(انفاق فی سبیل اللہ مہم)
13/06/2015
مکتوب خادم
السلام علیکم و رحمۃ اللہ و برکاتہ!
اللہ تعالیٰ نے ’’اجتماعیت‘‘ میں برکت رکھی ہے… دینی کاموں کے اجتماعی مشورہ میں اللہ تعالیٰ کی رحمت صاف نظر آتی ہے… اجتماعی اعمال اور انفرادی اعمال کے احکامات بھی الگ ہیں… اجتماعی اعمال میں اعلان کرکے چندہ دینا اور محنت لگانا افضل ہے… یہ اعلان ریاکاری نہیں دعوت بن جاتا ہے… کیونکہ اس سے ماحول بنتا ہے… دوسروں کو ترغیب ہوتی ہے، رنگ چڑھتا ہے اور انسان خود اپنے ارادے میں مضبوط ہوتا ہے… اس سال کی ’’انفاق فی سبیل اللہ مہم‘‘ میں عمومی نگرانی اور جماعتی ذمہ داری کے علاوہ بندہ نے مزید تین کاموں کی نیت باندھی ہے۔
(1) روزانہ دورکعت نمازادا کرکے مہم اورمہم میں محنت کرنے والوں کیلئے دعاء اوراستغفار۔(2) مہم میں روزانہ چندہ پیش کرنا۔(3) روزانہ مکتوب کی کوشش، ان شاء اللہ… دعاء ہے کہ اللہ تعالیٰ تینوں کام آسان فرمائے، قبول فرمائے… آپ سب سے بھی اسی دعاء کی درخواست ہے… کیونکہ اللہ تعالیٰ کی توفیق اور اعانت کے بغیر خیر کا کوئی کام نہیں ہو سکتا… ہماری جماعت کے ایک عجیب صفات والے کرامتی مجاہد ’’منیر شہید‘‘ تھے… بچوں جیسی مسکراہٹ اور معصومیت اور شیروں جیسی بہادری اور شجاعت … آج بروز ہفتہ 25 شعبان اس جانباز کرامتی شہید کی یاد میں غزوۂ ہند کا اجتماع ہے… ہری پور اور آس پاس والوں کو خصوصی دعوت ہے… جو شریک ہوسکتا ہو وہ محروم نہ رہے۔ (بعد نمازمغرب ان شاء اللہ، بمقام مسجد ابوبکر صدیقؓ ریا ض کھلا بٹ روڈ نیو منڈی مویشیاں ہری پور)
والسلام
خادم
لاالہ الا اللہ محمد رسول اللہ
(انفاق فی سبیل اللہ مہم)
14/06/2015
مکتوب خادم
السلام علیکم و رحمۃ اللہ و برکاتہ!
اللہ تعالیٰ سے ’’مغفرت‘‘ کا سؤال ہے… کیا آپ بھائیوں نے’’الیٰ مغفرۃ‘‘ کتاب پڑھ لی؟ یقیناً اکثر نے نہیں پڑھی ہوگی… خاص طور پر ذمہ داروں نے… ہاں! شیطان ایسے کاموں سے روکتا ہے، رکاوٹیں ڈالتا ہے… کیونکہ اس کی پچھلی محنت برباد ہوتی ہے… آپ سب سے عاجزانہ تاکیدی گزارش ہے کہ اللہ کے لئے یہ کتاب جلد پوری پڑھ لیں… اس میں آسانی کے3 طریقے ہیں۔ (1) اللہ تعالیٰ سے عہد کریں کہ روزانہ اتنا وقت اس کتاب کا مطالعہ کروںگا، جب تک پوری نہ ہو۔ (2) پہلے کتاب کا دوسراحصہ پڑھیں پھر پہلا۔ (3) چند افراد وقت مقرر کر کے اجتماعی مطالعہ یا تعلیم کریں… بھائیو! یہ اپنے نفس اور جان پر احسان ہو گا… ہم نے اپنی جانوں پر بہت ظلم کیا، اب احسان کریں۔
والسلام
خادم
لا الہ الا اللہ محمدرسول اللہ
(’’الیٰ مغفرۃ‘‘ کے مطالعہ کی ترغیب)
15/06/2015
مکتوب خادم
السلام علیکم و رحمۃ اللہ و برکاتہ!
اللہ تعالیٰ ہمیں ’’ایمان کامل‘‘ نصیب فرمائے… مجاہدین کے خلاف سازشیں خطرناک ہیں… پرویز مشرف کے زمانے میں کئی خفیہ ایجنسیاں صرف اس کام پر مامور تھیں کہ… مجاہدین کو پاکستان میں کاروائیوں پر ابھارا جائے تاکہ انہیں پکڑا جاسکے، مارا جاسکے، اور اس کے بدلے کافروں سے بڑے بڑے انعامات لئے جا سکیں… اور دنیا کو باور کرایا جا سکے کہ ہماری حکومت کا قائم رہنا بہت ضروری ہے… ہمیں امداد دو، ہماری حکومت کی قدر کرو… اور ایک بڑا مقصد یہ بھی تھا کہ پاکستان کے دیندار طبقے کو دبایا جا سکے، ڈرایا جا سکے… آپ نے دیکھا ہوگا کہ اس وقت کئی علماء اور مفتی حضرات کھلم کھلا پاکستان میں کاروائیوں کی دعوت دیتے تھے، مگر حکومت نے نہ انہیں پکڑا، نہ روکا… کیونکہ وہ دانستہ یا نادانستہ حکومت کا کام ہی آسان کر رہے تھے… اب مجاہدین کے خلاف جو سازش آئی ہے اس کا ٹائٹل… ’’امارت اسلامیہ‘‘ اور ’’دولت اسلامیہ‘‘ کا ٹکراؤ ہے… انٹرنیٹ پر گرما گرم بحثیں ہیں… اور ان بحثوں کے پیچھے دشمنوں کی خفیہ ایجنسیاں ہیں… مجاہدین خود کو ’’نیٹ‘‘ سے جتنا دور رکھیں گے اسی قدر فتنوں سے بچ سکیں گے… حالیہ سازش اب خون خرابے تک جا پہنچی ہے… حالانکہ مسئلہ واضح ہے… آپ عراق اور شام جا کر جہاد کریں تو وہاں جو مجاہدین کا امیر ہو گا اس کی قیادت میں کریں… مگر جب افغانستان میں جہاد کریں تو وہاں مجاہدین کے امیر حضرت ملا عمر مجاہد ہیں… یقین سے کہتا ہوں کہ اگر آپ یہ مسئلہ شیخ ابوبکر بغدادی سے پوچھیں تو وہ بھی یہی جواب دیں گے۔
والسلام
خادم
لاالہ الا اللہ محمد رسول اللہ
(مجاہدین کے خلاف سازشیں)
16/06/2015
مکتوب خادم
السلام علیکم و رحمۃ اللہ و برکاتہ!
اللہ تعالیٰ ’’شہداء ‘‘ کے لئے جنت کو مہکاتے ہیں… رمضان المبارک کے لئے بھی جنت کو مہکایا جاتا ہے… آپ سوچیں گے کہ جنت تو خود خوشبودار ہے… پھر مہکانے کا کیا مطلب؟… دراصل اللہ تعالیٰ کا عرش جنت سے بہت اوپر ہے… وہاں سے ایک خاص ہوا چلائی جاتی ہے… سبحان اللہ… عرش سے آنے والی ہوا… وہ کیسی خوشبودار ہوگی؟… اس سے جنت کو مہکایا جاتا ہے تو جنت کے درخت اور در و بام بھی جھومنے لگتے ہیں… جہاد افغانستان کے پہلے زمانہ میں خوست کے علاقے ’’باڑی‘‘ میں مجاہدین کا خط تھا… کچھ افغان مجاہدین نے وہاں ایک بڑی توپ لگا کر مورچہ بنایا ہوا تھا… وہ اپنے قریب کسی اور گروپ کے مجاہدین کومورچہ بنانے کی اجازت نہ دیتے تھے… ایک دن کچھ عرب مجاہدین آ گئے… تھوڑی سی بات چیت کے بعد ان کوقریب مورچہ بنانے کی اجازت دے دی… ساتھ یہ بھی کہہ دیاکہ آپ کھانا نہ بنائیں… کھانا ہم آپ کو بھیجیں گے… دونوں مورچوں کے مجاہدین گھل مل گئے… عرب مجاہدین… افغانوں کو نسوار وغیرہ سے پیار کے ساتھ روکتے… دو دن بعد افغان مورچے پر اسکڈ میزائل گرا، سب شہید ہوگئے… عرب ساتھی بھاگ کر گئے… وہاں شہداء کے ٹکڑے دور دور تک بکھرے پڑے تھے… ایک عربی مجاہد جو بہت متقی تھا رو رو کر درختوں سے گوشت کے ٹکڑے جمع کر رہا تھا… رات کو غمزدہ، تھکا ہارا سویا تو خواب میں دیکھا وہ سب مجاہدجنت میں خوش پھر رہے ہیں… تین دن پہلے ہمارے 8 ساتھی بھی اسی طرح شہید ہو گئے… ان سب کو سلام… دیوانوں کی جماعت نے دو ہفتوں میں 16 شہداء پیش کر دیئے… یااللہ! رحم، یااللہ! قبول۔
والسلام
خادم
لاالہ الا اللہ محمد رسول اللہ
(آٹھ ساتھیوں کی شہادت)
17/06/2015
مکتوب خادم
السلام علیکم و رحمۃ اللہ و برکاتہ!
اللہ تعالیٰ کے آخری نبی صلی اللہ علیہ و سلم… رمضان المبارک کا اہتمام سے استقبال فرماتے… شعبان کے آخر میں اپنے صحابہ کرامؓ کو رمضان کی اہمیت اور اعمال تلقین کرتے… آج حجاز میں 30 شعبان ہے… وہاں مغرب سے… رمضان المبارک… شروع ہو جائے گا… جب کہ ہمارے ہاں آج یا کل مغرب سے رمضان ہو گا… سارے روزے رکھنے، تراویح ادا کرنے، جہاد کی محنت کرنے، صدقہ خیرات کرنے، لوگوں کوافطار کرانے، صلہ رحمی کرنے جیسے اعمال کی ابھی سے پکی نیت کر لیں تاکہ… ثواب اور اجر شروع ہو جائے اور عصر کے بعد دنیا سے کٹ کر ایک اللہ سے جڑ کر… رمضان کا استقبال کریں۔
والسلام
خادم
لاالہ الا اللہ محمد رسول اللہ
(استقبال رمضان کی تیاری)
18/06/2015
مکتوب خادم
السلام علیکم و رحمۃ اللہ و برکاتہ!
اللہ تعالیٰ ہم سب کو جہنم کی آگ سے بچائے… جن کے ہاں رمضان شروع ہے ان کو رحمت مبارک… جن کے ہاں آج مغرب سے شروع ہوگا، ان کو پیشگی رحمت مبارک… دو رکعت نماز ادا کرکے جس کام کے لئے دعاء کی جائے وہ کام بن جاتا ہے… چار سجدے بڑی طاقت رکھتے ہیں، بڑی طاقت دیتے ہیں۔ روزانہ دو رکعت رمضان کے لئے کہ اس میں مغفرت مل جائے، اللہ کی رضا کے مطابق گزارنے کی توفیق مل جائے۔ دو رکعت روزانہ مہم کی دعاء کے لئے… جنہوں نے حج نہیں کیا، جو ابھی تک جہاد کو نہ جا سکے، جو بیمار ہیں، جو تنگدست ہیں… ہر کام کے لئے روزانہ دو رکعت… بھائیو! سجدے بڑھاتے جاؤ… رب کا قرب پاتے جاؤ۔
والسلام
خادم
لاالہ الا اللہ محمد رسول اللہ
(سجدے بڑی طاقت رکھتے ہیں)
19/06/2015
مکتوب خادم
السلام علیکم و رحمۃ اللہ و برکاتہ!
اللہ تعالیٰ کا شکر ہے… امت مسلمہ کے لئے اتنی خیریں اور سعادتیں جمع فرما دیں۔ جمعہ کی رات… رمضان کی رات… صبح جمعہ شریف اور رمضان شریف… تراویح اور درود شریف… روزہ، سحری، افطار اور کلمہ و استغفار… مقابلۂ حسن بھی اور خوشبو دار مہم بھی… محاذ گرم… مساجد آباد… دعوت زور دار… تکبیر بلند… اللہ اکبر… بھائیو! جھولیاں بھر لو… اللہ تعالیٰ سے شکوے نہیں… معافی مانگنی ہے… غلام کا کیا کام کہ آقا سے پوچھے کہ یہ کیوں؟ ایسا کیوں؟… نمرود کے پاس بادشاہی تھی، اختیار تھا… سیدنا ابراہیمؑ… بظاہر بے بس… کیا کوئی شکوہ کیا؟ نہیں… شوق سے آگ میں کود گئے اور فرمایا حَسْبِیَ اللّٰہُ ، اللّٰہُ کَاْفِی… اللہ، اللہ۔
والسلام
خادم
لاالہ الا اللہ محمد رسول اللہ
(اللہ پاک کی نعمتیں)
20/06/2015
مکتوب خادم
السلام علیکم و رحمۃ اللہ و برکاتہ!
اللہ تعالیٰ ہمیں ظالم بننے سے… اور مظلوم ہونے سے بچائے… اللہ تعالیٰ سے یہ دعاء مانگتے رہنا چاہیے۔ حدیث شریف میں پوری دعاء آئی ہے… گمراہ ہونے… دوسروں کو گمراہ کرنے… پھسلنے یا دوسروں کو پھسلانے… ظلم کرنے، ظلم جھیلنے، جہالت کرنے، جہالت کا نشانہ بننے سے… اللہ تعالیٰ کی پناہ… ایک چیونٹی کی زبان سے ایک زبردست علمی نکتہ بیان ہوا… جو اللہ تعالیٰ کو پسند آیا… انعام کے طور پر اسے ’’کلام اللہ‘‘ کا حصہ بنایا اور چیونٹی کو سورۃ کا نام بنا دیا… اَلنَّمَل… وہ علمی نکتہ یہ تھا کہ… حضرات انبیاء علیہم السلام کا لشکر جان بوجھ کر کسی چیونٹی پر بھی ظلم نہیں کرتا… سبحان اللہ! کیسا سچا اور کیسا گہرا نکتہ ہے… دنیا میں جس کو بھی طاقت ملتی ہے وہ ظلم کرتا ہے، اکڑتا ہے، استحصال کرتا ہے، مگر حضرات انبیاء علیہم السلام کو جتنی بھی طاقت مل جائے وہ ظلم نہیں کرتے… حتیٰ کہ جانوروں پر بھی نہیں… اے چیونٹیو! اپنے بلوں میں گھس جاؤ… کہیں سلیمان اور ان کا لشکر تمہیں روند نہ ڈالے… وَھُمْ لَا یَشْعُرُوْن… یعنی وہ بے خیالی… اور لاعلمی میں تمہیں کچل نہ دیں… جان بوجھ کر تو وہ ایسا نہیں کریں گے… کیونکہ انبیاء علیہم السلام اور ان کے لشکر جان بوجھ کر کسی چیونٹی پر بھی ظلم نہیں کرتے… یہ جملہ بار بار لکھ رہا ہوں تاکہ جیش محمد کو ظلم سے نفرت ہوجائے۔ اللہ آپ کو بہت طاقت دے… شان دے، مگر کسی پر ظلم نہ کرنا… انسان تو انسان جانور پر بھی نہیں… کیونکہ ظلم سے اللہ پاک ناراض ہوتے ہیں… ظلم حرام ہے، ظلم اندھیرا ہے۔
والسلام
خادم
لاالہ الا اللہ محمد رسول اللہ
(ظلم حرام ہے)
21/06/2015
مکتوب خادم
السلام علیکم و رحمۃ اللہ و برکاتہ!
اللہ تعالیٰ قبول فرمائے… ماشاء اللہ خوب مزیدار روزے ہیں… گرمی، پیاس، کمزوری اور خستہ حالی… حضرت سیدنا علی رضی اللہ عنہ فرماتے تھے… گرمی کا روزہ مجھے بہت محبوب ہے… واقعی پتہ چلتا ہے کہ روزہ ہے روزہ… کسی کے والدین ناراض ہوں… وہ جاکر دھوپ میں بھوکا، پیاسا ان کے دروازے پر لیٹ جائے، خشک ہونٹ، اترا چہرہ اور شکستہ حال… ماں باپ کو کتنا پیار آئے گا… اللہ تعالیٰ فرماتے ہیں… روزہ تو میرے لئے ہے… بدلہ بھی میں خود دوں گا… نہ فرشتوں کا درمیان میں واسطہ… اورنہ گناہوں کا حجاب اور پردہ… پندرہ گھنٹے کی پیاس کے ہر سیکنڈ میں وہ بندے کو دیکھتے ہیں… کہ میرا بندہ میرے لئے… پیاسا بیٹھا، بھوکا پڑا ہے… سبحان اللہ! کتنا پیار آتا ہوگا… بندے کووہ پیار اگر نظر آجائے تو خوشی سے پیاسا ہی مر جائے۔ بھائیواور بہنو! روزہ میں جتنی تکلیف ہو… اف اف نہ کریں، ہائے گرمی نہ کریں… شکوہ نہ کریں… شکر کریں شکر… یہی محبت کے مراقبے کا وقت ہے… کہ اللہ تعالیٰ دیکھ رہے ہیں… خوش ہورہے ہیں… تب روحانی انوارات کی بارش برستی ہے… پیاس کے لئے ایک وظیفہ پہلے عرض کیا تھا… فجر کا وقت داخل ہوتے ہی سورۃ فاتحہ پڑھ کر ہاتھ پر لعاب ڈال کر چہرے اور پیٹ پر مل لیں… دوسرا عمل فجر کی سنتوں کے بعد سورۃ یٰس… اور جب پیاس لگے تب بھی یٰس… تیسرا عمل مغرب کے بعد سورۃ واقعہ… چوتھا عمل زم زم شریف کا مراقبہ… اللہ تعالیٰ ہم سب کے روزے آسان بنائے، قبول فرمائے۔
والسلام
خادم
لاالہ الا اللہ محمد رسول اللہ
(گرمی کے روزے/ پیاس کی شدت سے بچاؤ کے وظائف)
22/06/2015
مکتوب خادم
السلام علیکم و رحمۃ اللہ و برکاتہ!
اللہ تعالیٰ جزائے خیر عطاء فرمائے… حضرت شاہ عبدالعزیز محدث دہلویؒ کو… کمال کی تفسیر لکھی ہے… تفسیر عزیزی… یہ مکمل نہیں ہے… بس چند پاروں کی ہے… تفسیر کے حاشیہ پر حضرتؒ نے ایک واقعہ لکھا ہے… آج آپ سب کا روزہ میٹھا کرنے… اور مہم تیز کرنے کے لئے یہ واقعہ پیش خدمت ہے… ایک واعظ نے اپنی مجلس میں کہا… جب کوئی مسلمان اللہ کے لئے صدقہ کرنا چاہتا ہے تو اس کو صدقہ سے روکنے کے لئے ستر شیطان حاضر ہوجاتے ہیں… بعض اس کے ہاتھوں سے لٹک جاتے ہیں، بعض اس کے پاؤں پر اور بعض دل پر… یوں وہ اس کو صدقہ دینے سے روک دیتے ہیں… ایک صاحب جو یہ وعظ سن رہے تھے، کہنے لگے… آج میں ان ستر شیطانوں سے لڑوں گا… ان کو شکست دوں گااورصدقہ آپ کی مجلس میں لاؤں گا… وہ اپنے گھر آئے، بوری میں سے گندم نکال کراپنے دامن میں بھری… اور مضبوطی سے باہر جانے لگے کہ یہ گندم صدقہ کر دیں… اچانک ان کی بیوی ان پر کود پڑی… کہ کہاں لے جارہے ہو؟ صدقے کا پتا چلا تو وہ لڑنے لگی اور گندم چھین کر واپس بوری میں ڈال دی… وہ صاحب خالی ہاتھ مجلس میں آئے، واعظ نے حال پوچھا تو کہنے لگے… سترشیطانوں کو تو میں نے بھگا دیا تھامگر پیچھے سے ان کی ماں آگئی، وہ مجھ پر غالب ہوئی اور مجھے صدقہ سے روک دیا۔
والسلام
خادم
لاالہ الا اللہ محمد رسول اللہ
(قصہ ستر شیطانوں کی ماں والا)
23/06/2015
مکتوب خادم
السلام علیکم و رحمۃ اللہ و برکاتہ!
اللہ تعالیٰ ہم سب کی قسمت اچھی بنائے… گرمی کے روزے بہت قیمتی نعمت ہیں… کئی بڑے صحابہ کرامؓ جب وفات پانے لگے تو فرمایا… بس صرف ایک حسرت ہے کہ اب گرمی کے روزے اور انکی پیاس نصیب نہیں ہوگی… حضرت عمر رضی اللہ عنہ نے شہادت کے وقت اپنے بیٹے کو وصیت فرمائی کہ… ایمان والی صفات مضبوط پکڑنا… انہوں نے عرض کیا: وہ کون سی صفات ہیں… فرمایا: سخت گرمی کے روزے… اور تلوار سے اللہ کے دشمنوں کا مقابلہ… مزید چار اور صفات ارشاد فرمائیں… اس پورے موضوع کی تفصیل… رنگ و نور میں آرہی ہے… ان شاء اللہ۔
والسلام
خادم
لاالہ الا اللہ محمد رسول اللہ
(گرمی کے روزے بڑی نعمت)
24/06/2015
مکتوب خادم
السلام علیکم و رحمۃ اللہ و برکاتہ!
اللہ تعالیٰ نے صاف بتا دیا کہ… جنت پانی ہے تو آزمائشوں کے لئے تیار رہو… کلمہ دل سے پڑھو گے تو فتنے حملہ آور ہوں گے… قید… خوف… زخم… اور بہت کچھ… جہاد اتنا افضل عمل اس لئے ہے کہ اس میں جہد ہے… قربانی ہے، تکلیف ہے… یہ اسلام اورجنت کی سب سے اونچی چوٹی ہے… اور اونچی چوٹی تک پہنچنے میں زور لگتا ہے زور… جہاد ’’مرد مؤمن‘‘ کا کام ہے… جو جان دے سکتا ہو… مال لٹا سکتا ہو… قید سہہ سکتاہو… نام اور مقام کی قربانی دے سکتاہو… بیوی بچوں سے جدا ہوسکتا ہو… زخم جھیل سکتا ہو… اس لئے تو اللہ تعالیٰ نے ’’مجاہد‘‘ کو اپنا محبوب قرار دیا ہے… اللہ تعالیٰ سے ہمیشہ عافیت مانگنی چاہیے… مگر آزمائشوں سے نہیں گھبرانا چاہیے… جب انسان کے دل میں حب دنیا آجائے تو… بزدلی بھی ساتھ آجاتی ہے… اور بزدلی بڑی خطرناک اور ناپاک بیماری ہے… یہ بے غیرتی کا بیج ہے… بزدل انسان پلاسٹک کی بوتل بن جاتا ہے… اور دین کو نقصان پہنچاتا ہے… یااللہ! بزدلی اور حب دنیا سے آپ کی پناہ… ہمارے حکمران بدنصیب ہیں، رمضان کے مہینہ میں بھی مسلمانوں کی بددعائیں لے رہے ہیں… یہ دین اور جہاد کے دشمن… اور کافروں کے ذہنی غلام ہیں… بے قصور دینداروں سے جیلیں بھر کر اپنی قبریں انگاروں سے بھر رہے ہیں… ان کی بدنصیبی اپنی جگہ… مگر جہاد کی دعوت دینے والوں کو… قید و بند سے ہرگز نہیں ڈرنا چاہیے… خود کو مرد مجاہد کہا ہے تو… اللہ تعالیٰ پر توکل کرو… مرد بنو… مجاہد بنو۔
والسلام
خادم
لاالہ الا اللہ محمد رسول اللہ
(تکلیفیں راہ جہاد کا حصہ)
25/06/2015
مکتوب خادم
السلام علیکم و رحمۃ اللہ و برکاتہ!
اللہ تعالیٰ جہنم کی گرمی، آگ اور عذاب سے بچائے… اہل کراچی پر گرمی کی آزمائش آئی… بہت سے مسلمان وفات پا گئے… اللہ تعالیٰ ان کی مغفرت فرمائے… مصیبت زدہ خاندانوں سے قلبی تعزیت ہے… کراچی والے دل سے استغفار کریں تو یہ پیارا شہر… نحوستوں سے آزاد ہو… آج شہداء کے ایصال ثواب کا عمل ہے… دل وجان سے کریں… مغرب سے جمعہ شریف بھی آجائیں گے… مقابلۂ حسن جمائیں… اپنی دنیا اور آخرت حسین بنائیں۔
والسلام
خادم
لاالہ الا اللہ محمد رسول اللہ
(مرحومین کراچی کی تعزیت/مقابلۂ حسن)
26/06/2015
مکتوب خادم
السلام علیکم و رحمۃ اللہ و برکاتہ!
