اللہ اکْبَرُ … علامہ ابن رجب رحمہ اللہ نے عجیب نکتہ لکھا ہے… خلاصہ یہ کہ ہر مؤمن کا دل فطری طور پر حج کعبہ کا عشق رکھتا ہے… مگر وہاں سب نہیں جاسکتے… تو جو نہیں جاسکتے اللہ تعالیٰ نے ان کو یہ دس دن عطاء فرما دیئے کہ… ان میں ’’اعمال صالحہ‘‘ کرو تمہیں ان اعمال پر جہاد سے بھی زیادہ اجر ملے گا… اور جہاد حج سے افضل ہے… پس محرومی ختم ہو گئی… اے مسلمانو! اللہ تعالیٰ کے سخاوت والے خزانے کھلے ہیں… عشرہ ذی الحجہ اب اختتام کو ہے… خوب کمالو، خوب بنالو اور خوب پالو… خاص طور سے عرفہ کا دن… اس میں روزہ، نمازوں اور نوافل کا اہتمام… تکبیر، تسبیح اور تہلیل کی کثرت… بہت سا استغفار، ڈھیروں درود و سلام، کافی سارا انفاق فی سبیل اللہ اور صدقہ… بہت دعائیں… کچھ آنسو… جہنم سے نجات کی التجاء… اور مسلمانوں کے ساتھ خیر خواہی… اللہ اکْبَرُ، اللہ اکْبَرُ … حجاج کرام آج حج کا رکن اعظم ادا کریں گے… وہاں آج یوم عرفہ ہے… ہم بھی قلبی اور روحانی طور پر حاضری کی کوشش کریں… حجاج کرام کے لئے دعاء مانگیں… اور اپنی جسمانی حاضری کی درخواست پیش کریں… اللہ اکْبَرُ، اللہ اکْبَرُ … اے اہل عرفات! اللہ تعالیٰ آپ کا حج قبول فرمائے… مجاہدین اور اسیران اسلام کو اپنی دعاؤں میں یاد رکھنا… شہداء کے اہل خانہ، زخمیوں اور دربدر مسلمانوں کو بھی… خاص طور سے ہماری بہن عافیہ صدیقی کو…
والسلام
خادم
لاالہ الااللہ محمد رسول اللہ
٭…٭…٭
01-09-2017
(عید مبارک)
مکتوب خادم
السلام علیکم و رحمۃ اللہ و برکاتہ!
اللہ تعالیٰ آپ سب کو ایمان اور خوشیوں والی عید نصیب فرمائے… آپ سب کو پیشگی عید مبارک… مہمات میں محنت کرنے والوں کو بھاری عمل صالح مبارک… مہمات میں تعاون کرنے والوں کو عظیم اجتماعی کام میں حصہ ڈالنا مبارک… عشرہ ذی الحجہ کو قدرکے ساتھ گزارنے والوںکو … شعور اور سعادت کی بیداری مبارک… آخرت کا سرمایہ مبارک… الحمدللہ’’ افضل ایام الدنیا‘‘خوب پڑھی گئی… مکتوبات کی بھی توفیق ملی سب نعمتوں پر اللہ تعالیٰ کا بے حد شکر… آج مکتوبات کا یہ سلسلہ مکمل ہوا… ’’لَاحَوْلَ وَلَا قُوَّۃَ اِلَّابِاللّٰہ۔‘‘
والسلام
خادم
لاالہ الااللہ محمد رسول اللہ
07-09-2017
(برما میں مسلمانوں کے قتل عام پر اظہار تشویش/ مقابلہ حسن)
مکتوب خادم
السلام علیکم و رحمۃ اللہ و برکاتہ!
اللہ تعالیٰ سے اس کی قدرت کے وسیلے سے… مغفرت، رحمت، عافیت، نصرت اور حسن خاتمہ کا سوال ہے…’’برما‘‘کے مسلمانوں کی قربانی، ہجرت اور مظلومیت نے امت مسلمہ میں بیداری کی نئی لہر دوڑا دی ہے… برمی بدھ مت حکومت کے بزدلانہ بہیمانہ مظالم نے جہاد کے ایک نئے’’محاذ‘‘کو کھڑا کردیا ہے… دنیا بھر سے مسلمان نوجوانوں کے پیغامات آرہے ہیں کہ وہ برماکے محاذ پر جانے کے لئے بے چین ہیں… کلمہ طیبہ’’لاالہ الا اللہ محمد رسول اللہ‘‘کا رشتہ ہر طرف پنپتا اورمہکتا نظر آرہا ہے… امت مسلمہ کے فدائی جانیں ہتھیلی پر رکھے اللہ تعالیٰ سے راستہ اورتوفیق مانگ رہے ہیں… جبکہ امت کی مائیں اور بیٹیاں اپنے زیورات ہاتھوں میں اٹھائے… اپنی برمی مسلمان بہنوںکے تعاون کے لئے تڑپ رہی ہیں… اسلامی اخوت، محبت اور غیرت کا دریا ہر طرف جوش مار رہا ہے… ’’بدھا‘‘ کے پجاری بری طرح بے نقاب ہو رہے ہیں… وہ جو’’بدھا‘‘کے بے جان مجسمے بچانے کے لئے انسانیت کے واسطے دیتے تھے… آج ان کے منہ اور دانتوں سے انسانوں کا ٹپکتا خون ساری دنیا دیکھ رہی ہے… یاد رکھنا! اے نا پاک قاتلو! بد فطرت گنجو! ناپاک نارنگیو! یہ مسلمانوں کا خون ہے… تم سے اس کے ہر قطرے کا حساب لیا جائے گا… انشاء اللہ… آج مغرب سے جمعہ شریف، مقابلۂ حسن، عمل آیۃ الکرسی اور برما کے مسلمانوں کے لئے دعاؤں کا اہتمام۔
والسلام
خادم
لاالہ الااللہ محمد رسول اللہ
08-09-2017
(کشمیری مسلمانوں کے برما کے مسلمانوں کے حق میں مظاہرے/ ’’ حجامہ‘‘ کی ترغیب)
مکتوب خادم
السلام علیکم و رحمۃ اللہ و برکاتہ!
اللہ تعالیٰ کشمیری مسلمانوںکو جزائے خیر عطاء فرمائیں… خود زخموں سے چور چور ہیں مگر اپنے برمی مسلمان بھائیوں کے لئے مظاہرے کر رہے ہیں… القلم کے تازہ شمارے نے بھی برما کے مسلمانوں کا درد سنایا ہے… مولانا طلحہ السیف صاحب کا تازہ کالم بہت قیمتی اور شاہکار ہے اسے پڑھیں اور دور دور تک پھیلائیں… حجامہ کی تاریخیںآگئی ہیں ہفتہ 17، پیر…9 آگے سردی کا موسم آنے والا ہے اس ماہ کے حجامہ کو غنیمت سمجھیں…گوشت کے مضر اثرات اور ڈینگی کے جراثیم بھی ٹوٹ جائیںگے… بعض ڈاکٹر حجامہ پر طنز کرتے ہیں کہ کھال میںکٹ لگانے سے اندر جسم کا علاج کیسے ہوگا؟ کوئی ان سے پوچھے کہ ڈینگی مچھر بھی تو کھال پر ہلکا سا کٹ لگاتا ہے پھر پورا جسم اندرتک کیوں بیمار ہو جاتا ہے… ہماری جماعت کا شعبہ حجامہ ماشاء اللہ منفرد ہے… یہ خدمت اور تقویٰ کی بنیاد پر قائم ہے… ہمارا اس میں کوئی مالی مفاد نہیں… خود بھی اگر جماعتی معالج سے حجامہ کرائیں تو پوری فیس ادا کرتے ہیں … ہمارے معالجین مَاشَائَ اللّٰہ آیت الکرسی، ذکر اور ایمان کے ماحول میں حجامہ کرتے ہیں اور ایک پوائنٹ کے صرف 60 روپے لیتے ہیں… ان میں سے بیس روپے معالج، بیس روپے سامان اور بیس روپے اجتماعی بیت المال کے ہیں… جو بیت المال خیرکے بڑے بڑے کاموں پر خرچ کرتا ہے… حضرت آقا مدنی صلی اللہ علیہ وسلم کے احسانات میں سے ایک عظیم احسان’’الحجامہ‘‘ہے… فائدہ اٹھالیں، فائدہ اٹھالیں۔
والسلام
خادم
لاالہ الااللہ محمد رسول اللہ
(حضرت امیر محترم کی ساس صاحبہ کے انتقال پر جاری کیا گیا مکتوب)
مکتوب خادم
السلام علیکم و رحمۃ اللہ و برکاتہ!
اَللّٰہُ الْبَاقِی… اِنَّا لِلّٰہِ وَاِنَّا اِلَیْہِ رَا جِعُوْنَ… بندہ کی’’محترمہ ساس صاحبہ‘‘ وفات پاگئی ہیں… اللہ تعالیٰ مغفرت کا اعلیٰ مقام نصیب فرمائیں، انکی زندگی ماشاء اللہ عبادت اور خدمت قرآن سے منور تھی… آج دن ساڑھے گیارہ بجے ماڈل ٹاؤن بی بہاولپورکی جنازہ گاہ(نزد مدینہ مسجد) میں نماز جنازہ ادا ہوگی… قریب والوں سے شرکت اور دور والوں سے ایصال ثواب کی التماس ہے۔
والسلام
خادم
لاالہ الااللہ محمد رسول اللہ
09-09-2017
(حضورﷺ کی سکھلائی ہوئی ایک جامع دعاء/ ’’فیس بک‘‘ سے چھٹکارے کے فائدے)
مکتوب خادم
السلام علیکم و رحمۃ اللہ و برکاتہ!
اَللّٰھُمَّ اِنِّیْ اَسْئَلُکَ الْھُدٰی وَالتُّقٰی وَالْعَفَافَ وَالْغِنٰی… یااللہ! آپ سے ہدایت، تقویٰ، پاکیزگی اورغناء کا سوال ہے… ہمارے حضرت اس دعاء کی بہت تلقین فرماتے تھے… یہ حضرت آقا مدنی صلی اللہ علیہ وسلم کی سکھائی ہوئی دعاء ہے… جو بھی اس دعاء کا اہتمام کرتا ہے اپنی زندگی میں عجیب تبدیلی پاتا ہے… اصل چیز’’ہدایت‘‘ ہے… ہدایت’’تقویٰ‘‘ سے نکھرتی ہے اور’’تقویٰ‘‘ پاکدامنی سے مضبوط ہوتا ہے… اور پاکدامنی آتی ہے دل کے غنی ہونے سے… یعنی حرص اور فقر سے پاک ہونے سے… کئی لوگ شکریہ ادا کرتے ہیں کہ ’’اَلْحَمْدُ لِلّٰہ‘‘ فیس بک سے جان چھوٹی… اور ہماری زندگی سے کئی موذی افراد خود بخود نکل گئے… کچھ ان میں فسادی تھے،کچھ شرارتی، کچھ متکبر اور بعض چبائی ہوئی چونگم کی طرح چپکنے والے… فیس بک چھوڑی تو ان سب سے محفوظ ہوگئے… اب نہ یہ ہمیں ستا سکتے ہیں، نہ بہکا سکتے ہیں… نہ ایذاء پہنچا سکتے ہیں… نہ ہمارا وقت ضائع کر سکتے ہیں… نہ ہماری بے عزتی کر سکتے ہیں، نہ ہمیں اپنے انتظار میں تھکا سکتے ہیں… اور نہ ہمیں گمراہی، دھوکے اور غلطی میں ڈال سکتے ہیں… یہ سب ایک دم مرگئے… یہ نہ ہمارے خاندان کے تھے… نہ محلے کے… نہ مسجدکے… نہ قریبی معاشرے کے… یہ سارے موذی فیس بک کی وجہ سے ہم سے چپک گئے اور خواہ مخواہ ہماری زندگی کی لازمی مصیبت بن گئے… اللہ تعالیٰ کی ہدایت کا نور جب آتا ہے تو تقویٰ بھی ساتھ لاتا ہے، تقویٰ آتا ہے تو پاکیزگی ملتی ہے… پاکیزگی ملتی ہے تو انسان غنی بن جاتا ہے… سیر چشم، قانع، باد شاہ۔
والسلام
خادم
لاالہ الااللہ محمد رسول اللہ
10-09-2017
(آہ! قرآن مجید سے دور ہوکر ہم کتنے جاہل ہوگئے)
مکتوب خادم
السلام علیکم و رحمۃ اللہ و برکاتہ!
اللہ تعالیٰ ہمیں’’قرآن مجید‘‘کی قدر نصیب فرمائے، سمجھ نصیب فرمائے… دل چاہتا ہے قرآن پاک کے ہر لفظ کا مطلب معلوم ہو… ہر آیت کا مقصد معلوم ہو… قرآن پاک کا ہر حکم معلوم ہو… قرآن پاک کی ہر حکمت معلوم ہو… آہ! قرآن مجید سے دور ہوکر ہم کتنے جاہل ہوگئے…کتنے محروم ہوگئے… وہ باتیں جن کو قرآن مجید ضروری قرار دیتا ہے ہم ان کو نَعَوْذُ بِاللّٰہْ برا جانتے ہیں… ان سے نفرت تک کرتے ہیں…کل میں ایسی بعض باتوں کی ایک فہرست سوچ رہا تھا تب روح خوف سے کانپ اٹھی… ہمارے معاشرے میں ان چیزوں کو عیب سمجھا جاتا ہے جو قرآن مجید کی پسندیدہ ہیں… اور ان چیزوں کو پسندکیا جاتا ہے جن سے قرآن روکتا ہے… جو مسلمان بھی قرآن مجید کی تلاوت کرتا ہے اس پر یا تو خاص رحمت نازل ہوتی ہے… یا سخت لعنت… جو قرآن مجید کو مانتا ہے اس پر رحمت برستی ہے … اور جو قرآن مجید کی باتوں کو نہیں مانتا اس پر لعنت برستی ہے… آج مسلمان قرآن مجیدکو کتنا وقت دیتے ہیں؟کس کے دل میں تڑپ ہے کہ مجھے اپنے رب کی باتیں سمجھ آئیں؟… آج کسی کو ملک کا وزیراعظم خط بھیج دے تو وہ اس کے ایک ایک حرف کو سمجھنے کی فکر کرے گا… کسی ارب پتی کا خط آجائے تو ایک ایک سے اس کا ترجمہ پوچھے گا… آہ! رَبُّ الْعَالَمِیْن کا حکمت، نور اور کا میابی سے بھرا کلام ہمارے پاس آگیا مگر ہم نے اسے نہ سمجھا… مغرب سے جمعہ شریف، مقابلۂ حسن، عمل آیۃ الکرسی مرحبا!۔
والسلام
خادم
لاالہ الااللہ محمد رسول اللہ
14-09-2017
(’’وباء‘‘اور آزامائش‘‘ کیوں آتی ہے؟/حوثی خبیثوں کی دھمکی)
مکتوب خادم
السلام علیکم و رحمۃ اللہ و برکاتہ!
