بسم اللہ الرحمن الرحیم

<مکتوب خادم>

الحمدللہ......درست لکھا کریں

السلام علیکم ورحمة اللہ وبرکاته..

اللہ تعالی ہمیں ”دین اسلام“ کی ”محبت“ اور ”دین اسلام“ کا علم نصیب فرمائیں.....

کئی افراد اپنے خطوط اور پیغامات میں ”الحمدللہ“ کے الفاظ غلط لکھتے ہیں....چند دن قبل ایک بڑے اشتہاری بورڈ پر نظر پڑی تو اسمیں بھی...”الحمدللہ“ کو ”الحمداللہ“ لکھا ہوا تھا...یہ ایک اہم معاملہ ہے...اس لئے توجہ دلانا ضروری سمجھا...”الحمدللہ“ بڑا مبارک اور مقدس کلمہ ہے...یہ قرآن مجید کی پہلی سورت کی پہلی آیت کا آغاز ہے...یہ عظیم جملہ کل چار الفاظ پر مشتمل ہے...(۱) ال (۲) حمد (۳) لِ (۴)  اللہ.....”ال“ کے معنی ”تمام“ ”ساری“ ”سب“...”حمد“ کا معنی ”تعریف“...”لِ“ کا معنیٰ ”کے لئے“...اور ”اللہ“ سب سے بڑا نام مبارک...اب ان چاروں کا ترجمہ یہ بنا...سب تعریفیں اللہ تعالی کے لئے ہیں...بس اتنی سی بات یاد رکھ لیں کہ اس میں ”الحمد“ کے بعد ”الف“ نہیں ہے...بلکہ ”لام“ ہے...”الحمدللہ“... دراصل لفظ ”اللہ“ پر جو الف تھا وہ ”لام“ آنے کی وجہ سے چھپ گیا...اب اس ”الف“ کو لکھیں گے تو ترجمہ بہت غلط ہو جائے گا...وہ ترجمہ اتنا غلط ہے کہ اس کو لکھنا بھی مناسب معلوم نہیں ہوتا...اس لئے تاکیدی گزارش ہے کہ ”الحمدللہ“ لکھا کریں...اور ”الحمداللہ“ نہ لکھا کریں....دینی مدارس کی برکت دیکھیں کہ وہاں ”درجہ اولی“ میں ہی یہ قانون سکھا دیا جاتا ہے.......اللہ تعالی تمام صحیح دینی مدارس کی حفاظت فرمائیں...آمین...آج ١٧ محرم الحرام ١٤٤٦ھ کی تاریخ ہے...”حجامہ“ کی یاد دہانی ہے......

والسلام

خادم.....لااله الاالله محمد رسول الله