اللہ تعالیٰ ہم سب کو… دین کے معاملہ میں ’’باہمت‘‘ بنائے… ہمت والے لوگ کیا کچھ کر سکتے ہیں؟ یہ قرآن مجید نے کئی جگہ سمجھایا ہے… صرف ایک سورۃ کہف میں کئی اہل ہمت کے بڑے بڑے کارنامے موجود ہیں… جو ساتھی ہمت کے ساتھ مہم چلا رہے ہیں وہ کامیاب جارہے ہیں… ہمت مانگنے کا طریقہ … ’’رَبِّ اشْرَحْ لِیْ صَدْرِیْ وَ یَسِّرْ لِیْ اَمْرِیْ‘‘… یہ دعاء پہاڑوں اور سمندروں سے زیادہ طاقتور ہے… ذرا توجہ سے آنسو ملا کر مانگیں… اور دوسری دعاء… ’’وَمَاْ تَوْفِیْقِیْ اِلَّا بِاللّٰہِ عَلَیْہِ تَوَکَّلْتُ وَ اِلَیْہِ اُنِیْب‘‘… یہ دعاء ’’ماسٹرکی‘‘ ہے… ہر تالے کو کھولنے والی چابی… جو ساتھی کم ہمتی، بیماری بددلی کا شکار ہیں… وہ مایوس نہ ہوں… ایمان والوں پر ایسے حملے ہوتے رہتے ہیں… وہ تین کام کریں… پہلا یہ کہ سو بار روزانہ ’’معوذتین‘‘ پڑھیں… دوسرا یہ کہ جو دو دعائیں اوپر لکھی ہیں ان کا اہتمام کریں… اورتیسرا یہ کہ موبائل اور کمپیوٹر سے بچیں… زندگی رکتی نہیں… وقت ٹھہرتا نہیں… قبر ہماری طرف رواں دواں ہے… پھر اپنا وقت کیوں ضائع کریں… سبحان اللہ! … حضرت عمر رضی اللہ عنہ کا ایک اور احسان… بڑی عجیب دعاء سکھا دی… اَللّٰہُمَّ اِنَّا نَسْئَلُکَ صَلَاحَ السَّاعَاتِ وَ الْبَرْکَۃَ فِیْ الْاَوْقَاتِ… یااللہ! زندگی کی گھڑیوں کو کام کا بنا دیجئے اور ہمارے اوقات میں برکت دے دیجئے… آج کل اس دعاء سے الحمدللہ خوب فائدہ پہنچ رہا ہے… ماشاء اللہ، والحمدللہ۔
والسلام
خادم
لاالہ الا اللہ محمد رسول اللہ
(ہمت پانے کے نسخے)
27/06/2015
مکتوب خادم
السلام علیکم و رحمۃ اللہ و برکاتہ!
اللہ تعالیٰ ہمارے ’’دلوں‘‘ کی اصلاح فرمائے۔ اَللّٰہُمَّ یَا مُقَلِّبَ الْقُلُوْبِ ثَبِّتْ قَلْبِی عَلیٰ دِیْنِکَ… دل بیمار ہوجائے تو سارے اعمال خراب ہوجاتے ہیں… منافقوں کے بارے میں فرمایا… ان کے دلوں میں بیماری ہے… دل پرزنگ بھی لگ جاتا ہے… یہ زنگ نور کی شعاؤں سے دور ہوتا ہے اَللّٰہُمَّ اجْعَلْ فِی قَلْبِی نُوْراً… دل سخت بھی ہوجاتا ہے… فرمایا: ہلاکت ہے ان کے لئے جن کے دل سخت ہوگئے کہ… ذکر اللہ ان میں داخل نہیں ہوتا… اَللّٰہُمَّ افْتَحْ اَقْفَالَ قُلُوْبِنَا بِذِکْرِکَ… ایک بزرگ فرماتے تھے تہجد کی نماز میں سورۃ یٰس پڑھا کرو… دل جمع ہوں گے تو کام جلدی بنے گا… سورۃ یٰس قرآن کا دل ہے… رات کا آخری حصہ رات کا دل ہے… اور تیسرا خود پڑھنے والے مؤمن کا دل… رمضان المبارک میں بہترین موقعہ ہے… دل کی اصلاح کا… دل سے کسی طرح دنیا نکل جائے، پوری نہیں نکلتی تو کچھ نکل جائے۔ تنہائی میں بندہ اللہ تعالیٰ سے کیا باتیں کرتا ہے؟ ان باتوں سے پتا چلتا ہے کہ دل ٹھیک ہوا یا نہیں… جو دل معافی مانگتا ہو… شکر کرتا ہو… شرمندہ رہتا ہو… کبھی ڈرتا ہو… کبھی امید باندھتا ہو… کبھی ملاقات کے لئے روتا ہو… کبھی اپنا سب کچھ سپرد کرتا ہو… تو ایسا دل اچھا ہے… لیکن جو دل تنہائی میں اللہ تعالیٰ سے اکڑتا ہو… ناشکری اور بیزاری ظاہر کرتا ہو… ملاقات کا سوچتا ہی نہ ہو… اپنے حق جتاتا ہو… اپنی مظلومیت روتا ہو… بس دنیا ہی دنیا میں سب کچھ مانگتا ہو… تو ایسا دل خطرناک ہے، بیمار ہے… یااللہ! ہمارے دلوں کو شفاء عطاء فرما۔
والسلام
خادم
لاالہ الا اللہ محمد رسول اللہ
(دل کی اصلاح)
28/06/2015
مکتوب خادم
السلام علیکم و رحمۃ اللہ و برکاتہ!
اللہ تعالیٰ ’’محاذوں‘‘ پر موجود تمام مجاہدین کی حفاظت فرمائے… نصرت فرمائے۔ اَللّٰہُمَّ احْفَظْہُم مِّنْ بَیْنِ اَیْدِیْہِم وَ مِنْ خَلْفِہم وَ عَنْ اَیْمَانِہِم وَ عَنْ شَمَائِلِہِم وَ مِنْ فَوْقِہم وَ مِنْ تَحْتِہِم… پچھلے دنوں بہت سے ساتھی شہید ہوگئے… کل ہمارے جانباز، دلیر کمانڈر… بھائی اکرام اللہ کا… شہیدی جنازہ بڑی شان سے اٹھا… بٹ خیلہ سے ثمر باغ تک اہل ایمان نے پلکیں بچھا کر شہید کا استقبال کیا… شہید کے والدین اور اہل خاندان کو ہمارا عقیدت بھرا سلام… سب ساتھی شہداء کیلئے ایصال ثواب… اور غازیوں کی حفاظت کی دعاء کریں… اور جماعت کے ذمہ دار اپنے سب مجاہدین کا اپنے سگے بیٹوں کی طرح خیال رکھیں۔
والسلام
خادم
لاالہ الا اللہ محمد رسول اللہ
(شہدائے کرام کے لئے ایصال ثواب اور مجاہدین کے لئے دعائے حفاظت)
29/06/2015
مکتوب خادم
السلام علیکم و رحمۃ اللہ و برکاتہ!
اللہ تعالیٰ کے رسول صلی اللہ علیہ وسلم نے ارشاد فرمایا: … ’’نِعْمَ سُحُوْرُ الْمُؤْمِنِ التَّمَرُ‘‘ (ابوداؤد)…کھجور مؤمن کے لئے بہترین سحری ہے… سحری کھانا نیکی ہے… عبادت ہے… برکت ہے… اور اسلام کا شعار ہے… سحری میں کھجور کھانا سنت ہے… اور ہر سنت میں رحمت ہے… صحت ہے… طاقت ہے… اور نور ہے… آج مہم کی مفصل کارگزاری پہنچی… لاہور سب سے آگے جارہا ہے… مردان نے بھی دل خوش کیا… کراچی والوں کو انگڑائی لینے کی… اور پنجاب کے شمال کو زندہ ہونے کی ضرورت ہے… ملاکنڈ اور بہاولپور اپنے سابقہ مقام کی طرف دوڑیں… اور گجرانوالہ ہمت کرے… اس سال موسم بھی گرم ہے اور سرکاری جبر بھی زیادہ ہے… مگر ایسے حالات میں ہی محنت کا اجر ہے… حضرت آقا مدنی صلی اللہ علیہ وسلم نے حضرت سیدہ عائشہ رضی اللہ عنہا کو ایک نکتہ سمجھایا… اے عائشہ! … آپ کو آپ کی مشقت اور خرچ کے حساب سے اجر ملے گا… یعنی جتنی محنت اور مشقت زیادہ… اتنا اجر زیادہ… اور جتنا خرچ زیادہ اتنا اجر زیادہ… کیونکہ انسان کا نفس مشقت سے بھاگتا ہے… اور خرچ کرنے سے ڈرتا ہے… قرآن مجید میں جہادی گھوڑوں کے… صبح کے وقت غبار اٹھانے کا تذکرہ ہے… فَأَثَرْنَ بِہ نَقْعًا… کیونکہ صبح زمین گیلی ہوتی ہے… اس سے غبار اٹھانا انتہائی زور مانگتا ہے… دوپہر کو تو لومڑ اور بلی بھی غبار اٹھا دیتے ہیں… مگر صبح کے وقت اپنی زور دار ٹاپوں سے غبار اڑانا… جہادی گھوڑوں کا کام ہے… ہاں! رب تعالیٰ کے محبوب بندے… نا موافق حالات میں زیادہ پرجوش ہوجاتے ہیں۔
والسلام
خادم
لاالہ الا اللہ محمد رسول اللہ
(انفاق فی سبیل اللہ مہم)
30/06/2015
مکتوب خادم
السلام علیکم و رحمۃ اللہ و برکاتہ!
اللہ تعالیٰ کے ہاں روزے دار کا بڑا مقام ہے… تفسیر عزیزی میں لکھا ہے… آنحضرت صلی اللہ علیہ وسلم نے فرمایا… ’’روزہ دار کے واسطے پانچ بزرگیاں (یعنی فضائل)ہیں… ایک یہ کہ افطار کے وقت اس کی دعاء یقینا مقبول ہوتی ہے… دوسری یہ کہ اسکا خاموش بیٹھے رہنا دوسروں کے تسبیح پڑھنے کی طرح ہے… اس کی ہڈیاں تسبیح کرتی ہیں… تیسری یہ کہ روزہ کی حالت میں ہر نیکی کا اجر بڑھا دیا جاتا ہے… مثلا روزہ دار کی تلاوت، ذکر، صدقہ کا ثواب غیر روزہ دار کی تلاوت وغیرہ سے زیادہ ہوتا ہے… چوتھی یہ کہ حالت روزہ میں اسکی دعاء مستجاب ہے… پانچویں یہ کہ گناہ معاف ہیں‘‘… یہ تفسیر عزیزی کا آخری سبق ہے… اس حدیث کے بعد روزہ کی فضیلت پر ایک صفحہ اور لکھا… اور پھرتفسیر رک گئی… کیونکہ مصنف انتقال فرما گئے… حضرت شاہ عبدالعزیز محدث دہلویؒؒ… بس اسی طرح ایک دن ہم سب اس دنیا سے چلے جائیں گے… چلتا قلم رک جائے گا… منصوبے دھرے رہ جائیں گے… مال بکھر جائے گا… جسم مٹی اور کیڑوں کی خوراک بن جائے گا… حضرت شاہ صاحبؒ تو اپنے پیچھے اور آگے بہت کچھ چھوڑ گئے… سید احمد شہیدؒ جیسا مرید… تحفہ اثنا عشریہ جیسی مجددانہ تصنیف… ہزاروں شاگرد… اورتفسیرعزیزی… چند دن پہلے مطالعہ کرتے وقت ایسا لطف آیا… گویا کہ حضرت شاہ صاحبؒ کی زندہ مجلس ہو… صدیاں گزر گئیں… دین کا کام تازہ اور زندہ ہے… ہم اپنے لئے کیا چھوڑ جائیں گے؟آہ! زندگی جارہی ہے اور ہاتھ خالی ہیں… بھائیو! دین کی محنت… مگر صرف اللہ کیلئے… صرف اللہ، اللہ، اللہ۔
والسلام
خادم
لا الہ الا اللہ محمدرسول اللہ
(روزے دار کا مقام)
01/07/2015
مکتوب خادم
السلام علیکم و رحمۃ اللہ و برکاتہ!
اللہ تعالیٰ کی رحمت بے شمار ہے… دنیا کا ہر حاکم اپنے مجرموں کو سزا سناتا ہے… جبکہ اللہ تعالیٰ احکم الحاکمین … اپنے مجرموں کو معافی اور مغفرت کی طرف بلاتا ہے… آو!ٔ معافی مانگ لو… میرا قرب پا لو… سارے جرائم دھو دوں گا… ان جرائم کو نیکیوں سے بدل دوں گا… بھائیو! بہنو! استغفار… آنسو والا، تنہائی والا، ندامت والا، امید والا، عشق والا… استغفار… استغفر اللہ… استغفر اللہ… استغفر اللہ۔
والسلام
خادم
لا الہ الا اللہ محمدرسول اللہ
(استغفار)
02/07/2015
مکتوب خادم
السلام علیکم و رحمۃ اللہ و برکاتہ!
اللہ تعالیٰ کی بے شمار خصوصی رحمتیں اور سلام… حضرت محمد صلی اللہ علیہ وسلم پر… سبحان اللہ! درود شریف کیسی پر سکون عبادت ہے… یہ سوچ کر خوشی سے جان نکلتی ہے کہ… ہمارا درود اور سلام آپ صلی اللہ علیہ وسلم کی خدمت میں پہنچتا ہے… اور وہاں سے جواب آتا ہے… اللہ، اللہ… انکی طرف سے سلام… اور رحمت کی دعاء … حضرت شیخؒ لکھتے ہیں… درود شریف کے فضائل اس قدر ہیں کہ ان سے محرومی مستقل بدنصیبی ہے… اس سے بڑھ کر کیا فضیلت ہوگی کہ جو شخص نبی کریم صلی اللہ علیہ وسلم پر ایک مرتبہ درود بھیجے، حق تعالیٰ جل شانہ اس پر دس مرتبہ رحمت بھیجتے ہیں… نیز ملائکہ کا اس کے لئے دعاء کرنا، گناہوں کا معاف ہونا، درجات کا بلند ہونا، اُحد پہاڑ کے برابر ثواب کا ملنا، شفاعت کا اس کے لئے واجب ہونا… نیز اللہ تعالیٰ کی رضا… اسکی رحمت… اسکے غصہ سے امان… قیامت کے ہول سے نجات… مرنے سے قبل جنت میں اپنے ٹھکانے کا دیکھ لینا وغیرہ… بہت سے وعدے درود شریف کی خاص خاص مقداروں پر مقرر فرمائے گئے ہیں… ان سب کے علاوہ درود شریف سے تنگی معیشت اور فقر دور ہوتا ہے… اللہ اور اس کے رسول کے دربارمیں تقرب نصیب ہوتا ہے… دشمنوں پر مدد نصیب ہوتی ہے اور قلب کی نفاق اور زنگ سے صفائی ہوتی ہے… لوگوں کو اس سے محبت ہوتی ہے… اور بہت سی بشارتیں ہیں جو درود شریف کی کثرت پر احادیث میں وارد ہوئی ہیں… آج مغرب سے جمعہ شریف… آتے ہیں… رمضان شریف کا شاندار مقابلۂ حسن اور کل مہم کا جاندار مقابلہ۔
والسلام
خادم
لا الہ الا اللہ محمدرسول اللہ
(درود شریف کے فضائل)
03/07/2015
مکتوب خادم
السلام علیکم و رحمۃ اللہ و برکاتہ!
اللہ تعالیٰ ہم سب کو ’’اخلاص‘‘ نصیب فرمائے… ریاکاری سے بچائے… حضرت شاہ صاحبؒ لکھتے ہیں کہ ریاکاری میں بعض باتیں شرک سے بھی زیادہ خطرناک ہیں… کیونکہ ریاکار آدمی لوگوں کو اللہ تعالیٰ سے زیادہ عزیز رکھتا ہے… اس لئے لوگوں کو دکھانے کے لئے عمل کرتا ہے تاکہ… وہ اسے عزت دیں… مال دیں… احترام دیں… استغفر اللہ… استغفر اللہ… آج جمعہ ہے، رمضان ہے… ہم اپنے رب سے اخلاص مانگ لیں… آج مہم میں تمام اضلاع کا مقابلہ بھی ہے… اہل ہمت کو سلام۔
والسلام
خادم
لا الہ الا اللہ محمدرسول اللہ
(ریا کاری شرک سے زیادہ خطرناک)
04/07/2015
مکتوب خادم
السلام علیکم و رحمۃ اللہ و برکاتہ!
اللہ تعالیٰ ’’اصحاب بدر‘‘ کو پوری امت کی طرف سے جزائے خیر عطاء فرمائے… وہ 17رمضان کا دن تھا… جب بدر کے میدان میں ظالم ابوجہل کی لاش لاوارث پڑی تھی… تفسیرعزیزی میں ہے… حضرات صحابہ کرامؓ… آنحضرت صلی اللہ علیہ وسلم کے حکم مطابق… ابوجہل ملعون کے کان میں سوراخ کرکے اس میں رسی ڈال کر… ایک ناپاک کنویں تک گھسیٹتے لے گئے… پھر اسکی چوٹی کے بالوں سے کھینچ کر اس کو کنویں میں ڈال دیا گیا… اور اسکی روح کو جہنم کے نگہبانوں نے جہنم کے عذاب میں گرفتار کرلیا… اس سخت مصیبت میں اس کے رفیق اور اسکی مجلس کے بیٹھنے والے اس کے کسی کام نہ آئے۔ یہ ہے ’’غزوہ بدر‘‘ کی ایک دل کش جھلکی… اللہ تعالیٰ نے غزوۂ بدرکو… اہل ایمان کے لئے… نشانی اورنمونہ بنایا ہے… غزوہ بدر اس امت کو جہاد سمجھاتا ہے… کامیاب عسکریت سکھاتا ہے… غلبے اور فتح کے راز بتاتا ہے… زمین کا رنگ کیسے بدلنا ہے؟ آسمان کو زمین سے کیسے جوڑنا ہے؟… ان سب کے طریقے ارشاد فرماتا ہے… وہ جو کہتے تھے کہ دشمن طاقتور ہے، ہم نہیں لڑ سکتے… وہ بنی اسرائیل وادیٔ تِیہ میں دھکے کھاتے رہے… مگر وہ، جنہوں نے کہا، آقا اشارہ تو فرمائیں… ہم برک غماد کو روند ڈالیں گے… وہ بدری بن گئے… فاتح عالَم بن گئے… وہی ہمارے لئے مثال ہیں… ہمیں ان سے پیار ہے… کل ہماری مہم… غزوۂ بدر… کے نام سے ہوگی۔ اس کا ایصال ثواب… شہدائے بدر اور اصحاب بدر کیلئے ہوگا… قافلۂ بدر کا جوش… بے سروسامانی… جذبات کا تلاطم… قربانی کی معراج… رحمت کی بارش… اور فتح کا بلند پرچم۔
والسلام
خادم
لا الہ الا اللہ محمدرسول اللہ
(غزوہ بدر مثال اور نمونہ ہے)
05/07/2015
مکتوب خادم
السلام علیکم و رحمۃ اللہ و برکاتہ!
اَللّٰہُ اَکْبَرْ کَبِیْراً… وَ الْحَمْدُ لِلّٰہِ کَثِیْراً… وَ سُبْحَانَ اللّٰہِ بُکْرَۃً وَّ اَصِیْلاً… غزوۂ بدر مرحبا! رمضان سے رمضان تک… 2ہجری سے 1436ہجری تک… چودہ شہداء سے کروڑوں شہداء تک… ایک فتح سے لاکھوں فتوحات تک… ایک کنویں سے بحر ظلمات تک… غزوۂ بدر جاری ہے… قافلہ بدر رواں دواں ہے… بھرتی کا دروازہ کھلا ہے… پرچم کا سایہ حاضر ہے… خون اسی طرح مہکتا ہے… مجاہد اسی طرح گرجتا ہے… جنت سے حوریں جھانکتی ہیں… فرشتے اسی طرح اترتے ہیں… ابوجھل اسی طرح کراہتے ہیں… عتبہ شیبہ اسی طرح زمین چاٹتے ہیں… عمرو کو اسی طرح جنت بلاتی ہے… معاذ اور معوذ اسی طرح جھپٹتے ہیں… بدر کا قافلہ جاری ہے… دیر نہ کرو، اس میں شامل ہوجاؤ… جہاد والا قافلہ… قربانی والا قافلہ… قتال والا قافلہ… بے سروسامانی میں طاقتور دشمن سے ٹکرانے والا قافلہ… بس یہی ہے کامیابی والا قافلہ… بدر آج بھی مسکراتا ہے… بدر آج بھی بلاتا ہے… ارے! بدر کو کون مٹا سکے کہ بدر تو قرآن کی آواز میں بولتا ہے… بدر کی ترتیب برحق ترتیب ہے… بدر والا نصاب سچا نصاب ہے… بدر والا کام حق کام ہے… اے مسلمانو! ایسی کسی ترتیب کے دھوکہ میں نہ آؤ… جس ترتیب میں بدر نہ ہو… بدر والا کام نہ ہو… آج یوم بدر سب وعدہ کریں کہ غزوہ بدر کو ایک بار پھر پڑھیں گے… پندرہ رمضان کا مقابلہ عثمانی جیت گئے… اس سے پہلے ابوبکری آگے تھے… دیکھیں یوم بدر کون جیتے گا… ادھر کشمیر کے محاذ سے یوم بدر کی شاندار خبریں آرہی ہیں… مَاشَائَ اللّٰہُ… تَقَبَّلَ اللّٰہ۔
والسلام
خادم
لا الہ الا اللہ محمدرسول اللہ
(قافلہ بدر رواں دواں)
06/07/2015
مکتوب خادم
السلام علیکم و رحمۃ اللہ و برکاتہ!
اللہ جل شانہٗ… کل کے بدری مقابلہ کی محنت قبول فرمائے… محنت کرنے والوں کو مغفرت، قبولیت، برکت اور فلاح دارین عطاء فرمائے… مقابلہ کراچی کے جانباز جیت گئے… ان میں بھی ’’علوی‘‘ پورے ملک میں آگے رہے… لاہور، ملاکنڈ، دیربالا اور پشاور سنان نے بھی 10سابقین میں جگہ بنائی… نئے صوبوں میں زبیری فائق رہے… اور حیدرآباد نے نئے اضلاع میں سبقت پائی… یہ ساری محنتیں قبول ہوجائیں… آخرت میں ہمارے کام آجائیں… اور زمین پر صالح تبدیلی کا ذریعہ بن جائیں… یہی فکر اور دعاء ہے… کئی اہل دل کے ظنی علم میں آج آنے والی رات… اور پچیسویں کی رات اس رمضان میں بے حد قیمتی ہے… اللہ کی رضا اور جنت کے لالچی ہوشیار رہیں۔
والسلام
خادم
لا الہ الا اللہ محمدرسول اللہ
(بدری مقابلہ کی کار گذاری)
07/07/2015
مکتوب خادم
السلام علیکم و رحمۃ اللہ و برکاتہ!
اللہ تعالیٰ کی شان دیکھیں… غزوۂ بدر میں اس امت کے فرعون… ملعون ابوجہل کا سر… حضرت سیدنا عبداللہ بن مسعود رضی اللہ عنہ نے کاٹا تھا… وہ علم اور تواضع میں اپنی مثال آپ… ایک ایسے مٹے ہوئے انسان تھے… جن کا اللہ تعالیٰ کے ہاں مقام بہت ہی بلند تھا… ہماری مہم میں بھی یوم بدر کا مقابلہ… کراچی کے ضلع عبداللہ بن مسعودؓ نے جیت لیا… اس ضلع کے دس ساتھیوں کو ’’الیٰ مغفرۃ‘‘ کتاب دستخط کے ساتھ… بطور انعام دی جائے گی… آج 19رمضان سحری کے وقت سے حضرت سیدنا علی المرتضی رضی اللہ عنہ کی… مبارک یادوں نے گھیررکھا ہے… اسی تاریخ کو ان پرایک خارجی نے حملہ کیا… یہ حملہ ایک عورت کے عشق اورحکم سے ہوا تھا… 21رمضان… حضرت شہید ہوگئے… اور امت کا وہ نقصان ہوا… جس کو بیان کرتے کلیجہ لرزتا ہے… جولائی کے مہینہ کی یہ تاریخیں… ہمارے محسن… حضرت ابا جی کی یادیں بھی لاتی ہیں… اللہ تعالیٰ ان کو مغفرت کاملہ اور بہترین عیش و آرام عطاء فرمائے… ان سب باتوں کا تذکرہ اعتکاف کی خاطر چھوڑ دیا کہ اس کا وقت قریب ہے… جامع مسجد عثمانؓ و علیؓ میں اس سال بھی اعتکاف ہوگا… جن کو استطاعت ہو وہ محروم نہ رہیں… اعتکاف اگرچہ سنت ہے… مگر روحانی آسمان پر وہ فرضوں کے ہم پلہ ہے… ایک انتہائی قیمتی اورانمول نعمت… کراچی کے بعض قریبی دوستوں نے معتکفین کے سحر و افطارکا بھاری انتظام کیا ہے… ان کیلئے شکریہ اورڈھیروں دعائیں… صوبہ خیبر کے احباب بھی مرکزمیں اعتکاف کرسکتے ہیں… چاند کے اختلاف سے کوئی فرق نہیں پڑے گا، ان شاء اللہ۔
والسلام
خادم
لا الہ الا اللہ محمدرسول اللہ
(اعتکافِ مرکز شریف کی دعوت)
08/07/2015
مکتوب خادم
السلام علیکم و رحمۃ اللہ و برکاتہ!