اللہ تعالیٰ ہر’’بلاء‘‘ ہر’’وبا ‘‘ ہر’’جَھْدُالْبَلاَء‘‘… ’’شِمَاتَۃُ الْعَداَ‘‘ اور’’سُوْئِ الْقَضَاء‘‘سے ہماری حفاظت فرمائیں… آزمائش… کبھی گناہوں کی وجہ سے آتی ہے اور کبھی درجات کی بلندی کے لئے… ’’وباء‘‘ گناہوں کی وجہ سے آتی ہے مگر پھر اس میں گناھ گار بھی مبتلا ہوتے ہیں اور نیک لوگ بھی… حتٰی کہ اللہ تعالیٰ کے ’’مقربین‘‘ بھی… اس لئے کسی کو ڈینگی یا کسی اور ’’وباء‘‘ میں مبتلا دیکھ کر یہ نہیں سمجھنا چاہیے کہ وہ بڑا گناھ گار ہے… اور جو’’ وباء ‘‘ میں مبتلا نہ ہو وہ اس فخر میں نہ رہے کہ میں بہت نیک ہوں… اسی لئے بچا ہوا ہوں… برما کے مسلمانوں کے لئے’’عاء‘‘ کا ان دنوں مستقل معمول بنائیں… موسم سردی کی طرف جارہا ہے اور یہ لاکھوں کلمہ گو مسلمان چھت اور ٹھکانے سے محروم ہیں… امدادکے نام پر کئی جعلی تنظیمیں اور ادارے لوگوں سے چندہ جمع کررہے ہیں… یہ وہ خائن اور خونخوار جانور ہیں جو انسانی المیوں سے ذاتی فائدہ اٹھاتے ہیں… امداد دل کھول کر کریں مگر دھوکے بازوں سے ہوشیار رہیں… یمن کے خبیث حوثیوں نے مکہ مکرمہ پر حملے کی دھمکی دی ہے… اگر انہوں نے ایسا کیا… اللہ کرے وہ کبھی ایسا نہ کرسکیں… تو امت مسلمہ کو چاہیے کہ حوثیوں اور ان کے سر پرستوں کا نام ونشان تک دنیا سے مٹا دے… حرمین شریفین کی حفاظت کے لئے ہماری جانیں ہر وقت حاضر ہیں… ’’لَبَّیْکَ اَللّٰھُمَّ لَبَّیْکْ۔‘‘
والسلام
خادم
لاالہ الااللہ محمد رسول اللہ
16-09-2017
(استقبال سال جدید)
مکتوب خادم
السلام علیکم و رحمۃ اللہ و برکاتہ!
اللہ تعالیٰ نئے سال کو امت مسلمہ کا سال بنائے… محرم الحرام کا چاند نظر آگیا… نیا مہینہ نیا سال مبارک… مسنون اعمال اور دعاؤں کی یاد دہانی… محرم 1439ہجری خوش آمدید… کعبہ شان سے کھڑا ہے… اسلام مسکرا رہا ہے… مسلمان جیت رہا ہے۔
والسلام
خادم
لاالہ الااللہ محمد رسول اللہ
21-09-2017
(’’مائدۃ الصابر‘‘… ’’خلفائے راشدین ڈائری‘‘/ مقابلہ حسن)
مکتوب خادم
السلام علیکم و رحمۃ اللہ و برکاتہ!
اللہ تعالیٰ کی نعمتیں بے شمار ہیں… اللہ تعالیٰ ہمیں اپنا شکر گزار بندہ بنائے… اللہ تعالیٰ نے فرمایا:’’ میرے شکر گزار بندے تھوڑے ہیں‘‘… احباب کافی عرصہ سے’’ رنگ و نور‘‘ کی نویں جلد کا تقاضا کررہے تھے … اَلْحَمْدُ لِلّٰہ’’رنگ و نور‘‘کی سات جلدیں ’’رنگ و نور‘‘ کے نام سے اور آٹھویں جلد’’مقامات‘‘ کے نام سے شائع ہوچکی ہے… اب اَلْحَمْدُ لِلّٰہ نویں جلد بھی تیار ہے امید ہے کہ انشاء اللہ ایک ماہ تک شائع ہوجائے گی… اہم مضامین پر مشتمل اس جلد کا نام’’مائدۃ الصابر‘‘ رکھا گیا ہے… اس جلد کے کئی مضامین کو اللہ تعالیٰ کے فضل سے عالم اسلام میں خوب پذیرائی ملی… دعاء فرمائیں کہ کتاب جلد اور اچھی چھپ جائے… اور اللہ تعالیٰ کے ہاں اسے قبولیت مل جائے… کسی بھی خیر کے کام کے لئے دعاء کی جائے تو اس کام کے اجر میں حصہ شامل ہو جاتا ہے… اَلْحَمْدُ لِلّٰہ اس سال کی ڈائری بھی بر وقت آ رہی ہے… ان شاء اللہ اگلے ہفتے آپ کو مل جائے گی… عنوان بہت ہی پیارا ہے… خلفاء راشدین ڈائری… اسلامی خلافت کے چار ستونوں کی دلکش داستان… حضرت شاہ عبد العزیز محدث دہلوی رحمہ اللہ نے تفسیر عزیزی میں… خلافت راشدہ پر عجیب نکات لکھے ہیں… خلافت کے نام پر فساد برپا کرنے والے افراد کاش قرآن مجید اور اسلاف امت کی تفاسیر سے روشنی لیں… مسلمانو! اللہ کے لئے قرآن مجید سے یاری لگاؤ، اللہ کے لیئے، اللہ کے لئے… مغرب سے جمعہ شریف، مقابلۂ حسن، عمل آیۃ الکرسی مبارک۔
والسلام
خادم
لاالہ الااللہ محمدرسول اللہ
کلمہ طیبہ مہم
28-09-2017
(کلمہ طیبہ کا تلفظ درست کریں)
مکتوب خادم
السلام علیکم و رحمۃ اللہ و برکاتہ!
اللہ تعالیٰ کے سوا کوئی’’معبود’’نہیں… حضرت محمد صلی اللہ علیہ وسلم اللہ تعالیٰ کے رسول ہیں… لاالہ الا اللہ محمد رسول اللہ… اللہ تعالیٰ ہی کی توفیق سے ہر خیر اور ہر نیکی نصیب ہوتی ہے… وَمَا تَوْفِیْقِیْ اِلَّا بِاللّٰہِ عَلَیْہِ تَوَکَّلْتُ وَاِلِیْہِ اُنِیْبُ…اللہ تعالیٰ کے نام سے اور اللہ تعالیٰ پر ’’توکل‘‘ کرنے سے ہر مشکل کام آسان ہوجاتا ہے… بِسْمِ اللّٰہِ تَوَکَّلْتُ عَلَی اللّٰہِ وَلَا حَوْلَ وَلَا قُوَّۃَ اِلَّا بِاللّٰہْ… آج سے ان شاء اللہ ’’جمعرات‘‘ کے مکتوب کی ایک نئی ترتیب شروع کی جارہی ہے…جو مسلمان بھائی اور بہنیں اس ترتیب کو اپنائیں گے وہ ان شاء اللہ… بہت فائدہ پائیں گے… اصل فائدہ یہ کہ… نامۂ اعمال اور وزن اعمال کا پلڑا بھاری ہو… اور قیامت کے دن ہمارا نامۂ اعمال ہمارے دائیں ہاتھ میں دیاجائے… ساتھ ساتھ علم اور روشنی میں بھی اضافہ ہوگا ان شاء اللہ… چلیں آج سے’’بسم اللہ‘‘کرتے ہیں…اس ہفتے کا کام… کلمہ طیبہ درست تلفظ سے پڑھنا سیکھیں… کلمہ طیبہ کا ترجمہ اچھی طرح یاد کریں… اور اگلی جمعرات تک کم از کم سات مسلمانوں کا کلمہ… تلفظ اورمعنیٰ کے ساتھ ٹھیک کرائیں… آج سے ہی آغاز کر دیں… کسی کو اپنا کلمہ سنائیں، ترجمہ پکا کریں اور پھر آگے پھیلائیں… میں بھی ہفتے کے دوران اس موضوع پر مکتوبات بھیجنے کی کوشش کروں گا ان شاء اللہ… مغرب سے جمعہ شریف، مقابلۂ حسن عمل آیۃ الکرسی مبارک…
والسلام
خادم
لاالہ الااللہ محمد رسول اللہ
29-09-2017
(کلمہ طیبہ کا معنیٰ)
مکتوب خادم
السلام علیکم و رحمۃ اللہ و برکاتہ!
اللہ تعالیٰ ہم سب کو ’’کلمہ طیبہ‘‘ہمیشہ ہمیشہ کے لئے نصیب فرمائے… سب سے اعلیٰ، سب سے قیمتی نعمت کلمہ طیبہ… لاالہ الا اللہ محمد رسول اللہ… اس میں سات الفاظ ہیں… ہر لفظ کا معنیٰ یاد کرلیں … ’’لا‘‘کا معنیٰ ’’نہیں‘‘…’’الہ‘‘ کا معنیٰ ’’معبود‘‘ عبادت کے لائق…’’الا‘‘کا معنیٰ مگر، سوائے…’’اللہ‘‘یہ رب تعالیٰ کا اسم ذات ہے…’’محمد‘‘ اللہ تعالیٰ کے آخری نبی کا اسم مبارک ہے اس کا ترجمہ ہے وہ شخصیت جن کی بہت حمد اور تعریف کی جائے…’’رسول‘‘کا معنیٰ پیغمبر، اللہ تعالیٰ کا پیغام بندوں تک پہنچانے والا… اور آخر میں پھر ’’اللہ‘‘… مکمل ترجمہ یہ ہوا… نہیں کوئی معبود سوائے اللہ کے ’’محمد‘‘اللہ کے رسول ہیں… صلی اللہ علیہ وسلم… بعض لوگ کلمہ کے اعراب یعنی زیر زبر میں غلطی کرتے ہیں… سمجھ لیں کہ لفظ ’’اللہ‘‘ کلمہ میں دو بار ہے… پہلے لفظ ’’اللہ‘‘ کے آخر میں پیش اور دوسرے لفظ اللہ کے آخر میں زیر ہے… لفظ ’’محمد‘‘ کے دال پر پیش اور لفظ ’’رسول‘‘ کے لام پر بھی پیش ہے… کئی لوگ زبر پڑھتے ہیں جو غلط ہے… دوسری گزارش یہ ہے کہ حضور اقدس صلی اللہ علیہ وسلم نفل روزوں میں سب سے زیادہ اہتمام ’’عاشوراء ‘‘ یعنی دس محرم کے روزے کا فرماتے تھے… اور آپ نے ارشاد فرمایا کہ یہ روزہ ایک سال کے گناہوں کا کفارہ ہے… دوسری احادیث سے دو روزے رکھنے کی ترغیب ملتی ہے… کل بروز ہفتہ نو محرم اور پرسوں بروز اتوار دس محرم کا روزہ رکھ لیں… اور دس محرم کے دن اپنے اہل و عیال پر وسعت کریں…
والسلام
خادم
لاالہ الااللہ محمد رسول اللہ
٭…٭…٭
02-10-2017
(کلمہ پوری طرح دل میں اتر جائے)
مکتوب خادم
السلام علیکم و رحمۃ اللہ و برکاتہ!
اللہ،اللہ،اللہ…کتنے خوش نصیب ہیں وہ لوگ جن کے دل میں ’’کلمہ‘‘اتر جاتا ہے… بس یہ کوئی خاص لمحہ ہوتا ہے… یا کوئی خاص مجلس… یا کوئی خاص کیفیت… اس وقت ’’کلمہ طیبہ‘‘ کسی کے دل میں یوں اتر جاتا ہے… جس طرح ’’بیج‘‘ زرخیز مٹی میں… اور پھر اس شخص کی حالت بدلنے لگتی ہے… ایمان اس کا جنون بن جاتا ہے… دین اس کا مزاج بن جاتا ہے… ایمان سے ایک لمحہ جدائی کا سوچ کر وہ کانپ جاتا ہے… کفر سے اسے طبعی نفرت ہوجاتی ہے… شرک کرنا اس کے لئے آگ میں چھلانگ لگانے سے زیادہ مشکل ہوجاتا ہے… اور دن رات اس سے نیک اعمال، نیک اخلاق پھوٹتے اور پھیلتے رہتے ہیں… قرآن مجید نے کلمہ طیبہ کو درخت کے ساتھ تشبیہ دی… جس کی جڑیں مضبوط اور شاخیں آسمان کو چھو رہی ہوں… کلمہ طیبہ مؤمن کے دل میں اترا ہوتا ہے اور اس کلمہ کے آثار، اعمال اور اخلاق دور دور تک پھیلے ہوتے ہیں… اللہ، اللہ، اللہ… کلمہ کے بغیرکوئی عمل قبول نہیں… کلمہ ہو تو ہر عمل اوپر جاتا ہے… کلمہ نہ ہو تو ہر عمل مٹی میں مل جاتا ہے… کلمہ کنکشن ہے، سم ہے… ہم دن رات کلمہ پڑھتے ہیں… الحمدللہ کلمہ کا ترجمہ سمجھتے ہیں… الحمدللہ کلمہ پر یقین رکھتے ہیں… مگر یہ کلمہ پوری طرح دل میں اتر جائے…بیج کی طرح دل میں بویا جائے… یہ کسی کسی کو نصیب ہوتا ہے… یہ خاص لمحات میں نصیب ہوتا ہے… یہ چپکے سے نصیب ہوتا ہے… یہ بارش کے موسم میں نصیب ہوتا ہے… جب آنکھوں سے موسم بہار برستا ہے…
والسلام
خادم
لاالہ الااللہ محمد رسول اللہ
نماز مہم
05-10-2017
(کلمہ کا پہلا حق، نماز)
مکتوب خادم
السلام علیکم و رحمۃ اللہ و برکاتہ!
