مکتوب
خادم
السلام علیکم ورحمةالله وبرکاته..
اللہ تعالی سے مانگنے میں کبھی ”بخل“ نہ کریں..اللہ تعالی
سے جتنا بھی مانگا جائے وہ زیادہ خوش ھوتے ھیں..ہر عبادت، ہرنیکی، ہرخیرات، ہرصدقے،
ہر ھدیے اور ہر دینی محنت کے بعد ضرور دعاء مانگا کریں..اس سے ”بندگی“ بڑھتی ہے..تواضع
بڑھتی ہے، اللہ تعالی کا قرب ملتا ہے..اور بے شمار نعمتیں ملتی ھیں..اللہ تعالی سے
ڈرنا بھی سعادت ہے..بندگی ہے..اور اللہ تعالی سے لالچ اور طمع رکھنا بھی..عزت، سعادت
اور بندگی ہے..بس اللہ تعالی کے سوا نہ کسی سے ڈرو..نہ کسی سے کوئی لالچ رکھو..کل عرض
کیا تھا کہ..کم ازکم ”تیرہ نعمتیں“ ضرور مانگا کریں..انمیں سے تین تو اس دعاء میں آگئیں..
ربنا(يا اللهم)اتنا فی الدنيا حسنۃ وفی الآخرۃ حسنۃ وقنا
عذاب النار..
اور دس چیزیں اس مبارک اور جامع دعاء میں ھیں..
اَلّٰلهُمَّ اِنّیْ اَسْئَلُکَ اِیْمَاناً دَائِماً، وَ
اَسْئَلُکَ قَلباً خَاشِعاً، وَ اَسْئَلُکَ عِلْماً نَافِعاً، وَ اَسْئَلُکَ یَقیْناً
صَادِقاً، وَ اَسْئَلُکَ دِیْناً قَیِّماً، وَ اَسْئَلُکَ الْعَافِیَةَ مِنْ كُلِّ
بَلِيَّةِ، وَ اَسْئَلُکَ تَمَامَ الْعَافِیَةِ، وَ اَسْئَلُکَ دَوَامَ الْعَافِیَةِ،
وَ اَسْئَلُکَ الشُکْرَ عَلَی العافیَةِ، وَ اَسْئَلُکَ الْغِنَا عَنِ النَّاسِ..
(1)
دائمی ایمان..(2) اللہ تعالی سے ڈرنے ،دبنے والا دل..(3)
نفع دینے والے علوم..(4) سچا یقین..(5)مضبوط دین..(6) ہر بلا سے عافیت..(7) مکمل عافیت..(8)
دائمی عافیت..(9) عافیت پر شکر کی توفیق (10) لوگوں سے مستغنی ہونا (یعنی کسی کا محتاج
نہ ہونا)اس مبارک دعاء کو یاد کرلیں..صبح و شام یا کسی بھی بڑی نیکی کے بعد دو بار
مانگ لیا کریں..زندگی میں عجیب تبدیلی دیکھیں گے ان شاءاللہ..
والسلام
خادم..
لااله الاالله محمد رسول الله