اللہ تعالیٰ کے وہ بندے خوش نصیب ہوتے ہیں… جن کی زندگی کا آخری حصہ… دین اور ایمان کے لحاظ سے… زیادہ بہتر ہوتا ہے… یہ وہ لوگ ہیں جو ہمیشہ ترقی کرتے ہیں… ترقی کا معنیٰ اوپر چڑھنا… اور اوپر جنت ہے… اللہ تعالیٰ ہمیں بھی ان بندوں میں شامل فرمائے… اور زندگی کا ہر اگلا دن… پچھلے دن سے بہتر بنائے… رمضان المبارک کا آخری حصہ زیادہ قیمتی ہوتا ہے… جو مسلمان یہ آخری حصہ پچھلے حصہ سے بہتر گزارتے ہیں… وہ بڑی بشارت پاتے ہیں… اور انکی زندگی کا نظام بھی ترقی پر آجاتا ہے… آخری عشرہ آگیا… اب اخلاص زیادہ… خوف زیادہ… امید زیادہ… رونا دھونا زیادہ… تلاوت زیادہ… نوافل زیادہ… استغفاراور صدقہ خوب زیادہ… بس ترقی ہی ترقی… اگر کسی عذرکی وجہ سے ترقی نہیں کرسکتے… تو کم از کم تنزل نہ ہو… یعنی جو اعمال کررہے تھے ان میں کمی نہ ہو… عید پیسے کمانے کا نہیں… مغفرت کمانے کا موقع ہے… عید نئے کپڑے اور نئے جوتے کا نہیں… مغفرت کی خوشی کا تہوار ہے… اللہ کے لئے… اللہ کے لئے… رمضان کا آخری عشرہ ضائع نہ کریں… اس کو قیمتی بنائیں اور حسن خاتمہ کا انعام پائیں… اعتکاف بڑی سعادت ہے… مگر اس میں مسجد کا احترام لازمی ہے… گپ شپ… ڈیرے بازی… ہنسی، قہقہے بند… کہیں ایسا نہ ہو کہ مسجد اور اعتکاف کی بے حرمتی سے سب اعمال ضائع ہوجائیں… اہل اعتکاف کو مبارک، ان کو اپنے گھر بلا لیا گیا… اہل جہاد اور اہل محنت کو مبارک کہ وہ ترقی کی راہ پر ڈال دئیے گئے۔
والسلام
خادم
لا الہ الا اللہ محمدرسول اللہ
(اعمال میں ترقی ضروری اور خوش نصیبی کی علامت)
09/07/2015 (1)
مکتوب خادم
السلام علیکم و رحمۃ اللہ و برکاتہ!
اللہ تعالیٰ کا بے حد شکر… الحمدللہ… جامع مسجد عثمانؓ و علیؓ… معتکفین سے آباد ہوگئی… ماشاء اللہ، ایک ہزار سے زائد افراد سنت اعتکاف میں شریک ہیں… تصور میں اتنی بڑی تعداد کو اللہ، اللہ کرتے سوچ کر دل جھوم اٹھتا ہے… مَاشَائَ اللّٰہُ لَاقُوَّۃَ اِلَّا بِاللّٰہِ… اللہ تعالیٰ ان سب کو ایمان کامل… مغفرت… نور اور سکینہ عطاء فرمائے… مہم آخری عشرے میں داخل ہوگئی… اللہ جل شانہٗ کی مدد ساتھ لیں اور گزشتہ سالوں سے ترقی کریں… بے شک اللہ تعالیٰ ہر چیز پر قادر ہے۔
والسلام
خادم
لا الہ الا اللہ محمدرسول اللہ
(اعتکافِ مرکز)
(2) 09/07/2015
مکتوب خادم
السلام علیکم و رحمۃ اللہ و برکاتہ!
اَللّٰھُمَّ صَلِّ وَسَلِّمْ وَ بَارِکْ عَلٰی سَیِّدِنَا مُحَمَّد… آج مغرب سے جمعہ شریف آتے ہیں… مقابلۂ حسن یادرہے… ہمیں جو کچھ ملاحضرت آقا مدنی صلی اللہ علیہ وسلم کی برکت سے ملا… قرآن بھی، رمضان بھی، جمعہ بھی، جہاد بھی، تراویح بھی، کعبہ بھی… حضرت آقا مدنی صلی اللہ علیہ وسلم کے احسانات بے شمار… خود درود شریف بھی حضرت آقا مدنی صلی اللہ علیہ وسلم کا احسان ہے… درود شریف کی برکت سے دیگر مقبول اعمال کی توفیق بھی ملتی ہے… آج کئی مسلمانوں کے دلوں میں نعوذباللہ کافروں کی عظمت اور بڑائی بیٹھ گئی ہے… یہ ایسی گندی بیماری ہے جو انسان کو ہر گناہ اور ذلت میں ڈالتی ہے… اس بیماری سے چھٹکارا کیسے حاصل ہو… اس کے لئے تازہ رنگ و نور کا مطالعہ کریں۔
والسلام
خادم
لا الہ الا اللہ محمدرسول اللہ
(مقابلۂ حسن)
10/07/2015
مکتوب خادم
السلام علیکم و رحمۃ اللہ و برکاتہ!
اللہ تعالیٰ ہم سب کو… ایمان کامل… اور حسن خاتمہ عطاء فرمائے… آج قبولیتِ دعاء کے بڑے بڑے اسباب جمع ہیں… رمضان ہے… روزہ ہے… جمعہ ہے… اللہ کے راستے کی محنت ہے… مظلومیت ہے… سفر ہے… اللہ اکبر… جب قبولیت کے اتنے اسباب جمع ہوں تو دل لگا کر ہمیشہ والی قیمتی چیزیں مانگ لینی چاہیں… مگر ایسے موقع پرکبھی… غم، پریشانی، ناامیدی، مایوسی… اور وساوس کا حملہ ہوتا ہے… تاکہ انسان کوئی اچھی دعاء نہ مانگ سکے… ارے بھائیو! اللہ کی مرضی وہ جو چاہے کرے… ہم بندے ہیں… ہمارا کام ہے ماننا… تسلیم کرنا… مانگنا… وفادار رہنا… اوراپنی بندگی پرجمے رہنا… مانگو بھائیو! مانگو… آج مانگنے اور پانے کا دن ہے… ان شاء اللہ۔
والسلام
خادم
لا الہ الا اللہ محمدرسول اللہ
(مانگنے اور پانے کا دن)
11/07/2015
مکتوب خادم
السلام علیکم و رحمۃ اللہ و برکاتہ!
اَللّٰہُ اَللّٰہُ رَبِّی لَا اُشْرِکُ بِہٖ شَیْأً… لَا حَوْلَ وَ لَا قُوَّۃَ اِلَّا بِاللّٰہِ لَا اِلٰہَ اِلَّا اَنْتَ سُبْحَانَکَ اِنِّی کُنْتُ مِنَ الظَّالِمِیْنَ… حَسْبِیَ اللّٰہُ وَ عَلَیْہِ تَوَکَّلْتُ… مَا شَائَ اللّٰہُ لَا قُوَّۃَ اِلاَّ بِاللّٰہِ… اَللّٰہُمَّ اِنَّکَ عَفُوٌّ تُحِبُّ العَفْوَ فَاعْفُ عَنَّا… حَسْبُنَا اللّٰہُ وَ نِعْمَ الْوَکِیْلُ… تَوَکَّلْتُ عَلَی الْحَیِّ الَّذِیْ لَا یَمُوْتُ وَ الْحَمْدُ لِلّٰہِ الَّذِیْ لَمْ یَتَّخِذْ وَلَداً وَّلَمْ یَکُنْ لَّہٗ شَرِیْکٌ فِی الْمُلْکِ وَلَمْ یَکُنْ لَّہٗ وَلِیٌّ مِّنَ الذُّلِّ وَ کَبِّرْہُ تَکْبِیْراً… اَسْتَغْفِرُ اللّٰہَ الَّذِیْ لَا اِلٰہَ اِلَّا ہُوَ الْحَیُّ الْقَیُّوْمُ وَ اَتُوْبُ اِلَیْہِ… اَللّٰہُ نَاصِرُنَا، اَللّٰہُ حَافِظُنَا، اَللّٰہُ نَاظِرُنَا، اَللّٰہُ مَعَنَا… اَللّٰہُ رَبُّنَا، اَللّٰہ، اَللّٰہ، اَللّٰہُ۔
والسلام
خادم
لا الہ الا اللہ محمدرسول اللہ
(دعائیں)
12/07/2015
مکتوب خادم
السلام علیکم و رحمۃ اللہ و برکاتہ!
اللہ تعالیٰ کا شکر ہے… اللہ جل شانہٗ نے ہمیں بہت اونچا نصاب عطاء فرمایا… کلمہ طیبہ، اقامت صلٰوۃ، جہاد فی سبیل اللہ… کلمہ طیبہ سب سے اونچا کلمہ… نماز سب سے اونچی عبادت… جہاد سب سے اونچا کام… یہ کامیابی والا نصاب ہے… ذاتی کامیابی بھی، اجتماعی کامیابی بھی… یہ جامع نصاب ہے… مکی بھی ہے، مدنی بھی… داخلی بھی ہے، عالمی بھی… جماعت کا جو ساتھی اپنے اندر یہ نصاب لائے گا اس نے جماعت کو پالیا… وہ جماعت کا ہے اور جماعت اس کی ہے… اور جماعت پر اللہ تعالیٰ کا ہاتھ ہے… اور جماعت کا جو کارکن یا ذمہ دار اس نصاب کو اپنے اندر نہ لا سکا وہ جماعت کی برکات سے محروم رہے گا… جماعت کی جو مہم اس نصاب کو لے کر چلے گی وہ کامیاب ہوگی… جماعت کا جو فرد اس نصاب کو اپنے گھر میں نافذ کرے گا اس گھر سے خیر کے چشمے پھوٹیں گے… دعاء اور محنت کے ذریعہ اس نصاب کو اپنے اندر لانا ہے… اپنے گھروں میں لانا ہے… اپنے محلے، شہر اور علاقہ میں لانا ہے… اور ان شاء اللہ… اللہ کی زمین کے ہر کچے پکے گھر اور خیمے تک لانا ہے… جو بھی اس محنت میں جان مال اور خون پسینہ لگائے گا… وہ یہ سب کچھ اللہ تعالیٰ کے ہاں پائے گا… افسوس کہ جو کچھ دے کر ہم جنت خرید سکتے ہیں… وہ سب کچھ مال داری، عہدے اور اختیارات کے حرص میں ضائع ہوجاتا ہے… خود کو اس نصاب کے نیچے مٹا دو… اور حقیقی بلندی پالو… مہم میں چند دن رہ گئے… توبہ، اخلاص اور طوفانی محنت کی ضرورت ہے… کون کرے گا؟؟…
والسلام
خادم
لا الہ الا اللہ محمدرسول اللہ
(جماعت کا تین نکاتی نصاب ایک اونچا نصاب)
13/07/2015
مکتوب خادم
السلام علیکم و رحمۃ اللہ و برکاتہ!
اللہ تعالیٰ نے قرآن مجید میں… انسان کے لئے ہر ضروری بات سمجھا دی ہے… ایک عجیب قرآنی نکتہ دیکھیں… فرمایا:… نہ ہمیشہ رات رہتی ہے، نہ ہمیشہ دن… اگر اللہ تعالیٰ رات کو ہی ہمیشہ کردے تو کون دن لا سکتا ہے… اور دن کو ہمیشہ کردے تو کون رات لاسکتا ہے؟… یہ اللہ کی رحمت ہے کہ رات، دن آتے جاتے رہتے ہیں… عجیب نکتہ یہ کہ جب رات آجائے تو وہ اپنا وقت پورا کرتی ہے… کوئی ہزار دعاء مانگے، کوئی لاکھ وظیفے کرے… کوئی لاکھ بے چینی دکھائے… رات اپنے وقت پر ہی جاتی ہے… اس لئے رات میں بھی جینا سیکھو، دن میں بھی جینا سیکھو… پاکستان پر کفر پرستی، نفاق اور ظلم کی جو رات پرویز مشرف کے دور سے آئی… وہ رات اب تک جاری ہے… اسلام دشمن خفیہ ایجنسیوں نے… مشرف کو استعمال کیا… تاکہ پاکستان ٹوٹ جائے، بکھر جائے… روس ہو یا امریکہ یہ سب اپنی عبرتناک شکست کا ذمہ دار پاکستان کو سمجھتے ہیں… مشرف نے اس ملک میں خود دہشتگردی کھڑی کی… تاکہ اس کی آڑ میں دینی جماعتوں، دینی اداروں اور دینی شخصیات کو کچلا جاسکے… مشرف چلا گیا… کفریہ طاقتوں نے زرداری لا بٹھایا… وہ کام پورا نہ کرسکا تو لوہار برادران کو لایا گیا… یہ سب امریکہ سے تشکیل پر آتے ہیں… موجودہ حکومت کچھ زیادہ سرگرم ہے… یوں لگتا ہے راجا رنجیت سنگھ کا دور ہو… رات جاری ہے… یقیناً ضرور ختم ہوگی… مگر اندھیرے کے خوف سے ایمان والے اپنے فرائض نہیں چھوڑتے… مغرب، عشاء اور تہجد رات کو ہی ادا کرنی ہوتی ہے… اور پھر فجر آجاتی ہے… اذان گونجتی ہے… اَللّٰہُ اَکْبَر، اللّٰہُ اَکْبَر۔
والسلام
خادم
لا الہ الا اللہ محمدرسول اللہ
(ایک قرآنی نکتہ)
14/07/2015
مکتوب خادم
السلام علیکم و رحمۃ اللہ و برکاتہ!
اللہ اَحَد… اللہ ایک ہے… اللہ والوں پر ظلم کرنے والے کبھی کامیاب نہیں ہوتے… مجاہدین بیشک اللہ والے ہیں… جہاد بمعنی قتال فی سبیل اللہ کو مانے بغیر… کوئی ’’اللہ والا‘‘ نہیں بن سکتا… جہاد میں کم سے کم ضروری حصہ یہ ہے کہ اس پاک اور مبارک فریضہ سے محبت رکھی جائے، جہاد میں آزمائش آتی ہے… تب کھوٹے کھرے کی تمیز ہوجاتی ہے… کھوٹے بھاگ جاتے ہیں… کھرے ڈٹے رہتے ہیں… اور یوں میدان پاک ہوجاتا ہے… اور پاک میدان پر نصرت اترتی ہے… ہمارے لاہور کے ساتھیوں پر پنجاب کی حکومت نے ظلم ڈھایا ہے… لاہور کے جانباز ثابت قدم رہیں… اپنے عالیشان جھنڈے کو نیچے نہ ہونے دیں… رمضان میں آپ پر ظلم ڈھانے والوں نے اللہ تعالیٰ کے غضب کو آواز دی ہے… پھروہ اپنا علاج کرانے لندن جائیں گے… یہ حکمران آتے جاتے رہتے ہیں… انکی وجہ سے اللہ کے فرائض نہیں چھوڑے جاسکتے… کل ستائیس رمضان ہے… خیبرمیں اٹھائیس… کل اس مہم کاآخری اوربڑامقابلہ ہے… مقابلہ کانام ہے… شہیدی مقابلہ… حضرت اباجیؒ… سید سلیس صاحبؒ… جماعت کے سرپرست مرحوم اکابرؒ… اورجماعت کے تمام شہداء کرامؒ کے ایصال ثواب کے لئے ہے… فیض آباد ایودھیا سے لیکرجموں… سجاد محل تک… سرینگر سے لیکر… پیر پنجال اور کپواڑہ تک… کابل سے قندوز… اور دشت سے آمو تک… کل کا مقابلہ شاندار ہو… سب ساتھی جان لڑا دیں… وہ شہداء جو وفا کے ذرات میں بکھر گئے… ان کے ایصال ثواب میں اللہ تعالیٰ کواپنا وہ اخلاص اورعمل دکھائیں کہ… اللہ تعالیٰ راضی ہوجائے اور رحمت کی نظر فرمائے…
والسلام
خادم
لا الہ الا اللہ محمدرسول اللہ
(شہیدی مقابلہ)
15/07/2015
مکتوب خادم
السلام علیکم و رحمۃ اللہ و برکاتہ!
اللہ تعالیٰ کے مخلص اور محنتی بندوں کے لئے… آج شہیدی مقابلہ کے موقع پر قیمتی ہدیہ… جو حاجت بھی ہو تین بار یہ دعاء پڑھ کر مانگ لیا کریں… یَا اِلٰہَنَا وَ اِلٰہَ کُلِّ شَیٍٔ اِ لٰہاً وَّاحِداً لَا اِلٰہَ اِلَّا اَنْتَ۔
والسلام
خادم
لا الہ الا اللہ محمدرسول اللہ
(ایک قیمتی وظیفہ)
16/07/2015
مکتوب خادم
السلام علیکم و رحمۃ اللہ و برکاتہ!
اللہ تعالیٰ ہمیں بہترین اختتام اور اچھا انجام عطاء فرمائے… زم زم شریف کتنا مبارک پانی ہے؟… جنت کے پانی سے بھی افضل… لیکن روزہ کی حالت میں وہ بھی نہیں پی سکتے… پی لیا تو بڑا گناہ، بڑا جرمانہ اور بڑا کفارہ لازم… اچھے دوست بھی نعمت ہیں… مگر رمضان کے آخر میں ان سے دور رہنا ضروری… تاکہ گپ شپ… مجلس بازی، بے تکلفی اور غیبت سے… سارے مہینہ کی محنت ضائع نہ ہوجائے۔ بس یہ ایک دو دن باقی ہیں… جس ملاقات سے بچ سکتے ہوں… بچ جائیں… جس فون کال سے بچ سکتے، ہوں بچ جائیں… جس رابطہ اور میسج کے بغیر گزارہ چلتا ہو اس سے بھی بچ جائیں… یہی وقت دعاء، ذکر، تلاوت اوردینی محنت میں لگ جائے تاکہ رمضان المبارک کا اختتام اچھا ہو… اور روحانیت کا یہ نور اگلے رمضان تک ہمارے ساتھ چلے… کل کا شہیدی مقابلہ… کراچی کے ابوعبیدی جانباز جیت گئے… ان کو مبارک اور ڈھیروں دعائیں… عمری حضرات دوسرے مقام پر رہے… وہ آج کل رنجیتی مظالم کا زیادہ شکار ہیں، مگر… ماشاء اللہ چرار شریف والی ہمت جاگ رہی ہے… کل کے مقابلہ میں محنت کرنے والے تمام احباب کے لئے دل کی گہرائی سے مغفرت کی دعاء ہے… اور ہاں!نئے صوبوں میں زبیری اول رہے… آج مغرب سے جمعہ شریف آتے ہیں… مقابلۂ حسن یاد رہے۔
والسلام
خادم
لا الہ الا اللہ محمدرسول اللہ
(شہیدی مقابلہ کے نتائج/ ایک اہم نصیحت)
17/07/2015
مکتوب خادم
السلام علیکم و رحمۃ اللہ و برکاتہ!
اَللّٰہُ اَکْبَر، اَللّٰہُ اَکْبَر، لَااِلٰہَ اِلَّااللّٰہُ۔ جہاں آج عید ہے… مکہ، مدینہ سے لیکر… فلسطین، شام، عراق، افغانستان سے صوبہ خیبر تک… وہاں کے سب مسلمانوں کو عموماً… اور اپنے رفقاء کو خصوصا ’’عید مبارک‘‘ تَقَبَّلَ اللّٰہُ مِنَّا وَ مِنْکُمْ… اللہ تعالیٰ شہداء اور اسیران کے گھروں میں خاص خوشی اور رحمت عطاء فرمائے… مہم میں کافی ساتھی اسیر ہیں… اہل جماعت ان کے گھروں کا خیال رکھیں… عید کے دن اپنے دل کو آمادہ کریں کہ وہ خوش رہے… جس طرح مال ملنے پر… بچت ہونے پر… اور عیش آرام حاصل ہونے پر خوش ہوتا ہے… جس طرح گاڑی، کوٹھی، کپڑے، جوتے ملنے پر خوش ہوتا ہے… اس سے بڑھ کر… مسلمان ہونے پر خوش ہو… کہ اللہ پاک نے دنیا کی سب سے قیمتی اور مہنگی نعمت ’’اسلام‘‘ مجھے دی ہے… رمضان پر خوش ہو… قرآن پر خوش ہو… جہاد پر اور صدقہ پر خوش ہو… شیطان دل میں غم ڈالے کہ تمہارے پاس تو رہنے کی جگہ نہیں… تم اپنے بچوں سے دور… تم محروم وغیرہ… تو جواب دیں… مسٹر شیطان! نہیں، نہیں۔ میں یہ سب آج نہیں سوچ سکتا… آج میں اپنے رب کی حقیقی نعمتوں پر خوش ہوں… دنیا تو جس کے پاس ہو وہ بھی پریشان… جس کے پاس نہ ہو وہ بھی پریشان… پاکستان کے اکثر علاقوں میں کل عید ہوگی… بندہ آپ سب سے دعاء کی درخواست کرتا ہے… جو دعاء کا احسان کرے گا اس کی عید مبارک بندہ کو پہنچ گئی… عید مبارک کے انفرادی پیغامات مکتب نہ بھیجیں… کام کا خلل ہوتا ہے… مشکل مہم اپنی برکات کے ساتھ کل مغرب کو مکمل ہوجائے گی… والحمدللہ۔
والسلام
خادم
لا الہ الا اللہ محمدرسول اللہ
(عید مبارک)
18/07/2015
مکتوب خادم
السلام علیکم و رحمۃ اللہ و برکاتہ!
اَللّٰہُ اَکْبَر، اللّٰہُ اَکْبَر، لَا اِلٰہَ اِلَّا اللّٰہُ…آپ سب کو عید سعید مبارک… تَقَبَّلَ اللّٰہُ مِنَّا وَمِنْکُم… مہم اور اس کے مکتوبات مکمل… اَلْحَمْدُ لِلّٰہِ رَبِّ الْعَالَمِیْنَ… وَالصَّلَاۃُ وَ السَّلَامُ عَلٰی سَیِّدِیْ رَسُوْلِ اللّٰہِ خَاتَمِ النَّبِیِّیْنَ…
والسلام
خادم
لا الہ الا اللہ محمدرسول اللہ
(عید مبارک)
30/07/2015
مکتوب خادم
االسلام علیکم و رحمۃ اللہ و برکاتہ!
اللہ تعالیٰ ہی کی طرف ہم سب نے لوٹ کر جانا ہے… ہم سب اللہ تعالیٰ کے ہیں، اِنَّا لِلّٰہِ وَ اِنَّا اِلَیْہِ رَاجِعُوْنَ… مظفرگڑھ کا جعلی پولیس مقابلہ، اِنَّا لِلّٰہِ وَ اِنَّا اِلَیْہِ رَاجِعُوْن… انڈیا میں جناب یعقوب میمن کی پھانسی پر شہادت، اِنَّا لِلّٰہِ وَ اِنَّا اِلَیْہِ رَاجِعُوْن… ان واقعات سے کوئی کلمہ گو مسلمان خوفزدہ نہیں ہوگا… مرنا تو ضروری ہے… موت سے کون بچ سکتا ہے… اور مرکر اللہ تعالیٰ سے ملنا ہے… جس کا ہم ہروقت نام لیتے ہیں… اللہ، اللہ، اللہ… جس کو موت سے ڈر لگے تو کثرت سے اللہ، اللہ کا ورد کرے… بس بیٹھ جائے اور ہزاروں بار یہ عظیم نام پکارے… اس کے دل سے خوف نکل جائے گا اور وہ چاہے گا کہ ابھی موت کا جام پی کر… اللہ، اللہ، اللہ میں گم ہوجائے… ہمیں حکم دیا گیا کہ’’وَلَا تَمُوْتُنَّ اِلَّا وَ اَنْتُمْ مُسْلِمُوْنَ‘‘ کہ تمہاری موت نہ آئے مگر اسلام کی حالت میں… یعنی اسلام پر ڈٹے رہو، اسلام پرجمے رہو، اسلام میں ترقی کرتے جاؤ تاکہ اسلام پر مرو اور ہمیشہ کی زندگی پا جاؤ… معلوم ہوا کہ جب موت قریب نظر آئے تو کام بڑھا دو، محنت بڑھا دو، ذکر بڑھا دو… تاکہ موت کا بہترین استقبال ہو… یہ کونسی عقلمندی ہے کہ انسان موت کے خوف سے اپنا وقت ضائع کرتا رہے… یہی وقت اگر دین کے کام میں لگ جائے تو کتنا قیمتی بن جائے۔ اے ایمان والو! جرأتمند بنو… کسی کافر یا منافق کو پیٹھ نہ دکھاؤ… ہاں! بیشک یہ دنیا بھی بہادروں کی ہے… اور آخرت بھی بہادروں کی… آج مغرب سے جمعہ شریف تشریف لائیں گے… مقابلۂ حسن مرحبا۔
والسلام
خادم
لاالہ الااللہ محمدرسول اللہ
(موت کے خوف سے حق کام چھوڑنا بے و قوفی)
02/08/2015
مکتوب خادم
السلام علیکم و رحمۃ اللہ و برکاتہ!