اللہ تعالیٰ قبول فرمائے… الحمد للہ’’کلمہ طیبہ‘‘ کی مہم خوب رہی… جس نے بھی اس میں جس قدر حصہ لیا اللہ تعالیٰ اسے اپنی شان کے مطابق اجر عطاء فرمائے… اور دل میں ’’کلمہ طیبہ‘‘ نصیب فرمائے… مرشد من مرے وچ لائی ہو… لاالہ الا اللہ… لا الہ الا اللہ… اس ہفتے کا کام… کلمہ طیبہ کا پہلا حق، پہلا تقاضہ، پہلاحکم… نماز، نماز، نماز… یہ ایمان کا تھرما میٹر ہے… نماز ٹھیک تو ایمان ٹھیک، سب کچھ ٹھیک… نماز نہیں تو کچھ بھی نہیں… نماز ہماری زندگی کا سب سے اہم کام بن جائے… سب سے پہلا کام بن جائے… سب سے پسندیدہ کام بن جائے… سب سے دلچسپ کام بن جائے… سب سے ضروری کام بن جائے… جان چلی جائے مگر ایک نماز بھی نہ جائے…قاتل سر پر کھڑا ہو تب بھی نماز نہ بھولے… نمازکا ذوق، نماز کا شوق، نمازکا عشق اور نماز کا اہتمام… ہر نماز باجماعت تکبیر اولیٰ… پہلی صف… خواتین ہر نماز اول وقت… ساری زندگی نماز میں کمزوری نہ آئے… عمر بڑھتی جائے نماز اور پکی ہوتی جائے، زیادہ ہوتی جائے… نمازچھوڑناکافروں والاکام… نماز میں سستی منافقوں والا کام… اور نماز سے بے پرواہی فاسقوں والا کام… اپنی نماز درست کریں، اپنی نماز کسی کو سنائیں… اس ہفتے اپنے گھر اور باہر سات افرادکو پکا نمازی بنائیں… ان سے نماز سنیں، ان کو نماز سنائیں… مغرب سے جمعہ شریف، مقابلۂ حسن، عمل آیت الکرسی مرحبا…
والسلام
خادم
لاالہ الااللہ محمد رسول اللہ
06-10-2017
(نمازکی دعوت)
مکتوب خادم
السلام علیکم و رحمۃ اللہ و برکاتہ!
اللہ تعالیٰ کا شکر ’’نماز‘‘ عطاء فرمائی… الحمدللہ… حضرت آقا مدنی صلی اللہ علیہ وسلم کا احسان کہ معراج پر سے امت کے لئے ’’نماز‘‘ لائے… نماز ایک محکم اور قطعی فریضہ… یااللہ، یااللہ پکی نماز نصیب فرما… سچی نماز نصیب فرما… بے نمازی بدنصیب… یااللہ! بدنصیبی سے ہماری، ہمارے والدین اور اہل واولاد کی حفاظت فرما… ایک آدمی پر مصیبت آئے اور اس مصیبت میں اس کا سارا مال تباہ ہوجائے، گھر جل کر راکھ ہوجائے… بچے سب مر جائیں… کتنی سخت مصیبت ہے؟ مگر وہ مسلمان جسکی ایک نماز قضاء ہو جائے اس کی مصیبت اس سے زیادہ بڑی ہے… ایک نمازدنیا کے سارے مال، سارے مکان اور ساری اولاد سے زیادہ قیمتی ہے… مؤمن کے مزے ہیں کہ جب اس کا دل چاہے کہ اللہ تعالیٰ اس سے باتیں فرمائے تو وہ قرآن کی تلاوت شروع کردے اور جب اس کا دل چاہے کہ وہ اللہ تعالیٰ سے باتیں کرے تو وہ نماز شروع کردے… نماز میں رزق کا راز پوشیدہ ہے جو پکا نمازی ہو سچا نمازی ہو اس کے رزق میں کبھی تنگی نہیں آتی… نماز میں قوت کا راز پوشیدہ ہے… مجاہدین کو حکم ہے کہ صبر اور نماز سے خود کو طاقتور بنائیں… اور اللہ تعالیٰ کی طاقت کو ساتھ لیں… بے نمازی نحوست کا پہاڑ ہے… جس گھر میں ہو وہاں نحوست ، جس محلے میں ہو وہاں نحوست… یااللہ! منحوس بننے سے ہماری حفاظت فرما… مسلمانو نماز… مسلمانو نماز، مسلمانو نماز… آج سے ہی پکی نماز، درست نماز، سچی نماز… اور نمازکی دردمندانہ دعوت…
والسلام
خادم
لاالہ الااللہ محمد رسول اللہ
07-10-2017
(نمازکی محنت کریں)
مکتوب خادم
السلام علیکم و رحمۃ اللہ و برکاتہ!
اللہ، اللہ، اللہ… دل میں درد اٹھتا ہے کہ مسلمان اور بے نمازی؟… مسلمان اور نماز میں سستی؟… دل میں نفاق اترتا ہے تو نمازکی اہمیت کم ہوتی ہے… قرآن مجید سے پوچھ لیجئے… مؤمن وہ جو نماز کی حفاظت کرتا ہے، مؤمن وہ جو کبھی نماز نہیں چھوڑتا… مؤمن وہ جو نماز خشوع سے ادا کرتا ہے… اور منافق وہ جو نماز میں سستی کرتا ہے… آئیے آج سے ہی ’’نماز‘‘ کو پانے کی محنت کریں… اس بارے اپنے اوپر سختی کریں، اپنے نظام الاوقات کو درست کریں… نماز فرض عین ہے تو اس کا علم بھی فرض ہے… طہارت، وضو، نماز کا ضروری علم آج سے ہی حاصل کرنا شروع کریں… اپنے ٹچ موبائل کو اسی کام پر لگا دیں… وہ آپ کو بے ہودہ اور فضول خبروں کی جگہ وضو، نماز اور طہارت سکھائے… آپ کو بتائے کہ بے نمازی کا شریعت میں کیا حکم ہے… تب آپ کا موبائل بھی نیک ہو جائے گا… اور آج کل جس کا موبائل نیک اس کا دل بھی نیک… اور سب سے مؤثرطریقہ نماز کو پانے کا یہ ہے کہ… اچھی طرح وضو کرکے دو رکعت نماز ادا کریں اور پھر دنیا و مافیھا سے بے خبر ہوکر دعاء میں لگ جائیں… یااللہ! نماز عطاء فرما… یااللہ! سچا ایمان سچی نماز عطاء فرما… یااللہ! تہجد نصیب فرما… سحری کے وقت کا استغفار نصیب فرما… یااللہ! مرتے دم تک ایک نماز بھی نہ چھوٹے… ایک تہجد بھی نہ رہ جائے… ایک رات بھی سحری کا استغفار نہ چھوٹے… یااللہ! یہ نعمت مستقل عطاء فرما… ارے دیکھو! ابراہیم خلیل اللہ علیہ السلام جیسے عظیم رسول یہی دعاء مانگ رہے ہیں… رَبِّ اجَعَلْنِیْ مُقِیْمَ الصَّلٰوۃِ… (ترجمہ) یااللہ مجھے پکا سچا نمازی بنا…
والسلام
خادم
لاالہ الااللہ محمد رسول اللہ
10-10-2017
(نماز سے پکی یاری، برما کے مہاجرین کے فنڈ)
مکتوب خادم
السلام علیکم و رحمۃ اللہ و برکاتہ!
اللہ تعالیٰ خیانت کرنے والوں کو ناپسند فرماتے ہیں… بڑا سخت جملہ ہے… بڑی سخت وعید… اللہ تعالیٰ جن بندوں کو ناپسند فرمائے تو پھر وہ کہیں کے نہیں رہتے… خیانت بڑا سخت گناہ ہے… مال میں خیانت، امانت میں خیانت، اطاعت میں خیانت… یااللہ! خیانت سے آپ کی پناہ… برماکے مہاجرین کے لئے جماعت با قاعدہ تعاون جمع نہیں کررہی تھی… کئی اہل خیر نے رابطہ کیا… تب ایک کمیٹی بنائی گئی… اب الحمدللہ مہاجرین تک امداد پہنچانے کا معقول اور معتبر نظام مل چکا ہے… جو اہل خیر اس ’’مد‘‘ میں دینا چاہیں… جماعت کے مرکز یا ضلعی مراکز میں دے سکتے ہیں… جماعت ان شاء اللہ مستحقین تک پہنچا دے گی… پرسوں بروز منگل دس اکتوبر سے لے کر دس نومبر تک ایک ماہ… اس مد میں رقم جمع کرائی جا سکتی ہے… اللہ تعالیٰ کی رضا کے لئے ہمت کریں اور زیادہ سے زیادہ اموال کو اپنے لئے آخرت کا سرمایہ بنائیں… اس ہفتے ’’نماز‘‘ کی آواز لگ رہی ہے… قرآن و سنت میں وہ کون سی تاکید ہے جو نماز کے بارے میں نہیں آئی… اللہ کیلئے ہم سب اپنے اوپر رحم کھائیں اور نماز سے ایسی پکی یاری لگائیں کہ… اب دوبارہ ہمیں یاد دہانی کی ضرورت نہ پڑے… بلکہ ہم خود اس کے داعی بن جائیں…
والسلام
خادم
لاالہ الااللہ محمد رسول اللہ
11-10-2017
(نماز کی محنت کریں، نمازکے فوائد)
مکتوب خادم
السلام علیکم و رحمۃ اللہ و برکاتہ!
اللہ تعالیٰ کے مخلص، مؤمن بندے ’’نماز‘‘ حاصل کرنے کی سخت محنت کرتے ہیں… وہ جانتے ہیں کہ اچھی اور پکی نماز کے بغیر ’’ایمان‘‘ کا سلامت رہنا مشکل ہے… وہ جانتے ہیں کہ نماز کے بغیر قبر کا طویل قیام بہت تکلیف دہ ہو گا… وہ جانتے ہیں کہ ’’نماز‘‘ کے بغیر قیامت کا دن بہت سخت ہوگا… وہ جانتے ہیں کہ ’’نماز‘‘ کے بغیر ان کی معیشت کبھی وسعت والی نہیں بن سکتی… وہ جانتے ہیں کہ ’’نماز‘‘ کے بغیر ان کا کوئی کام سیدھا نہیں ہو سکتا… وہ جانتے ہیں کہ ’’نماز‘‘ کے بغیر ان کے دل کو سکون اور آنکھوں کو ٹھنڈک کبھی نہیں مل سکتی… چنانچہ وہ اللہ تعالیٰ کی رضا کے لئے… نماز کا خوب اہتمام کرتے ہیں… محنت کرکے نماز سیکھتے ہیں… آہیں اور ہاتھ اٹھاکر’’مقبول نماز‘‘ مانگتے ہیں… اور ہر دن اپنی نماز کو مزید بہتر اور مزید زیادہ بنانے کی فکر میں رہتے ہیں… وہ فرض نماز کو جان سے زیادہ عزیز رکھتے ہیں… اور اپنی فرض نماز کی حفاظت کے لئے اس کے گرد سنتوں اور نوافل کا جال بچھا دیتے ہیں… تاکہ شیطان کا حملہ ان کی فرض نماز تک نہ پہنچ سکے… وہ ’’اولیاء اللہ‘‘ سے رجوع کرتے ہیں تاکہ ان سے خشوع والی نماز سیکھ سکیں… تب وہ ’’معراج‘‘ کو پا لیتے ہیں… ترقی، قرب الٰہی اور محبوب حقیقی کی محبت… بھائیو! بہنو! نماز کی حفاظت کرو… اللہ تعالیٰ آپ کی ہر بگڑی بنا دے گا…
والسلام
خادم
لاالہ الااللہ محمد رسول اللہ
جہاد فی سبیل اللہ مہم
12-10-2017
(’’جہاد فی سبیل اللہ‘‘ پر ایمان)
مکتوب خادم
السلام علیکم و رحمۃ اللہ و برکاتہ!
اللہ تعالیٰ دین اسلام کے کسی بھی حکم کے ’’انکار‘‘ سے ہم سب کی حفاظت فرمائے…
(۱) الحمد للہ گزشتہ ہفتے ’’نماز‘‘ کی محنت خوب رہی…جنہوں نے اس میں حصہ لیا اللہ تعالیٰ ان کو جزائے خیر عطاء فرمائے اور انہیں اور ان کی اہل اولاد کو سچی، پکی نماز نصیب فرمائے… اللہ تعالیٰ ہم سب کو حضرات صحابہ کرام جیسی ’’نماز‘‘ پانے کا شوق نصیب فرمائے…
(۲) پاکستانی پارلمنٹ نے’’ختم نبوت‘‘ کے اہم معاملہ میں اجتماعی کوتاہی کی… سازش پکڑی گئی اور نا کام ہوئی اب ہر کوئی بڑھ چڑھ کر بول رہا ہے…حالانکہ سب کو توبہ، استغفار کرنا چاہئے اور اپنی کوتاہی پر ندامت کا اظہار کرنا چاہئے…
(۳) اس ہفتے کا کام ’’جہاد فی سبیل اللہ‘‘ پر ایمان اور عمل کی محنت ہے… جہاد چونکہ اللہ تعالیٰ کا حکم ہے جو قرآن پاک میں آیا ہے اس لئے اس کو ماننا یعنی ایمان لانا ضروری ہے اور اسے اپنانا بھی لازم ہے…
(۴) یاد کر لیں کہ… جہاد یعنی قتال فی سبیل اللہ، نماز، روزے کی طرح اسلام کا محکم اور قطعی فریضہ ہے… یہ اسلام کے ارکان میں سے ایک رکن ہے… اس فریضے کا انکار کفر ہے اور اسے بلا عذر چھوڑنا فسق ہے اور اس کے بارے میں کج بحثی کرنا گمراہی ہے…
(۵) اس ہفتے تعلیم الجہاد کا مطالعہ شعورکے ساتھ کریں، مزید سات مسلمانوں تک جہاد کا عقیدہ پہنچائیں اور انہیں تعلیم الجہاد کے مطالعہ کی دعوت دیں…مغرب سے جمعہ شریف، مقابلۂ حسن، عمل آیۃ الکرسی مرحبا!
والسلام
خادم
لاالہ الااللہ محمد رسول اللہ
19-10-2017
(کلمہ، اقامت صلوٰۃ اور جہاد فی سبیل اللہ پر بیان)
مکتوب خادم
السلام علیکم و رحمۃ اللہ و برکاتہ!
اللہ تعالیٰ اسلام کے لئے ہمارا سینہ کھول دے… رَبِّ اشْرَحْ لِیْ صَدْرِیْ… اَللّٰہُمَّ اِشْرَحْ صَدُوْرَنَا لِلْإِسْلَامِ… قرآن مجید سمجھاتا ہے کہ دلوں پر تالے لگ جاتے ہیں… تب ہدایت ان میں نہیں اترتی… کلمہ طیبہ دل میں داخل نہیں ہوتا… اَللّٰہُمَّ یَا فَتَّاحُ إِفْتَحْ اِقْفَالُ قُلُوْبَنَا… الحمدللہ رنگ و نورکی نویں جلد ’’مائدۃ الصابر‘‘ شائع ہوچکی ہے… خود بھی حاصل کریں اور پڑھیں اور دوسروں تک بھی پہنچائیں… شعبہ ہدایت ترتیب بنا لے… گزشتہ ہفتے کا کام… ’’جہاد فی سبیل اللہ‘‘ کی محنت خوب رہا… جنہوں نے اس میں حصہ لیا اللہ تعالیٰ ان کو جزائے خیر اور اپنا خصوصی فضل عطاء فرمائے… اس ہفتہ واری محنت کی ’’تشکیل‘‘ اور ’’نعمت‘‘ سمجھ کر اپنائیں… خود آپ کا اپنا فائدہ ہوگا ان شاء اللہ… اس ہفتے کا کام ’’تازہ بیان‘‘کو سننا اورکم از کم سات نئے افراد کو سنانا ہے… کلمہ طیبہ، اقامت صلوٰۃ اور جہاد فی سبیل اللہ پر مستقل یہ بیان تین بار یا اس سے زیادہ سنا جائے اور توجہ کی جائے تو اس کی حقیقت دل میں اترنا شروع ہو جاتی ہے… ایک مسلمان کو اگر کلمہ مل جائے، نماز مل جائے، جہاد مل جائے تو اسے اور کیا چاہیے؟ اور اگر دل میں شہادت کی محبت جاگ اٹھے تو دنیا بھی آسان آخرت بھی آسان… مغرب سے جمعہ شریف، مقابلۂ حسن، عمل آیۃ الکرسی مبارک…
والسلام
خادم
لاالہ الااللہ محمد رسول اللہ
19-10-2017
(کلمہ طیبہ کی کثرت سے تین فائدے ملتے ہیں، ماہِ جدیدکے معمولات کی یاد دہانی)
مکتوب خادم
السلام علیکم و رحمۃ اللہ و برکاتہ!
اللہ تعالیٰ دین کی محنت کرنے والے ہر فرد کو ’’اخلاص‘‘ عطاء فرمائے… اور اللہ تعالیٰ ہر ’’مخلص‘‘ کی دینی محنت قبول فرمائے… کلمہ طیبہ کی کثرت سے تین فائدے ملتے ہیں…
(1)… شرک سے حفاظت رہتی ہے…
(۲)… ریاکاری سے جان چھوٹتی ہے…
(۳)… اللہ تعالیٰ کی معرفت کے راستے میں جو پردے ہیں وہ ہٹ جاتے ہیں… تب دل میں نور آتا ہے… آنکھوں میں نور آتا ہے… اور اس نورکی روشنی میں انسان کو اللہ تعالیٰ کی معرفت نصیب ہوتی ہے… جہاد کے ساتھ کلمہ طیبہ کا جوڑ بہت مضبوط ہے… کلمہ طیبہ دل میں اترے تو جہاد فوراً سمجھ آجاتا ہے… بعض حضرات نے کلمہ پڑھا اور فوراً جہاد میں کود پڑے اور شھید ہوگئے اور بہت بڑا مقام پا لیا… اور جہاد کی برکت سے’’کلمہ طیبہ‘‘ دل میں اترتا ہے…کئی لوگوں کو ’’محاذوں‘‘ پر ’’کلمہ طیبہ‘‘ دل کی گہرائی میں نصیب ہوا… کیونکہ وہاں موت سامنے ہوتی ہے اور جذبہ بلند… کلمہ طیبہ کا پہلا تقاضہ… نماز کی پابندی ہے… نماز کا مقام دین میں اس طرح ہے جس طرح سر کا مقام جسم میں… آج حجاز میں یکم صفر اور ہمارے ہاں تیس محرم ہے… مغرب سے یہاں بھی نیا ہجری مہینہ ’’صفر المظفر‘‘ شروع ہو جائے گا… مسنون دعاء اور چاند رات کے اعمال کی یاد دہانی ہے…
والسلام
خادم
لاالہ الااللہ محمد رسول اللہ
21-10-2017
(برماکے مسلمانوں کے لئے ’’امداد‘‘)
مکتوب خادم
السلام علیکم و رحمۃ اللہ و برکاتہ!
اللہ تعالیٰ تمام ’’مجاہدین اسلام‘‘ اور ’’مہاجرین اسلام‘‘ کی خصوصی نصرت فرمائے… برمی حکومت ’’دباؤ‘‘ میں آئی ہے مگر وہاں مظالم کا سلسلہ تاحال جاری ہے… گھر بنانے میں بڑا وقت لگتا ہے مگر گھر اجاڑنے میں چند منٹ لگتے ہیں… ہمارے برمی بھائیوں کے گھر اجڑ گئے… پیچھے فرعون اور آگے سمندر والا منظر ہے… اب بھی مہاجرین کے قافلے بنگلہ دیش پہنچ رہے ہیں اور در بدر ہونے والوں کی تعداد چھ لاکھ سے تجاوز کر چکی ہے… بنگلہ دیش میں کوئی اچھی حکومت ہوتی کم ازکم صدر ارشاد جیسی تو… مہاجرین کو اتنی مشکل کا سامنا نہ ہوتا… مگر وہاں ایک ظالم عورت کی حکومت ہے… برما کے مسلمانوں کے ایک طرف ’’پیلی ناگن‘‘ سوچی تو سامنے ’’کالی ناگن‘‘ حسینہ… بڑی آزمائش ہے، بہت سخت آزمائش… ہمارا بچہ چند منٹ کے لئے گم ہو جائے تو ہوش اڑ جاتے ہیں… جبکہ برما میں خاندانوں کے خاندان بکھرگئے… اللہ تعالیٰ برما میں جہاد کو قائم فرمائے(جوکہ الحمد للہ قائم ہوتا جا رہا ہے) تب ان شاء اللہ اہل ایمان کے دل ٹھنڈے ہوں گے… ’’جماعت‘‘ برما کے مسلمانوں کے لئے ’’امداد‘‘ جمع کر رہی ہے
… ہمت کریں اور بڑھ چڑھ کر حصہ لیں…
والسلام
خادم
لاالہ الااللہ محمد رسول اللہ
23-10-2017
(مائدۃ الصابرکی محنت، برما کے مسلمانو کےلئے امداد)
مکتوب خادم
السلام علیکم و رحمۃ اللہ و برکاتہ!
اللہ تعالیٰ ہم سب کی ’’مغفرت‘‘ فرمائے… اَسْتَغْفِرُاللّٰہَ لِیْ وَلَکُمْ… یااللہ! ہمیں جو کچھ سوچنا چاہیے تھا اور ہم نے وہ نہیں سوچا… اور وہ جو ہمیں کہنا چاہیے تھا اور ہم نے نہیں کہا… اور وہ جو ہمیں کرنا چاہیے تھا اور ہم نے نہیں کیا… اس سب پر ہم آپ سے مغفرت اور معافی چاہتے ہیں… معاف فرما دیجئے… یااللہ! جو ہمیں نہیں سوچنا چاہیے تھا اور ہم نے سوچا… اور وہ جو ہمیں نہیں بولنا چاہیے تھا اور ہم نے بولا… اور وہ جو ہمیں نہیں کرنا چاہیے تھا اور ہم نے کیا… وہ سب اپنی ’’قدرت‘‘ کے وسیلے سے ہمیں معاف فرما دیجئے… الحمدللہ پچھلے ہفتے کا کام خوب رہا… جنہوں نے بیان سنا اور سنایا اللہ تعالیٰ ان کے دلوں اور گھروں میں ایمان اور دین کو آباد فرمائے… یہ ہر ہفتے والا کام ذاتی اصلاح اور ذاتی فائدے کے لئے ہے… جماعت کے اصل کام کے علاوہ… اصل کام تو ہر حال میں کرنا ہے… ساتھ یہ کام بھی کریں گے تو اپنا بھلا ہوگا… آج کل برما کی محنت چل رہی ہے… اس میں بھرپور حصہ ڈالیں… خود بھی اپنی استطاعت کے مطابق چندہ دیں اور دوسروں کو بھی ترغیب دیں… رنگ و نور جلد…۹مائدۃ الصابر کی محنت بھی اچھی جارہی ہے اب تک سات ہزار نسخوں کے تقاضے آچکے ہیں… اس میں مزید محنت کریں… اس ہفتے کا کام خود’’سید الاستغفار‘‘کو یاد کرنا… سمجھنا، روز کا معمول بنانا… اور سات مسلمانوں تک پہنچانا ہے، مغرب سے جمعہ شریف، مقابلۂ حسن، عمل آیۃ الکرسی مبارک…
والسلام
خادم
لاالہ الااللہ محمد رسول اللہ
سید الاستغفار مہم
26-10-2017
(اللہ تعالیٰ کا حضرت محمد صلی اللہ علیہ وسلم کا ہر وعدہ ’’سچا‘‘ ہے،استغفارکو اپنا معمول بنائیں)
مکتوب خادم
السلام علیکم و رحمۃ اللہ و برکاتہ!
اللہ تعالیٰ کا ہر وعدہ ’’سچا‘‘ ہے… حضرت محمد صلی اللہ علیہ وسلم کا ہر وعدہ ’’سچا‘‘ ہے… حضرت آقا مدنی صلی اللہ علیہ وسلم جو کچھ اپنی امت سے فرماتے ہیں وہ سب اللہ تعالیٰ کی ’’وحی‘‘ اور ’’حکم‘‘ سے ہوتا ہے… ’’سید الاستغفار‘‘ ایک دعاء ہے… اس ’’دعاء ‘‘کے بارے میں حضرت آقا مدنی صلی اللہ علیہ وسلم نے وعدہ فرمایا ہے کہ جو مسلمان اسے یقین کے ساتھ دن کو پڑھ لے… وہ اگر اسی دن… رات آنے سے پہلے وفات پا گیا تو وہ اہل جنت میں سے ہے… اور جو اسے رات کو یقین کے ساتھ پڑھ لے وہ اگر اسی رات وفات پا گیا تو اہل جنت میں سے ہے… سبحان اللہ! کتنی عظیم دعاء ہے اور کتنا بڑا وعدہ… اور کتنا عظیم الشان فائدہ… حدیث بلکل صحیح ہے، بخاری شریف میں آئی ہے… وعدہ بالکل پکا ہے اور ہمارے سب سے بڑے مسئلے کا حل ہے کہ… خاتمہ ایمان پر ہو… اس حدیث شریف کو پڑھنے کے بعد تو ہمیشہ انتظار رہتا ہے کہ کب دن شروع ہو تو یہ دعاء پڑھ لیں… کب رات شروع ہو تو یہ دعاء پڑھ لیں… اور جب پڑھ لی جائے تو دل اطمینان سے بھر جاتا ہے کہ موت آگئی تو ایمان والی ہوگی ان شاء اللہ… اس استغفار کو اپنا پکا معمول بنائیں اور سات مسلمانوں تک پہنچائیں… اَللّٰھُمَّ أَنْتَ رَبِّیْ لَااِلٰہَ إِلَّا أَنْتَ خَلَقْتَنِیْ وَأَنَا عَبْدُکَ وَأَنَا عَلٰی عَہْدِکَ وَوَعْدِکِ مَا اسْتَطَعْتُ أَعُوْذُ بِکَ مِنْ شَرِّ مَا صَنَعْتُ أَبُوْئُ لَکَ بِنِعْمَتِکَ عَلیَّ وَأَبُوْئُ بِذَنْبِیْ فَاغْفِرْ لِیْ فَإِنَّہٗ لَایَغْفِرُ الذُّنُوْبَ إِلَّا أَنْتَ…
والسلام
خادم
لاالہ الااللہ محمد رسول اللہ
27-10-2017
(’’سید الاستغفار‘‘کو اپنا معمول بنائیں)
مکتوب خادم
السلام علیکم و رحمۃ اللہ و برکاتہ!
اللہ تعالیٰ کے نبی حضرت محمد صلی اللہ علیہ وسلم کا اپنی امت پر عظیم احسان… امت کو ’’سید الاستغفار‘‘ تعلیم فرمایا ’’سید الاستغفار‘‘ والی روایت صحیح البخاری کی’’کتاب الدعوات‘‘ کے دوسرے باب میں ہے… اس باب کا عنوان ہے ’’باب افضل الاستغفار‘‘ … سب سے افضل استغفار کا باب…حدیث رقم 6306.. آپ صلی اللہ علیہ وسلم نے ارشاد فرمایا سید الاستغفار یہ ہے کہ تم کہو… اَللّٰھُمَّ أَنْتَ رَبِّی (إلی آخرہ) پھر اس کی فضیلت ارشاد فرمائی کہ جو اسے دن کو یقین سے پڑھ لے گا اور شام آنے سے پہلے مرجائے گا وہ جنتی ہے… اور جو اسے رات کو یقین کے ساتھ پڑھ لے گا اور صبح سے پہلے مرجائے گا وہ اہل جنت میں سے ہوگا… اب ہمارا پہلا کام تو یہ ہے کہ حضرت آقا مدنی صلی اللہ علیہ وسلم کا شکریہ ادا کریں… درودوسلام کے ذریعے… کیونکہ ایسے ’’کلمات‘‘ ہمیں سکھادئیے جو دنیا کی ساری دولت سے زیادہ قیمتی ہیں… ایسے کلمات اور رازوں کو پانے کے لئے پہلے لوگ بڑے مجاہدے کرتے تھے… دوسرا کام یہ ہے کہ ہم اس دعاء کو فوراً اپنے معمول کا حصہ بنالیں… اسے زبانی کرلیں… اس کے ہر لفظ کا ترجمہ اور مفہوم سمجھ لیں … اور اپنے گھر والوں اور بچوں کو بھی یاد کرادیں… تیسرا کام یہ ہے کہ ہم یہ عظیم اور قیمتی تحفہ دوسرے مسلمانوں تک بھی پہنچائیں… لوگ طرح طرح کی غیر مسنون دعائیں پھیلاتے اور چھاپتے رہتے ہیں … آپ یہ مستند، معتبر اور بے حد قیمتی دعاء اہل اسلام تک پہنچائیں…
والسلام
خادم
لاالہ الااللہ محمد رسول اللہ
28-10-2017
(افضل استغفار، استغفارکے فوائد)
مکتوب خادم
السلام علیکم و رحمۃ اللہ و برکاتہ!