اَللّٰہُ لَا اِلٰہَ اِلَّا ہُوَ الْحَیُّ الْقَیُّوْمُ… کُلُّ نَفْسٍ ذَآئِقَۃُ الْمَوْتِ (اِنَّا لِلّٰہِ وَ اِنَّا اِلَیْہِ رَاجِعُوْنَ)… وَ مَنْ یَّخْرُجْ مِنْ بَیْتِہٖ مُہَاجِراً اِلَی اللّٰہِ وَ رَسُوْلِہٖ ثُمَّ یُدْرِکْہُ الْمَوْتُ فَقَدْ وَقَعَ اَجْرُہٗ عَلَی اللّٰہِ (اِنَّا لِلّٰہِ وَ اِنَّا اِلَیْہِ رَاجِعُوْنَ) مِنَ الْمُؤمِنِیْنَ رِجَالٌ صَدَقُوْا مَا عَاہَدُوا اللّٰہَ عَلَیْہِ فَمِنْہُمْ مَّنْ قَضیٰ نَحْبَہٗ (اِنَّا لِلّٰہِ وَ اِنَّا اِلَیْہِ رَاجِعُوْنَ) وَ الَّذِیْنَ ہَاجَرُوْا فِی سَبِیْلِ اللّٰہِ ثُمَّ قُتِلُوا اَوْ مَاتُوْا لَیَرْزُقَنَّہُمُ اللّٰہُ رِزْقاً حَسَناً وَاِنَّ اللّٰہَ لَہُوَ خَیْرُ الرَّازِقِیْن۔ لَیُدْخِلَنَّہُمْ مُّدْخَلاً یَّرْضَوْنَہٗ (اِنَّا لِلّٰہِ وَ اِنَّا اِلَیْہِ رَاجِعُوْنَ) وَ لَئِنْ قُتِلْتُمْ فِیْ سَبِیْلِ اللّٰہِ اَوْ مُتُّمْ لَمَغْفِرَۃٌ مِّنَ اللّٰہِ وَ رَحْمَۃٌ خَیْرٌ مِّمَّا یَجْمَعُوْنَ (اِنَّا لِلّٰہِ وَ اِنَّا اِلَیْہِ رَاجِعُوْنَ) وَ مَا مُحَمَّدٌ اِلَّا رَسُوْل، قَدْ خَلَتْ مِنْ قَبْلِہِ الرُّسُل، اَفَاِئنْ مَّاتَ اَوْ قُتِلَ انْقَلَبْتُمْ عَلیٰ اَعْقَابِکُمْ، وَ مَنْ یَّنْقَلِبْ عَلیٰ عَقِبَیْہِ فَلَنْ یَّضُرَّ اللّٰہَ شَیْئاً، وَ سَیَجْزِی اللّٰہُ الشّٰکِرِیْنَ (اِنَّا لِلّٰہِ وَ اِنَّا اِلَیْہِ رَاجِعُوْنَ) اِنَّ لِلّٰہِ مَا اَعْطٰی وَ لَہٗ مَا اَخَذَ وَ کُلُّ شَیٍٔ عِنْدَہٗ بِاَجَلٍ مُّسَمّٰی (اِنَّا لِلّٰہِ وَ اِنَّا اِلَیْہِ رَاجِعُوْنَ)… اَللّٰھُمَّ لَاتَحْرِمْنَا اَجْرَہٗ وَ لَا تَفْتِنَّا بَعْدَہٗ (اِنَّا لِلّٰہِ وَ اِنَّا اِلَیْہِ رَاجِعُوْنَ)… صُبَّتْ عَلیَّ مَصَائِبُ لَو اَنَّہَا… صُبَّتْ عَلَی الْاَیَّامِ صِرْنَ لَیَالِیَا… (اِنَّا لِلّٰہِ وَ اِنَّا اِلَیْہِ رَاجِعُوْن)َ… دل ہوگیا لہو لہو… (اِنَّا لِلّٰہِ وَ اِنَّا اِلَیْہِ رَاجِعُوْنَ)… رَضِیْتُ بِاللّٰہِ رَبًّا وَّ بِالاِسْلَامِ دِیْناً وَّ بِمُحَمَّدٍ صَلَّی اللّٰہُ عَلَیْہِ وَ سَلَّمَ نَبِیًّا…
والسلام
خادم
لا الہ الا اللہ محمدرسول اللہ
(حضرت امیر المؤمنین ملا محمد عمر مجاہد رحمہ اللہ کی رحلت)
03/08/2015
مکتوب خادم
السلام علیکم و رحمۃ اللہ و برکاتہ!
اللہ تعالیٰ مغفرت کاملہ اور بلند درجات عطاء فرمائے… اس زمانے کا صدیق چلاگیا… وَ قَلِیْلٌ مِّنَ الآخِرِیْنَ۔ اِنَّا لِلّٰہِ وَ اِنَّا اِلَیْہِ رَاجِعُوْن… عمر ثالث… نسبت ابراہیمی سے سرشار ’’بت شکن‘‘ بے شمار نسبتوں کا امین، فاتح العصر… عزت اسلام… یااللہ! دل چھوٹا ہے اور غم بڑا۔ اِنَّا لِلّٰہِ وَ اِنَّا اِلَیْہِ رَاْجِعُوْن… حضرت امیرالمؤمنین کے احسانات بہت زیادہ ہیں… ’’القلم‘‘ ان شاء اللہ اس بار خصوصی شمارہ پیش کرے گا… شمارہ کچھ تاخیر سے آئے گا اور دو ہفتے کا یکجا ہوگا… اہل محبت اس بار اتنا خریدیں، اتنا پڑھیں اور اتنا پھیلائیں کہ عشق کا ماتھا روشن ہوجائے۔ بندہ ان شاء اللہ ایک ہزار خریدے گا… اورپھر تین روزہ ایصال ثواب کی ترتیب ہے… ان سے تعلق دل کاہے، جان کاہے… اور سب سے بڑھ کر ایمان کا ہے… ایصال ثواب تو زندگی کے آخری سانس تک رہے گا، ان شاء اللہ… نقد ہدیہ بندہ کی طرف سے… ایک ختم قرآن، ستر ہزار کلمہ طیبہ، تیس ہزار استغفار، دس ہزار درود شریف کا ایصال ثواب… اور کچھ رقم ان کی طرف سے جہاد فنڈ میں… ان شاء اللہ… جماعت میں بدھ، جمعرات اور جمعہ تین دن مسلسل ایصال ثواب کی ترتیب ہوگی… جس کا اعلان کل کے مکتوب میں کیا جائے گا… ان شاء اللہ… ایک ضروری بات یہ کہ… دشمن خوش نہ ہوں، ان کو ان شاء اللہ کمی محسوس نہیں ہوگی… جس راستے پر وہ مر مٹے کون بدنصیب اس راستے کو چھوڑے گا… یااللہ! صبر دے، استقامت عطاء فرما… اِنَّا لِلّٰہِ وَ اِنَّا اِلَیْہِ رَاجِعُوْنَ…
والسلام
خادم
لا الہ الا اللہ محمدرسول اللہ
(حضرت امیر المؤمنینؒ کی رحلت/ القلم کا خصوصی شمارہ)
04/08/2015
مکتوب خادم
السلام علیکم و رحمۃ اللہ و برکاتہ!
اللہ تعالیٰ ان کو اپنا مزید ’’قرب‘‘ عطاء فرمائے… وہ ہمارے شرعی امیر تھے… امیر سے محبت اللہ اور رسول صلی اللہ علیہ وسلم سے ’’محبت‘‘ ہے… کیونکہ امیر کی اطاعت کا حکم اللہ تعالیٰ اور اس کے رسول صلی اللہ علیہ وسلم نے دیا ہے… اور امیر کو مسلمانوں کے لئے ڈھال، سایہ اور رحمت بنایا ہے… اللہ تعالیٰ نے ان کو اس زمانے میں اسلام کی عزت اور شوکت کا ذریعہ بنایا… ان کے زمانے میں جہاد ایسا طاقتور ہوا کہ چالیس ملکوں کے مشترکہ لشکر سے ٹکرایا اور فتح یاب ہوا… اور یہ تمام لشکرذلیل ہوکر لوسی کتوں کی طرح بھاگ گئے… جس کے دل میں اسلام اور جہاد کی محبت ہے وہ حضرت امیرالمؤمنینؒ سے والہانہ عشق رکھتا ہے… الحمدللہ ایصال ثواب کے بارے میں کل کے مکتوب کے بعد بڑے بڑے ارادے سامنے آئے۔ اللہ تعالیٰ قبول فرمائے… ہم آج بروز منگل مغرب کے بعد سے جب بدھ کی رات شروع ہوگی… اجتماعی ایصال ثواب کا اہتمام کریں گے… جماعت کے تمام ناظمین، اراکین شوریٰ، کمانڈر اور ذمہ داران خود بھی اہتمام کریں اور اپنے شعبوں میں بھی کرائیں… پہلی رات اور بدھ کے دن مغرب تک تلاوت کلام مجید ہوگی… اللہ کرے ہزاروں مقبول ختمات ہوجائیں… بدھ کی مغرب سے جمعرات کی مغرب تک کلمہ طیبہ اور استغفار کا عمل ہوگا… اللہ کرے کروڑوں بار ہوجائے۔ اور جمعرات مغرب سے جمعہ عصرتک مقابلۂ حسن… اس زمانے کے حسین ترین انسان کے ایصال ثواب کے لئے درودشریف اور استغفار۔ اللہ کرے بے شمارہو، قبول ہو… بھائیو! حق ادا نہیں ہوسکتا مگرکوشش تو کی جاسکتی ہے۔
والسلام
خادم
لا الہ الا اللہ محمدرسول اللہ
(حضرت امیر المؤمنینؒ کے لئے ایصال ثواب کی ترتیب)
05/08/2015
مکتوب خادم
السلام علیکم و رحمۃ اللہ و برکاتہ!
اللہ تعالیٰ ہمیں حضرت امیر المؤمنینؒ کے بعد فتنوں سے بچائے اور ہمیں ان کے روحانی فیض سے محروم نہ فرمائے…اَللّٰہُمَّ لَا تَحْرِمْنَا اَجْرَہٗ وَ لَا تَفْتِنَّا بَعْدَہٗ… شاہ عبدالعزیز قدس سرہ نے لکھا ہے کہ… ان کے والدحضرت شاہ ولی اللہؒ… حضور اقدس صلی اللہ علیہ وسلم کے معجزات میں سے ایک معجزہ تھے… بالکل اسی طرح ہمارے حضرت امیر المؤمنینؒ بھی بلامبالغہ… حضور اقدس صلی اللہ علیہ وسلم کے معجزات میں سے ایک معجزہ نظر آتے ہیں… انہوں نے ماشاء اللہ وہ سب کچھ کر دکھایا جو بظاہر اس زمانے میں ناممکن بنادیا گیا ہے… اسلام کو اسکی اصل شکل میں نافذکرنا… کوئی آج صرف اپنے گھر پر تو کرکے دکھائے؟… دنیا کے جدید وسائل کی محتاجی کے بغیر… دنیا کی جدید ٹیکنالوجی کو شکست دینا… یہاں تک کہ تیرہ سال تک دشمن ان کے قریب بھی نہ پھٹک سکا… اتنے طاقتور دشمن کے دل میں ان کو پکڑنے اور شہید کرنے کی حسرت ایک زخم کی طرح رستی رہے گی… جبکہ ’’حضرتؒ‘‘ نے صدیقین والی’’ شہادت‘‘ پائی جو عام شہادت سے بہت اونچی ہوتی ہے… ان کے لئے ایصال ثواب خود ہمارے لئے بڑی سعادت ہے… روئی کو عطر میں بھگو کر کسی کو خوشبو لگائیں تو اپنا ہاتھ اور اپنی روئی پہلے ہی خوشبودار ہوجاتی ہے… اور پھر اتنے عظیم مسلمان کے لئے ایصال ثواب… اور پھر فرشتوں کی ہمارے لئے واپس دعاء … الحمدللہ، الحمدللہ۔
والسلام
خادم
لا الہ الا اللہ محمدرسول اللہ
(حضرت امیر المؤمنینؒ حضور اکرمﷺ کے معجزات میں سے ایک معجزہ)
06/08/2015
مکتوب خادم
السلام علیکم و رحمۃ اللہ و برکاتہ!
اللہ تعالیٰ غم کی اس ’’آگ‘‘ کو ہمارے دلوں کی پاکی، عزائم کی مضبوطی… اور نظریات کی پختگی کاذریعہ بنا دے… دنیا میں ’’آگ‘‘ نعمت بھی ہے اورعذاب بھی… عقلمندوں کو آگ ملے تو وہ اس سے بڑے بڑے دینی، دنیاوی اوراخروی فائدے کما لیتے ہیں… جبکہ بدنصیبوں کے ہاتھ آگ آجائے تو وہ اس سے چرس پھونکتے ہیں، ہیروئن سلگاتے ہیں، شراب پکاتے ہیں… یعنی اپنا تن، من اور دنیا، آخرت جلاتے ہیں… غم بھی ایک آگ ہے… خصوصاً اتنا بڑا غم جس نے دل میں شگاف ڈال دیا ہے… ایصال ثواب کی ترتیب سے الحمد للہ فائدہ ہورہا ہے… اہل ہمت اس عمل کے ذریعہ سعادت اور نسبت کمارہے ہیں… کل ماشاء اللہ خوب قرآن مجید پڑھا گیا… بڑی اچھی کارگزاری آتی رہی… آج کلمہ طیبہ اور استغفار کا عمل ہے… جبکہ مغرب سے جمعہ شریف… ہم سب سے تعزیت فرمانے تشریف لائیں گے… کل جماعت کی تمام مساجدمیں ان شاء اللہ جمعہ کابیان… حضرت امیر المؤمنین قدس سرہ کے بارے میں ہوگا… جمعہ کی رات اورجمعہ کے دن درود شریف زیادہ قیمتی ہوجاتا ہے، اس کی کثرت کریں… اور اس کاحضرتؒ کے لئے ایصال ثواب کریں… اور دعائیں بھی بہت قبول ہوتی ہیں… ان کے لئے مغفرت اورقرب اور اپنے لئے صبر اور استقامت کی دعاء مانگیں… جمعہ کے دن عصر کی نماز کے بعد… تعزیتی اجتماعات ہوں گے… ہرجگہ جتنے ساتھی جمع ہوسکیں… جمع ہوکر اجتماعی مجلس کریں… بیان ہو، تجدیدعزم ہو اور پھر اجتماعی دعاء … مرکز میں خاص طور پر اس مجلس کا اہتمام کیا جائے… یا اللہ! اس کڑوے ’’درد‘‘ کو ہمارے لئے دواء بنا دے.… یااللہ!…
والسلام
خادم
لا الہ الا اللہ محمدرسول اللہ
(حضرت امیر المؤمنینؒ کے لئے ایصال ثواب)
09/08/2015
مکتوب خادم
السلام علیکم و رحمۃ اللہ و برکاتہ!
اللہ تعالیٰ ہر چیز پر قادر ہیں… (1) ایصال ثواب میں جس طرح سے آپ سب حضرات اور مسلمان بہنوں نے ’’ہمت‘‘ اور ’’محنت‘‘ دکھائی ہے… اس سے دل بہت خوش ہوا… آپ سب کو یہ ’’وفاداری‘‘ مبارک ہو… اللہ، رسول کے ساتھ، حضرت امیر المؤمنینؒ کے ساتھ اور دین و جہاد کے ساتھ… جَزَاکُمُ اللّٰہُ خَیْراً… (2) ’’القلم‘‘ کا خصوصی شمارہ شائع ہونا شروع ہوچکا … ماشاء اللہ، بہت بڑی تعداد میں شائع ہورہا ہے… اب تک کی سب سے زیادہ اشاعت… القلم تیار کرنے والوں نے بہت جانفشانی اور محنت کی ہے… اللہ تعالیٰ بہت جزائے خیر عطاء فرمائے… یقینا یہ ایک تاریخی شمارہ ہے… تیار کرنے، چھاپنے، خریدنے اور پڑھنے والوںکو یہ ’’وفا‘‘ بھی مبارک… (3) وفا کے اس ماحول میں اللہ تعالیٰ نے جماعت کو ایک فتح اور بڑی مثالی کامیابی عطاء فرمائی ہے… وَالْحَمْدُ لِلّٰہِ رَبِّ العَالَمِیْنَ… دین کے جانبازوں… ان کے والدین اور اہل خانہ کو اللہ تعالیٰ کے ساتھ یہ وفاداری مبارک ہو… (4) شوال کا مہینہ جارہا ہے، جن کے چھ روزے رہ گئے ہوں اور وہ یہ سعادت حاصل کرنا چاہتے ہوں تواب آخری موقع ہے… شوال چلاجائے گا، پھر یہ سعادت نہیں ملے گی… ارشاد فرمایا: ’’جس نے رمضان کے روزے رکھے، پھر ان کے پیچھے شوال کے چھ روزے جوڑ دیئے تو گویا کہ پورے زمانے کے روزے رکھ لئے‘‘… جو یہ نفل روزے رکھناچاہے کل سے شروع کردے… (5) مساجد، مدارس اور مراکز پر بدنصیب، بدفطرت، بددین حکومت کے چھاپے جاری ہیں… لگتا ہے یہ لوگ سخت پکڑ میں آنے والے ہیں، اہل ایمان نہ گھبرائیں… حَسْبُنَا اللّٰہُ وَ نِعْمَ الوَکِیْل…
والسلام
خادم
لا الہ الا اللہ محمدرسول اللہ
(متفرقات)
13/08/2015
مکتوب خادم
السلام علیکم و رحمۃ اللہ و برکاتہ!
اللہ تعالیٰ کے محبوب آخری نبی صلی اللہ علیہ وسلم نے ارشاد فرمایا:… ’’جو مسلمان بندہ صبح اور شام تین بار کہے… رَضِیْتُ بِاللّٰہِ رَبًّا وَّ بِالْاِسْلَامِ دِیْنًا وَّبِمُحَمَّدٍ صَلَّی اللّٰہُ عَلَیْہِ وَسَلَّمَ نَبِیّاً… تو ایسے بندے کے لئے اللہ تعالیٰ نے اپنے اوپر یہ لازم فرمایا ہے کہ وہ اسے قیامت کے دن راضی فرما دیں گے‘‘… ایک اور روایت میں فرمایا: ’’جو کوئی صبح کے وقت یہ کلمات پڑھ لے تو میں(محمد صلی اللہ علیہ وسلم)اس بات کا ذمہ دار ہوں کہ اس کا ہاتھ پکڑ کر جنت میں داخل کروں گا‘‘… ایک اور روایت میں فرمایا: ’’جو اللہ تعالیٰ کے رب ہونے، اسلام کے دین ہونے اور محمد صلی اللہ علیہ وسلم کے نبی ہونے پر راضی ہوا تو اس کے لئے جنت واجب ہوگئی… اور اس نے ایمان کا مزہ چکھ لیا‘‘… ’’رَضِیْتُ بِاللّٰہِ رَبًّا‘‘ میں اللہ تعالیٰ کے رب ہونے پر راضی ہوں… اور ’’بِالْاِسْلَامِ دِیْنًا‘‘ اور دین اسلام پر بھی ’’وَبِمُحَمَّدٍ نَبِیّاً‘‘ اور محمد صلی اللہ علیہ وسلم کے نبی ہونے پر بھی راضی ہوں… راضی ہونے کا مطلب یہ کہ ہر حال میں، ہر وقت ان تین باتوں پر یقین رکھتا ہوں… اور ان تین نعمتوں پر بہت خوش، راضی اور مطمئن ہوں… باقی حالات جیسے بھی ہوں… یہ مبارک کلمات ظالم حکمرانوں سے حفاظت کے لئے بھی مجرب ہیں… دل سے پڑھ کر دیکھیں بے حد سکون ملتا ہے… آج مغرب سے جمعہ شریف بھی آئیں گے… اخبار خوب تقسیم کریں اور اخلاص سے مقابلۂ حسن برپا کریں۔
والسلام
خادم
لا الہ الا اللہ محمدرسول اللہ
(ایک مبارک دعاء)
16/08/2015
مکتوب خادم
السلام علیکم و رحمۃ اللہ و برکاتہ!
اللہ تعالیٰ کے نام مبارک میں انسان کی زندگی کی برکت ہے… آج مغرب سے نیا ہجری، قمری، اسلامی مہینہ ’’ذوالقعدہ‘‘ تشریف لارہا ہے… مسنون دعاؤں اور معمولات کی یاددہانی ہے۔
والسلام
خادم
لا الہ الا اللہ محمدرسول اللہ
(استقبال ماہ جدید)
20/08/2015
مکتوب خادم
السلام علیکم و رحمۃ اللہ و برکاتہ!
اللہ تعالیٰ ہم سب کو حضرت آقامدنی صلی اللہ علیہ وسلم کی شفاعت نصیب فرمائے… مغرب سے جمعہ شریف آتے ہیں، بھرپوراہتمام کریں… مقابلۂ حسن سے اپنے دلوں اوراپنے نامۂ اعمال کو حسین بنائیں۔
والسلام
خادم
لا الہ الا اللہ محمدرسول اللہ
(مقابلۂ حسن)
27/08/2015
مکتوب خادم
السلام علیکم و رحمۃ اللہ و برکاتہ!
اللہ تعالیٰ سب سے بڑے ہیں، اَللّٰہُ اَکْبَر کَبِیْراً… ہم بہت چھوٹے ہیں… جو بڑا ہے اس کو ’’تکبر اور بڑائی‘‘ کا حق ہے اور یہ اس کو زیبا ہے… اور جو چھوٹے ہیں… ان کی کامیابی’’تواضع‘‘ میں ہے… بندگی میں ہے… انسان ہوکر جو بڑائی اور تکبر کرے وہ برباد ہوجاتا ہے… ہمیشہ اللہ تعالیٰ سے پناہ مانگنی چاہیے… یااللہ! نفس کے تکبر سے بچا… یااللہ! تکبر کی ذلت سے بچا… ہر وہ چیز جو تکبر میں ڈالنے والی ہو فوراً چھوڑ دینی چاہیے… کوئی عہدہ تکبر میں ڈالے تو اسے چھوڑ دیں… ایسے عہدے کا کیا کرنا جو جہنم میں لے جائے۔ شیطان تو ایسا ظالم ہے کہ جوتے اور کپڑے جیسی چیزوں سے بھی انسان کو تکبر میں ڈالتا ہے… جس کو یہ مرض ہو وہ سادہ جوتااور سادے کپڑے پہنے… تاکہ آگ کے انگاروں سے بچے… اور جس کو ان چیزوں سے شکر نصیب ہوتا ہے وہ جیسے چاہے استعمال کرے… گاڑی تکبر میں ڈالے تو فوراً موٹر سائیکل، سائیکل یا گدھے پر جا بیٹھیں… اور اچھی گاڑی کو اپنی عزت نہ سمجھیں… ہماری عزت اللہ تعالیٰ کی بندگی، اسلام سے وفاداری اور حضرت آقا مدنی صلی اللہ علیہ وسلم کی غلامی میں ہے… رَضِیْتُ بِاللّٰہِ رَبًّا وَّ بِالْاِسْلَامِ دِیْنًا وَّ بِمُحَمَّدٍ صَلَّی اللّٰہُ عَلَیْہِ وَ سَلَّمَ نَبِیًّا… بھائیو! اور بہنو! تکبر سے بچنا فرض ہے… دعاء کریں، محنت کریں… آج مغرب سے جمعہ شریف تشریف لائیں گے… شوق اور عاجزی کے ساتھ مقابلۂ حسن جمائیں۔
والسلام
خادم
لا الہ الا اللہ محمدرسول اللہ
(تکبر ایک خطرناک بیماری)
03/09/2015
مکتوب خادم
السلام علیکم ورحمۃ اللہ وبرکاتہ!
اللہ تعالیٰ ہم سب کو دین کی سمجھ عطاء فرمائے…(۱)جماعت کے’’ اجتماعات‘‘کی جو ترتیب ’’رنگ و نور‘‘ میں عرض کی گئی ہے… پوری جماعت میں اس کو نافذکیا جائے تمام علاقوں اور حلقوں میں اس مضمون کی تعلیم ہو، اس پر مشاورت ہو اور پھر تاریخیں اور دن طے کرکے مضبوطی سے اس پر عمل ہو…(۲)جماعت کے ہر شعبے کا ماہانہ اجلاس بہت پابندی سے کیا جائے۔جن شعبوں میں پابندی نہیں ہے وہ مکمل اہتمام کے ساتھ اس کی ترتیب بنا لیں…(۳) محاذوںکے مجاہدین، حجاج بیت اللہ اور اسیران کے لئے دعاء کو اپنے معمولات کا حصہ بنالیں اس سے روحانی فائدہ ہوگا،ان شاء اللہ…(۴) آج مغرب سے جمعہ شریف آتے ہیں… مقابلۂ حسن ہمیشہ یاد رہے۔
والسلام
خادم
لاالہ الااللہ محمدرسول اللہ
(ترتیب جماعتی اجتماعات)
قربانی مہم و عشرہ ذوالحجہ
14/09/2015
مکتوب خادم
السلام علیکم ورحمۃ اللہ وبرکاتہ!
اَللّٰہُ اَکْبَرْ، اَللّٰہُ اَکْبَرْ، لَااِلٰہَ اِلَّا اللّٰہُ وَاللّٰہُ اَکْبَرْ، اَللّٰہُ اَکْبَرْ، وَلِلّٰہِ الْحَمْدُ…قربانی کے جانور وہ خوش نصیب روحیں ہیں جن کو… اللہ تعالیٰ کی رضاکے لئے… اللہ تعالیٰ کے نام پر ذبح ہونا ہے… جن کو اللہ تعالیٰ کے قرب کا ذریعہ بننا ہے… جن کو پل صراط پر ایمان والوں کی سواری بننا ہے… جن کے بالوںکو شمار کیا جانا ہے کہ ایمان والوںکے نامئہ اعمال میں ان کے برابر نیکیاں ڈالی جائیں… یہ جانور اللہ تعالیٰ کے حکم کو زندہ کرنے پر جان سے جاتے ہیں… اس لئے یہ محبوب ہیں… محترم ہیں… ان کو اخلاص سے خریدیں… شوق سے ان کی خدمت کریں… ان کو ایذاء اور تکلیف نہ پہنچائیں… ان کواحسن طریقہ سے ذبح کریں… ان سے سبق لے کراپنی جان کو بھی اللہ تعالیٰ کی قربانی بنائیں… اللہ تعالیٰ کے قرب ہی میں بقا ہے، فلاح ہے… اللہ تعالیٰ کے لئے جینا زندگی ہے اور اللہ تعالیٰ کے لئے مرنا حیات دائمی ہے … بہاولپور مرکز والوں نے بڑی محنت کی… اجتماعی قربانی کے ایسے جانور ڈھونڈ خریدے کہ… دیکھ کر دل خوش ہو… جب صرف آخرت کی کمائی مقصود ہو تو نتیجہ ایسا ہی نکلتا ہے… وہ جانور جن کو منڈی میں 70،60 ہزار سے کم پر ہاتھ نہیں لگا سکتے… ان سے اچھے یہ اجتماعی کی قیمت میں ڈھونڈ لائے… جماعت میں جہاں بھی اجتماعی قربانی ہے وہاں ایسی ہی محنت کریں… قربانی کے جانور دیکھنے اور خریدنے جائیں تو اللہ تعالیٰ کی تکبیر بلندکرتے رہیں… آج مغرب سے جمعہ شریف آرہے ہیں… مقابلۂ حسن کبھی نہ بھولیں۔
والسلام
خادم
لاالہ الااللہ محمدرسول اللہ
(قربانی کے جانور)
15/09/2015
مکتوب خادم
السلام علیکم ورحمۃ اللہ وبرکاتہ!
اَللّٰہُ اَکْبَرْ،اَللّٰہُ اَکْبَرْ، لَااِلٰہَ اِلَّااللّٰہُ وَاللّٰہُ اَکْبَرْ، اَللّٰہُ اَکْبَرْ، وَلِلّٰہِ الْحَمْدُ… حرمین شریفین میں آج یکم ذی الحجہ ہے … جبکہ ہمارے ہاںآج مغرب سے’’ ذوالحجہ‘‘کا مبارک مہینہ شروع ہوگا… الحمدللہ عشرہ ذی الحجہ کے فضائل کے مذاکرہ سے ماحول میں اچھی تبدیلی آئی ہے… بہت سے مسلمانوں کو اس بات کا علم ہوا ہے کہ… یہ دس دن کس قدر مبارک ہیں… اور ان میں نیک اعمال کا وزن کس قدر زیادہ بڑھ جاتا ہے… وہ مسلمان مرد اور خواتین جنہوں نے قربانی کرنی ہو وہ آج مغرب سے پہلے ناخن وغیرہ تراش لیں… جب مہینہ شروع ہوجائے تو قربانی ذبح ہونے تک… اپنے ناخن، بال وغیرہ نہ کاٹنا ایک مسنون اور مبارک عمل ہے… عشرہ ذی الحجہ کس طرح سے کمانا ہے؟… قربانی، روزے، تکبیرات… جہاداورخدمت جہاد، صدقہ اور صلہ رحمی… تلاوت اور ذکر…اس کا ایک آسان نصاب تازہ ’’رنگ ونور‘‘ میںآرہا ہے… اورحرم شریف میں ہونے والے حادثہ پر بھی اس میں بات کی گئی ہے… حکومت نے ہر چیز مہنگی کردی… مگر دینی مدارس اور دینی جماعتوں کو نقصان پہنچانے کے لئے قربانی کی کھالیں…کئی گنا سستی کردیں… یہ نہیں جانتے کہ ان مبارک کاموں کو اللہ تعالیٰ خود چلاتے ہیں … اوراللہ تعالیٰ آسمان وزمین کے خزانوں کے مالک ہیں… نفل قربانی اورکھالوںکی محنت… عبادت کی نیت سے جاری رکھیں…آج مغرب سے ذوالحجہ کا استقبال کریں اوراپنے نامئہ اعمال کو وزنی بنانے کے موقع سے فائدہ اٹھائیں۔
والسلام
خادم
لاالہ الااللہ محمدرسول اللہ
(عشرہ ذوالحجہ)
16/09/2015
مکتوب خادم
السلام علیکم ورحمۃ اللہ وبرکاتہ!
اَللّٰہُ اَکْبَرْکَبِیْرًا، وَالْحَمْدُ لِلّٰہِ کَثِیْرًا، وَسُبْحَانَ اللّٰہِ بُکْرَۃً وَّاَصِیْلاً…الحمد للہ دس بڑے دنوں کاآغاز ہوگیا…اب ہر نیک عمل کا وزن بڑھ گیا… الحمد للہ دس میٹھی راتیں شروع ہوگئیں… اور آسمان، زمین کے قریب آ گیا… وہ دن’’برحق‘‘ ہے جب ہر انسان صرف یہ سوچے گاکہ… اس نے دنیا میں رہتے ہوئے آخرت کے لئے کیا بھیجا… ذَالِکَ الْیَوْمُ الْحَقُّ… ان دس دنوں میں ہر نیک عمل اللہ تعالیٰ کے ہاں جہادفی سبیل اللہ کی طرح… بلکہ اس سے بھی بڑھ کر محبوب ہے… ہاں! مگروہ جہاد جس میں انسان اپنا سارا مال لگا دے… اور اپنی جان دے دے… اس جہادکے برابرکوئی عمل نہیں… حضور اقدس صلی اللہ علیہ وسلم نے جب اپنے صحابہ کرام کو… ان دس دنوں میں نیکیوں کا مقام اور وزن بتایا تو وہ حیران رہ گئے … خوشی والی حیرت کہ… اللہ تعالیٰ کتنے عظیم فضل والے ہیں… ذوالحجہ کا چاند نکلا اور اہل ایمان کی چاندنی ہوگئی… اب روزہ بھی قیمتی، صدقہ بھی وزنی اور ذکر، تلاوت ہرعمل زیادہ محبوب، زیادہ مقبول… اللہ تعالیٰ ہمارے اعمال کے محتاج نہیں ہیں… وہ غنی ہیں غنی… وَاللّٰہُ الْغَنِیُّ وَاَنْتُمُ الْفُقَرَائُ… اور ہم محتاج، فقیر… ان مبارک دنوں میں اعمال کی محنت کر لیں… آج سے بِسْمِ اللّٰہ… پہلا دن ہے اس لئے آج ’’ استغفار‘‘کی کثرت… تاکہ میل اتر جائے … توفیق کا دروازہ کھل جائے۔
والسلام
خادم
لاالہ الااللہ محمدرسول اللہ
(عشرہ ذوالحجہ)
17/09/2015
مکتوب خادم
السلام علیکم ورحمۃ اللہ وبرکاتہ!
َاللّٰھُمَ صَلِّ عَلیٰ سَیِّدِنَا مُحَمَّدٍ وَّبَارِکْ وَصَلِّ وَسَلِّم عَلَیْہ… اللہ تعالیٰ کا شکرہے… بے حد شکرکہ ہم کمزوروںکوحضرت محمد صلی اللہ علیہ وسلم سے نسبت عطاء فرمائی ہے.… حضرت آقا مدنی صلی اللہ علیہ وسلم کے ہم پر بے شمار احسانات ہیں… آج کل جو مبارک دن چل رہے ہیں… ان دنوں کی فضیلت، قیمت اور اہمیت کا راز ہمیں کس نے سمجھایا؟… آج کل جب اعمال کرتے ہیں تو یہ سوچ کر وجد طاری ہوجا تا ہے کہ… ان دنوں کے نیک اعمال ہمارے رب، اللہ تعالیٰ کو زیادہ اچھے لگتے ہیں … اب روزے میں بھی خاص مزا اور ہرعبادت میں خاص لطف… وفادار، باحیاء بیوی کو پتہ چل جائے کہ میں فلاں کپڑوں میں خاوندکو اچھی لگتی ہوں… تب وہ کیاکرتی ہے؟… ارے! مالک اور بندے کا عشق تو اس سے بہت بڑھ کر ہے… حضرت آقا صلی اللہ علیہ وسلم کا احسان کہ ہمیں محبت کے راز سمجھا دئیے… ان احسانات کا بدلہ تو ادا نہیں ہو سکتا… مگر درود و سلام کے ذریعہ … رسول صلی اللہ علیہ وسلم کے احسانات پراللہ تعالیٰ کا شکر ادا کرنے کی کوشش کی جاسکتی ہے… فیس بک والے فخرکر رہے ہیں کہ پچھلے ہفتے ایک کروڑ افراد نے روزانہ ان کی سائٹ کو’’ہٹ‘‘ کیا… ارے! درود وسلام کے ذریعہ روزانہ کروڑوں، اربوں بار ہمارے آقا صلی اللہ علیہ واٰلہ وسلم کے روضٔہ اطہر اور روح مبارک سے عاشق رابطہ کرتے ہیں …کوئی ہے جو مقابلہ کرسکے؟… اے عاشق محمد صلی اللہ علیہ واٰلہ وسلم!… ذوالحجہ کا عشرہ ہے اور مغرب سے جمعہ شریف بھی… اس بارتو مقابلۂ حسن ایسا سجائیں کہ عشق کے ماتھے پر پسینہ آجائے۔
والسلام
خادم
لاالہ الااللہ محمدرسول اللہ
(عشرہ ذوالحجہ، مقابلۂ حسن)
18/09/2015
مکتوب خادم
السلام علیکم ورحمۃ اللہ وبرکاتہ!
اللہ تعالیٰ رحم فرمائے… قیامت کابھاری دن آنے والاہے… یَوْماً ثَقِیْلاً… اے عزیز بھائیو! دنیا میں نہ پھنسو… دنیا میں نہ پھنسو… اپنے عہد اور قرار کو یاد رکھو… تم نے جان بیچ دی… اب اس سودے کو نہ توڑو… آج جمعہ ہے… عصرکے بعد اپنے رب کے سامنے ہاتھ پھیلادو…کام میں جوغفلت ،سستی کی اس پر سچی معافی مانگ لو… تیسری مہم ہے کہ ہدف کے قریب بھی نہیں پہنچتی… وجہ یہ کہ ہم نے وقت دیناکم کردیا… حالانکہ یہ خیانت ہے… ہم دنیاداری میں پھنس گئے، حالانکہ یہ ذلت ہے… اور ہماری مجالس میں ذکر،فکرآخرت کی جگہ غیبت آگئی… جوعذاب ہے، نجاست ہے… آج سچی توبہ… پکی توبہ… اور مہم کی طوفانی محنت کا عزم۔
والسلام
خادم
لاالہ الااللہ محمدرسول اللہ
(قربانی مہم میں کمزوری کی وجوہات)
19/09/2015
مکتوب خادم
السلام علیکم ورحمۃ اللہ وبرکاتہ!
اللہ تعالیٰ کا شکر ہے… اس جمعہ درودوسلام کا ’’مقابلۂ حسن‘‘ بہت خاص رہا… مبارک ہو ان کو جنہوں نے یہ خاص موقع کما لیا…کشمیر کی طرف جانبازوں نے اصل مقابلہ جیت لیا… پانچ نے شہادت کا تاج پایا اورکئی پیارے ’’زخموں‘‘ سے چورہوئے… اللہ تعالیٰ انہیں شفائے کاملہ اور دوبارہ ’’میدان حسن‘‘ عطاء فرمائے… ابھی ایک ہفتہ پہلے ہی’’ اٹک‘‘ میں ایک دولھے کی بارات اٹھی… ان کے والدین کو سلام عقیدت… نفل قربانی کی تقسیم شروع ہے… شہدائے کرام کے اہل خانہ سے تقسیم کا آغاز ہوا… اور پھر دور دورکی جیلوں میں اسیر… اللہ والے… اور پھر وہ جنہیں اوپر سے جھانک جھانک کر دیکھا جاتا ہے… جنہوں نے جماعت میں نفل قربانی دی انہوں نے بڑی سعادت پائی… انشاء اللہ۔
والسلام
خادم
لاالہ الااللہ محمدرسول اللہ
(ساتھیوں کی شہادت/قربانی مہم)
20/09/2015
مکتوب خادم
السلام علیکم ورحمۃ اللہ وبرکاتہ!
اللہ تعالیٰ ہمیں اخلاص والی ’’قربانی‘‘ نصیب فرمائیں…گوشت مقصود نہیں، اللہ تعالیٰ کی رضا مقصود ہے… گوشت پورا سال مل سکتا ہے اور ملتا ہے… مگر قربانی کی یہ عظیم عبادت صرف عید کے تین دن میں ادا ہو سکتی ہے… عیدکے علاوہ آپ روزانہ سو جانور ذبح کریں، صدقہ کریں… وہ عیدکے دن کے ایک بکرے، دنبے کے برابر نہیں ہو سکتے.…عید پرگوشت شوق سے کھائیں… اللہ تعالیٰ کی طرف سے دعوت ہے… مگرگوشت کو مقصد نہ بنائیں…گوشت کی زیادہ فکر میں نہ پڑیں… گوشت کی وجہ سے جھگڑے نہ ڈالیں… اورگوشت بچانے کی حرص نہ کریں… یہ بڑا اہم سبق ہے … قربانی بڑی محبوب عبادت ہے۔
والسلام
خادم
لاالہ الااللہ محمدرسول اللہ
(قربانی میں گوشت مقصود نہیں)
21/09/2015
مکتوب خادم
السلام علیکم ورحمۃ اللہ وبرکاتہ!
اللہ تعالیٰ سے اپنے لئے اور آپ سب کے لئے ’’ ایمان کامل‘‘ اور اخلاص کا سؤال ہے… اللہ تعالیٰ کی شان جوادی دیکھیں!… ان دنوں کا ہر روزہ ایک سال کے روزوں کے برابر… اور 9ذی الحجہ کا روزہ دو سال کے گناہوں کی مغفرت کا ذریعہ… قربانی کے بارے میں دوکیفیات ہیں… پہلی یہ کہ… وہ منظر یاد کیا، جب سیدنا ابراہیم علیہ السلام اپنے لخت جگرکو اللہ تعالیٰ کے لئے ذبح کرنے لے جاتے ہیں… پھراسی جذبے سے اچھی قربانی خریدی… اوراب ہرنماز کے بعد دھڑکتے دل سے دعاء ہے کہ… یااللہ! قربانی قبول فرما… عیدکے دن آنکھوں میں آنسو، دل میں خوف اور امید… نظر اس پر کہ کب خون کا قطرہ زمین پرگرے تو گناہ معاف ہوں… اور پھر شکر، شکر اور خوشی… دوسری کیفیت یہ کہ… بد دلی سے قربانی لی… زیادہ فکر یہ کہ سستی ملے،کچھ مال زیادہ بچ جائے… اب گوشت کی فکر ہے… فریج صاف کرو… پڑوس میں پتاکروکس کس کے گھر میں گوشت کے شاپر فریزکرسکتے ہیں… دل میں منصوبے کہ گوشت کس طرح بچانا ہے…کس کس سے چھپانا ہے…کس کس سے خطرہ ہے کہ وہ زیادہ لے اڑے گا…کیسے پکانا ہے وغیرہ… بھائیو اور بہنو! اللہ تعالیٰ کی رضا پانے کاکیسا سنہری موقع شیطان ضائع کراتا ہے… اس منحوس کو بتائیں کہ… آج بھی دو ہزارکا پانچ کلو گوشت فریج میں بھر سکتا ہوں… قربانی تو محبوب کا قرب پانے کے لئے ہے۔
والسلام
خادم
لاالہ الااللہ محمدرسول اللہ
(قربانی کے بارے میں دوکیفیات)
22/09/2015
مکتوب خادم
السلام علیکم ورحمۃ اللہ وبرکاتہ!
اللہ تعالیٰ کا شکر ہے کہ… نفل قربانی کی مہم کامیاب فرمائی… اب تک الحمدللہ تقریباً اٹھارہ سو قربانیاں جمع اور تقسیم ہوچکی ہیں… مہم میں دو دن باقی ہیں… اہل دل مزید محنت کرلیں… اللہ تعالیٰ کا شکر ہے کہ… اپنے فضل سے لاہور والے کئی ساتھیوں کو باعزت رہائی عطاء فرمائی… ان میں جماعت کے مرکزی ساتھی بھی شامل ہیں… ان سب کو رمضان کی مبارک گھڑیاں، عیدالفطر اور جوانی کے قیمتی لمحات… جیل اور قید میں گزارنا مبارک ہو… دنیا میں جو اللہ تعالیٰ کے لئے جتنا قید ہے وہی آخرت میں کھلم کھلا آزاد ہے… ایسی آزادی اور ایسی بڑی بادشاہت جوکبھی ختم نہ ہوگی… اللہ تعالیٰ کے راستے کے قیدی، باپردہ گھر بیٹھی مسلمان خواتین… دین کی خاطر پابندیوں میں جکڑے اہل ایمان… خود کو شریعت کی پابندیوں میں جکڑ کر رکھنے والے صالحین… اور رباط وجہاد میں رکے ہوئے جانباز… یہ وہ پابند قیدی ہیں… جو دنیا میں اپنی آزادی قربان کرتے ہیں… اورمرتے ہی ایسے آزاد ہوتے ہیں کہ… سُبْحَانَ اللّٰہِ وَبِحَمْدِہٖ، سُبْحَانَ اللّٰہِ الْعَظِیْمِ…گرفتاری سے رہا ہونے والے دین کے یہ دیوانے… امید ہے کہ اب پہلے سے بھی زیادہ پرعزم اور پرجوش محنت کریں گے… ان شاء اللہ… وہ مسلمان جن کے پاس اس سال ’’قربانی‘‘کی استطاعت نہیں… وہ غم نہ کریں… خودآپ کی یہ فقیری آپکی قربانی اورآپکی دولت ہے… غریب ایمان والے حوض کوثر پربھی پہلے جائیں گے… اورجنت میں بھی… اورکیا چاہیے؟۔
والسلام
خادم
لاالہ الااللہ محمدرسول اللہ
(قربانی مہم/ساتھیوں کی رہائی)
23/09/2015
مکتوب خادم
السلام علیکم ورحمۃ اللہ وبرکاتہ!
اَللّٰہُ اَکْبَرْ، اَللّٰہُ اَکْبَرْ، لَااِلٰہَ اِلَّا اللّٰہُ وَاللّٰہُ اَکْبَرْ اَللّٰہُ اَکْبَرْ، وَلِلّٰہِ الْحَمْدُ… میدان عرفات میں ’’حجاج کرام‘‘ جمع ہوگئے… یااللہ! سب مسلمانوں کا جو ابھی عرفات میں ہیں… حج قبول فرما… اسلام کی فتح، مجاہدین کی قربانیاں کہ… حج بیت اللہ 1426 سال سے جاری ہے… وہاں مشرکین کا مضبوط قبضہ تھا…۸ ہجری میں حضرت آقا مدنی صلی اللہ علیہ واٰلہ وسلم نے جہاد فی سبیل اللہ کے ذریعہ مکہ فتح فرمایا… تمام آئمہ اورمورخین کا اتفاق ہے کہ مکہ مکرمہ تلوار سے فتح ہوا… جو لوگ جہاد کے منکر اور مخالف ہیں… جوجہاد کے دشمن ہیں، وہ کس منہ سے مکہ مکرمہ جاتے ہیں؟… اے وقوف عرفہ میں مشغول عاشقو!… مجاہدین کے لئے دل کھول کر دعائیں کرو… صوبہ خیبر میں آج سے اور باقی ملک میں کل سے… ہر فرض نمازکے بعد ایک بار تکبیرکا عمل واجب ہے…گھروں میں خواتین سے پابندی کرائیں… اَللّٰہُ اَکْبَرْ، اَللّٰہُ اَکْبَرْ، لَااِلٰہَ اِلَّا اللّٰہُ وَاللّٰہُ اَکْبَرْ، اَللّٰہُ اَکْبَرْ، وَلِلّٰہِ الْحَمْدُ… میرا دل چاہتا ہے کہ ہر نماز کے بعد اگلی نماز تک کم ازکم ایک سوباریہ تکبیر پڑھنے کی مجھے توفیق مل جائے تاکہ… یہ عظیم نوردل میں اترجائے…یااللہ! توفیق عطاء فرما… ویسے اب تکبیرکا خاص موسم آگیا اور یہ عاشقوںکا ترانہ ہے… چلتے پھرتے… بازار میں،گھر میں… تکبیر بلندکریں… تکبیر ہی تکبیر… لیجئے! سب مل کر شروع کرتے ہیں… اَللّٰہُ اَکْبَرْ، اَللّٰہُ اَکْبَرْ، لَااِلٰہَ اِلَّا اللّٰہُ وَاللّٰہُ اَکْبَرْ، اَللّٰہُ اَکْبَرْ، وَلِلّٰہِ الْحَمْدُ… جن ساتھیوں کو وقف نفلی قربانیاں ملی ہیں… وہ چاندکے جھگڑے کی وجہ سے احتیاطاً جمعہ کو یہ قربانی کریں۔
والسلام
خادم
لاالہ الااللہ محمدرسول اللہ
(قربانی مہم/تکبیرات تشریق)
24/09/2015
مکتوب خادم
السلام علیکم ورحمۃ اللہ وبرکاتہ!
اللہ تعالیٰ امت مسلمہ کو دارین کی خوشیاں عطاء فرمائیں… جن کی آج عید ہے ان کوآج اور جن کی کل عید ہے ان کو پیشگی… عید مبارک… تَقَبَّلَ اللّٰہُ مِنَّا وَمِنْکُمْ… ان اہل وفاکوسلامِ عقیدت جو ان ایام میں بھی… مقابلۂ حسن جمائیںگے… عید کے دن تمام نمازوں میں تکبیر اولیٰ کا اہتمام کریں گے… اور یہ یقین ساتھ لے کر چلیںگے کہ… مؤمن کی خوشی اللہ تعالیٰ کی فرمانبرداری میں ہے… مکتوبات کا دس روزہ سلسلہ… اختتام کو پہنچا… وَالْحَمْدُ لِلّٰہِ…
والسلام
خادم
لاالہ الااللہ محمدرسول اللہ
(عید مبارک)
24/09/2015
مکتوب خادم
السلام علیکم ورحمۃ اللہ وبرکاتہ!
اللہ تعالیٰ ہر اس مومن سے راضی… جواللہ تعالیٰ سے راضی… یااللہ! ہم آپ کے عاجزبندے آپ کی تقدیر پر… اورآپ کے ہر حکم پر راضی ہیں…آپ نے ہمیں ایمان عطاء فرمایا… اپنے حبیب صلی اللہ علیہ واٰلہ وسلم کی امت میں سے بنایا… ہماری پیشانی کو صرف اپنے سامنے جھکایا… یااللہ! ہم سے راضی ہو جائیے…آپ سب سے بڑے، ہم بہت چھوٹے… ہمیں آپ’’ عیدی‘‘ دے دیجیے… بہت ساری عیدی… اپنی عظیم اور رحیم شان کے مطابق عیدی… مغفرت، معافی، ایمان کامل، حسن خاتمہ، مقبول شہادت… عافیت، اپنا فضل اوربہت سی عیدی… آپ کے خزانوں میں کوئی کمی نہیں… یااللہ! عیدی… دل کا سکون اور سکینہ، شکر کی توفیق… اور آپ کی مغفرت… اور جب آپ سے ملاقات ہو تو… معافی، ستاری اور رحم… یااللہ! عیدی… یااللہ! امت مسلمہ کو ایمان، غلبہ، قوت، شوکت اور آزادی عطاء فرما دیجئے… اسیران اسلام کو باعزت رہائی… محاذوں پر ڈٹے مجاہدین کو اپنی نصرت… حجاج کرام کو حج مبرور… بیماروں کوشفاء… اور دکھی دلوں کوسکینہ… یااللہ! عیدی… اس سال ہم بہت سے افراد تک قربانی نہ پہنچا سکے…آپ کو ہماری نیت کا علم ہے… ان سب کو پہلے سے زیادہ فراخی اور عیدی عطاء فرما دیجئے… یااللہ! ہماری جماعت… غریبوں، فقیروں، مسکینوں کی جماعت ہے… جماعت کے ہر مخلص ساتھی کو رزق حلال وافر عطاء فرما دیجئے… حرام سے بچا لیجئے… یااللہ! شہداء اوراسیروںکی جماعت ہے… اسے آپ عیدی دے دیجئے… اس کے کام کو قیامت تک چلادیجئے… اور اسے اپنی رضا والی جماعت بنا دیجئے… یااللہ! اس عید پر خاص عیدی، یااللہ! ،یااللہ!۔
والسلام
خادم
لاالہ الااللہ محمدرسول اللہ
(یااللہ! عیدی دیدیجئے)
28/09/2015
مکتوب خادم
السلام علیکم ورحمۃ اللہ وبرکاتہ!