اللہ تعالیٰ نے اپنے بندوں کو جو ’’عظیم ترین‘‘ نعمتیں عطاء فرمائی ہیں… ان قیمتی نعمتوں میں سے ایک ’’استغفار‘‘ ہے… استغفار ایک مسلمان کے لئے اللہ تعالیٰ کی ’’امان‘‘ ہے… اور دنیا وآخرت کے ہر مسئلے کاحل اور ہر بیماری کا علاج ہے… ’’استغفار‘‘کے صیغوں یعنی الفاظ میں سب سے افضل’’سیدالاستغفار‘‘ ہے… ’’سیدالاستغفار‘‘ کا مطلب ہے سب سے افضل استغفار… اس مبارک دعاء میں … مغفرت کے بہت سے اسباب… اور توبہ کے سارے معانی جمع ہوگئے ہیں… اس دعاء میں ذکر بھی ہے اور افضل الذکر بھی… شکر بھی ہے اور توبہ بھی… اقرار بھی ہے اور اعتراف بھی… اے مسلمان بھائیو! اس مبارک دعاء کو یاد کرلو… اس کے معانی کو سمجھ لو… اس دعاء کا یقین دل میں بھرلو… اور اسے اپنا روزانہ صبح شام کا معمول بنالو… آج کل لوگ کتنی گندی گندی معلومات، نام اور چیزیں یاد کر لیتے ہیں… مگر ایسی دعاء جواربوں کھربوں روپیے سے زیادہ قیمتی ہے اسے یاد کرنے میں غفلت کرتے ہیں… آئیے اس مبارک ’’سید الاستغفار‘‘ کا معنی سمجھنے کی کوشش کرتے ہیں… کچھ آج اور باقی کل ان شاء اللہ… (اَللّٰھُمَّ)اے میرے اللہ… ہم جب ’’یااللہ‘‘ کہتے ہیں تو اس میں اللہ تعالیٰ کو نام سے پکارتے ہیں… مگر جب ’’اَللّٰھُم‘‘ کہتے ہیں تو اللہ تعالیٰ کو اس کے نام اورتمام صفات سے پکارتے ہیں… (أَنْتَ رَبِّی)آپ میرے رب یعنی ابتداء سے لے کر آخر تک میری ہر حاجت پوری فرمانے والے … اللہ تعالیٰ کو ’’رب‘‘ مانا تو اس کی ربوبیت اور رحمت متوجہ ہو گئی…
والسلام
خادم
لاالہ الااللہ محمد رسول اللہ
29-10-2017
(سید الاستغفار کا ترجمہ)
مکتوب خادم
السلام علیکم و رحمۃ اللہ و برکاتہ!
اللہ تعالیٰ ہمیں’’علم نافع‘‘ عطاء فرمائیں… سید الاستغفار کا ترجمہ پیش خدمت ہے( اَللّٰھُمَّ )یااللہ (أَنْتَ رَبِّی)آپ میرے رب ہیں(لَااِلٰہَ إِلَّا أَنْتَ)آپ کے سوا کوئی حقیقی معبود نہیں(خَلَقْتَنِیْ)آپ نے مجھے پیدا فرمایا(وَأَنَا عَبْدُکَ) اور میں آپ کا بندہ ہوں… (وَأَنَا عَلٰی عَہْدِکَ وَوَعْدِکِ )اور میں آپ کے عہد اور وعدے پر قائم ہوں(مَا اسْتَطَعْتُ) جتنی میری استطاعت ہے… یعنی میں آپ کے دین، آپ کی شریعت اور آپ کے اخروی وعدوں پر ایمان رکھتا ہوں (أَعُوْذُ بِکَ مِنْ شَرِّ مَا صَنَعْتُ) میں اپنے اعمال کے شر سے آپکی پناہ چاہتا ہوں(أَبُوْئُ لَکَ بِنِعْمَتِکَ عَلیَّ)میں آپ کے سامنے اپنے اوپر آپ کی نعمتوں کا اقرار کرتا ہوں(وَأَبُوْئُ بِذَنْبِیْ)اور اپنے گناہوں کا اعتراف کرتا ہوں(فَاغْفِرْ لِی)آپ مجھے بخش دیجئے(فَإِنَّہٗ لَایَغْفِرُ الذُّنُوْبَ إِلَّا أَنْت) یقیناً آپ کے سوا کوئی گناہوں کو نہیں مٹا سکتا… کوئی مغفرت نہیں دے سکتا… سبحان اللہ!پوری دعاء ان الفاظ سے بھر پور ہے… جن الفاظ سے اللہ تعالیٰ کی مغفرت ، رحمت اور شفقت برسنے لگتی ہے… اس میں کلمہ طیبہ بھی ہے’’ لَااِلٰہَ إِلَّا أَنْتَ‘‘… پناہ بھی ہے… ذکر بھی ہے… دعاء بھی ہے… شکر بھی ہے، توبہ بھی ہے… اور اللہ تعالیٰ سے وفا داری کا اعلان بھی… اور اپنی کمزوری، عاجزی کا اقرار بھی… اس دعاء کا ہر جملہ ایسا ہے کہ انسان پر وجد طاری کردے … بعض لوگ تو ’’اَللّٰھُمَّ أَنْتَ رَبِّی‘‘ کہہ کراس کودہراتے رہتے ہیں… اسی میں گم ہو جاتے ہیں کہ… میں بے سہارا نہیں میرا رب موجود ہے… اللہ، اللہ، اللہ…
والسلام
خادم
لاالہ الااللہ محمد رسول اللہ
٭…٭…٭
جمعہ مہم
02.11.2017
(جمعۃ المبارک مہم)
مکتوب خادم
السلام علیکم و رحمۃ اللہ و برکاتہ!
اللہ تعالیٰ ہم سب کو’’ایمان کامل‘‘ کی دائمی حلاوت نصیب فرمائیں… الحمدللہ ’’سیدالاستغفار‘‘ کی ترتیب خوب رہی… الحمدللہ لاکھوں مسلمانوں تک دعوت پہنچی… جن کو پہلے سے یاد تھا، جنہوں نے ابھی یاد کیا، جنہوں نے مضبوطی سے اپنے معمول کا حصہ بنایا… ان سب کو مبارکباد… بے شک یہ بے حد قیمتی نعمت اور سرمایہ ہے… اس ہفتے کا کام بہت اہم ہے… اکثر لوگ اس سے غافل ہیں… جمعہ کے دن جمعہ نماز کی پہلی اذان کے بعد خرید و فروخت ناجائز ہے… اللہ تعالیٰ کا فرمان ہے (ترجمہ)… اے ایمان والو! جب جمعہ کے دن نماز کے لئے اذان دی جائے تو اللہ کے ذکر کی طرف دوڑ پڑو اور خرید وفروخت کو چھوڑ دو… یہ تمہارے لئے بہتر ہے اگر تم جانتے ہو… (سورۃالجمعہ) اللہ تعالیٰ نے بنی اسرائیل کی ایک قوم کو ہفتے کے دن مچھلی کے شکار سے منع کیا… یہی اس قوم کی تجارت تھی … قوم والوں نے اللہ تعالیٰ کا حکم حیلے بہانے کرکے توڑڈالا… اللہ تعالیٰ نے انہیں بندر اور خنزیر بنا کر مارڈالا… ہم مسلمانوںکو تو صرف جمعہ کی اذان سے جمعہ نماز ختم ہونے تک تجارت وغیرہ سے روکا گیا… مگر ہم باز نہیں آتے… اب چہرے تو نہیں مگر دل مسخ کردئیے جاتے ہیں… اللہ تعالیٰ کے اس پورے حکم پر عمل کا پکا عزم کریں… ماضی کی غلطیوں پر توبہ کریں … اورسات مسلمانوں تک یہ دعوت پہنچائیں… مغرب سے جمعہ شریف، مقابلۂ حسن، عمل آیۃ الکرسی مبارک…
والسلام
خادم
لاالہ الااللہ محمد رسول اللہ
06.11.2017
( مؤثرعلاج حجامہ)
مکتوب خادم
السلام علیکم و رحمۃ اللہ و برکاتہ!
اللہ تعالیٰ ہی’’شفاء ‘‘ عطاء فرمانے والے ہیں… اللہ تعالیٰ نے اسباب کے درجے میں جن چیزوں میں’’شفاء ‘‘ رکھی ہے ان میں سب سے بہتر اور سب سے مؤثر’’حجامہ‘‘ ہے… اور حجامہ کے لئے بہترین وقت چاند کی سترہ، انیس اور اکیس تاریخ ہے… اور ان میں سب سے بہترین وہ سترہ تاریخ ہے جو منگل کے دن آجائے…حضرت شاہ ولی اللہ رحمۃ اللہ علیہ نے یہی تحقیق فرمائی ہے… آج بروز پیر 16 صفر اور کل بروز منگل 17 صفر ہے… خیر خواہی کے لئے عرض کر دیا، اللہ تعالیٰ سب بیمار مسلمانوں کو’’شفاء‘‘ نصیب فرمائے…
والسلام
خادم
لاالہ الااللہ محمد رسول اللہ
09.11.2017
مکتوب خادم
السلام علیکم و رحمۃ اللہ و برکاتہ!
اللہ تعالیٰ’’شہداء‘‘ کی شہادت قبول فرمائے… انڈیا ایک ’’دیوانے‘‘ کی شہادت پر خوشیاں منا رہا ہے… حالانکہ ’’دیوانہ‘‘کامیاب رہا… دشمنوں کے لئے اپنے خون کی’’دلدل‘‘ بناگیا… ایک نئی یلغار کا افتتاح کر گیا… ایک نئی قطار کو راستہ دکھاگیا… اپنوں کے لئے سعادت اور دشمنوں کے لئے ماتم کا سامان کرگیا… ماشاء اللہ بڑا کام کرگیا… ہاں سچ کہتا ہوں بڑا کام کرگیا… عنقریب دوست اور دشمن سب تسلیم کرینگے کہ واقعی بڑا کام کرگیا… اللہ تعالیٰ قبول فرمائے… ہمیں بھی چکھائے… ہمیں بھی پلائے…اللہ تعالیٰ کی یہ دنیا رازوں اور پردوں سے بھری پڑی ہے…اللہ تعالیٰ کسی کسی کو راز سمجھاتے ہیں،کسی کسی کے لئے پردے ہٹاتے ہیں… پچھلے ہفتے کی محنت خوب رہی… اہل دل نے اخلاص سے دعوت چلائی… دکانوں میں جا جا کر دکانداروں کی منت سماجت کی کہ… اللہ تعالیٰ کا حکم مان لو… چند گھنٹے تجارت بالکل بند کر کے… وہ عظیم’’خیر‘‘ پالو جس کا پکا وعدہ اللہ تعالیٰ نے فرمایا ہے… جمعہ کی پہلی اذان ہوتے ہی… نماز مکمل ہونے تک تجارت بند… فرمایا: یہ تمہارے لئے’’خیر‘‘ ہے…سبحان اللہ! اتنے سے عمل پر’’خیر‘‘ کا وعدہ… دراصل اس میں تاکیدی حکم کی دعوت دینے میں کافی سستی ہوئی… جن کا کام تھا کہ وہ یہ مسئلہ سمجھائیں وہ خود جمعہ اذان کے بعد بنیانیں پہنے غسل کو دوڑتے ہیں… اس طرح یہ مبارک عمل کمزور ہوگیا… اگلا ہفتہ پھر یہی کام ہے… مکتوبات کی کوشش رہے گی ان شاء اللہ… مغرب سے جمعہ شریف، مقابلۂ حسن، عمل آیۃ الکرسی مبارک…
والسلام
خادم
لاالہ الااللہ محمد رسول اللہ
(جمعۃ المبارک مہم)
11.11.2017
مکتوب خادم
السلام علیکم و رحمۃ اللہ و برکاتہ!
اللہ تعالیٰ مسلمانوں کو’’جمعۃ المبارک‘‘ کی قدر کرنے کی توفیق عطاء فرمائیں…
(1) مسلمانوں کے ہفتے کا آغاز’’جمعۃ المبارک‘‘ سے ہوتا ہے… جمعہ ہی ہفتے کا پہلا دن ہے… کئی لوگ اسے ہفتے کا آخری دن سمجھتے ہیں جو کہ غلط ہے…
(۲) ہفتے کے پہلے دن یعنی’’جمعۃ المبارک‘‘ کے دن اللہ تعالیٰ کی طرف سے خاص’’خیر‘‘ نازل ہوتی ہے جو اسے پا لیتا ہے وہ پورا ہفتہ خیر ہی خیر میں رہتا ہے…
(3) قرآن مجید ،احادیث مبارکہ اور اسلاف کے طرز عمل کو دیکھ کر یہ بات سمجھ میں آتی ہے کہ ایک مسلمان کو جمعہ کے دن زوال سے پہلے نماز کے لئے تیار ہو جانا چاہیے اور مسجد چلے جانا چاہیے جمعہ کی پہلی اذان زوال کے فوراً بعد ہوجانی چاہیے اس اذان کے بعد خرید و فروخت اور دیگر مشغولیات نا جائز ہوجاتی ہیں… جو مسلمان اس عمل کا اہتمام کرتا ہے…اس کی دنیا اور آخرت خیر ہی خیر سے بھر جاتی ہے…
(4) جب جمعہ کی پہلی اذان ہوگئی تو اب خرید و فروخت ناجائز ہے کئی دکاندار اپنی دکان کھلی رکھتے ہیں اور اس میں اپنے ملازمین کی باریاں مقرر کردیتے ہیں… بعض نماز کے لئے چلے جاتے ہیں اور بعض کام میں لگے رہتے ہیں… جب نماز ادا کرنے والے ملازم واپس آجاتے ہیں تو باقی ملازم کسی اور مسجد میں جاکر جمعہ ادا کرتے ہیں… ایسا کرنے والے تاجر ایک ناجائز حیلہ کرتے ہیں… جب خرید و فروخت ناجائز ہو چکی تو اس حیلے سے جائز نہیں ہوگی… مسلمانو! اللہ تعالیٰ سے ڈرو…
والسلام
خادم
لاالہ الااللہ محمد رسول اللہ
14.11.2017
(شہداء کے لیے ایصال ثواب)
مکتوب خادم
السلام علیکم و رحمۃ اللہ و برکاتہ!
اللہ تعالیٰ ان سب پر سلامتی، رحمت، برکت…اور مغفرت کی بارش فرمائے…ہمارا سلام ان تک پہنچائے…پچھلے چند ماہ میں ’’حیات‘‘پانے والے ’’بیس‘‘ خوش نصیبوں کے نام یہ ہیں…(۱) مولانا طلحہ رشید…(۲) محمد بھائی…(۳) وسیم احمد…(۴) یاسر جمیل…(۵) ناصر صدیق…(۶) ساجد حسین…(۷) محمد بلال اکبر…(۸) عارف حسین…(۹) سعد اقبال…(۰۱) احمد اللہ…(۱۱) محمد انتظار…(۲۱) اقرار حسین…(۳۱) فیض الدین…(۱۴) صدیق اللہ…(۱۵) محمد اسحاق…(۱۶) خالد زمان…(۱۷) انور علی…(۱۸) نعیم بھٹی…(۱۹) احسان بھائی…(۲۰)زاہد دانیال… ان حضرات کے ایصال ثواب کے لئے کل بروز بدھ اور پرسوں بروز جمعرات…انفرادی اور اجتماعی اہتمام ہوجائے…شعبہ ہدایت اور دیگر تمام شعبے آج ہی ترتیب بنالیں…آئندہ ان شاء اللہ ہر مہینے یہ ترتیب پہلے کی طرح ہوا کرے گی…ہمارے لئے سعادت کی بات ہے کہ ہم اپنے عزیز ’’شہداء کرام‘‘ کو یاد رکھیں…ان سے اپنی نسبت جوڑیں…ان کے لئے دعاء اور ایصال ثواب کریں…ان کے شاندار انتقام کی ترتیب بنائیں…ان سے اپنا روحانی تعلق بنائیں…ان کے نقوش قدم کو یاد رکھیں…اور ان کے اہل خانہ کا ایمان اور حیاء کے ساتھ خیال رکھیں…طلحہ بیٹے! شکریہ…
والسلام
خادم
لاالہ الااللہ محمد رسول اللہ
15.11.2017
(مولانا طلحہ شہیدؒ)
مکتوب خادم
السلام علیکم و رحمۃ اللہ و برکاتہ!
اللہ تعالیٰ کا قطعی فیصلہ ہے…جو اللہ تعالیٰ کی راہ میں قتل کئے جاتے ہیں، اللہ تعالیٰ ان کے اعمال ضائع نہیں فرمائے گا… پیارے طلحہ کو خواب میں دیکھا دور تک مارکرنے والی ھیوی مشین گن اٹھا رکھی ہے… تعبیر یہ سمجھ آئی کہ ہمارے طلحہ کا جہاد دور دور تک پھیلے گا…اور اس کے انتقام کی آگ دور دور تک برسے گی ان شاء اللہ… طلحہ تو اپنے غریب ماموں کو چھوڑتا ہی نہیں…کبھی قبرستان جا بٹھاتا ہے تو کبھی سونے نہیں دیتا… رات کو طلحہ آجائے اور نیند کو بھگا دے تو میں اسے خیالات میں کہتا ہوں (قتیل شفائی کی نظم کچھ اضافے کے ساتھ)
ستارو تم تو سو جاؤ پریشاں رات ساری ہے!
سکوتِ مرگ طاری ہے ستارو تم تو سو جاؤ…
ہنسو اور ہنستے ہنستے ڈوب جاؤ خلاؤں میں!
ہمیں پر رات بھاری ہے ستارو تم تو سو جاؤ…
ہمیں تو آج کی شب پو پھٹے تک جاگنا ہوگا!
یہی قسمت ہماری ہے ستارو تم تو سو جاؤ…
کہے جاتے ہو رو، رو کر ہمارا حال دنیا سے!
یہ کیسی رازداری ہے ستارو تم تو سو جاؤ…
ہمیں بھی نیند آجائے گی ہم بھی سوہی جائیں گے!
ابھی کچھ بے قراری ہے ستارو تم تو سو جاؤ…
اگر ماموں کو اپنے پاس ہی تم نے بلانا ہے!
ارے ہم آہی جائیں گے ستارو تم تو سو جاؤ…
والسلام
خادم
لاالہ الااللہ محمد رسول اللہ
مطالعہ فضائل شہادت مہم
16.11.2017
(فضائل جہادکا مطالعہ)
مکتوب خادم
السلام علیکم و رحمۃ اللہ و برکاتہ!
اللہ تعالیٰ ہمیں اپنا فضل اور رضاء نصیب فرمائے…الحمدللہ شہداء کرام کے ایصال ثواب کی ترتیب مبارک اور پر جوش رہی…ہر طرف سے حیرت انگیز کارگزاری سامنے آئی ہے… آج امید ہے کہ کل سے بھی بہتر رہے گی…اللہ تعالیٰ آپ سب کو جزائے خیر عطاء فرمائے…پچھلے دو ہفتوں کا کام’’جمعۃ المبارک‘‘جس جس نے اپنایا، جس جس نے محنت کی…اللہ تعالیٰ ان سب کو اپنی شان کے مطابق جزائے خیر عطاء فرمائے…اس ہفتے کا کام… فضائل جہاد میں سے شہادت اور شہداء کا باب خود توجہ سے پڑھنا ہے… اور سات مسلمانوںکو پڑھانا ہے… فضائل جہاد باب…28 اور 29… اگرآپ پہلے پڑھ چکے ہیں تو بھی دوبارہ پڑھیں، عجیب فائدہ ہوگا، ان شاء اللہ …جو مالدار ہیں سات کتابیں لے کر تقسیم کر دیں… جو متوسط ہیں وہ صفحات کی فوٹوکاپی بانٹیں… جو غریب ہیں وہ سات افرادکو بٹھاکر سنا دیں…یقین کریں بہت سی ظالم فکریں جان چھوڑ دیںگی… بہت سے غلط ارادے ختم ہو جائیں گے … بہت سے فضول غم دفع ہوجائیں گے… ایسے منصوبے جو ہمیں ذلیل اور محتاج بناتے ہیں دل سے نکل جائیںگے…ارے شہادت! کی خوشبو میں زندگی کا مزا اور لطف ہے… مغرب سے جمعہ شریف، مقابلۂ حسن، عمل آیۃ الکرسی مبارک…
والسلام
خادم
لاالہ الااللہ محمد رسول اللہ
19.11.2017
مکتوب خادم
(استقبال ماہِ جدید)
السلام علیکم و رحمۃ اللہ و برکاتہ!
اللہ اکبر… ربیع الاول کا چاند ہوگیا، مسنون دعاء اور معمولات کی یاد دہانی ہے…
والسلام
خادم
لاالہ الااللہ محمد رسول اللہ
23.11.2017
( اللہ تعالیٰ کی ملاقات کا شوق، موت کی یاد)
مکتوب خادم
السلام علیکم و رحمۃ اللہ و برکاتہ!
اللہ تعالیٰ ہمیں اپنی’’ملاقات‘‘ کا شوق نصیب فرمائے… آج ایک اہم نکتہ سمجھیں… موت سے محبت اور موت کی یاد بہت سی بیماریوںکا علاج ہے… جسمانی، روحانی، نفسیاتی… اور باطنی بیماریوںکا علاج… موت سے انس ہو اور موت کی یاد نصیب ہو تو بڑی بڑی جسمانی بیماریاں ٹھیک ہو جاتی ہیں… آپ جہادکے اگلے مورچوں پر جائیں آپ کو کوئی بیمار نہیں ملے گا… روحانی بیماریاں بخل اور بزدلی سے پیدا ہوتی ہیں… حُب جاہ اور حُب مال سے… موت کی یاد اس کا بھی علاج ہے… موت کی یاد ہمارے ’’احساسات‘‘ کا علاج ہے… مالدارکو غفلت اور تکبرکے احساس سے… اور غریب کو نا شکری اور محتاجی کے احساس سے بچانے والی چیز موت کی یاد ہے… خلاصہ یہ کہ… موت سے محبت ہو اور موت کی یاد ہو تو زندگی بھی آسان اور آخرت بھی آسان… موت کا خوف اور ہر وقت موت سے بچنے کی فکر انسان کی زندگی کو موت سے بدتر بنا دیتی ہے… بھائیو! اور بہنو! ہم نے ضرور مرنا ہے… ضرور اللہ تعالیٰ سے ملنا ہے… پھر کیوں نہ اللہ تعالیٰ سے ملاقات کا شوق پیداکریں؟… گزشتہ ہفتے کا کام خوب رہا… فضائل جہاد باب28 اور29 کا مطالعہ… الحمدللہ مجھے بھی مطالعہ کی توفیق ملی… مگر یہ موضوع ایسا ہے کہ دل ابھی تک نہیں بھرا…کئی ساتھی ان ابواب کو ماشاء اللہ ہزاروں کی تعداد میں تقسیم بھی کر رہے ہیں اس لئے اگلے ہفتے بھی یہی کام جاری رکھیں…خصوصاً وہ جو ابھی تک مطالعہ نہیں کر سکے مطالعہ کرکے اپنا بھلاکریں… خواتین بھی اہتمام سے مطالعہ کریں… مغرب سے جمعہ شریف، مقابلۂ حسن، عمل آیۃ الکرسی مبارک…
والسلام
خادم
لاالہ الااللہ محمد رسول اللہ
محبت مہم
30.11.2017
(آقامدنی ﷺسے سچی محبت)
مکتوب خادم
السلام علیکم و رحمۃ اللہ و برکاتہ!
اللہ تعالیٰ ہمیں’’محبت‘‘ نصیب فرمائے…اللہ تعالیٰ سے ’’محبت‘‘ رسول کریم صلی اللہ علیہ وسلم سے’’محبت‘‘جہاد فی سبیل اللہ سے’’محبت‘‘…اور ان تمام افراد سے’’محبت‘‘جن سے’’محبت‘‘ رکھنے کا حکم اللہ تعالیٰ اور اس کے رسول صلی اللہ علیہ وسلم نے فرمایا ہے… اس ہفتے کا کام’’محبت‘‘ہے… حضرت محمد صلی اللہ علیہ وسلم سے’’محبت‘‘… اس’’محبت‘‘کی تجدید… اس’’محبت‘‘میں اضافہ… اس’’محبت‘‘میں ترقی اوراس ’’محبت‘‘کی دعوت… ہم مسلمانوں پر یہ’’محبت‘‘فرض ہے، واجب ہے، لازم ہے… معمولی محبت نہیں بلکہ…اپنی جان،اپنے والدین، اپنی اولاد، اپنے مال اور ساری مخلوق سے بڑھ کر ہمیں … رسول اللہ صلی اللہ علیہ وسلم سے’’محبت‘‘ہو… یہ’’محبت‘‘ اگر ہمیں حاصل ہوگئی تو ہم ہر نعمت کو پالیںگے… اور اگر ہم اس محبت سے محروم رہے تو خسارہ ہی خسارہ ہے…آج ہی ان قرآنی آیات اور احادیث مبارکہ کو پڑھیں… جن میں نبی کریم صلی اللہ علیہ وسلم سے’’محبت‘‘کا حکم ہے… اس’’محبت‘‘کے فضائل پڑھیں… اس’’محبت‘‘کے تقاضے معلوم کریں اور پھرخود کو اس’’محبت‘‘میں سچا ثابت کریں…کوئی اس وقت تک مؤمن نہیں ہو سکتا جب تک رسول کریم صلی اللہ علیہ وسلم سے اپنی جان، والدین اور اولاد اور تمام مخلوق سے زیادہ محبت نہ رکھے… (مفہوم بخاری، مسلم) یاد رکھیں … ’’محبت‘‘ہی ترقی کا راستہ ہے… محبت کے ذریعہ ہر سفر تیزی سے طئے ہو جاتا ہے… صرف زبانی نہیں…سچی اور قلبی محبت…مغرب سے جمعہ شریف، مقابلۂ حسن،عمل آیۃ الکرسی مبارک…
والسلام
خادم
لاالہ الااللہ محمد رسول اللہ
٭…٭…٭
01.12.2017
(آقامدنی ﷺ سے سچی محبت)
مکتوب خادم
السلام علیکم و رحمۃ اللہ و برکاتہ!
اللہ تعالیٰ ہمیں اپنے محبوب نبی حضرت محمد صلی اللہ علیہ وسلم سے’’سچی محبت‘‘ نصیب فرمائے…حضرت علی رضی اللہ عنہ فرما تے ہیں… رسول اللہ صلی اللہ علیہ وسلم ہمیں اپنے اموال، اپنی اولاد، اپنے والدین اور پیاس میں ٹھنڈے پانی سے بھی زیادہ ’’محبوب‘‘ تھے… سبحان اللہ! ’’سچی محبت‘‘ انسان کے دل پر بھی چھا جاتی ہے اور طبیعت و مزاج پر بھی… قرآن مجید نے انسانوں کی محبوب آٹھ چیزوں کو شمارکرکے فرمایا… اگر یہ چیزیں تمہیں اللہ، اس کے رسول اور جہاد سے زیادہ محبوب ہیں تو پھر … اللہ تعالیٰ کے عذاب کا انتظارکرو… (1) والدین(۲) اولاد (۳) بھائی(۴) بیویاں(۵) خاندان، قبیلہ (۶) اموال (۷) تجارت (۸) مکانات ہر شخص اپنے دل میں جھانک کر دیکھے کہ… ان کوآٹھ چیزوں سے زیادہ محبت ہے یا اللہ، رسول اور جہاد سے…’’سچی محبت‘‘انسان کو دیوانہ بنا دیتی ہے… محبوب کا دیوانہ… محبوب کی ہر بات محبوب، ہر ادا محبوب، محبوب کی صورت وسیرت محبوب… محبوب نے جو فرما دیا بس وہی حرف آخر ہے… محبوب نے جو سمجھا دیا وہی دل کا نظریہ بن گیا… اے مسلمانو! صلوٰۃُ حاجت پڑھ کر دعاء مانگو کہ… ہمارے بے حس اور خود غرض دلوں کی اصلاح ہو اور ہمیں حضرت آقا مدنی صلی اللہ علیہ وسلم کی سچی محبت نصیب ہو…حضرت آقا مدنی صلی اللہ علیہ وسلم کی سیرت کو محبت سے پڑھو… آپ کی صورت وشباہت کو اپناؤ… آپ کی کی ایک ایک سنت کو زندہ کرو… اور آپ صلی اللہ علیہ وسلم سے عشق والا تعلق بناؤ… تب اس’’سچی محبت‘‘ کی برکت سے سچا ایمان نصیب ہوگا… ان شاء اللہ…
والسلام
خادم
لاالہ الااللہ محمد رسول اللہ
02.12.2017
(آقامدنی ﷺ سے سچی محبت)
مکتوب خادم
السلام علیکم و رحمۃ اللہ و برکاتہ!
اللہ تعالیٰ کسی دل پر’’نظر کرم‘‘ فرمائے تو اس دل میں…حضرت آقا مدنی صلی اللہ علیہ وسلم کی’’سچی محبت‘‘ آجاتی ہے… ’’سچی محبت‘‘ وہ جس میں پھر ’’بدگمانی‘‘ نہیں ہوتی… ’’بے ادبی‘‘ نہیں ہوتی’’خود غرضی‘‘ نہیں ہوتی… بلکہ ’’ قربانی‘‘ہوتی ہے اور محبوب کے لئے غیرت… وہ دیکھو! تیس صحابہ کرام غزوۂ اُحد میں… محبت کے امتحان میں ایسے کامیاب ہوئے کہ… حضرت آقا مدنی صلی اللہ علیہ وسلم کا دفاع کرتے کرتے ٹکڑے ٹکڑے ہو گئے… جب وہ زخم کھاکرگر جاتے تو… محبت کم نہ پڑتی بلکہ اور بڑھ جاتی اورگھسٹتے گھسٹتے حضرت آقا مدنی صلی اللہ علیہ وسلم کے قدموں تک آتے اور کہتے… میرا چہرہ آپ صلی اللہ علیہ وسلم کی ڈھال بن جائے اور میری جان آپ کی خاطر قربان ہو جائے اورآپ پر ہمیشہ اللہ تعالیٰ کی طرف سے سلامتی رہے… ’’سچی محبت‘‘ وہ نہیں ہوتی کہ جس میں شرطیں ہوں… سچی محبت تو بس محبوب کی دیوانی ہوتی ہے … محبوب کچھ دے تب بھی خوش، نہ دے تب بھی خوش… محبوب مسکرائے تب بھی خوش، محبوب جھڑکے تب بھی محبوب کے قدموں سے جڑے رہیں… مسلمانو! حضرت آقا مدنی صلی اللہ علیہ وسلم کی’’محبت‘‘ عظیم نعمت ہے…جسے یہ حاصل ہے اسے کامیابی سے کوئی روک نہیں سکتا…اور جو اس سے محروم ہے وہ کبھی کامیاب ہو نہیں سکتا…اس سچی محبت کو پانے کی دعاء مانگنی چاہیے اور اس کے لئے محنت کرنی چاہیے… سچی محبت وہ نہیں ہوتی جو تکلیف اور آزمائش کے وقت بھاگ جائے… یااللہ! سچی محبت عطاء فرما… محمد، محمد، محمد، محمد، محبت، محبت، محبت، محبت…
والسلام
خادم
لاالہ الااللہ محمد رسول اللہ
03.12.2017
(آقامدنی ﷺ سے سچی محبت)
مکتوب خادم
السلام علیکم و رحمۃ اللہ و برکاتہ!