اللہ تعالیٰ کا شکر ہے…اَلْحَمْدُ لِلّٰہِ رَبِّ الْعَالَمِیْنَ… جماعت کے زیر انتظام اس سال کل چھ ہزار ایک سو تیئیس (6123) قربانیاں ہوئیں… ان میں سے(2548 )نفل قربانی… اور(3575) اجتماعی قربانیاں شامل تھیں… الحمدللہ بہت منظم اور محتاط ترتیب کے ساتھ تمام قربانیاں اپنے وقت پرادا ہوگئیں… ماشاء اللہ!عبادت ہی عبادت اورخدمت ہی خدمت… اجتماعی قربانی کے ذریعہ بھی مسلمانوں کی خدمت ہوئی… ایک اہم عبادت اور واجب ادا کرنے میں ان کے ساتھ تعاون ہوا… اورنفل قربانی کا تو پورا نظام ہی ایسادلکش رہاکہ… دل اورزبان شکرسے لبریزہیں… ماشاء اللہ! بہت دوردورتک قربانی پہنچی… حتٰی کہ سرینگر جیل تک… اور پہاڑوں، صحراؤں میں ڈٹے غازیوں تک بھی… جماعت نے ایک ہاتھ سے لیا اور دوسرے ہاتھ سے تقسیم کردیا… دینے والوں کی بھی خدمت اور لینے والوں کی بھی خدمت… بے شک ’’اجتماعیت‘‘ میں اس امت کے لئے کامیابی رکھ دی گئی ہے… حالات نامساعد تھے، حکمران خصوصاً وفاق اور پنجاب میں بد ترین ہیں… ریاستی جبربھی جاری رہا…کھالوں کی مہم میں چھاپوں اور خوف کا ماحول بنایاگیا… مگر’’ اللہ‘‘ ایک ہے…حَسْبُنَا اللّٰہُ وَ نِعْمَ الْوَکِیْلُ… الحمدللہ دیوانے ڈٹے رہے… حکومت کی بھول ہے کہ جہاد ختم ہوجائے گا… اس محکم، قطعی، الہٰی فریضے کا ختم ہونا تو ناممکن ہے… البتہ حکومت کا یہی انداز رہا تو… بند ٹوٹ جائیں گے اور بہت کچھ بہہ جائے گا… دھمکی نہیں دے رہا، وہ حقیقت بتارہا ہوں جس کی صداقت پر چودہ صدیاں گواہ ہیں۔
والسلام
خادم
لاالہ الااللہ محمدرسول اللہ
(قربانی مہم)
01/10/2015
مکتوب خادم
السلام علیکم ورحمۃ اللہ وبرکاتہ!
اَللّٰہُ الصَّمَدُ… جمعہ شریف آرہے ہیں… مقابلۂ حسن… ان پر درود و سلام کی کثرت جنہوں نے پیٹ پر پتھرباندھ کرجہادکیا… جن کے گھر تین تین دن چولہا نہ جلا… مگر دین ہم تک پہنچایا… جن پر درود بھیجناعبادت ہے، رحمت ہے، بلندی ہے… جن کی شفاعت کے ہم سب محتاج… صلی اللہ علیہ وسلم، صلی اللہ علیہ وسلم…
والسلام
خادم
لاالہ الااللہ محمد رسول اللہ
(مقابلۂ حسن)
08/10/2015
مکتوب خادم
السلام علیکم ورحمۃ اللہ وبرکاتہ!
اللہ تعالیٰ ہماری’’زندگی‘‘ اور ہمار ے ہرکام کا’’ انجام‘‘ اچھا فرمائے… اَللّٰھُمَّ اَحْسِنْ عَاقِبَتَنَا فیِ الْاُمُوْرِکُلِّھَا … لیجیے! اسلامی ہجری سال کا اختتام آگیا… 1436ہجری کا آخری ہفتہ آج مغرب سے شروع ہو جائے گا… یہ ایک’’جلالی‘‘ سال تھا… جلالی سال وہ ہوتا ہے جس میں ایمان والوں پر بڑے حادثات آتے ہیں… اب اس جلالی سال کا اختتام اچھا ہواس کی ہم نے فکراوردعاکرنی ہے… کہیں ایسا نہ ہو کہ سال کا اختتام غفلت،گناہ اور بددینی پرہوجائے… اچھے اختتام کا آسان طریقہ یہ ہے کہ ہم توبہ اور استغفار میں لگ جائیں… روزانہ کم ازکم ایک ہزار سے تین ہزار بار استغفار… روزانہ کم ازکم تین آنسو ندامت کے… اپنے گناہوں پر شرمندگی کے… اور روزانہ کم ازکم تین منٹ محاسبہ اور مراقبہ کہ… ہم سیدھے جارہے ہیں یا ٹیڑھے؟… اوپرجارہے یا نیچے؟…آگے بڑھ رہے ہیں یا پیچھے؟… ہمارا جینا، مرنا، ہماری خوشی اور غم شریعت کے مطابق ہے یا نہیں؟… ہم موت کیلئے تیار ہیں یا نہیں؟… اس کے لئے سال کے اس آخری ہفتے میں ایک مبارک اور میٹھی مہم چلانی ہے… اس مہم میں خود ’’مغفرت‘‘کی طرف دوڑنا ہے… اورمسلمانوںکو مغفرت کی طرف بلانا ہے… اللہ تعالیٰ سے امید ہے کہ یہ مہم ہمارے اس سال کا ان شاء اللہ مبارک اختتام بن جائے گی… دین کے دیوانے نیت اورہمت باندھ لیں…کل اس مہم کاان شاء اللہ اعلان ہو گا… آج مغرب سے جمعہ شریف کا مقابلہ حسن آرہا ہے… اس میں دعاء مانگ لیںکہ یا اللہ نئی مہم میں ہم سے خوب اور مقبول کام لے لے۔
والسلام
خادم
لاالہ الااللہ محمد رسول اللہ
(اختتام سال۱۴۳۶ھ)
ترقی مہم
09/10/2015
مکتوب خادم
السلام علیکم ورحمۃ اللہ وبرکاتہ!
اللہ تعالیٰ’’ترقی‘‘ عطاء فرمائے… تنزلی سے بچائے… ترقی یہ ہے کہ جیسے عمر بڑھتی جائے، اللہ تعالیٰ سے محبت بھی بڑھتی جائے … نیک اعمال میں اضافہ ہوتاجائے… موت کا شوق اوراس کی یاد بڑھ جائے اوردنیا سے محبت کم ہوتی جائے… اور تنزلی یہ کہ عمرکے بڑھنے کے ساتھ… حرص بڑھتی جائے، دنیاکے شوق بڑھتے جائیں… اورنیک اعمال میں کمزوری آتی جائے… آج عصرکی نمازکے بعد سے جوآٹھ روزہ مہم شروع ہو رہی ہے… اس کا نام ہے’’ترقی مہم‘‘… اس مہم میں بس تین کام ہیں…(1)خود زیادہ سے زیادہ استغفار… ہم خود ٹھیک ہوںگے توسب کچھ ٹھیک ہوگا… تمنا، خواہش اور دعاء ہے کہ ہم ان آٹھ دنوں میں روزانہ کم ازکم تین ہزار بار استغفارکا معمول رکھیں… اورکم ازکم ندامت کے تین آنسو اپنے گناہوں اور اپنے تنزل کو دیکھ کر…کہاں وہ وقت کہ دل میں فداء ہونے کا جذبہ اور کہاں یہ وقت کہ گردن تک دنیاکی فکراورخواہش میں دھنسے ہوئے ہیں… مہم کا پہلاکام… سچااستغفار،کثیراستغفار، دل سے استغفار…(2) ہرساتھی کم ازکم دس افراد تک’’الیٰ مغفرۃ‘‘ کتاب پہنچائے …اس کتاب کے عجیب فوائد اوراثرات الحمدللہ سامنے آرہے ہیں… یہ عمل آپ کے لئے بڑا صدقہ جاریہ ہوگا… (3) ہر ساتھی کم ازکم دس نئے افراد کو القلم کا خریدار بنائے… یہ اخبار جہاد، دعوت، اجتماعیت اورعلم کا خزانہ ہے… آج عصرکے بعد جمع ہوں، دعاء مانگیں، عزم کریںاور پھر ’’ترقی‘‘ پانے کی جان توڑ محنت شروع کردیں۔
والسلام
خادم
لاالہ الااللہ محمد رسول اللہ
(ترقی مہم)
10/10/2015
مکتوب خادم
السلام علیکم ورحمۃ اللہ وبرکاتہ!
اللہ تعالیٰ کو ہم سب نے’’حساب‘‘ دینا ہے… اپنی عمرکا، جوانی کا، مال کا، علم کا… یہ بڑا مشکل کام ہے… اگرچوبیس گھنٹے کا حساب بھی باریکی سے لیاگیا تو مارے جائیںگے… اس مشکل سے بچنے کے دو طریقے ہیں…(1)استغفار… (2) محاسبہ… محاسبہ کہتے ہیں… اپنا حساب لینے کو… اس کا ثبوت قرآن مجید سے ہے… وَلْتَنْظُرْ نَفْسٌ مَّا قَدَّمَتْ لِغَدٍ… ہر شخص یہ دیکھے کہ اس نے کل کے لئے کیا بھیجا ہے…کل یعنی قیامت، آخرت… فرمایا کہ یہ دیکھتے رہو کہ تم نے دنیا میں رہتے ہوئے آخرت کے لئے کیا بھیجا ہے؟… جواپنا حساب اور محاسبہ کرتے رہتے ہیں وہ ہمیشہ’’ترقی‘‘ پاتے ہیں … پھر محاسبہ میں جو گناہ،کوتاہیاں اورکمزوریاں نظر آئیں… ان پر خوب استغفار… جب ’’استغفار‘‘ ہوگا تو دل کھلے گا، دماغ کھلے گا، قسمت کھلے گی…گناہ کا پہلا نقصان دماغ کو ہوتا ہے…گناہ انسان کو بے عقل، بے وقوف اور نا سمجھ بنا دیتا ہے… جب’’استغفار‘‘آتا ہے تو عقل ٹھیک ہوتی ہے اور اچھے اور برے کو پہچان سکتی ہے… اس لئے ترقی مہم میں پہلا کام…کثرت استغفار، سچااستغفار آنسو اورندامت والااستغفار… استغفارآئے گا تو ہم خود بھی جہادکی حقیقت سمجھ سکیں گے اور دوسروںکو بھی سمجھا سکیں گے…کل جو’’ترقی مہم‘‘ کا تین نکاتی نصاب لکھا ہے… وہ بہت دعاء، استخارہ اور توجہ سے آیا ہے… جو قدرکرے گا وہ خوداس کا فائدہ دیکھ لے گا، ان شاء اللہ۔
والسلام
خادم
لاالہ الااللہ محمد رسول اللہ
(ترقی مہم)
11/10/2015
مکتوب خادم
السلام علیکم ورحمۃ اللہ وبرکاتہ!
اللہ تعالیٰ’’ترقی مہم‘‘کو ہم سب کے لئے مستقل’’ایمانی ترقی‘‘ کا ذریعہ بنائے… اس مہم کا تین نکاتی نصاب ہے…(1) ہر ساتھی خود زیادہ استغفارکرے، کم ازکم روز تین ہزار بار… سچا استغفار… (2) ہرساتھی دس افراد تک’’الیٰ مغفرۃ‘‘پہنچائے…(3 ) ہرساتھی’’القلم‘‘کے دس نئے مستقل خریدار بنائے… جو ان تینوں نکات پرعمل کرے گا وہ اس مہم کی مکمل برکات پائے گا، ان شاء اللہ… جماعت کی خواتین بہنوں کے لئے بھی یہی تین کام ہیں… وہ اپنے پڑوس و اقارب کی خواتین میں یہ محنت چلائیں… یہ مبارک مہم ’’انفرادی ملاقاتوں‘‘کی ایک طوفانی محنت ہے…گھر سے باوضو، استغفار کرتے ہوئے، روتے ہوئے نکلیںاوراپنے مسلمان بھائیوں سے… محبت اور درد سے ملیں… پہلے ان کو اپنا جماعتی نصاب سنائیں… کلمہ طیبہ، اقامت صلٰوۃ، جہادفی سبیل اللہ… یہ عظیم کلمہ جس سے ابامہ، مودی اور سارے یہودی محروم… اللہ تعالیٰ کی سب سے عظیم، قیمتی اور بھاری نعمت ہے… چاند پر چلنا، سورج کو پکڑنا، مریخ پراترنا اس نعمت کے مقابلے میں ایک قطرے کے برابر بھی نہیں.… نماز ایک مسلمان کی زندگی کا سب سے اہم، ضروری اور مفیدکام ہے… حضرت آقا مدنی صلی اللہ علیہ وسلم احدکے میدان میں زخمی کھڑے ہیں… انکو جہاد میں زخمی دیکھ کر بھی کسی کوجہاد سمجھ نہ آئے تو کتنی بڑی محرومی ہے… اخلاص اوردردکے ساتھ یہ دعوت دیکر… ’’الیٰ مغفرۃ‘‘ کا تعارف کرائیں…’’القلم‘‘کی شان سنائیں… اس دوران اپنے دل سے اللہ، اللہ، اَسْتَغْفِرُاللّٰہَ پڑھتے رہیں… بس یہ ہے’’ ترقی مہم‘‘ … یااللہ! شرح صدرعطاء فرمادے۔
والسلام
خادم
لاالہ الااللہ محمد رسول اللہ
(ترقی مہم)
12/10/2015
مکتوب خادم
السلام علیکم ورحمۃ اللہ وبرکاتہ!
اللہ تعالیٰ’’غنی‘‘ہے… اگر ہم جہاد نہیںکریںگے تو اسے کیا پرواہ؟… وہ ہماری جگہ دوسرے افرادکو اس مبارک کام پر لے آئے گا… کوئی فخر نہ کرے… اپنے چندے گنوانا… اپنی خدمات جتلانا… تھوڑی سی قید، زخم یا مشقت آجائے تو… چیخ چیخ کر بے صبری سے اپنے تمام اعمال کو ضائع کردینا… یہ اہل وفاکا شیوہ نہیں، اہل اخلاص کا طریقہ نہیں… دین حق پرحضرات انبیاء علیہم السلام تک نے اپنی قیمتی جانیں دے دی… ان کوآروں سے کاٹا گیا… ان کے گوشت کو لوہے کی زنبوروں سے نوچاگیا… بھائیو! اپنے گناہوں پر استغفار… صرف’’زبان‘‘کے گناہ ہی یادکرنے بیٹھو تو چیخیں نکل جائیں… جھوٹ، غیبت، چغلی، طعنے، تنقید، فخر، کلمات کفر، بے حیائی… یہ چھوٹی سی زبان کے چندگناہ ہیں… خوش نصیب ہیں وہ جو اپنے ایک ایک گناہ کو یادکرکے روتے ہیں… اور غفلت میں ہیں وہ جن کواپنے گناہ نظر نہیں آتے… دنیا میں بڑی جنگ شروع ہوچکی ہے… اس جنگ میں وہی مسلمان اپنا دین اورایمان بچاسکے گا… جس میں لڑنے، مرنے کاجذبہ ہوگا… اس لئے جہاد بھی فرض ہے اوردعوت جہاد بھی فرض ہے… اور پھر لڑنے، مرنے والے مجاہدین میں بھی وہی کامیاب ہوگا… جو اخلاص، امانت اورشریعت پرہوگا… اس لئے دوکام ضروری ہوئے… پہلا یہ کہ امت کواورخودکو جہاد پر لانا ہے… جہادکے بغیر ذلت ہے، ایمان کو خطرہ ہے… دوسرا یہ کہ مجاہدین کو اخلاص، امانت اور شریعت پررکھنا ہے تاکہ… جہاد قبول ہو، مقبول ہو۔
والسلام
خادم
لاالہ الااللہ محمد رسول اللہ
(ترقی مہم)
13/10/2015
مکتوب خادم
السلام علیکم ورحمۃ اللہ وبرکاتہ!
اللہ تعالیٰ قیامت کے خوفناک دن ہمیں خوف، ذلت اور شرمندگی سے بچائے… جو توبہ، استغفار اور تلافی نہیں کرے گا… وہ قیامت کے دن اپنے گناہوں کے ساتھ بڑی عبرتناک حالت میں ہو گا…کچھ ایسے ہوں گے جن کی شرمگاہیں ان کے چہرے پر ہوں گی…یہ وہ جنہوں نے بدکاریاں کیں اور ان سے توبہ نہیں کی…اور ان پر اللہ تعالیٰ سے معافی نہیں مانگی…کچھ ایسے ہوں گے جن کے سروں اور کاندھوں پر خیانت کا مال اور خیانت کے جانور سوار ہوں گے…کچھ ایسے ہوں گے جن کے گلے میں وہ زمینیں اور پلاٹ طوق ڈالے ہوں گے جو انہوں نے ناجائز قبضہ کئے تھے… یااللہ! آپ کی پناہ… ’’تفسیرعزیزی‘‘ میں مجرموں اورگناہ گاروں کی آٹھ صفیں بیان کی گئی ہیں… جو قیامت کے دن اپنے گناہوں کے ساتھ ذلت میں ہوںگے… خود قرآن مجید نے قیامت کے خوفناک نقشے بیان فرمائے ہیں… اے مسلمانو! یہ سب کچھ بر حق ہے… یہ سب کچھ ضرور ہونا ہے…آج الحمدللہ توبہ کا دروازہ کھلا ہے… اور ہمارا رب’’غفار‘‘ہے… ’’غفار‘‘کے معنی… اَلَّذِیْ یَغْفِرُالذُّنُوْبَ وَاِنْ کَانَتْ کَبِیْرَۃً وَیَسْتُرُالْعُیُوْبَ وَاِنْ کَانَتْ کَثِیْرَۃً…یعنی جو گناہوں کو بخشتا ہے اگرچہ گناہ کبیرہ ہوں اور عیبوں کو چھپاتا ہے اگرچہ وہ بہت زیادہ ہوں… اس غفوراورغفار رب نے شاہی اعلان جاری فرما دیا ہے…’’اے اپنی جان پر ظلم کرنے والو! میری رحمت سے مایوس نہ ہو… اللہ تعالیٰ سارے گناہ معاف فرماتا ہے‘‘… سُبْحَانَ اللّٰہ! ہرگناہ کی معافی کا دروازہ کھلا ہے…بس سچے، پکے اور کھرے استغفار کی ضرورت ہے…یااللہ! معاف فرما،یااللہ!۔
والسلام
خادم
لاالہ الااللہ محمد رسول اللہ
(ترقی مہم/ اللہ تعالیٰ’’غفار‘‘ہیں)
13/10/2015
مکتوب خادم
السلام علیکم ورحمۃ اللہ وبرکاتہ!
اللہ تعالیٰ ہمارے اوقات میں برکت عطاء فرمائیں… آج حجاز میں 30 ذی الحجہ ہے… وہاں آج مغرب سے نیااسلامی ہجری سال شروع ہو جائے گا… جبکہ ہمارے ہاں آج 29 ہے… امکان ہے کہ کل مغرب سے نیاسال اورنیا مہینہ شروع ہو… معمولات واستقبال کے لئے ہوشیار اورباخبر رہیں… زندگی کے اوقات ناپ ناپ کر، ماپ ماپ کرگزاریں کیونکہ یہ قیمتی سرمایہ ہے۔
والسلام
خادم
لاالہ الااللہ محمد رسول اللہ
(استقبال سال جدید کی تیاری)
14/10/2015
مکتوب خادم
السلام علیکم ورحمۃ اللہ وبرکاتہ!
اللہ تعالیٰ کا شکر ہے… ہمارا چاند بھی’’حجازی‘‘ہوا… حکومت نے چاند ہونے کا اعلان کردیا ہے… یکم محرم شروع ہوا… مسنون دعائیں ومعمولات یاد رہیں۔
والسلام
خادم
لاالہ الااللہ محمد رسول اللہ
(استقبال ماہ جدید)
14/10/2015
مکتوب خادم
السلام علیکم ورحمۃ اللہ وبرکاتہ!
اللہ تعالیٰ ہم سب کو’’مغفرت‘‘عطاء فرمائے… کتنے بے شمار گناہ ہمارے کندھوں پر سوار رہتے ہیں… مگر شیطان ہمیں ان کا احساس نہیں ہونے دیتا… دوسری طرف دل اتنے سخت ہو گئے کہ ندامت کے چار آنسو ٹپکانا بھی مشکل… دین کے کام پر اجرت،تنخواہ یا وظیفہ لیناجائزنہیں… ان لوگوں کے لئے بڑی سخت وعید اور سزا ہے جو اپنے دین کو دنیا کے بدلے بیچتے ہیں… مگر اسلامی حکومت نہ رہی… ریاستی بیت المال نہ رہا تو اہل علم نے تنخواہ اور وظیفے کی اجازت دے دی… اورساتھ یہ سمجھادیا کہ یہ دین کے کام کی تنخواہ نہیں بلکہ وقت دینے کا معاوضہ ہے… تب ایمان والوں نے ایسی احتیاط کی کہ… پورا وقت دینے میں ایک منٹ کی بھی خیانت نہ ہو… دینی سبق پڑھانے کے دوران ذاتی مہمان آگیا تو اس کے ساتھ جو چند منٹ گزرے وہ بھی لکھ لئے اور اپنے وظیفہ میں سے کٹوتی کرائی… ایسے اہل امانت کو اللہ تعالیٰ نے اپنی اونچی نسبتیں عطاء فرمائیں اور تھوڑی آزمائش کے بعد ان کے لئے رزق کے غیبی دروازے کھول دئیے… بے شک اہل امانت کو رزق کی کبھی تنگی نہیں آتی… وظیفہ لینا اور پھر وقت پورا نہ دینا کتنا سخت گناہ ہے؟ کیا کبھی دوآنسو اس گناہ کی معافی کے لئے ٹپکے؟ اور ایسے بے شمار گناہ ہمارے لئے سانپوں کی طرح پلتے رہتے ہیں… اگر توبہ، استغفار کامستقل معمول ہو اور اسے اپنی اہم ضرورت سمجھاجائے تو… ایک ایک گناہ سامنے آتا چلا جاتا ہے اور اس سے توبہ کی توفیق ملتی چلی جاتی ہے… اور پھر رب العالمین ان گناہوں کو بھی نیکیوں سے بدل دیتے ہیں۔
والسلام
خادم
لاالہ الااللہ محمد رسول اللہ
(استغفار اور امانت، ترقی مہم)
15/10/2015
مکتوب خادم
السلام علیکم ورحمۃ اللہ وبرکاتہ!
اللہ تعالیٰ اس سال کو’’امت مسلمہ‘‘کے لئے خیروبرکت کا موسم بنا ئے… 1437ہجری آج سے شروع ہو گیا…آج کی تاریخ یکم محرم الحرام 1437 ہجری بروز جمعرات… ایک مسلمان کی کوشش ہونی چاہئے کہ اسے روزانہ کی اسلامی ہجری تاریخ معلوم ہو… محرم کا مہینہ بھی حرمت یعنی احترام والے چار مہینوں میں سے ایک ہے… ان چار مہینوں کو اللہ تعالیٰ نے خاص حرمت عطاء فرمائی ہے … محرم، رجب، ذوالقعدہ، ذوالحجہ… حضور اقدس صلی اللہ علیہ وسلم نے محرم کو’’شَھْرُاللّٰہ‘‘یعنی اللہ تعالی کا مہینہ ارشاد فرمایا ہے… زمین پرحضرت آدم علیہ السلام کے تشریف لانے کے ساتھ ہی… محرم الحرام کی گودمیں’’فضائل‘‘جمع ہونا شروع ہو گئے… اسی مہینہ میں حضرت آدم علیہ السلام کی توبہ قبول ہوئی…فرعون اسی مہینہ میں غرق ہوا… اسی مہینہ میں حضرات انبیاء علیہم السلام کی بڑی بڑی نصرتیں ہوئیں… اوریہ اکثر واقعات 10محرم یعنی عاشوراکو پیش آئے… تاریخ اسلام کی دو بڑی’’شہادتیں‘‘ اسی مہینہ میں ہوئیں… حضرت سیدنا عمر بن خطاب رضی اللہ عنہ اورحضرت سیدنا حسین رضی اللہ عنہ… عاشوراء کے روزہ کی اسلام میں بڑی فضیلت ہے… بھائیو! جو نیکی کرتا ہے وہ اپنی جان پراحسان کرتا ہے کسی اور پرنہیں… تین ہزار استغفارمیں اتنا وقت بھی نہیں لگتا… جتنا شاہ رخ، سلمان اور عامرخان جیسے غلیظ اور ناپاک کافروں کی ایک فلم دیکھنے میں لگتا ہے… مگر لوگ فلم دیکھنے سے نہیں اکتاتے… نیک اعمال سے اکتا جاتے ہیں… یا اللہ! ہم سب مسلمانوں کو ہدایت عطاء فرمائے… آج مغرب سے جمعہ شریف کا’’مقابلۂ حسن‘‘یادرہے۔
والسلام
خادم
لاالہ الااللہ محمد رسول اللہ
(فضیلت محرم الحرام/استغفار، ترقی مہم)
16/10/2015
مکتوب خادم
السلام علیکم ورحمۃ اللہ وبرکاتہ!