اللہ تعالیٰ’’علم نافع‘‘عطاء فرمائے…(1)حضور اقدس صلی اللہ علیہ وسلم کی سیرت طیبہ کا مطالعہ کریں…ضرور، لازماً یہ مطالعہ ہر مسلمان کرے…اردو میں بہترین کتاب’’سیرت المصطفی‘‘ہے مولانا محمد ادریس کاندھلویؒ کی…اور’’سیرت النبی‘‘حضرت شاہ ولی اللہرحمۃاللہ علیہ کی… (۲) جہاد سے محبت کریں،جہاد سے جس قدر محبت بڑھے گی اسی قدر اللہ تعالیٰ اور رسول کریم صلی اللہ علیہ وسلم کی ’’محبت‘‘ مضبوط اور سچی ہوگی، وجہ یہ کہ ’’بزدل‘‘سچا عاشق نہیں ہوتا اور جہاد بزدلی کا علاج ہے…(۳) درود شریف کی پابندی اور کثرت کریں اس سے محبت سچی اور مضبوط ہوتی ہے…(۴) مرد داڑھی اور عورتیں پردے کا دل کی خوشی اور فخر سے اہتمام کریں یہ حب نبی صلی اللہ علیہ وسلم کا ذریعہ ہے…
والسلام
خادم
لاالہ الااللہ محمد رسول اللہ
04.12.2017
(حجامہ)
مکتوب خادم
السلام علیکم و رحمۃ اللہ و برکاتہ!
اللہ تعالیٰ کی’’رحمت‘‘کے بغیر کوئی کام نہیں بنتا…حضرت محمد صلی اللہ علیہ وسلم تمام جہانوں کے لئے ’’رحمت‘‘ہیں …بس دنیا و آخرت میں جس نے اللہ تعالیٰ کی رحمت کو پانا ہو وہ…آپ صلی اللہ علیہ وسلم سے جڑ جائے…آپ کا نام بھی ’’رحمت‘‘کام بھی’’رحمت‘‘کلام بھی’’رحمت‘‘آپ کی ہر سنت ’’رحمت‘‘ ہر ادا ’’رحمت‘‘… سنت حجامہ کے دن آگئے… یہ علاج بڑی ’’رحمت‘‘ہے…21،19،17تاریخ… آج پاکستان میں 15اور حجاز مقدس میں 16تاریخ ہے… کل منگل بھی ہے اور سترہ ربیع الاول بھی(مدنی چاند کے مطابق)…اہل ایمان!خوب فائدہ اٹھائیں…
والسلام
خادم
لاالہ الااللہ محمد رسول اللہ
07.12.2017
(آقامدنی ﷺ سے سچی محبت)
مکتوب خادم
السلام علیکم و رحمۃ اللہ و برکاتہ!
اللہ تعالیٰ’’بیت المقدس‘‘کو آزادی عطاء فرمائے…آہ! ہمارا قبلہ اول…مسجد اقصی…امریکی صدر’’ٹرمپ‘‘نے وہی کچھ کیا جو اسے کرنا چاہیے تھا…’’ٹرمپ‘‘سراپا نفرت ہے… نفرت انگریز، نفرت زدہ، نفرت پرست…اب مسلمانوں کو بھی وہی کچھ کرنا چاہیے… جوان کے دین اورغیرت کا تقاضا ہے… ہاں وہی کچھ جو حضرت سلطان صلاح الدین ایوبی نے کیا… بیت المقدس ہم مسلمانوں کا تھا… اور ہم مسلمانوں کا ہی رہے گا، ان شاء اللہ … بیت المقدس کے عظیم جہاد کے لئے ہر مسلمان کا دل تڑپتا ہے، مچلتا ہے… مگر اسلامی دنیا کے حکمرانوں نے راستے بندکر رکھے ہیں…ورنہ اسرائیل تو کبھی کا صفحہ ہستی سے مٹ چکا ہوتا…’’ٹرمپ‘‘نے بڑی بے وقوفی کی ہے کہ یہودیوں کی خاطر… اپنے ملک اوراپنی عوام کو مزید نفرت کا مستحق بنا دیا ہے…کل چھ دسمبر تھا مسلمان بابری مسجدکے آنسو بہا رہے تھے… ’’ٹرمپ‘‘نے چھ دسمبرکی تاریخ بابری مسجد اور مسجد اقصی کو جوڑنے کے لئے منتخب کی ہے… اللہ تعالیٰ کے حکم سے ان شاء اللہ مسجد اقصی بھی آزاد ہوگی… اور بابری مسجد بھی دوبارہ آباد ہوگی… اہل ایمان کے پاس راستہ موجود ہے… جہاد اور شہادت…گزشتہ ہفتے کا کام خوب رہا… اس ہفتے بھی وہی کام ہے… عشق رسول، محبت رسول صلی اللہ علیہ وسلم کی مضبوطی اور دعوت… اب آپ کے پاس القلم کے دو مضامین بھی آگئے… محبت رسول صلی اللہ علیہ وسلم پکی ہوگی تو مسلمان جہاد پر آئیں گے… تب امت کے سارے مسائل حل ہوں گے ان شاء اللہ… مغرب سے جمعہ شریف، مقابلۂ حسن، عمل آیۃ الکرسی مبارک…
والسلام
خادم
لاالہ الااللہ محمد رسول اللہ
08.12.2017
(آقامدنی ﷺ سے سچی محبت)
مکتوب خادم
السلام علیکم و رحمۃ اللہ و برکاتہ!
اللہ اکبر کبیرا…جہاد فلسطین ایک نئی آب و تاب دکھانے کو ہے… اللہ تعالیٰ ہم سب مسلمانوں کو اس میں پورا حصہ ڈالنے کی توفیق عطاء فرمائے… یااللہ!جان، مال، اولاد سب آپ کے دین کے لئے حاضر ہے… دنیا یاد رکھے! کہ ہم مسلمانوں نے’’القدس شریف‘‘جسے یروشلم کہا جارہا ہے پر بارہ سو سال سے زائد عرصہ حکومت کی ہے… حضرت آقا مدنی صلی اللہ علیہ وسلم سے سچی محبت نصیب ہوجائے اس کے لئے ایک اہم نسخہ یہ ہے کہ اس ہفتہ روزانہ دو رکعت نماز پڑھ کر عاجزی سے دعاء مانگیں یااللہ! اپنی اور اپنے حبیب صلی اللہ علیہ وسلم کی سچی پکی محبت نصیب فرما…
والسلام
خادم
لاالہ الااللہ محمد رسول اللہ
09.12.2017
(یہودی بد نصیب)
مکتوب خادم
السلام علیکم و رحمۃ اللہ و برکاتہ!
اللہ تعالیٰ کے تمام’’انبیاء کرام‘‘ہدایت اور رحمت لائے …حضرات’’انبیاء کرام‘‘اگر کسی پر’’لعنت‘‘بھیجیں تو وہ بڑا ہی سخت بدنصیب ہوتا ہے…حضرات انبیاء کرام نے…’’یہودی کافروں‘‘پر لعنت بھیجی جوکہ قرآن عظیم الشان میں مذکور ہے … یہودی بڑے بدنصیب ہیں… بزدل، موذی، مکار اور ذلیل… وہ بہادر بالکل نہیں… انہوں نے حضرت سیدنا عیسیٰ علیہ السلام کو سولی پر چڑھانے کی سازش کی… اپنے گمان میں وہ ایسا کر بھی چکے… مگر حقیقت میں وہ نہ کرسکے… بے غیرتی اور بے وفائی دیکھیںکہ حضرت عیسیٰ علیہ السلام کو ماننے والا ’’ٹرمپ‘‘اور’’امریکہ‘‘…حضرت عیسیٰ علیہ السلام کے گستاخوں اور دشمنوں کی چاپلوسی کررہا ہے… ان حالات میں موجودہ زمانے کے تمام عیسائیوں اور نصرانیوں کو چاہیے کہ… فوراً ’’اسلام‘‘کے دامن میں آجائیں…’’لا الہ الا اللہ محمد رسول اللہ‘‘کا اقرار کریں…حضرت محمد صلی اللہ علیہ وسلم کے سچے دین میں… حضرت عیسیٰ علیہ السلام کا مکمل احترام ہے… اگر ٹرمپ کے حالیہ فیصلے کے بعد بھی وہ مروجہ عیسائیت پر قائم رہے تو… ان کا شمار حضرت عیسیٰ علیہ السلام کے دشمنوں میں ہوگا… باقی رہے بدنصیب یہودی تو وہ ملک اسرائیل کے نام پر…اپنی اجتماعی قبر تیار کررہے ہیں… غزوہ خیبر، غزوہ بنی قریظہ،غزوہ بنی نضیر، غزوہ بنی قینقاع کے فاتح حضرت محمد عربی صلی اللہ علیہ وسلم کے… سچے عاشق، سچے امتی… یہودیوں کو اسی قبر میں دفن کردیں گے ان شاء اللہ…
والسلام
خادم
لاالہ الااللہ محمد رسول اللہ
القلم مہم
14.12.2017
(القلم کی دعوت)
مکتوب خادم
السلام علیکم و رحمۃ اللہ و برکاتہ!
اللہ تعالیٰ قبول فرمائے…’’حب النبی‘‘صلی اللہ علیہ وسلم کی دعوت خوب رہی…لوگ عجیب و غریب لیڈروں کی طرف امت کو بلا رہے تھے جبکہ خوش نصیب دیوانے ہر کسی کو حضرت آقا مدنی صلی اللہ علیہ وسلم سے محبت کی دعوت دے رہے تھے… بڑی خوش نصیبی کی بات ہے اگر کوئی سمجھے… اس ہفتے کا کام’’القلم‘‘اور اس کی دعوت ہے…’’القلم‘‘اخبار ہم سب کے لئے اللہ تعالیٰ کی نعمت ہے…ہمیں اس نعمت کی بھرپور قدر کرنی چاہیے… پہلا کام خود اخبار پڑھنا… بعض پرانے منتظمین اخبار سے محروم ہوتے جار ہے ہیں… دوسرا کام خود’’اخبار‘‘خریدنا… جن کو مفت ملتا ہے وہ بھی خریدیں تاکہ اس عالمی دینی محنت میں ان کا حصہ شامل ہو… تیسرا کام اگر استطاعت ہو تو ہر ہفتے کچھ زائد اخبار خرید کر تقسیم کرنے کی پکی نیت اور ترتیب جوڑ لیں… بندہ آج سے ہر ہفتے پانچ اخبار خریدنے اور تقسیم کرنے کی مضبوط ترتیب بنا رہا ہے ان شاء اللہ…الحمدللہ یہ نیت کرکے دل کو خوشی محسوس ہورہی ہے…چوتھا کام اس ہفتے کم ازکم سات افراد تک القلم کا تعارف پہنچانا ہے اور ان کو مستقل اس اخبار کا قاری اور خریدار بنانا ہے… سات بالکل نئے افراد… یہ چار کام ہم سب کے بہت کام آئیں گے…ایک اخبار سے کسی کو کیا کیا فائدہ پہنچے گا اور وہ آگے کس کس کو دعوت دے گا… اور نیکیوں کا یہ سلسلہ کتنا دوراور کتنا وسیع ہوگا… ہم اس کااندازہ نہیں لگا سکتے… مگر اللہ تعالیٰ کی توفیق سے اسے پاسکتے ہیں ان شاء اللہ… آج مغرب سے جمعہ شریف، مقابلۂ حسن، عمل آیۃ الکرسی مرحبا!…
والسلام
خادم
لاالہ الااللہ محمد رسول اللہ
17.12.2017
(القلم کی دعوت)
مکتوب خادم
السلام علیکم و رحمۃ اللہ و برکاتہ!
اللہ تعالیٰ نے دنیا کو’’دارالعمل‘‘ بنایا ہے… عمل،کام، محنت، سعی اور مزدوری کی جگہ…جبکہ آخرت’’دارالجزاء ‘‘ہے، بدلے، اجر، ثواب اور اُجرت کی جگہ…کامیاب وہی انسان ہے جو دنیا میں زیادہ سے زیادہ عمل اور محنت کرے اور بدلہ صرف آخرت کا چاہے… دنیا میں اللہ تعالیٰ نے ہمیں جو کچھ بھی دیا… وہ سب ’’عمل‘‘کے لئے ہے…جان، مال، وقت، صلاحیت وغیرہ… مؤمن کو ہر لمحہ یہ فکر رہتی ہے کہ…اس کی زندگی کا کوئی لمحہ عمل صالح کے بغیر نہ گزرے…اور اللہ تعالیٰ کے فضل سے یہ ممکن بھی ہے…اور حضرت آقا مدنی صلی اللہ علیہ وسلم نے اس کے طریقے بھی سکھا دیئے ہیں…بلکہ مرنے کے بعد بھی عمل جاری رکھنے کے طریقے ارشاد فرما دیئے ہیں… قیامت ہر لمحہ قریب آرہی ہے…موت ہماری طرف سفر شروع کر چکی ہے… دنیاکو ’’دارالجزاء‘‘نہ سمجھیں…’’دارالعمل‘‘ سمجھ کر صبح، شام، رات، دن…عمل ہی عمل، محنت ہی محنت…اور وہ نیکیاں جو چلتی رہتی ہیں، پھیلتی رہتی ہیں، بڑھتی رہتی ہیں… آجکل’’القلم‘‘اخبار کی محنت چل رہی ہے…اس اخبار سے لوگوں کو کیا کیا فائدہ پہنچا ہے یہ ایک طویل داستان ہے…میں ایک بار ایک دکان پر گیا تو…دکاندار’’القلم‘‘کے اندرونی صفحے کاایک مضمون پڑھ رہا تھا اور دوسروں کو بھی سنا کر امانت اور رزق حلال کی تاکیدکررہا تھا…القلم اخبار گھر میں آجائے تو برکت ہوجاتی ہے کیونکہ…یہ خالص دعوت الیٰ اللہ ہے…آپ اس ہفتے خود بھی اس اخبار سے مستقل جڑ جائیں اورکم ازکم سات افراد کو بھی جوڑدیں… یہ عمل آپ کے لئے بہت دیر اور دور تک چلتا رہے گا ان شاء اللہ…
والسلام
خادم
لاالہ الااللہ محمد رسول اللہ
18.12.2017
(القلم کی دعوت)
مکتوب خادم
السلام علیکم و رحمۃ اللہ و برکاتہ!