اللہ تعالیٰ کا شکر ہے کہ… اس نے’’ترقی مہم‘‘ عطاء فرمائی… آج اس مہم کاآخری دن ہے…(1)آج عصر سے مغرب تک مسجد میں اعتکاف کریں… خواتین اپنے مصلیٰ پر… پورا وقت خوب استغفار… رو، روکر، بلک بلک کر استغفار، معافی، توبہ…(2) جماعت کے لئے اجتماعات کی جو ترتیب رنگ و نورمیں آئی تھی… تمام صوبے، اضلاع اور تحصیلیں کل اس کے نفاذکا عمل شروع کریں… مشورہ کریں… تاریخیں طے کریں، نگرانی کا طریقہ کار بنائیں… مرکزی شوریٰ کے اجلاس تک مکمل ترتیب بن جانی چاہئے… صوبائی منتظمین لکھی ہوئی ترتیب اجلاس میں ساتھ لائیں…(3) القلم کی محنت جاری رکھیں، خود بھی شوق سے لیں، پڑھیں اور عبادت و دعوت کے جذبہ سے اس اخبارکو چلائیں… بہت محرومی کی بات ہے کہ کسی کی غفلت سے ہزاروںمسلمان اس ایمانی، جہادی اور روحانی غذاکو ترستے رہیں…(4) حکومتی جبروستم سے نہ گھبرائیں، نہ ڈریں… ایمان، تقویٰ اورذکر کے ذریعہ اللہ تعالیٰ کی مدد ساتھ لیں… اگرکوئی ساتھی گرفتار ہو تو وہ ہمت، صبر اور استقامت کا مظاہرہ کرے… دین کے راستے کی آزمائشیں بہت کام آنے والی نعمتیں ہیں…(5) بندہ’’تکفیر‘‘کے معاملہ میں اللہ تعالیٰ سے ڈرتا ہے،کسی مسلمان کوکافرکہنے کا سوچ بھی نہیں سکتا…کل جن تین خبیثوں کو کافر لکھا… وہ اللہ تعالیٰ کی محبت میں ڈوب کر سچ لکھا… اوراس پر اللہ تعالیٰ سے اجراورمغفرت کا امیدوارہوں، جو مسلمان غورکرے گا وہ ضرور تصدیق کرے گا… اور جس کے دل میں اللہ تعالیٰ کی محبت ہو گی… وہ ان تینوں اوران جیسوں سے ضرور نفرت اورگھن رکھے گا۔
والسلام
خادم
لاالہ الااللہ محمد رسول اللہ
(ترقی مہم/ ہدایات متفرقہ)
22/10/2015
مکتوب خادم
السلام علیکم ورحمۃ اللہ وبرکاتہ!
اللہ تعالیٰ ہم سب کو اپنا شکرگزار بندہ بنائے … شکر ادا کرنے کا ایک بہترین طریقہ… یعنی شکرانہ یہ ہے کہ… اللہ تعالیٰ کی رضا کے لئے’’روزہ‘‘رکھا جائے… حضرت موسی علیہ السلام نے فرعون کے غرق ہونے اور قوم کوآزادی ملنے کا شکر… روزہ کے ذریعہ ادا فرمایا… حضرت نوح علیہ السلام نے بھی ’’عاشوراء‘‘کا روزہ شکرانے کے طور پر رکھا کہ… ان کو اور ایمان والوں کو نجات ملی… عاشوراء کے روزہ کی بڑی فضیلت ہے… یہ روزہ ایک سال کے گناہوں کا کفارہ ہے… حضرت آقا مدنی صلی اللہ علیہ وسلم اس روزہ کا بہت اہتمام فرماتے تھے… سب سے افضل یہ کہ تین روزے رکھے جائیں…نو، دس اورگیارہ محرم…اس کے بعد افضل یہ کہ دو روزے رکھے جائیں… نو اور دس محرم… ورنہ کم ازکم ’’عاشوراء‘‘ کا ایک روزہ رکھنے کی ہمت کی جائے کہ… یہ مبارک ومقدس دن سال میں ایک بار آتا ہے… روزہ، شکر ہے اور شکر سے ہر نعمت بڑھتی ہے اور روزے سے’’صبر‘‘ نصیب ہوتا ہے اورصبر کا اجروبدلہ بے حساب ہے…’’عاشوراء ‘‘اہل ایمان کے لئے فتوحات اور رحمتوں کا دن ہے… اور شہادت بھی بہت بڑی رحمت ہے کہ…اس سے انسان کو کامیابی اور راحت والی زندگی ملتی ہے… شہداء کے قاتل مرکھپ جاتے ہیں جبکہ… شہداء زندہ رہتے ہیں اورہردکھ اور ناکامی سے بچے رہتے ہیں … حضرت سیدنا حسین رضی اللہ عنہ اور ان کے رفقاء شہدائے کربلاکو سلام… مغرب سے نو محرم کا دن اور جمعہ شریف ایک ساتھ آرہے ہیں… روزہ اور مقابلۂ حسن۔
والسلام
خادم
لاالہ الااللہ محمد رسول اللہ
(عاشوراء کے فضائل)
29/10/2015
مکتوب خادم
السلام علیکم ورحمۃ اللہ وبرکاتہ!
اللہ تعالیٰ نے اپنے محبوب نبی حضرت محمد صلی اللہ علیہ وسلم کو بہت سی خصوصی نعمتیں عطاء فرمائیں… یہ’’خصوصی کمالات‘‘ آپ صلی اللہ علیہ وسلم سے پہلے کسی کو عنایت نہیں ہوئے… مثلًا فرشتوں کا آپ صلی اللہ علیہ وسلم اور آپ کی امت کے ساتھ مل کر جہاد میں لڑنا… جمعہ کا دن، اسکی خاص برکات اور اس میں قبولیت کی ساعت… یہ نعمت بھی صرف آپ صلی اللہ علیہ وسلم اور آپ کی برکت سے آپکی امت کو نصیب ہوئی…آج مغرب سے جمعہ شریف تشریف لا رہے ہیں … مقابلۂ حسن کے ذریعہ اپنی جھولیاں بھرلیں۔
والسلام
خادم
لاالہ الااللہ محمد رسول اللہ
(مقابلۂ حسن)
30/10/2015
مکتوب خادم
السلام علیکم ورحمۃ اللہ وبرکاتہ!
اللہ الباقی…اِنَّالِلّٰہِ وَاِنَّااِلَیْہِ رَاجِعُوْنَ…آج جمعۃ المبارک کا حسین دن جاتے جاتے اپنے ساتھ عالم اسلام کی ایک حسین شخصیت کو بھی لے گیا…عالِم ربانی، مجاہد حقانی حضرت مولانا ڈاکٹر سید شیر علی شاہ صاحب وفات پاگئے…اللہ تعالی نے ان سے اپنے دین کا بہت کام لیا…اللہ تعالیٰ ان کو اس کا بہترین بدلہ، مقامِ مغفرت اور مقامِ علیین عطاء فرمائے… امت مسلمہ اور حضرت کے اہل قرابت سے قلبی تعزیت ہے……کل بروز ہفتہ گیارہ بجے اکوڑہ خٹک میں نماز جنازہ ہے…جو شرکت کر سکتا ہو وہ اس سعادت سے محروم نہ رہے۔
والسلام
خادم
لاالہ الااللہ محمدرسول اللہ
(تعزیت حضرت ڈاکٹر شیر علی شاہ صاحبؒ)
05/11/2015
مکتوب خادم
السلام علیکم ورحمۃ اللہ وبرکاتہ!
اللہ تعالیٰ’’کم ہمتی‘‘ اور’’سستی‘‘ سے ہم سب کی حفاظت فرمائے… ایک مسلمان کے لئے لازم ہے کہ وہ’’سستی‘‘کو برا سمجھے، بیماری سمجھے، عیب سمجھے اور آفت سمجھے…کیونکہ ہمارے محبوب نبی حضرت محمد صلی اللہ علیہ والٰہ وسلم’’سستی‘‘ سے نفرت فرماتے تھے… پس ہمیں چاہئے کہ ’’سستی‘‘ سے بار بار اللہ تعالیٰ کی پناہ مانگیں… اور تو اور ہم نے خود حضرت آقا مدنی صلی اللہ علیہ واٰلہ وسلم کے حقوق میں کتنی غفلت اور سستی کر رکھی ہے… اب تو داڑھی منڈوانے اور کتروانے والوں کو احساس تک نہیں ہوتا کہ وہ کم و بیش ایک لاکھ چوبیس ہزار انبیاء علیہم السلام کی مبارک سنت سے بغاوت کررہے ہیں… جب سے دینداروں میں فوٹو، ویڈیو، موبائل، ٹی وی ٹاک شو اور فیس بک کی وبا آئی ہے تو… اب داڑھی کی دعوت دینے والے بھی بہت کم رہ گئے ہیں… الحمد للہ جمعہ رات اورجمعہ کے دن’’ مقابلۂ حسن‘‘بہت سے مسلمانوںکو’’حق‘‘ سے جوڑ رہا ہے… ’’محبوب‘‘ سے جوڑ رہا ہیں… ہم اس مخلصانہ مقابلے کی کارگزاری جمع نہیں کرتے… مگر جو کار گزاری خود بخود آجاتی ہے… اسے دیکھ کر دل خوشی سے جھوم اٹھتا ہے… کہیں بیس لاکھ درود شریف ،کہیں تیس لاکھ درود وسلام… بھائیو! اور بہنو! یہ’’ مقابلۂ حسن‘‘بڑی نعمت ہے… اس میں ترقی کریں… اَللّٰھُمَّ صَلِّ وَسَلِّمْ عَلٰی سَیِّدِنَا مُحَمَّد ۔
والسلام
خادم
لاالہ الااللہ محمد رسول اللہ
(کم ہمتی اور سستی سے نفرت/ مقابلۂ حسن)
حجامہ مہم
07/11/2015
مکتوب خادم
السلام علیکم ورحمۃ اللہ وبرکاتہ!
اللہ تعالیٰ ہم سب مسلمانوں کو’’صحت‘‘اور’’ شفاء‘‘ عطاء فرمائے…’’شفاء‘‘ اللہ تعالیٰ کی عظیم الشان نعمت ہے… شفاء کے لئے اللہ تعالیٰ نے انسانوں کو جو علاج سکھائے ہیں… ان میں سب سے افضل، بہترین اور مؤثر ترین علاج ’’ الحجامہ‘‘ ہے… ’’حجامہ‘‘ انسان کے جسم کو بیماریوں سے… انسان کی روح کو سستی اور غفلت سے اور انسان کے نفس کو شیطان کی آلودگیوں سے پاک کرتا ہے… ’’حجامہ‘‘ کے کٹ ’’جادو‘‘ کو کاٹ دیتے ہیں… اور انسان کے جسم میں بنے ہوئے شیطانی گھونسلوں کو چھید ڈالتے ہیں… ’’حجامہ‘‘ سے فرشتے خوش ہوتے ہیں اور شیطان گھبراتے ہیں… مبارک ہو بارہ نومبر سے’’سنت حجامہ‘‘ مہم‘‘آرہی ہے۔
والسلام
خادم
لاالہ الااللہ محمد رسول اللہ
(حجامہ مہم)
12/11/2015
مکتوب خادم
السلام علیکم ورحمۃ اللہ وبرکاتہ!
اللہ تعالیٰ نے احسان فرمایااور ہمیں اپنے سب سے محبوب نبی صلی اللہ علیہ وسلم کا غلام بنایا… امتی بنایا… حضرت محمدصلی اللہ علیہ وسلم نے احسان فرمایاکہ ہم تک کلمہ طیبہ پہنچایا… اس بڑے اوراصلی احسان کے علاوہ بھی… حضرت محمد صلی اللہ علیہ و سلم کے ہم سب پربے شماراحسانات ہیں… کچھ عرصہ قبل سرمیںکان کی طرف ایک عجیب تکلیف شروع ہوگئی… نہ ٹیسٹ کرایا نہ علاج…کچھ عرصہ بعد’’حجامہ‘‘ کرا لیا… اذیت ناک تکلیف ایسے غائب ہوئی کہ خوشی کے آنسو تھے اور والہانہ درود شریف بھی… سُبْحََانَ اللّٰہ!امت کو کیسا بہترین علاج عطاء فرمایا… ’’حجامہ‘‘ پہلے بھی تھا مگرجب حضرت آقا مدنی صلی اللہ علیہ و سلم نے اس پر افضلیت کی مہرلگائی تو… اسکی تاثیر آسمانوں کو چھونے لگی… الحمدللہ آج سے ملک بھر میںجماعت کی دس روزہ ’’حجامہ مہم‘‘ شروع ہو چکی ہے… عبادت، سنت، دعوت اور خدمت کے جذبے سے سرشار ہمارے رفقاء نے پورے ملک میں کیمپ لگا دیئے ہیں… الحمدللہ نہ کمائی مقصود ہے نہ تشہیر… بلکہ امت مسلمہ کی خدمت اور انہیں زہریلے علاجوں سے بچا کر سنت علاج پر لانے کی فکر ہے… جن لوگوں کو ڈاکٹروں نے سجدے کی نعمت سے محروم کر رکھا ہے وہ کرسیاں چھوڑیں… اور اس مہم میں اپنی کمراوراَخْدَعَیْن کا حجامہ کرالیں اور ساری زندگی سجدے والی نمازکے مزے لوٹیں… آج مغرب سے جمعہ شریف آرہے ہیں… اپنے حقیقی محسن اور خیرخواہ محبوب پردرودوسلام کا مقابلۂ حسن یاد رہے…
والسلام
خادم
لاالہ الااللہ محمدرسول اللہ
(حجامہ مہم)
13/11/2015
مکتوب خادم
السلام علیکم ورحمۃ اللہ وبرکاتہ!
اللہ تعالیٰ ہمارے اوقات اور لمحات میں برکت عطاء فرمائے… جمعہ کا تحفہ، حضرت سیدنا عمر رضی اللہ عنہ کی دعاء یادکر لیں…اَللّٰھُمَّ اِنَّا نَسْئَلُکَ صَلَاحَ السَّاعَاتِ وَالْبَرْکَۃَ فِی الْاَوْقَاتِ…(۱) آج مغرب سے نیا ہجری مہینہ صفرالخیر شروع ہو رہا ہے… معمولات کی یاد دہانی ہے… (۲) مقبوضہ کشمیر میں ’’مودی‘‘کے دورہ کے موقع پر ظالم مشرکین نے ایک نوجوان’’ گوھرنذیرڈار‘‘کو شہیدکر دیا ہے… ان کے والدین اوراہل کشمیر سے قلبی تعزیت ہے… انتقام ضرور ہوگا،ان شاء اللہ… (۳) عباس پور آزاد کشمیر میں آج جماعت کے زیر انتظام بڑا شاندار’’اجتماع‘‘ ہوا… کمانڈر عدیل شہیدؒکانفرنس… اہل کشمیر اور دین کے دیوانوں کے لئے خراج تحسین اور ڈھیروں دعائیں… (۴) جو مسلمان نماز میں قیام کر سکتے ہیں مگر ڈاکٹروں کے غلط مشورہ پر بیٹھ کر نماز پڑھتے ہیں… انکی نماز نہیں ہو تی… وہ اللہ تعالیٰ کا خوف کریں،کھڑے ہو کر نماز ادا کریں، جب عاجز ہو جائیں تب بیٹھ جائیں… اور جو نمازیں بیٹھ کر ادا کی ہیں وہ دوبارہ لوٹائیں…کمر نماز کے نہیں تو کس کام آئے گی؟… (۵) الحمدللہ حجامہ مہم مکمل اہتمام سے جاری ہے… پورے ملک میں ایک ہزارکیمپ لگانے کی ترتیب ہے … ہمت کریں اور حجامہ کرا لیں اورکراتے رہیں۔
والسلام
خادم
لاالہ الااللہ محمدرسول اللہ
(حجامہ،تعزیت،استقبال ماہ جدید)
19/11/2015
مکتوب خادم
السلام علیکم ورحمۃ اللہ وبرکاتہ!
اللہ تعالیٰ کے بندے ،اللہ تعالی کے راستے کی آزمائش پر کہتے ہیں… رَبَّناَ اغْفِرْلَنَا ذُنُوْبَنَا وَاِسْرَافَنَا فِی اَمْرِنَا وَثَبِّتْ اَقْدَامَنَا وَانْصُرْنَا عَلٰی الْقَوْمِ الْکٰفِرِیْنَ… یااللہ!گناہ اورغلطیاں بخش دیجئے، ثابت قدمی، استقامت اور کافروں پر غلبہ دے دیجئے… وہ بزدل نہیں پڑتے، اپنے مقصد سے غافل نہیں ہوتے…کمزوری میں نہیں گرتے، عارضی سہاروں کے لئے بے تاب نہیں ہوتے… بس استغفار، ثابت قدمی اورکافروں سے مقابلہ میںکامیابی کا جنون… فرمایا:ایسے لوگ اللہ تعالیٰ کے’’محبوب‘‘ محسنین ہیں… ان کے لئے دنیاکا بدلہ بھی ہے اور آخرت کا حسین ثواب بھی… پنجاب کی حکومت نے ہمارے جن نو ساتھیوں پر مقدمہ ڈالا تھاکل ان سب کو پانچ سال سزا سنا دی گئی… خوش نصیب ہیں… ان پرایف آئی آرایسی کاٹی گئی کہ اگروہی آگے پیش ہوئی تو سیدھے بخشے جائیں گے… جہادکی دعوت، جہاد کی خدمت، دین الٰہی کی دعوت… اور ترہیب اعداء اللہ… یہ ہیںآج کی دنیاکے جرم… مگرآخرت کے تمغے… اللہ تعالیٰ سے امید ہے ان دیوانوںکی برکت سے زندانوں میں روشنی پھیلے گی اور یہ بھی جلد چھوٹ جائیں گے، ان شاء اللہ… حجامہ مہم جاری ہے سب اسکی کامیابی میں دعاء کا حصہ ڈالیں… مغرب سے جمعہ مبارک اور مقابلۂ حسن مبارک۔
والسلام
خادم
لاالہ الااللہ محمدرسول اللہ
(مشکل حالات کا طرز عمل، حجامہ مہم)
21/11/2015
مکتوب خادم
السلام علیکم ورحمۃ اللہ وبرکاتہ!
اللہ تعالیٰ کے محبوب نبی حضرت محمد صلی اللہ علیہ و سلم نے خود’’حجامہ‘‘کرایا.… اور بار بارکرایا … پھر حجامہ کو بہترین’’علاج‘‘اور’’شفاء‘‘ قرار دیا… پھرحجامہ کے فوائد،آداب،دن اور طریقے بھی ارشاد فرمائے… اب جو مسلمان اپنے علاج کے لئے ہر ڈاکٹر، حکیم، عطار، سنیاسی اور عامل کے پاس تو ضرور پہنچ جاتے ہیں… مگر حجامہ سے بھاگتے ہیں… وہ صرف اتنا سوچیں کہ ان کا مزاج اپنے محبوب آقا کے مزاج سے کتنا کٹا ہوا ہے… مسلمان کا مزاج الگ ہے،کافرکا مزاج الگ ہے… جیسے انسان اورگدھے کا مزاج الگ الگ ہے…گدھا مٹی میں لوٹنے پوٹنے سے تروتازہ ہوتا ہے جبکہ انسان غسل کرنے سے… مسلمان کی صحت حجامہ میں ہے، جہاد میں ہے، شہد میں ہے، پیدل چلنے میں ہے…کم کھانے، زیادہ محنت کرنے اورکلونجی میں ہے… اور ان چیزوں میں جو مزید حضرت آقا مدنی صلی اللہ علیہ وسلم نے ارشاد فرمائی ہیں… دراصل’’حجامہ‘‘کی نعمت اٹھ گئی تھی… اس لئے اس کے دلائل پر توجہ نہیں… اب اللہ تعالیٰ کے فضل سے یہ نعمت واپس آئی ہے تو مسلمانوںکواس سے بھرپور فائدہ اٹھاناچاہیے…کل حجامہ مہم کا آخری دن ہے… جماعت کا ہرساتھی اس مہم میں اپنے حصے کا اجر حاصل کرے… ہرفرد دوچار مسلمانوں کو متوجہ کرے اورخود بھی کل حجامہ کرالے تاکہ… اجتماعی عمل میں ہر ایک کا حصہ شامل ہو جائے۔
والسلام
خادم
لاالہ الااللہ محمدرسول اللہ
(حجامہ مہم)
مسواک مہم
26/11/2015
مکتوب خادم
السلام علیکم ورحمۃ اللہ وبرکاتہ!
اللہ تعالیٰ کے دین کی خاطر جان قربان کرنے والوں کی شان بہت بلند ہے … مقبوضہ کشمیر ’’ٹنگڈھار‘‘ ضلع کپواڑہ… مشرکین کے فوجی کیمپ کو تہس نہس کرنے والے ’’جانبازوں‘‘ کوسلام عقیدت … امت مسلمہ خوش نصیب ہے کہ اسکی گود میں ایسے جری، جانثار موجود ہیں…سبحان اللہ! بویرہ کی آگ کے شعلے تھے… حجامہ مہم میں محنت کرنے والوں کے لئے قلبی دعاء… اللہ تعالیٰ ہی سے اجر کے امیدوار رہیں… اورحجامہ کے ذریعہ دین اورجہادکو نفع پہنچائیں… حجامہ کو مقصود بناکر اصل کام سے کٹ نہ جائیں… الحمدللہ اس مہم میں تقریبا بیس ہزار مسلمانوں نے سنت علاج کرایا … آج مغرب سے جمعہ شریف اور مقابلۂ حسن ہے… آئندہ تین دن ایک بڑا کام کریں… ہماری مسلمان خواتین میں’’مسواک‘‘ کی سنت ختم ہو رہی ہے… ان کے ’’پرس‘‘ میں ہر الابلا ہوتی ہے مگر مسواک نہیں… حالانکہ مسواک کی اکثر احادیث ایک خاتون حضرت اماں عائشہ رضی اللہ عنہا سے مروی ہیں… مسواک تمام انبیاء علیہم السلام کی سنت ہے… اور یہ انسانی فطرت کے لئے ضروری دس چیزوں میں سے ایک ہے… مسواک اتنی اہم سنت ہے کہ حضرت آقا مدنی صلی اللہ علیہ وسلم نے فرمایا… اگر امت پر مشقت کا خطرہ نہ ہوتا تو میں اسے ہر وضوکے ساتھ لازم فرما دیتا… یعنی واجب قرار دیتا… مسواک چھوڑنے کی وجہ سے خواتین کی نمازیں بے جان، تلاوت بے کیف، وضو بے رنگ، دانت بیمار،گلے کمزوراورمعدے خراب ہو گئے… بِسْمِ اللّٰہکیجئے! آج ہی مسواک خریدکراپنے گھرکی سب خواتین تک پہنچائیں۔
والسلام
خادم
لاالہ الااللہ محمدرسول اللہ
(شہیدائے ٹنگڈھارکوخراج عقیدت، حجامہ ومسواک مہم)
27/11/2015
مکتوب خادم
السلام علیکم ورحمۃ اللہ وبرکاتہ!
اللہ تعالیٰ نے اپنی’’محبت‘‘ اور پسندکے اعلیٰ طریقے… اپنے محبوب نبی صلی اللہ علیہ وسلم کوعطاء فرمائے… آپ صلی اللہ علیہ وسلم نے ان طریقوںکو’’محبت‘‘کے ساتھ اپنایا… یہ طریقے’’سنت‘‘ کہلاتے ہیں… ان میں خیر ہی خیر اور خوشبو ہی خوشبو ہے… ’’مسواک‘‘ بہت اعلیٰ اور محبوب سنت ہے… حضرت اماں عائشہ رضی اللہ عنہا فرماتی ہیں… حضور جب گھر تشریف لاتے تو سب سے پہلے مسواک فرماتے… اور آپ صلی اللہ علیہ وسلم نے اپنے وصال کے وقت جو آخری کام فرمایا، وہ بھی’’مسواک‘‘ تھا… یہ مسواک حضرت عائشہ رضی اللہ عنہا نے چباکر نرم فرمایا… حضرت علی رضی اللہ عنہ گھر میں داخل ہوئے تو دیکھاکہ حضرت سیدہ فاطمہ رضی اللہ عنہا مسواک فرمارہی ہیں… بہت خوش ہوئے اور محبت کے اشعار پڑھے… افسوس!کہ آج مسلمان بہن اس عظیم سنت سے محروم اور غافل ہے… تین دن محنت کریں… ان تین دنوں میں اٹھارہ لاکھ مسلمان خواتین میں مسواک کی سنت زندہ کرنی ہے، ان شاء اللہ… سب سے پہلے ہر مرد مؤمن خود مسواک کا اہتمام کرے… عمل ہوگا تو دعوت میں تاثیر ہوگی… پھر اپنی ان خواتین کو جن سے آپ کا پردہ نہیں… مسواک اور اس کی دعوت پہنچائیں… شیطان کو مسواک سے بہت تکلیف ہوتی ہے… کیونکہ مسواک کی برکت سے نماز ستر گنا زیادہ اجر والی ہوجاتی ہے… اور ہر عمل کا اجر اسی طرح بڑھ جاتا ہے… دوسری طرف مسواک کی شان یہ ہے کہ ایک بار حضرت جبرئیل اور حضرت میکائیل علیہماالسلام ملاقات کے لئے حاضر ہوئے تو آپ صلی اللہ علیہ وسلم نے دونوں حضرات کو مسواک کا ہدیہ دیا۔
والسلام
خادم
لاالہ الااللہ محمدرسول اللہ
(مسواک مہم)
28/11/2015
مکتوب خادم
السلام علیکم ورحمۃ اللہ وبرکاتہ!