اللہ تعالیٰ نے اپنے آخری نبی حضرت محمد صلی اللہ علیہ وسلم کو جو دین عطاء فرمایا ہے… وہ بہت شاندار اور بہت آسان ہے… ہر شخص اس دین میں جتنی چاہے ترقی کرسکتا ہے… اس دین میں ہر محرومی کی تلافی کا راستہ موجود ہے… حجرِاسود کا بوسہ نہیں لے سکتے دور سے ہاتھ کا اشارہ اور بوسہ کافی… بزدلی اور بخل کی تلافی تیسرا کلمہ… کوئی عالم اور مصنف نہیں توکسی بر حق عالم اورمصنف کا علم لوگوں تک پہنچائے اور پورا اجر پالے…القلم اخبارمیں جس طرح دعوت الیٰ اللہ‘ فرائض، جہاد اوردین کا پیغام ہوتا ہے… وہ ہر شخص نہیں لکھ سکتا… مگر دوسروں تک پہنچا کر پورا اجر پاسکتا ہے… بھائیو، بہنو! جب تک سانس ہے چانس ہی چانس ہے…
والسلام
خادم
لاالہ الااللہ محمد رسول اللہ
19.12.2017
(استقبال ماہِ جدید)
مکتوب خادم
السلام علیکم و رحمۃ اللہ و برکاتہ!
اللہ تعالیٰ ہمیں وقت کے خسارے سے بچائے…ربیع الثانی کا چاند ہوگیا، مسنون دعاء اور معمولات کی یاد دہانی ہے…
والسلام
خادم
لاالہ الااللہ محمد رسول اللہ
20.12.2017
(القلم کی دعوت)
مکتوب خادم
السلام علیکم و رحمۃ اللہ و برکاتہ!
اللہ تعالیٰ ہماری’’سعی‘‘ کو ’’مشکور‘‘ فرمائیں…’’سعی‘‘ کہتے ہیں… محنت کو اور اللہ تعالیٰ نے ان کی تعریف فرمائی ہے جو ’’آخرت‘‘ کو مقصود بنا کر اس کے لئے’’سعی‘‘کرتے ہیں… الحمدللہ’’القلم‘‘ کی محنت خوب جارہی ہے…کئی حضرات نے اطلاع دی ہے کہ انہوں نے ہر ہفتے کچھ ’’اخبار‘‘ تقسیم کرنے کا عزم کیا ہے… اگر مسلمان ماؤں اور بہنوں کی دعائیں اور ان کا بھی کچھ حصہ اس’’مہم‘‘ میں شامل ہو جائے تو امید ہے کہ… آخرت کے لئے یہ’’سعی‘‘ بہت مبارک، مقبول اور مشکور ہو جائے گی ان شاء اللہ…
والسلام
خادم
لاالہ الااللہ محمد رسول اللہ
21.12.2017
(القلم کی دعوت، سنت کے مطابق شادی)
مکتوب خادم
السلام علیکم و رحمۃ اللہ و برکاتہ!
اللہ تعالیٰ ہمیں’’علم نافع‘‘ عطاء فرمائے… ایک’’عزیز محترم‘‘ سے ملاقات ہوئی… ان کی عنقریب’’شادی‘‘ہے… نکاح اور شادی کس نیت سے ہو اس کا مذاکرہ ہوا… آپ بھی یہ نیتیں یاد کرلیں … (۱) نکاح اللہ تعالیٰ کا حکم ہے اسے پورا کرنا ہے… (۲) نکاح حضور اقدس صلی اللہ علیہ وسلم کی سنت ہے یہ سنت ادا کرنی ہے… (۳) نکاح کرکے تمام انبیاء علیھم السلام کی سنت ادا کرنی ہے… (۴) نکاح کے بارے میں حضور اقدس صلی اللہ علیہ وسلم نے جو ترغیبات دیں ہیں ان پر عمل کرنا ہے…(۵) وہ تمام سنتیں جو نکاح کے بعد ہی ادا ہوسکتی ہیں ان کو ادا کرنا ہے …(۶) نکاح سے ایمان کی تکمیل کرنی ہے… (۷) نکاح سے پاکی اور پاکدامنی حاصل کرنی ہے… (۸) نکاح کرکے حضور اقدس صلی اللہ علیہ وسلم کی امت میں اضافہ کرنا ہے… (۹) مجاہد اولاد نصیب ہو اس کے لئے نکاح کرنا ہے… (۱۰) میرا مال صالحین، صالحات کھائیں اس لئے نکاح کرنا ہے…(۱۱) نکاح کے ذریعہ ’’غناء‘‘کی نعمت اللہ تعالیٰ سے پانی ہے… اور بھی کئی نیتیں ہیں… نکاح کے قرآنی احکامات،احادیث نبویہ، حضور اقدس صلی اللہ علیہ وسلم اور صحابہ کرام کے مبارک طرز عمل کو دیکھیں تو نکاح فضیلت ،درجات اور نیکیوں کا ایک پورا کارخانہ ہے…اللہ تعالیٰ اس مبارک عمل میں تمام مسلمانوں کو اتباع سنت نصیب فرمائے اور رسومات سے بچائے… اس ہفتے کا کام بھی’’القلم‘‘اور اس کی دعوت ہے… مغرب سے جمعہ شریف، مقابلۂ حسن ، عمل آیۃ الکرسی مبارک…
والسلام
خادم
لاالہ الااللہ محمد رسول اللہ
27.12.2017
(بھائی نور محمد شہیدؒکو عقیدت سلام)
مکتوب خادم
السلام علیکم و رحمۃ اللہ و برکاتہ!
اللہ تعالیٰ قبول فرمائے… مغفرت وشہادت کا اعلیٰ مقام نصیب فرمائے… ’’چھوٹے مولوی صاحب‘‘ بھی چلے گئے…جی ہاں! فنا فی الجہاد… دشمنوں کے لئے دہشت کا نشان… عسکری چالوں کا حیرت انگیز انسان… حضرت سیدنا سلمہ بن اکوع رضی اللہ عنہ کے حربی طریقہ کارکا امین… کمانڈر نور محمد تانترے… جام شہادت نوش فرماگئے… ’’ اَللّٰہُمَّ اغْفِرْ لَہٗ وَارْحَمْہٗ وَلَا تُحَرِّمْنَا اَجْرَہٗ وَلَا تَفْتِنَّا بَعْدَہٗ‘‘…لگتا ہے مقبوضہ کشمیر میں جیش والوں نے شادیوںکا سیزن بنا دیا ہے… دشمن حیران بھی ہے اور پریشان بھی… ساتھ ساتھ خوف زدہ بھی… چھوٹے مولوی صاحب جن کو انڈین مشرکین’’موت کا سوداگر‘‘ کہتے تھے ایک لمبی بازی جیت کر… ایک طویل جہاد سمیٹ کر… اور بڑا کام اپنے نام کرکے بالآخر سینتالیس سال کی عمر میں… اپنے مقصد کو پاگئے… بی بی سی سے لیکر انڈین میڈیا پر وہ کل سے چھا ہوئے ہیں… وہ اپنی مسلسل محنت اور جنگی مہارت کے باعث اہل کشمیرکے’’ہیرو‘‘اور بھارتی استعمارکے لئے ڈراؤنا خواب بن چکے تھے… مجاہدین کی خواہش تھی کہ ان کو ایسا تجربہ کار سالار مزید کچھ وقت دیتا تاکہ وہ دہلی تک اپنی پرواز بڑہا سکتے… مگر جو آگے کی جھلک دیکھ لے وہ پیچھے رکنا گوارہ نہیں کرتا… محترم بھائی نور محمد شہیدرحمۃ اللہ علیہ کو میرا اور پوری جماعت کا سلام عقیدت پہنچے…
والسلام
خادم
لاالہ الااللہ محمد رسول اللہ
مسواک مہم
28.12.2017
مکتوب خادم
السلام علیکم و رحمۃ اللہ و برکاتہ!
اللہ تعالیٰ قبول فرمائے…’’مبارک مناجات‘‘ الحمدللہ ہاتھوں ہاتھ جا رہی ہے…خصوصاً دکھی دل، پریشان حال مسلمان خوب فائدہ اٹھا رہے ہیں…ارادہ تھاکہ اس ہفتے کاکام اسی’’کتابچے‘‘سے متعلق ہوگا… مگر جس تیزی سے یہ’’مناجات‘‘نکل رہی ہے… اگر مزید دعوت چلی تو ڈیمانڈ پوری کرنا ایک مسئلہ بن جائے گا …اس لئے اس ہفتے کا کام ہے…’’سنت مبارک مسواک شریف‘‘…سبحان اللہ! ’’مسواک شریف‘‘کا نام آتے ہی منہ سے لے کر دل تک خوشبو پھیل گئی…سبحان اللہ! حضرت آقا مدنی صلی اللہ علیہ وسلم کا اپنی امت پر یہ کتنا عظیم احسان ہے… روحانی فائدے الگ، جسمانی فائدے الگ…اور مقامات الگ…فرمایا: مسواک میں منہ کی پاکی بھی ہے…اور اللہ تعالیٰ کی رضاء بھی …یعنی سب سے چھوٹا فائدہ منہ کی طہارت…اور سب سے بڑا فائدہ اللہ تعالیٰ کی رضاء…چھوٹے فائدے کو ہی دیکھ لیں کہ طہارت ایمان کا جزو ہے… جس کے دل میں جتنا ایمان ہوتا ہے …وہ اسی قدر طہارت،پاکی اور نظافت کا خود بخود اہتمام کرتا ہے…مسواک کا اہتمام کریں…اپنے اہل وعیال کو اس کا شوق دلائیں…سات مسلمانوں تک مسواک کی دعوت اور استطاعت ہو تو مسواک بھی پہنچائیں… مغرب سے جمعہ شریف، مقابلۂ حسن، عمل آیۃ الکرسی مبارک…
والسلام
خادم
لاالہ الااللہ محمد رسول اللہ
(مسواک مہم)
30.12.2017
(مسواک مہم، ایصال ثواب)
مکتوب خادم
السلام علیکم و رحمۃ اللہ و برکاتہ!
اللہ تعالیٰ ہمیں اتباع سنت نصیب فرمائے…’’ مسواک شریف‘‘ بڑی اہم اور مبارک سنت ہے… امت کے خطباء اور داعیوںکو چاہیے کہ’’مسواک‘‘ کی ترغیب پر کم از کم ایک گھنٹے کا بیان تیار کر کے چلائیں… ان شاء اللہ قبر و حشر میں اس کا عجیب فائدہ پائیں گے… مسواک کی فضیلت، مسواک کے مواقع، مسواک کے احکامات، مسواک کے فائدے، طہارت کا مقام، مسواک سے حضرت آقا مدنی صلی اللہ علیہ وسلم کی محبت… خواتین اور مسواک وغیرہ…گزشتہ ایصال ثواب کے بعد سے اب تک مزید آٹھ شھداء کرام… قافلہ سید الشہداء رضی اللہ عنہ میں شامل ہوچکے ہیں…کل بروز اتوار بارہ ربیع الثانی بمطابق31 دسمبر جماعت کے تمام شعبے اور افراد…ایصال ثواب کی ترتیب بنا لیں…اپنی ذمہ داری، اپنی سعادت اور اپنی خوش نصیبی سمجھ کر… شہداء کرام یہ ہیں… (۱) مولوی نور محمد… (۲) بھائی عمیر … (۳) بھائی عثمان… (۴) بھائی عمران… (۵) بھائی ابوبکر… (۶) بھائی تنویر بٹ… (۷) بھائی یونس… (۸) بھائی عمر خطاب… رَحْمَہُمُ اللہُ تَعَالیٰ وَ تَقَبَّلَہُمْ شُہَدَائَ فِیْ سَبِیْلِہِ وَجَعَلَہُمْ مِنَ الْمُقَرْبِیْنَ…آمِیْنَ یَا اَرْحَمَ الرَّاحِمِیْنَ…
والسلام
خادم
لاالہ الااللہ محمد رسول اللہ
31.12.2017
(حج عظیم الشان نعمت ہے)
مکتوب خادم
السلام علیکم و رحمۃ اللہ و برکاتہ!
اللہ تعالیٰ کی توفیق سے…حضرات شہداء کرام کے ایصال ثواب کے لئے… شکرانے کا یہ مکتوب لکھ رہا ہوں… (۱)گزشتہ رات مقبوضہ کشمیر میں انڈین فوجی کیمپ کو تہس نہس کرنے والے تین جانباز دیوانوں کو سلام محبت پہنچے ماشاء اللہ انہوں نے اسلام اور اپنی جوانی کا حق ادا کردیا… (۲) دو ہفتے القلم کی مہم میں محنت کرنے والوں کا تہہ دل سے شکریہ… اللہ تعالیٰ اس کامیاب محنت کے بدلے آپ کو اپنا فضل، اپنی رضا اوردل کا نور عطاء فرمائے… (۳) مرکز میں الحمدللہ’’ دورہ تربیہ‘‘ جاری ہے، دوسو سے زائد افراد شریک ہیں… آزاد کشمیر سے پہلی مرتبہ اتنی بڑی تعداد میں افراد آنے پر قلبی مسرت ہے… تقریباً اسی افراد وہاں سے تشریف لائے ہیں… (۴) حکومت نے اس سال قبل ازوقت حج پالیسی کا اعلان کر دیا ہے… 15 جنوری درخواستیں جمع کرانے کی تاریخ ہے…اس جلد بازی کی وجہ سے اہل ایمان کافی پریشان ہیں… کئی افراد نے اپریل میں درخواست جمع کرانے کے لئے کمیٹیاں اور دیگر انتظامات کر رکھے تھے… جن مسلمانوں کو اللہ تعالیٰ نے استطاعت دی ہے وہ حج بیت اللہ سے محروم نہ رہیں‘ مال آتا جاتا رہتا ہے جبکہ حج عظیم الشان نعمت اور فریضہ ہے…حج کی دعوت دینے والے آج سے سرگرم ہو جائیں… (۵) سنت مسواک شریف کی دعوت الحمدللہ اچھی جا رہی ہے… مسواک خوب تقسیم ہو رہی ہے… (۶) آج رات اہل فتنہ وفساد، ’’نیو ائر نائٹ‘‘ کے نام پر ایمان اور حیاء کے حتمی قانون کو توڑیں گے… اہل ایمان ان کی نحوست اورخباثت سے حفاظت کے لئے آج رات زیادہ نیکی کا اہتمام کریں…
والسلام
خادم
لاالہ الااللہ محمد رسول اللہ
٭…٭…٭
Subscribe to:
Posts (Atom)