اللہ تعالیٰ دین اسلام کا محافظ ہے… یہ دین نہیں مٹ سکتا… جب مٹے گا تو دنیا بھی ساتھ مٹ کر ختم ہو جائے گی… لاہور میں آج’’رنجیت سنگھ‘‘ نہیں ہے مگر اسلام اور مسلمان موجود ہیں… اس نے لاہور کی مساجد کو اصطبل بنا دیاتھا… یروشلم کی دیوار کے نیچے کتنے مسلمان دفن ہیں… دجلہ اور فرات کے دریاؤں نے مسلمانوں کی کتنی لاشیں دیکھیں… آج تاتاری نہیں ہیں مگر اسلام موجود ہے… اٹلی نے شیخ عمر مختار کو پھانسی دے کر اعلان کیاکہ لیبیا اب ہمیشہ ہمارا ہے… مگر آج لیبیا میں اٹلی کا ایک کتا بھی نہیں ہے مگر اسلام اور اس کے مجاہدین موجود ہیں… طرح طرح کے ٹوتھ پیسٹ… بدبودار ماڈلزکے ذریعہ ان کی تشہیر… مگر مسواک کی سنت نہ مٹ سکی… اے مسلمان بہنو! سنت میں نور ہے، سنت میں عزت ہے، سنت میں شفاء ہے، سنت میں سکون ہے… جب کوئی یورپ زدہ برائلر مرغی آپ کو اپنا قیمتی ٹوتھ پیسٹ اور برش دکھائے توآپ عزت، وقاراور فخر کے ساتھ اپنے پرس سے’’مسواک‘‘ نکال کردکھا دیں کہ… یہ ہے شان والی چیز… ٹوتھ پیسٹ منع نہیں مگر اس سے سنت ادا نہیں ہوتی… ٹوتھ پیسٹ جتنی زیادہ آتی جا رہی ہے ہیں، دانتوں کے ڈاکٹروں کی دکانیں بھی اتنی بڑھتی جارہی ہیں… مسواک کا اہتمام کرنے والوں کو مرتے وقت کلمہ نصیب ہوتا ہے… حدیث کے الفاظ دیکھیں وجد طاری ہوجائے گا…’’مسواک منہ کی پاکی اور اللہ تعالیٰ کی رضاء کا ذریعہ ہے‘‘… سُبْحَانَ اللّٰہ، سُبْحَانَ اللّٰہ۔
والسلام
خادم
لاالہ الااللہ محمد رسول اللہ
(مسواک مہم)
29/11/2015
مکتوب خادم
السلام علیکم ورحمۃ اللہ وبرکاتہ!
اللہ تعالیٰ نے ہر’’سنت‘‘میں صحت اور’’برکت‘‘ رکھی ہے… قبرکی خوشبو اورآخرت کا نور… مسواک بڑی اہم اور پاکیزہ سنت ہے… حضرات صحابہ کرامؓ اور اسلاف نے مسواک کے جو فوائد ارشاد فرمائے ہیں… ان میں سے چند ملاحظہ فرمائیں… (۱) مرتے وقت کلمہ نصیب ہوتا ہے… (۲) روح نکلنے میں آسانی ہوتی ہے… (۳) منہ خوشبودار ہوتا ہے… (۴) مسوڑھے مضبوط ہوتے ہیں … (۵) بلغم ختم ہوتی ہے… (۶) دانتوں کے کیڑے مرتے ہیں اور انکی جڑوں کا درد ٹھیک ہو جاتا ہے … (۷) معدے کی اصلاح ہوتی ہے… (۸) آواز صاف ہوتی ہے… (۹) کھانا جلد ہضم ہوتا ہے… (۱۰) تجوید کے مخارج ادا کرنا آسان ہوتا ہے… (۱۱) نیند اور سستی دور ہوتی ہے… ۱۲) نماز اور ذکر میں نشاط ہوتا ہے… (۱۳) فرشتوں کو پسند آتا ہے… (۱۴) زیادہ نیکیوں کی توفیق ملتی ہے… (۱۵) دانت سفید ہوتے ہیں… (۱۶) منہ اور گلے کے زخم درست ہو جاتے ہیں… (۱۷) سگریٹ، چرس کا نشہ چھوڑنے میں آسانی ہوتی ہے… (۱۸) عبادات کا اجربڑھ جاتا ہے… (۱۹) انسان اپنی فطرت پاتا ہے…(۲۰) تمام انبیاء علیہم السلام کی سنت پر عمل ہوتا ہے… اور بھی بہت سے فوائد اور فضائل … شرط یہ کہ سنت کی نیت سے کریں… اور مستقل کریں اور ایسی عادت بنائیں کہ جب کبھی چھوٹے تو دل بے قرار ہو جائے… اے مسلمان بہنو! سنت مسواک، سنت مسواک، سنت مسواک۔
والسلام
خادم
لاالہ الااللہ محمد رسول اللہ
(مسواک مہم)
30/11/2015
مکتوب خادم
السلام علیکم ورحمۃ اللہ وبرکاتہ!
اللہ تعالیٰ کے مخلص بندے’’فرائض‘‘کے عاشق… ’’سنتوں‘‘کے شیدائی… اور ’’نوافل‘‘کے متوالے ہوتے ہیں … ’’مسواک‘‘ بڑی شان والی’’سنت‘‘ ہے… ہر مسلمان کے ساتھ ہر وقت کم ازکم دس فرشتے ہوتے ہیں … ایک فرشتہ ہونٹوں کے پاس ہوتا ہے جو ذکر، تلاوت ، درود کے موتی جمع فرماتا ہے… منہ کی بدبو سے فرشتوں کو اذیت اور تکلیف پہنچتی ہے… آج کل منہ کی بدبو کے لئے کیا کیا ایجاد ہو گیا… سگریٹ، چرس، نسوار… غیبت اور جھوٹ سے بھی منہ میں بدبو پیدا ہوتی ہے… مسواک کی خوشبودار سنت ہمارے منہ کو قرآن کے قابل اور فرشتوں کے قابل بناتی ہے… الحمدللہ تین روزہ مہم کے حیرت انگیز اثرات سامنے آرہے ہیں… آج معلوم ہواکہ سیالکوٹ کے ایک’’مرد مؤمن‘‘ نے اس مہم کی برکت سے… گھر میں وہ درخت کاشت کردیے ہیں جن سے مسواک بنتی ہے… اللہ تعالیٰ ان کو جزائے خیر عطاء فرمائے…الحمدللہ کئی حضرات اور خواتین حسب استطاعت مسواک تقسیم کر رہے ہیں اور سنت کی دعوت پھیلا رہے ہیں…القلم میں ان شاء اللہ مسواک کی فضیلت اوراوقات کی احادیث بھی اس بارآرہی ہیں…یہ سب اللہ تعالیٰ کا فضل اور اس کا احسان ہے… ہم جو نیکی بھی کرتے ہیں اس کا فائدہ خود ہمیں ہی ملتا ہے… اللہ تعالیٰ بے نیاز ہے،کسی کے عمل کا محتاج نہیں۔
والسلام
خادم
لاالہ الااللہ محمد رسول اللہ
(مسواک مہم)
03/12/2015
مکتوب خادم
السلام علیکم ورحمۃ اللہ وبرکاتہ!
اللہ تعالیٰ ہمارے دلوںکودین پرمضبوط فرمائے… اَللّٰھُمَّ یَامُقَلِّبَ الْقُلُوْبِ ثَبِّتْ قُلُوْبَنَا عَلٰی دِیْنِکَ…(۱) الحمد للہ’’کُلَّ یَوْمٍ ھُوَ فِیْ شَاْنٍ‘‘کی تفسیر رنگ نورکی تین قسطوں میں مکمل ہوئی… جو مکمل فائدہ اٹھانا چاہیں وہ تینوں مضمون ایک باراکٹھے پڑھ لیں… قرآن مجیدکا علم بڑی نعمت ہے…(۲) اجتماعات کانصاب بھی اس بارکے رنگ ونور میں مختصرآگیا ہے، اسے اپنے اجتماعات میں نافذکریں … (۳) مسواک کی جو احادیث اور فضائل ہیں وہ مسلمان مردوں اور خواتین دونوں کے لئے برابر ہیں، ایک ذرہ برابر بھی فرق نہیں، اس لئے خواتین میں’’سنت مسواک‘‘کے احیاء کی محنت جاری رہے… (۴) آج مغرب سے جمعہ شریف آتے ہیں، مقابلۂ حسن کی رحمتیں جھولیاں بھرکر حاصل کریں۔
والسلام
خادم
لاالہ الااللہ محمدرسول اللہ
(متفرق ہدایات)
08/12/2015
مکتوب خادم
السلام علیکم ورحمۃ اللہ وبرکاتہ!
اَللّٰہُ الْبَاقِی… برادر محترم حضرت مولانا طاہر حمیدکی والدہ صاحبہ وفات پاگئی ہیں… اللہ تعالیٰ ان کو مغفرت ورحمت والامقام عطاء فرمائے… عابدہ، ذاکرہ خاتون تھیں، خون کا دریا عبورکرکے ہجرت کی …کل بروز بدھ 2 بجے دوپہرابو ظہبی روڈ، جگنو چوک، ٹینکی گراؤنڈ، سیٹلائیٹ ٹاؤن، رحیم یار خان میں نمازجنازہ ہے…قریب والے ساتھی شرکت کی سعادت پائیں… دور والے ایصال ثواب کا ہدیہ بھیجیں۔
والسلام
خادم
لاالہ الااللہ محمدرسول اللہ
(تعزیت والدہ محترمہ مولانا طاہر حمید صاحب)
10/12/2015
مکتوب خادم
السلام علیکم ورحمۃ اللہ وبرکاتہ!
اللہ تعالیٰ کا شکر ہے… جمعۃ المبارک کی محنت سے’’درود وسلام‘‘کا ذوق بڑھ رہا ہے… جمعہ کی رات اور جمعہ کے دن کا ’’درود شریف‘‘ بڑی نعمت ہے… جب حضرت آقا مدنی صلی اللہ علیہ وسلم نے خود فرما دیا کہ اس رات اور اس دن مجھ پر درودشریف کی کثرت کرو… یہ اس طرح ہے کہ ہم میں سے ہر ایک کو… خود مدینہ بلاکر حکم سنا دیا… کیونکہ آپ صلی اللہ علیہ وسلم کی ہر حدیث، ہر حکم آپ کے ہر امتی اور ہر غلام کے لئے ہے… تو پھر اب کیسی سستی اورکیسی غفلت؟… ایک’’جولاہا ‘‘حضرت خواجہ غلام فریدؒ کا’’مرید‘‘ تھا… وہ ہر سال ایک بار اپنے شیخ سے ملنے آتا تو اپنی بنائی ہوئی ایک لُنگی بطور ہدیہ پیش کرتا… ایک سال وہ نہ آیا… اگلے سال آیاتودولُنگیاں ہدیہ لایا … حضرت نے پوچھا:گزشتہ سال کیوں نہ آیا؟…کہنے لگا: لُنگی تیار نہ ہو سکی تھی… حضرت نے وہ لُنگیاںآگ میں ڈلوادیں… اور فرمایا:’’جو چیز یار سے جداکرے اسے آگ لگادو‘‘… ہاں! بے شک جوچیز اللہ سے دورکرے، اللہ کے رسول سے دورکرے… اللہ کے یاروں سے دورکرے… دین سے دورکرے ، جہادسے دورکرے… درودوسلام سے دورکرے … دعوت الیٰ اللہ سے دورکرے، جنت سے دورکرے … ایسی چیزوں کو آگ لگا دینی چاہئے… کیونکہ دنیاکی چیزیں اورمصروفیات سب یہاں رہ جائیںگے …آگے ساتھ تو’’یار‘‘والی چیزیں جائیں گی… اللہ کے بندو! جمعہ نماز کے لئے جلدی مسجد پہنچا کرو… پہلی اذان سے بھی پہلے… مقابلۂ حسن مرحبا۔
والسلام
خادم
لاالہ الااللہ محمدرسول اللہ
(مقابلۂ حسن)
11/12/2015
مکتوب خادم
السلام علیکم ورحمۃ اللہ وبرکاتہ!
اللہ تعالیٰ کی عظیم الشان نعمتوں میں سے ایک ’’سورۃ یٰس‘‘ہے…آج جمعہ کا ہدیہ بندہ کا ایک مجرب عمل… پہلے یہ عمل ’’خصوصی‘‘ تھا… آج سب کے لئے بطور تحفہ… جادوہو یا نظر، دل کی کمزوری ہو یا بے چینی، شیطانی حملہ ہو یا جناتی، بیماری ہو یاکوئی حاجت، غم ہو یاالجھن وپریشانی… ایک مجلس میں با وضو پانچ بار’’سورۃ یٰس‘‘ پڑھیں اورکچھ درود شریف پڑھ کردعاء کریں… یہ لا علاج مسائل کا حل ہے، ان شاء اللہ… تین دن مسلسل عمل کریں تو عجیب تاثیر… بہترین وقت تہجد یا عصرکے بعد… ویسے جب بھی کریں مؤثرہے، ان شاء اللہ۔
والسلام
خادم
لاالہ الااللہ محمدرسول اللہ
(سورۃ یٰس کاعمل)
12/12/2015
مکتوب خادم
السلام علیکم ورحمۃ اللہ وبرکاتہ!
اللہ تعالیٰ کا شکر ہے، ربیع الاول شریف کا چاند نظر آگیا… چاند رات کی دعاء اورمعمولات کی یاد دہانی ہے۔
والسلام
خادم
لاالہ الااللہ محمدرسول اللہ
(استقبال ماہ جدید)
13/12/2015
مکتوب خادم
السلام علیکم ورحمۃ اللہ وبرکاتہ!
اللہ تعالیٰ سب بیماروں کو شفاء عطاء فرمائے… جماعت کے مخلص، بزرگ، حدی خواں قاری غلام عباس صاحب سخت بیمار ہیں… اہل دعاء ان کے لئے دعاء فرمائیں…
والسلام
خادم
لاالہ الااللہ محمدرسول اللہ
(دعاء برائے قاری غلام عباس صاحب)
16/12/2015
مکتوب خادم
السلام علیکم ورحمۃ اللہ وبرکاتہ!
اَللّٰہُ الْبَاقِی… اِنَّالِلّٰہِ وَاِنَّااِلَیْہِ رَاجِعُوْنَ… جناب قاری غلام عباس صاحب وفات پاگئے… نماز جنازہ صبح 9 بجے، 19چک ریحاناں والااوکاڑہ میں ہوگی… شرکت کی بھرپورکوشش کریں اوردور والے ایصال ثواب کا اہتمام کریں۔
والسلام
خادم
لاالہ الااللہ محمدرسول اللہ
(اعلان جنازہ جناب قاری غلام عباس صاحب)
16/12/2015
مکتوب خادم
السلام علیکم ورحمۃ اللہ وبرکاتہ!
’’اللہ بہت بڑا ہے،اللہ بہت بڑا ہے‘‘… یہ نظم آپ نے سنی ہوگی… اور یہ بھی کہ… ’’ناموس رسالت پر ہم جان لٹا دیں گے‘‘… اور یہ پیاری نعت…’’ہر اک جہاں میں، ہر اک مکاں پر… نبی کے جھنڈے گڑے ہوئے ہیں‘‘… اور یہ درد بھرا شعر…’’نبی کی نعتیں، نبی کی باتیں میں پڑھ رہا ہوں، میں لکھ رہا ہوں… میں دیکھتا ہوں اسی کے صدقے گناہ میرے جھڑے ہوئے ہیں‘‘… اور یہ سچا جذبہ… ’’حق پر جان لٹانے کو اے اللہ! ہم حاضر ہیں‘‘… اور یہ فدائی للکار…’’سن لو دنیاکے فرعونو! وقت وہ آنے والا ہے، حق کا پرچم سارے عالم پر لہرانے والاہے‘‘… اور یہ کھرا اعلان… ’’ہم جیش محمد ہیں دنیاکو بتا دیں گے‘‘… آہ! آج ان جذبوں کا ترنم تھم گیا… قاری غلام عباس صاحب کی آواز خاموش ہوگئی… مگر یہ آواز گونجتی رہے گی… وہ بیمار تھے اورآخری ایّام میں سوائے’’اللہ، اللہ‘‘ کے کچھ نہ بولتے تھے…حق تعالیٰ ان کی مغفرت فرمائے،اہل جماعت اور قاری صاحب کے اہل خانہ سے قلبی تعزیت ہے… ان کی آخری آرام گاہ جامع مسجد سبحان اللہ کے قریب… حضرت اباجیؒ کے باغ میں تیار ہورہی ہے… عصر کے بعد مرکز میں بھی ان کی نماز جنازہ ہوگی… ’’لو تم بھی سنو! حاکم بھی سنے!اک بات سنانے آیا ہوں… میں خاک وطن کا ہر ذرہ جانباز بنانے آیا ہوں‘‘… اہل جماعت قاری صاحب کیلئے دعاء، استغفارکا ہدیہ بھیجیں۔
والسلام
خادم
لاالہ الااللہ محمدرسول اللہ
(تعزیت جناب قاری غلام عباسؒ)
17/12/2015
مکتوب خادم
السلام علیکم ورحمۃ اللہ وبرکاتہ!
اللہ تعالیٰ کے دین میں’’عزت‘‘ ہے… دین کی خاطرماریںکھانا اورگالیاں برداشت کرنا’’عزت‘‘ہے… قرآن پڑھنا، پڑھانا، سمجھنا اورسمجھانا’’عزت‘‘ہے… وہ دیکھو! حضرت نوح علیہ السلام پر لاٹھیاں … اور حضرت آقا مدنی صلی اللہ علیہ وسلم پر پتھر برس رہے ہیں… یہ’’عزت‘‘کے مناظر ہیں… حضرات انبیاء علیہم السلام سے بڑھ کرکوئی’’معزز‘‘ نہیں…جہاد میں’’عزت‘‘ ہے… اذان میں’’عزت‘‘ہے… امامت میں’’عزت‘‘ ہے… فیس بک میں’’ذلت‘‘ ہے… یہودی گماشتہ مارک زکر برگ’’ذلیل‘‘ہے… قرآن کا فیصلہ ہے یہودی ذلیل ہیں… اے ایمان والو! فیس بک پر وقت برباد نہ کرو… وہاں منافق ’’الحاد‘‘کا زہر پھیلا رہے ہیں… گالیاں، جھڑکیاں اورطعنے ڈاکٹروں کو بھی سننے پڑتے ہیں اور سائنسدانوںکو بھی… مگر دین کی نسبت سے جو مومن، مجاہد، عالم اور امام گالیاں سہتے ہیں… ان کی تو فرشتے بھی عزت کرتے ہیں اور تمام مخلوقات بھی… ٹچ موبائل کا طوفان معلوم نہیں ہم سے کیاکیا چھین کر لے جائے گا… اے جماعت کے ذمہ دارو! اس طوفان میں بہنے سے بچو اورسر عام ایسے موبائل نہ لے کر پھرو… امت آپ سے روشنی لیتی ہے… آپ کے ہاتھ میں ایسا موبائل دیکھ کربہت سے لوگ اندھیروں میں ڈوب جائیں گے… دین کی خاطر قربانی دواورعزیمت کی مثال بنو… مغرب سے جمعہ شریف تشریف لارہے ہیں… مرحبا مرحبا مقابلۂ حسن مرحبا۔
والسلام
خادم
لاالہ الااللہ محمدرسول اللہ
(فیس بک کا فتنہ)
24/12/2015
مکتوب خادم
السلام علیکم ورحمۃ اللہ وبرکاتہ!
اللہ تعالیٰ کی کروڑوں رحمتیں… حضرت آقا محمد مدنی صلی اللہ علیہ وسلم پر… صلی اللہ علیہ وسلم… صلی اللہ علیہ وسلم… صلی اللہ علیہ وسلم… آپ صلی اللہ علیہ وسلم پر ایمان،آپ سے محبت، آپ کی اطاعت… آپ پر درودوسلام کی کثرت… اور آپ کے لائے ہوئے دین کی خدمت اور اس دین کے لئے قربانی… یہ ہے عشق، یہ ہے وفا، یہ ہے کامیابی… نہ نقلی گنبد، نہ قمقمے، نہ دیگیں نہ مٹھائیاںاور نہ عشق و محبت کے جھوٹے زبانی دعوے… عشق میں جان دی جاتی ہے، جان پالی نہیں جاتی… ہر سنت روشنی ہے… سورج سے بڑھ کر… ہربدعت اندھیرا ہے، اندھا اندھیرا… بارہ ربیع الاول سنت اور محبت کا عہد باندھیں… بدعت اور بزدلی سے توبہ کریں… حضرت آقا صلی اللہ علیہ وسلم جو علم لائے اسے اپنائیں…جو تلوار لائے اسے اٹھائیں… جو نور لائے اسے پھیلائیں، جو مسواک لائے اسے نبھائیں… اور جو دین لائے اسے چلائیں… نہ واشنگٹن، نہ پیرس، نہ دلی نہ لندن… بس مدینہ، مدینہ، مدینہ، مدینہ … اور مدینہ سے مکہ کو پالیں… کعبہ کو پالیں… اپنے رب کے دین، گھراور جنت کو پالیں… شکل وصورت مدنی، تہذیب مدنی، معیشت مدنی، معاشرت مدن… چہرہ مدنی،حیاء مدنی،خوشبو مدنی…کامیابی مدنی… ارے خوش نصیبو! حضرت آقا مدنی صلی اللہ علیہ وسلم کی نسبت مبارک ہو…آج مغرب سے جمعہ شریف اور شاندار مقابلۂ حسن۔
والسلام
خادم
لاالہ الااللہ محمدرسول اللہ
(اصل عشق نبی کیا ہے؟)
25/12/2015
مکتوب خادم
السلام علیکم ورحمۃ اللہ وبرکاتہ!
اللہ تعالیٰ مجھے اورآپ سب کو’’ایمان کامل‘‘…’’ ایمان دائم‘‘ نصیب فرمائے… (۱)رنگ و نورآپ نے پڑھ لیا ہوگا… مسلمانوں کے حسدکا علاج ’’تحمل‘‘اور برداشت ہے… منافقین کے بغض اور شر سے حفاظت کا نسخہ’’جماعت‘‘ہے… کفارکے قتال کا علاج زوردار جہادوقتال ہے… شیطان سے حفاظت کا نسخہ’’ذکر اللہ‘‘ ہے اور نفس کے شرور سے حفاظت کاطریقہ نفس کی مخالفت ہے…کم کھانا، کم سونا،کم بولنا وغیرہ… تفصیل اگلے رنگ و نور میں، ان شاء اللہ… (۲) ہمارے دوست مولانا مدثر جمال صاحب نے… حضرت بنوری رحمۃ اللہ علیہ کاایک مؤثرمضمون اپنے تازہ کالم میں سمویا ہے… تمام حضرات وخواتین اہتمام سے پڑھ لیں…(۳) اس بار مرکز اور پشاوردونوں جگہ کا تربیہ خوب رہا… ساڑھے تین سو سے زائد افراد مستفید ہوئے… اہل محنت کا شکریہ…(۴) ملک میں جہاں جہاں ساتھیوں نے’’اجتماعات‘‘کے سہ نکاتی نصاب کو مضبوطی سے اپنایا ہے وہاں الحمدللہ ترقی اور برکت نظرآرہی ہے… تمام ساتھی اس نصاب کی قدرکریں اور اسے اپنائیں… ذکر اللہ، دعوت الی اللہ، توبہ الی اللہ…کوئی اجتماع نقد وصولی سے خالی نہ رہے… سو افرادکا اجتماع جس میں دس افراد وصول ہوں… ہزاروں کے اس اجتماع سے زیادہ نافع ہے جس میں وصولی نہ ہو… وصولی کا تقاضاجم کرکریں …بس یہی وصولی ہے…کوئی نام دے یا نہ دے …(۵)کراچی والے اس بار تربیہ میں مثالی کارکردگی دکھائیں… مغرب سے جمعہ مبارک، مقابلۂ حسن مبارک۔
والسلام
خادم
لاالہ الااللہ محمدرسول اللہ
(متفرق ہدایات)
٭…٭…٭
Subscribe to:
Posts (Atom)
